166a1 ma hA kA la sid+hi ma hA ti Shi nA ma tan tra u pa de sha bod skad du/ dpal mgon po nag po dngos grub bstan par gzigs pa man ngag gi rgyud chen po zhes bya ba/ dpal rdo rje 'dzin
166a2 pa chen po la phyag 'tshal lo// 'di skad bdag gis thos pa'i dus gcig na/ bcom ldan 'das dpal gsang ba'i bdag po phyag na rdo rje zhes bya ba lcang lo can gyi gnas na/ ri rab kyi rtse la 'dus pa'i 'khor
166a3 dpag tu med pas bskor te gnas/de'i tshe de'i dus na dpal mgon po nag pos rang gi rig pa mdongs gsol du phul te bstan pa bsrung bar dbang bskur ro// gleng gzhi'i le'u ste dang po'o//// de nas
166a4 dpal rdo rje 'dzin pa la/gnod sbyin nor bdag gis gsol pa/ kye bcom ldan 'das shin tu dregs pa'i dpal mgon po de bsgrub pa la/ bstan pa bsrung ba dang sngags kyi rim pa dang bcas pa bshad du
166a5 gsol/ces gsol pas/ dpal rdo rje 'dzin pas bka' stsal pa/ nyon cig nor bdag chen po/ sangs rgyas kyi bstan pa bsrung ba'i phyir/ dpal mgon po bsgrub par 'dod pas/ thog mar dben pa'i gnas
166a6 su song la/dkon mchog mchod cing bgegs gtor gtang/ de nas rdo rje gtum po bsgrub// de nas mgon po'i maN+Dal ni// zla kham nag po khru do pa// zheng du khru gang yod pa la// ban d+ha mtshan dang ldan pa
166b1 ru// dri bo'i tsit+ta ma nyams pa// a mr-i ta dang khrag tu bcas// sha chen chang phud la sogs pa// gzhan gyis mi mthong bsnyen pa'i rdzas// gtor ma rak+ta bsham par bya// bdag nyid rdo rje gtum por
166b2 bsgom// mdun du pad+ma'i steng dag tu// hUM las tsan dan beM du gyur// de las mgon po bskyed par bya// spyan drangs bzhugs gsol phyag 'tshal lo// mchod pa dag kyang dbul bar bya// de nas rtsa ba'i snying po
166b3 bzlas// rtags byung bstod dang gtor ma btang// de ni mngon du 'grub par gsungs// de nas gzhan yang bka' stsal te// las kyi rim pa bsgrub pa'i phyir// gsang ba'i sngags rnams bshad kyi nyon// oM badzra
166b4 pA Ni hUM phaT/ces pa ni gnya' gnon gyi snying po'o// oM badzra pA Ni sarba big+h+naM nA sha ya nA sha ya hUM phaT/ ces pa ni bgegs bskrad pa'o// dza hUM baM ho/ zhes pa ni spyan drangs pa'o// oM ma hA kA la rag sha du beng ni dza/
166b5 zhes pa ni bsnyen pa'o// oM shrI mA hA kA la rU pa hUM phaT/ ces pa ni bsgrub pa'i snying po'o// a mA hA kA la rag sha du beng ni dza/ oM shri ma hA kA la rU pa che ge mo mA ra ya hUM paT/ ces pa ni las sbyor gsang pa'o// ba
166b6 ling khA hi/ma hA mam sa khA hi/ ma hA rak+ta khA hi/ ma hA a mr-i ta khA hi/ zhes pa ni gtor ma sbyin pa'o// oM hUM ha he phaT b+h+yo/ ka ta ya ma hA pra ha ra hUM sa ma ya a tig kra ma che ge mo'i byad kha bzlog bzlog a la la
167a1 ho// zhes pa ni byad dang sbod gtong bzlog pa'o// zhes gsungs so// bsgrub pa'i rim pa dang gsang sngags bstan pa'i le'u ste gnyis pa'o//// de nas gzhan yang bka' stsal pa// rtags kyi
167a2 rim pa rgyu dus rnams// rim par bshad kyi gus par nyon// bsnyen dus ban d+he mon pa dang// bya nag khang thog 'tsheg pa dang// 'od kyi rang bzhin ston par 'gyur// bsgrub pa'i dus su de nyid bstan// las
167a3 la sbyar ba'i dus nyid du// ri dwags gsad dang sems can gsad// gco bor jag pa byed pa dang// lings dang ri dwags shor ba dang// g.yag gsad pa dang bkyigs pa 'byung// mgon po rgyu ba'i dus nyid
