CLOSE WINDOW

Gpb050.021
བོད་ཡིག

shrI ma hA kA la gu ti ha la gu ti ha la so ri mU la tan tra/ bod skad du/ mgon po nag po dug gi spu gri rtsa ba'i rgyud/ dpal phyag na rdo rje la phyag 'tshal lo// 'di skad bdag gis thos pa'i dus gcig na/bcom ldan 'das gsang ba'i bdag po rdo rje gtum po nyid/ dur khrod chen po lcang lo can gyi gnas/ gsang ba'i pho brang gnam lcags rngur mos gtams pa'i gzhal yas na/ byang chub sems dpa'i tshogs dang/khro bo 'jigs byed rol po'i tshogs dang/ lha dang mkha' 'gro 'jig rten skyong ba'i tshogs dang// sha za rngam pa dregs pa'i tshogs dang thabs gcig tu bzhugs te/ dregs pa can 'dul ba'i ting nge 'dzin la snyoms par zhugs so// de'i tshe rgyal po rnam thos sras kyis bstan las langs te/ bcom ldan 'das la gsol pa/ mthu stobs bdag po rdo rje'i sku// gsang sngags bka' yi 'khor lo la// rtse gcig bsrung ba'i dpal mgon te// ma hA kA la gtum chen sku// don gyi ngo bo ji ltar lags// gnyen po gang gis 'dul ba yin// gsang ba'i bdag pos bshad par mdzod// bcom ldan 'das kyis bka' stsal pa// kA la 'od 'bar drag shul can// 'bar byed 'jigs pa'i rgyal po 'di/ dkyil 'khor kun gyi srungs ma ste// dug gsum nad kyi sman pa yin// rigs 'dzin rnams kyi srog shing yin// rnal 'byor yongs kyi dgra bla ste// bdud 'dul rnams kyi dbang phyug yin// dgongs pa mya ngan 'das mod kyang// sku nyid 'jig rten tshul bzung nas// dam pa'i chos skyong bsrung ma mdzad// sangs rgyas legs pa'i blo gros la// rdo rje snying pos lung bstan te// bstan pa de la mngon sangs rgyas// gnyen po nga yis 'dul ba ste// 'das pa'i dus na sngon byung ba// rdzogs ldan bskal pa 'dzam gling lhor// ma nor ma bcos de bzhin nyid// dngos po bzhi la gnas bcas kyang// nam mkha'i sprin bzhin rnal 'byor lam// dge slong gdams pa'i don ma mthong// gsang sngags bka' bsgo legs pa yis// dus min tshe zad mnar med lhung// dmyal ba yi dags kha 'khor gnas// ri rab lho nub srin po'i gnas// lang ka pu ra'i lus blangs te// grong khyer brlag pa'i dregs par 'gyur// lang ka mgrin bcu la sogs pa// gzugs khams man chad dbang du bsdus// khams gsum 'khrugs pa'i bdud du 'gyur// bde gshegs thugs rjes bka' gros te// zhi ba'i bden pas ma thub ste// stongs pas nag po'i gnas yang stengs// khro bo de bzhin gshegs kun mdzad// sku yi ngo bo nyid sprul pas// nag mo mthu chen ma thul te// de bzhin gsung gi rnam 'phrul gyis// smyon pa drag po ma thul nas// dus gsum bde gshegs thams cad kyis// las kyi khro bor dbang bskur ba// mthu stobs bdag po nga nyid la// nag po 'dul ba'i gnyen por mngags// sangs rgyas thugs rje khro bo yis// thabs kyi bye brag mang po yi// 'khor rnams dbang bsdus nag po gzir// zhal du rngubs te snam nas phyung// sgrub sbyangs las mkhan chen por bskos// dam tshig gcan la gdungs pa dang// bka' yi 'khor lo bsrung ba dang// dam chos skyong bar dbang bskur te// byin gyis brlabs te gsang mtshan byin// rdo rje sgrol byed drag po rtsal// mgon po nag po zhes su btags// yum ni 'dod pa'i dbang mo ste// rnal 'byor bsrung ma rtse gcig mdzad// nga yi las mkhan sprul pa ste// byang shar rlung nag tshub ma'i dbus// me dpung 'bar ba'i nang na gnas// dam tshig bka' yi bya ra ma// rnal 'byor dam tshig ldan pa la// ma bcol nyid kyis zhal ches ma// 'khor ni dregs pa 'jigs pa'i tshogs// myur mgyogs las rnams mdzad pa ste// bdud dang gnod sbyin srin po btsun// klu dang ma mo srog bdag gi/ sprul pa'i las mkhan chen po ste// mngag pa las kyi pho nya yin// bgrod pa sum thob shi la ldan// rnal 'byor dbang phyug chen po'o// dkyil 'khor chen po'i srungs ma ste// dam chos skyong bar dam bcas so// dpal mgon po nag po dug gi spu gri rtsa ba'i rgyud las/ gleng gzhi'i le'u ste dang po'o//// de nas gnod sbyin rnam thos sras kyis/ bcom ldan 'das la gsol ba// rnal 'byor kun gyi dpal mgon mchog/ kA la 'od 'bar chen po yi// lta spyod 'khor lo rim pa gang// mthu stobs kyi bdag pos bka' stsal pa// rang