CLOSE WINDOW

Gpb050.031
བོད་ཡིག

shrI ma hA kA la ni ka pA la nA ma tan tra/ bod skad du/ dpal nag po chen po mi'i thod pa zhes bya ba'i rgyud/ nag po chen po dpal 'jigs byed la phyag 'tshal lo// 'di skad bdag gis thos pa'i dus gcig na/'jig rten gyi khams gyi rna zhes bya ba rab tu gdug cing rtsub pa/ 'jigs shing yang ba'i gnas/ mun nag chen po'i gling na/ baM ril thod pa'i mkhar/ rmang gnam lcags ngur mo las byas pa/nang bskal pa'i glog stong 'gyu ba/ steng na thog gi tsha tsha 'phro ba/ zhabs khrag gi rgya mtshor 'khrug pa zhig gnas te/ de na nag po chen po mi'i thod pa can zhes bya ba lo 'dren thams cad kyi sde dpon/spyi tshugs kyis gar bsams par skad cig gis phyin pa/ mdog nag pa/ gser mig tu 'khyil ba/ lcags kyi so yod pa/ mche ba lcags kyur gtams pa/ mi'i thod par sems can thams cad kyi rang ba'i 'khor nang blon nag po drug dang/phyi blon bcu bdun bkye ste/ 'jig rten gyi lha 'dre mthu bo che thams cad kyi ded dpon byas te/ 'jig rten gyi khams thams cad lcags kyu dang/ zhags pa dang/ 'khor lo dang/dgra sta dang/ khraM baM dang/ nad kyi rkyal pa dang/ mtshon gyi gru gu dang/ spu gri dang/ an d+ha dang/ shang ti la sogs pas khengs par byas te tshe srog la dbang sgyur ro// de nas de'i tshe 'jigs byed rgyal po nag po chen pos/mi'i thod pa can nag po chen po 'dul bar dgongs te/ 'jig rten gyi khams 'ga' sna der byon te/ baM ril thod pa'i mkhar chen po'i rtse la byon te bzhugs so// de'i tshe nag po chen po des brtsad par gzas pas mthu nyams te/stobs zhum nas brtsad pas ma tshugs te/ 'jigs byed chen po srog gi snying po phul te 'bangs su khas blangs so// srog gi snying po smras pa 'di lta ste/ hring dz+wa la ma hA kA la ni kA pA la ye/ra tri ha Shi ro ho/ kru ba ri ha/ bi tan ta ru ba/ yaM a ne yaM a ne e dza/ rag sha ru pi ni hUM dza/ zhes srog gi snyingapo phul lo// dpal nag po chen po mi'i thod pa can gyi rgyud mun pa glog 'byin las le'u ste dang po'o//// de nas dus kyi mtshan ma yis sdang bar sems pa la sogs pa la nag po chen po 'di nyid kyi las bshad do// dang po srog gi snying po la// rtags rnams myur du rdzogs par 'gyur// mi 'jigs pa yi bzlas pa bya// gnas ni dben par bya'o zhes// lha chen nag pos bshad pa'o// ling ling pu tra 'am pu tra'i// shun pa bshus la 'jigs pa'i gzugs// 'bag gi mtha' ma 'khor bar bya// ga'u dmar po kha sbyar gyi// nang du khrag gis byugs nas ni// de ni khrag byug der gnas bya// steng nas ko ba dmar po ste// srin po'i gnas sam chu bdag phyogs// lcags kyu stan la gzugs par bya// gtor ma phag rgod sha la bya// bdud srin la sogs gzugs kyang bya// 'brang rgyas sha snas 'khor bar bya// le brgan gur gyis phub la bod// zhag gsum bzlas pa thag gcad la// lnga yi nub mo tho rangs 'ong// de yis ci bsam 'grub par 'gyur// mtshan ma ci yang 'ong bar 'gyur// 'jigs skrag pas ni zhi bar byed// 'gal ba sdang bar sems pa'i gzugs/ ro bsregs thal ba dag la bya// phag rgod sha dang tshil bus byug/dug dang khrag gis ming rus bri// de yi rlung rgyu'i gnas su gzhug/ spyi tshugs mtshan mo mdun du ling ga gzhag/ srog la mA ra ya yis bskul// de nas las la sbyar bar bya// 'khor lo kha du slad bu'o// de la 'khor lo bca' ba dag/ pho 'khor mo 'khor gnyis su bya// dbus su zlum po spyi'u tshugs bri// spun zla nang blon byed pa drug/ sngon po spyi bor thal sbyar bri// phyi rim 'khor lo rtsibs bcu bdun// snying po lag sbrel dmag por bri// phyi rim me long la sogs pa// lag cha sna tshogs bri bar bya// spyi tshugs snying khar dgug sngags bri// 'bag gzhan snying khar yang ni bri// me long la sogs khram par bri// dmod pa yang ni sna tshogs bri// pho yi 'khor lo gcod byed yin// mo yi 'khor lo bri ba dag/ dbus su nag mo chen mo bri// snying khar mo sngags bri bar bya// phyi ma 'bag kyang mo gzugs la// srog gi dgug sngags bri bar bya// gzugs brnyan 'khor lo'i bar du gzhug/ me long gdangs la bzhag la brab// nyi ma bdun du 'khor lo bskor// nyin bdun pho sngags brdeg par bya// mtshan mo mo sngags ldan pas ni// de yis myur du brlag par byed// dpal nag po chen po mi'i thod pa can gyi rgyud mun pa glog 'byin las nag po chen po'i bsgrub pa dang 'khor los las la sbyar ba'i le'u ste gnyis pa'o//// de nas dus kyi mtshan ma yis// nag po chen po gsad bya ba'i// ga'u nag po bshad par bya// dur khrod gnas sam brag ri gnag/ nags tshal rtsub pa'i sar phyin la// mi gsad sa dang brag ri'i 'gram// lha khang rnying pa'i sa dag la// srog khang nag po gru gsum brtsig/ khrag dang dug gis zhal zhal bya// kha khyer rtsang gis bskor bar bya// kho yi pha mes mgo bo rab// gri rgod smyon pa'i thod pa 'am// yang na rabs chad thod pa ru// ling ga ldan pa dong du gzhug/ a mu ka yi rdzas dag la// bag phye dug shing lo ma dang// phag rgod sha la gzugs brnyan bya// shin tu nag po'i skye gnas gdags// thod pa'i nang du lding bar bya// steng nas dar nag gur chen dbug/ dme khrag gsum dang yungs dkar bsres// g.yag rog rwar blugs thun du bsags// yung kar dug chus ngar blud la// gsad pa'i dus su brab par bya// sha chen gtor mas mnyes par bya// srog gi sngags la rtags rdzogs nas// sngags gsum bris la gsad par bya// skabs su gzugs la dug mdas brdeg/ de nas thun gyi las kyang bya// tha ma mnan pa'i sngags rdzogs nas// lha khang mgon po chags sar mnan// de yis mA ra ya zhes pa'i// dbang phyug lha yi rgyal pos bshad// dpal nag po chen po mi'i thod pa can gyi rgyud mun pa glog 'byin las/ ga 'u gsang ba'i le'u ste gsum pa'o//// de nas dus kyi mtshan ma yis// blud bu'i sgrub pa bshad par bya// dben par phyin te phung sa la// 'brub gnas byas te rtsang gis bskor// gtor ma rgyan dang ldan pa dang// mda' nag dar gyis brgyan pa bzhag/ 'gal ba'i rdzas la ling ga bya// ling ge'i mtha' ma sngags kyis bskor// ling ga gnyis ni kha sbyar te// bu