196a3 / mgon po nag po smad las drag po'i rgyud rdzogs so//// rgya gar skad du/ Ar+ya d+ha me go ro pa ni sa d+hi b+ha ba ma hA tan tra nA ma/ bod skad du/ 'phags pa spu gri
196a4 klad gzer nag po dngos grub 'byung ba bka' rgyud ces bya ba/dpal rdo rje srin po la phyag 'tshal lo// 'di skad bdag g-is thos pa'i dus gcig na/ bcom ldan 'das dpal rdo rje srin po zhes bya ba/ de'i sku
196a5 dang/gsung dang/ thugs kyi 'od zer sna tshogs ston pa las/ 'jig rten khams thams cad na 'khrug rab tu 'khrug nas/ dregs pa thams cad brgyal nas/ chos nyid kyi don la dgongs pa'i thugs rjes dbang
196a6 du bsdus nas/dregs pa can gyi gshin rje dang/ chags pa can gyi ma mo dang/ gdug rtsub can gyi srin po dang/ phrag dog can gyi klu gnyan dang/ gti mug can gyi sa bdag dang/ gdug pa can gyi sa bdag
196b1 dang/nga rgyal can gyi rgyal po dang/ phrag dog can gyi klu btsan dang/ de las gzhan pa'i 'khor bye ba 'bum phrag dang/ chags pa can rnams dang thabs cig tu bzhugs so// de'i tshe dpal chen po rdo rje srin pos
196b2 sangs rgyas kyi bstan pa bsrung bar dgongs nas/dang po gang nas byung zhing bstan pa ji ltar bsrung ba dang/ bar du bstan pa gang du bcas nas bstan pa ji ltar bsrung ba dang/ tha mar bstan pa gang gis
196b3 bsrung bar smon lam btab pa'o// dang po sangs rgyas bstan pa gang bsrung na/ bdud kyi rgyal po gar ba dbang phyug des dam pa'i chos ni bsnubs/ log 'dren gyi spyod pa dar du bcug nas yod pas 'gro drug
196b4 mun pa'i nang na gnas pa las/byang chub kyi myu gu skye mi srid pas/ bcom ldan 'das kyis dregs pa can rnams ma thul nas// dpal chen po rdo rje srin por sku sprul nas/ nam mkha' la rdo rje khro bo sku sprul nas/
196b5 nam mkha' 'brug gis gang/ bar snang glog gis gang/ sa gzhi me dpung dang khro chung gis tsher bar bkang nas/ gdug pa can thams cad ni brgyal zhing myos par gyur nas/ dpa' bo chen pos dbugs phyung
196b6 ba'i ting 'dzin la snyoms par bzhugs so// dregs pa can rnams brgyal ba bsangs nas/ de nas dregs pa'i gtso bo de rnams kun na re/ bcom ldan 'das kyis bka' stsol cig ji ltar gsungs pa'i bka'
197a1 bzhin du byed gsungs nas/byang chub kyi lam la bkod do// 'phags pa spu gri klad gzer nag po dngos grub 'byung ba'i bka' rgyud chen po las// gleng gzhi'i le'u ste dang po'o//// de nas
197a2 'dus pa'i 'khor rnams kyis mgrin gcig tu 'dus te/dpal bo chen po lha'i gtso bo// bar du bstan pa gang gis bsrung zhes pa las/ dpa' bo chen po ston pa dgongs pa'i ting nge 'dzin la snyoms par zhugs
197a3 nas/de'i ngang las chu bur gyi tshul du gyur te/ legs ldan nag pa'i skur gyur te/ dus ngan bstan pa byung ba'i tshe// sangs rgyas bstan pa nyams par 'gyur// ma hA ka la nag po che// 'di yis bstan pa bsrung
197a4 bar bya// lha chen dpal 'bar khros pa ni// thugs mgon nag po chen po ni// zhal gcig pa la phyag bzhi pa// g.yas kyi dang po b+he tsi'i 'bras bu dmar// gnyis pa ral gri bsnams pa'o// g.yon gyi dang
197a5 po rak+ta yis// rab tu bkang ba'i thod pa 'dzin// gnyis pa kha twAM 'dzin pa'o// stag gi pags pas smad dkris shing// dbu sgra smin mtshams ag tshom ser// spyan gsum mche gtsigs 'jigs par byed// thod
197a6 pa rin chen sbrul gyis brgyan// sna tshogs pad+ma nyi stengs bzhugs// dpa' bo'i 'dug stangs gnas pa'o// nga yis sangs rgyas bstan pa bsrung// dkon mchog dbu 'phangs bstod par byed// ces gsungs te
197b1 zhal nas 'od 'di ston to// oM ma hA kA la hUM phaT/ ces brjod pas/ sa gzhi byin gyis brlabs te 'jig rten gyi khams gul gu shig shig byed do// 'od zer de'i sna la rig pa'i rgyud sngags 'di thon par
197b2 gyur to// dpal chen po rdo rje srin pos nyid la nyid kyi che bas/ dpal nag po chen po la 'di skad du bstod do// oM si hib ha ha hUM kar tre/ kI li gi li ta ri li ri hUM ta/ bya ta la bri bri hUM hUM ka red min sba u nur
197b3 b+ha sa hi mu khe na tra/ma ma ku la/ aM ge kha T+wAM ka sha ku de ba'i ni nan ra ka kar ha ra/ ka ma ru si li tu pa'i buM gaM ya k+Shi saM/ gaM ge sa sha pa ka man ta re/ k+She tra sol/ a pa dur tha phem phem sem sem ta k+Sha ra b+ha/