bzhin lhun gyis grub pa yi// gdod nas dag pa'i chos nyid la// sku dang gsung dang thugs yon lnga// snang ba ye shes sgyur ma ste// 'dul yang 'khrul par snang ba bas// ngo bo nyid la gnyis med pa'o// zhing khams gzhal yas gdan dang bcas// don la gnyis su med pa'o// de na chos dang chos nyid la// sangs rgyas sems can ye shes rtog/ don dam kun rdzob btags pa rnams// ming gnyis su ni btags par zad// chos rnams thams cad rang sar bden// de yang de bzhin nyid yin pas// kun gzhi byang chub chos kyi sku// ngo bo nyid du sangs rgyas so// spyod pa don rtogs blang dor bral// yin min blo dang bral ba yis// 'gag med par rang yan pa'o// dam tshig spyi dang khyad par te// spyi ni rtsa ba yan lag go/ rang bzhin dag pa 'di dag bsrung// yi dam mi spang gu ru yang// kun gyi mchog tu bskur bar bya// sngags dang phyag rgya rgyun mi gcad// gsang don dman la bsgrags mi bya// yang dag lam du zhugs la byams// dug lnga yang dag mi spang zhing// dam rdzas dngos po mi dor ro// brag mi bshig cing sgron mi gsad// phyag rgya mi dbye 'phreng mi gcad// sdig dang bdag chags rdul rnams spang// rdo rje mi ri'i go mi bshig/ mtshon cha mi gsal phyag mi bya// sgog btsong rme sha nya rnams spangs// de dag dam tshig sdom pa'i don// rnal 'byor yongs kyi srog yin pas// rang gi srog ltar bsrung bar byos// bsgrod pa'i rim pa dbang yin te// 'khrud cing nus pa 'joms pas na// gnas mchog gtsang ma bkra shis par// sa yi maN+Dal ru mtshon bri// bum pa sman spos chu yis dgang// gzhal yas khang du lha tshogs bskyed// de dag bkra shis phyi yi rdzas// gtor ma rak+ta bdud rtsi phud// bla ri gling bu gsur chen tshogs// rgyan dang phyag mtshan sku yi rgya// byin brlabs ldan pa'i dkyil 'khor bskyed// bkra shis dag pa nang gi rdzas// gzungs ma mtshan ldan sems bskyed bshad// las gzhung dang sbyar tshogs kyi mchod// zhag grangs bdun du bsnyen bsgrub brtsam// yol bas bar chad rdo rje grang// dang la dkyil 'khor dbang bskur bu// bag chags rtog pa'i sgrib pa sbyang// de nas phyag rgya rgyan dbang bskur// mgon po 'jigs pa'i sku ru 'gyur// phyag mtshan rdzogs gtad lag na 'bar// de nas mchod pa dbul bar bya// dam rdzas dbang phyugs bdun no na// de nas slob dpon gzungs ma sbyar// dkar dmar thig le gsum blugs blang// gsang sngags 'khor lo man ngag ste// gsang bdag longs sku'i gzhal yas mthong// rgyun gyi man ngag rdzogs par gtad// rgyud kyi man ngag tshig gsum po// mi ldan las la sbyor 'dod pa// sa bon me yis tshig pa 'dra// bskal par bsgrub kyang 'bras bu med// ston pa'i man ngag gsum ldan par// ston ka'i lo tog smin pa bzhin// 'bras bu rang dbang med par 'byung// dngos grub 'thob sgo dbang yin pas// bla ma'i byin brlabs yod pa la// rab tu gces dang yid 'thad 'bul// bka' lung 'thob na nye bar 'grub// 'khor lo zhes su gang gsungs pa// stobs chen rtsa ba'i 'khor lo dang// me dbal 'joms pa'i 'khor lo dang// mtha' sdud stobs kyi 'khor lo yin// ces gsungs so// dpal mgon po nag po dug gi spu gri rtsa ba'i rgyud las/ lta spyod dang dam tshig gi le'u ste gnyis pa'o//// de nas rgyal po rnam thos sras kyis/bcom ldan 'das la gsol pa/ bdud 'dul dbang phyug chen po yi// lta spyod dbang dang de ltar na// bsnyen cing bsgrub pa ji ltar lags// mthu stobs bdag pos bka' stsal pa// dkyil 'khor chen pa'i las mkhan te// nag po chen po drag shul can// de yi bsnyen bsgrub bshad bya ba// ri gsum rtse 'dus dmar la gzar// mtsho gling dur khrod gnam lcags mda'// dben la byin che gcan gzan 'grim// nags tshal rtsub pa'i gnas mchog tu// rdo rje 'joms pa'i gzungs sngags 'don// sbyin gtor rgyas pas gnas bslang zhing// bsod nams bsags pa'i rim pa bya// phung sa gsum dang srin rdo sas// maN+Dal khru gang khru bzhi brtsig/ dri spos dug khrag chag chag gdab// ni ru spu yis kha dog dbye// dbus su gru gsum zla gam ldan// zlum po thod pa rlon pas gtams// gru chad sgo la rdo rje rwa// rtsig pa 'dod yon dra phyed