chung blud bu'i nang du gzhug/ 'brub khung nang du bcug nas ni// steng du lcags kyu dmar po bzhag/ bshos bu nag po rteng du gzugs// phag rgod snying ni rta ru bzung// rtags ni blud bu'i gzugs byung la// me long phyar la drag sngags brdeg/ bdud mdas bsnun cing lcags kyus brdeg/de nas zhags pas dkri bar bya// zhag gsum bar du brnag pa bya// lha khang gnas sam gdug par gnan// thun 'phang dmod pa gdab par bya// dpal nag po chen po mi'i thod pa can gyi rgyud mun pa glog 'byin las/blud bu bsgrubs te las la sbyar ba'i le'u ste bzhi pa'o//// de nas nag po chen po'i drag sngags bshad par bya ste/ kaM b+hi ra yang 'di lta ste/ oM ma hA kA la hriM/ dza ma hA kA la ni/ kA la pa ye/ ra tri ha shi ro ha kru pa ri ba ti dan ta ru pa ya/[xxx]rag sha ru pi ni hUM dza/ kA la ra tri dza/ srog gi snying po'o// kri sna de ba rag sha b+h+yo b+h+yo/ ma hA kA la b+h+yo/ che ge mo tsit+ta rbad na thuM ri li li/rbad pa srog gi snying po'o// dgra bo ru pi nA sha ya hUM phaT/ tsit+ta ma ra ya hUM phaT/ sha ta ra ga sha dgra bo'i srog long/ mA ra ya rbad/ gsad pa srog gi snying po'o// kri sna kA la ra tri hUM phaT/ che ge mo ra ya nan laM laM hUM phaT/mtha' sdud mnan pa'o// kA la ra tri rak+ta sha tsa ra tsa b+h+yo/ che ge mo mA ra ya rbad/ zor gyi sngags so// dgra bo'i tsit+ta baM long thun rbad/ rag thibs srog la breng sha rbad/ ni dza kha la phyung yaM sod/dgra gnad la dbab pa'i sngags so// ma hA kA la ru tra che ge mo mA ra ya rbad/ ma hA kA la ra tri che ge mA ra ya phaT/ 'khor lo'i gzugs brnyan la bri'o// dgra bo gang na yod ltos shig khraM la thob cig rde'u dkar nag rtsis shig dbyug pa rgyob cig ral gris chod cig zhags pas chings shig mgo bo chod cig slud bur shus cig lcags kyus zung/mi reng sod/ nad kyi rkyal pa rdobs shig mtshon gyi gru gus chings shig kA la ra tri ye phaT/dmod pas bskor ba'o// oM dza hUM ni bi ru sha rag dza/[xxx]yaM/ pa ru d+ha d+ha b+ha shi ta kru ha ro shi ha tri ya re pa ka ni ra/ la ka ha ma dzar+d+hi/ sa ma ya thuM ril breng shag hu re thuM dza rbad ya/sngags bdag shi sa bstan pa'o// dpal nag po chen po mi'i thod pa can gyi rgyud mun pa glog 'byin las/ sngags kyi le'u ste lnga pa'o//// dus rtags mtshan ma'i rtags bshad pa// 'jigs pa can gyi mgo bo la// mgo bo ras kyis gtums pa dang// phag rgod mgo can 'jigs byed pa dang// gnas khang 'bag gis khengs pa dang// mgo la ras kyis phur ba dang// mi nag dngos su 'ong ba dang// mon pa spre nag brid pa 'ong// rgya gar mon pa sha 'dod zer// 'od dang sbyugs pa dir dir 'ong// lag na me long thogs pa dang// khraM dang rde'u dkar nag dang// dbyug pa ral gri zhags pa dang// slud bu mi mgo lcags kyu dang// mi reng nad rkyal sngon dmar 'ong// lag pa dag dang skra nas 'then// mi nag spyi'u tshugs 'gro ba ste// lus kun spu yis gang ba 'ong// mig ser so nag mche ba rno// rkang lag sen mo rno ba zhig/spyugs pa 