167a4 ni// tshes brgyad bcu bzhi nyi shu gsum// nyi shu dgu dang gsum la rgyu// nam gung nyin gung rtag tu rgyu// de dus gtor ma gtang bar bya// zhes gsungs so// rtags dang rgyu ba'i dus bstan pa'i le'u ste gsum
167a5 pa'o//// de nas gnod sbyin nor bdag chen pos gsol pa// kye ma bcom ldan rdo rje 'dzin// las kyi mgon po rtags 'gyangs na// gnad la dbab pa ji ltar lags// zhes gsol pas// bka' stsal
167a6 pa/nyon cig gal te 'gyangs par gyur na/ rnal 'byor pa dam tshig bshags/ bka' bsgrags/ mchod pa dang dam rdzas la nan tan bya'o// mgon po gnad la dbab pa la gsum ste/ gsang sngags 'chol pas
167b1 gsad pa dang/des kyang ma grub na 'chol pa'i yang 'chol pa'o// des nges par 'grub pa'o// oM shrI ma hA kA la ru pa hUM phaT/ oM ma hA kA la rag sha du beng ni dza/ ma hA kA la da ha tig sna tig sna yag sha rbad rbad/
167b2 che ge mo mA ra ya/ zhes pa'o// de dus su phur pa brdeg pa ni/ oM nri dza snying la ya thuM ril pra 'dus la ya// rbad pu ni shag snying la ya/ zhes pa'o// gal te des ma grub na/ 'dis gnad la dbab ste/ oM du beng ni
167b3 ma hA kA la rag sha dza/oM shri ru pa ka la hUM phaT/ che ge mo mA ra ya hUM phaT/ gal te tse log byed pa dang/ rtags byung nas dgra ma shi na shas tsam bzlas so// des ni gang yang grub par the tshom med do// zhes
167b4 gsungs so// sbogs pa las kyi le'u ste bzhi pa'o//// de nas gzhan yang bka' stsal pa// las la sbyar ba'i dus nyid du// dkyil 'khor 'dom gang gru bzhi la// dbus su gsum nag po bru// phyi rim zla
167b5 kham dmar po gsum// de la mu khyud thod 'phreng ldan// tha ma rtsang gis bskor bar bya// dgra yi ling ga bca' ba ni// bdud rtsi rkang rjes 'tshub pa'i sa// de rnams bsres la ling ba bya// 'brub khung nang du
167b6 gzungs thag gdags// seng ldeng phur pa dag la bstod// dug dang kyi tshes yungs dkar brab// rgyun du rten pa'i dam rdzas ni// lcags kyi ga bu'i nang du ni// dkar gsum mngar gsum la d+hu dang// rgun
168a1 'brum shing thog sna tshogs brtsal// dar gyis gcad la dbul zhing bcang// zhes gsungs so// ling ga bca' ba dang dam rdzas kyi le'u ste lnga pa'o//// de nas gzhan yang bka' stsal
168a2 pa// bstod cing bskul ba 'di ltar bya// hUM/ bde chen 'du 'bral med pa'i dkyil 'khor nas// yang dag rngam pa'i sku cig byung ba ni// mthing nag mi bsrun 'jigs byed 'bar ba'i sku// nyid kyi sku mdog
168a3 mthing nag chen po la// dbu skra kham nag thor gtsug gcig tu 'khyil// smin ma nag po khro gnyer brjid pa'i zhal// spyan bzlog zhal bgrad mche ba rno gtsigs nas// sdang ba'i dgra bgegs ma lus snying rtsa
168a4 gcod// shangs nas me dang dug gi tshub ma gtor// phyag gnyis thabs dang shes rab zung du 'brel// g.yas kyi phyag na tsan dan beng chen bsnams// gsor zhing gsor zhing klad pa'i rgyas su brdeg/ g.yon gyi
168a5 phyag na bar bu sku la rten// dam nyams dgra bgegs ma lus snying khrag gsol// sku la dar nag sngo ba'i 'jol ber gsol// gser skegs rin chen 'bar ba sked la bcings// zhabs la za 'og 'bol can
168a6 sag ri gsol// ma hA kA la'i tshogs ni sprin ltar gtibs// dam nyams dgra bo ma lus rtsad nas gcod// thugs dam rgyud bskul bcol ba'i 'phrin las mdzod// ma hA ka la mgon po'i tshogs// shAkya thub