197b4 phrid dza ni bri ha ngi h+ni gar b+ha tsam pa ga kri tra rma la ma b+hi ta la spra kar b+ha ya b+ha yur b+hu sha hUM go ya ma b+he/ bi ta ka ra hra pra po g+ha ni ku ba ku laM phri ti ma ra ni mu grangs pa nan/ tri ha na tra pa ni he ra na shag ha na b+hu b+hi k+Sha
197b5 pra pa ra tu Sh+ma na/k+shuM k+shuM k+SheM ti mu ra ni/ ka la ka la ra ba tri ta k+Shan tis dA pra du shing na tran de ka bi sha swa ka ha ka ha ka tha ner ni la dzi mun ta sa rad d+ha hi/ k+Shi k+Shi man tra de ha/ pa tsa pa tsa ha ha re na dza ti man tre/ sa
197b6 man+ta bi ga nan/kro d+ha pa ra ma na/ sa man tha ha no haM d+ha kan k+Sha hra sa la ha ha ha Du ha pe ra ni sa sha ya krad sarba ta ya/ pa shu nuM ba pa ni baM g+han ha na d+ha pra ti d+ha pa sam laM phral ti aM ma b+ho d+ha ran+Da/ hUM hUM phaT tri tra ni d+ha
198a1 ni hi d+ha b+hu ba na ka ha raM su ka na b+ha shag ti pe la kra k+She pra pA la/ka pi la ha/ ra dza ta a sha ste ma pru ke sho u pa ta ra khaM khaM khaM ge ka ba ni ra la la la ho laM ma ba ti rag ka da pa na hA/ raM raM raM ka pa te
198a2 kro ru ru ru rna ni ga re sha ra tsi ta tsi na be ka/truM truM truM truM dA triSh+ti/ ku ru ku ru ti ku nyi ta she sha rush+ta TaM TaM TaM mA ra slob/ ma ru ka ya hi ste/ rak+Sha tra ta k+She tre pa la/ kraM kraM kraM trid ti pa ya/ tri tra ri pu ne ya mA/ ke daM dA ke shi
198a3 ta naM kaM kaM kaM pa ya ma lika ka li ti ka lo bA rA/ka len tu ne tu b+ha ka ka ya/ tsi tsi tsaM tsa na be ka pra tsa la ti/ ka ra b+ha lo ka la ka saM saM saM sang g+ha ta ma ta sa ma sa ma ya swa na d+ha ra/ se ta tra uSh+ma na yaM yaM yaM ye di/
198a4 tsi shaM ya ma i pa ho pa ma lo ya ba ti/ baM baM baM bAM bA ta b+h+yo dz+nyA na d+haM di tan trim/ pra pa to lo ka pra tsa ra/ bruM bruM braM bi sha a bi/ ku ti tri ba ta b+ha yam shaka di ma ta yA/ pra pa to la k+Ta k+Ta ko naM k+Sh+ri k+Sh+raM ka ma ki rak+sha sa hi ru
198a5 ru ti haM pa k+sha na k+sha pa pa la/kloM kloM kloM sna mu ti tri byung ba na min shoM bu dang yod phed sarba ta ya/ saM saM ba sha ha b+ha/ pa pa shu pu pu bi hri sa ga rang pa ma ya b+h+ya b+h+ya ya la man+t+ra ed ma tra/ mu ti ra ma ra ti ba la to ni ma tra
198a6 ru la khyi tra na ma pa la go so so ka la dza na ta na par tu su na ra tsa raM/man tra nA' ma Sh+ta ka ya sra pa kha di ma na ma na b+ha ga ti yu ka ti pa na d+ha a tsar+ya/ yad ko sa ba ma ya/ su ka d+ha ri/ pa byung pa na dza/ ya ti nu A a shi
198b1 gi d+hi la k+Sh+ma nri ba la ma hU la ka ni/da su Sh+ta b+ha bra b+ha 'dzin yan/ ha ha ya ni t+ya bya hUM baM shan ha ta ma na sa ha ya te be g+ho na dza lam/ zhes de ltar bstod pa dang/ 'jig rten gyi khams thams cad 'od kyi gong bur
198b2 gyur te/thams cad bde ba la bkod do zhes bstan par rab tu gnas par gyur to// 'phags pa spu gri klad gzer nag po dngos grub 'byung ba'i bka' rgyud chen po las/ bar du bstan pa gang bab na ji ltar
198b3 bsrung ba gleng bslang ba'i le'u ste gnyis pa'o//// de nas yang 'dus pa'i 'khor de rnams kyis 'di skad du zhus so// rdo rje srin po lha'i gtso/ tha mar sangs rgyas kyi bstan pa gang gis bsrung bar smon lam
198b4 gdab ces zhus pa dang/dpa' bo chen po thugs kyi dkyil nas drag po rtse rab rngaM pa'i 'od zer nag po gcig thon par gyur to// 'od zer des 'jig rten gyi khams lan gsum dkrugs te/ slar dpa' bo chen
198b5 po'i thugs khar thim mo// thim pa dang zhal lhag lhag pa'i ngang las/ hUM hUM phaT ces rngam par bsgrags bas/ thugs kha nas mi'i lus la bya rog gi mgo can phyag g.yas na gri gug 'phyar ba/ g.yon pa thod khrag
198b6 zhal du rngub pa/sku la gdug pa'i 'od zer 'phro ba/ rkang pa sa la brdabs pas thams cad rdul du rlog pa dang/ skad cig gis stong gsum rlog par mdzad/ log 'dren can rnams brgyal zhing khrag tu skyug pa/
199a1 drag po btsan du srog gi spu gri nyams pa'i srog gcod/ bka'i bstan bsrungs ye shes kyi spyan can/ nag po chen po'i snying thig 'di thon par gyur to// thon pa dang 'jig rten gul gul shig shig
