152b1 /// dpal mgon po nag po dug gi spu gri gsang ba'i rgyud rdzogs so//// rgya gar skad du/ shri ma hA kA la a man tr-i kraSh+Na gu h+ya tan tra/
152b2 bod skad du/ dpal nag po chen po drag sngags nag po'i gsang ba'i rgyud// dpal phyag na rdo rje la phyag 'tshal lo// 'di skad bdag gis thos pa'i dus gcig na/ bcom ldan 'das rdo rje gtum khros rngam pa nyid/
152b3 dur khrod chen po lcang lo can baM ro brtsegs pa na/ gnam lcags brtsegs pa'i gzhal yas khang na/ dregs pa dbang du sdud pa'i ting nge 'dzin la rngam par bzhugs te/ ye shes khro bo chen po dang/ rdo rje khro bo rol
152b4 pa dang/'jigs byed dregs pa can rnams dang thabs cig tu bzhugs te/ de'i tshe de'i dus na 'khor de dag gi nang nas gnod sbyin gyi sde dpon rnam thos sras stan las langs nas/ bcom ldan 'das la
152b5 gsol pa/rang byung ye shes chen pos kun khyab kyang// bde don nam rtogs log par 'khrul pa yis// bstan pa 'jig cing 'bras bu dmyal khams 'khor// de bsgral thar lam bstan pa'i 'phrin las
152b6 mdzod// ces gsol ba btab bo// de nas bcom ldan 'das rdo rje khro bo de nyid/ sems can las kyis khams gsum du 'khod de/ bstan pa'i bar gcod cing 'bras bu dmyal khams su 'khor te/ thugs rje
153a1 chen pos bsgral zhing thar lam bstan pa'i phyir/ma hA kA la dregs pa 'dul ba'i dbang du sdud pa'i yang snying 'di dag ched du gsungs so// e rngubs e badzra sa ta hril ba hi u ni ne a laM ne/
153a2 stobs chen khro bo rngam pa nyid// gnad kyis btab pa'i drag sngags mchog/ 'di nyid ched du gsungs pa la// dregs pa thams cad brgyal bar gyur to// de nas 'khor de dag gi gtso bo rgyal po rnam thos sras
153a3 kyi 'di skad ces gsol to// e ma'o/ sangs rgyas 'dus pa'i khro bo gos sngon can// gsang tshig rngam pa'i gsungs sgrogs gsang tshig can// dregs pa 'khor bcas rab tu skrag cing brgyal// lnga 'dus dngas ma
153a4 'od kyi ga ru nas// rtsa lcugs las kyis 'brel pa'i srog snying 'bul// ces gsol ba btab pas/ de nas bcom ldan 'das kyis chos thams cad ci yang ma yin pa zhes bya ba mnyam pa nyid kyis kun la khyab
153a5 par mdzad do// de'i byin brlabs kyis dregs pa de dag dran pa rnyed de/ rang rang gi srog gi snying po bcom ldan 'das la phul lo// na nri badzra g+hu ka/ yag g+ha k+Sha k+Sha/ ti rag ka la/ la ra hri ka ka ma li gir ha badzra
153a6 ma hA/khrag ma hring khram sha ma la mu mu/ ra ti dun thun tra b+ha ru/ a ra me la tsa pa shug tsa/ nag mo b+h+yo/ sha laM trag mo rag te/ na ha sa ga ti du hUM/ tri shu yaM ra sham la dza tsa/ sa tri badzra ru thuM nA ga rtsa lcugs 'brel pa
153b1 snying gi tig/srog gi khro bo grong khyer dkrug pa'i mchog/ dmod pa gnad kyi btab pa'i las// sdebs dang rkyang bar shes par dbye// srog 'brub shes pa nye bar 'du// rtsa srog 'brel pa'i spu gri gcod// dmod
153b2 pa gsang ba'i spu gri bsnol// dgu bskor las kyis de shes bya// las mi byed na shi sa bstan// ha la nag po spu gri 'gyur// zhes gsungs so// drag sngags nag po gsang ba'i rgyud las// gleng bzhi sngags kyi
153b3 le'u ste dang po'o//// de nas bcom ldan 'das kyis sangs rgyas kyi bstan pa bsrung ba'i phyir/ nag po chen po'i bsgrub thabs 'di gsungs so// yang tig gsang ba'i mgon po 'di// bsgrub pa yang gsang
