183a1 mahA kA la shrI trai d+ha du b+hai ra wa nA ma tan tra/ bod skad du/ dpal nag po chen po khams gsum 'jigs byed kyi rgyud ces bya ba/ dkon mchog gsum la phyag 'tshal lo// 'di skad
183a2 bdag gis thos pa dus gcig na/ston pa'i mchog bcom ldan 'das yang dag par rdzogs pa'i sangs rgyas dpal mchog rdo rje 'chang chen gnas kyi mchog dur khrod na bzhugs/ 'khor mchog sangs rgyas dang
183a3 byang chub sems dpa'i tshogs chen po rnams dang/byang chub sems mchog bsrung mdzad pa// dpa' bo mkha' 'gro ma la sogs pa yi// skal ldan skyes bu rnams dang thabs cig go/ de tshe ston mchog bcom ldan
183a4 'das nyid kyis// sangs rgyas bstan pa la gnod cing de spyod pa'i// dge 'dun dkon la 'tshe mang don ched du// sangs rgyas bstan pa bsrung thabs rgyud mchog gsungs// mos mchog sangs rgyas bstan pa
183a5 bsrung 'dod pas// log dad sel sogs rgyal ba bsam yas kyis// dbang bskur bstan pa bsrung bar rjes gnang ba'i// gdul dka' 'dul mchog nag chen dpal bsgrub bya// bstan pa'i don bsdus sdig
183a6 spang dge sgrub yin// de bas nyon mongs dbang gis gsad pa'i las// sbyor byed bstan pa'i don dang 'gal bas na// sdig 'gyur drag pas bstan bsrungs ma yin te// byams dang snying rje dge bas bdud
183b1 bsgral phyir// rgyal ba'i bka' bzhin drag po'i las byas na// sdig can gnas spor dge 'gyur nyes pa med// sems dge bkar bzhin byas na bsgral phyir dge ba yin// mdo rgyud kun las gsungs pa'i
183b2 don// kun rdzob dang ni don dam bden par bstan// kun rdzob ma rig rtog pas brtags pa ste// snang ba rten cing 'brel bar 'byung ba yin// kun rdzob chos nyid don dam stong nyid de// dngos po ci yang grub
183b3 pa med pa yin// dngos po med nyid 'khrul la dngos por snang// dngos snang nyid la snang la dngos med kyang// stong nyid rtogs pa gom mthar ma phyin par// kun rdzob dge sdig rgyu dang 'bras bu rnams// med
183b4 min sdug bsngal rgyur gyur sdig pa yang// bde ba'i rgyu mthun dge la 'jug bya ste// dge la 'jug tshul sna tshogs thabs gsungs kyang// thabs chen spyod pa gsang sngags theg pa'i mchog/ thabs
183b5 mchog shes rab dam pa zung 'jug lam// thabs mang bsgrub sla myur 'grub 'di ltar bslab// dam tshig dbang bskur thob byas ma nyams pas// lta spyod mthun pa'i grogs bzang da 'grogs shing// dben zhing
183b6 nyams dga' dben pa'i gnas btsal la// gang dgos yo byad bsgrub sla nyer bsdogs nas// maN+Dal chos rdzas la sogs legs par bsham// dpal ldan mgon nag chen po bsgrub pa yi// thabs 'di las
184a1 gzhan dge sbyor sna tshogs pa'i// bya ba mang po spangs la mchog 'od sgrub// drin can mchog gsum dkon mchog gsum rnams la// khyad par can gyi skyabs 'gro lan mang bya// dang po gsum
184a2 dmigs byang chub mchog sems bskyed// rgyu mthun sa bon yongs 'gyur thugs mtshan las// bsnyen byed sngags brjod lha sku bskyed// lus ngag yid la sku gsung thugs byin brlab// mthu ldan sngags kyis
184a3 bgegs bskrad gnas bsrung zhing// dgos pa'i rdzas gsum khyad par 'phags par bya// byang chub mchog tu sems skyed cho ga bdun// sbyong phyir tshad med bzhi dang bcas pa yis// kun rdzob rgya chen byang chub
