179a1 shrI ma hA kA la gu h+ya tsit+ta tso ri nA ma tan tra/ bod skad du/ dpal mgon po nag po gsang ba thugs kyi spu gri'i rgyud ces bya ba/ bcom ldan 'das phyag na rdo rje khros pa la phyag 'tshal
179a2 lo// 'di skad bdag gis thos pa'i dus gcig na/ lcang lo can gyi pho brang na/ dpal rdo rje gtum po nyid las mi zhan pa'i 'khor khro bo bdud rtsi 'khyil pa la sogs pa dang thabs cig tu bzhugs pa las/
179a3 dpal mgon po nag po ma hA kA la zhes bya bas bstan pa bsrung bar dam bcas so// dpal mgon po nag po gsang ba'i rgyud las/ gleng gzhi'i le'u ste dang po'o//// de nas khro bo bdud rtsi 'khyil pas
179a4 gsol pa/kye ma bcom ldan 'das rdo rje 'dzin pa/ ma 'ongs pa'i dus su sangs rgyas bstan pa gnyan par bya ba'i phyir/ ma hA kA la'i rtog pa bshad du gsol/ zhes gsol pas/ rdo rje gtum pos bka' stsal ba
179a5 ni/nyon cig 'dus pa'i 'khor rnams tshogs// ma hA kA la 'od 'bar 'di// bstan pa bsrung bar khas blangs pa'i// de yi rtog pa nga yis bshad// dam tshig ldan pa'i sngags pa yis// dben pa'i gnas su
179a6 stegs bu brtsig/lcags sam kham pa'i spar bu ru// dkar gsum mngar gsum rgun 'brum dang// shing thogs la sogs bsham par bya// de ni dang po bsnyen pa'i rdzas// yang na gtor ma nyid la
179b1 brten// bsgrub pa byed pa'i dus nyid du// zla gam nag po khru do pa// zheng du khru gang ldan par bya// ban d+ha mtshan dang ldan pa ru// nri yi snying gi rtsa lag bcas// bdud rtsi khrag dang sha chang phud// khru byed dag tu
179b2 bsham par bya// las dus maN+Dal gru bzhi'i dbus// gru gsum phyi rol zlum po la// thod pa'i khol ma bdun btang la// rdo rje ra bas bskor bar bya// dur khrod sol bas dbus su byug/ zla gam gsum ni dmar
179b3 por bya// tha ma rtsang gis kha bskor la// dgra yi bdud rtsi rkang rjes dang// mchil snabs ming rus ling ga bris// gzungs thag nag po btags byas la// seng ldeng phur pas brtod par bya// dug dang yungs
179b4 kar sngags byas te// lig ga dag la bsnun par bya// gzhan yang bshos bu mda' nag dang// rim par bshams la bsnyen bsgrub bya// de yis don rnams mngon du 'grub// ces gsungs so// dpal mgon
179b5 po nag po gsang ba'i rgyud las/dam rdzas bsags pa'i le'u ste gnyis pa'o//// de nas bcom ldan 'das la/ mgon po nag pos smras pa'i sngags rnams bka' stsal pa/ oM shrI kA la la rU pa hUM phaT/
179b6 sku'i sngags so// oM ma hA kA la ya hUM phaT/ gsung gi snying po'o// oM ma hA kA la rag sha du beng ni dza/ thugs kyi snying po'o// 'di rnams bzlas na mngon du 'ong// 'od dang sgra dang ban d+ha mon// bya nag khang pa
180a1 'tsheg par 'ong// de dag dril nas las la sbyar// mA ra ya dang bcas pas brdeg/ bsnyen pa'i dus su gsung gi drangs// de rjes sku yi sham bu gdags// thugs kyi snying po thun mtshams
180a2 bzlas// yang na gsad pa'i las byed na// oM ma hA kA la rag sha du beng ni dza/ oM shrI ma hA kA la rU pa hUM phaT/ che ge mo mA ra ya/ da ha da ha/ tig sna tig sna/ yag sha rbad rbad/ ces so// bkra shis la tshan che
180a3 bar 'dod na re ma ti'i snying po ni/trag rag sha snying kha rag ma b+h+yo b+h+yo/ mA ra ya rbad/ ces brdeg go/ las 'gor na/ mon pa 'dis las thams cad byed pas/ oM nri dza snying la yaM thuM/ ril ril sbra lus la ya rbad/