153b4 snying po'i mchog/de dag don mchog snying gi tig/ ha la nag po las kyi gcong// snyigs ma lnga ni mar bsgribs la// lta spyod ldan pa'i rnal 'byor pas// rab tu 'jigs pa rtsub 'gyur tshal// shan pa
153b5 mtshon thogs gcan gzan 'grim// der ni maN+Dal ched du bya// gru gsum mthing nag kha khyer rtsang// dar nag lding khang bya rgod mda'// rab tu mnyes pa'i mchod gtor bsham// de nas rnal 'byor dbang phyug
153b6 che// gsum mam rdzogs la skad cig la// rdo rje gtum po khro bo skad cig mas// mdun du las mkhan nag po che// zhal gcig phyag gnyis rab du rngam// stag gi sma ra me ltar 'bar// beng chen par bu khrag
154a1 gis bkang// dpa' brtul myur mgyogs stag la chibs// 'dod khams dbang phyug chen mo yang// tshub ma'i nang na dred mo chibs// gsang sngags 'di yis bskyed par bya// oM mahA ka la g+ha na g+hu
154a2 ti/ka ma la sha ri nag mo ting la ma b+h+yo/ 'khor gyis las mkhan dregs pa'i tshogs// rang rang sprul par bcas pa khyod// spyan drang phyag 'tshal bzhugs mchod bstod// dur khrod rngam pa'i gnas nas
154a3 bskul// ces gsungs so// de nas bcom ldan 'das kyis/ las kyi srin po gdong dmar gdul ba'i ched du mgon po nag po spu gri re ched drag sngags bcu bdun gyi ngan sngags 'di gsungs so// drag po
154a4 shugs kyis sgrol ba'i mchog/zhing ras rgya shog khru gang la// dus lngas byugs la khrag gsum gyis// dbus nas rim pa bzhi ru bskor// gru gsum zla kham lcags mkhar mdun// phyi rim rtsibs bdun tha ma
154a5 sbrul// sdig pa nag po lte bar bri// ling ga gri thod 'brub khung nag/ gcod pa'i 'khor los kha gcad la// drag sngags dmod pa lnga 'am dgu/ bcu gnyis gcig tu drag par bzlas// srod dang tho rangs dregs
154a6 pa bskul// dam rdzas gtor mas mnyes par bya// e man tra yaM gu h+ya b+h+yo/ tsit+ta si ra hU ra thuM dza/ sha truM hUM gi ljang khu ni// dkar nag mtshams nas thod par sdud// rdzogs nas ling ga 'khor bcas
154b1 rnams// zhabs ma re ba tshas kyis dril// nag po gsum la 'gran zlar gtad// nya stong dmod pa zer kha gsod// de nas yang rdo rje gtum pos drag sngags 'bru bdun grong khyer 'di gsungs so// e badzra pA Ni
154b2 a d+hi pa ta ye/ging kar kro d+ha ni hring/ g+ha na g+hu ti pa tra dun badzra yag sha tri sna d+ha sha/ ma ma trag he da rag mo sham/ snying sna ka la tsi mun ti/ yag sha nag mo tsit+ta shaM/ dgra bo'i srog la breng sha rbad/ tsit+ta ro myag
154b3 ling shag rbad/snying khrag tshal pa yaM ling rbad/ thuM ri li li thun/ b+h+yo b+h+yo staM pa dza nan/ nyin dril mtshan gtor drag po'i las// stobs chen khro bo nga yis bshad// ces gsungs so// drag sngags nag po'i rgyud
154b4 las/mgon po bsgrub cing ru ta bsgral ba'i le'u ste gnyis pa'o//// de nas mthu stobs bdag po rdo rje 'dzin pas/ las thams cad kyi thugs ka gnam sa zhabs bzlog lha srin la dkrug cing dgra la rang
154b5 gshed dbab cing srog la chan pa gdab pa'i las 'di gsungs so// shAka thub bstan pa 'jig ka ma// rtsi shing nags tshal skam dus su// drag pos gdab pa'i sngags rgod de// bdud kyi 'on khug sbag ma
154b6 ru// bdud chad rdzas la ling ga bya// dri bo'i thod par ling ga brub// thod pa'i nang du 'khor lo bkram// tha ma maN+Dal chag chag gdab// dbus su ba ling rten dang bcas// lho la sogs pa dgram par bya// gri
155a1 mda' bshos bu dar nag dang// sha khrag mda' dmar bshos bu dang// bshos bu mda' dkar dar dkar dang// dme sha 'bru sna ha la sba// dkar gtor klu sman sna tshogs dang// dar mda' za
