295a3 'bring gis bris/ sa ma yA/ kha thaM/ gter rgya/ sbas rgya/ zab rgya/ man tra/ gu yA/ a+thi+-i//// rgya gar skad du/ ma hA kA la pa tan+t+ra/ bod skad du/ nag po chen po skyes pa'i rgyud/ nag
295a4 po chen po la phyag 'tshal lo// 'di skad bdag gis thos pa'i dus gcig na/ yul rgya gar gyi lho phyogs na/ me ltar 'bar ba'i dur khrod chen po'i dbus u tsa la bya ba'i gling/ thod
295a5 pa skam rlon mang po brtsigs pa'i gzhal yas khang/bdud pho dang bdud mo grong khyer bsam gyis mi khyab pa'i dbus/ thod mkhar gsum brtsegs 'bar ba'i gzhal yas khang bya ba/ rmang srin po'i ro las byas
295a6 pa/rtsig pa'i mi'i thod pa las byas pa/ ro'i rgyal mtshan phyogs bzhir 'phyar ba/ ngos la khrag gi zar bu 'bab pa/ kha bad mchong las byas pa/ nad kyi na bun rgyun mi 'chad pa/ de yi gnas kyi pha rol na/ ma mo
295b1 dang mkha' 'gro ma sogs pa/ka li ma dal ti ma dal ti ma dang/ ro langs ma dang/ kang ka ma dang/ srin mo mi ro'i bdag mo la sogs pa da ltar gnas so// brgya byin dang/ rag shi ta dang/ kA la nag mo
295b2 dang/bgris gnas sa ya do dang/ ma hA krig ti kA la sogs pa gnas so// dur khrod de'i phyi na/ lce spyang dang/ ro spyang dang/ dom dang/ dred dang/ bya'i rnam pa kang ka dang/ khwa ta dang/ de ltar gnas so// de
295b3 la dur khrod brgyad kyis rab tu brgyan par gnas so// nag po chen po skye rgyud las/ gleng bzhi bstan pa'i le'u ste dang po'o//// de nas zhus pa/ srid pa las kyi skyes pa'i phyir// pha dang ma yi mtshan
295b4 nyid dang// spun gyi mtshan nyid ji ltar lags// zhus pas/ nyon cig las kyis 'brel ba'i bu// sku mkhar thod pa'i gzhal yas nas// pha dregs pa bdud kyi rgyal po dang// ma smu za ral gcig bshos pa
295b5 las// bu spun rnam pa bzhi ru byung// shar gyi skos rje brang dkar dang// lho yi ral pa spyi bcings dang// nub kyi nag po bkrag med dang// byang gi legs ldan nag po dang// de ltar mched bzhi bltams pa
295b6 las// las su srog dbugs la dbang byed// shar gyi skos rje brang dkar de// rus pa'i mtsho yi klad pa za// lho yi ral pa spyi bcings de// dbugs kyi mtsho yi glo ba za// nub kyi nag po bkrag med de// khrag gi
296a1 mtsho yi mchin pa za// byang gi legs ldan nag po de// sha yi mtsho yi mkhal ma za// las mkhan zhes byar btags pa las/ rje nyid kyis snang ngo// skye rgyud las pha ma dang spun gyi le'u ste gnyis
296a2 pa'o//// de nas yang zhus pa/ kye/ nag po chen po srog la dges// sngags kyi mtshan nyid ji ltar lags// zhes zhus pas/ de nas sku mkhar de'i rtse la byon te/ mo'i kha rlangs bzhin spar nas bod pa/ rbad
296a3 pa/gsad pa gsum 'brug gi sgra ltar bsgrags nas/ 'di skad gsungs so// oM ma hA kA la g+hu hri d+ha hUM/ zhes yi dam du gsungs so// de nas bdud kyi sngags 'di gsungs so// oM ma hA kA la trag shad/ sid+d+hi yaM
296a4 du dza dza hUM/de skad bsgrags pas/ la la ni brgyal/ la la ni rengs/ la la ni 'bog nas/ bdud kyi grong khyer dang/ bdud thams cad gus pa phul te/ khrag gi me tog gtor nas/ bdud kyi gtso bor dbang
296a5 bskur te/dar gyi ru mtshon phyar/ bdud rta chibs/ dbang rtags su snying dang zhags pa bskur/ dpa' rtags kyi stag ral gzugs shugs btags nas/ bdud dmag dpung dang bcas te gshegs so// ri rab
296a6 rtse la bzhugs te/skye 'gro srang la bcal/ dam nyams pa'i gshed byas so// ri rab rtse na ngan sngags srog la 'bebs pa 'di bka' stsal to// oM ma hA kA las snying 'byin to// snying la su tri tsit+ta rbad/ oM ma hA kA
296b1 la nr-i thuM lam thuM ril rbad/su tri ma ra ya dza/ che ge mo'i snying la ya/ ma hA kA la gtubs/ rbad thum ril rbad/ thum ril brang rgyab nas gshogs/ tsit+ta breng yed yed mA ra dza/ de skad gsungs so// skye rgyud las
296b2 drag po sngags kyi le'u ste gsum pa'o//// de nas yang zhus pa/ bsgrub pa'i las byed ji ltar byed// dkyil 'khor gtor ma ji ltar byed// las kyi mjug sdud ji ltar sdud// nag po chen pos bka'
296b3 stsal pa// bod rbad bsad dang gsum la bya// 'brub khung gtor ma gzhung bzhin btang// srog mnan 'phang ba'i cho ga bya// bod pa'i dam rdzas rten la bya// rbad pa'i dam rdzas snying la bya// bsad pa'i dam rdzas
296b4 srog la bya// bod pa rbad pa bsad pa gsum// dkyil 'khor rdzas dang bsgrub rdzas gsum// ming po sring mo g.yog po gsum// mnan dang lding dang spar dang gsum// skye rgyud bsgrub thabs shi sa dang// mdor
296b5 bsdus nas ni bstan pa'o// nag po chen po'i skye rgyud las/ mdor bsdus pa'i le'u ste bzhi pa'o// rdzogs so//////
296b6 @##/


CLOSE WINDOW