299b2 gtad cing rjes su yi rang ba'i le'u ste bdun pa'o/// dpal lha mo srog gzer ma'i rgyud rdzogs so//// rgya gar skad du/ e truM ka la rag sh+mo kro d+ha tan+t+ra/
299b3 bod skad du/ srog tig nag mo srin mo khros pa'i rgyud/ dpal gshin rje gshed la phyag 'tshal lo// 'di skad bdag gis thos pa'i dus gcig na// dur khrod chen po khrag gi rba klong 'khyil ba'i rag ta rgya mtsho
299b4 gting 'khol zhes bya ba 'jig rten srin mo 'dul zhing 'khrugs pa'i dbus na/dpal khro mchog ya man ta ka snang srid ma mo dbang du sdud pa'i ting nge 'dzin la rngam par bzhugs te/ e ya ma sa ma ya ma ma rag
299b5 mo srog la dun dun dza dza dza/badzra kar ma rag sha du tri hri tri/ zhes rngam par bsgrags pas/ 'jig rten ma mo thams cad kyang rab tu snying zags te/ bya skyung kha lhags pa ltar gyur to// dbyings dang ye shes las
299b6 gyur pa dang/srid pa sman mo la sogs pa thams cad dpal ya man ta ka'i 'khor na nye bar 'dun to// de'i tshe srid pa'i ma mo stong rtsa brgyad kyi nang na mthu byin che ba/ 'phrin las thams cad kyi bdag po
300a1 sprul pas 'jig rten rlag par byed pa/srin mo re ma ti dang/ srin mo nag mo tshe 'phrog ma dang/ srin mo nag mo bla 'gugs ma dang/ srin mo nag mo srog len ma dang/ srin mo nag mo snying 'phrog
300a2 ma dang/bdud gsod byed nag po dang/ rgyal po g.yu 'phreng smyo byed dang/ ging gsang ba pho log gi bdag po dang/ srog bdag gshan pa dmar po dang/ srid gsum srin mo 'khrugs pa'i tshogs dang/ rdo rje ging
300a3 ka ra'i tshogs dang/thams cad nyid gtso bo la mngon par 'dud do// de'i tshe de'i dus na 'khor de dag gi nang nas dpal lha mo re ma ti langs te/ dpal chen po la 'di skad ces gsol to// kye/ rab tu mi
300a4 bzad 'jigs pa'i gzugs// gzi brjid 'bar ba dbang bsdus la// srin mo 'dus pa'i dmod gzir rgyas par mdzod// ces gsol pas/ de yang dpal chen pos 'di skad ces gsungs so// 'phrin las
300a5 bdag mo re ma ti// rnal 'byor can gyi don du zhus pa legs// srin mo khros pa'i dmod pa gsang ba'i gzer// phyi dang nang dang gsang ba dang// ma grub spogs pa shi sa dang// lo thog gzhom pa la sogs
300a6 pa'i// las kyi rim pa ngas bshad kyis// bde byed lha mo yid la zung// zhes gsungs so// srog tig nag mo srin mo khros pa'i rgyud las/ gleng gzhi'i le'u ste dang po'o//// de nas dpal gshin rje gshed
300b1 pos srog tig nag mo bsgrub thabs 'di gsungs so// dur khrod chen po gsar rnying gling// brag nag spungs pa'i sa phyogs su// phung sa dag la sogs pa yi// maN+Dal mda' gang khrag gis byugs// dbus kyi pho
300b2 brang zlum po la// 'khor lo rtsibs bzhi rab tu mdzes// thod 'phreng skam rlon tshogs kyis bskor// sgo bzhi lcags ri me 'od 'bar// srin mo nyid dang las byed bzhi// sgrol ging bzhi yi rten rdzas dgram// rang
300b3 sngags sham bu a mu ka/rtsa rgyud chod cig brjod cing dgod// rgyal mtshan bzhi dang keng rus dgram// dpal dang ma mo'i b+ha liM dang// mthun rdzas dag kyang tshang bar dgram// de nas bdag nyid lus srang
300b4 la// skye med rnam dag byang chub sems// stong pa chen po'i rol ba cir yang snang// snang tsam nyid nas snang ba'i dngos dang bral// mtha' dbus med cing phyogs cha kun bral bsgom// rdzogs pa chen po'i ngang
300b5 las ma g.yos kyang// log rtog ma rtogs sems can thams cad kun// bde chen klong du bsgral ba'i thig ler bsgom// ma rtogs sems can nyon mongs 'khrul pa kun// bde chen 'od kyi pho brang 'od kyi ga