155a2 'og bshos bu'i rten// rgya shog dag la 'khor lo bri// dbus su drag po dbang dang ldan// phyi rim yab yum sngags kyi lus// nyi shu rtsibs bzhi spu gri so// bar du dregs pa rtsa ba'i sngags// tha ma thod pa'i ra
155a3 bas gtams// dregs pa nag 'jigs lto bar bri// kha sbyar bar snang mkha' bri// dregs pa 'dul dril las su rig/ sdebs kyi las su bshad bya ba// bdud rgyal btsan dang klu gnyan dang// ma mo dge bsnyen
155a4 lto ba ru// sngags kyi 'khor lo rdzas kyis bri// sngags bdag nyid dang grong khyer sbrel// rkyang pa sgo yi grong khyer dkrug/ sngags kyi sbyor ba gsum du bsdeb// klad du stobs chen snying po ste// bar du dregs pa'i
155a5 srog snying gtam// tha ma ming srog spu gri gcod// bco lnga stobs chen dregs pa 'dul// sum cu rtsa bzhi yab yum sngags// 'bru bdun bdud la 'bru brgyad ging// 'bru ma mo drug sum cu// 'bru brgyad btsan la
155a6 'brug drug ging// bar du ming dang snying po bsdebs// tha ma spu gris bsdebs pa ste// dregs pa'i grong khyer dril de dkrug/ dregs pa'i mgo ru stobs chen sngags// dregs pa rkyang pa'i grong khyer dkrug/ gtad pa
155b1 'chi bdag nyid la ste// bsdeb dang rkyang pa so sor gtad// ces gsungs so// de nas mthu stobs bdag po phyag na rdo rjes/ drag po sngags rgod rtsa srog gi chan pa/ srog gi spu gri lus srog rtsa mdangs 'brel ba
155b2 'di gsungs so// srog la thun mugs/ ling sha ga tsit+ta thuM ril nri hur thuM dza shag rtsa la khrag thibs bred khraM rbad/ dmod pa nag po'i spu gri ste// blo la me gnas thug phrad du// sngags ni zhing rkyang sbu gu
155b3 gtad// drag sngags nag po'i rgyud las/ dkrug pa'i 'khor lo bskor ba'i le'u ste gsum pa'o//// de nas mthu stobs bdag po dpal phyag na rdo rjes/ las kyi mda' thun snying la gzer 'debs pa'i
155b4 las 'di gsungs so// dri bo'i thod pa kha yel du/ gru gsum khrag dang dug gis bri// rten drug rdzas la ling ga bya// bdud mda' gsum dang rak+ta hal// gcan gzan rgyus pa dug gi gzhu// sri gcan nag po'i
155b5 rgyus pas rgyu// khra yi rkang pa'i mda' dag la// gri lcags med bcug brgyal bar brdeg/ mtshon chas rtsa gcad shes pa phro// rdzogs pa'i las sbyor zhag lnga bya// de nas mda' zor gyi sngags rgod nag po 'di
155b6 gsungs so// e badzra hri a d+hi pa ta ye badzra nI lAM A dz+nyA mu ne/ badzra ging ka ra ma hA kA la badzra/ rak+Sha kro d+ha ni bdun trag shig rag sha mu kha/ ma ma srog la myog tsit+ta khas rak+ta thibs/ hur ling yaM ling/ mA ra ya
156a1 rbad/dkar nag snying la rgya bar brdeg sha za snying gi rtsa ru gtad// drag sngags nag po'i rgyud las/ mda' thun gyi le'u ste bzhi pa'o//// de nas mthu stobs bdag pos/ shi sa nag po las
156a2 byed du ma/'dod na srog bskul bar byed pa 'di gsungs so// dang po spyi yi las rnams bya// las rnams kun kyang ma grub na// gsang ba las grub yang gsang 'di// dril ba'i las su shes par bya// rtags kyi
156a3 mtshan ma ma nye bar// myur bar 'dod na rkyang par bsgrub// nye yang las byed ma nus na// srog gi 'khor lo bskor bar bya// 'jigs byed dregs pa'i lte ba ru// mkhas pas tsakra rab bris la// drag po'i rdzas
156a4 kyis rab brab cing// drag sngags 'di dag rab tu drang// e badzra hril rngubs nI la a ne u ne hri dang ye/ ma hA kA la gA na gu ti srog breng breng dun/ ma ma mu khraM khrag la mu sha ti srog breng breng dun dun ma