168b1 pa'i bstan pa la// ji ltar khas blangs dam bcas pa'i// dam las ma 'da' da tshur byon// khyod kyi thugs dam dus la bab// bcol ba'i las rnams grub par mdzod// ces gsungs so// bstod pa'i le'u ste
168b2 drug pa'o//// de nas bcom ldan 'das la/ gnod sbyin nor bdag gis gsol pa/ dpal mgon po'i bsgrub pa dang// gsad pa'i las kyi rim pa gsungs lags na// las kha tshar rim pa bshad du
168b3 gsol// ces gsol to// de nas dpal phyag na rdo rjes bka' stsal pa/ nor bdag nyon cig las kha tshar 'di lta ste/ ser ba dbab pa dang/ ltas ngan dbab pa dang/ mkhar bshig pa dang/ nor la 'breng ba
168b4 dang/jag chings dang/ sri'u gso ba dang/ gzhan dbang du bya ba dang/ nor sgrub pa dang gzhan zil gyis gnon pa dang/ dgra bo lha dang dbral ba dang/ bsam pa bsgrub pa'i rim pa'o// ser ba dbab par
168b5 'dod na/bsnyen pa sngon du song bas/ mon nam rabs chad thod pa ru/ yul gyi ming dang/ lha dang/ dgra bo bris la/ yungs dkar yungs nag la bsngags la/ oM mahA ka la rag sha du beg ni dza/ ra hU la sa ma
168b6 ya snying kha rag sha de bi yi de bi a dza yaM tris nA ga trig nan yaM phob/ces sngags bzlas la/ thab bya zor 'phangs nas thod pa bcug nas phebs so// ltas ngan dbab par 'dod na/ khra dang/ 'ug pa srin bya
169a1 dang/ti bya la sogs pa dang/ wa dang/ spre'u dang/ byi la la sogs pa'i sbu dang/ sha khrag la gzugs byas te maN+Dal steng du bzhag la/ oM ma hA kA la rag sha du beng ni dza/ ling li su ra dun shal
169a2 du ling has phob/bi tsa ru pi khraM du ling has phob ci ya yA/ zhes bzlas te/ rtags ni rang gi rmi lam du byung ba dang/ dgra'i 'gram rtsar sbas pa'am// khang pa'i nang du 'phang ngo// gcan gzan dang/ bya mang po
169a3 brgyal ba dang/'dzing cing 'bab par 'gyur ro// zhes gsungs so// ser ba dang ltas ngan dbab pa'i le'u ste bdun pa'o//// de nas rim par bshad kyis nyon// de yang dgra bo'i mkhar bshig par 'dod
169a4 na/mon thod dang/ rabs chad dang/ dig pa dang/ sbyang khu'i thod par/ oM badzra hring sha rbad phye mA ra ya shag phaT/ yung nyung khas phaT swA hA/ zhes bzlas te thod par sngags bzlas pa'i khrag dang/ yungs dkar
169a5 blugs nas 'gram rtsar sbas na myur du 'jig go/nor la ma hA kA la 'breng bar 'dod na/ ma hA kA la grub pa dang las gnyer gtad de// snying po 'di shas tsam bzlas la las gnyer gtad do// ma hA kA la rag
169a6 sha du beng ni dza/oM shrI kA la rU pa hUM phaT/ bdag gi nor dang yo byad la 'breng zhig gang khyer yang srungs shig 'od dang cho 'phrul ston cig sa pa ri wa ra nor rdzas la rak+Sha hUM phaT/ ces brjod yungs kar la
169b1 bsngags la nor la gtor na/gang khyer dang/ 'od dang/ cho 'phrul ston par 'gyur ro// jag pa bcings par 'dod na/ rang gi gnas kyi phyogs bzhi 'am them pa'i 'og tu me'i gzugs yan lag bskum pa byas
169b2 la/tshon skud kyis bcings la/ oM ma hA kA la rag sha du beng ni dza/ che ge mo shi krin a na ya hUM hUM phaT/ ces bzlas te rkun mo la sogs pa jag pa rnams bstim la gru gsum du mnan/ yang na rang gi mal 'og
169b3 tu bya'o// des nges par 'ching bar 'gyur ro// de la sri'u gso na/ bdag lha bsnyen rdzogs par byas la/ de nas ma hA kA la'i gtor ma bzung/ las gnyer gtad/ de nas oM ma hA kA la rag sha du beng ni dza/
169b4 che ge mo la rak+Sha rak+Sha hUM phaT/ oM shrI kA la ru pa hUM phaT/ ces pa'i sngags mdud byas la gdags/ gdon bskrad/ las gnyer gtad na sos par 'gyur ro// de nas gzhan dbang du bya bar 'dod na/ bdag lha'i