300b6 bur bsgral// 'od 'dus yi ge hU~M du bsgom par bya// hU~M las 'bru lnga yum lnga'i klong du dag/ dur khrod gzhal yas lhun gyis grub pa'i dbus// lha chen dregs pa'i gdan la nga nyid rdzogs// dbu gsum phyag drug
301a1 zhabs drug bgrad// mdun du ma las ra zhes brjod pa las// dug mtsho nang du mi ro rta ro bkram// dre mo kham nag zhon nas tshub ma'i dbus// gtso la 'dzum pa'i mdangs kyis rab tu blta// srin
301a2 mo bzhi dang sgrol ging chen po bzhi// 'bum sde bsdus pa'i tshogs rnams gnas su 'khod// ye shes las kyi dkyil 'khor spyan drangs mchod// oM ya man ta ka sa ya dza hU~M a/ badzra karma rag sha du tri hri hri dza dza/ a
301a3 ti pu ho/pra ti dzA ho/ shi ya man ta pu tsa kha hi/ i dan d+hu pa/ puSh+pas/ di pa/ g+han d+ha/ ma hA pany+tsa a mr-i ta khA hi/ rag sha ru ti tsit+ta khA hi/ i ran b+ha liM kha kha khA hi khA hi/ de nas bdag nyid gsal ba dang/ lha
301a4 mo'i thugs kar sur+ya'i dkyil 'khor ma dang bcas pa'i srog snying bsam/badzra karma rag sha du tri hri hri hri dza dza/ mu tig ltar la rgyus bzhin bzlas// zhag gsum dag nas bdun dgu yis// mtshan rtags ston
301a5 par 'gyur ba yin// rtags de byung nas dngos grub blang// dam rdzas tshogs kyis thugs dam bskang// zhes gsungs so// srog tig nag mo khros pa'i rgyud las bsgrub thabs kyi le'u ste gnyis pa'o//// de
301a6 nas bcom ldan 'das kyis mchod cing thugs dam bskul ba 'di gsungs so// skyes pa dar ma'i thod pa ru// spa ra ma ti rag ta snying// ling ling su tra sa ma snying// ku ku rag ta ya pa na dag/ mchod cing thugs
301b1 dam gnad nas bskul// hU~M/ sngo nag ma mo mi srun ma// bdud 'dul nag mo ral pa can// ral pa khrag dang phur bus brgyan// sku la stag dang re lde gsol// chibs su dre'u kham nag chibs// nag mo dus
301b2 mtha' rtul byed ma// spa ra ma ti rag ta snying// ku ku rag ta su pa na dag/ nag mo mi bsrun mchod pa bzhes/ rag ta ru tri tsit+ta kha hi/ rag+ta sbreng ste mchod pa dbul// las la drag tu rbad pa'i tshe/ hU~M/ bdud
301b3 dpung nag po'i dkyil 'khor nas// ya mtshan ma mo sku mdog nag/ bong dre kha nag chibs su chibs// sku la mi lpags rlon pa gsol// stag dang re lde'i sham thabs byas// dbu rgyan lcang lo phru lu lu// ral pa
301b4 mun nag thibs se thibs// ya so ma so'i bar bar na// rag ta'i chu rgyun zhams se zhams// zhing chen gyi dpal dar sha ra ra// sbrul nag chun po nyil li li// thod pa'i 'phreng ba khra la la// keng rus mche ba
301b5 gtsigs se gtsigs/khrag dang chu ser zu lu lu// dre mo'i chibs ni stong khams rgyug khyod kyi 'khor ni nag mo mi bsgrangs ma// nag mo 'bum sde bcas pa sprul bar 'gyed/ kha nas me 'bar shin tu nag/ mig
301b6 nas khrag 'dzag rab tu khros// nag mo me thogs sha ra ra// mi rkang gling bu skyu ru ru// ban d+ha ltag sprod de ri ri// bdag gis bcol pa'i las rnams grub par mdzod// srin mo chen mo bzhi dag dang// sgrol ging
302a1 chen po bzhi yang bskul// srog tig nag mo srin mo khros pa'i rgyud las/ thugs dam bskul ba'i le'u ste gsum pa'o//// de nas bcom ldan 'das kyis ru tra sgrol byed srin mo'i dmod pa 'di
302a2 gsungs so// dur khrod sa la byas pa yi// dbus su gru gsum sbags ma brtsigs// gru chad sgo dang ldan par bya/ kha khyer rtsang gis bskor bar bya// nang du rgya sol dug khrag byug/ gru gsum nang du ma ra