'bod cing dngos su 'ong// de la dam rdzas sbyin pa dang// 'phrin las bsgo ba shes par bya// der yang nges par ma zad de// cho 'phrul ci yang sgyur zhing ston// nag po chen po mi'i thod pa can gyi rgyud mun pa glog 'byin las/rtags dang mtshan ma bstan pa'i le'u ste drug pa'o//// de nas dus kyi mtshan ma can// nag po chen po bskul bar bshad// hUM/ dpal ldan mgon po nag po ni// 'jigs byed mi bsrun bstan bsrung mgon// mi bzad gcer bu mthing nag srin po'i gzugs// ral pa kham nag spyan gsum mche ba gtsigs// dur khrod chas brgyad me dpung nang na 'gying// spre nag sprul pa gtong zhing smyo 'bog gtong// tsan dan beng chen bsnams nas dgra sdang srog rtsa gcod// ma rungs lha yi dmag dpung bzlog mdzad cing// ru mtshon 'phyar zhing 'gal byed phung bar mdzod// sngon gyi tha tshig dam las ma g.yel bar// sdang ba'i dgra bo dus mtha' myur du bsdus// dus mtha' brtul la tshe yi 'du byed bskul// thugs dam rgyud bskul bcol ba'i las mdzod cig/ ces bskul lo// gtor ma bdud rtsir byas te/mahA ka ra tri dan d+ha/ nri ka pA la ba lin ta sarba pu tsa gr-i h+na gr-i h+na kha kha khA hi/ zhes dbul lo// dbang phyug lha yi rgyal po ste// mi yi thod pa can zhes pas// 'jigs byed nag po chen po la// 'ga' sna'i 'jig rten khams dag tu// srog phul rang gi bstan pa yi// gang zag bskyang bar dam bcas nas// de yi 'phrin las bshad pa la// rjes su yi rang mi snang 'gyur// nag po chen po dus mtshan mi'i thod pa can gyi rgyud mun pa glog 'byin zhes bya ba las le'u ste bdun pa'o//// lha dang mkha' 'gros dur khrod phung lung du lung bstan pa dngos grub 'byung ba'i rgyud dpal nag po chen po mi'i thod pa can gyi rgyud rdzogs so//// de nas yang dpal mgon po nag pos zhus pa/ bsnyen sgrub ston pas sngar gsungs pa// bstan pa bsrung zhing bskyang ba dang// 'dzin spel dkar phyogs dga' ba la// phan pa ji ltar bsgrub par bgyi// bstan la gnod cing dbu 'phangs dmod// nag pa'i phyogs la dga' ba la// de la gnod pa ji ltar bsgrub// bcom ldan 'das kyi bka' stsal pa// ma hA kA la khyod nyon cig/ phan gnod sngags kyi rim pa 'di// mgon po khyod la bshad par bya// A yur dz+nyA na A yu: tshe a pa na ye bruM swA hA/ tshe sgrub pa'o// ci 'dod dngos grub bsgrub pa la// kA ya wA ka tsit+ta gu Na karma sarba sid+d+hi tha hUM/ gsal ba ma thon 'bebs 'dod na// tad+ya thA/ oM sa ra sa ra/ si ri si ri/ su ru su ru/ me ru man te sri to kan/ a be sha a be sha ke la sha ku tra pra ta nA ma/ oM yar rma ba ra de/ de ba na nA ga li sta badzra a pa na ya/ A be sha ya A be sha ya/bgegs rnams gzir gnon byed 'dod na// che ge mo aM ku sha dza dza hring dun a/ hUM hUM hring hring mA ra ya kha kha khA hi khA hi/ ma hri gu h+ya g+ha ma ma rak+sha dun tse tsaN+Da li mA ra ya dza dza/ 'gugs pa'o// che ge mo staM b+ha ya nan/ sha truM a mu ka ku ru na na laM/ gnan pa'o// ma ma trag rag+sha/ ma ma ra dza snying kha rag nan/ nA ga