173a1 rgya gar skad du/ shrI mahA kA la so ri tsit+ta tsakra gu h+ya tan tra/ bod skad du/ dpal mgon po nag po chen po spu gri snying gi 'khor lo gsang ba'i rgyud/ bcom ldan 'das rdo rje gtum po la phyag 'tshal
173a2 lo// 'di skad bdag gis thos pa'i dus gcig na/ dur khrod chen po mA la ya zhes bya ba/ gnod sbyin pho brang 'dus pa'i gnas mchog tu/ dpal rdo rje snying po gtum chen rab tu 'bar ba zhes bya ba/ dregs pa
173a3 can bran du 'khol bar byed pa zhes bya ba'i ting nge 'dzin la snyoms par zhugs so// de'i tshe de'i dus na/ rdo rje rnam thos sras la sogs pa rgyal po bzhi dang/ phyogs skyong pa bcu gcig dang lha dang drang srong rdzu
173a4 'phrul dang ldan pa dang/rdo rje mkha' 'gro ma rnams dang/ klu chen 'khor dang bcas pa dang/ bdud dang srog bdag skyes bu ging gnod sbyin dregs pa 'khor dang bcas pa rnams dang thabs cig tu bzhugs
173a5 so// de nas rdo rje gtum pos dregs pa dbang du bsdu ba'i ting nge 'dzin la zhugs pa dang/ 'khor gyi nang nas rdo rje rnam thos sras stan las langs nas 'di skad ces gsol to// e ma ho rdo rje khros pa'i
173a6 bdag/'jig rten dregs pa'i srog bsdus la// sngags 'chang rnal 'byor dbang phyug che// mahA kA la drag shul can// gsang ba'i sgrub pa bshad par mdzod// de nyid bsgrub par bya ba gang// myur du las la ji
173b1 ltar rbad// gcad cing las mtha' brtul ba gang// ma grub spogs na ji ltar spogs// dregs pa'i la mkhan ji ltar brdeb// ltas ngan cho 'phrul dbab pa dang/ lo tog gzhom pa ji ltar lags// dam tshig
173b2 chen po ji ltar lags// dam tshig chen pos bdag la stsol// ces gsungs te/ rdo rje gtum po'i sku la 'khril bar gyur to// mgon po spu gri snying gi 'khor lo'i rgyud las/ gleng gzhi'i le'u ste dang
173b3 po'o//// de nas rdo rje khros pa zhes bya ba rdo rje gzi byin 'bar ba gyur pa de/ kA la 'od 'bar zhes bya ba sgrub pa'i thabs 'di dag ched du brjod do// thog mar shes ldan rnal 'byor gyis// sangs rgyas
173b4 bstan pa rmas gyur na// ri gsum rtse dang brag nag spungs// dben la byin che nags tshal stug/ rang nyams dben par gnas btsal la// sbyin gtor gtang zhing mtshams gcad la// nag po chen po bsgrub par
173b5 bya// phung sa lha khang rnying pa'am// sna tshogs sa la maN+Dal brtsigs// dri spos sman gyis chag chag gdab// dbus su drag po 'brub gnas bzhi// khru gang rkyang pa sor lnga spangs// phyi rim zla kham dmar po la// gru
173b6 chad sgo bzhi mdzes pa la// rdo rje rwa bzhi rnam par bgrad// dbus kyi 'brub gnas gru gsum du// lcags sam nag po de dag la/ ga 'u nag po kha sprad bca'// steg 'og 'khor lo sngags bkod la// gti mug
174a1 snying dang smug chen du// a mu ka yi ming bcug la// srog rtsa dgug pa'i rten du bzhag/ byang shar thod pa nag po ru// rgyu rkyen drug la gzugs byas pa'i// dbang po tshang ba'i 'dra 'bag bzhag/
174a2 nub tu khrag dang dug sbyar ba'i// zor gyi thod pa bzhag par bya// lho ru phur ba dug shing la// sor brgyad ldan pa gsum byas la// mon pa gsum du mnga' gsol dgos// dpal bshos 'bru nag me tog
