CLOSE WINDOW

Gpb050.022
བོད་ཡིག

/// dpal mgon po nag po dug gi spu gri rtsa ba'i rgyud rdzogs so//// rgya gar skad du/ shrI kA la nA tha ha la so ri gu h+ya tan+t+ra/ bod skad du// dpal mgon po nag po dug gi spu gri gsang ba'i rgyud/ dpal phyag na rdo rje la phyag 'tshal lo// 'di skad bdag gis thos pa'i dus gcig na// bcom ldan 'das dpal rdo rje snying po rngam pa'i rgyal po nyid/ dur khrod chen po lcang lo can gyi gnas bam ro brtsegs pa'i pho brang gnam lcags ngur ma'i gzhal yas khang na bzhugs pa'i tshogs la/ sa la gnas pa'i byang chub sems dpa' dang/ khro bo rngam pa rol pa'i tshogs dang/'jig rten dregs pas rgyal ba'i tshogs dang/ ma mo mkha' 'gro gdug pa 'dul ba'i tshogs dang/ gtsang ris gyi lha dang/ rgyal po'i tshogs dang/ sha za rngam pa'i tshogs thabs cig tu bzhugs so// de'i tshe rgyal po rnam thos sras zhes bya ba rang gi stan las langs nas/ brkyang phyag lan stong du stsal nas gsol pa/ kye ho rdo rje snying po che// gsang sngags bka' yi 'khor lo la// rtse gcig bsrung ba'i sgrol ging che// mgon po nag por mtshan gsol ba// rabs brgyud gtan tshigs ji ltar lags// zhes zhus pa/ rdo rje snying po bka' stsal pa// legs so rigs kyi bu khyod nyon// ging chen mgon po nag po 'di// rnal 'byor yongs kyi dgra bla yin// rigs 'dzin rnams kyi srog shing yin// bdud 'dul rnams kyi dbang phyug yin// nga yi bka' yi las mkhan yin// 'di yi rabs brgyud gtan tshigs kyang// gtan la dbab pa 'di lta ste// 'das pa'i dus na sngon byung ba// bskal pa rdzogs ldan bya ba la// lho yi 'dzam bu gling 'di ru// khyim bdag khye'u ka ya zhes// bya ba de la bu gcig yod// de'i ming thar pa nag po bya// kho des dad pa'i sems g.yos te// yul phyogs de yi dgon pa na// dge slong thub dka' gzhon nu zhes// bya bas sngags kyi don rtogs nas// yod pa de kho des thos pas// dan 'phags g.yog tu bcas pa yis// de ru phyin te gdams ngag zhus// de nyid kyis kyang gdams ngag bstan// de bzhin nyid de ma bcos na// dngos po bzhi la gnas bcas kyang// nam mkha' la ni sprin bzhin te// 'di ni rnal 'byor chen po'i lam// de skad gdams ngag phog pa las// kho dag dga' mgur rangs te dengs// rang gi gnas su phyin pa la// don de'i gdeng ni ma rnyed par// dngos po bzhi la dgra bzhin bshad// nam zhig dpon g.yog ma mthun te// rtsod 'gyur dge slong dpon la dris// thub dka' rang bzhin srong po des// thar pa nag po sun phyung ste// dan 'phags bden no zhes gsungs pas// thar pa nag po khams 'khrugs nas// nges par dpon du 'dra ba la// mnyam mo zhes kyang mi brjod par// nges par bdag ni sun phyung bas// khams rings spyugs la gtang zhes sems// de nas dpon g.yog gnyis spyugs te// thams cad rang gi khams su byas// sha za'i jag pa mang po sogs// snang snang 'dug pa'i sems can gsad// rig byed sngags kyi brdas spros te// mi rigs 'dug pa 'phrad sar sbyang// gsur chen dud pa sprin du gtibs// rnag khrag chu ser mtsho ru bskyil// keng rus sha rnams ri ru brtsigs// pags pa g.yang gzhi thang du bkram// khro bo rang rgyud 'jigs par bsgom// gnas las nam zhig tshe zad de// tshe yi 'du byed byas pa las// mnar med rdo rje dmyal bar ltung// de bas brel zhing yun rings su// gcig nas gcig tu 'khor zhing gnas// de yi gnas nas mthar thon nas// yi dags gnas su bkres skom bshad// phyi nang me lce gsum du skyes// yun rings dus nas 'thon pa dang// byol song gnas su glen lkugs bshad// lus rnams khyab par blang pa las// gnyen pos bsad cing de thon nas// 'bu sbrang la sogs lus su blangs// kun khyab bsad de mthar ston nas// gcan gzan gdug pa'i gnas su skyes// sha zos khrag 'thung srog bcad byas// lus blangs khyab blang gsad thon nas// 'dab chags bya yi lus su blang// kun skyes gsad de mthar ston nas// lho nub mtshams kyi grong brdal te// lang ka pu rangs bya ba ru// smad 'tshong ma zhig mngal du chags// bu de thon pas ma de shi// yul phyogs de yi mi rnams kyis// ma med bu 'u ku 'u 'di// gzhan na yul phyogs dme bas na// ma yi mchan du gzhug par rigs// bgros te ma yi ro mchan bcug/ bu des ma yin nus ma drangs// zhag bdun 'tsho ba de yis byas// de nas khrag dag chu ser drangs// de nas ma yi nu ma zos// ma yi pags pa gos su gon// de nas bu de lus rtas te// dur khrod ro yi sha khrag zos// pags pa dag kyang gos su gon// thod 'phreng sor 'phreng rgyan du byas// dri chen rgyu mas lus la brgyan// rang gi lus rtas stobs rnyed nas// dur khrod gnod sbyin bran du 'khol// dur khrod gsang ba'i ma mo rnams// chung ma byi slas bran mor byas// rang lus thal ka 'jigs pa la// ral pa dmar nag gyen du 'greng// mgo gsum phyag drug gshogs pa can// mig gsum sdang mig me ltar 'bar// khag gdangs mche gtsigs skye 'gro gsod// gnam la bya bzhin sa la byi// chu la nya bzhin 'phyo bar byed// sen mo kang ka'i mchu sder gyis// gang zhig sha rus myags pa byed// kha nas rtsa ba'i dbugs phyung bas// nad dal rims dang yams su 'bebs// sna nas grang ba'i dbugs phyung bas// phyogs bcu kun tu khams 'khrugs byed// kor kar thang dmar mtsho yi gling// byan lag mchong ri gnam lcags yod// rang gi g.yod dang yang g.yod dang// 'dam gyi phru mas yongs su bskor// srin po lang ka mgrin bcu dang// gzugs khams man chad dbang du bsdus// ma tang ka ru rdul du lhogs// ru tra ma tra mA ra tra// rang gi rngam sgra drag tu bsgrags// ha la ru lu ha li rag sha b+h+yo/'jigs pa'i rang sgra phyogs bcur sgrogs// ha la ru lu rag sha b+h+yo/ 'khor rnams las la myur du rbad// ru tra ma hA rag sha khram tsit+ta mA ra ya rbad khraM/ ha la ru lu rag+sha b+h+yo/ ngan sngags gdug pas thams cad gsod// de ltar smyon pa drag po des// rang gi nga rgyal cher rnyed de// log pa'i lam la gnas pa las// thugs rjes 'brel ba'i byin brlabs kyis// bde gshegs thugs rjes bsgral bar dgongs// dus gsum bde gshegs rigs lngas sgrol// dang po zhi ba stong pas btul// bcom ldan 'das shAka thub thad du gshegs// ston pas nag po ma thul te// bu chung rang gi gnas su dengs// khyod kyis nga thul ga la 'gyur// zhes brjod bde gshegs mid par bzas// de nas rta mgrin dbang gis btul// kho na'i thad du rngam sgra bsgrags// rdo rje rta yi stabs mdzad pas// kho na de yis yang smras pa// mgrin bu rang gi gnas su dengs// khyod kyis nga dbang ga la 'dus// brjod pas rta mchog slar la gshegs// der ni kho na khong du mid// dpal gyis gshegs te hUM sgra bsgrags// rgyas mdzad nag po sdug bsngal te// gdung ba'i skad ngan 'tsher zhing 'don// rta mchog spyi gtsug bton te gshegs// de nas bde gshegs kun gyis bgros// mthu stobs bdag por dbang bskur ba'i// rdo rje snying po nga nyid la// nag po 'dul ba'i ming du mngag/ bdag ni bka' yi las mkhan te// smyon pa nag po gdug pa nyid// bdag gi bsgral ba'i bgyi'o zhes// khas blangs dam du bcas pa las// kho bdag lings la song ba'i tshe// dpal chen rdo rje gtum po de// khrag 'thung 'jigs pa'i rgyal po de// kho nar sprul te gnas su gshegs// 'dod pa'-i bdag mo kA ma la// nag po rang gi rngam sgra bsgrags// 'dod pa'i dbang mo sbrul bzhir 'khril// lhums su rdo rje snying po bcug/ dpal chen gshegs te kho 'ongs nas// dbang gi dbang mo bran g.yog 'khor// sngon dang mi 'dra zhes snyam pas// dbang mos e ma dbang phyug che// bdag gis ngal yang mi bde ste// khyod kyi dngos po mchi bas kyang// sgyid lug sems gnyis ka'i bka' stsal te// 'khor gyi nang 'dir gsung ngam ci// brjod pa kho nas yid ches te// rang gi pho brang gdan la phebs// de nas pu tra thon byung bas// kho na lta bu'i rigs su thon// nag po dpon g.yog yi rangs dga'// de nas gzhon nu lus rtas pas// nag po stobs ldan dbang thang phrogs// kho des 'khor dang bran g.yog bskul// nga nyid bsgral bar gzas pa las// ma thub bran g.yog nga yir byas// de nas nag po kho na de// lus kyi rdzu 'phrul stobs rnyed kyang// ma phan bdag gis bsgral bar 'gyur// 'khor g.yog dkyil 'khor pho nyar mngags// nam zhig nag po sgrib sbyangs te// nga yi snam nas bton pa las// dkyil 'khor chen por sprul pa dang// dam tshig can la gdung ba dang// bka' yi 'khor lo bsrung ba