199a2 par gyur te/zhal tshig skad du ston to// bstan la sdang ba'i dam nyams dang// rgyu rku bla snying bsgral don du// dur khrod sa dang shi sa gnas// nag po bdud kyi nyi ma la// phung ba'i shul nas sa blangs la//
199a3 dkyil 'khor gru gsum nag por byug/ de yi nang du thod pa ni// rabs chad thod pa kha sbyar te// dam nyams rkang rjes la sogs pa'i// gzugs kyi snying khar srog 'khor gzhug/ thod nag mi shas nang du
199a4 ni// yungs kar yungs nag tshe la sogs// brab pa'i rdzas bsags par bya// rdo rje srin po bsgom par bya// dkyil 'khor zur gsum nang du ni// phung byed las mkhan chen por bsgom// don dang ldan pa'i gang
199a5 zag gis// bdun phrag bdun du thun gyis brab// gnan la gnas shing snying rje yis// yengs med par bzlas pa yis// dregs pa rnams kyi srog kyang gcod// sdig can dam nyams smos ci dgos// a la a la
199a6 a ha hi hUM hUM hri hri/oM ma hA ka la sid+hi ya ma du dza/ oM ma hA ka la ni thuM luM thuM ril rbad/ tsit+ta la rag ni dza dza/ ni dza tsit+ta la ya ril rbad/ thuM ril rbad ni shag shag che ge mo tsit+ta la ya/ mahA kA la ging kar ra ya/
199b1 ging srog la yA/ snying la ya/ ru ru tsa la ya/ ma hA ka la b+h+yo/ mahA kA la che ge mo'i snying khrag la lcibs lcibs/ chod chod srog rtsa thum ril rbad rbud/ ces pa bsgrags so// gsang ba yum gyi mkha' dbyings
199b2 ni// zhal gcig phyag gnyis sku mdog dmar// shin tu rid la ke rus lus// dang po ral gri dang ral gri shul// g.yon gyi dang po mda' dang gzhu// 'og gi mi mgo thod khrag can// gcer bu skra grol spyan
199b3 gsum ba// ro langs ma mo'i dbus na bzhugs// zhal nas drag po'i sba los bstan pa bsrungs// oM ma hA kA la li te bi hUM si ni hUM phaT/ bri dza tsi ti la ya/ rag mo ni dza thuM ril rbad ni shag che ge mo'i tsit+ta la
199b4 ya/ma ma trag rag mo ru tra mA ra ya dza/ maN+Dal cha gnyis mkha' dbyings su// dar nag gdugs dang khyi nag g.yang gzhi dgram// bla rdo gting du gzhug cing phyi rten nang rten bca'// dam tshig bsrung ba shin tu
199b5 ces// ma hA ka li'i rag sbyor ba yis// shar phyogs sha yi gtor tshogs bsham// byang du rus pa'i rkan dang klad pa tshil la sogs// dmigs gzugs ni khrag gis bkang// gtor mar btsugs pas myos
199b6 shing brgyal// bsgrub pa thon nas gtang rag gtang// bsnyen dang bsgrub dang bsad dang mnan// ngag gi nus pa nyams gzhug dang// ltas ngan dbab dang rten bcas dang// dam tshig bsrung dang bshags pa
200a1 dang// drag po thog gi rim pa dang// ma ra yas ni smyor gzhug dang// phung byed lto dkrugs las kyi gsar// de yis nga yi las sbyor rdzogs// nyid la nyid thim par gyur to// 'phags pa spu gri
200a2 klad gzer nag po dngos grub 'byung ba'i bka' rgyud chen po las/tha ma bstan pa gang gis bsrung ba'i smon lam btab pa'i le'u ste gsum pa'o//// de nas yang 'dus pa'i 'khor rnams kyis/ rdo rje srin
200a3 po lha yi gtso// bka' dang bstan pa bsrung ba la// dam tshig gnyan po ji ltar bsrung// nyams par gyur na gang gis gso// zhus pa las/ rdo rje srin pos zhal khro gnyer 'di ltar du gtsigs so// bla ma sangs
200a4 rgyas dkon mchog la// lus ngag yid gsum dang sems ni spyi dang khyad par dam tshig yin/ mgon po'i thang ka rtag gser la// chos skyong sku yi dam tshig las// mi tshig gtam gyis bar ma chod// mgon po'i
200a5 drag sngags rgyun du bzlas// chos skyong gsung gi dam tshig yin// chos skyong srin po'i dgongs pa yis// mdun gyi nag po 'khor ba ni// chos skyong thugs kyi dam tshig yin/ dar nag rag sha'i 'phreng ba
200a6 dang// dam rdzas tshogs par bsogs pa ni// sprin ltar 'du ba'i daM rdzas yin// be chon nag po khru gang tshad// mda' gang 'dom gang khog pa ru// nag po'i sngags gsum dar nag la// 'o ma mtshal gyis bris la
200b1 gzhug/'gro na khyer la dgra byung brdeg/ chos skyong phyag mtshan dam tshig yin// rta nag khyi nag ra nag gsum// chos skyong bla rdo'i dam tshig yin// bla ma la sdang gsang sngags dmod// mi nag po ni lo rgyus