184a4 sems bskyed pas// bsod nams tshogs bsogs don dam sems skye'i rgyud// bsod nams tshogs sngon song nas ye shes tshogs// bsag thabs don dam zab mo byang chub mchog/ sems ni bsgom bskyed de
184a5 las gzhan gyis min// don dam par na chos kyi chos nyid ni// ngo bo nyid kyis stong pa nyid yin te// 'khrul pas dngos med nyid de dngos brtags snang// snang tshe dngos med sor sor rtogs pa yis// shes rab
184a6 kyis rtogs bya de mnyam par gzhag/oM shU n+ya tA dz+nyA na badzra swa b+hA wa At+ma kou0f85haM/ zhes pa'i sngags kyis don bsgom/ de ltar bsod nams tshogs dang ye shes tshogs// mdo rgyud phyi nang thun mong mngon byas n
184b1 as// de nas thun mong ma yin lam gyi mchog/ gsang sngags bskyed dang rdzogs rim bsgom bya ste// gang gis stong nyid sgom pa'i ngang nyid las// snang ba rten cing 'brel pa 'byung tshul ni// rang sems paM yig
184b2 pad+ma 'dab brgyad pa// lte bar raM skyes tshe 'gyur bsam steng du// hUM yig mthing nag 'od zer 'bar ba bsgom// de las 'od 'phros sna tshogs rdo rje bsam// de dag 'od 'phros rdo rje sa gzhi dang// ra ba gur dang
184b3 me lce 'bar ba bskyed// de nas b+h+ruMM las gzhal yas khang legs pa// lha yi gdan dang bcas pa bskyed par bya// dbus gdan mthing kha 'od 'phros pa// rgyal mchod sems can sgrib sbyangs mgon por gyur//
184b4 'od zer mgon po'i phyag mtshan kun bsdus te// tha la thim 'gyur ral gri thA mtshan bsam// tha ya ra na phaT ces sngags brjod do// tha las 'od 'phros don gnyis byas// mgon po'i skur gyur ma lus kun
184b5 'dus nas// 'og min gnas su rnam snang sku la thim// de yi thugs nas tha de mdun du 'byung// saM ta ra ni hUM zhes gsang sngags brjod// de'i rjes rang mthun tha de las// dpal 'bar mgon nag chen po khro
184b6 bo'i sku// bdud bzhi'i dgra dpung 'dzems pa yi// dpa' bo chen po khams gsum 'jigs byed pa// zhal gcig phyag bzhi zhabs gnyis sku chen mchog/ gzi brjid bskal pa'i me ltar rab tu 'bar// nyi ma
185a1 'bum las lhag pa'i 'od zer 'phro// sku dang zhal ni char sprin mthing nag mdog/ phyag na glang po'i rgyal mtshan ral gri dang// dbyug pa dang ni zhags pa'i phyag char ldan// khro gnyer gnyer zhing
185a2 smin ma glog ltar 'khyug/mche ba gtsigs shing zhal du khrag 'thung 'dzag/ sma ra dbu skra kham nag gyen du 'khyil// rin chen mgo skam spel mas skra tshar brgyan// rgyal ba rigs lnga dbu rgyan tshul du bzhugs// mi
185a3 mgo brgya phyed 'phreng bas do shal byas// mgul do dpung rgyan rin chen mdzes ba mnga'// klu chen brgyad ni sbrul gzugs sku la brgyan// ye shes me dpung 'bar ba'i klong dkyil nas// pad+ma 'od mchog steng du
185a4 sprul pa'i sku// lha yi gtso brgyad zhabs gnyis kyis mnan te// bzhengs nas gong zhing bsdigs pa'i tshul du bzhugs// de ltar dam tshig mgon nag cher gsal bsgom// de yi thugs khar ye shes sems
185a5 dpa' bsam// ye shes sems dpa'i snying na ting nge 'dzin// sems dpa' gsal dmigs de las 'khor bskyed pa// gcer bu pa dang ye shes ma mo bdun// rgyal chen bzhi dang klu rigs lcam dral lo// legs
185a6 ldan nag chen gcer bu pa// zhal gcig phyag gnyis 'jigs byed gzugs// kha T+wAM kha dang be con thogs// khro bo rgyan ldan ro stong bzhugs// ye shes ma mo kang ka bdun pa ni// nag mo zhal gcig phyag gnyis