dang// rta babs 'khor lo pad+ma khyung// mtha' ma rdo rje me ris gtams// dbus su dung chen ga 'u ru// steng 'og bsnyen pa'i sngags bkod de// nag po gsum dang bya rog mon// tsit+ta bdud rtsi nal bu'i snying// mthing nag dar dril rgyas btab la// dam rdzas dam pa'i rten du gzhug/ dpal gyi gtor ma ka pa la// shar lho 'bru sna sha khrag tshogs// la phug la d+hu rgun chang dang// shing thog sna tshogs dpal bshos dang// bdud rtsir rag ta gtor ma dang// mchod pa lnga bsham rgyan rnams dgos// mthu stobs bdag pos las gzhung bsrang// sku bskyed gsal bar 'dzab bu grang// rdzogs dag nag po'i las gzhung bsrang// rnam gsum sgo nas cho gas bskyed// bdag gi thugs ka'i theg le las// rgyu las dbang chen yig 'bru las// gzhal yas dbus su dreg pa bsnol// gdan la me 'bar klong dkyil du// nag po 'jigs byed gtum po'i sku// dbu gsum phyag drug kham na gsang// thod pa sbrul gtams zhal gdangs shing// mche gtsigs sma ra smin ma ser// dar nag dgu brtsegs me tog brgyan// stag gi gong ras zhing chung brgyan// snyan cham gur chu sbrul gyi brgyan// thod 'phreng nyi zla brgyan pa ste// rdo rje be con phur pa dang// dung dmar dbyug to zhags pa'o// g.yon nas bud med nag po stobs// gru chad mon pa pho mo'i tshogs// bskyed dang spyan drang phyag 'tshal bzhugs// phyi nang gsang mchod dngos grub blang// thugs dam bskang bshags bstod 'dzab bgrang// thugs kar nyi zla hUM dang sngags// gsal byas bka' sdod snying kar sog/ yi ge'i 'phreng ba rgyun mi gcad// gnyis byas slar 'dus dngos grub mchog/ mgal me 'khor lo lta bu yin// de la drod rtags rnams pa gsum// dngos gsal bka' sdod las byed dang// mon pa bya nag g.yag rgod sprin// rlung nag me 'bar sgra 'byon pa'o// rmi lam phyi nang nyams byung na// dngos gsal shugs chen lung yang gsang// zhes gsungs so// mgon po nag po dug gi spu gri rtsa ba'i rgyud las/bsnyen pa'i le'u ste gsum pa'o//// de nas rgyal po rnam thos sras kyis/ bcom ldan 'das la gsol pa// nag po chen po 'jig byed sku// bsnyen pa'i rim pa de ltar na// de nyid bsgrub pa'i gsang sngags gang// mthu stobs bdag pos yang dag bshad// dun mahA kA la ga na gu ti// oM gi shwa ri ki ya hUM/ ka ma la shwa ri nag mo ting lam b+h+yo/ sa ma ya hUM dza dza/dza hUM baM ho/ a ti pu ho/ sa ma ya tiSh+Tha badzra/ sarba ud ga te spa ra na khaM swA hA/ d+hu pe/ puSh+pe/ A lo ke/ gan d+he/ ne bi d+ye swA hA/ mu tra sa ma ya swA hA/ sarba pany+tsa a mr-i ta shri ban khA hi/ ka ya sid+d+hi oM/ bAka sid+d+hi aM/ tsit+ta sid+d+hi hUM/ pany+tsa a mr-i ta khA hi/ ma hA rak+ta/ ma hA maM sa/ tsit+ta/ keM ni ri ti/ pany+tsa pa ri ye/ ba su ta go ro tsa na khA hi/ ma hA ba liM ta pu tsa kha kha khA hi hi hi/ sha ra g+ha tsa me/ shrI kA la ko ta ga na gu ti a la la ho/ e A ra li/badzra yo gi kA ya/ yo gi shwa ri hring hring dza dza/ pra be sha ya phaT/ kha raM khA hi/ kha kha le le kha hi ho/ oM shri ma hA kA la ga na gu ti/ yo gi shwa ri ba tra dun hring dza dza/ ka ma la shwa ri nag mo ti lam b+h+yo sa ma ya dza dza/gsang sngags 'phreng ba'i rgyal po ste// nag po chen po de nyid yin// grangs ni 'bum phrag gcig tu brjod// byas na dgos pa thams cad grub pa ste// bdud dpung thams cad brlag par byed// gsang sngags drag po rdo rje che// yid bzhin nor bu chen po'i sku// lan cig brjod pa tsam gyis kyang// ma rungs pa dag 'joms mdzad cing// 'jigs pa rnams las yongs su thar// 'khor dang longs spyod 'phel ba dang// mthu stob che zhing dbang dang ldan// 'jig rten mi nub rgyal mtshan te// bla na med par yang dag rdzogs// mthu stobs bdag pos yang dag bshad// dpal mgon po nag po dug gi spu gri rtsa ba'i rgyud las/ gsang sngags bstan pa'i le'u ste bzhi pa'o//// de nas yang gnod sbyin rnam thos sras kyis// bcom ldan 'das la gsol pa// nag po 'jigs byed gtum chen gyis// gsang sngags 'phreng ba de ltar na// bdud 'dul bstan pa bsrung ba yi// las kyi sbyor ka bshad par mdzod// ces gsol pas/ mthu stobs bdag pos bka' stsal pa// bka' dang bstan pa bsrung ba yi// drag po'i las kyi sbyor ka bshad// dpa' bo gcig pa'i drag sngags dang// yab yum gsang ba'i dmod pa dang// dkyil 'khor dregs pa'i dmod pa gsum// las rims rdzogs par ngas bshad kyis// srog don bka' las nyams pa yi// bsgral ba'i zhing du gyur pa rnams// dam tshig chen pos bsgral bar byos// dang po sbyor ba bshad bya ba// gru gsum sbag ma'i dkyil 'khor ni// phyi nang rgya sol dug khrag byug/ kha khyer gdug pa'i rtsang gis bskor// rten drug zhing khang skra shad la// sor brgya dbang po yan lag dod// dug khrag tsha ba'i rdzas dag gi/ ming rus lo khams srog yig bri// dpral ba mgrin snying lte bar gzhug/ skud pas dril la gri thod gzhug/'bru gsum dug bzhi khrag gsum la// thun byas zhal gyi dmod pas gdab// rdo rje gtum po'i nga rgyal gyis// pho nyar mgon po nag po mngag/ bka' sdod bskul la bla rkun mngag/ bla dgug lha dbye rten la bstim// ma yengs gsal bar sngags bzlas bskul// zhag grangs bdun nam dgu ru bya// lha khang dur khrod la sogs par// gnan pa'i las ni 'them par bya// bskyod pa kha gso zor gyi las// nya stong dus su bya bar bshad// dpal mgon po nag po dug gi spu gri rtsa ba'i rgyud las/ mgon po nag po mngag cing nyams pa bsgral ba'i le'u ste lnga pa'o//// de nas mthu stobs bdag po yis// mgon po yab yum gsang ba yi// dmod pa nges par bshad pa ni// gnas mchog nags tshul rtsub pa der// gdug pa'i rgyud las maN+Dal brtsigs// kha dog nag po rtsang gis bskor// zhing ras rgya shog khru gang tshad// dug gi ngar blud khrag gis bri// mu khyud bzhi dbus e dang dbang// phyi rim lcags mkhar nag po la// yang logs tsakra rtsibs bdun pa// mtha' ma gdug pa'i sbrul gyis brgyan// dbus e A mu ka dang ldan// dbang gi pho brang lo bsrungs te// lcags mkhar rtsa ba rtsibs spu gri// gdug pa'i gnas su gnan cing 'phang// kha sbyar sdig pa'i lto bar bca'// ling ga gri thod e dbus bzhag/ kha sbyar tsakra pa snang lding// rdo rje gtum po'i ting 'dzin gyis// zhag lnga dmod sngags bar mi gcad// srod dang tho rangs drag tu bskul// drag sngags dbugs kyi rta la zhon// gsang lam dgu nas bla dgu gnas// me lce mtshon cha dgu thogs kyis// gzer dgu gtam nas gnan dgu 'joms// rtsa gcad khrag gzhung bag chags bsreg/ srog gi me gsad rang nyid phye// gdug pa'i dmod pa 'bru bdun la// nyin gril mtshan mo gtor te bgrang// kun gyi slad du yig 'bru dgu/ stobs chen drag po'i yi ges bya// rdzogs nas ling ga 'khor lo rnams// gri thod zhabs ma re bas dril// tshas ldan gdug pa che ba la// 'gran gyi zlar gtad dmod pa gdab// nya stong tho rangs yang yang bskul// drag sngags dmod pa'i sbyor ba yin// gzhan la chu rgod 'bebs pa na// rgya shog dgu la tsakra bri// dbus su dbang po lcags mkhar la// rtsa ba 'bru bdun mtshon cha la// gza' rgod drag po'i mtshon cha bri// kha sbyar gti mug phag pa'i ltor// mi rta khyi phag thod par brnag/ zo bar khrag lnga blugs la thun// dgun zla tha chung zhag bdun dril// nyungs dkar nyungs nag ske tshe 'bru// brgya stong dong bur yid brnag brab// dpyid zla tha chung zhag lnga dril// nya la yul du rta bcu la// dbyar gyi tha chung ston zla 'bring// zhag bdun chu 'khyags 'phang bar bya// khyab 'jug rgyu ba'i dus gzung la/ zor 'phang bskul te khri yis 'phang// rdzas bseg thab bya thal 'jim 'phang// rdzas bsreg thab bya thal 'jim gtor// rang dbang med par gzir la dbab// de yis chu rgod ri ltar spungs// dpal mgon po nag po dug gi spu gri rtsa ba'i rgyud las/ mgon po yab yum dmod pas 'gal byed bsgral zhing lo nad dbab pa'i le'u ste drug pa'o//// de nas mthu stobs bdag po yis// nag po chen po 'khor dang bcas// 'khrul 'khor las kyi mgon po yis// drag po'i dmod pa bshad bya ba// gnas mchog gzhung dang mthun pa der// phung sa'i gru gsum sbag ma ru// rgyu rkyen drug las ling ga bya// mon nam rabs chad thod par brub// dug khrag 'bru dang chang sbyar la// gri rgod thod par brub