174a3 nag/ba li ta dang ar+g+ha dang// d+hU pa mar me dri zas dang// sgra la sogs pa rim pas so// de nas bdag nyid skad cig gis// khro bo'i rgyal por bsgom byas la// gdug pa can la bka' bsgo la// gzhal med rdo
174a4 rje 'phreng ba'i dbus// dkon mchog bla ma yi dam lha// chos skyongs srung ma la sogs pa// spyan drangs la sogs cho ga bya// thams cad stong la nyid mos bya// de yi ngang las hUM yig bsgom// de las rdo rje rtse lnga
174a5 pa// yongs su gyur pa 'jigs pa'i sku// rdo rje sdigs mdzub 'jigs pa'i tshul// de yi mdun du las mkhas tshul// mahA kA la drag shul can// sku mdog nag po mun nag 'dra// lag na tsan dan beng chen
174a6 las// nyi khri chig stong bdun khri dmag/ lcags kyi bya khra steng nas lding// chibs su dpa' bo stag la chibs// rol du seng ge dkar po khrid// gcan gzan gdug pa za byed kyis// nyams pa brdzis pa'i gdan
174b1 la bzhugs// las kyi mon pa nag po yis// tri shul kha T+wAM rtse gsum la// mi ro dmar po'i rgyal mtshan 'phyar// dar nag ru mtshon na nag po yis// snang srid lha 'dre dmag la sdud// bdud kyi zhags pa nag po
174b2 yis// nyams pa'i mgul nas 'khrid par byed// las kyi mon pa nag po gcig/ spu gri g.yas la tsit+ta g.yon// zhal bgrad mche ba gtsigs par byed// las kyi mon pa nag po cig/ ma he'i rwa dung rab 'bud
174b3 cing// lcags kyi phur pa rdeg par byed// mdun na lha mo nag mo yang// dre'u la zhon nas tshub ma'i dbus// khrag gi thod pa 'thor bar byed// de ltar bskyed cing spyan drangs te// drag po sngags kyi dbang bsdus
174b4 la// mchod pa dbul zhing 'phrin las bcol// rgyun du gsang sngags 'di dag go/ oM shrI ma hA kA la triM yaM dza dza/ a mu kA ma ra ya hUM/ ye shes lha dang las mkhan dang// dmigs pa'i srog rtsa dgu pa zhes// rtsa ba
174b5 las su 'brel pa 'di// ma yengs rnal 'byor ldan pas bod// 'od dang sgra dang sku ston dang// rmi lam rtags rnams mang du 'byung// drag po las la 'jug par bya// gal te grub par ma gyur na// dam tshig
174b6 bshags la bsnyen la spongs// zhes gsungs so// mgon po spu gri snying gi 'khor lo'i rgyud las/ mgon po nag po sgrub pa'i le'u ste gnyis pa'o//// de nas rdo rje khros pa zhes bya ba des/ 'byung po yi bu
175a1 rtogs 'dod can zhes bya ba ma hA kA la drag po rbad de/dgra bo gsad pa'i las 'di ched du gsungs so// mon nam rabs chad thod pa ru// brnag pa'i ling ga bcug nas ni// yungs kar yungs
175a2 nag skye tshe dug/khrag dang sbyar ba'i thun bcas la// drag sngags 'di rnams bzlas shing gsad// oM shrI ma hA kA la tri yaM dza dza/ a mu ka mA ra ya nan/ mA ra ya sod/ nag pa'i dgra bo'i sha rgyus snying 'di thon thon/
175a3 bdud po dgra bo yi srog rtsa 'di chod chod/ nag po dgra bo yi srog la dza dza/ nag po dgra bo yi bla rtsa la dza dza/ nag po dgra bo yi snying la dza dza/ nag po dgra bo yi klad pa'i rtsa la dza dza/ nag po dgra bo yi snying rgyud
175a4 dbugs la dza dza/nag po dgra bo'i sha rgyud srog rtsa la dza dza/ tsa ti ba ta tsakra hUM/ ma ti bya tsakra ni hUM/ baM ni ra hUM b+h+yo/ ma ma ling ling du b+h+yo/ ma ma cho las la gram/ ha la ha la hUM phaT/ dug khrag tsha ba'i rdzas brab