185b1 gri thod thogs// yi dwags gdan bzhugs khro bo rgyan cha can// 'khor gyi gtso chen brgyad po de la yang// nag po che dang ma mo'i tshogs// bdun 'bum bdun 'bum gyis bskor bas// 'bum phrag bzhi bcu rtsa
185b2 dgus bskor// gtso 'khor dgu yi lus ngag yid de nyid// rgyal ba'i sku gsung thugs kyi byin gyis brlab// de nas ye shes mgon nag chen po nyid// 'khor bcas spyan drangs byas te rkang dung 'bud// mda'
185b3 dar nag po g.yab cing sman khrag phyar// gal te 'khor bcas spyan 'dren tshig la ni// sngar gyi sngags mi brjod par skad ni 'di skad brjod// mgon po chen po'i bka' nyan gsung sdod ni// dur khrod chen po'i
185b4 gnas brgyad nas// ma mo mkha' 'gro'i bdag po ni// legs ldan nag po chen po chos skyong gtso// lha yi dmag dpon chen po gshegs su gsol// kang ka mkha' 'gro'i tshogs dang bcas te gshegs// klu dang
185b5 rgyal chen lcam dral ma lus pa// dam chos skyong ba'i bsrung ma thams cad dang// lha yi dmag dang bcas pa gshegs su gsol// sangs rgyas bstan pa bsrung phyir gshegs su gsol// bdag cag sgrub pa'i
185b6 gnas 'dir gshegs su gsol// e h+ye dz+nyA na mahA kA la sa pa ri wa ra sa dz+nyA dza sa mA dza/ chos rnams chos nyid gdod nas gnyis med cas// bdag dang lha yang gnyis su med mod kyang// 'khrul pa'i rtog pas
186a1 btags par snang// de las sdug bsngal rang bzhin 'khor 'gyur phyir// rtog 'dul gnyen por dam tshig ye shes lha// gnyis med yin te yin par go bya'i phyir// dam tshig lha la ye shes lha yi
186a2 sku// gnyis 'dres tshul du thim zhing bzhugs su gsol// sa mA ya dz+nyA na de ba sa ma tiSh+Tha tiSh+Tha ya hUM hUM swA hA/ oM/ lha min dmag dpung g.yul bzlog cing// lha dmag dkar po'i dbugs 'byin pas// dpal
186a3 'bar nag chen 'khor dang bcas// sgo gsum gus pas phyag 'tshal lo// na ma dz+nyA na ma hA kA la ya/ na ma:karma bya mahA kA la ya/ na mo ma tri rdA ki ni nA ga na ya/ de nas rnal 'byor rgyud bzhin mchod pas
186a4 mchod// bstod pas tshigs bcad dbyangs dang bcas pas brjod// de rjes gsang sngags dag par bzlas par bya// oM mahA kA la trag shar/ ma hA kA la sa ho yaM du dza/ gtso bo'i bsnyen sngags yi ge bcu drug
186a5 pa'o// bka' bstod sngags kyang rtsa sngags de nyid do// oM badzra yak+Sha prah+ma hUM b+h+yo dza/ yi ge bcu pa dbyangs can ma'i sngags so// oM badzra yak+Sha shrI ma hA kA li hUM b+h+yo dza/ yi ge bcu gsum pa nag mo'i sngags so// oM
186a6 badzra yak+Sha pa ta li hUM b+h+yo dza/srin mo mgo 'phyang ma'i sngags so// oM badzra kaM ka ri kaM ka ri hUM b+h+yo dza/ yi ge bcu gnyis pa rdo rje pho nya mo gtso mo'i sngags so// oM badzra ro ru ru tsa la a shu ga me hUM b+h+yo dza/ yi ge bco lnga
186b1 pa 'phags ma nag gru chen mo'i sngags so// oM badzra re ma ti hUM b+h+yo dza/ yi ge dgu pa bdag nyid chen mo'i sngags so// oM badzra he he he hUM b+h+yo dza/ yi ge dgu pa rdo rje dga' mo'i sngags so// oM kling baM byin no snying la
186b2 ya/su tri tsit+ta rbad/ ma hA kA la hUM hUM phaT phaT/ yi ge nyer gcig 'khor gyi sngags so// ma ni shag trag a ni rak+Sha sha tse tse srog rbud/ oM mA ra ya shig ma trig rak+Sha sha mA ra ya phye/ ma ni rak+Sha sha mA ra ya phye/ ma tri su