156a5 hUr thums dza/mA ra ya rbad dun dun ru tra ru thun b+ha ti/ srog breng breng/ dun dun dza dza/ d+ha hur thuM mA ra ya rbad/ rA dza tsa pa la a pa la a shug med srog breng breng dza dza dun dun/ tsa hur thuM mA ra ya dza/ ma ma trag
156a6 rag sha nag mo ting lam srog breng breng/dza dza dun dun/ ma hur thums mA ra ya dza/ nA ga hU ti nA ga du ru ha/ srog breng breng dza dza dun dun hUr thuM mA ra ya rbad/ shu la rA dza tri sha ma dza yaM/ srog breng breng/ dza dza dun
156b1 dun dza hUr thum mA ra ya dza/badzra ti na swa d+hu sha truM srog breng breng dza dza dun dun/ tri hUr thuM mA ra ya dza/ zhes pas drag po gnad kyi sngags// 'khor lo bris te bcang ba ni// srog gi gnad kyis zin pa
156b2 yin// bzlas na snying khrag skyug pa yin// ces gsungs so// drag sngags nag po'i rgyud las/ srog 'phrog shi sa'i le'u ste lnga pa'o//// de nas bcom ldan 'das kyis bstan pa'i snyigs ma la rnal 'byor
156b3 pa'i drag sngags sgrub sngags kun rdugs na/mtshan ma sgyu rtsal gyi ngan sngags 'di gsungs so// ha la nag po rtsa ma ri// las kyi gcod du gsungs pa ste// gal te hol gyi las zhes bya// las kun rdugs na bya ba
156b4 las// snang snang byas na bstan pa 'jig/ gcong drug las kyi mtha' ru sbyar// sbyong ba 'du bas las 'phreng dag/ bya nu rkang gcig dag gi bcud// dgun zla rab 'bring nya dang brgyad// dan tra zhes bya'i mar khu
156b5 dang// rta zho dag las mar byung dang// zar me'i mar khu dag dang ni// sbrul gyi tshil bu rab sbyar la// ba ru dbugs can nang dag tu// zhag grangs gsum du mnan byas la// sbrang rgod btsan dug kha da ra// phye ma
156b6 zhib btags chang dang sbyar// rang gi lus la ma reg par// tshags su bcug la gzhan la brdeg/ tsi tsi dza la'i nad kyis 'gum// gso ba'i rig pa byang bu shes// ne le bzung nas zangs su bca'// sha yis
157a1 gsol la skom kyang blud// dri chu brun dang bcas pa dang// de gsad rgyu long nang du bsre// ti tsa nag po thang phrom gnag/ rgya tshil dkar po rab sbyar la// skar ma'i rgyal po dbyug gu la// zhag
157a2 dgur lug lud nang dag tu// ston zla tha mal sba bar bya// zhag grangs thim na spru dang sbyar// spra ba'i me la thabs kyis span// tsha ba rims bzhin skyes nas kyang// zhag bdun grangs kyis 'gum par 'gyur// de
157a3 yi bsrung ba 'di lta ste// ga bur tsan dan mu zi dkar// mar dkar ka ra dkar por sbyar// khong du zos pas tshugs thangs med// gzhan yang dza la nag po yi// klad pa rus pa chu ser dag/ sbal pa sdig pa rkang
157a4 mangs dang// ti tsha nag po thang phrom dang// rgya tshil dag tu mnyam sbyar te// sra ba gzhang nag nang cha bru// nang du gos kyi rdzas brubs te// skar ma'i rgyal po smin drug la// zhag drug dag tu na bun dus// rus
157a5 myags bsrung bar 'gyur ba ste// me yi dud pa yal ba la// mkhas pas phyogs su shes pa na// rdza lis mdze yams 'chol bar 'bab// thabs maid sems can dmyal ba'i rgyu// zhag grangs dgu na sha mdangs
157a6 'chor// sems yengs lus sbred skabs su smra// tsi tsi dza la'i las zhes bya// de yi log non 'di lta ste// mi yi tshil te a mr-i la// gur kum tsan dan smug po dang// brag zhun mar dkar ka rar sbyar// zos na