180a4 pa ni shag snying la ya/ zhes brdeg par bya'o// nor 'phel bar 'dod na/ 'khor gyi dzamab+ha la'i snying po ni/ oM dzaM b+ha la dza len drA ya su ru su ru sarba d+h+rig nan/ a ta ya ho swA hA/ bzlas pas ci bsam 'grub
180a5 pa'o// nor la 'breng bar 'dod na/ oM ma hA kA la rag sa du beng ni rdzi sarba 'breng ba su ki b+h+yo/ bud med la 'breng bar bya na/ oM ma hA kA la ya bud med che ge mo hUM hUM dza dza'abreng hUM phaT/ ser bsrung na/ ser ba
180a6 pra tang ki ra ya shag phaT/u tsa ta ya raM phaT/ ces gsungs so// dpal mgon po gsang ba'i rgyud las/ gsang ba sngags kyi le'u ste gsum pa'o//// de nas yang dag bka' stsal pa/ bsgrub pa'i
180b1 gnas su rgyal ba yi// rten dang mgon po'i bris sku dgram// mchod pa dag gis mdzes par bya// gtor ma gsob dang rgyan dang bcas// rim par bshams te bsgrub par bya// de yi mgon po bka' bzhin
180b2 du// mngon du gyur te las rnams 'grub// ces gsungs so// dpal mgon po gsang ba'i rgyud las/ mgon po nye bar bya ba'i le'u ste bzhi pa'o//// de nas gzhan yang bka' stsal pa// bstan pa bsrung
180b3 bar 'dod pa yis// bdag nyid phyag na rdo rjer bskyed// mdun du hUM las mgon po ni// zhal gcig phyag gnyis spyan gsum pa// g.yas na tsan dan beng dang ni// g.yon pa spar bu dku la brten// dar nag
180b4 'jol ber gser sked can// sag ti'i lham chen stag la chibs// g.yon na lha mo re ma ti// drel rta zhol nas khraM shing rkyal// mon pa dmar nag sngon po dang// las kyi mon pa be con thogs// lce spyang dom dred
180b5 bya khar bcas// dzam b+ha la ni nag pos te// bI dza pU ra thod pa can// mos bsam bka' nyan tshul du bskyed// rang bzhin spyan drangs bstim phyag 'tshal// de la gtor ma dbul ba ni// hUM/ nga ni khro bo'i rgyal po
180b6 ste// lag na rdo rje rtse lnga 'chang// rdo rje'i lus la rdo rje 'phro// thams cad ma lus zil gyis gnon// de yis bka' nyan chos skyong mgon// ma hA kA la mthu bo che// khyod la dad pas mchod par 'bul// bdag
181a1 gi 'phrin las myur du mdzod// oM mahA kA la rag sha du beng ni dza/ oM shrI mahA kA la rU pa hUM phaT/ oM mahA kA la ya hUM phaT/ trag rag sham b+h+yo/ dzam+b+ha la dza len drA ya swA hA/ mon pa sa pa wA ra li i
181a2 dam gr-i h+na gr-i h+na kha kha khA hi/zhes dbul bar bya'o// zhes gsungs so// ma hA kA la gsang ba'i rgyud las/ mchod pa'i le'u ste lnga pa'o//// de nas yang bka' stsal pa// rnal 'byor ba bsnyen pa byed dus su
181a3 las gnyer gtad pa ni/dpal ldan mgon po nag po shrI ma hA kA la bdud 'dul gyi dbang phyug rigs 'dzin gyi srog shing/ rnal 'byor gyi dgra lha dam pa/ chos skyong ba'i srungs ma/ srin po lang ka pu rangs
181a4 grong khyer gtan nas brlag par byed pa/lha ma yin gyi bu mo nam mkha'i glog ma srin ma 'dul bar zhal gyis bzhes pa/ myur mgyogs kyi dpa' bo stag la chibs nas snang srid kyi lha 'dre thams cad dbang du
181a5 sdud pa/phyag g.yas na tsan dan gyi beng chen po bsnams pa la/ bdud dang srin po'i dmag nyi khri chig stong 'gyed pa/ g.yon pa lcags kyi par bu bsnams pas thams cad sgrol zhing dgra bo'i snying khrag 'thung ba/
181a6 lho phyogs kyi gshin rje chen po brgyad dom dred dang stag gzig tu sbrul te sngon la rol ba/ byang phyogs kyi gnod sbyin brgyad lcags kyi bya khra sprul nas phyi nas 'breng ba/ dpal lha mo re'u ma ti khraM shing dang nad
