306a1 rgya gar skad du/ ba tharba nas zhag sam/ bod skad du/ shis bstan pa dpal srog gi 'khor lo'i sdom pa'i rgyud ces bya ba/ lha mchog mdzes pa'i sku la phyag 'tshal lo// 'di skad bdag gis thos
306a2 pa'i dus gcig na// lha mchog ya man ta ka la/ 'khor gyi ma mo rigs bzhis bskor ba ni/ gtso bo nyid de gnod sbyin tshul// gar byas sgeg pas rab tu brjid// dur khrod chas ni rab tu ldan// sku gsung thugs
306a3 sdan thams cad 'dus pa ma mo'i srog/rtsa ba'i 'khor lo bsdus te thams cad gsang ba'i gnas su bsgral// dug gsum ma spangs rang bzhin gnas su dag/ rnam shes 'chi med keng rus gzhal yas khang// sha
306a4 khrag ri ltar spungs nas gdan du bting// hU~M gi glu dbyangs phyogs bcur phaT kyis spros// hU~M dang dza yis thugs khar slar yang bsdus// byang chub sems kyi thig le 'od du gsal// g.yas su kun tu bzang mo
306a5 gsal// tshul dang cha byad bstan pa ni// dbu gsum phyag drug zhabs bzhi'o// g.yas g.yon dang po gnyis na ban d+ha dril bu 'bar// phyag bzhi shan pa bzhi rnams 'dzin// 'od 'bar gsal 'phro'i sbyor ba
306a6 las// ra ma trag dang rtsa bzhi spros// ra las sprul pa'i ma mo 'dus// thams cad 'dus pa'i ngo bo las// gnod sbyin chen po sku las ni// g.yon nas mgo dgu ral gcig 'khril// ma las dbyings kyi ma mo
306b1 'dus// thams cad 'dus pa'i rtse mo ste// mdun na e ka dza ti 'khyil// tsa las las byed ma mo thams cad 'dus// thams cad 'dus pa'i gtso mo ni// gdug byed nag mo gnam lugs zor ba gdong// de
306b2 bzhin du rgyab nas 'khyil te rab tu 'khod do// sku'i dkyil 'khor bskyed pa'i skabs te le'u dang po'o//// de nas ma mo rigs bzhi dam du bsdus te thugs dam la gnas par bya ba'i phyir// rdzas bza' zhing
306b3 shi sa bstan pa zhes bya ba 'di gsungs so// gnod sbyin stobs ldan nag po'i sku// zhal gcig phyag gnyis zhabs kyang gnyis// zhabs gnyis zhing chen bsnol ba'i gdan la bzhugs// zhal gyi 'bri gu gyen
306b4 du mdzes// mche ba bzhi ni bsnol mar gtsigs// sku la mthib ber nag po gsol// ral pa kham nag gyen du brdzes// sku stod zhing gi g.yang gzhis brgyan// sku smad chu srin g.yang gzhis klubs// lha srin sde
306b5 brgyad dbang du sdud pa'i phyir/khraM gyi ri mo bdun pa rnams// de dag thams cad dga' ba ston pa'i phyir// g.yon na ga'u'i phor pa bsnams// de yang thams cad mthun pa'i rdzas dang ldan par bsam// sbrul gyi
306b6 chun pos phyag zhabs gdug gur brgyan// thod pa skam rlon tshar gsum dbu yi rgyan// de yi sku la ma mo rnams// gsal bar bskyed te rdzas rnams btung// dang po gnod sbyin snying po 'di// dran pa tsam gyi ma
307a1 mo thams cad 'du// bran bzhin du ni rtag tu gnas// dper na mi rnams ston pa yis// rnam shes gzhan gyi dbang du 'gyur// ji ltar mthun pa'i dpe med pas// smon pa'i tha snyad btags pas
307a2 bden// rnal 'byor ma mo'i don rtogs pas// ma nor rtsa ba'i yi ge rnams// rtag tu rnal 'byor dran par bskyed// de yis dgos pa 'grub par nges// rgyud 'di'i don rnams rtogs pa dang// ma mo 'khu dang ldog
307a3 pa yang// bu gcig po la ma byams ltar// rtag tu rnal 'byor don spyod 'gyur// longs spyod nor rnams 'phel ba dang// tshe ring rgyud kyang 'phel bar 'gyur// dgu pa legs pa'i blo gros sa yang thob// bcu pa
307a4 don la 'jug par 'gyur// ru nyal nor pa med pa yis// srog snying tsam zhig zin pa des// ma mos rnal 'byor dbang du byas// rtog ge spyod pa'i sgyu ma mkhan// de yi 'di skad dgos zer byis pa dang 'dra bas
307a5 bslus// de nas srog chags kun bsad pas// tshe 'di dag tu lus mnar nas// 'bras bu ngan song gsum du gdon mi za// de phyir drag sngags khyad par 'dis// 'bras bu chud mi za zhing thams cad don kun