186b3 tri rbad/a mu kaM dzi pa ta rbad/ rak+Sha shi ni sha ku ru thuM thuM rbad rbad rbud/ kha 'dar yed yed/ srog la rbad thibs rbad myos/ srog la thun rbad b+h+yo ya/ yi ge bdun bcu don dgu pa gsad pa'i drag sngags so// oM
186b4 tsit+ta tsit+ta ni ra ni ra ma sha ma tang ka ru sha/yi ge bco lnga pa dgug pa'i sngags so// che ge mo aM ku sha dza dza/ yi ge brgyad pa dgug pa'i sngags so// oM laM hUM laM ma hA kA la che ge mo stam b+ha ya nan/ yi ge bco lnga
186b5 pa mnan pa'i sngags so// bi sha dza ra pi khaM du lang bi sha dza ra pi khaM du lang ha sod ya/ yi ge bcu gcig pa ltas ngan dbab pa'i sngags so// oM dz+nyA na ma hA kA la sa pa ri wa re/ i dam ba lin+ta gr-i h+na gr-i h+na kha kha khA
186b6 hi pU dza swA hA/yi ge sum cu gcig pa gtor ma'i sngags so// de dag las dang po gtso dang bka' bstod kyi bsnyen sngags bzlas/ thun mthar mchod gtor gtor ma bsngo// smon lam gdab cing bskul tshig
187a1 brjod// ye shes lha mo gshegs// de ltar 'grug pa'i rtags ma byung bar du bsnyen pa bya ste/ gal te mi 'grub pa'am ldog pa'i rtags byung na/ man ngag ldan pa gang dgos 'byor byas la/ dam
187a2 tshig legs par bsrung/bsgrub pa la nan tan bskyed/ de la ldog pa'i rtags ni/ sdom dang sdigs bu rmi ba dang// gcan gzan rang la rmugs pa dang// mi la sogs pa'i sems can 'khrug pa dang// nang
187a3 'thab dang/sngags pa rang la brdeg pa dang/ rgol ba dang// khro ba dang/ mi sdug pa ston pa dang/ dud pa dang/ khug rna dang/ mi gtsang ba'i 'dam rdzab la sogs pa rmi ba 'byung// mi 'grub pa'i rtags ni
187a4 rta'am/bong bu dang/ dre'u khyim du byung ba dang/ zhon pa la sogs pa lug khyu rmi ba la sogs mi 'grub pa'o// 'grub pa'i rtags ni slob dpon dang/ dge bshes dang/ btsad po dang btsun pa dang/ sngags pa
187a5 dang/yul gyi gtso bo la sogs pa'i mi chen po mang du rmi ba dang/ chos pa gang dag rang la chos smra ba dang/ legs nyes kyi gros smra ba dang/ bden brdzun ji ltar 'ong ba'i snga ltas ston pa dang/ gzhan yang
187a6 mchod khang dang/gdan khri bzang po dang/ gdugs dang/ rgyal mtshan dang/ ba dan dang/ bla re dang/ dung chen dang/ rnga dang/ dril bu la sogs pa sgra dang ldan pa dang/ thod pa bzang po la sogs pa'i phyag
187b1 mtshan dang/bya nag dang khyi nag rmi ba mang du 'byung/ grub pa'i rtags ni sngags par rang nyid grong khyer gyi dpon du gyur pa dang/ dmag dpon du gyur pa dang/ 'gro ba gzhan phyag 'tshal ba dang/ rang gi g.yog
187b2 byed pa dang/gter chen po rnyed pa dang phrad pa dang/ rlung tshub chen po dang/ dar nag gi gur phub pa rmi ba dang/ dngos su yang khang sgra 'khrog cing gdung sgra 'tsheg 'od 'byung thug chem gyi sgra 'byung/ sku gzugs
187b3 bzhad pa dang/rdzas las 'od 'byung ba dang/ dri zhim po 'byung ba dang/ dngos su lha'i mtshan ma byas pa rnyed pa dang/ mkha' 'gro dang mkha' 'gro ma'i sku mthong ba dang/ gsung thos pa dang/ lhag par lha'i sku
187b4 mthong ba dang/gsung thos pa dang/ nyams dga' ba dang/ lus bde ba dang/ byin che zhing ting nge 'dzin gsal ba rnams 'byung ngo// grub pa'o// ye shes kyi nag po chen po 'grub na/ las kyi nag po chen po
187b5 dang/ma mo mkha' 'gro rnams shugs la 'grub bo// de bas na bdag gis 'khor rnams kyi sgrub pa po'i bran dang g.yog tu gyur te/ ci bsgo ba'i las byed do// dgos pa thams cad 'grub par 'gyur