dang// nga yi las mkhan bya ba dang// sgrol ging chen po bya ba ru// khas blangs dam bcas bro bor te// de nas rdo rje srin po ngas// dbang skur byin brlabs gsang mtshan byin// rdo rje sgrol byed drag po rtsal// mgon po nag po zhes su btags// yum ni 'dod khams dbang ma yin// rnal 'byor dgra bla rtse gcig mdzad// nga yi las mkhan sprul pa mdzad// de phyir sgrol ging chen po yis// rabs brgyud gtan tshigs rgyas par mdzad// dug gi spu gri gsang ba'i rgyud las// mgon po nag po rabs brgyud kyi le'u ste dang po'o//// de nas rgyal po rnam thos sras kyis gsol pa// kye kye rdo rje snying po che// ging chen mgon po yab yum gyi// bsnyen cing bsgrub pa ji ltar lags// gsad rbad las kha ji ltar bgyi// gos sngon rdo rjes rgyas par mdzod// ces gsol pa dang// rdo rje gos sngon gyis bka' stsal pa// nyon cig rgyal po 'khor bcas khyed// nga yis ma nor gsal bar bshad// drag po'i gdul bya khyad par can// bsdus te sgrib sbyang dbang bskur nas// longs spyod rdzogs pa'i zhal yang mthong// dkyil 'khor chen po'i las mkhan de// nga yi bka' yi sprul pa byed// de don rgyas pa 'di lta ste// ri gsum rtse 'dus dmar la gzar// mtsho gling dur khrod gnam chags 'dir// dben la byin che gcan gzan 'grim// nags tshal rtsub pa'i gnas mchog der// rdo rje lcam dral gzungs dag gdon// sbyin gtor rgyas gtang tsha tsha gdab// de mthar gtsang ris rgyas bzhi mnyam// phung sa gsum dang srin rdo la// maN+Dal khru gang gru bzhi brtsig/ dug khrag dri spos chag chag gdab// ni rangs kha dog lnga phyed la// dbus su zlum po thod rlon bskor// gru chad sgo bzhi'i phyogs dang ldan// rtsig pa 'dod yon dra phyed dang// rta babs 'khor lo pad+ma khyung// tha ma rdo rje me ris bskor// dbus su dung chen ga 'u ru// steng 'og bsnyen pa'i sngags bkod de// brnag gsum bya rog mon gyi don// bdud rtsi gnam snying dri rgyas gdab// lho yi sgor zhig kA pa lar// dpal gyi gtor ma rgyas par bshams// shar sgo 'bru sna sha khrag tshogs// dpal bshos dang ldan gtor ma bsham// bdud rtsi rak+ta phyi mchod lnga// gling bu keng rus gsur chen dud// zhing gi bla re rgyal mtshan 'phan// phyogs bcu khor yug gang bar dgram// de nas rdo rje las gzhung bsrang// sku bskyed gsal bas 'dzab 'bum drang// rdzogs nas las kyi ging gzhung bsrang// mtshams cad ting 'dzin dkyil 'khor bskyed// rnam gsum sgo nas cho gas bskyed// oM shU n+ya tA dz+nyA na sa mA d+hI hUM/ d+harma d+ha tu sa ma ti hUM/ dz+nyA na badzra sa ma ti hUM/ e ga ga na yaM b+ha yu raM dza ya/ ra rak+ta swa mun tA/ lang sarba maN+Dal/ bruM bi sha maN+Dal la hUM/ru tra rag sha sti ra baM/ sU r+ya tsan+Da/ pad+ma maN+Dal/ dun ma hA kA la ga na gu ti/ yo gi shwa ri/ kA ya hUM/ ka ma la shwa ri nag po ting lam b+h+yo/ bdag gi thugs kha'i thig le las// rgyu yi sa bon b+h+ru?M 'phros pas// 'byung ba'i dkyil 'khor gdan stengs su// bdud dang srin po nyi zla pad// gdan la me 'bar klong dkyil na// nag po dbu gsum phyag drug pa// g.yas ser g.yon ljang mig gsum 'phro// ral pa kham nag thod sbrul gtam// kha gdangs mche gtsigs sma smin ser// dar nag ber cher me tog brgyan// stag gi gong ras zhing chun sbrul// snyan mgur lhu tshigs sbrul gyis brgyan// thod rlon 'phreng ba do shal can// nyi zla gza' skar rgyan du kram// rdo rje be con phur pa g.yas// dung dmar dbyug to zhags pa g.yon// g.yon na mthing nag mig gsum bgrad// mche gtsigs ral pa mun ltar gtibs// zhing chen re lde stod smad gyon// thod sbrul nyi ma rin chen brgyan// g.yas 'khyud g.yon pa dung dmar stob// yab yum dbus su bstan par bskyed// gru chad mon pa pho mo'i tshogs// sprul pa gdod nas grub par bskyed// dur khrod lcang lo can gyi gnas mchog nas// spyan drang phyag 'tshal bzhugs su gsol// phyi nang gsang mchod dngos grub blangs// thugs dam bkang bshags bstod 'dzab grang// tshogs bkye longs spyod grangs la brlag/ bskang bshags rjes la bstab pa bya// de dag las kyi 'khor lo 'di'o// sa ma ya hUM dza dza/ dza hUM baM ho/ a ti pu ho/ pra ti pu ho/ sa ma ye lhan s+t+wam/ sarba ud ga te s+pha ra na khaM swA hA/d+hu pe/ puSh+pe/ A lo ke/ gan d+he/ nai wi t+ye swA hA/ mu dra sa ma ya swA hA/ sarba pany+tsa a mr-i ta shrI ba na khA hi/ kA ya sid+hi oM/ bkA sid+d+hi aM/ tsit+ta sid+hi hUM/ pany+tsa a mr-i ta khA hi/ ma hA rak+ta/ mahA maM sa/ tsit+ta keng ni ri san tsa pa ra ye/ ba su ta go ro tsa na kha hi/ ma hA ba ling ta pU tsa kha kha khA hi khA hi/ sha rang lam ga tsa me/ shrI kA la kro d+hi ga na gu ti a la la ho/ e a ra la li/ badzra yo gi ka/ yo gi shwa ri/ hring hring dza dza/bra be sha phaT/ kha raM kha hi/ kha kha le le/ kha hi ho/ de nas bdag nyid gos sngon can// thugs kha'i nyi zla hUM dang sngags// gsal byas bka' sdod mgon po yi// thugs khar nyi gdan hUM dang sngags// gsal byas 'phro 'du rgyun mi gcad// spros pas mchod bskang thugs dam bskul// 'dus pas dngos grub bdag dbang 'dus// spyan drangs bzhugs gsol gnyis med bstim// mgal me'i 'khor lo lta bur drang// de la drod rtags rnam pa gsum// dngos gsal ci bgyi las byed gzhug/ mon pa bya nag g.yag rgod sprin// rlung 'tshub me 'bar sgra 'byin 'od// rmi lam phyi ste nyams byung na/[ (]/ rmi lam phyi ste nyams byung na/[) ]/ mngon gsal shugs che lus yang gsang// de nas drag po'i las rnams brtsam// gang 'dod grub par gdon mi za// sngon du bsnyen pa'i rim par bshad bya// dug gi spu gri gsang ba'i rgyud las/bsnyen pa'i le'u ste gnyis pa'o//// de nas bcom ldan 'das kyis drag pa'i las 'di bshad do/ bsnyen pa'i mtshan ma thob pa dang// gtor ma lho yi phyogs su gtang// dkyil 'khor bsdus la gtsang sar bskyal// dbus su 'brub khung khru gang la// gru gsum gnyis sbag mtho gang dpangs// tsher ma gru gsum grangs med bskor// phyi nang rgya sol dug khrag bsku// bsnyen bsgrub zhing khams skra bshad la// sor brgyad dbang po yan lag dgod// gro ga dug khrag tsha ba yis// ming rus lo kham snying po bri// dpral mgrin snying kha lte bar gzhug/ de skus byad gzhug gri thod brnag/ gcig pu tsher bstan dong du gzhug/nyungs dkar dug bzhi khrag gsum dang// khram phung phye gsum rang rang dpung// dong gi mtha' ma bskor la gzhag/ de nas rdo rje gos sngon can// mdun du mgon po yab yum ste// bka' sdod bskul mngag las la rbad// bla bkug bla phral rten la bstim// ma yengs gsal bas rbad cing bskul// dmag 'dren gcan gzan ri dwags 'ded// shwa brgal rbab 'dril me 'bar na// las la tshud pas dgug par bya// lcags kyus snying drangs bzhag pa ste// stobs chen rtsa ba'i 'khor lo dang// me dbal 'joms pa'i 'khor lo dang// kha gnod 'dul ba'i 'khor lo dang// las grub sgrol ba'i 'khor lo dang// drug pa stobs kyi 'khor lo dang// kha sbyar yab yum lto ru bca'// dug dang tsher shing dud pas bdug/ dug khrag bdud rtsi ngar gyi blud// dong kha gtsang ma'i rgyus pas btsem// las rim 'dod pa gang rung sbyar// bsnyen pa'i drod ldan rnal 'byor pas// bdag nyid rdo rje gos sngon can// mdun gyi 'khor lor drag sngags la// mgon po yab yum 'khor dang bcas// bdag gi bka' bsgo las bcol bas// gang yin las de mngon du byed// thogs pa med par 'grub nges pa'o// de ltar nyin gtor mtshan mo dril// gsad pa'i rten drug ling ga bca'// rbad bkug dbye bstim stong brgyad cu// thun 'gor grangs la gsad pa tsam// thon nas 'khor lo ling ga dril// gri thod gdug pa'i klu la gtad// kha gso tshul ni gong bzhin no// dza la'i nad stong de bzhin las// sbal sbrul mdze can rag tas byug/ sbal sbrul shun dril klu la rak+tad// smyo ba'i las ni de bzhin las// dmigs ldan lug mig mkhar khrag sku// de nyid thod pa gong gsum mnan// lkugs las bsnol khrag rgya tshil byug/ bsnol thod dme mo'i zhabs mas dril// mun gling ri rab chen po gnan// rengs la bse zho ho phan khrag/ bskus la ha le'i ga 'ur gzhug/ sha za mkhar gyi rked la mnan// dbye bskrad sa lnga'i gzugs byas la// khong bar 'khor lo ling ga gnag/cig ni ri gsum rtse la sba// cig ni lung gsum mdo ru sba// dgug pa tsan dan rgya skyegs sman// cong zi mngal khrag tsha bskus la// pad can thod par rang 