297a1 / rgya gar skad du/ shri ma hA kA li de bi b+h+yo tan+t+ra nA ma/ bod skad du/ dpal lha mo nag mo srog rtsa dmar po gzer ba'i rgyud ces bya ba/ dpal phyag na rdo rje la phyag 'tshal lo// 'di skad bdag
297a2 gis thos pa'i dus gcig na/bcom ldan 'das dpal phyag na rdo rje hU~M mdzad chen po/ dur khrod chen po bsil ba'i tshal na bzhugs te/ de nyid du dpal lha mo nag mo 'khor bdud mo bye ba 'bum dang bcas pa
297a3 'dus nas/dpal phyag na rdo rje la/ lha mo nag mos 'di skad ces gsol to// kye bcom ldan 'gro mgon rdo rje 'dzin// bdag cag bdud mo 'khor tshogs kyi// zas dang skom ni gang la bya// las dang skal ni gang
297a4 gang bya// bsnyen cing bsgrub pa ji ltar bgyi// thun dang zor dang sbyin sreg dang// mnan pa'i las ni ji ltar bgyi// srog gi snying po ji ltar drang// rdo rje 'dzin la bdag nyan 'tshal// rdo rje 'dzin pas bka'
297a5 stsal pa// nyon dang bdud mo 'khor tshogs rnams/ khyed kyi zas dang skom du ni// mi dbang gri rgod sha snying khrag/ khyed kyi zas dang skom du byos// khyed kyi las dang skal du ni// sangs rgyas bstan pa bsrung pa
297a6 dang// bstan pa 'jig pa'i dgra bo la// bsad cing bsgral ba nyid du byos// dpal ldan lha mo srog rtsa dmar po gzer ba'i rgyud las/ gleng bzhi'i le'u ste dang po'o//// hU~M mdzad chen pos bka'
297b1 stsal pa// nyon cig lha mo nag mo khyed/ khyed kyi bsnyen par bsgrub pa ni// bshad kyi legs par yid la zung// bdag nyid hU~M mdzad chen po yi// ting 'dzin gsal bar bsgoms nas su// mdun du b+h+ruM las thod
297b2 pa yi// gzhal yas khang bsam dbus su ni// g+ha ta pa hU~M zhes brjod pas// gdan mchog bong bu bsam par bya// de stengs lha mo nag mo ni// nag mo rngam pa'i ral pa can// ral gri thod khrag phyag
297b3 na thogs// dur khrod rgyan dang ldan pa yi// sa bon b+h+yo las b+h+yo 'phros pas// bdud mo 'bum gyi 'khor gyis bskor// me rlung 'tshub ma'i pho brang du// bsgoms te thod rlon phyag rgya yis// gtor ma byin nas gang
297b4 bsgo byed// dpal lha mo nag mo srog rtsa dmar mo gzer ba'i rgyud las/ bsnyen cing bsgrub pa'i le'u ste gnyis pa'o//// yang ni bshad kyis lha mo nyon// sngags zhes bya ba srog yin te// ma mo rang dbang med
297b5 par 'gug/oM mahA ka li re ma ti/ ma ma ru lu rag sha re ma ti/ ru lu ru lu b+h+yo dza dza/ oM ru ru tsar tur a shug me/ pra ti ru tra kha shag rag mo hU~M/ rag sha tsit+ta sa ma ya ku ru kha tsit+ta nan/ oM ru ru be ro ru hU~M/ ti sta
297b6 ba to si rag mo snying la kha rag mo thun b+h+yo dza dza/ru lu re ma ti sa ma ya pra ma ha sti pra rag mo ru lu b+h+yo dza dza/ kha rag ti kim ma dza dza/ kha le thun b+h+yo/ thun ma ma b+h+yo/ hU~M rag mo ni rag sha ku ru thun rbad rag mo ar+Ya
298a1 dza dza/ti kim kha le b+h+yo b+h+yo/ sa ma ya che ge mo ma ra ya hU~M phaT/ bod rbad bsad pa thun dang bzhi// gcig tu dril nas bstan pa'o// dpal lha mo srog rtsa dmar po gzer ba'i rgyud las/ sngags
298a2 bstan pa'i le'u ste gsum pa'o//// de nas lha mo nag mo yis// thun gyi man ngag gsang ba bstan// gru gsum bsad pa'i dkyil 'khor la// rtsang dang phur bu srin mo 'gros// nal phrug sha yi bstan gtor
298a3 dang// chur shi srin lag g.yab mo bya// g.yag ru lkugs par ling ga gzhug/ rang nyid bdud mo nag mor bsgom// bsgrub bya srog rtsa drangs la gzung// bsgrub bya gsal bar dmigs nas su// rlung spros lha mo