187b6 ro// yongs su brten pa bstan pa'o// rdzogs so//// de nas khro rgyal gshin rje gshed pos dpal nag po chen po bsgrub pa'i thabs kyi rgyud 'di gsungs pa/ drag po'i las la sogs pa gang sgrub par
188a1 'dod pa gang shis pa'i gnas su sa sngon po 'am nag po las dkyil 'khor pang du khru gang pa la rgyar 'dom gang ngam/mda' gang gru bzhi byas la ba'i lci ba chu dang bcas pas byug dur sol dang
188a2 dug khrag sbyar bas dbus su gru gsum nag pos byug de'i phyi ru re ga zlum pos lan gnyis bskor/bar du zla gam gsum 'byung po dang khrag gis dmar por bya/ zlum po dkar po la mi mgo smug po nag po sngon
188a3 po gsum spel ba'i 'phreng ba dang rtsang gis bskor/gru chad ljang khu/ lha snam ser bo/ sgo bzhi spyi dang mthun/ phyi'i rtsig pa lnga rim du bya/ 'dod pa'i yon tan gyi lha mo'i snam bu dmar po/ pha gu ser po/ dra ba
188a4 dang dra phyed dkar pos bya/lta bas kha dog sna tshogs par bya/ sgrub pa'i yo byad rnams phun sum tshogs par byas la bsgrub pa nyams su blang par bya'o// mthun pa'i rdzas 'bru sna dang/ tsan dan la sogs pa
188a5 bsogs te/shing tsher ma can gyi mda' la khra dang 'ug pa'i sgro btags la gzugs/ dom mam/ khyi nag gam/ gri snying mda' la gdags shing rtar gzung ngo// gzungs ston las la gnyer gtad cing dmar thag
188a6 chad pa'i dus su ting nge 'dzin bstar la/oM badzra yak+Sha de ba ma hA shrI hUM dza/ oM badzra yak+Sha ye ta li hUM dza/ oM sarba dza la ku lo hUM dza/ oM kaM ka kaM ka ro ro hUM dza/ zhes bzlas so// de nas gzhan yang mnan pa dang/
188b1 bsreg pa dang/ zor gyi las byas te myur du bsgral bar bya'o// bstan pa la gnod pa rnams myur du bsgral ba'i ched du/ bcom ldan 'das kyis dam pa'i chos gsang sngags kyi snod dang ldan pa las dang po pa
188b2 rnams kyi don ched du/dpal nag po chen po rje mgon po sgrub pa'i thabs rgyud kyi rgyal po mchog 'di gsungs te/ che'o skyes bu chen po sangs rgyas kyi bstan pa bsrung bar 'dod pas dam pa chos skyong kun gyi gtso
188b3 bo chen po bsgrub par bya'o// 'di ltar dkon mchog gsum la skyabs su 'gro ba khyad par can blangs te/ byang chub dam par sems bskyed pa byas nas/ dam tshig dbang bskur thob par byas la rgyud rnams thos
188b4 bsam byas te/sgrub pa nyams su blang bar bya'o// de nas dpal nag po chen pos phyi'i rten gos nag dang/ zhwa nag dang/ lug nag dang/ mchod rten dang/ gsung rab dang/ ye shes lha'i sku gzugs dang/
188b5 dkyil 'khor mchod rdzas rnams bshams/ nang gi rten dpal nag po chen po'i sku gzugs dang/ phyag mtshan dang dkyil 'khor bris pa dang/ nang gi dam tshig gi rdzas rnams bsham/ gsang ba'i rten skyes pa
188b6 grir shi ba'i snying ngam/de ma rnyed na g.yag gam/ rta nag dang/ khyi nag dang/ lug nag dang/ bya nag gi snying dang/ dbang po lnga la 'am/ tshang bar ma rnyed na gang rnyed kyi snying dang/ de dag gang rnyed pa'i gsob
189a1 dang/rta gtor dang/ bshos bu ri rab gzugs rnams bsham par bya'o// gnas gang shis pa dben pa bzang por dkyil 'khor legs par byas la/ mchod rdzas dang rten rdzas ci 'byor pa