181b1 rkyal thogs pa rlung nag 'tshub ma'i dbus na bzhugs pa/nor bdag dzam+b+ha la dang bcas pa dam rdzas kyi gtor ma 'di gsol/ bdag gi 'khor du bcas pa srungs shig nor dang rigs brgyud spel cig dgra bo
181b2 brnag pa 'di sod cig ces pas gnyer du gtad par bya'o// zhes gsungs so// dpal mgon po nag po gsang ba'i rgyud las/ las gnyer gtad pa'i le'u ste drug pa'o//// de nas yang bka' stsal pa ni/
181b3 bsgrub bya sgrol bar 'dod pa yis// rang nyid gtum po'i nga rgyal gyis// dpal ldan mgon po drag tu bskul// ling kha dag la thun du brab// rtags ni shing gcad g.yag gsad dang// sems can gsad dang
181b4 dgra dngos gsad// ling dang jag pa 'gro ba na// ling ga thod par bcug la mnan// de yis gzas pas gtan nas 'pho// zhes gsungs so// dpal mgon po gsang ba'i rgyud las/ man ngag don gyi le'u ste
181b5 bdun pa'o//// de nas yang dag bka' stsal pa// rgyud 'di mgon po gsang rgyud de// rnal 'byor nad pa gso ba'i tshe// sri'u la sogs thams cad la// rtag gtor bcas las 'phrin las bcol// 'di
181b6 bsgrub yon tan dpag tu med// rang nyid tshe ring nad med dang// longs spyod grags pa 'khor rnams srun// nor dang chu ma yan du btub// rnal 'byor gshis ngan 'gum mi 'gyur// dam chos sgrags nas
182a1 gtor ma dbul// 'di grub yon tan dpag las 'das// zhes gsungs so// dpal mgon po nag po gsang ba'i rgyud las/ bsgrub pa'i yon tan gyi le'u ste brgyad pa'o//// de nas yang
182a2 dag bka' stsal pa// ma hA kA la'i bka' nyan ni// lha srin thams cad 'khor yin te// 'khor du ma gyur gang yang med// de rnams btags na las myur te// dngos su mon nam re'u ma ti// dzaM b+ha la nyid bsgrub
182a3 par bya// rnal 'byor bkra shis mchog tu 'gyur// zhes gsungs so// dpal mgon po gsang ba'i rgyud las/ bka' nyan bstan pa'i le'u ste dgu pa'o//// de nas bcom ldan 'das gtum pos 'khor
182a4 rnams la bka' stsal pa ni kye ma'o lnga brgya dus mtha' ma'i dus su/rnal 'byor ma 'ongs dam tshig can rnams la phan pa'i phyir/ dpal mgon po'i rgyud 'di gsang la yongs su bzung zhing bcang bar bya'o// zhes
182a5 bka' stsal pa dang/'khor rnams rjes su yi rang bar gyur to// dpal mgon po nag po gsang ba'i thugs kyi spu gri'i rgyud las/ yongs su bzung zhing gtad pa'i le'u ste bcu pa'o//// dpal mgon
182a6 po nag po gsang ba thugs kyi spu gri'i rgyud ces bya ba rdzogs so//// rdo rje yang dbang gter bdag la gu ru ba su d+ha ras gtad nas mngon du bkol te/ chos thams cad kyi bka' bsrungs su gzhag
182b1 go/phyi rabs kyi rnal 'byor pa rnams kyis dam tshig la gnas par byas te bsgrubs na/ dngos su zhal ston par 'gyur ro// dam la gnas pas tshe ring grags pa thob/ bsod nams rgyal por 'gyur ro// zhes
182b2 gu ru ba su d+ha ra'i zhal nas gsungs so// mgon po rgyu dang sgrub thabs mi mthun pa dang rgyud dang bcas pa mang du gyur te/ rong gi rdza la thams cad sbas/ thugs kyi yi dam rdo rje yang dben 'phrul gyi gzhal yas
182b3 su sbas so// rnal 'byor dbang phyug dud 'gro sprel lo pa bong ring ba sha ser ba lus spra bas rnyed par 'gyur ro// de nas las 'phro can 'ga' dang 'phrad de dam tshig la gnas par bya'o// zhes rdo rje yang dbang
182b4 gter gyis smras so ang/dam med lag tu nam yang phrad par ma gyur cig phrad na yang 'tshig par gyur cig/ rgya rgya rgya/ a+thi+-i/ kha thaM////
182b5
182b6 rgya gar skad du/


CLOSE WINDOW