200b2 mkhan// tho phyir mi bsrel dam tshig yin// mi mthong mdze po mdze mo yugs sa yin// phyogs su mi bsrel dam tshig yin// dam bcas drag po byas gyur la// 'byung lnga'i bshags pas dag tshangs gdon// sku
200b3 yi dam tshig nyams na tsha tsha 'bum// gsung gi dam tshig nyams na klog 'don 'bum// thugs kyi dam tshig nyams na bshags pa 'bum// yan lag dam tshig nyams na tshogs mchod 'bum// khyad par dam tshig
200b4 nyams na srog 'don 'bum// spyi dang khyad par dam tshig gzhung bzhin bsrung// chos skyong mkha' 'gro gang la sprin ltar 'du// zhes gsungs so// 'phags pa spu gri klad gzer nag po dngos grub 'byung ba'i
200b5 bka' rgyud chen po las/dam tshig gnas par bya ba'i le'u ste bzhi pa'o//// de nas yang 'dus pa'i 'khor rnams kyis/ rdo rje srin po lha yi gtso// bskang dang bshags pa ji ltar lags// zhes zhus pa las/
200b6 rdo rje srin pos bka' stsal pa// thugs kyi 'gal 'khrul byung gyur na// bskang zhing bshags pa 'di ltar bya// phyi ru g.yag dang lug gis bskang// nang du zan lug dpal bshos dang// spyan gzigs gtor
201a1 mas thugs dam bskang// gsang ba dam tshig gnyan pos bskang// de kho na nyid du bskang ba na// nag po sku dang rdza sa la// tshig 'dis rab tu bskang bshags bya// hUM/ mahA kA la mthu bo che// nag
201a2 po chen po lcam dral dang// chos kyi dbyings nas sku bzhengs la// gshegs shig bu yi gnas 'dir gshegs// bu yi gnas mchog dam pa nas// khyod kyi mthun pa'i dam rdzas 'di// g.yag lug nag po mar
201a3 gyis byugs// dar nag ru mtshon rwa la brgyan// phrag par dgra bgegs ling ga bskyon// gser skyems bdud rtsis bran pa 'dis// nag po chen po'i thugs dam bskang// bya rog gdong can la sogs
201a4 pa'i// 'khor gyi ma dang mkha' 'gro tshogs// snang gsal 'od kyi zhu mar dang// sha chen spos kyi dud sprin gyis// nag po chen po'i thugs bskul nas// mkha' la sprin ltar gtibs nas kyang// sgrub pa po la bu
201a5 bzhin skyong// dar nag lcags kyi ru mtshon skyong// bya rog gdong can dpon dang g.yog/ thugs dam gnad nas bskul ba'i tshe// myur du sbyon cig mkha' 'gro'i tshogs// ro langs dang ni gcan gzan sna
201a6 tshogs dang// bstan bsrung bka' yi bya ra byed pa rnams// bskang ngo thugs dam gnyan po bskang// rnal 'byor bdag gis thugs dam skongs// bcol ba'i las rnams grub par mdzod// 'phags pa spu gri
201b1 klad gzer nag po dngos grub 'byung ba'i bka' rgyud chen po las/thugs dam bskang ba'i le'u ste lnga pa'o//// thugs kyi 'gal 'khrul byung na ji ltar bshags/ hUM/ lha chen mahA kA la gsan cing dgongs
201b2 su gsol// ma hA ka la'i dal gyi bsgor zhugs nas// mkha' 'gro dam tshig gnyan po bsrung rgyu las// bka' ltar ma gyur gzhung bzhin rngo ma thogs// bsnyen bsgrub dus 'das phud dang gtor ma chag/ rtsa ba
201b3 yan lag dam tshig nyams pa kun// rdo rje srin po'i dur khrod tshogs la bshags// lug nag gcan gzan bka' yi las mkhan rnams// bya rog gdong can 'khor dang bcas pa bshags// bstan srungs mthu yi
201b4 dngos grub stsal du gsol// gzhan yang bshags chen mchog la rtar gzung nas// dus bzhin phud dang nang nub mchod rgyu la// mchod pa'i 'byor tshogs chung ste sku ma mnyes// bzlas brjod sngags tshig long
201b5 gtam bar du chad// nag po'i srog snying gnas nas ma 'gul te// bzlas brjod sngags kyi dam tshig nyams pa kun// lha chen 'khor dang bcas la bshags// yi dam rtse gcig gzhung bzhin sgom rgyu la// ting
201b6 'dzin rtse gcig ma gsol nag po bskyed// thugs kyi dam tshig nyams pa mthol lo bshags// dar nag dag dang dam rdzas tshogs// bsnyen rdzas ma 'tshogs yan lag dam tshig nyams// nag po 'khor bcas
202a1 tshogs la mthol lo bshags// gnong ngo 'gyod do ma dang mkha' 'gro'i tshogs// zhes gsungs so// 'phags pa spu gri klad gzer nag po dngos grub 'byung ba'i bka' rgyud chen po las/ bskang
202a2 bshags kyi le'u ste drug pa'o//// de nas 'khor de rnams kyis/ yang dag dpa' bo la 'di skad ces zhus so// rdo rje srin po lha yi gtso// nag po'i mnan thur bshad du gsol// zhes zhus pa dang/ thugs kyi