175a5 cing/gsad cing dgug pa'i gsang sngags bzlas tha ma'i nu mo phur pas gdab// mtshan ma rtags la phebs pa dang// gnan pa yi ni cho ga bya// ling ka gris gtubs mnan tod gzhug/ lha khang sgo 'am lder
175a6 so'i 'og/gdug pa yod sar mnan par bya// oM shrI ma hA kA la tri yaM dza dza/ ma hA kA la thar nan shar nan/ du beng ni dza da ra nan dza/ oM laM hUM laM staM b+ha ya nan/ de yi mnan pa the tshom med// ces gsungs
175b1 so// mgon po nag po snying gi 'khor lo gsang ba las/ gtad pa'i rtog pa ste gsum pa'o//// de nas rdo rje khros pa yis// kA la 'od 'bar drag shul can// rnal 'byor kun gyi mgon gyur pa// lha yi ded
175b2 dpon bskul zhing rbad// nges par gsungs pa 'di lta ste// che btsan dpe med mgon po nag po ni// sku la dar nag 'jol ber gsol// sku mdog nag po mun pa'i mdangs// dbu la gdug pa'i ral pa
175b3 can// mi yi thod pa dbu rgyan byas// sdang mig dmar la mche ba gtsigs// stag gi sma ra me ltar 'bar// snyan cha mgur chu mi thod dmar// zhabs la sag tig lham po che// chibs su dpa' bo stag la
175b4 chibs// phyag na tsan dan beng chen bsnams// gsor zhing klad pa'i rgyas su brdeg/ sor zhig rgyu gcig khong nas snying phyung zhig/ lha chen mgon po nag po khyod// nga la sdang ba'i dgra bo 'di// myur du song la rnam
175b5 par rgyob// smyo ru chug la 'bog tu chug/ lha chen mgon po nag po dang// lha mo nag mo dgyes par 'khril// lha mo gnyan dang gnyis su med// lha mo nag mo gshegs su gsol// lha mo nag mo chen mo ste// sku
175b6 mdog dmar nag ral pa can// g.yas na bdud kyi khram bam thogs// g.yon na nad kyi rkyal pa thogs// chibs su drel rta rkang gsum chibs// dra ba bdud dgu'i tai len bkal// khyod kyi thugs dam dus la
176a1 bab// bka' nyan mon pa nag po gsum// las kyi mon pa gtum bag can// sku yi sprul pa las mkhan ni// sku mdog nag po 'jigs pa la// zhal sdang mche bar rab tu gtsigs// zhal gcig
176a2 phyag ni gnyis pa ste// g.yas pa kha T+wAM rtse gsum la// mi ro dmar po'i rgyal mtshan 'phyar// dar nag ru mtshon chen po yis// lha srin sde brgyad dmag dpung 'gyed// bdud kyi zhags pa nag po yis// nyams
176a3 pa'i mgul nas 'khrid par byed// lce spyang nag pos khrag rjes gcod// lcags kyi bya khras rgyu ma 'dren// bla 'gugs mon pa'i dus la bab// gsung gi spul pa'i las mkhan ni// las kyi mon pa gtum bag
176a4 can// sku mdog smug nag chen po la/ khrag gi ral pa gyen du brdzes// g.yas pa lcags kyi phur pa yis// nyams pa'i snying la 'debs par byed// ma he'i rwa dung g.yon 'bud cing// sde brgyad dmag dpung sdud
176a5 par byed// srog gcod mon pa'i dus la bab// thugs kyi sprul pa'i las mkhan ni// lcags kyi mon pa las mkhan ni// nag po gsod byed ces bya ba// zhal gcig phyag ni gnyis pa ste// g.yas pa srog gcod
176a6 spu gri yis// nyams pa'i tsit+ta dmar thon byed// g.yon par lcags kyi sder mo yis// srog rtsa dmar ba rtsad nas gcod// zhal bgrad ral pa gyen du brdzes// gcer bu nag po bdud kyi gzugs// dgra la
176b1 rbad kyis las rnams mdzod// gsod byed nag po'i dus la bab// rnal 'byor kun gyi dpal mgon te// mahA kA la drag shul can// chos skyong mgon po 'khor dang bcas// bstan pa 'jig pa'i dam nyams