189a2 bshams la/sngags pas stan bde ba la 'dug ste/ bla ma dkon mchog la skyabs su 'gro ba dang/ byang chub mchog tu sems bskyed pa gnyis kyi tshogs gnyis bsags pa'i rjes su/ sngags pas sngar gyi yi dam
189a3 gyi lha gzhan gtso bor bsgom pa'i mdun du/dpal mgon po chen po bsgom pa'am/ yang na dpal nag po chen po nyid gtso bor bsgom kyang rung ste/ ye shes kyi dpal mgon po spyan drang ba ni 'di ltar/ hUM/
189a4 bcom ldan dpal chen nag po gshegs su gsol// rdo rje nag po chen po gshegs su gsol// rdo rje mgon nag chen po gshegs su gsol// ye shes lha chen dpal 'bar gshegs su gsol// dam pa'i gtso
189a5 chen chos skyong gshegs su gsol// ma mo tshogs rje tshogs bcas gshegs su gsol// chos skyong dpal mgon tshogs bcas gshegs su gsol// oM hri:e h+ye hi b+ha wa te shrI mahA kA la kA ru Ni ka sa pa ri wa ri
189a6 dza hUM baM ho sa ma ya staM/zhes bya bas 'og min gyi gnas nas mdun gyi nam mkha' la spyan drangs la/ bcom ldan mgon po nag po chen po la// lus ngag yid gsum gus pas phyag 'tshal lo// ye shes ma mo'i
189b1 tshogs la phyag 'tshal lo// legs ldan nag po che la phyag 'tshal lo// ma mo mkha' 'gro ma la phyag 'tshal lo// bstan bsrung dpal mgon rnams la phyag 'tshal lo// bsod nams gzi brjid 'bar la phyag
189b2 'tshal lo// mthu chen drag shul che la phyag 'tshal lo// zhes phyag 'tshal la/ bzhugs su gsol te/ ye shes tshogs rdzogs chos skur sangs rgyas kyang// bsod nams tshogs rdzogs longs spyod rdzogs
189b3 pa'i sku// smon lam dbang gis mya ngan mi 'da' bar// sa mchog la gnas rgyal sras la snang zhing// sprul sku gdul bya dman la snang 'gyur te/ khyad par bsgral bya'i zhing bzhi bsgral ba'i phyir// bdud 'dul
189b4 nag po chen por sku sprul pa// sangs rgyas bstan pa bsrung phyir bzhugs su gsol// ye shes ma mo legs ldan nag chen dang// ma mo'i gtso mo rnams dang dpal mgon tshogs// chos skyong bsrungs ma mchog
189b5 bcas bzhugs su gsol// 'gro mgon rten mchog bsrung phyir bzhugs su gsol// oM ma hA kA la shrI dz+nyA na maN+Dal i daM sa ma ya maN+Dal pra be sha ya tiSh+Tha ya swA hA/ zhes brjod cing dza hUM baM hos dgug pa dang/
189b6 gzhug pa dang/ bcings pa dang/ dgyes par bya'o// de nas rang las sprul pa'i mchod pa'i lha mo 'thon nam rgyud gzhan du bstan pa bzhin mchod pa dang bstod pa bya/ tshogs sam rnal 'byor gyi ston mo bya ste/ phyi
190a1 nang gsang ba'i mchod rdzas byin gyis brlab pa ci rigs byas la/mchod pa dbul te/ yan lag brgyad ldan gtsang chab 'o mas sbyar// dri ro mchog dang sbyar ba'i yon chab dang// dri mchog sbyar ba
190a2 byas pa'i byug spos dang/me tog shin tu mdzes pa'i spos mchog dang// rin chen 'od dang rkyen las 'byung ba'i 'od// bshos bzang po dang la phug la d+hu sogs// ro mchog ldan pa'i zhal zas sna tshogs
190a3 dang// sgra snyan la sogs rol mo tshogs dang bcas// nag po chen po 'khor bcas mchod par bzhes// zhes brjod de bstod pa yang byas las/ dza hUM baM hos dam tshig la bstims te/ oM ma hA kA la trag shad
190a4 ces pa'i sngags kyang bzlas la/de nas las la sbyar bar bya'o// zhes gsungs so// dpal nag po chen po khams gsum 'jigs byed kyi rgyud rdzogs so//// raM kr-iSh+Na dz+wa la'i 'gyur ro// 'di gsang sngags
190a5 gsar ma'i lugs yin gsung ngo//
190a6 rgya gar skad du/


CLOSE WINDOW