310a3 rgya gar skad du/ bod skad du/ ku ma ra dza sku mngon du dbyung ba che mchog 'jigs byed ngan sngags kyi rgyud ces bya ba/ 'jig rten thar byed la phyag 'tshal lo// 'di skad bdag gis thos pa'i
310a4 dus gcig na// ri ma la ya'i rtse mo gnam lcags kyi thog 'bab pa thod pa dmar nag gi gzhal yas khang na// sgrol ba'i ging dang/ 'dzin ging chen po yab cig sku mchog dmar po dang/ sring mo chen mo rtag tu
310a5 srog gcod pa la dga' ba'i e ka dza ti dang/bdud pho mo ming sring gi tshogs la la ni 'dzin ging byed/ la la ni sgrol ba'i ging byed// ma mo'i tshogs ni ro la dga' zhing dur khrod kyi sha za/ srog gcod pa la
310a6 dga' ba'i ma mo rnams dgra bo'i srog la dbang byed par bsgos so// de'i tshe de'i dus na ma mo e ka dza ti la 'dzin pa'i ging gnyis/ sgrol ba'i ging bco lngas bskor te// sgrol ging chen po hu ri ni dam tshig gi
310b1 ting 'dzin par bskos so// hU~M ti ka zhes bya ba ni gzhan gyi g.yul zlog par bskos so// pa ra ta ri zhes pa ni bdud gcod par bskos so// kun tu rgyu zhes bya ba ni srog gcod par bskos so// hu hu tse zhes bya ba
310b2 ni rku bar bskos so// pa sha ka zhes bya ba ni lha dang 'brel bar bskos so// du na pa li na zhes bya ba ni pho nya ru bskos so/ khu le lag dgu zhes pa ni gsod pa'i khram thogs su dbang bskur ro// 'gong po spun
310b3 bdun ni mgyogs byed las kyi ging bya bar bskos so// 'dzin ging gi kha blon pa ni ma mo dang lus dang grib ma bzhin gnas te skos rje drang dkar zhes bya'o// mo khros na pho bcos dgos te/ lug nag po lcags
310b4 ru 'am/yang na dkar po dung ru la dar sna tshogs kyis brgyan la mdos kyis bskang ngo// pho nan ltar khros na mo bcos dgos te// bya lug smug nag dang/ bam mtshan dang ldan pas bskang ngo// des ma skongs na
310b5 gsal ba'i dam rdzas dang// gu ru'i byang chub sems kyis bskang ngo// de nas thod pa dmar nag bdud pho mo ru bsgrub par bya'o// ngan sngags sku ma rA dza sku mngon du dbyung ba che mchog 'jigs byed ngan sngags
310b6 kyi rgyud las/gleng gzhi'i le'u ste skabs dang po'o//// de nas sbyin sreg gi le'u 'di gsungs so// dang po rtags rnams mo'i byung ba dang// pho la dgra rtags thon par bya// de yang dang po yungs kar
311a1 bsnun// de nas phur bu gnas bdun gdab// de nas ling ga me la bsreg par bya'o// de'i drag sngags yig 'bru bcu bdun pa 'di gsungs so// ging ka ra ging ka ra/ rag sha rag sha/ snying la
311a2 dral/srog la yaM yaM/ ma ma ra mo rag mo thum lings/ sro la yaM yaM dz+wa la raM/ ling ga cha gnyis bya ste/ pho ltor dang mo ltor du bsreg par bya'o// sngags ni pho rkyang la bzlas par bya'o// ma mo la 'bul ba'i dus su
311a3 mo'i sngags rnal drang ngo// pho ni 'di ji bzhin no// de nas gtor ma ni dgra ngos 'phangs nye bar skyel lo// 'dzin ging chen po yab cig sku mchog dmar po dang// 'khor gyi ging brgyad dang bcas pa la 'dis
311a4 bstod do// hU~M/ yab cig sku mchog dmar po ni// bzhugs ni nam mkha'i dkyil na bzhugs// dbu la gser gyi rgyan thod bcings// phyag ni thugs kyi dkyil nas 'byin// g.yu yi mche ba sngon po
311a5 gtsigs// phyag na g.yu gri sngon po bsnams// yas kyi mche gtsigs brang gi lheng rnar zug/ mas kyi mche gtsigs smin ma'i khugs su zug/ sku la zhing chen gsar rnying gsol// zas su pad+ma'i maM sa za// skom du