202a3 'od zer gsungs so// ma hA ka la'i 'phrin las las// bsad pa'i las bzhi drag po'i las// gnan pa'i bshed la gtad pa ni// sbyin sreg byas pa'i thal ba dang// bsgrub bya ling ga'i lhag ma dang// thod pa
202a4 nag po'i nang bdugs te/khrag 'thung rgyal po'i nga rgyal gyis// dgug gzhug drag tu byas nas ni// sngags 'di bzlas nas gnan par bya// oM ma hA ka la sha truM che ge mo nA shA ya/ staM b+ha ya staM b+ha ya/ mA ra ya mA ra
202a5 ya/mar d+ha ya mar d+ha ya/ nan hUM phaT/ ces bya ba'i sngags phrag gcig tu bzlas/ chos skyong gnyan po'i them 'og gam// rang gi ma la 'og la sogs gnan// bskal pa khri ru thar mi 'gyur// dpal chen pos
202a6 gsungs so// 'phags pa spu gri klad gzer nag po dngos grub 'byung ba'i bka' rgyud chen po las/ drag po gnan pa'i le'u ste bdun pa'o//// de nas yang 'dus pa'i 'khor de rnams kyis/ rdo rje srin po
202b1 lha yi gtso// rbod gtong nag po ji ltar lags// zhus pas/ yang thugs kyi 'od zer gsungs so// bstan la sdang ba'i dam nyams la// ma hA ka la'i cho 'phrul gyis// shin tu bsreg cing sdang bar byed// de yis
202b2 bdun du 'chi bar 'gyur// ro bskyed gsum gyi steng du tsha slang btsugs la// sla ta'i nang du gru gsum bri// tsher ma can gyi shing brtsigs la// bya rog dbang lnga dang rgyal mtshan 'phyar// bya'i snya don snying sha khrag
202b3 la// gtor ma chen po rgya chen bsham// rak+ta gser skyems dag gis mchod// ma nyes bshags dang dpang po bcol// dgra bo'i ming byang mang du bri// ling ga bya rog khrag gis bri// dmigs pa de ru dgug
202b4 gzhug bya// gong gi rdzas rnams tshogs pa dang// dmigs pa drag pos 'di ltar bya// oM ma hA ka la nA ga ma ra yA/ trag shad thum thum chod chod// rtsa srog nA ga gu le ci ba cig trag rag mA ra ya/ nA ga rtsad nas
202b5 gcod/trag shad che ge mo tsit+ta phur// thum chod rbad sod/ ces sla nga'i nang du rdzas dang ling ga bsreg go/ nag po bskul zhing las la rbad// de ltar zhag bdun bar du bya// des ni brlag par gdon mi za// bya
202b6 rog mang po'i skad 'byin dang// mon pa mtshon cha thogs pa dang// ca nga'i nor slad zer ba dang// grangs nas thal nas 'chi bar 'gyur// zhes gsungs so// 'phags pa spu gri klad gzer nag po dngos grub
203a1 'byung ba'i rgyud chen po las/ltas ngan rbod gtong gi le'u ste brgyad pa'o//// de nas yang 'dus pa'i 'khor rnams kyis/ rdo rje srin po la 'di skad zhus so// rdo rje srin po lha yi gtso// ngag
203a2 gi dbang phyug mi la 'das// gnad kyi gdams ngag bshad du gsol// zhes zhus pas/ thabs kyi 'od zer 'di gsungs so// las kyi lha mo 'od zer 'bar// maN+Dal gru bzhi mnyam pa la// dbus su gru
203a3 gsum thur du brub// gting dang logs sor nyi shu gcig/ phyi nang med par nag por bya// de yi nang du tsher ma blug/ gang la dmigs pa'i phyi sa la// ling ga mdzub mo gang ba cig bya// gro ga shog shog gang byung
203a4 la// ming rus bris la snying khar gzhug/ lcags kyi kha T+wAM mdzes pa las// de yi snying khar gzhug par bya// gru gsum tshil chen mar me dkri// lo gsum dag la gtor ma re// lha ni ma hA ka la ste// zhal gcig
203a5 phyag bzhi sku mdog dmar// shin tu skem pa kem rus lus// g.yas gnyis thod pa'i Ti shu las// g.yon gyi dang po gzhu dang mda'// 'og ma mi mgo khrag 'dzag pa// spyan gsum gcer bu skra grol ba// g.yas
203a6 g.yon gcer bu ro langs gnyis// phyag na rkang gi dbyug thogs ma// oM ma hA ka la d+haM gi na b+ha ling/ a mu ka khA khA kha hi kha hi/ da ha da ha/ pa tsa pa tsa/ che ge mo ma ra ya/ ma ra ya/ pho Ta ya pho Ta ya/ kha hi hUM
203b1 phaT/ling ga'i steng du tsher ma dang// me tog nag pos sbyin sreg bya// mi tshig mi zhug brgya rtsa brgyad// bzlas shing rtag tu bsregs byas na// tshangs pa'i tshe yang rlag par byed// 'phags pa spu gri klad gzer
203b2 nag po dngos grub 'byung ba'i bka' rgyud chen po las/ma ma tsam gyis sgrub pa'i le'u ste dgu pa'o//// de nas yang 'dus pa'i 'khor rnams kyis/ rdo rje srin bu la 'di skad ces gsol to// drag po ma rung