302a3 gnan// b+ha hu yungs kar thod rtsal khrag/ lum zhing thal ba yungs nag lho// dug dang smre khrag lan tshar sbyar// cha cha nas ni gung la brdeg/ ha la nag mo mi bsrun mi// mig gsum gdong la khrag gis
302a4 bskus// tri shul ban dmar phyag na bsnams// mche ba gtsigs shing srog snying 'byin// rdzas la bsngags shing ngar blud la// srin mo bzhi dag sgrol ging bzhi// dmigs pa'i rtsa dang srog gcad nas// sha khrag
302a5 srog la gtong bar bsam// drag sngags nyi shu ming dang bcas// 'bru bzhis gcod cing sgrol bar byed// ming bcas 'bru brgyad zor du 'phang// 'bru bzhi mnan cing las mtha' brtul// drag po phyi yi las su
302a6 bshad// bsnol dri'i thod par 'khor lo bri// gsang thun brgyad po rim pas dgod// 'brub khung nang du ling ga gzhug/ rabs chad mgo'am glang ru ru// thun rdzas btsal te brab par brtsam// nyi shu ming
302b1 btags nyin par brab// thun sngags dgu pas mtshan mo brab// zor 'phang gnas pas las mtha' brtul// drag po nang gi lugs su bshad// dur khrod ras sam rgya shog la// snying gzer dgu pa'i 'khor lo
302b2 bri// rog po lte kar dmigs pa la/ khram byang bcu gsum gdags par bya// snying gzer dgu pa'i 'khor lo bskor// thun sngags dgu pa yis zor thun dbab// nyi shu ming btags phur pas gdab// ra bsgral
302b3 tsit+ta ling ga gzhug/'khor lo gtums te gdan khram bya// drag po gsang ba'i las su bshad// 'khor lo drag po'i snying gzer dgu// ra rog khram byang dang bcas la// ming po'i sngags dang snying gzer dgu// lto
302b4 sngags spu gri nag po ni// yang gsang thugs kyi las su bshad// rtsibs brgyad 'khor lo lte 'og bcas// drag po'i gzer sngags phyi nang dgod// srin mo nag mo'i lto bar dkrug/ drag po spogs ba'i las su
302b5 bshad// ces gsungs so// srog tig nag mo khros pa'i rgyud las/ drag po 'phrin las kyi le'u ste bzhi pa'o//// de nas bcom ldan 'das kyis srin mo khros pa'i drag sngags 'di gsungs so// rtsa ba las dang
302b6 bcas pa yi// yid bzhin 'phreng ba 'di lta bu// thugs kyi klong nas bka' stsal pa// badzra kar ma rag sha du ti hri hri dza dza/ dgra bo'i srog la thum ri li li b+h+yo/ hal hal yaM yaM/ khaM rbad subs mugs snying paM rbad/
303a1 khraM ha ri baM hur tri trag thums/ ra tri khaM dgra bo'i srog ma ra ya rbad/ badzra ka ru na rbad/ snying khrag tshal pa rbad/ srog la hur thums rbad/ myogs mugs tsit+ta rbad/ stubs tsit+ta la rbad/ tshal bu si na
303a2 si du rbad/dgra bo'i srog la hur thum rbad/ rtsa la thang thang ro// myags rbad/ dgra bo'i srog la ma ra ya rbad/ de dag gnang gi sngags te/ thod pa 'khor lo de la brdeg/ trag shig ha la yaM dgra bo tsit+ta
303a3 gzer thums rbad/rag mo kha lo paM ril dgra bo'i tsit+ta gzer thums rbad/ rag mo tsit+ta breng shag dgra bo'i tsit+ta gzer thums rbad/ rag mo dun ti dgra bo'i tsit+ta gzer thums rbad/ rag mo rtsa tha srog la breng
303a4 shag dgra bo'i tsit+ta gzer thums rbad/thibs khaM shag dun dgra bo'i tsit+t-i gzer thums rbad/ hri pa tsa shu la yaM dgra bo'i tsit+ti gzir thums rbad/ tri ling baM rim dgra bo'i tsit+ti gzer thums rbad/ ra tri khaM tsit+ta shag
303a5 dgra bo'i tsit+ta gzer thums rbad/dgra bo'i srog thun myogs b+h+yo/ srog stam b+ha ya nan/ badzra kar ma rag sha du tri hri hri ma srog la breng breng hur thum dza dza/ ya ma sa ma ya ma ma rag mo srog la dun dun dza dza dza/ ya