311a6 pad+ma'i rag ta thung// maM sa bzhi brgya'i khri la bzhugs// ma mo brgya yi dbus na 'gying// mkha' 'gro kun gyi gtso mo mdzad// 'phra men rnams kyi rdzong dang bcas// lha chen brgyad kyi mgo bcad nas// ban d+ha
311b1 brgyad ni rag tas brgyan// ru tra brgyad ni 'khrul cing gsol// de yi 'khor na ci phan na// mgyogs byed chen po srin po sha zhun can// mang ka la dang shang ka la// stag chas can dang gzig chas can// sngo nag
311b2 gzi chen dgra la cho// grags pa chen po dgra la cho// bdud 'dul chen po dgra la cho// cho cho shar nas chu kun cho// lho nas phod kun cho// nub nas drid rtsod dmar kun cho// byang nas nir kun cho/ mtshams su
311b3 ag ne cho/pa ne cho/ ram na cho/ dza la raM cho/ nya ti ba ti cho/ 'khar ti cho/ ha ti cho/ gtum po yaM yaM/ sgrol ging yaM yaM/ ma ru rtse las la yaM yaM/ du ya kri ti sa ma ya yaM yaM/ gring ka ra ging ka ra/ rag sha rag
311b4 sha/yag sha gri ba/ yag sha gri ba/ ha ha ru lu ha ha ru lu/ kar ma rag sha hring kar ma rag sha hring/ zhes bskul na las myur du byed par 'gyur ro// skabs gnyis pa'o//// de nas thod pa dmar po'i
311b5 bca' thabs 'di gsungs so// gtsang zhing dar ba'i thod pa la// gru gsum bdun ni thod mtha' bskor// ya rkan pho la mar rkan mo// gri mo'i snying chen gshags nas ni// pho mo'i 'khor lo ling ga bri// rgyus
311b6 chen btsems te thod pa'i kha// ma mo nyid dmigs zhal du btab// dbang bskur ling ga khar bcug gur phub e dbus bzhag/ 'brub khung bsregs pa'i ling ga ni// skos rje'i yi ge dgu pa'i skor// sngon dmar
312a1 skud pas gdab phur gnyis la gtod// de ni thod nag drung du bzhag/ de ni dgying dgu'i 'gying phur yin// gru gsum ling ga e dbus gdan// dbang bskur gru gsum logs la bzhag/ de
312a2 la thod pa bdun bdun bri// dur khrod mtshan ngan thod pa la// ling kun sol chen dme khrag sbyar// de yis nag por byug par bya// nyi shu rtsa lnga phas shar nas// gru gsum ling ga thod par gzhug/ ging dgu rbad
312a3 de gzer sngags nyungs kar bsnun// rtsa dgu'i nub mo phur gdab bsreg/ bco brgyad shar nas zhag bdun bsgrub// hU~M badzra mahA yag sha ma ru rtse hU~M ya/ oM badzra a pa ta lo ki te ya na mang sho hri sh+ti/ snying kha la
312a4 rag sha/ga du na ga du na/ e ge ni rbad/ tri kha rlangs ma ru tra/ hU~M tu thuM ru lu ru la ma hing b+h+yo/ de yi grub rtags shar ba ni// sho na mang po gso ba dang// skyes pa chas bzang po 'du ba'am// mtha' yi mi ru 'ong
312a5 zhing bsgo ba nyan/khra dang spyang khu srog chags gsod// rang gi bran khol las byed na// 'di dag bzang bar bshad pa yin// btsun pa mang po byung ba ni// mi 'grub 'khor la gzan pa yin// 'bad rtsol phyang
312a6 ste thugs dam bskul// de yang gsang mdos tsa ra dkar dmar dang// u pa dkar nag thugs dam bskang// dgra rtags rnams ni gzhan dang mthun// mo yi rtogs kyang de bzhin no// pho bsgrub pa'i
312b1 'thems// na mo rtags 'byung/ grub nas pho mo nyin mtshan bzlas// mnan pa thod pa nag po ru// rgya gram lam du srog sngags gnyis dang 'bril bar mnan// pho mo'i bar du ling ga 'brel bar mnan// rnal
312b2 'byor dam tshig ma nyams na// nges par myur du 'grub pa yin// gal te ma grub dam can des// dam tshig gnyis pa yin par na// rang phung brlag par gdon mi za// de phyir dam tshig gtso ru blangs// tshes
312b3 gcig shar nas bcu bdun par// bar chod bsal te ma mo 'grub// grub rtags gzhan gzhung kun dang mthun// skabs gsum pa'o//// de nas ging dgu gnad la dbab pa 'di gsungs