203b3 lha yi gtso// dam nyams blo snying bsgral don du// srog gzer nag po ji ltar bya// zhes zhus pa las/ dreg pa'i bdag po des zhal rngam pa'i nga ro 'bru tshugs su gzigs nas/ drag po tshar rab 'di ltar du 'gyur
203b4 ro// bdud kyi nyi ma gung la// byang gi phyogs nas sa slangs la// maN+Dal mda' gang gru bzhi'i tshad// dug khrag bsres pa'i chag chag gdab// rabs chad nag po'i thod pas ni// dbang po lnga dang ma bral
203b5 ba// dgra phyogs kha ltas dbus su gzhag/ de yi nang du blug pa ni// rta khrag mi khrag bya rog khrag dang lug gi khrag/ tsan dug ra dug thar nur la sogs blugs// gru gsum zur la rtsang dmar gsum// bla srog
203b6 'khor lo 'di ltar bri// gro ga shog shog gang rung la// ya khab ma khab gri gug rtsibs// rtsibs la pho mo bsnol ba bri// mu khyud drag po'i sngags rgod kyis// bskor zhing myos byed khu bas 'khor lo byug/ kha sbyar
204a1 rtsangs kyi kha la bskyon// nyi shu rtsa gcig srin mo 'gros// bkra shis sku dkar sa la na// bzang drug gi wang tsan dan dri la sogs// gla rtsi dag gi chus bkrus la// bya rog gdong can sku gzugs
204a2 bsham// stegs bu bcas la zur la gzugs// mkha' 'gro ma yi sku gzugs ni// stegs bu bcas la logs la gzugs// de yi mtha' mar dgod pa ni// nang rten gsang rten rnams kyang dgod/ rtag gtor
204a3 rgyun gtor rim pas dgod// sha chen dam dus tshil chen sran// dug dang gsur chen dud pa rgyun mi 'chad par gtang// steng nas dar nag bla ri dbub// bdag nyid bde ba'i stan 'dug ste// ra don nag po
204a4 yungs dkar yungs nag dang// lto dkrugs drag po srog gzer sngags// khri tsho gcig tu bzlas pa bya// de nas nyi shu rtsa gcig tu// drag sngags pho mo phyed byas la// nyin gyi las su pho sngags bzlas// mtshan
204a5 gyis las su mo sngags bzlas// thun yungs kar nag thod pa'i nang du blugs// bdag nyid dgongs pa bstan pa ni// ye shes mgon por bsgom byas la// gdug pa'i srog gzer 'di ltar bzlas// rbud ril thuM
204a6 dza rag kha dza du ma/chod rtsa srog rbad ril thum ya ti chod chod/ lcib lcib/ la khrag snying la thuM la ka che ge mo la ka ka ha nri la ha/ b+h+yo ya la ka ha ma la tsu ru ru ka ha ma oM/ ya la snying la ka ya ma oM/ la ya srog gi
204b1 ya ra ka ka la/ging drag po pho'i srog gzer yin/ dza ya ra ma ya la ta phaT/ hUM bye mA ra/ tra ru mo tsi ni tsa ru ma trag ru b+hu mo tshe mo shag b+hi ha trag ru/ rag sraM ma ni rbad ril thuM dza ni/ mgon po yab yum gyi lto
204b2 dkrug mo rag li ka ha trag ma ya/badzra ni ma oM/ khrag skyug gzer nas drag sngags yin// ces bzlas pa las mgon po yab yum gyi lto dkrugs/ las mgon yab yum gdug pa'i 'od zer thun la phog/ thun
204b3 la dug rlangs byung bas/'khor lo gri gug nang 'thabs pas/ dam nyams nyal gyis song bar bsam/ nyin mo pho sngags nub mo sngags// nyin mo pho thun nub mo thun// nyin mo bcol zhing nub mo bsgrags// nyi
204b4 shu rtsa gcig thim gyur na// tshangs pa'i tshe yang rlag par 'gyur// byang sems bsgom pas ma byas na// rang srog gcod par the tshom med// grub nas thun khrag dgra la 'phang// ling ga 'khor lo bcas pa de// lha
204b5 khang 'dre can dag tu mnan// 'dur shing yan chad rdzogs pa yin// ces gsungs so// 'phags pa spu gri klad gzer nag po dngos grub 'byung ba'i bka' rgyud chen po las/ srog gzer lto dkrugs ky-i le'u ste
204b6 bcu pa'o//// de nas 'dus pa'i 'khor gyis/ las kyi srin po la 'di skad zhus so// dregs pa'i bdag po lha yi gtso// ting 'dzin dgongs pa ji ltar gsal// zhes zhus pas/ rang gi rig pas rang la
205a1 phab// bsgom pa'i rim pa gang byed kyang// rang gi thugs la hUM la sngags bskor bar bsams la/ zhi ba la yi ge kha dog dkar po/ rang gi zhal nas mgon po'i zhal du zhugs par bsam/
205a2 mgon po'i thugs kha nas brgyud pa la zhi ba'i las bcol ba la mgon pos mi snyel ba dang/ rab tu gdon gang zhi bar byed pas zhi ba dang rang gi thugs kha nas brgyud pa des/ rang gi nyon mongs pa zhi bar
205a3 bsam mo// rgyas pa'i dus su yi ge ser po/ rang gi rgyal pa'i las bcol ba la mi bsnyel ba rang gi thugs kha nas 'khor ba'i dus su/ rang gi tshe dang dpal la sogs rgyas par bsam/ dbang gi dus su kha dog