'og sba// chu rgod 'bebs na zung bzhi bcu// yul gyi sa chu sngo sna byug/ ming byang khyi rta thod par brnag/ dong bur khrag sna dug blugs la// gzhal yas khang du lha tshogs bskyed// gsal byas bsnyen pa phrom gnyis gdags// mtsho dkyil bka' 'bebs rlung 'tshub na// chu dril 'bru gsum dong pur dril// lha rnams gzi mdangs glog tu 'gyu// nga ro 'brug sgrogs sdang ngar che// sna nas rlung dang bu yug 'tshub// kha nas lcags kyi ser chen 'bebs// lo thog bcud sdud rdul du rlog/ skya shar lug khyur 'khyag pa 'dril// mthong na dbab pa'i 'khrul 'khor bskor// rdzogs nas lha klu btsan dbus gzhug/ zhag gsum yul mthong rtse nas bskor// khyab 'jug khyi yi so la btang// stobs gzhan rten la tsher shing dug/ dred mo tshil bzhi dug gsum brun// zho gnyis mu zi bsres byas la// sngo sna lo thog mchod par dbul// dkar dmar dug gso'i thabs yang bya// thal 'jim gtor zhing 'og brdungs bya// de dus bskul ba drag tu gtang// gnam gyi chu rgod ri ltar spungs// gnam thog 'bebs na me long du// mon tshil rta tshil gser khram lcags// ro gsum tshil gsum nyungs kar spung// gri tod gsar pas kha nas dgab// sku bskyed 'phro 'du byin gyis brlabs// zhu 'phel chad cing me 'bar nas// phyed ni dri ma'i bcas nas blugs// 'phrul 'khor nyin mtshan bskyed la bskor// 'khor lo gri thod rten la gzhug/ gri mda' dgra la zor du 'phang// gza' rgod btsan dang sdongs la bya// gnam lcags 'bar ba'i las yin no// ltas ngan thod pa ja ril gnyis// dug khrag sna tshogs sbyar ba yis// phyi ru kha mig dmar po bri// nang du sngags dang ming rus bri// phung sa gsum dang chu yis dgang// 'khrul 'khor dril gtor sbyar ba tsam// rdzogs nas rten sba rgyug cing 'thab// rgyu bas du rgod gnyis su 'byung// gzir na gdon gyi ling ga bca'// mi brda snying po dong du brnag/ bka' rten byin can mgon pos mnan// gcad pa seng ldeng phur ba la// sngags bri nyungs kar 'khor lo sbags// yul gyi dbus su de sbas la// dus byung ram mda' nyungs kar 'phang// gso ba slungs dang sre'u ste// sngags la bzlas la rang lus bcang// rang lus stag gi lo yis bskor// de yis las rnams rdzogs pa ste// bcu gsum 'khrul 'khor las su bshad// dug gi spu gri gsang ba'i rgyud las// 'khrul 'khor bca' ba dang las kha'i le'u ste bzhi pa'o//// de nas yang bcom ldan 'das nyid kyi sku gsung thugs rdo rje las gsang sngags 'di dag ston to// oM badzra pA Ni nI laM badzra yak+Sha ma hA kA la dun trag rag sha ma/ badzra pa badzra yag sha ma ne badzra/ badzra ne ma hA kA la ni badzra/ badzra ni la dun tra ga ra ga la badzra/ badzra lam rag sha ma badzra pa badzra/ dgra ba'i srog la thu ril pra ma ya tsit+ta breng yaM raM rag ta tsa ma ya rbad/ badzra pa badzra ma sha ra laM badzra/ badzra laM rag ta dun la ni badzra/ badzra nI la ni la ka ha ma ne badzra/ badzra ne ma sha yag badzra pa badzra/ya ma rA dza ta rag raM raM yaM breng ta tsi ya/ mu du ril thumu la srog rbad/ badzra pa badzra yag sha me ne badzra/ pha badzra yag sha ma ne badzra pa badzra/ badzra yak+Sha ma ne badzra pa badzra/ yag sha ma ne badzra pa badzra/yag sha ma ne badzra pa badzra/ yag sha ma ni badzra pa badzra yag sha ma/ me badzra pa badzra yag sha ma ne/ badzra ni ma hA ka la ni badzra/ ne ma hA kA la badzra pa ne/ ma hA kA li ni badzra ne/ ma hA kA la ne badzra ni ma hA kA la ni badzra ne mahA kA la ni badzra ni ma hA kA la ni badzra ni ma hA kA la ne/badzra ne la dun trag rag laM badzra pa ni/ la dun trag rag laM badzra ni la/ dun trag rag lam badzra ni la dun/ trag rag la badzra ni la dun trag rag laM badzra ni la dun trag rag laM/badzra laM rag sham badzra pa badzra/ laM rag sha ma ra badzra pa badzra laM/ rag sha ma badzra/ pa badzra laM rag sha ma badzra pa badzra laM rag sha ma badzra/ badzra laM rag sham/ badzra badzra sha ne pa yag ma/badzra ma ka ni ne ma la/ badzra la trag la ni dun raM ga/ badzra rag sham laM sha badzra/ srog la raM thuM tsit+ta ya/ ril rag ta breng yaM pra ma tsi ma ra ya rbad/ de dag gis gsad pa'i drag sngags so// badzra pa laM rag tra dun la ni badzra/badzra na la ka ham ne badzra/ badzra ne ma sha ya ga badzra pa badzra/ phroM phroM thibs phroM 'ur hril hril/ badzra sha laM ba ma rag badzra rag dun ni lang trag ma/ badzra la ha ne ni ka ya/ badzra ma yag sha pa ni sha phroM phroM ta tu la hril hril/pi pi shar yam snying khrag du b+h+yo phob trig nan dza/ de dag ser ba'i drag sngags so// badzra pa badzra ma sha rag lam badzra pa badzra ma sha rag laM badzra/ pa badzra ma sha rag laM badzra/ badzra ma sha rag laM badzra pa badzra/ma sha rag laM badzra pa badzra ma/ sha rag laM badzra pa badzra sha rag laM badzra pa badzra ma sha rag laM badzra pa badzra ma sha rag laM/ badzra laM rag tra dun la ni badzra/ laM rag tra dun la ni badzra/ laM rag trag dun la ni badzra laM/rag trag dun la ni badzra laM rag trag dun la ni badzra laM trag dun la ni badzra laM trag dun/ la ni badzra laM rag rag trag dun la/ ni badzra laM rag trag dun la ni/ badzra ni ka ha ma ne badzra/ ni la ka ha ma ne badzra ni/la ka ha ma ne badzra ni laM/ ka ha ma he badzra/ ni la kA ha ma ne badzra ni la ka haM/ ma ne badzra ni la ka ha ma/ ne badzra ni ka ha ma ne/ badzra ni ma sha yag badzra pa badzra/ ne ma ra yag badzra pa badzra ne/ ma sha yag badzra pa badzra ni ma sha yag badzra pa badzra ne ma sha yag badzra pa badzra ne ma sha yag badzra pa/badzra ne ma sha yag badzra/ hring hring/ sa ma ya dun dun hri sra sa rbad/ thub sbur ya dza nan trig nan rbad/ de dag gzir ba'i drag sngags so// badzra sha pa ma badzra ne yag badzra ka na la ma ni ha/ badzra trag ni rag lam dun/ badzra ma laM badzra rag pa na/ badzra badzra laM raM srog la rbad/ sing khrod trag 'u ra nal to sog la rag sha rbad/ de dag gnam thog drag po'i sngags so// badzra pA ni badzra la/ badzra ne lam ma rag badzra ni pa li badzra/ badzra lam ni ma rag phra ma ka ra ya sa ma ya/ u u ma hA su ka sarba sha tru?M phaT/ de dag gso ba'i drag sngags so// badzra pA Ni badzra/ yag sha ma/ badzra na ni ma hA kA la/ badzra ni la dun trag rag badzra laM pa rag sha ma badzra/ dgra bo'i rtsal ha la ro ga nan dza la dzin shu khraM myags thibs rbad/ de dag dza le'i drag sngags so// badzra yagaSha pa ni badzra ma/ badzra ha ka ne ni la la/ badzra dun trag li laM la trag badzra sham laM pa ra ga badzra/ thob 'ur yaM thor thor phaT/ ser ba shag drung na sha ya phaT/ staM pa la big nan/ kha tham b+h+yo/de dag gser ba bsrung ba'o/ badzra yag sha dun trag ka ne sha/ badzra dun trag sha yag badzra sham ka ha/ ru pi sarba g+hu yaM ka pa la ti rgya la hal hal du ling has phob ya/ de dag ltas ngan dbab pa'o// badzra pa ma ni badzra/ma ni rag laM badzra/ la ni badzra pa badzra/ rag laM ya ne badzra/ ud ma lta phyad sangs sa la shaM shaM tsi tra ha la yaM ti pa ra rbad/ de dag smyo ba'i drag sngags so// yag sha badzra trag ha/ sha badzra du na ka sha ha badzra ma yag trag ka badzra sha sha dun/bi de sha ya pra tsa li tra shan shag pra be sha ya phaT/ traM phaT/ de dag bskrad cing dbye ba'o// badzra pa badzra/ badzra nem/ badzra ni la/ badzra la rag traM traM/ hring hring/ hri ta ni ru pi hril/ ru ti ru ti/a yang tshe sha de dag rengs pa'i drag sngags so// badzra yag sha badzra ka la/ badzra dun trag badzra rag sha dzi ho hur thums/ mu la big nan phag thum ril khril ya dbang po thum ril thaM/ de dag dkrugs pa'i drag sngags so// badzra pa Ni badzra yag sha ma/ badzra ne ni ma hA kA la/ badzra nI lAM la dun trag rag badzra pa rag sha ma badzra/ pa shang ku ru aM gu sha ya dun breng g+hu hril A kar+Sha ya dza dza/ de dag dbang du bsdu ba'o// nyin gtor mtshan dril kun gyi las// dril ba rtsa ba'i spyi rgyugs yin// 'khrul 'khor gsang ba'i stobs chen 'di// bcu gsum las kyi sbyor ba grub// 'di de las kyi gnad de bshad// dug gi spu gri gsang ba'i rgyud las/'phrul 'khor sngags kyi le'u ste lnga pa'o//// de nas yang rnam thos sras kyis gsol