nan phung staM b+ha ya nan/ badzra da tri tri yaM nan/ ra dza trig sho baM rmugs rA dza ku li tshu du/thuM tshu 'u thum swA hA/ kha ta kha ta ya/ mtshan tri nan/ 'gong po ya tri nan/ 'gong po sri nan/ 'byung po nan/ tsa ma ra tsa ma ra nan/ ma ru tse ma ru tse nan/ ya hu tri ya nan/ ha na tri tsa staM pa ya nan/ hUM badzra mA ra sa tri dza/ma zhung tri ya ma zhung tri ya dza dza naM/ dgra bo rgyab dang bral ba ni// lha sbyin dang sngo bsangs ba ti sha ya hUM phaT/ mi rgod kha 'ching ba lha sbyin gr-i h+na gr-i h+na/ A kan+d+ha ya A ka ra Sha ya hUM dza/ sngags kyi bsnyen sgrub mthar phyin nas// des kyang grub par ma gyur na// e dang yaM dang raM dag gis// sngags gyi mgo yang drang byas la// mas yar bzlog la bzlas pa bya// de la rtags ni ma byung na// dam tshig bskang zhing dbang yang blang// de nas las la sbyar ba yang// gong du gsungs pa'i sngags bzlas bya// dgra yi dmag dpung gnan 'dod na// ro yi ras la rgya gram bri// lte bar sngags dang dmag dpung ming// sna tshogs rdo rje'i phyi rol tu// lam brgyad dag ni bris byas la// gong gi sngags ra kha sbyar ste// tshogs bdag gzugs byas tsa krar gzhug/ rabs chad nag po'i thod par gnan// pha rol sde yi so mtshams su// gnan bya yang na dur khrod gnan// grog mkhar sa la gzugs byas pa'i// rkang mthil sngags bcug bzhi mdor bskyal// thal chen sngags bzlas gtor bar bya// 'gro 'ong thams cad sdom par byed// dgra bo dbye bar 'dod pa yis// gro ga ras la rdo rje ni// rgya gram sngags bzhin bris pa la// nag po bskyed la sngags bzlas pa'i// 'od zer gyis ni sems dkrugs nas// rang dbang med par 'thab par bsam// thun gyis brab cing sngags drag bzlas// dgra bo yul nas bskrad 'dod na// skra tshil gzugs byas thod par bcug/ las kyi rlung gis bskul ba yi// gling bar mun par 'khyams par bsam// dgra bo gsad par 'dod pa yis// dal e gru gsum kha lhor bstan// nang du dur khrod gsol bas byug/ pad+ma rdo rje sngon por bris// phyi rol gru bzhi dmar por bri// sbrang rtsi dgra gzugs snying kha ru// dmar chen ming rus bris pa gzhug/sngon dmar skud pas phur ba bsrel// de ni e nang gzhug byas la// 'gal byed bkug la bstim par bya// gsad sngags brjod cing thun gyis brab// rtags dang ldan na las la sbyar// lcags phye zangs phye rdo phye dang// yungs kar yungs nag ske tshe dang// khrag dang dug sna tshogs tshad dang// rabs chad thod par bcug la brab// phur ba gnas lnga dag tu gdab// phyi rol thun mtshams phur pas gdab// tshad dang ldan na rtsang gis bsur// gdug shing mda' gzhu tshad la ni// 'ug sgro bskyon la brdeg par bya// ma mo rnams ni zhags pas bsdams// nag po gcer bur mtshon bsnun nas// kha nas khrag dron skyug par bsam// drag po ral gri so yis gtub// mi rkang rta rkang g.yas pas brdung// gtor ma blud la sbyin sreg bya// thal ba rlung chu rgya gram gnan// sa rdo la sogs gnyan pa yi// sar ni bden brdar gnan pa bya/

CLOSE WINDOW