303a6 ma kro d+ha rag mo ma ma trig nan/gsang ba snying gzer gnad kyi sngags// 'di dag 'khor lo dkrug pa'o// ra tri khraM dgra bo'i srog la rbad// trag thums dgra bo'i srog la rbad// hur tri dgra bo'i srog la rbad/ khaM ha
303b1 ri baM dgra bo'i srog la rbad// snying baM dgra bo'i srog la rbad// rmugs dgra bo'i srog la rbad// subs dgra bo'i srog la rbad/ khaM dgra bo'i srog la rbad// yaM yaM hal hal dgra bo'i srog la ma ra ya rbad// srog
303b2 tig nag mo gsang ba'i sngags// dug gi spu gri gdug pa'i mda'// srin mo khros pa'i yang snying ste// lha srin yongs kyi grong khyer yin// ces gsungs so// srog tig nag mo khros pa'i rgyud las/ drag po sngags kyi
303b3 le'u ste lnga pa'o//// de nas bcom ldan 'das kyis chu 'khyags khrag tu dbab pa'i las 'di gsungs so// rabs chad thod par rdzas sgrubs la// dkyil 'khor gru gsum dag tu dgod// drag po dkrugs pa'i
303b4 sngags kyang bri/b+ha hu dug ltuM bu dang/ ra khyi ma'i rag ta dang/ 'bru sna lnga sngo sna thar bar sbyar/ bsnyen bsgrub rdzogs par thun dgongs la// rta gzhug zor gyis dbab par bya// hal hal yaM yaM khaM rbad/ subs
303b5 mugs snying baM rbad/khaM ha ri baM rbad/ baM ha ri trag thums rbad// ra tri khaM ma ra ya kar phrom du hril/ sa dung du phob/ dmar phroM du hril/ lo dur du phob/ seng dur du phob/ rkyang dur du phob tro la tro ma yaM la/ thun
303b6 b+h+yo thun b+h+yo/nag mo nag mo// thog mda' can b+h+yo/ badzra a si byi ru b+h+yo dza/ pa na b+h+yo b+h+yo mi myur su myur/ cem cem sa ma ya b+h+yo/ nag mon nag mo thog mda' can/ b+h+yo/ srog tig nag mo srin mo khros pa'i rgyud las/
304a1 chu 'khyag dbab pa'i le'u ste drug pa'o//// de nas bcom ldan 'das kyis sgrub pa rtags kyi le'u 'di gsungs so// gang zag dam tshig rab 'bring gis// mtshan ma rnam pa gsum du
304a2 'byung// nag mo khro gnyer ral pa can// bzhin mi sdug la so tham byed// dkyil 'khor dbus su me 'bar dang// rlung ser tshub ma thog ser 'byung// de byung dngos grub blang par bya// mi 'dod byung nas las la
304a3 sbyar// grub rtags zhan na las rnams spogs// tshe ldog byed na mnan la dbab// las mjug sngags rnams mas bzlog bzlas// de yis las rnams grub par 'gyur// ra g.yas gsad dang ri dgas shor// bla
304a4 shing gcad dang mkhar bshig na// dgra bo'i kha thum 'gum par 'gyur// dam rdzas tshogs kyis gtang rag gtang// srog tig nag mo'i srin mo khros pa'i rgyud las/ grub rtags kyi le'u ste bdun pa'o//// de
304a5 nas bcom ldan 'das kyis ming po srin po nag po'i drag sngags 'di gsungs so// maN+Dal 'brub khung gru gsum du// rgyu rten drug gi ling ga gzhug/ rtsibs bdun bdud kyi lto bar bri// ro ras shing shun dag
304a6 la'o// nag po ka li ba la b+ha shos// gri mda' mdung la sogs pa ni// ling ga dag la gdab par bya// ra rog dag la khram byang gdags// nag po bdud kyi drag sngags dang// snying gzer dgu pa nyid mtshan
304b1 bsnol// ga ro ni sha na shag rbad// tsa ra pa sha na shag rbad// mug ga du na shag rbad// dza la pa tra na shag rbad/ 'du na bu ti na shag rbad/ ram di pu ga na shag rbad/ wa ga sha ling na shag rbad/ hril du rbad/ sa du
304b2 ra rbad/ra shi shi rbad/ ki ki rbad/ tri ling rbad/ tsa shu rbad/ srog gsol srog long/ ga ta a mo ga rbad/ drag sngags brabs shing rab sgral la// ra snying dag la gnan pa bya/ khra ni dgra la zor du 'phang// las