pa// drag po'i ngan sngags gsang ba yi// dmod pa las kyi 'bru rgod rnams// rdo rje snying pos bshad du gsol// ces gsol pas/ bcom ldan rdo rjes bka' stsal pa// rigs mchog dam pa'i rgyal po nyon// dmod pa las kyi sngags rgod la// gsad bsrung dbab gcad don bzhi rdzogs// de dag rgyas pa 'di lta ste// mchog rnams tshang ba'i gnas de ru// zhing ras rgya shog khru gang la// dug snas byugs la khrag snas bri// dbus dang rim bzhi e dang dbang// phyi rim lcags mkhar nag po yang// logs la rtsibs bdun tha ma sbrul// dbus su bsgrub bya zla kham lha// lcags mkhar rtsa ba tshan re ste// rtsibs la spu gri tshan re gnas// sbrul nag gnan dang 'phang ba'o// kha sbyar sdig pa'i lto bar bca'// ling ga gri thod dong btsan nang// 'khor lo bar snang mkha' la sding// bdag nyid rdo rje gos sngon can// mdun du ging chen yab yum 'khor// rdzogs tshul bskyed la bka' sdod mngag/ zhag lngar dmod par bar mi gcad// srod dang tho rangs drag tu bskul// drag sngags 'od zer sbubs la zhon// gsang lam sgo ru rtsa la thim// me lce mtshon cha dgu thogs kyis// rtsa bzhi brgyad dang bcu rnams gcad// khrag sbal zhu bsreg bag chags bsregs// dam ma mtho ris thar pa'i sa// snyigs ma 'khor lo thod pa'i 'khong// phung po lhag ma bstod de rol// gdug pa che la 'gran zlar gtad// rdzogs nas ling ka 'khor lo rnams// gri thod zhabs ma re bas dril// tshas ldan gdug pa che la gtad// nya stong thod na yang yang bskul// dmod pa'i drag sngags 'di lta ste// e badzra a ti pa ta ye/ badzra ma hA kA la dun ya/ ging ka ra kro d+ha ni hring/ ga na gu ti ba tra dun// badzra yag sha kri sna d+ha sha ma ma trag hed rag mo sham/ tig sna ka li tsa mun tri/ yag sha nag mo tsit+ta shaM/ dgra ba'i srog la breng shag rbad/ tsit+ta phyung rak+ta thibs rbad/ tsa la thang thang thum ril rbad/ nri hur thuM dza dun dun shag srog la dun mugs myags khram rbad/ tsit+ta ro myag ling shag rbad/ snying khrag tshal pa yaM ling rbad/ thuMm ri li li dun b+h+yo b+h+yo/ staM pa dza nan/ nyin mo 'di bzhin dril ba ste// mtshan mo rtsa ba'i bdun po la// spu gri re re stobs la brdeg/ rdo rje stobs chen kun 'khor drang// drag sngags bdun pa'i 'khor lor bshad// gzhan yang chu god dbab pa'i las// rgya shug 'bru yi chu yis byug/dug bzhi dbus nas rim bzhin bskor// dbus su gru gsum zla gam gsum// yul mi ser srun lha klub btsan// phyi rim khor yug drag sngags bdun// yang logs gza' rgod spu gri bdun// tha ma gzir ba'i drag sngags dgod// kha sbyar zung bzhi phag ltor bca'// mi rta khyi phag thod par brnag/ dong bur khrag lnga rlugs la bzhag/ bdag mdun dong bu'i gzhal yas su// lha tshogs gsal byas dmod pa dbab// dgun zla tha chung zhag bdun dril// yungs kar yungs nag skye tshe'i thun// brgya brgya dong bu'i nang du brab// dpyid zla tha chung zhag lngar brab// nya la yul du lha ma gzhug/ lha klu btsan dang dbus su sba// dbyar chung ston rab 'bring po yin// gang rung zhag bdun dbab pa tsam// ging chen bka' sdod bza' rgod che// gang dmigs yul du 'khyags dpung sdud// dud ka sprin gos bzhi yis brgyan// 'od zer ser chen 'brug la zhon// gnod sbyin 'bum dang bcas pa bskyed// bdag gi sa chen zil gyi bza'// bskul te gza' yis yul gdon bskul// chu rgod ri ltar 'phungs shing gtibs// dgra yul rdul du brlag par byed// de ltar kun la gsal bar bya'o// de nas khyab 'jug rgyu dus su// zor 'phangs skul te khri yis mdag/ gal te stobs zhan yul rten pa// rdzas bsreg thal 'jim gtor// rang dbang med par gzir la dbab// de na chu rgod byi ltar 'bebs// de dag dmod pa 'di lta ste// ra hu la ya ma snying// ya ma khrag/ badzra rag sha ga te/ badzra rag sha/ thibs 'dus tog/ thog 'ur keM/phroM phroM hril hril/ yaM yaM hril mu ti rgya ri se ri ta/ shar shar yaM shar/ drag tu phob/ da ya da ya hril shar phob/ yaM hril yaM shar drag tu phob/ yul 'dir ser ba nal nal phob// trig nan snying gzir spur nan dza/ rtsa ba'i drag sngags bdun la/ mgo la rdo rje stobs chen te// mjug tu khyab 'jug gza' rgod gdags// spu gri stod bzhi 'dril te rgyun// bzhi sprel drag sngags de la sbyar// smad gsum dpyid dbang dbab pa gdags// de dag nyin gtor mtshan mo dril// stobs chen gza' rgod mgo zhabs sbyar// gzir na rang sngags mtha' la gdags// yul gdon de yi snying po blang// chu rgod dbab pa'i sbyor ba bshad// gzhan yang bsrung zhing gzir ba'i las// rgya shog dug sna gu gul byugs// khrag snas bris te thig bskor bzhi// dbus su gru gsum zla gam gsum// gang yin gdon dang sdongs zla bri// phyi rim rtsa brgyad rtsa ba'i sngags// yang logs rtsibs bdun spu gri gnas// tha ma me yi raM dang ldan// rtsibs mchan gnod byed sdongs zla'i srog/ kha sbyar rus sbal lto bar bri// sa gsum ling ga mi mda' srog/ thod chen dong gi nang du brnag/gri lcags phur mda' yungs kar brdeg/ gsal gsum bka' sdod zhag bdun btsan// thod nang ling ga 'khor lor dril// thod chen mgon po nyid kyis gnan// nya stong ngag dus stong stong bzlas// thug phrad yungs kar gdab cing mngag/ de ltar dmod pa 'di lta ste// trig nan/ big nan/ staM pa ya/ u nan/ e nan/ spur nan gzir// snying gzir thum ril 'drid na gzir// ha la ha la tsam ri phyung/ha la bi dang dza la raM/ dun dun breng shag hUr thum sa dza/ khaM shag ro myags thum ril rbad/ nyin gtor mtshan dril gzir ba'i don// yang gsang dmod pa'i rgyal por bshad// gzhan du chu rgod gzhom pa ni// gri lcags seng ldeng phur pa la// stong du rtsa ba smad la sogs// dug snas bris la byin gyis brlab// mgon po yab yum gsal bar bskyed// yungs kar thal 'jim skye 'braM tsha// sha za mon pa'i tshogs su brlab// bdag nyid rdo rje gos sngon gsal// mdun du bka' sdod gtso 'khor bcas// bskyed la dmod pa khri dgur bzlas// rdzogs nas byung dus phyag rgya bskyed// rdzas 'phang ram mda' phur pa 'dril// chu rgod ri ltar phungs la bzlog/ sprin gtor lo la za ba bcing// 'brug gi ngar bcag glog bang bcing// ser ba'i bka' bcag bzhu zhing bsreg/ rlung sdod dgra la lam bstan no// de yi dmod pa 'di lta ste// thibs thibs hur khaM yaM thor phaT/ d+ha ki mu ka big nan thuM/ 'ur tog thuM ril gzer thun nan// keM keM ha ri hur thum ril// ser ba ro myags ha sta rbad// sha truM nA sha ya b+h+yo/ drag sngags bdun pa'i 'bru rgod 'di// dang po nyin gtor mtshan dril te// thug phrad dril gtor brnol mar brdeg/ ngan sngags 'bru bdun gsang bar bshad// dug gi spu gri gsang ba'i rgyud las/ drag sngags bdun pa'i le'u ste drug pa'o//// de nas bcom ldan 'das kyis dmod pa ngan sngags sbyor ba 'di bshad do// gnas mchog gzhung dang ldan pa der// dmod pa ngan sngags sbyor ba bstan// dang la gsad pa'i sbyor ba ni// phung sa gru gsum sba ma ru// rgyu rkyen drug gi ling ga bca'// gro ga ming rus lo khams bri// snyings dpral lte ba gsang bar gzhug/ mon nam rabs chad thod par brnag/ dug gsum khrag bzhi 'bru dang tsha// bsres la khram kyi thod par blug/rgya shogs gnyis la 'khor lo bri// e dang dbang la brnag pa lha// phyi rim mu khyud rtsa ba'i sngags// yang logs de bzhin spu gri ste// tha ma thod pa'i rwa bas gtams// rang rang rdzas kyis bris byas la// kha sbyar las mkhan lto bar gzhug/ spra lag dong rtsa mkha' la lding// bdag nyid rdo rje snying por gnas// bka' sdod mgon po yab yum 'khor// de yi bka' sdod gang yin dregs// bdag gis ging bsgrub mgon pos dregs// bskul te mtshon rnams me tog mtshon// rtsa bcad khrag skam shes pa phya// ling ga brnag pa rang du gsal// de ltar ma yengs zhag dgur brtsam// rdzogs dang rang rang lag tu gtad// de dag spyi yi rim pa yin// sdebs pa'i thabs ni 'di lta ste// ging dang bdud du sdong 'dod na// bong nga ra tsa rta khyi mon// rgod khra bran nag mtsho lkugs chu// thun dang ling ga 'khor lo byug/ gri mda' bshos bu dar nag rten// mi gsad mi rgod brag nag la// khru gang gzugs byas rgya sol byug/ nag po 'jigs tshul ras pas gtams// khri shing zhags pa beng nag shing// gsal byas snying khar dar nag sngags// mun pa'i gling du gzugs kyis gnan// 'thom nag dug zor nya stong mngag/ ging dang rgyal po sdongs 