159a1 ma krig kr-iSh+Na nA ma tan tra/ bod skad du/ mun pa nag po zhes bya ba'i rgyud/ dpal phyag na rdo rje la phyag 'tshal lo// 'di skad bdag gi thos pa'i dus gcig na// bcom ldan 'das
159a2 ye shes sprul pa'i sku'i gtso bo ri rab kyi steng gi byang phyogs na/me ri 'bar ba'i gzhal yas khang na 'das pa dang 'jig rten pa'i rigs sna tshogs pas bskor te bzhugs so// de nas bcom ldan 'das thugs
159a3 dgongs mthar dbyung ba dang bstan pa bsrung ba'i phyir/'gro ba gdul bar gzigs nas nag po chen po'i rgyud mun pa nag po zhes bya ba/ 'khor rnams la bka' stsal pa/ rten kyi sku yi bca' thabs
159a4 dang// dkyil 'khor bri zhing brtsigs pa dang// sngags kyi bzlas pa bya ba dang// dpal ldan mgon po bskyed pa dang// dam rdzas gtor ma bsham pa dang// 'khor lo bskor la gsad pa dang// rdo rje me thab cho
159a5 ga dang// gzhan yang rbad pa bzlog pa dang// zor gyi las kyis gsad pa dang// drag po hom gyi cho ga dang// ltas dang mtshan ma'i rim pa dang// thugs dam bskang ba'i rim pa dang// las kyi mtha' bsdu'i
159a6 rim pa dang// de ltar spyi don bcu gsum du// bshad kyis rab tu mnyan par gyis// mun pa nag po'i rgyud las// gleng gzhi bstan pa'i le'u ste dang pa'o//// dpal ldan nag po chen po ni// rten gyi lder so
159b1 byed pa na// sa mnyen bzang po rdo rgyus dang// dug dang tsha gsum sha khrag la// khru gang zhal gcig phyag gnyis pa// g.yas na gcod byed gri gug ste// g.yon na ban d+ha khrag bkang gsol// kham nag ral pa
159b2 gyen du 'bar// dar nag ber dang cod pan dang// bsgrub pa po yi g.yas su bzhag/ mi nag rta nag gzhon pa la// nam mkha' nag po lag na thogs// stag ral gzig shul btags pa'i tsheg/ rbad pa bzlog
159b3 pa'i rten du bca'// khru gang gzugs la gdug pa can// lto bar drag po'i 'khor lo bca'// dme 'thab byed pa'i rten du shes// smug po ber thod 'khor lo can// bsrung ba byed pa'i rten du shes// mchod dang
159b4 gtor ma bzang du bsham// bla ma gus shing shes rab can// dad can g.yo sgyu spang ba yis// de la 'dod pa'i don gsol na// nag po chen pos dngos grub ster// mun pa nag po'i rgyud las// rten bca' ba'i
159b5 le'u ste gnyis pa'o//// srog dbugs mnga' bdag lha chen gyi// dkyil 'khor bya ba'i rim pa ni// dur khrod grog po phugs rdugs sa// rgyal po phung shul ri hrul dang// mu stegs rten las blangs pa'i
159b6 sa// dug dang khrag gis bran byas te// khru bzhi pa yi gru bzhi la// gru gsum khru gang zla kham can// 'khor lo'i rtsibs drug mu khyud bcas// thod pa 'phreng ba me ris bskor// gru gsum kha khyer rtsang dmar
160a1 la// ling ga btags te gzugs par bya// gsad pa'i dkyil 'khor gshin rje'i phyogs// gru gsum dur khrod sol bas byugs// nub byang gru gsum mtho gang bar// lha dang dbye ba'i cho ga
160a2 bya// byang shar lug nag gdags par bya// lho nub mtshams su thun yang bya// mun pa nag po'i rgyud las/ 'khor lo bca' ba'i le'u ste gsum pa'o//// de nas nag po chen po yi// spyan drangs sngags ni brgya
160a3 rtsa brgyad// bzlas nas nag po chen po 'gugs// oM e h+ye hi mahA kA la ka ru ni/ dza dza hUM/ srog gi snying po drang ba ni// oM mahA kA la trag shad ma hA ka la sid+hi ya du dza dza hUM/ oM ma hA kA las snying 'byin no// snying
160a4 la su ni tsit+ta rbad// ming phyo las la rub par byed// oM ma hA kA la nri/ thum lam thum ril rbad// bu ni mA ra ya dza/ rbad cing gsad ba'i sngags yin te// dam nyams lus srog 'brel bar byed// che ge mo nag po