176b2 rnams// ma btang myur du rnam par sgrol// smyo 'bog khrag skyug gzer dang thibs// rims dal thang mar 'dar du chug/ bdud kyi skya dmag mang po yis// nyams pa dgra yi sgo non cig/ dam rdzas gtor ma
176b3 'bul lags kyis// rnal 'byor las bcol grub par mdzod// ces bskul lo// mgon po spu gri snying gi 'khor lo las/ las la rbad cing pho nya dgye ba'i rtog pa ste bzhi pa'o//// de nas rdo rje khros pa
176b4 yis// gsang ba nye bar gyur pa yi// gsad pa mchog gi las bshad pa// dur khrod 'jigs pa'i gnas dag tu// gri rgod nag po'i thod pa ru// rak+ta ha la lnga gnyis dang// rten drug sbyar ba'i ling ga bya// ras
176b5 sam rgya shog de dag la// sdig pa'i lto bar 'khor lo bri// dug dang khrag gis ngar blud la// 'khor lo mon pa'i tsit+ta gzhug/ dar nag gtums la thod par gzhug/ bdag nyid rdo rje gtum por bsgom// drag
176b6 sngags sbyor ba'i 'di lta ste// oM shrI mahA kA la tri yaM dza dza/ dgra bo nri mA ra ya srog la myogs/ tsit+ta khas rak+ta thibs hUM li yaM ling mA ra ya rbad/ yungs kar yungs nag skye tshe dang// drag po dug pa mda' yis
177a1 kyang// stong dang khri yi bar du rdeg/ zhag bdun sbyor ba rdzogs pa dang// thod pa gdug pa'i gnas su mnan// zla ba gsum mam lnga ru 'pho// las 'di ya bag sha res grags// rbad gsad
177a2 mgon po'i dmag dpung dbab// dus drug dag tu shes par bya// gal te g.yel nas rtags 'gor na// snying gi 'khor lo bzlog cing dkrug/ de yis las grub the tshom med// oM dza dza yaM tri la kA hA ma shrI mA ra
177a3 ya ni// dgra bo'i srog la khas tsit+ta myogs rak+ta thibs// yaM ling mA ra ya rbad/ bcun gzir ar la gtad pa ste// snying gi 'khor lo dkrugs pa yin// gsang ba'i las su 'di bshad pas// zhag grangs
177a4 gsum las mangs pa min// mgon po spu gri snying gi 'khor lo las/ khyad par ma grub spogs pa drag po ste rtog pa lnga pa'o//// de nas rdo rje khros pa yis// dregs pa'i las mkhan bsdebs bya ba// 'thom
177a5 byed nag po bdud kyi gtso// shan pa gri thogs gsod byed ging// shu bo rag+sha gsod byed gtso// nag po mgo bdun klu yi bu// gnod sbyin 'gong po sgrol ba'i ging// srin mo mgo 'phyangs gnod sbyin mo// 'di
177a6 rnams bka' yi las mkhan te// 'byung po'i bu zhes byed pa'i tshe// las kyi gsod byed pho nya 'gyed// de yi don bstan 'di lta ste// sna tshogs 'bru bcud gser brdar la// dregs pa'i tshogs la dus su
177b1 gtang// rgya shog dag la 'khrul 'khor bca'// mgon po mkhan sngags bkod la// rtsang dmar kha la rab rgyangs te// drag po rdzas kyis brab par bya// dril gtor sngags kyi mtshon chas brdeg/ oM shrI ma hA kA la
177b2 tri yaM dza dza/dgra bo mA ra ya/ dun ru tra ru thum b+ha ti srog la thum ril/ rA dza tsa ba la a shum me/ btsal breng shag ma ma trag rak+Sha nag mo ting laM tsit+ta thun rmugs b+h+yo/ nA ga hu ti nA ga du ru ha/ khrag thibs rbad/
177b3 shu la rA dza tri shaM dza yaM ling shag rbad/ badzra tri na sa d+hu kha thum tri nri hur thums dza khraM rbad/ ces pas nyin mtshan dgu ru brdeg rdzogs dang rang rang gnas dag gam// dregs pa'i pho brang dag tu gnan// mgon po