307a6 'grub// ces gnod sbyin gyi drag sngags 'dis// ma mo thams cad dbang du bsdu'o// oM 'bur khung tse 'bur/ rje'u 'bur/ mahA pad+ma byi ge mo// ma ma kro d+ha b+h+yo b+h+yo/ ma mo thams cad dbang du bsdu ba'i skabs te
307b1 le'u gnyis pa'o//// de nas dam tshig bsrung ba zhes bya ba 'di gsungs so// ma mo thams cad kyi dam tshig bstan pa/ rtsa ba sku gsungs thugs kyi dam tshig ni/ spyi'i grogs rdzas dang man ngag khyad par dang/
307b2 lta spyod so sor khyad par bstan// thams cad spyi rdzas 'di rnams so// tsa mo nya dang mchog chen me// myos byed glang dang rkang ma sbrul// shog med rta dang lkugs pa lug/ gcan gzan stag dang seng ge'o// 'dod
307b3 chags bya dang gti mug phag/tshe mo ra dang byi ba rnams// de rnams gsog pa so so'i sgrub rdzas yin// rdzas kyi khyad par mchog yin pas// dang du bla ba'i dam tshig go/ drag po'i rdzas rnams bstan pa ni// sna
307b4 tshogs dugu dang mngal khrag dang// sme ba'i skra dang rmig ba'i rkang rjes mtshan ma'o// lcags phye zang phye tsher ma'i shing// til nag bra 'o sran ma'o// rdo phye bi ga skye tshe shangs tshe dang// gu gul dkar nag dud pa'i
307b5 mtshon// rtsang dang nyungs kar phur pa rnams// drag po'i rjes su bstan pa yin// las kyi sbyor ka'i rdzas bstan pa// drag po'i sbyin sregs mnan pa dang// thun dang dbab pa gnyis yin te// gnyis ka la yang
307b6 sbyor ba ste// cha shas drag po'i rdzas la che// rdzas khyad par can btang ba dang dam tshig gi skabs te le'u ste gsum pa'o//// de nas man ngag khyad par can gyi dam tshig 'di gsungs so// ru nyal ma nor rtsa
308a1 ba'i sngags// de la bod yig lnga yi sel// ca cha ja zha za/ zhugs par gyur na rtsa ba'i dam tshig nyams// 'a ni kun la khyab pa yin// de bzhin srog gi snying po la// de lnga'i sel zhugs 'khor la
308a2 gzan// sku yi dam tshig nyams pa'o// yi ge 'khrul dang bla 'og nor// blang dor dag tu gyur pa ni// gsung gi dam tshig nyams pa'o// man ngag zab mo'i don ma rtogs// sbyor ba drag po'i 'khrul pas ni// de
308a3 dog med de dam tshig nyams// de phyir man ngag zab mo'i don// rgyud lung man ngag yig chung brtag/ ces man ngag khyad par can gyi dam tshig bstan pa'i skabs ste le'u bzhi pa'o//// de nas lta ba khyad par
308a4 can bstan pa 'di gsungs so// lta ba theg chen yang dag ni// som nyi med na kun gyis bgrod// theg pa'i don dang mi 'gal bar// mtshan med rtag tu thams cad 'du// snying rjes zin par rtogs bsgral
308a5 na// thabs mchog 'bras bu bla med don// bsgral zhes bya ba'i tha snyad med// lta ba de nyid dam tshig ste// thabs dang shes rab 'brel ba'i don// de nyid dam tshig yin par bshad// lta ba khyad par can gyi dam
308a6 tshig bstan pa'i skabs te le'u ste lnga pa'o//// de nas spyod pa'i khyad par bstan pa ni// ma dang sring mo byi mo la// brtson 'grus sbyor ba'i brtul zhugs dang// le lo btang snyoms mi byed
308b1 dang// gzhung dang mthun par lus kyi spyod pa byed// gzhi mthun ro la dga' ba'i spyod pa dang// gtsang sme med par dam rdzas lnga la spyod// rang gi bud med ma yin pa// gzhan du 'dod log spyod mi bya// spyod
308b2 pa'i dam tshig yin par bshad// gzhan dang mthun pa'i don spyod pas// de dang mthun phyir bla ma bkur// bla ma'i stan la mi 'dug grib la yang mi 'gom// phyogs cha can du shin tu gus// bla ma mi gnas 'og
308b3 ril tu// gang na 'dug pa'i sa phyogs su// yid kyis bskor byas ngag gis mtshon byas te// lus kyis gus byas shin tu phyag 'tshal lo// bla ma gnas pa'i sa phyogs su// skyil krung mi bca' 'phred nyal rdog