'dod na// dkar gsum gangs chu rgya tshwa byug/ lha khang ka rten rnying pa la// khru gang gzugs byas cong zis byug/mda' dang bshos dkar rta ru bca'// dkar po brjid pa'i 'khor lo bri// dar dkar gos lhan rtsa dang sngags// lha khang nang du gzugs kyis mnan// mgon po ma mor sdongs 'dod na// dme khrag dug sna mtsho sbus byug/ dme sha 'bru sna dug gtor rten// grog mkhar nal sha srin mo sdong// khru gang gzugs byas rgya sol byug/ nag mo 'jigs ma ral pa khrag/ zhing rtag re lde ban dmar mdung// snying kar ma mngags gsal bar bya// klu bdud mo la gzugs kyis gnan// ging dang klu gnyan sa bdag sdong// sbal sbrul ba mar mdze khrag byug/ gnyan ra dgu yi sa chu shing// klu sman sbyar la cu gang gzugs// dkar gtong klu sman sna tshogs rten// ljang nag sbrul gyi thod gdengs can// gcer bu sbrul zhags rgyal mtshan thogs// snying khar phu sngags gsal byas la// gdug pa nyid la gzugs kyis gnan// ging dang btsan du sdongs 'dod na// dmar gsum khrag gi rag tas byug/ gong gsum dmar khrag sa dmar la// khru gang gzugs byas gri khrag byug/ mda' dang bshos dmar sha khrag brten// dmar po dar dmar bse khrab gon// dar mdung zhags thogs dza sngags bskyed// gong gsum 'gyu sar gzugs kyis gnan// mgon po dge bsnyen sdongs 'dod na// gangs bzhin gri khrag dug gis byugs// pha bang thal chen la btsas khrag/rgyu la khru gang gzugs su bya// dar mda' za 'og bshos bu bsten// ljang zer zab slag rdo rje snying// stag thod snying khar dri sngags gsal// khra tshang sum mdor gzugs kyis gnan// rang rang rkyang bar sdebs pa dang// kun sdongs snying po 'bru re blangs// drag po dmod sngags dril la brdeg/ thibs nad smyo 'bog dal rims g.yo// mdze shu gri rgod hUr thums sod// sprul pa'i sbyor ba dpag med 'di// rang yang rang la gab pa ste// bdud kyi rgyal mo gdug pa can// the brang sdongs pa'i las yin no// de yi dmod pa 'di lta ste// a+ye badzra hri la rngubs ni baM ba sa u ne u nu hri da ya// badzra yag sha kA la kA la/ma hA kA la ma hA ga na gu ti hri ya/ badzra ging kar rag sha ka li// ma ma mu khraM khrag la mu shaM hring// du na ru ta thuM b+ha ti// ra dza tsa pa la a shug me// ma ma trag rag sha nag mo tig laM b+h+yo/ nA ga hu ti nA ga du ru ta/shu la rA dza tri sha ma dza yaM/ nA ga hU ti pha na ga du ru ha/ badzra tri na sa thuM tri/ srog la thuM ril rtsa la breng shag tsit+ta dun rmugs khrag thibs rbad/ ling shag rbad/ ni hUr thums dza/ khraM rbad/ gsad pa las kyi rgyal po 'di// spogs na bzlog dkrugs mchog tu brdeg/ mchog gi gnas kyi ngan sngags te// phyir byung srog chags yod tshad 'chi// nang brngubs rang gi rtsa srog chad// des na zhing rkang sbu bur gdab// rlung gis thos su mi rung sba// de dag drag sngags 'di lta ste// a+ye ye ta hri ne u ne a sa pa laM ni rngubs hril badzra/ li ka sha rag ra ga'i ging badzra ya hring ti gu na ga la ma hA ma la kA la k+Sha yak+Sha badzra/ hring sha mu la khrag mu ma ma/sti b+ha thuM ru tra ru thuM/ me shug a la la pa tsa tsa ra/ b+h+yo laM ti mo nag sha rag trag ma/ ha du ru ga na sa sti hu ga na/ yaM dza shaM tri ra rtsa la shu/ tri thuM kha du sa na tri badzra/ kham rbad dza thuM hU'u ra ni rbad/ shag ling thibs khrag rmugs thun ta tsi shag breng/ rtsa la ril thuM srog la rbad/ e a ye badzra/ sa hril/ ne ni rdubs u pa ne ni laM/ badzra ling ga yag sha na k+Sha k+Sha la kar ga gu la ra ma ka ka ti la/ ging hring ma badzra ha ya/ma ting khrag ma sha khram mu ma la/ dun ting ru ru b+ha tra thuM/ mar me la tsa shug a/ ma b+h+yo nag trag laM shaM rag ting mo/ na hA nA ga ru hu du ti kha/ shu yaM tri la dza/ ra tsa shaM/ badzra tri du na thum sa ga/ srog la khraM ling rbad/tsit+ta dun rmugs ril shag thun rbad/ rtsa la ni shag thuM/ khrag hur dza thibs breng rbad/ e rngubs e badzra ta pa hril/ pa tri u ni ni a la ni/ na ni badzra g+hu ka yag ga k+Sha k+Sha ti rag ka la la ra hring ka ka ma la ging ka badzra ma ya/khrag ma hring khraM sha ma la ma mu/ ru ti dun thun tra b+ha ru/ a ra me la tsa pa shug tsa/ nag mo b+h+yo sha laM trag mo rag ta/ na na ha sa ga ru ga ti du ru/ tri shu yaM/ ra shaM la dza tsa/ sa tri badzra na ga srog la thun rmugs ling shang rbad/tsit+ta thum ril nri hur thuM dza shag tsa la khrag thibs breng khraM rbad/ dmod la gnad kyis gdab pa 'di// blo la mi gnas thug phrad brdeg/ blo dman rmongs la bgrod med kyis// spyad na rang nyid brlag par 'gyur// shAka thub bstan pa 'jig pa'i dus// rtsi shing nags tshal zad pa'i dus// tshe lo lnga bcu mi thub dus// rnal 'byor nang rme 'khrugs pa'i dus// lha srin rtsal 'gran 'gyed pa'i dus// skye bo dpa' rtsal 'gran dus su// de tshe gdab pa'i ngan sngags 'byung// gzu lums ra chod spyad gyur na// stobs med rang 'chi brlag 'gyur bas// sgrol ging mgon po nyid la dris// cang mi smra na dus min pas// rang gi snying bzhin brnag la sba// bka' gsang thob na ngan sngags spyad// des ni nus pa dpag med do// gdab dang gnad dmod pa yi// yang gsang man ngag 'bru rgod bshad// dug gi spu gri gsang ba'i rgyud las// dmod gnad dbab pa'i le'u ste bdun pa'o//// de nas yang rdo rje snying pos drag po sngags rgod kyi sbyor ba 'di dag bshad do// sprul pa las kyi sbyor ba dpag med 'dis// las kyi rim pa du ma 'grub// dbye ba'i rim pa 'di lta ste// de la sbyor ba bdun dang ldan// gsad dang bsrung dang dbab gcad bsgyur ba dang// dbang sdud rim pa'i sbyor ba'o// dang po khram thod sar pa ru// khrag lnga dug lnga rten drug sbyar// ling ga ming rus nri dang bcas// yungs kar yungs nag skye tshe tshe// sngags la sgrol ging yab yum gsal// khri gsum drag sngags bar mi gcad// spyang khu'i rgyud pas gzhu byas la// khyi yi rgyud pas rgyud du bya// khra yi rkang mgos mda' byas la// gri lcags lnga gsum mde'u gzhug/ brgya na thun re mda' dang lcag/ dkar nag snying gi mtshams su brdeg/ mtshon chas rtsa gcad shes pa 'pho// rdzogs nas khraM thod ling ga rdzas// sha za shing gi rtsa ru sba// sngags rnams rlung gis mi thos bzlas// rtsa ba lnga'am gsum na 'pho// gzhan yang gri lcags seng ldeng phur// yab yum gsal rdzogs dug khrag ngar// zho gnyis khrag gnyis gu gul ldan// yungs kar rA dza bsregs la brnag/ gang gnod rgya shog gzugs bris la// snying khar 'bru re spu gri lus// rtsa bas mtha' bskor thod chen brnag/ bdag nyid rdo rje snying po che// ging chen phur pa dril zhing gdab// khri gsum rdzogs nas ling ga dril// bka' rten mgon po'i 'og tu gnan// rdzas kyi dud pas steng nas bdug/ nad pa dme lag dud phur gdab// spre'u rdzas phur dpung g.yas gdags rten bcud las snod nyid bdug/gnod byed smyo zhing brgyal bar 'gyur// gzhan yang yul gyi sa chu shing// lo thog sngo sna 'bras bu shing// lha klu btsan dang ser srungs kyi// rdzas la ling ga dbang po dod// ming byang snying po snying khar brnag/ thod chen brnag la 'bru gsum thun// khrag gnyis dug gnyis lo ma gsum// ma 'dres blugs la dmod pa gdab// bdag nyid rdo rje bka' sdod ging// bskul bas ging gi khyab 'jug bskul// de yis yul gyi lha klu btsan// rang dbang med par bskul zhing mngag/ ser srungs srungs ma rdo rjes gzir// khri gsum rdzogs nas yul rten la// dug shing tsher shing dred mo sbar// yul bcud ling ga rdzas dgod bsreg/ sum cha thal ba phyogs mtshams gtor// de dag gnyan zla gza' rgod la'o/ chu rgod gnam lcags ri ltar phungs// gzhan yang sa gsum gnag gsum khrag/bsres la mgon po yab yum gzugs// khru gang lnga byas rgya sol byug/ sngags rnams gro ga khong du gzhug/ dgun 'bring khri gsum drag po bzla// sngags pa rdo rje lte so ging// rdzogs nas ched rdzogs dbus su sba// khri yi bka' rten de la gtad// yungs kar thal chen 'phang zhing bzlas// chu rgod rir stibs rnam thar skyel// gzhan yang thod pa ja ril gnyis// sa lnga brdzangs la khrag gis mnan// ming rus dbab sngags nang du bri// kha mig dug khrag phyi ru bri// mkhar la sbas na sgra 'byin 'thab// wa spre byi la sram 'phar wa// sha khrag spu dang rang rang gzugs// rten la sbas la de nyid dbab// khrag 'ug srin bya