160a5 srog khrag sbal// subs tubs mug ti/ khrag sha du pi baM thuM ril rbad/ dme 'thab rnam smin rab tu che// nri sha ku ru tsi tsi/ muM khrag k+Shi ba ta du ru ti hUM zlog/ gsang sngags yang dag bzlog pa 'dis// gshin rje'i
160a6 'phrul ba bzlog par byed// ma su ka li bi ta pa ra ma tra/ tsin d+ha s+ya ya rak+Sha ku ru hUM/ de yis thams cad srun par byed// oM mahA kA la ya ka shak+Sha/ sarba pany+tsa a mri ta ar+g+haM pra tIts+tsha khA hi/ des ni sman phud dbul
160b1 bar bya// oM tsaN+Da ma hA kA la rag mo 'di la ti ba li gr-ih+na khA hi/ de nas gtor ma sbyin par bya// sngags ni dgos 'dod thams cad 'byung// mun pa nag po'i rgyud las// gsang sngags bstan pa'i le'u ste bzhi
160b2 pa'o//// de nas lha bskyed bsgom pa ni// bdag nyid skad cig lha dag gis// sa bon 'di 'phros spyan drangs te// phyag dang mchod sogs rdzogs nas kyang// tshangs pa'i gnas bzhi bsgom par bya// rang
160b3 bzhin dag pa'i sngags brjod la// gur sogs bzhi yi bsrung bar bya// me yi sa bon rta bdun la// hUM las gri gug de yis mtshan// don byas gdug pa kun 'dul nas// 'dus pa ma hA kA lar gyur// zhal
160b4 gcig phyag gnyis mthing nag gzugs// ber nag gyon zhing thod nag bcings// sbrul nag 'bar ba'i gdu gu can// bskal pa'i me dpung nang na gnas// spyan gsum zhal bsgrad smra ra ser// phyag gi gri
160b5 dang kA pA la// thugs kar hUM yig 'phro 'du can// ro yig gdan la gnas pa yi// nag po'i sprul pa 'bum dang bcas// rnal 'byor pa ni kun srung byed// bstan la gnod pa thams cad sgrol// yi ge gsum gyi
160b6 byin gyis brlab// ye shes dgug cing gzhug par bya// spro bsdu bya zhing sgom par bya// de nas gsang sngags bzlas par bya// thun mtshams yi ge brgya pas bshags// 'dod don gsol zhing dge ba sngo// mun pa
161a1 nag po'i rgyud las/lha bsgom pa bstan pa'i le'u ste lnga pa'o//// de nas nag po chen po yi// dam rdzas mchod pa bsham pa ni// gri rgod snying la sman lnga blug/ dar nag nang du dril bar bya// bya
161a2 rgod mda' la dar nag dang// snying dang dri bo'i srin lag gdags// lug nag g.yag la phyi rten bya// gsang sngags swo la bri bar bya// de la dar nag le brgan gdags// dur khrod ral pa nag po
161a3 gzugs// bris la rab gnas tshul bzhin bya// nang rten dag tu bcang bar bya// skyes pa dar ma'i zhing chen la// nag po chen po'i sngags bris la// dkyil 'khor steng du dbub par bya'o// g.yag rgod snying dang
161a4 rta nag snying// de yang nag po'i dam rdzas rten// sha chen khrag dang chang dang ni// la d+hu tsan dan a ka ru// 'bru sna bur chang sbrang chang dang// rgun chang 'khur ba 'bras sran chan// la phug sgog pa sha sman lnga// nag po
161a5 chen po mchod pa'i rdzas// rnal rnal pa yi 'tshogs gyur na// bung bas me tog mthong ba bzhin// myur du yongs nas ci bsgo byed// mun pa nag po'i rgyud las// dam rdzas bsham pa'i le'u ste drug
161a6 pa'o//// de nas dregs pa srog bdud kyi// 'khor lo cho ga bya ba ni// 'khor lo yang ni rnam pa lnga// spung 'khor lus la gdags pa dang// nang 'bras 'khor lo 'og tu gzhug/ gsad pa'i 'khor lo gru
161b1 gsum gzhug/brten pa'i 'khor lo mda' la gdags// bzlog pa'i 'khor lo lto bar gzhug/ de la gsad pa'i 'khor lo ni// me yi dkyil 'khor gnyis 'gyur dbul// bsgrub pa'i ming rus bla rtso
161b2 dgod// mu khyud gsum la me ri dang// gsang sngags bcas pa bri bar bya// rabs chad pho mo'i thod par gzhug/ dug dang khrag gi thun yang brab// mgon po dpag tu med pa spro// bsgrub bya bkug la de la