205a4 dmar po/mgon po'i zhal nas rang gi zhal du zhugs par bsam/ mgon po thugs nas 'khor dus su dbang gi las bcol ba la mi bsnyel bar bsam/ bar du 'khor dus su gang dbang du bya ba/ rgyal po la
205a5 sogs pa dbang du gyur bar bsam/rang gi thugs kha nas rgyu dus su/ gang la dbang byed pa dbang du gyur par bsam/ mngon spyod kyi dus su yi ge kha dog nag po/ 'khor lugs dbang dang 'dra/ mgon
205a6 po'i thugs kha nas 'khor ba'i dus su/mngon spyod kyi las bcol ba las mi bsnyel bar bsam/ bar du 'khor ba'i tshe dgra bgegs la sogs pa rnams bsad cing bsgral bar bsam/ rang gi thugs kha nas
205b1 'khor ba'i dus su rang gi bar chod zhi bar bsam/zhes gsungs so// 'phags pa spu gri klad gzer nag po dngos grub 'byung ba'i bka' rgyud chen po las/ dgongs pa 'phro 'du'i le'u ste bcu cig
205b2 pa'o//// de nas 'dus pa'i 'khor rnams kyis dregs pa'i bdag po la 'di skad ces zhus so// las kyi gtso bo rten gyi rim pa gang la bgyi zhus pas/ thugs gtad ba'i ting 'dzin la bzhugs te/ phyi nang
205b3 gsang ba'i rten la/phyi rten ni lug pho dang g.yag nag po'i rwa la snying po bris la rten du gzugs/ nang rten mda' dang ngar nag po la snying po bris sngags dang bcas pas bcing/ gsang rten drag sngags bzhi/ gri
205b4 rgod g.yul du shi ba'i snying gi nang du srog gi snying po dril/dar nag dril la lus la bcang/ de kho na nyid kyi rten bca' ba ni/ bsgrub thabs sbong len mi bya/ dam rdzas la thugs thub mi bya/ sngags la sel mi
205b5 gzhug nges ni lus dang grib ma bzhin du 'gyur ro// zhes gsungs so// 'phags pa spu gri klad gzer nag po dngos grub 'byung ba'i bka' rgyud chen po las/ rten gong dris kyi le'u ste bcu gnyis pa'o//// de
205b6 nas 'dus pa'i 'khor rnams kyis 'di skad zhus so// dpal ldan 'jam dbyangs 'gro ba'i mgon// nag po chen po brten 'dod pa'i// gtor ma'i rim pa ji ltar lags// nyon cig bka' 'khor las mkhan
206a1 rnams// gtor ma'i rim pa 'di lta ste// sha lnga bdud rtsi rnam pa lnga// nya sha chang dang sran ma dang// nag po la sogs gtor ma'i rgyu// ji ltar 'byor tshogs che chung gis// thod pa la sogs snod du
206a2 blugs// me tog nag po la sogs pa'i// mchod pa dag ni rgya chen bsham// byin rlabs spyi dang mthun par bya'o// rang gi lha'i rnal 'byor gnas pa yis// mdun du nag po la sogs bskyed// ye shes gzhug
206a3 dang gnas gsum byin gyis brlabs// rdzas ni hUM du gyur pa las// rdo rje hUM gis mtshan par bsam// dngos su mchod pa rgya chen bsham// yid kyi mchod pa 'di ltar dmigs// hUM gi 'od zer gtor ma la
206a4 gzugs par bsam dar nag bla re rgyal mtshan 'phyar// rnga sgra dril sgra cang te'u// bstod pa dag gis rgyas par bstod// sngags 'dis zhal du dbul bar bya// oM ma hA kA la sha sa na e ma ka ri e baM ta ya ba sa
206a5 tsi/ma ko la a yaM i daM rat+na tra ya a pa ka ri ya ri ya ti tra trig dz+nyA sma ra si d+haM/ i ma dus ta sa ha/ kha kha khA hi khA hi/ mA ra mA ra/ g+h+ri Na g+h+ri Na/ ban d+ha ban d+ha/ ha na ha na/ pa tsa pa tsa/ di naM me ge na sarba duSh+tan ma ra
206a6 ya hUM phaT/bod rbad gsad gsum la gtor sngags btags la dbul/ zhi rgyas dbang gi 'phrin las bcol/ sa mun dzas gshegs su gsol/ nag po chen ba'i rgyud 'di la rtag tu brtson par bya/ rang nyid skad
206b1 ci lhar bskyed la// bde mchog sku la dmigs pa gtad// de yi bar chod zhi bar 'gyur// sems bskyed drag po sngon 'gro bya// yi 'bru dag gis byin gyis brlabs// des ni bdud rtsir gyur pa'o// gtor ma'i
206b2 mdun du 'khor bcas dmigs// ye shes sems dpa' dbyer med par// 'di yis lan gsum brjod la dbul// oM ma hA kA la i daM b+ha ling kha kha khA hi khA hi hUM phaT/ rang nyid gang 'dod gsol ba
206b3 gdab// gtor ma 'di la brtson byas nas// bde mchog sku yi dngos grub thob// badzra muM gyis gshegs su gsol// 'phags pa spu gri klad gzer nag po dngos grub 'byung ba'i bka' rgyud chen po las/ gtor
206b4 ma dbul ba'i le'u ste bcu gsum pa'o//// de nas 'dus ba'i 'khor rnams kyis 'di skad ces gsol to// dregs pa'i bdag po lha yi lha// rtags kyi rim pa ji ltar lags/ zhus pas/ dregs pa'i