nas kyang// gsang ba'i rdzas kun dgod par bya// rgya shog rgyu la 'khor lo bri// e dang dbang la brnag pa'i lha// phyi rus mu khyud rtsa ba yi// yang logs de bzhin spu gri ste// mtha' ma thod pa'i ra bas gtams// rang rang rdzas kyi bri byas te// kha sbyar las mkhan lto bar gzhug/ sngo dmar brgyangs te rtsang la bskor// rdo rje gtum po'i ting 'dzin gyis// bka' sdod pho nya rim pas bskul// ma yengs gsang sngags zhag dgur brdeg/ rdzogs dang rang rang lag tu gtad// bdud rgyal ma mo klu dang btsan// skyes bu la sogs las kyis so// gang yin lag tu mtshon cha bskur// stobs chen mgon pos las mkhan mngag/ rim pa bzhin du bzlas pa ni// gsad pa las kyi rgyal po yin// spogs gnad dkrugs bzlog tu brdeg/ mchog gi gnas kyi ngan sngags te// phyir byung srog chags yod tshad 'chi// nad byung rang gi rtsa srog gcod// des na gdab pa'i gsang sngags rnams// zhing rkang sbu gur gdab par bya// rlung gi thos su mi rung bzlas// dmod pa gnas kyi gdab pa'i sngags// shAka thub bstan pa 'jig ka'i dus// rtsi shing nags tshal zad pa'i dus// tshe lo lnga bcu tham pa'i dus// rnal 'byor nang dme 'khrug pa'i dus// lha srin dpa' rtsal 'gyed pa'i dus// skye bo dpa' rtsal 'gran pa'i dus// de tshe gdab pa'i ngan sngags 'byung// gzu lum ra chod spyad gyur na// stobs chen rang 'chi brlag par 'gyur// sngags bdag mgon po nyid la dri// cang mi smra na dus min pas// rang gi snying sbyin brnag la sba// bka' gsal thob na drag sngags spyad// de la nus pa dbang med 'byung// yang gsang thugs kyi rgyal po zhes// mthu stobs bdag pos rab tu bshad// dpal mgon po nag po dug gi spu gri rtsa ba'i rgyud las/ dmod pa yang snying gi le'u ste bdun pa'o//// de nas mthu stobs bdag po yis// 'khor gyi dregs pa dbang bsdus nas// las kyi bdag po bsgrub pa bshad// bdud kyi bdag pos gsad pa na// bo nga ra rtsa rta khyi mon// rgod khrag bra gnag mtsho lkugs chu// thun dang ling ga tsakra byug/ gri mda' bshos bu dar nag brtan// nag po 'jigs pa'i ltor bcas la// mun pa'i gling du gzugs kyis gnan// lha yi mgon po'i las sbyor na// dkar gsum gangs chu rgya tshwa la// lha khang ka rten snying sa la// thun dang 'khor lo bya bar bshad// mda' dang bshos dkar rta tu gzung// lha yi khang par gzugs kyis gnan// dme khrag dug sna mtsho yi zhags// dme sha 'bru dug gtor mas gsad// klu bdud mo la gzugs kyis gnan// klu gnyan mgon po'i las sbyar na// ba dmar mdzo khrag sbal pa gzugs// rnya ra dgu yi sa chu shing// gdug pa gnas par gzugs kyis gnan// btsan gyi mgon pa'i las sbyar na// dmar gsum khrag dang gong gsum sa// mda' dang bshos dmar sha khrag brten// gong gsum btsan rgyu'i gnas su gnan// ging gi mgon po'i las sbyar na// spu gsum ra khrag dug la sbyar// pha ba thal chen la brtsas khrag/ khra tshang sum mdor gzugs kyis gnan// rang rang rgyud las tsakra bri// dregs pa can gyi lto bar gzhug/ lo zla zhag dang dus tshod kyis// dregs pa can gyi snying gzung la// 'bum gnas e la rtsang thod me// dong tsher thod ngan ling ga brnag/'khor lo kha sbyar bar snang dgram// stobs chen dregs pa a mu ka/ tha ma dug gi spu gris gcod// rnams la gsad pa mchog gi las// dgu bskor drag po'i sngags kyis brdeg/ bzlog dang dkrug dang spogs pa dang// shi sa drag po'i ngan sngags yin// dpal mgon po nag po dug gi spu gri rtsa ba'i rgyud las/ las kyi mgon po las la sbyar ba'i le'u ste brgyad pa'o//// de nas gnod sbyin rnam thos sras kyis/bcom ldan 'das la gsol ba/ nag po 'jigs byed gtum pa'i sku// las kyi rim pa de ltar na// stobs chen drag po dmod pa'i mchog/ dug gi spu gri ji ltar lags// rdo rje gtum pos bka' stsal pa// stobs chen drag po'i sngags kyi mchog/ sku gsung thugs rdo rje las nges par 'di dag 'thon no// oM badzra pA Ni nI laM pa ra hUM/ khro bo'i rgyal po'i gsang sngags so// e badzra pA Ni ad+hi pa ta ye// drag po'i tsham ngam brjod pa'o// e badzra hril rngubs ni lam ba sa a ne u na hri da ye/ dregs pa can gyi