304b3 kyi thus ka gsang bar bshad// srog tig nag mo srin mo khros pa'i rgyud las/ ming po bdud dang sbrel ba'i le'u ste brgyad pa'o//// de nas bcom ldan 'das kyis 'di skad ces gsungs so// phyi rabs rnal
304b4 'byor chen po dag/nga yis ngan sngags 'di spyod na// rgyud lung spyi yi dbang rnams blangs/ khyad par ma mo'i dbang yang blang// bla ma bka' brgyud ma chad pa'i/ khyad par byin rlabs yod pa las// mnyes pa'i
304b5 yon phul dbang yang nod// rag ta'i bum pas dbang yang bskur// ma mo bsgrubs shig lung yang byin// bkra shis dbang du tshe dbang bskur// bsgrub rdzas 'tshogs par dbang bskur na// ci 'dod rdzas la rol
304b6 par 'gyur// 'phrin las drag po'i dbang bskur na// thogs med las la 'byams par 'gyur// slob dpon ma mo sbyar byas te// byang sems dbang bskur ci smras nyan// ma mo bu la gtad pa na// ma mo nyid dang
305a1 dbyer med 'gyur// dbang thob bu des sdom pa srun// bla ma pha ma rtag tu bkur// rdo rje spun rnams byams pas gdung// lus kyi chas dgu ral nag gyon// sngags dang phyag rgya rgyun mig
305a2 gcad// rnam par mi rtog chod nyid la// rtag tu ma yengs yid la bya// yi dam ma mi gtan mo gsang/ rtsa ba yan lag nyi shu lnga// gsang sngags spyi las grags pas bsrung// srog tig nag mo srin mo khros pa'i
305a3 rgyud las/dam tshig dbang gi le'u ste dgu pa'o//// de nas bcom ldan 'das kyis/ dpal lha mo re ma ti la 'di skad gsungs so// nyon cig lha mo re ma ti// ma mo rang bzhin shes par gyis// ma ni skye ba
305a4 med pa'i dbyings// thams cad 'byung ba'i mdzod chen mo// thams cad 'byung bas mkha' klong yang// ma bcos lhun gyis rdzogs pa nas// ma skyes mkha' rtsol sems dang bral// ma ni dag pa chen po'i
305a5 gnas// mo ni 'gag med ye shes te// 'phrin las ma btsam chos nyid rol pa'i brgyan/ ji ltar sprul kyang ma las g.yos pa med// ji ltar sna tshogs stong pa nyid la rol// skye 'gag med pa'i klong du mya ngan
305a6 'das// ma ni sna tshogs snang ba'i rol par snang// snang tsam nyid na snang ba'i dngos po med// ma ni stong pa chen po'i ngo bor gnas// stong pa nyid na stong stong blo las grol// ma ni rang bzhin bdal ba chen por
305b1 gnas// rig pa nyid na rig pa'i ngo bo med// rtag chad mtha' las grol te ye shes la// dus gsum sangs rgyas kun las bgres par gnas// des na thams cad ma mo nyid las 'byung// nyon cig srin mo
305b2 'phrul gyi bka' rgyud 'di// lta spyod dkyil 'khor dbang dang ni// dam tshig 'phrin las sna tshogs 'brel ba'i rgyud// drag sngags dug dang mtshon tsha dam pa 'di// sangs rgyas bstan pa gnas phyir khyed la
305b3 gtad// ces gsungs so// srog tig nag mo srin mo khros pa'i rgyud las/ 'khor la rgyud gtad pa'i le'u ste bcu pa'o//// de nas lha mo re ma ti dang/ 'khor srin mo dang/ ging dang/ bdud dang/ srog
305b4 bdag dang/lha dang/ mkha' 'gro ma rnams kyis rjes su yi rang ste bstod pa/ e ma thams cad sku gsung thugs kyi bdag nyid can/ zung ngu'i rtsa ba mi mnga' yon tan ldan// mi zad rgyan gyi 'khor lo thags la
305b5 gnas// sangs rgyas kun gyi spyi gtsug rdo rje 'chang/ khro rgyal gshin rje gshed la phyag 'tshal bstod// srog tig nag mo srin mo khros pa'i rgyud las/ bstod pa'i le'u ste bcu gcig pa'o//// dpal lha mo ma
305b6 mo'i srog tig nag mo khros pa'i rgyud ces bya ba rdzogs so/a+thi+-i/ rgya rgya rgya/ rgya rgya rgya////


CLOSE WINDOW