de mo dang// chu skyar gang ka ti bya gzhad// sha khrag spu la ma 'dres gzugs// rten sbas der dbab sder 'dzings 'thab// nya sbrul sbal sdig gnyan ra'i rdzas// sha khrag bsres la der gzugs bya// gong ma ma la bres khang kha 'gram// sbal pas de bsgyur gdon mi za// khri gsum sngags bzlas smin drug sba// slu ba med pa'i las mchog yin// gzhan yang gro ga'am bri shog la// mngal khrag rgya skyegs gi wang gis// gzugs dang ming bris snying khar srog/ tha mar rtsa ba lus la so// bris la tsan dan cong zis byug/ bdag nyid rdo rje ging chen gyis// dmigs pa lcags kyu zhags pas drang// rang dbang med par bdag dbang 'dus// lcags kyu'i phyag rgyas snying nas drang// khri gsum rdzas brlab rang 'og sba// gi wang cong zi tsan dan dmar// rgya skyegs sug smel nyam khris sbrang// ru rta shu dag zhib btags la// gzugs med ling ga dud pas bdug/gzugs can pho mo rkang mgor gdab// gzugs khams yan chud dbang du 'gyur// de dag dmod pa 'di lta ste// e badzra hril a ti pa ta ye/ badzra ni laM a dz+nyA a ne/ badzra ging ka ra ma hA kA la/badzra rag sha kro d+hi pa tra dun/ trag shig rag sha mu sha ma ma/ srog la myog tsit+ta khas rag ta thibs hUM ling yaM ling mA ra ya rbad/ kI li ki la ya trig nan/ big nan snying gzer sbur nan/ hur thum dza myag thuM ril rbad ya/ra hu la ya ma snying rag sha de ba pi pi/ de ba a tsa yaM tri sa nA ga ti gnan myag sbur ya dza la raM/ thibs 'dus 'ur 'ur/ phroM phroM/ hril hril/ yaM shar yaM shar/ nal nal ser ba drag tu phob phob/ hUr khi yaM thor big nan ser ba sha truM nA sha ya phaT b+h+yo/ ka pa ti rgyal hal hal/ bi sha rtse ru pi khraM khraM/ ling ling pu ra dun shaM/ nA ga ba 'u nA ga ya/ du li ha sa phob/ pa shang ku ru dza ya/ ka ra sha hri ma 'gyur ma na ya dza dza/de dag dmod pa rgod kyi sngags// las drug rdzogs pa'i sbyor bar bshad// gsal byed rig pa'i sbyor ba ni// gnas mchog gtsang ma yid 'ong der// maN+Dal sman dang spos kyis byug/ steng du ras dkar gtsang ma'i gdan// de steng 'khar gzhong gtsang ma ru// lco ga srin bya'i lce dang ni// 'ug pa pha wa khyi rgya'i mig/ bzang drug blugs la ngar dkar dgab// 'bru gtsang lha bshos rtsi sman byug/ de stengs gsang lug mar bskus bzhag/bdag mdun rdzas kyi steng du bzhag/ rnal 'byor dkar gsum kha zas bza'// sha chang sgog btsong myos pa spang// stong nyid ngang las rdo rje'i sku// mdun du sgrol ging yab yum bskyed// bdag gi hUM las 'od 'phros pas// mgon po'i thugs khar thim pas kyang// thams cad dbang med bdag la smra// ting 'dzin gsal bas dud pa gtang// bdag gis sngags bzlas zhag gsum gdon// de yis thams cad mngon du smra// nas la smod la bshos steng bzhag/ rgyas pas bshags pa bstod pa bya// de ltar mngon shes grub pa'i rtags// ging chen bdag gis mngon gsal te// tshe nyid snga ma gar skyes dang// phyi ma gar skyes dge sdig dang// phan gnod bzang ngan rna bar smra// de yi dus su mnas bsgags la// lha bshos rol la rdzas rnams bsdu// rang gi mgul pa g.yon du gdags// 'og tu mi gtang 'gom mi bya// de nas 'beb pa'i dus nyid du// lha bshos 'bru dkar steng du bzhag/ de yi sngags rnams 'di lta ste// oM badzra pA ni/ oM ka la ka la/ ma la ma la/ ki li ki li/ sid+d+hi sid+d+hi/du ru du ru/ spu ru spu ru/ dza la dza la/ kal ma kal ma/ hri hUM sa ma ya dza/ yo gi A dz+nyA na tsa kru pra be sha swA hA/ sa ma ya na ra khan sid+d+hi hUM/ nas dang lha bshos phud gtor la// dril bu'i sgra dang ldan par bya// gsal byed rig pa'i sbyor ba 'di// brtson 'grus ldan na myur bar gsal// ye shes gnyan gyi las su bshad// dug gi spu gri gsang ba'i rgyud las/ gnod pa'i las drug gsal byed pra'i le'u ste brgyad pa'o//// de nas yang rnam thos sras kyis/ kye kye gsang bdag rdo rje can// las kyi mtha' sdud bsreg pa yi// me yi rim pa rgyas par mdzod// ces zhus pas/ bcom ldan 'das kyis bka' stsal pa// gsad gzir las kyi mtha' sdud du// bsreg pa me yi sbyor ba mngag/ de don rgyas pa 'di lta ste// maN+Dal steng du dong rtsa bca'// me thab gong ltar ji bzhin las// dgra la rten drug ling ga ming// gdon la gang gnod sa la gzugs// khru gang gong du gan rkyal gnag/ hoM shing zur gsum snying khar gzug/ yaM shing dur tshe bse dri can// bsreg rdzas ma ta bya khyi sha// yungs kar yungs nag skye tshe til// de khrag ra dug bong nga tsha// 'o ma rtsi sman yungs dmar chang// dug dang bag phye'i ril bu la// ming rus khong bcug mar nag btso// me thab mtha' ma khor yug bzhag/ bdag nyid rdo rje gos sngon gsal// mdun du ging chen yab yum 'khor// de mdun me lha dmar nag 'gying// 'jigs tshul dur khrod sbrul gyi chas// me dar ral gri g.yas dang g.yon// bka' nod las byed gsal byas la// zhag bdun sngags bcus dbul// sum yar bsreg pa mthar rdzogs nas// thal ba phur skor phur pas gdab// zhag gcig rdzas dag thal 'jim de// 'thom gnag gnod pa'i phyogs su 'phang// las kyi rjes gcod sbyor ba yin// de yi drag sngags 'di lta ste// e badzra pA Ni n-I laM ba ra d+ha ra a d+hi pa ta ye A dz+nyA pa ya ti/ hril ya/ badzra ra ga sha badzra ging badzra yag sha badzra ging ka ra ma hA kA la ga na gu ti du/ ma trag ma hig dun ting mu khraM trag rag sha dgra ba'i srog la thuM ril rmugs rtsa khrag thibs breng sha rbad/tsit+ta phyung ni hur thuM dza/ trig nan/ sbur nan/ hur thuM dza/ myag thuM ril khi shag rbad/ ag ne de ba kro d+ha kha raM dza/ raM raM raM/ badzra kI li kI la ya sarba big+h+nAn rbad rbad/thuM ri li li breng breng/ thuM ril b+h+yo/ bsreg pa las kyi rgyal por bshad// gzhan yang bum pas bsrung ba ni// rin chen bum pa mdzes pa la// kha rgyan mgul chings ldan byas la// sman lnga 'o ma chu gtsang blugs// maN+Dal mdzes pa'i steng du bzhag/ bdag nyid rdo rje gsal byas la// bum par mgon po yab yum bskyed// lus rnams ba spu khro chung gtams// bdag gi spyi bor 'khor lo sngags// mgrin pa snying kha lte bas gsang// 'khor lo sngags kyis bskor bar bsam// bdag gi sngags las 'od 'phros pas// bum pa'i lha rnams 'od du zhu// ye shes chu rgyun khro chung 'bar// bag chags dri ma sgrub pa bsreg/tshur 'dus bdag gi sngags rnams zhu// ye shes rgyun gyis bag chags bsreg/ de ltar gsal pa zhag gsum bzlas// rdzogs nas bum chus khrus yang bya// de yi yon tan 'di rnams te// bgegs ris stong phrag brgyas mi tshugs// 'chi bdag bdud rnams zil gyis gnon// rang gi lha srung khon sor chud// sdig pa phra mo bag chags 'byang// mkha' 'gro rnams kyis dgongs don 'khur// ye shes spyan gsal khams gsum gsal// de yi drag sngags 'di lta ste// e badzra pA Ni A dz+nyA pa ya te yi ngan ni laM ba ra d+ha ra/ badzra kA li ging ka ra/ ga na gu ti pa tra pa tra/ sha gri ba/ ma ma ka ma la shwa ri/ ta ki ni dz+nyA na baM raM/sarba sha truM bi g+h+nan/ ha la ro ga gri da phyung dza la raM hri shag rbad a/ bsam gtan bum pa'i khrus su bshad// dug gi spu gri gsang ba'i rgyud las// rjes gcod bsreg pa dang bsam gtan bsrung ba'i le'u ste dgu pa'o//// de nas rgyal po rnam thos sras kyis// gal te 'khu ldog las mi byed// log pa'i ltas byung dbang sdud gzir// srog 'phrog rgyas par bshad du gsol// ces gsol pas// gsang ba'i bdag pos yang gsungs pa// phyi rabs ging chen 'di bsgrub pas// 'dzab rdzogs drod med las mi byed// 'khu ldog g.yeng zhing tshul ba na// dam rdzas ma tshang gtor tshogs nyams// sgrub ched dam nyams stobs chung bas// dam rdzas gzhung du bltas la gsol// rdo rje slob dpon mnyes pas mchod// tshogs dang gtor ma dus drug bskyed// tsha tsha sbyin gtong mdo sde bklag/ phyi nang mthol bshags dam par bya// lta ba rjes dran ting 'dzin bsar// dpon mi bzhugs na rigs 'khor mchod// de yang med na gtor tshogs gtang// des ni dngos grub ci 'dod 'byung// rdo rje slob dpon thugs bskang zhing// ma mchod mnyes par ma byas na// dpag med 'dzam skong mgo dkrugs kyang// rtsa ba chad pa'i me tog la// chu yis blugs kyang skam pa bzhin// dngos grub thob par ga la 'gyur// de bas rang phung srog chad lhung// mthar yang rdo rje dmyal bar ltung// de bas rgyun du dran byas la// yon tan rdzogs pas 'di bshad