298a4 nag mo ste// g.yas kyi gri gug srog rtsa sgral nas gcod// g.yon gyi thod khrag sems kyi mar mo bsad// bdud rtsi hU~M gi ngo bo 'phrog par byed// 'bud pa'i rlung gis mar mo skad kyis bsad// grang ba'i rlung
298a5 gis thig le rtsa nas 'dren// drug cu rtsa gcig thun gyis dmigs bya bsad// gtor ma che na dngos grub chung// de bas nal sha la sogs pa'i// gtor ma dag la nan tan bskyed// gzhan yang dam tshig bshad
298a6 par bya// yugs sa dag la mi 'bag cing// mgar ba dag dang tshang mi bsre// nal bu nal ma'i mtshang mi 'bru// me mi gsang la rlung mi smad// bong bu mi brdeg lha mo yi// dam tshig 'di la nan tan bskyed// de
298b1 ltar byas na rtags 'byung ste// rtags kyi man ngag bshad par bya// rab ni sku ston dngos grub sna tshogs ster// 'bring ni 'od dang sgra dang tshub ma 'ong// tha ma rmi lam dag tu ni// bud med brgyan dang ldan pa
298b2 yi// bdag la bkur sti byed pa'o// ling ga 'tsheg na bsgrub bya khugs// bsgrub bya sha bshus bshas byed dang// sha dang rgyu ma za ba dang// skyug bro la sogs byung gyur na// bsgrub bya gsod par the tshom
298b3 med// gal te de ltar ma byung na// ma mo dbang du ma 'dus pas// shi sa bstan pa'i las bshad do// ma mo'i spyi bo'i steng du ni// phyag na rdo rje bsam pa yis// spyi bor mnan nas gzir bsams la// sngags
298b4 'di bdun nam nyi shu gcig/oM badzra tsaN+Da ma hA ro Sha na// ma hA ka li re ma ti nan// ces brjod pas/ lha mo bdag gi dbang du 'gyur// bran bzhin ci sgo las rnams byed// dpal lha mo srog rtsa dmar po gzer
298b5 ba'i rgyud las/bsad pa thun gyi las dang/ rtags dang/ dam tshig bstan pa'i le'u ste bzhi pa'o//// de nas yang ni bshad par bya// bdud mo srog gi gzer chung gi/ bsgrub bya bsad pa zor gyi rim pa
298b6 bshad par bya// thun khung byang shar zur la ni// ltas ngan sre mo'i sgo nga'i nang du// rims khrag dug rnams blug par bya// shar lho zur la gri thod du// gri khrag dug sna tshogs tshad blug/ nub byang zur la phag thod
299a1 du// mdze khrag ram bu dug rnams blug/ rang nyid ma mor gnas pa yis// spos dkar la sogs thun rdzas la// bod rbad bsad pa'i thun sngags kyis// rim pa bzhin du brab par bya// zor la me
299a2 'bar thon pa dang// bdud chos zhugs la ma mor bsgom// byang ri mthon po'i khar song la// ma mo bsgoms la zor du 'phang// bsgrub bya rlag par the tshom med// dpal lha mo nag mo srog rtsa dmar po gzer
299a3 ba'i rgyud las/bsad pa zor gyi le'u ste lnga pa'o//// de nas yang dag bshad bya ba// las rnams me yis 'grub pa ste// sbyin sreg cho ga 'di ltar bya// thab tu gdug pa'i shing rdzas la// rigs ngan khyim du
299a4 me sbar la// dbus su lha mo dpon g.yog bsam// nal sha ling ga bcas pas bsreg/ ag ne ye kro d+ha dz+wa la raM raM che ge mo ma ra ya phaT/ de yis brgya byin 'chi bar bstan// mjug sdud mnan pa'i las bshad
299a5 de// ling ga g.yag ru rtse rgyal bcug/ rgya gram gnyan sa gang rung du// legs par mnan pa'i las byas nas// bskal par thar dus med do// dpal lha mo srog rtsa dmar po gzer ba'i rgyud las/ sbyin sreg dang
299a6 mnan pa'i le'u ste drug pa'o//// de nas ston pas bka' stsal pa// nga yi gsang ba'i rgyud chen 'di// bdud mo 'khor tshogs khyed la gtad// bstan pa bsrung ba'i mtshon cha yin// gzhan du bstan par ma
299b1 gsungs so// de skad ces bka' stsal pas// dpal lha mo 'khor dang bcas pa dga' zhing mgu nas/ bcom ldan 'das rdo rje 'dzin pas gsungs pa la mngon par bstod do// dpal lha mo sro rtsa dmar po gzer
ba'i rgyud las/

CLOSE WINDOW