308b4 brkyang mi bya'o// mchil ma mi dor phyed krung 'dug/ spyod pa'i dam tshig yin par bshad// ces pas spyod pa'i khyad par bstan pa'i skabs te le'u drug pa'o//// de nas thebs ldog bstan
308b5 pa zhes bya ba 'di gsungs so// thebs la rnam pa gnyis yin te// ma nor brtsis na thebs pa yin// mtshan ma bstan na thebs pa yin// bzhi dang brgyad dang bcu gcig dang// bco lnga dang ni bco brgyad
308b6 dang// rtsa gnyis rtsa lnga rtsa dgu brtsis pa ni/ khyab 'jug rgyu ba'i dus brgyad do// gza' bdud rgyu dang gdong tshugs bya// shul nas thun ni brab par bya// de nyid kyis ni bya ba min// gtsor ni thun dang dbab pa
309a1 la// de bzhin shes par nga yis bshad// klu ru sprul nas rgyu ba la// chu mig las bya bar bshad// ma mo dang ni so so yi// ji ltar mthun pa bzhin du bya// tshes grangs dus tshod ma nor brtsi ba
309a2 gces// nyi ma shis par brtsi ba ni// grub pa sprel ni bsgrub pa'i dus// 'jig pa stag ni bsad pa'i dus// mi mthun phag ni mnan pa'i dus// mi 'phrog pa ni sbrul yin te// drag po'i sbyin sreg bya bar
309a3 bshad// gzhan yang dgra gshed brtsi pa gces// sbyor ba zab na las kha gces// ldog pa rnam pa gnyis yin te// dus tshod 'grus dang rlung gis ldog/ ces gsungs so// thebs sdog nag po bstan pa'i skabs
309a4 te le'u bdun pa'o//// dpal ya man ta ka gnod sbyin stobs ldan zhes bya ba// ya man ta ka khro bo 'bur khung nag por sprul pa zhes bya bas de skad bka' stsal pas// 'khor rnams yi rang par gyur to// shi
309a5 sa bstan pa dpal srog gi 'khor lo sdom pa'i rgyud ces bya ba rdzogs so//// bdag 'dra sangs rgyas ye shes kyis// 'gal ba chan la dbab pa dang// chos skor mi btsun rgyal khrims zhig pa'i tshe// skad
309a6 rigs mi gcig mtha' yi rgya gar rnams// rgyal ba'i bka' la dri ma med pa yi// bdud rtsi'am ni yid bzhin nor bu 'dra// bstan nas ngan spyad byas na snyan dngags dang// yid la byung nas yi ger bris pa
309b1 de// bod kyi gser 'dod phyir na zong du byas// skad rigs mi mthun mtha' yi rgya gar rnams// phu chu brug gam lho yi bya bran bzhin// bod kyi rgyal khams khengs te mang po 'byung// rgya gar bod kyi dge slong
309b2 yang// rgyal ba'i bka' ni dri ma med pa'i chos// tshong sna byed pa'i lo tsa ba rnams kyang// sa dang pha rol phyin la blo ma 'byongs// chos skad mi shes don sgra mi 'gyur// 'phral skad tsam cig shes pas lo tsa
309b3 byas// tshong 'dus 'o ma bzhin du dam chos bslad// gnubs ban 'khyam po bdag 'dra de la yid ma ches// rgyal khrims nyams shing bod kyi sbyin dam nyams// mi bde log lta'i ngag lus sna tshogs
309b4 kyang// gsang sngags 'chol par spyod pa'i skyon las byung// de phyir ban chung sangs rgyas ye shes bdag/ rnyed par dka' ba'i lus srog 'di ma phangs// rgya dang bal po'i yul du dka' ba lan spyad// bdag
309b5 gis mkhas pa bcu gsum zhal mthong ste// skad sna bdun dang mi 'gal gdam ngag gnyis// lus ngag yid gsum sgo nas dad pas bsgyur ba 'di// rgyal ba'i bka' 'dzin byed pa'i snod med pas// lan cig
309b6 sa yi gter du mchis// skal mchog yang rab cig dang 'phrad par smon// 'di dpal ya man ta ka gnod sbyin stobs ldan 'bur khung nag por sprul pa'i sgrub thabs yin te// 'di la brten pa'i sgrub thabs ltar
310a1 byas na// ma mo thams cad dbang med du bran du 'khol bar 'gyur ro// 'di la le'u brgyad yod pa la// g+hu rus le'u bdun pa srid pa 'khor lo'i le'u chu dun cig gud du byas gda' ste/ le'u
310a2 bdun pa gud du byas te/rgyud 'di'i le'u bdun par gda' 'o/ kho bos kyang ma sbyar bar gud du bris pa'o// ma mo tsam sgrub pa la phan/ khyad par sngags gsungs la phan no// cha rkyen no/


CLOSE WINDOW