na// yid bzhin nor bu rin chen 'dra// dgos pa thams cad 'byung bar 'gyur// gsang ba thabs kyi rim pa yin// gal te des kyang stobs med na// sngags bdag rang gis nges pas su// dbang bsdu srog 'phrog gzir zhing bsgag/ de dag rim pa 'di lta ste// bdag nyid rdo rje gos sngon can// 'jigs khro brjid pa'i cha lugs la// thugs khar nyi zla hUM dang sngags// de las lha mo dmar nag 'bum// lcags kyu zhags pa thogs pa 'phros// ging gis ske mgrin snying kar drangs// bdag gi zhabs 'og gdan du bsgyel// ci bgyi skad ngan mnas bsgags la// gdan las gsol la gtang// dbang du bsdu ba'i rim pa yin// hUM nI la ba ra d+ha ra i tan tra ma ste ha ha pa la badzra pA Ni A dz+nyA pa ya ti/ ging ka ra ka la gu na/ trag dun dun/ srog hring hring/ aM ku sha dza dza/ bdag nyid rdo rje gos sngon gyis// thugs kha'i sngags las 'od zer 'bum// rno myur ngar dang ldan pa ste// dmar nag nyi zer lcags kyu ltar// 'phros pas spyi snying mgrin lter thim// mgon po brgyal brlams myos 'gyur te// rang srog se la khab lus ltar// rang dbang med par 'di phrogs te// bdag gi thugs kha'i hUM la thim// lnga brgya dus dang dmigs dang sbyar// de nas mnas bsgag bdud rtsi gso// gang 'dod las la mngar par bya'o// e badzra pA Ni hri da yan/ ud sa d+ha naM nI laM ba ra shwa ri raM/ ya pra ti ha te u ne hri d+ha ye/ tsit+ta ye a d+hi pa ta ye/ mahA ma la ka pa g+hu na gu te/ ma ma trag sha thuM ril breng shag dun ma hur thuM dza/ a a dza dza a ya tse dza/ gzhan yang rnag gsum gri rgod sa// rgyal sol byin can mgon po'i sa// dug gis brus la nag po 'jigs// khru gang dbang po dod par bya// snying khar e nag gro ga la// snying po sngags bris brnag la sba// dong rtsang nang du gan rkyal bzhag/ gri lcags phur pa dug ngar blud// sngags bris rdo rje 'chang gsol brlab// rang gi bsnyen pa 'bum gyis dgug/las gzhung bcas la gzugs la bstim// rdzogs nas sngags pa gos sngon can// gsal ba'i snying po sngags las 'od// 'phros pas mgon po'i tsit+tar thim// gzir myos brgyal te shes pa brlams// lus kyi dbang po me ru 'bar// me lce dgu thogs mtshon char 'phros// rnam shes rang dbang med par phrogs// bdag gis thugs khar rten la bstim// phur pas gnas gsum yang yang bsdig/dngos su mi gdags tshul du bya// de la khri gsum stong du gzir// rdzogs nas gzugs de tsog pur blang// snying ka'i sngags gdon ming rus dril// bdud rtsi gsol la rak+ta gtig/mna' chu blug la gsad pa brtsam// sngags drug ling ga thun gyis brdeg/ zhag gsum bar ma chod rdzogs nas// mun gling ling ga gzugs kyis gnan// e hril rngubs badzra pA Ni/ a ne u ne/ hri ta na tra ya nI laM ba ra d+ha ra A dz+nyA pa ya ti/hri di na/ i dan ka pa ye tsit+ta ye a d+hi pa ta ye/ kI li ki la ya tig sna a/ badzra yag sha ging ka ra gu ti ka la ma trag kha khi trig nan/ snying gzir sbur nan/ myag thuM ril dun ma hu ra thuM dza a/a mri ta/ u tsi ti nan kha d+hi/ rak+ta khA hi/ sa ma ya badzra kro d+ha/ daM daM sa ma ya na ra kha na/ e badzra hril pA Ni/ se na pa ta ye/ badzra ging ka ra ya/ mahA kA la ya/ badzra yag sha kro d+ha kro d+ha/ pa tra pa tra/ sha gri ba/ ga na gu ti/ ma ma ting trag rag sha khrag la mu sha tsa mun tri/ dgra bo'i tsit+ta baM long thun sod/ rak+ta thibs srog la breng shag rbad ni dza kha la phyur aM rbad sod/ shi sa las mchog gsang ba 'di// lta ba dbang bgrod dam rdzas sngags// ting 'dzin gsal ba'i rgyun dang 'brel// 'brel med gzu lum ra chod du// brtsams kyang dregs pas bka' chad 'ong// 'di la bag chags gsang bar bshad// dug gi spu gri gsang ba'i rgyud las// log non gsang ba'i le'u ste bcu pa'o//// de nas yang rnam thos sras kyis gsol pa// gsang ba'i rgyud 'di'i lta ba dang// dbang dang dam tshig gang lags pa// rdo rje gsang bas bshad du gsol// zhes zhus pas/ rdo rje gsang bas bka' stsal pa// nyon cig 'khor tshogs rigs ldan khyed// rgyud 'di mdams ngag tshig gsum po// ma ldan las kyi sbyor rtsom pa// sa bon me yis tshig pa la// myu gu 'bras bu 'dod pa 'dra// bskal par bsgrubs kyang ga la grub// ston pa'i gdams ngag gsum ldan na// ston gyi lo thog smin pa bzhin// 'bras bu rang dbang med par 'byung// dngos grub thob sgo dbang yin pas// dang la bgrod pa'i rim pa ni// gnas mchog gtsang ma bkra shis der// sa yi maN+Dal rdul tshon bri// bum pa sman spos chu yi dgang// gzhal yas khang du lha tshogs bskyed// de dag bkra shis phyi yi rdzas// gtor ma rak+ta bdud rtsi phud// bla re gling bu gsur chen tshogs// rgyan dang phyag mtshan sku yi rgya// byin brlabs ldan pas dkyil 'khor bskyed// bkra shis dag pa nang ni rdzas// gzung ma mtshan ldan sems bskyed bshad// sbyangs pa gsang dbang las kyis rdzas// las gzhung dang sbyar tshogs kyis mchod// bsnyen pa bsgrub pa bdun du brtsam// yol bas bar gcad rdo rje drang// dang po dkyil 'khor bum dbang bskur// bag changs rtog pa'i sgrib pa sbyang// de nas phyag rgya rgyan dbang bskur// ging nyid 'jigs pa'i sku ru 'gyur// phyag mtshan rdzogs gtad phyag na 'bar// de nas mchod pa ging la dbul// dam rdzas dbang phyugs sa gdon non// de nas slob dpon gzungs mar sbyar// dkar dmar thig le gsum blugs blang// gsang sngags 'khor lo'i mnga' bdag ste// gsang bdag longs sku'i gzhal yas mthong// rgyud kyi man ngag rdzogs par gtad// gsang lam phyi yi bgrod par bshad// dam tshig spyi dang sgos nyid de// spyi ni rtsa ba yan lag go/ rtsa ba lnga ste yan lag bcu// de dag rang bzhin thub par bsrung// yi dam mi spang bla ma bskur// sngags dang phyag rgya rgyun mi gcad// sdig dang bag chags rdul rnams spang// rdo rje mi 'gom ri mi bshig/ mtshon cha mi gsal phyag mi btsal// sgog btsong dme sha nya rnams spangs// de dag sgos kyi dam tshig go/ lta ba yang ni 'di lta ste// 'khrul pa phyi nang snod bcud ni// sbyor ba don gyi kun gzhi las// lhan cig skyes dang kun tu btags// ma rig nyid las yul sems snang// de nyid lo thog sgyu ma'o// rgyal ba'i sku dang ye shes dang// zhing khams gdan dang gzhal yas khang// 'od zer du ma snang ba yang// gzhi mchog don gyi kun gzhi las// sku gsung thugs dang yon tan las// snang ba ye shes sgyu ma ste// gdul bya 'khrul pa snang bar bas// ngo bo nyid las gnyis med pa'o// de bzhin chos can chos nyid dang// sangs rgyas sems can ye shes rtog/ don dam kun rdzob btags pa rnams// ming ni gnyis su btags par zad// chos rnams thams cad rang sar bden// de yang kun gzhi nyid yin te// de phyir chos rnams kun gzhi der// kun gzhi byang chub sems kyi sku// ngo bo nyid kyi sangs rgyas so// dug gi spu gri gsang ba'i rgyud las// dbang dang lta ba'i le'u ste bcu gcig pa'o//// de nas yang rgyal po rnam thos sras kyis gsol pa/ ging chen mgon po nag po 'di// las la mngag cing gshed bsgo ba// rdo rje snying pos bshad du gsol// zhes zhus pas/ rdo rje gsang ba'i bdag pos ging po las sna tshogs la bskul ba 'di gsungs so// hUM/ dur khrod chen po lcang lo can// ma la ya yi gnas mchog na// gnam lcags rngur mo rab tu ta la la// rak+ta 'i rgya mtsho rba klong me re re// zhing chen lhu ldum keng rus khra la la/ 'dab chags sha za'i tshogs ni nyi li li// gsur chen du dpa'i tshogs yang langs se langs// zhing chen g.yang gzhi'i tshogs ni lhubs se lhubs// de 'dra'i gnas mchog rab tu 'jigs pa nas// ging chen yab yum 'khor bcas sku skyod cig/ hUM/ bdud 'dul sgrol zhing chen po mi bzad pa// pho brang lcags mkhar 'bar ba'i dbus phyogs nas// bdud dang srin po byi chings bsnol ba'i gdan// baM chen nyi zla pad+ma 'od du 'bar// bsreg byed me dpung 'bar ba'i klong dkyil nas// bdud 'dul dbang phyug sgrol ging chen po ni// sku mdog nag po dug chen bskyil ba 'dra// dbu gsum phyag drug zhabs bzhi brkyang bskum bgrad// g.yas ser g.yon ljang nag po 'jigs pa'i dbu// spyan gsum sdang mig bskal pa'i me ltar 'bar// dam nyams lus srog dbang po bag chags bsreg/ zhal gdangs ljags 'dril mche brtsigs tshems yang bgrad// khams gsum zhal du rngub cing dam nyams srog rtsa gcod// zhal nas rngam pa'i nga ro 'brug ltar sgrogs// khams gsum dgra bgregs ma lus zil