157b1 nad kyi 'jigs dang bral// gzhan yang ngan sngags spyad bya ba// gu ya rag ta'i mdzod chen dang// btsan dug sha sbrang ro dag dang// sbrang rgod dbyi mo sbyar te bca'// ston zla rab 'bring dus su bya// ra yi thod
157b2 par sbyar te yang// nyi grib mtshams su sngo gseb sba// 'bu ru song nas dgra yi yul// mkhar khyim 'gram du dri med dang// sgrags te bzhag na sbrang bu dag/ mchu rings ldan ma myos mdog can// rmig pa'i lus
157b3 la za bar byed// gar zos chu ser der 'dus nas// lus la lhog pa 'bras bu 'gyur// rnam smin rab tu che bas nas// snang snang byas na dmyal khams rgyud// gzhan yang nang gi sbyor ba'i las// khyi smyon chen po
157b4 mgo 'khor ba'i// go ro tsa na ga bur dang// btsan dug kha shog sbyor ba mnyam// ra yi thod par zhag dgur bsrul// khong du gtang na dmigs pa de// chu rgal lus sprid mgo 'khor nas// chu grir 'gum par
157b5 nges pa ste// sran ma'i tshad do zla ba gnyis// ha la nag po'i las yin no// gzhan yang lhum pu sa nu dang// gser mde'u phu ron brun du cha snyams te// rwa ru'i nang du la chas gtums// kha shog gser tu zhag
157b6 gsum gnan// sran tshad khong du song ba na// zhag gsum dag tu smyo 'bog ste// zla ba gcig na 'gum par 'gyur// de nas ngan sngags bshad bya ba// rabs chad gri thod shi ba 'am// mon dug gri ru shi
158a1 ba'am// thod pa de yi nang dag tu// dgra bo'i gos dum dri ma can// phyi sa dri chu rnam pa gsum// gom pa'i rjes kyi sa dang ni// mu zi nag po pi pi ling// spru ma nag po bse zho dang// ra
158a2 dug btsan dug thal nur dang// thang phrom ti tsa'i dud pas bdug/ skar ma'i rgyal po smin drug la// ne la'i blud pur zhag bdun gnan// zhag bdun song nas phar la kha phye la// dan 'dra nag po po son cha// rgya tsha byang pa
158a3 kha ru tsha// phabs dang sbyar te thod par brub// sgo 'am 'gram pa'i lang kar sba// ldang ba'i dus su nges med da// sa la rlangs pa byung dus su// 'gom na sbyor ba 'du bar 'gyur// shes pa mi gsal dbang po
158a4 'grib// myos te rims sam dug gi nad// zla ba gcig na 'gum par 'gyur// sbyor ba 'du ba'i las zhes bya// ya bag sha yi las zhes bya// tho chor spyad na dmyal khams 'khor// bstan pa rin chen nub pa
158a5 yis// chos la yid chad byung na bshad// dus tshed spyad na bskal pa 'byung// 'bras bu med na mnar med 'gyur// drag sngags nag po'i rgyud las// mtshan ma sgyu rtsal gyi ngan sngags bstan pa'i le'u ste drug
158a6 pa'o//// de nas mthu stobs kyi bdag pos rgyud gtad de/ drag sngags nag po gsang ba'i rgyud 'di ni// ma nor ma bcos chos nyid yangs pa'i klong// 'gag med ye shes drag sngags rol par
158b1 bshad// mnyam nyid mi g.yo'i ngang la mi 'da' na// rig par rang dbang chen po'i mchog tu bstan// ma rig bag chags srog gi dngas snyigs 'byed// stobs chen mi 'gyur mi bshig phyag rgya'i sku// mi 'da'
158b2 chos nyid mnyam pa'i ngang la rol// bka' yi snying po gsang ba'i rgyud// dregs pa'i yang snying gdab pa'i drag sngags 'di// dus med spyad na las kyang 'bras bu med// des na bstan pa nub na dar cing
158b3 bshad// rab tu srung zhig dregs pa 'dus pa'i tshogs// zhes gsungs so// de nas 'khor rnams rjes su yi rangs te mngon par bstod do// drag sngags nag po'i gsang ba'i rgyud las// bshad rgyud gtad pa'i
158b4 le'u ste bdun pa'o//// drag sngags nag po'i rgyud rdzogs so////
158b5
158b6 rgya gar skad du/


CLOSE WINDOW