161b3 bstim// sde brgyad mtshon cha'i char pa dbab// gri gug gtubs cing gtor mar btab// 'khor gyi mkha' 'gro las la mngag/ de lta bu yi sbyor ba las// gang zhig rbad cing bskul gyur na// 'jig rten mes po
161b4 tshangs pa yang// brlag pa 'gyur bar the tshom med// gus pa'i tshul gyis 'bad par gyis// dad ldan dpa' zhing bla ma gus// gsang thub las rnams 'grub par 'gyur// mun pa nag pa'i rgyud las// 'khor
161b5 lo'i le'u ste bdun pa'o//// gang zhig bskal pa tha ma la// dus ngan sems can gdul dka' ba// log lta mu stegs bstan pa la// 'gras na nag po chen po yi// nang rgyas cho ga bya ba ni// gri rgod dag gi
161b6 pags pa 'am// dur khrod ras la khrag gis bri// gdug pa brlag byed khrag gis ni// me yi dkyil 'khor gnyis 'gyur la// mu khyud thod pa me dang bcas// rbad cing gsad pa'i sngags bris la// ci shos dag
162a1 kyang bri bar bya// bar dang ling ga rid pa la// mu stegs lha dang sngags bcas bri// khyi nag thod pa'i nang bcug la// nag po chen pa'i 'og tu gnan// srod la sngags thun brgya rtsa brgyad// rdo rje
162a2 dag gis brdeg par bya// mgon po'i snying kha'i sa bon las// las mkhan mang po spros pa yis// lha dang rig sngags bcas bkug la// sde brgyad dam tshon char dbab gsad// rtags bzang mthong bar gyur pa
162a3 dang// mchod rten rgya gram 'og tu mnan// 'di ni gsad pa'i las yin no// kun tu spel na nyams par 'gyur// mun pa nag po'i rgyud las/ nang 'gras bsgral ba'i le'u ste brgyad pa'o//// nag po chen
162a4 po'i rnal 'byor pas// gzhan gyis rbad pa bzlog pa dang// mi nag rta nag zhon pa la// g.yas su mun pa nag po bskur// g.yon du zhags pa nag po bskur// 'khor lo rtsibs drug lto bar gzhug/ zur drug la
162a5 ni rdo rjes mtshan// mu khyud drag sngags thams cad dgod// mtha' rten bcas pa nyi shu gcig/ bzlas la bshos bu nag po la// dam tshig can gyi rgyang bus brgyan// nyi shu rtsa gcig bsgrubs phyogs bskyal// gal
162a6 te bzhi ni phyogs bzhir bskyar// nam phyed nag mo'i chas su zhugs// dam nyams bdud la phob cig ya// rbad sngags brgya ni rtsa brgyad bzlas// nag pos 'khrul 'khor bzlog 'gyur na// mu stegs ngan
162b1 sngags smos ci dgos// mun pa nag po'i rgyud las// gzhan la rbad cing bzlog pa'i le'u ste dgu pa'o//// de nas nag po chen po yi// zor gyi las ni bshad bya ba// nag po chen po'i rnal 'byor
162b2 pas// mda' zor 'phangs pa 'di ltar bya// seng ldeng skyer pa gtsang ma la// bya rog kha yi sgro yi sgron// zur gsum mde'u la habyo gsum bri// gsang sngags thun habyo btags pa ni// 'bum phrag gcig tu bzlas
162b3 nas kyang// bsgrub bya'i khang khyim bdag la brdeg/ gtor ma zor du phen gyur na// 'dzin gtor bshos bu'i ming byang gzhug/ nyi shu rtsa gcig bsgrub par bya// bshos bu dus gsum rtag tu dbul// gang la
162b4 'phang ba brlag par byed// the tshom yid gnyid spangs byas nas// gdams pa gzhung bzhin bsgrub byas na// 'jig rten brlag par 'dod na yang// 'grub 'gyur 'di la the tshom med// mun pa nag po'i rgyud
162b5 las// zor 'phangs pa'i le'u ste bcu pa'o//// drag po sbyin bsreg 'bar ba yis// gang zhig bsgrub bya bsreg par 'gyur// gshin rje'i gru gsum khru gang par// seng ldeng gla ba rnga mo'i sbangs// dur
162b6 khrod shing dang dug shing dang// maN+Dal steng du brtsig par bya// mchod gtor bsreg rdzas tshogs bshams la// mtshams dang bsang gtor byin brlabs bya// hUM las skad cig lhar bskyed de// nag po chen po