gyis gnon// sma ra smin ma bskal pa'i glog ltar 'khyug/ bdud dang srin po dgra bgregs rngul du rlog/shangs nas rims dang rlung dmar tshub ma 'phro// dgra bgegs ma lus brgyal zhing brlag bar byed// ral pa kham nag srid pa'i rtse mor 'bar// thod skam 'bum gyis dbu brgyan thod du bcings// sku la dar nag 'bar ba'i ber chen la// dar lce 'bum dang me tog tshom bus brgyan// stag lpags rlon pa'i gong ras la// zhing gi g.yang gzhi mang po 'phrul// snyan cha mgur chu lhu tshigs la// sprul nag 'bar ba'i rgyan gyis brgyan// thod pa rlon pa'i 'phreng ba yis// do shal sa ral rgyan du byas// nyi ma zla ba gza' skar gyis// sku yi phyogs mtshams rgyan du bkram// zhal du mi ro gsol zhing 'phrul// g.yas kyi dang po be con bsnam// dgra bgegs ma lus rdul du rlogs// bar ma rdo rje rtse lnga yis// dgra bgegs lus la tshal par gshog/ tha ma gnam lcags phur pa yis// spyi gtsug rgyab nas rkang mthil 'don// g.yon gyi dang po dung dmar bsnams// dgra bo'i yul du nad rims phob// bar ma dbyug thos nyams su chug/ tha ma sbrul nag zhags pa yis// bla tshe khug la srog sbrubs long// bcol ba'i las rnams grub par mdzod// g.yon nas yum chen dbang phyug ma// sku mdog mthing nag 'bar ba la// ral pa nag po mun ltir gtibs// sku la zhing chen g.yang bzhi la// nyi ma rin chen 'bar bas brgyan// sku smad re lde'i sham bu la// sbrul dang thod pa rlon pas brgyan// spyan gsum bgrad pas khrag tu 'khyil// zhal mdangs mche gtsegs ro za 'brul// g.yas pa rgyu zhags yab la 'khyud// g.yon pa ban dmar gtso la stobs// 'dir spyon dam skong 'phrin las mdzod// hUM/ yab yum stabs gcig spyan 'dren na// ma thogs myur du da tshur spyon// bcom ldan phyag na rdo rje yis// dbang bskur byin brlabs bsnams nas bton// de'i tshe phyi yi mtshan btags pa// mgon po nag po zhes kyang bya// nang gi mtshan du btags pa ni// sgrol ging bdud 'dul chen pos bya// gsang ba'i mtshan du btags pa ni// rdo rje sgrol byed drag po rtsal// phyi nang gsang ba'i mtshan nas kyang// spyan 'dren 'dir sbyon 'phrin las mdzod// bros bor khas blang ma mnyel bar// rnal 'byor pa yi las rnams kyis// gal te dam las 'gal gyur na// rdo rje srin po khros pa yis// snying khrag bsregs nas na rag ltung// de bas las rnams myur du gyis// sa brgyad legs pa'i blo gros la// rdo rje snying pos lung bstan pas// khyod kyis sprul pa dpag tu med// mchod rten nag po mer 'phro dang// lcags kyi 'khor lo 'bar ba dang// mun pa gtibs shing 'khyil ba dang// rlung nag tshub ma g.yo ba dang// mon pa nag po brda' mi phrad// me 'bar 'od nag 'khyil ba rnams// khyod kyi sprul pa g.yo ba yin// de phyir mthu stobs bdag po khyod// gnas 'dir sku bskyod 'phrin las mdzod// gzhan yang las mkhan gza' rgod bskul ba ni// hUM/ khyab 'jug chen po ra hu la// du ba mjug rings sgra gcan 'dzin// lha min dbang po bgegs kyi rgyal// byi tri pa tra dmag dpon mdzad// tshur spyon bcol ba'i 'phrin las mdzod// sku mdog dud kha 'jigs pa la// sprin gyi na bza' gzha' yis brgyan// dbu la glog gi thod dmar bcings// chibs su g.yu 'brug sngon mo chibs// bar snang khams su gdangs ngar sgrogs// g.yas kyi thod zor dgra la 'phen// g.yon pa ser ba'i 'khor lo bskor// dgra yul thal ba rdul du rlogs// gzim dngas glog 'gyu lams se lams// nga ro 'brug sgrogs di ri ri// shangs kyi rlung tshub 'u ru ru// kha nas ser 'bebs shar ra ra// kha rlangs sprin du thibs se thibs// dgra bo'i lo tog gtub tu spyon// lo tog snar po dbang du bsdus// bcol ba'i 'phrin las grub par mdzod// gzhan yang sdong zla bskul ba ni// hUM bdud yul kha ra sgo dgu nas// bdud rgyal ri nag spungs pa khyod// bdud mkhar nang nas 'dir spyon la// dgra la thibs nad gzer thabs thong// hUM/ rgyal yul nam mkha' phyad phyod nas// rgyal po 'od zla dkar po khyod// shel dkar nang nas 'dir spyaun la// dgra la smyo 'byog thong la sgrol// hUM/ ma yum byang shar mtshams dkyil nas// ma mo rdo rje sder chen khyod// mthing nag gur nas 'dir spyon la// dgra la rims dang dal thabs phob// hUM/ klu yul na ra gsing chen nas// klu gnyan nag po srog gcod khyod// rin chen mkhar nas 'dir shog la// dgra la mdze shu phol 'bras thong// hUM/ btsan yul zangs thang dmar po nas// btsan rje shu bo lag rings khyod// dgu rtse'i nang nas 'dir shog la// dgra la gri 'thab yams su phob// hUM/ shar lho rin chen thang dkyil nas// ging chen rdo rje legs pa khyod// dgra la pho log gzer thabs thong// srid pa'i dregs pa chen po khyod// phyag na rdo rje bka' byung gis// rang rang las kyi skal long la// bcol ba myur du grub par gyis// las la mngag cing bskul bar bshad// dug gi spu gri gsang ba'i rgyud las/ las mngag pa'i le'u ste bcu gnyis pa'o//// de nas bcom ldan 'das gsang ba'i bdag pos// 'dus pa'i tshogs de dag la rgyud gtad pa 'di gsungs so// byang chub sems dpa' sems dpa' che// khro bo rngam pa rol pa'i tshogs// 'jig rten dregs pa rnams kyi tshogs// ma mo mkha' 'gro gdug pa'i tshogs// gtsang ris mgon po lha yi tshogs// rgyal po sde bzhi 'khor dang bcas// sha za rngam 'jigs srog len tshogs// nga yi 'khor du 'dus pa rnams// bka' yi gsang rgyud spu gri 'di// bstan pa rin chen gter gyi mchog/ drag sngags dgu thog sbab chen dug/ me dbal spu gri mtshon cha dbal// dug gi spu gri gsang rgyud 'di// don gyi ngo bo ma nor gtad// dug chen bya bar gang gsung ba// drag sngags dbal gyi nus pa yis// log pa'i blo can phung byed pa'o// spu gri zhes bya gang gsungs pa// drag po so yi ngar mchog gis// gang yang gdug med myur du gcod// gsang ba zhes su gang gsungs pa// blo dman rmongs pas rtogs pa dka'// spyad na rang nyid phur bar 'gyur// rgyud ces bya bar gang gsungs pa// lha dang sngags bdag ting 'dzin dang// dam rdzas mchod pa rgyan dang gnas// lta ba dam tshig dbang gsum dang// bsnyen bsgrub sngags kyi rim pa dang// thun dang 'khor lo ling ga dang// dmod pa gdab pa'i drag sngags dang// las kyi rim pa ma lus kun// rgyas shing 'dus nas 'bral ba'o// de phyir mtshan gyi nges tshig ldan// don 'di ma nor khyed la gtad// rig pa sems kyi rtsal gyis long// chags pa chen po'i brda yis bzung// snying la gab cing sba bar gyis// e ma gsang ba'i rgyud 'di yang// brnag pa las thabs drag po rnams// 'di 'dus rin chen gter mchog yin// kun gyi thun mong ma yin gsang// nus pa dpag med brjod las 'das// de phyir gsang rgyud spu gri 'di// nga yi thugs kyi klong nas byung// 'di la rdzu 'phrul stobs yod kyis// phyi rabs rnal 'byor rigs chen rnams// rgyud 'di rtse gcig len 'chang na// gsang ba'i bdag po rdo rje can// nga yi thugs kyi sras su dgongs// 'khor du 'dus pa'i tshogs rnams kyis// sras dang spun bsgom byin gyis brlob// sngags bdag nyid kying bsrung zhing 'khur// 'di 'chang yon tan dpag med do// blo dman bgrod med rmongs la med// mi mos smad pa'i skyon rnams kyang// gsang bdag ngas kyang brjod du med// thabs rnams ldan dang mi ldan pas// bya ba kun 'grub brlag par 'gyur// de phyir yun ring gter du 'gyur// myur du 'dod na tshi chad 'gyur// yun du bsgrubs na slu ba med// drag sngags rnol dbal gang chen rnams// ra chod byas na rang gcod brlag/ bag dang ldan zhing nyid las bgros// 'di bshad dgu thog rbab chen bzhin// gang la phog kyang 'joms par byed// glu ba med pa'i las yin te// gzu lum ra chod phung ba'i rgyu// bka' gsang thob na ren chen gter// lta de drod ldan mtshon cha'i mchog/'di byung dus na bstan pa 'jig/ de tshe sngags rgod nus pa 'byung// gang la rgyab kyang 'chor mi srid// sgrol ging rdo rje nag po yis// mthar thug gnad kyi gsang rgyud yin// nus pa rang dbang med par 'byung// gang brtsams las la thogs med 'grub// dam tshig ldan zhing lta ba rtogs// dbang bgrod sdig pa'i phyogs tsam spang// mchog tu slob dpon mnyes pa gces// de ldan nus pa thogs med do// gsang rgyud dug gi spu grir bshad// de nas gsang ba'i bdag po rdo rje snying pos gsungs pa la thams cad yi rangs te mngon par bstod do// dug gi spu gri gsang ba'i rgyud las/ gtad cing gdams pa'i le'u ste bcu gsum pa'o/

CLOSE WINDOW