klad gnon stobs kyi snying pa'o// e badzra hril a ti pa ta e/ badzra nI laM adz+nyA pa ya ti hri la ya/ ye shes drag po'i stobs so// e badzra pA Ni hri da ya na u sa da ni/ nI lam par sha ri raM/ a bri ti/ u ne u ne/ hri da ye tsit+ta ye/ a ti pa ta ye/ dregs pa can gyi srog 'phrog pa'i stobs so// badzra ma hA kA la dun ya/ ding ka ra kro d+ha ni hring/ ga na gu ti pa tra dun badzra yag sha tri sna d+ha sha/ ma ma hrag he da rag mo sham/ tig sna ka li tsa bdun ti/ yag nag mo tsit+ta sham/ mgon po yab yum gyi dmod sngags dbab pa'o// dgra bo'i srog la breng shag rbad// tsit+ta byung rag ta thibs rbad/ rtsa la thang thang thum ril rbad/ ni hur thums dza dun dun shag srog la dum mugs myags khram rbad/ tsit+ta ro myags ling shag rbad// snying khrag tshal pa yaM ling rbad/spu gri bdun pa zhes bya'o// ra hu la ya ma snying ya ma khrag/ badzra ya ga sha ke ta badzra rag sha thims/ dus tog 'ur 'ur kem/ phroM phroM hril hril/ yaM yaM hraM la/ mu ti skya rings se raM ha/ shar shar yang drag tu phob/ya ta a hral shar phob/ yaM shar yaM hril/ drag tu phob/ pa ta ra a be sha ya/ 'di ni chu god kyi drag sngags so// badzra yag sha kA la kA la mahA kA la ga na gu ti hring la/ badzra ging kA la rag shakA la/ma ma mu khraM khrag la mu sha hring/ mgon po yab yum gyi dmod pa'o// dun ru tra ru thuM b+ha ti/ ra tsa tsa pa la u u shug me/ ma ma trag rag sha nag mo ting laM b+h+yo/ nA ga hUM sti nA ga du ru ha/ shu la dza raM tri shaM dza yaM/badzra tri na sa du kha thuM traM/ dregs pa drug gi yang snying ste/ snal ma sad pa de nyid do// bzlog na spogs pa'i las yin te// bsnol te dkrugs pa'i shi sa yin// srog la thuM rul rtsal breng shag/ tsit+ta dun rmugs khrag thibs rbad/ling sha rbad/ nri hur thuM dza khraM rbad/ gsad pa'i mtshon cha nag po ste// dug gi spu gri lta bu yin// kun gyis mthong 'gyur so yis gcod// drag sngags me dang mtshon cha dang// dug dang 'dra ba spu gri'i ngar// gang la rgyab pa thogs med gcod// ces sbyangs so// dpal mgon po nag po dug gi spu gri rtsa ba'i rgyud las/ dmod pa ngan sngags kyi le'u ste dgu pa'o//// de nas gnod sbyin rnam thos bus/ bcom ldan 'das la gsol pa/ ging chen nag po chen po ste// sgrub dang dmod pa ngan sngags la// dus med bshad na rang phung bas// gsal byed rim pa'i sbyor ba 'tshal// mthu stobs bdag pos nges gsungs pa// gtsang ma'i maN+Dal gdan dang ldan// mkhar phor gtsang mar rdzas bsags pa// thang bya srin bya'i lce dang ni// gser mig 'phrul bya ku ku'i snying// bzang drug dang bcas dar dkar dgab// 'bru gtsang lha shos rtsi mar byug/gsang bu mar gyi byugs la bzhag/ rdo rje gtum pa'i ting 'dzin gyis// mgon po'i snying kar 'od spros te// spos dud gtang zhing zhag gsum brnag/ de yi thams cad mngon shes smra// bdag gis mgon po dngos su mthong// de yis snga phyi phan gnod smra// mna' bsgag lha bshos phud btang la// lhag ma rol cing dam rdzas rnams// rang gi mgul pa g.yon par gdags// 'og tu mi btang 'gom mi bya// de yi gsang sngags 'di dag go/ oM kA la kA la/ mA la mA la/ ki li ki li/ sid+hi sid+hi/ du ru du ru/ spu ru spu ru/ dz+wa la dz+wa la/ kas ma kas ma/ hri hUM sa ma ya dza/ yo gi A dz+nyA tsa pra be sha phaT/ sa ma ya na ra kha na sid+hi hUM/sgra snyan dang bcas rdzas mchod de// ye shes rim pa'i las su bshad// dpal mgon po nag po dug gi spu gri rtsa ba'i rgyud las/ mgon po zhal mngon du lta ba'i le'u ste bcu pa'o//// de nas gnod sbyin rnam thos sras kyis/ bcom ldan 'das la gsol pa/ mahA kA la drag shul can// gal te las g.yel 'tshe ldog na// dbang du bsdu zhing srog 'phrog gang// gnad gcod spu gri ji ltar lags// mthu stobs bdag pos nges gsungs pa// gal te 'tshe ldog las 'gor na// bdag nyid khro bo'i rgyal po yi// thugs kha'i hUM las 'od zer ni// lcags kyu dmar po gsal spros te// dmar po dbang gi 'od zer gyis// mgon po'i srog gi snying po dgug/ rang dbang med par rtsa srog bsdu// oM nI