169b5 nga rgyal las mdun du mgon po bsgom la/de'i thugs kha nas hUM 'phros pas gang dbang du bya ba yi snying kha nas phar thim pas/ 'od zer lcags kyu lta bu des kho'i rnam shes dbang du bsdus nas tshur rang la thim
169b6 par bsams te/oM ma hA kA la rag sha du beng ni dza/ che ge mo pa shaM ku ru hUM phaT/ ces pa rgyal po la sogs pa gang dregs pa dang ldan pa de dbang du 'gyur ro// las gnyer gtad par bya'o// zhes gsungs
170a1 so// las kha tshar rim pa'i le'u ste brgyad pa'o//// de nas gzhan yang bka' stsal pa/ gzhan yang las kha tshar bsgrub par 'dod pas nor bsgrub par 'dod na/ mahA kA la'i sham du dzam b+ha la
170a2 nor bdag dang 'brel ba ste/bdag phyag na rdo rje'i mdun du mgon po bskyed/ de'i mdun du yi ge dzaM las dzam b+ha lha sku mdog nag po g.yas na thod pa/ g.yon na gter gyi ne'u le yod par bsam/ de la ye
170a3 shes pa bstim la gtor ma dbul lo// de nas oM ma hA kA la rag sha du beng ni dza/ oM dzam+b+ha la dza len tra ye swA hA/ zhes bzlas pas mgon pos bka' bsgo nas/ dzam lhas bdag la nor ster bar bsam
170a4 mo// lan brgya rtsa brgyad rgyun du bzlas na nor 'phel bar 'gyur ro// gzhan zil gyis gnon na/ rang ma hA kA lar nga rgyal bskyed do// gang zil gyis gnon pa de yod de na shin tu rid cing stobs dang bral bar
170a5 bsam la/de kha sbub tu gnas pa'i steng nas bdag gi 'od zer gyis gnan nas yod par bsam/ rang gi mal 'og tu ling ga kha sbub tu gnan la tshon skud kyis bcings dgug gzhug bya'o// rang lha'i dpa'
170a6 dang ldan pas/oM mahA kA la rag sha du beng ni dza/ che ge trig nan rbad staM b+ha ya nan hUM hUM phaT/ ces bzlas la gzir na/ gang yang zil gyis non par 'gyur// dgra bo lha dang dbye ba ni// sha chen dang ni khyi lud
170b1 dang/gu gul dud ba la/ oM badzra dun b+h+yo yag sha yag sha rtig sna dza dza a nri mA ra ya phye/ de wa pha ga ca shag phye/ zhes bzlas te rang rlung phyogs su brdad la ling ga la brdugs na/ dgra bo lha lnga dang bral bar
170b2 'gyur ro// de nas rang nyid bsam pa gang yang 'grub par byed na/ sngags 'di bzlas so// oM ma hA kA la rag sha du beng ni dza/ oM sarba big+h+nan phu ru phu ru a ta ya ho swA hA/ zhes bzlas na rgyal khams gar 'gro
170b3 yang gnas gang na 'dug kyang bsam pa thams cad 'grub par 'gyur ro// zhes gsungs so// gang bsgrub las kyi le'u ste dgu pa'o//// de nas gzhan yang 'di lta ste/ ma hA kA la 'di bsgrubs
170b4 na/thams cad dbang du 'du ba dang// nor dang longs spyod 'phel ba dang// nor la yan pa thub pa dang// mthu che grags pa thob pa dang// 'khor rnams bsrung bar byed pa dang// snang ba zil gyis gnon la
170b5 sogs// yon tan dpag tu med pa 'byung// zhes gsungs so// bsgrub pa'i yon tan gyi le'u ste bcu pa'o//// de nas bcom ldan 'das kyis bka' stsal pa/ rgyud 'di ni sangs rgyas kyi bstan pa
170b6 gnyan po'i don du bstan pa yin pas/ma 'ongs pa'i dus su dam la gnas pa rnams kyis shin tu gsad la gzung bar bya'o// zhes bka' stsal pa dang/ nor bdag chen po la sogs pa rnams yi rangs par gyur
171a1 to// dpal mgon po nag po'i rgyud las/ rgyud yongs su gzung ba'i le'u ste bcu gcig pa'o//// dpal mgon po nag pa'i dngos grub bstan par gzigs pa man ngag gi rgyud chen po rdzogs
so/

CLOSE WINDOW