206b5 bdag po des bka' stsal pa'i ting nge 'dzin 'di ltar du bstan to// rtags kyi rim pa 'di ltar 'dod// bsnyen pa'i rtags dang bsgrub pa'i rtags// drag po mthu yi rtags su bshad// sgom sgrub bsnyen pa'i
206b6 rtags bstan pa// yid 'ong 'du tshul nyams dga' dang// dri zhim lung ston sgra snyan thos dang me tog 'thu// de rnams byung nas sgrub pa brtsam// sgrub pa'i dus ni 'di ltar ston// rab tu sku ston 'bring thun khol
207a1 ba yin// tha ma gtor ma lud pa la sogs pa 'byung ngo// bran sran rta dang mdzo dang dre nag dang// rnga mo seng ge dom la sogs pa nag/ nag po bdud kyi cho 'phrul ci yang 'byung ba'o// drag po mthu
207a2 ltas 'di ltar 'byung ba'o// khang sgra 'khor dang dung sgra 'tshig/ bya nag babs shing khyi nag za// rnga brdung dril bu dkrol ba dang// dung 'bud ru dar 'phyar ba dang// de la sogs pa mang po byung ba'o// 'jigs
207a3 pa'i bsam pa bya mi dgos// zhes gsungs so// 'phags pa spu gri klad gzer nag po dngos grub 'byung ba'i bka' rgyud las/ rtags kyi rim pa'i le'u ste bcu bzhi pa'o//// de nas 'dus pa'i 'khor rnams
207a4 kyis/dregs pa'i bdag po la 'di skad zhus// nag po chen po'i bka' ni ji ltar bsgo// zhes zhus pas/ spyan 'bru tshugs kyis gsungs so// nyid la nyid khrol te nag po chen po khyod kyis sngon dam bcas ba
207a5 bzhin du/dam las ma 'da' bar khyod kyis dkon mchog gsum la gnod pa rnams sngon dam bcas pa da sgrol la/ gtor ma bzhes shig ma hA ka la khrag 'thung gi rgyal po/ nag po stong gi tshogs kyis bskor ba/
207a6 sha za 'bum gyis bskor ba/ ma mo bye ba'i tshogs kyis bskor ba/ bstan pa'i bka' bsrung/ daM nyams kyi srog gcod/ rigs 'dzin gyi srog shing/ rnal 'byor gyi dgra bla/ dug gsum gyi sman pa/ gtsug lag
207b1 khang dang dkyil 'khor gyi bsrung ma/bdag dang rnal 'byor srungs shig tshe dang dbang phyug spel cig dpal dang 'byor pa sgrub cig 'khor dang gang zag skyong zhig ces gsungs so// 'phags pa spu tri nag po
207b2 dngos grub 'byung ba'i bka' rgyud chen po las/'phrin las bcol ba'i le'u ste bco lnga pa'o//// de skad gsungs pa'i ngang nas nam mkha' la 'brug dang thog dang/ bar snang la glog dang 'od/ sa gzhi la me
207b3 dang rlung gi cho 'phrul bstan nas/nyid la nyid 'di ltar bstod do// dpal ldan nag po chen po lha yi gtso// 'jigs su rung ba lha yi lha// sangs rgyas bstan pa khyod kyis bsrungs// dkon mchog dbu 'phang khyod
207b4 kyis bstod// ces mi mngon par gyur to// 'phags pa spu gri klad gzer nag po dngos grub 'byung ba'i bka' rgyud chen po las/ nyid la nyid kyis che ba bstan de las mkhan la bstan pa gtad pa'i le'u ste bcu
207b5 drug pa'o//// de nas 'dul pa'i 'khor de rnams/ gong du bka' rgyud gsang ba'i gdam pas thugs tshim nas 'di skad ces gsol to// lha las lhar gyur lha yi lha// 'gro ba'i mgon po thugs rje
207b6 can// bstan pa yun du gnas par mdzod// legs so legs so rigs kyi bu// zhes bstod nas/ thal mo spyi bor sbyar te/ 'dus pa'i 'khor rnams gtso bo'i sku la rdo kha len la lcags 'dus pa'i tshul du thim
208a1 par gyur to/'phags pa spu gri klad gzer nag po dngos grub 'byung ba'i bka' rgyud chen po las/ rjes su yi rang ba'i le'u ste bcu bdun pa'o//// 'phags pa spu gri klad gzer nag po
208a2 dngos grub 'byung ba'i bka' rgyud chen po rdzogs so//// rjes pad+mas mdzad pa dgra bgegs kag langs su byung ba glo bur du dkrugs la/ skyin thang btsan thabs su gtang ba la/ oM ma hA kA la b+han dza/ sa
208a3 sros nas lag pas g.yobs kyin zhag bdun sngags bzlas bzhag la/de'i steng du bshos bu gru gsum nag po cig gzhag srog sngags bri/ de nas sha dgab/ ba tsha rig po cig mun nag la khyi'am/ lug gam/
208a4 nag po sogs pa'i sha ba kogs la mon pa nag po nor la ngan gyis shul du rgyug breng breng/ nga yi nor khyer la shog/ des nas rang la a tsa ra yong ngo// nga gang du 'gro zer nas 'ong ngo// de nas rang mnos sar
208a5 rbad do// nor bre gang shul du yang phyin nas bkug nas yong ngo// rgya nas bod du 'gyur ba zab bo// a+thi+-i////
208a6 rgya gar skad du/


CLOSE WINDOW