laM ba ra d+hA ra adz+nyA u ne ging ka ra gu na gu/ trag dun dun/ srog hring hring/ aM ku sha dza dza/ thum ril breng shag dun ma hur thuM dza a a dbang bsdus srog 'phrog bdud rtsis gso// de nas las la mngag par bshad// dpal mgon po nag po dug gi spu gri rtsa ba'i rgyud las/ mgon po'i dmod pa bsdu ba'i le'u ste bcu gcig pa'o//// de nas mthu stobs bdag po yis// gnad gcod spu gri drag sngags bshad// las rnams kun gyi mtha' rgya ru// bla ma mchod cing/ bshags pa bya// gnad gcod spu gri'i gsang sngags las// gru gsum sbag ma'i nang rol du// thod ngan mon nam rabs chad yin// rten 'brel khang sa zhing sa dang/ dme khrag sbrus te gzugs byas la// snying khar ming rus bris la gzhug/ mi 'am lug gam tsit+ta gzhug/tsit+ta srad bu sngon dmar gdams// thod ngan nang du 'phyang du gzhug/ nyungs kar nyungs na ske tshe dug/ ra rog khrag dang gri rgod khrag/ drag sngags stong la thun re btang// khra yi rkang pa gri lcags mde'u// dug shing gzhu yis mda' re brdeg/ zhag gsum drag sngags mi tshig spang// de yi drag sngags 'di dag go/ e badzra hril ma ne// se na pa ta ye/ badzra ging ka ra/ ya ma ka la/ badzra yak+Sha kro d+ha kro d+ha/ pa tra pa tra da sha gri ba/na ga gu ti/ ma ma ti khra la mu sha tsa mun ti/ dgra bo yi tsit+ta baM ril thun rbad/ rag ta thibs srog la breng shag rbad/ ni kha la dza phyung/ yaM rbad rbud thum sod/ drag sngags sbyor ba rdzogs pa dang// dur khrod 'on lkugs rnying par gnan// tsit+ta gtubs la bsreg par bya// dgra bo'i srog la thum ril rmugs// rtsa khrag thibs breng shag rbad// tsit+ta phyung ni hur thum dza// ag ne de ba kro d+ha kha raM dz+wa la raM raM raM/ling ga dang bcas bsregs bstab la// thal ba ba yu rlung la phyar// 'di ni las kyi mtha'/ ya ga bag sha zhes su gsungs// dpal mgon po nag po dug gi spu gri rtsa ba'i rgyud las/ gnas gcod spu gri'i lam bstan pa'i le'u ste bcu gnyis pa'o//// de nas rgyal po rnam thos sras kyis/ bcom ldan 'das la gsol pa/ sngags dang gnad gcod de ltar na// ma hA kA la 'khor dang bcas// las la mngag cing bskul ba gang// mthu stobs bdag pos bka' stsal pa// rbad ba las kyi pho nya ste// phyi nang gsang ba'i tshul du bskul// hUM/ dur khrod chen po lcang lo can// ma la ya yi gnas mchog na// gnam lcag ur mo rab tu ta la la// rak+ta'i rgya mtsho rba klong me re re// zhing chen keng rus lhu dum khro lo lo// 'dab chags sha za'i tshogs ni nyi li li// gsur chen dud pa'i tshogs kyang langs se langs// zhing chen g.yang gzhi'i tshogs ni lhubs se lhubs// de 'dra'i gnas mchog rab tu 'jigs pa na// ging chen mgon po yab yum sku skyod cig/ hUM/ bdud 'dul sgrol ging chen po mi bzad pa// pho brang lcags mkhar 'bar ba'i dbus phyogs nas// bdud dang srin po byi chings bsnol ba'i gdan// baM chen nyi zla pad+ma 'od du 'bar// sregs byed me dpung 'bar ba'i klong dkyil nas// bdud 'dul dbang phyug sgrol ging chen po ni// sku mdog nag po dug chen 'khyil ba 'dra// dbu gsum phyag drug zhabs bzhi gshog pa bgrad// g.yas ser g.yon ljang nag po 'jigs pa'i gzugs// spyan gsum sdang mig bskal pa'i me ltar 'bar// dam nyams lus srog dbang po bag chags bsreg/ zhal dang ljags 'dril mche gcigs mtshems kyang bgrad// khams gsum zhal du rngub cing dam nyams srog rtsa gcod// zhal nas rngam pa'i nga ro 'brug ltar sgrog/khams gsum dgra bgegs ma lus zil gyis gnon// sma ra smin ma bskal ba'i glog ltar 'gyu// bdud dang srin po dgra bgegs rdul du rlog/ shangs nas rims dal rlung dmar phyogs bcur 'phro// dgra bgegs ma lus brgyal zhing rlag par byed// ral pa kham nag srid pa'i rtse mor 'bar// thod skam 'bum gyis dbu rgyan thod du bcings// sku la dar nag ber chen la// dar lce 'bum dang me tog sna tshogs brgyan// stag lpags rlon pa'i gong ras la// zhing gi g.yang gzhi mang po 'phrul// snyan cha mgur chu sna tshogs la// sbrul nag chen po'i rgyan gyis brgyan// thod pa rlon pa'i 'phreng ba yis// do shal se ral brgyan du byas// nyi