312b4 so// rabs chad thod pa tshan ngan la// srog sngags ring po bri bar bya// mtho gang gru bzhi'i stegs bu brtsigs// de stengs gsang phye las byas pa'i// 'dzin ging mthong gang gzugs brtsigs te/ srogs sngags
312b5 de bzhin snying kar gdags// ras sam shog bu'i 'phen bdun gdags// 'dzin ging 'og tu ging brgyad rang sngags gzhug/ ging ka ra pa ti ya/ tri yaM rag sha ya tri/ gur na tri dza/ paM tri/ sho na tri/ pa tra pa tra b+h+yo/
312b6 de nas byang shar mtshams su dong gru gsum brus la gzugs byang bcug la/ steng nas thod pas dgab bo// m-is mi rnyed par sbas la gzhag go/ skabs bzhi pa'o//// de nas ging pho dgu mo dang
313a1 bcu/spyi sgrub dang dgos sgrub gnyis su shes par bya'o// de yang spyi sgrub ni bsad pa zhal gyi sgrub thabs so// pho sgrub ni 'di ltar shes par bya'o// thod pa 'gal ma 'gal ma bral ba la kha so khrag
313a2 gis byugs la// nang du dgra'i ling ga gzhug/ gcan gzan gyi khrag gis dmar po byug/ byi khra'i snying dang spyang ku'i snying dang/ srin bya'i snying dang/ 'ug pa'i snying dang/ mi gri ru shi ba'i snying dang/ de rnams kyi
313a3 nang du gzer sngags bris te/phyogs bzhi ru snying gi nang du bcug la gdags so// spyi gtsug snying chen la mo sngags 'brel bar gdags so// de nas gsad pa'i las bya'o// tha mar dgra rtags byung nas mnan
313a4 pa'i las bya'o// de nas bdud cham la dbab pa'i drag sngags 'di gsungs so// kun tu rgyal ba zhes bya ba// bdud gcod pa'i ging/ 'chi ba thamad cad kyi bdud kyi bdud/ thams cad la gnod par sbyor bas/
313a5 bdud thams cad kyi srog kun las rgyal bas kun tu rgyal ba/ thams cad kyi srog dang mdangs 'phrog pas sngo nag/ gzi chen zhes bya ba de las tha mar// de srog gcod par bskul lo// de yi mtshang tshig drag
313a6 sngags bdun// rgyal po'i mtshon cha 'khor ba 'dra// skya rengs zer la gtor ma ni/ a mr-i ta dang chang du sbyar// drag sngags 'di bzlas bdag rgyal 'gyur// dgra rnams brlag par gnod mi za// zhes drag sngags
313b1 bdun pa 'di smras so// ging ka ra paM ti na dzi/ pa tra pa tra yaM traM dza/ yag sha yag sha srog la lha/ ma re yaM ti nri dza dza/ kro ta ni nri tro ta ni/ bdud ya ya khrag ti yaM ya/ gur tri lang tri yaM dza/ zhes rgyun du drang ngo// zhes
313b2 gsungs pa dang/ging rnams yi rang bar gyur to// ku ma ra che mchog 'jigs byed kyi rgyud las skabs lnga pa'o//// ku ma ra ngan sngags che mchog 'jigs byed kyi rgyud ces bya ba rdzogs
313b3 so///// bdag 'dra'i g.yar dam ngan sngags snying po dam pa 'di/ gu ru de ba tsan tra'i thugs mdzod las zhag bdun bar du gtan la phab// yig chung bsgrub yig dang bcas drags lung// dam
313b4 par mthong ste gtan la dbab// 'dzam gling dbus na shin tu dkon// gtad pa'i gnas med gter du sbas// skal mchog las rab cig dang 'phrad par shog/ gu ru 'phrul gyi gshog rgod rtsal dang// rdo rje yang
313b5 dbang gter gyis bsgyur zhing zhus te gtan la phab pa'o//// dmar po lcam dral gyi rgyud ces bya'o// spyir rgyud 'di dmar po lcam dral du sgrub pa'i rgyud yin te// thod pa dmar nag gsad pa zhal gyi dkyil
313b6 'khor gyi pho rgyud du yang 'gro ste/thod pa dmar nag gsad pa zhal gyi dkyil 'khor spa dro skyer chur sbas so// 'dir ma smos so// 'dir dmar po lcam dral gyi bsgrub thabs chung ngu 'di dang/ pho mo khros na bskang
lugs 'di ni gsal pa yin te/

CLOSE WINDOW