177b4 spu gri snying gi 'khor lo las/dregs pa'i las mkhan bsdebs pa ste rtog pa drug pa'o//// de nas dregs pa chen po yis// sprul po'i sbyor ba nges bshad pa// thod pa skad 'byin gtang ba dang// gcan gzan
177b5 gtang dang 'dab chags gtang// nA ga klu yi cho 'phrul dbab// dang po thod pa'i sbyor ba ni// gri thod ja ril gnyis bsags la// phung sa gsum dang gnyan ra dang// brag ri 'gram pa'i sa dang ni// thod pa'i
177b6 nang du sngags dang ming rus bri// mig dang kha la dug khrag byug/ mkhar la sbas na sgra 'byin 'thab// bzhad dang khra dang 'ug pa dang// srin bya de mo kang ka dang// thi ba bzhad sogs sha khrag la// gang 'dod
178a1 gzugs byas mkhar la sba// bya nag 'du dang 'thab pa dang// sder 'dzings mang po 'bab par 'gyur// gzhan yang wa spre byi la dang// sre mo 'bar ba'i sha khrag spu// ma 'dres gzugs rnams
178a2 legs byas la// rten la sbas na nyes par 'bab// gzhan dag nya sbrul sbal pa sdig/ klu gnyan yod pa'i sa chu bsre// brten la sbas na klu gnyan 'bag/ de sngags sbyor ba 'di lta ste// khri gsum bzlas la smin
178a3 drug sba// de yis las grub the tshom med// oM shrI ma hA kA tri yaM dza dza/ ka pa ti rgyal hal hal du ling has phob/ byi sha tse ru pi khraM khraM/ du ling has phob/ ling ling spur dun/ shaM du
178a4 ling has phob/na ga b+ha du na ya du ling has phob/ de yis nges par 'bab par 'gyur// mgon po snying gi 'khor lo las// las ngan dbab ba bstan pa ste rtog pa bdun pa'o//// de nas rdo rje khros pa yis// b+ha ri sha yi las gsungs
178a5 pa// phu chu rdzing dang zhing sa dang// lo tog 'bras bu sngo sna dang// lha klu yul srungs dam sri yi// ling ka bris la thod chen brnag/ rta dang rnal khrag tsan dug dang// ra dug ba mar mdze yugs kyi// 'o ma ma
178a6 'dres dmod pas gdab// bdag nyid rdo rje gtum po bsgom// drag po sngags kyis dbang du bsdu// oM tsaN+Da ma hA ro Sha Na hUM phaT/ drag sngags sbyor ba khri phrag gsum// rdzogs nas dug gi hom spar la// yul
178b1 bcud rtsas dgod ling ga bsreg/thab gsum byas la thal 'jim gtor// chu rgod khyags pa spung bar bshad// de yi drag sngags 'di lta ste// oM shrI ma hA kA la tri yaM dza dza/ a mu ka lo tog mA ra ya hUM/ ra hU la ya
178b2 ma snying rag sha de ba piM pi/de ba a tsa yaM tri/ sa nA ga trig nan/ myags sbur ya/ dza la raM thibs 'dus/ 'ur 'ur/ phroM phroM/ hril hril yaM shar nal nal ser ba drag tu phob phob/ lo 'bras brlag par rdo rjes
178b3 bshad// mgon po spu gri snying gi 'khor lo las/ b+ha ri sha'i rtog pa brgyad pa'o//// de nas rdo rje khros pa yis// 'khor gyi dregs pa pho mo la// lha yi ded dpon ku ru Na// 'byung po'i bu nyid gtogs 'dod
178b4 can// ma hA kA la srog ste/ spu gri snying gi 'khor lor bshad// lnga brgya dus kyi mnar dus na// dam tshig ldan la thugs brtse'o// las rnams ma lus kun gyis shig/ ces gsungs nas mi snang bar gyur
178b5 to// mgon po spu gri snying gi 'khor lo gsang ba las rtog pa dgu pa'o//// spu gri gsang ba'i rtog pa bsdus pa rdzogs so////
178b6 rgya gar skad du/


CLOSE WINDOW