ma zla ba gza' skar gyis// sku yi phyogs mtshams rgyan du byas// zhal nas mi ro gsol zhing 'phrul// phyag drug mtshon cha sna tshogs kyis// dam nyams dgra bo thal bar rlog/ g.yon na yum chen dbang phyug ma// sku mdog mthing nag ral pa can// sku stod zhing chen g.yang gzhi la// sku smad re lde sham bu can// sbrul dang thod pa dril bus brgyan// zhal gdangs mche gtsigs za byed ma// g.yas 'khyud g.yon pa dung dmar stobs// 'dir spyon bcol ba'i las rnams mdzod// hUM/ yab yum stabs gcig spyan 'dren na// ma thogs myur du da tshur sbyon// bcom ldan phyag na rdo rje yis// dbang bskur byin brlabs snam nas ston// de tshe phyi yi mtshan btabs pa// mgon po nag po zhes kyang bya// nang du mtshan du btags pa ni// bdud 'dul sgrol ging chen po bya// gsang ba'i mtshan du btags pa ni// rdo rje sgrol byed drag po rtsal// phyi nang gsang ba'i ming nas 'bod// khas blangs bros bor ma bsnyel bar// rnal 'byor pa yi las rnams kyis// gal te las la 'gal gyur na// rdo rje srin po khros po'i ngang// snying khrag bsreg nas na rag ltung// de bas las rnams myur du gyis// de nas sdongs zla'i bskul bya ba// bdud yul kha rag sgo dgu nas// bdud rgyal ri nas spungs pa khyod// bdud mkhar nang nas 'dir sbyon la// dgra la thibs nad drag po phog/ rgyal yul nam mkha' phyad phyod nas// rgyal po 'od la dkar po khyod// shel dkar nang nas 'dir sbyon la// dgra la smyo 'bog thong la sgrol// ma yul byang shar mtsho gting nas// ma mo rdo rje sder chen khyod// mthing nag gur nas 'dir sbyon la// dgra la rims dal glang thabs thong// klu yul nA ga gsing sngon nas// klu gnyan nag po srog gcod khyod// rin chen mkhar nas 'dir sbyon la// dgra mdze shu ba phol 'bras thong// btsan yul zangs thang dmar po nas// btsan rjes shu po lag rings khyod// dgu rtse'i nang nas 'dir shog la// dgra la rims thabs yams su thong// shar lho rin chen thang dkyil nas// ging chen rdo rje legs pa khyod// lung thang mkhar nas 'dir shog la// dgra la pho log gzer thabs thong// srid pa'i dregs pa chen po khyod// phyag na rdo rje'i bka' 'byung gis// rang rang las kyi skal long la// bcol ba'i las rnams grub par gyis// gzhan yang gza' rgod bskul bya ba// khyab 'jug chen por hu la// du ba mjug rings sgra gcan 'dzin// lha chen dbang po bgegs kyi rgyal// byi tri ba tra dmag dpon mdzod// sku mdog dud ka 'jigs pa la// sbrin gyi na bza' g.yang gzhi 'ja'// dbu la glog dmar thod du bcings// chibs su g.yu 'brug sngon po chibs// bar snang khams su brda ngar sgrogs// thog ser skyin thang dgra la 'bebs// gzim dngas glog 'gyur lams se lams// nga ro 'brug stong ldi ri ri// shangs nas rlung nag spu ru ru// kha rlangs sprin du thibs se thibs// zhal nas thog ser shar ra ra// lo tog snar pa dbang du bsdus// bcol ba'i las rnams grub par mdzod// dpal mgon po nag po dug gi spu gri rtsa ba'i rgyud las/ bskul ba las kyi pho nya'i le'u ste bcu gsum pa'o//// de nas mthu stobs bdag po yis// 'dus pa'i 'khor la rgyud gtad pa// bka' yi gsang rgyud spu gri ste// bstan pa rin chen gter gyi bdag/ drag sngags dgu thog rba chen dug/me dbal spu gri mtshon cha'i dbal// don gyi ngo bo rgyud ces bya// sgrub dang dmod pa'i drag sngags te// byang chub sems de sems dpa' che// khro bo rol pa 'jigs byed dang// lha dang mkha' 'gro'i tshogs chen dang// 'jig rten dregs pa'i tshogs rnams la// lag na rdo rje'i mthu stobs kyis// thugs kyi klong nas byung ba yi// drag po spu gri gsang bar bshad// phyi rabs rnal 'byor rigs can la// nga yang dam las mi g.yel bas// khyod kyi byin brlob bka' 'khor skyong// rgyud 'di rtsa gcig legs 'chang na// nga yis thugs kyi sras su byed// dam tshig bsrung la thugs brtse'o// sngags bdag nyid kyis srungs dang skyobs// zhes gsungs pas/ 'khor thams cad dga' mgu yi rangs te mngon par bstod do// dpal mgon po legs ldan nag po dug gi spu gri rtsa ba'i rgyud las/ rgyud gtad pa'i le'u ste bcu bzhi pa'o/

CLOSE WINDOW