163a1 zhal gdangs pa// shin tu khro zhing gtum pa la// khams gsum po yang za bar byed// sbra tshil ling ga sor bzhi pa// rkang pa nas gtubs brgya rtsa brgyad/ gsad pa'i sngags kyis dbul bar
163a2 bya// btsan dug bong nga sbyang dug la// nim pa 'da' ru ra dang ni// dme khrag gsum dang sha chen dang// mar nag mar me bshul tshil rnams// shin tu khros pa'i sems kyis su// nam phyed bdud kyi spyod yul
163a3 la// gcer bu ro yi gdan la 'dug/ kha yang bgrad la lus la tshil// gdong yang khrag ste skra yang tshil// kang ka sha za zhing lpags gdab// de ltar 'bum tsho gcig byas na// ma hA de ba brlag par
163a4 'gyur// bsgrub bya lta bu smos ci dgos// mun pa nag pa'i rgyud las/ sbyin sreg gi le'u ste bcu gcig pa'o//// de nas nag po chen po yi// bsgrub pa'i rtags rnams bshad bya ba// mon pa nag po 'jigs pa
163a5 la// gos su dar ber nag po gyon// lag na tsit+ta thogs pa na// myur du las ni byed pa yin// dar ber sngon po gyon nas kyang// mtshon cha thogs nas myur tu 'gro// dar nag ru mtshon phyar gyur nas// snang srid
163a6 lha 'dre'i dmag dpon byed// thog 'tsheg glu gar byed gyur na// chang dang a mr-i ta yis mchod// bla ma chos 'chad lung ston dang// khri la 'dug dang gdugs dbub dang// dung 'bud gri dang thod pa
163b1 ster// dngos grub blang ba'i cho ga bya// me dang rlung nag tshub ma dang// bya nag lug nag bud med tshogs// mchod rten bskor ba byed gyur na// bskang ba bya zhing dngos grub blang// gcan gzan sna tshogs mchong
163b2 ba dang// shags byed go mtshon gdung gyur na// las la sbyar ba'i cho ga bya// khro zhing 'du long cho ga dang// bya nag 'thab dang khyi nag 'dzin// g.yag gis gdung dang mtshon cha'i char// tshur la ltogs pa'i rtags
163b3 yin pas// ting 'dzin stobs bskyed ye shes sngags// ma yengs brtson bya srog gis bskang// sha khrag sna tshogs gtor ma dang// mchod pa bzang pos thugs dam bskang// mun pa nag po'i rgyud las/ ltas
163b4 dang/mtshan ma dang/ thugs dam bskang ba'i le'u ste bcu gnyis pa'o//// de nas nag po chen po yi// mnan pa'i cho ga byed gyur na// mnan pa'i sa ni 'di lta bu// bdud kyi hom khung chen po dang// btsan
163b5 gyi rgyu srang yod pa dang// sman gyi bro ra yod pa dang// klu yi pho brang chen po dang// dge 'dun lam dang skye bo'i lam// mchod rten dang ni lha khang 'og/ dur khrod gnas su gru gsum bya// 'khor lo bcas pa'i ling
163b6 ga dang// sbyin sreg byas pa'i thal ba dang// thod pa mtshan ngan nang du blugs// zhabs ma re bas dril byas la// rgya gram dag tu bcing bar bya// 'jig rten lha la chu gtor btang// nag po chen po gtor mas
164a1 mchod// dur khrod g.yam pa nag po la// ri rab gling bzhir bcas pa dang// sna tshogs rdo rje bris byas la// gru gsum steng nas mnan par bya// rkang pas bcag cing dmod bcol bya// nang du
164a2 tshogs gtor bskang bya zhing// rnal 'byor pa la bza' ston bya// de ltar byas na thams cad 'grub// mun pa nag po'i rgyud las// mnan pa'i le'u ste bcu gsum pa'o//// rdo rje 'dzin pas de skad ces bka'
164a3 stsal pa dang/'jig rten pa dang 'das pa dang// lha dang klu dang gnod sbyin dang// bdud dang srin po lha ma srin// ma mo bdud mo sha za rnams// thams cad dga' zhing spro zhing yi rangs te// thams cad bka'
nyan cing gsung bstod la dam tshig bzhin du bstan pa bsrung bar 'gyur ro/

CLOSE WINDOW