CLOSE WINDOW

Gpb050.019
བོད་ཡིག

yak+Sha lo ka sarba pa shaM rat+na sid+d+hi tan tra/ bod skad du/ gnod sbyin gyis 'jig rten thams cad dbang du sdud pa rin po che dngos grub kyi rgyud/ dpal rdo rje gtum po la phyag 'tshal lo// 'di skad bdag gis thos pa'i dus gcig na/ byang phyogs lcang lo can gyi byang shar gyi mtshams na/ gnod sbyin gyi gter mdzod chen po brgya rtsa brgyad yod pa la/ gnod sbyin gyi mes po kun na tan tri ka dang/gnod sbyin gyi mes mo kha d+har pa ta ha dang/ bu dang tsha bo 'khor dang g.yog tu bcas pa grangs med pas/ bcom ldan 'das phyag na rdo rje la bskor nas bzhugs so// de'i dus su gter mdzod rnams la gnod sbyin rnams 'khrugs te rtsod pa gyur to// dus der gnod sbyin gyi mes po kur na tan tri kas/ gnod sbyin thams cad kyi pho nya a pa ra tsit+ta zhes bya ba la/ gter mdzod kyi lde mig rnams gtad pas/ a pa ra de gter mdzod kyi gseb na nor gyis non nas rdul tsi ri ri yod pa la/gnod sbyin rnams kyis bka' bgros te// a pa ra la dmag drangs pas/ a pa ra yid 'khrugs par gyur nas/ rdo rje 'dzin pa la 'di skad ces gsol te gter mdzod rnams phul lo// kye rdo rje 'dzin pa lags// lcang lo can gyi byang shar na// gter mdzod brgya dang rtsa brgyad gda'// 'od mdzod gzi brjid dpal 'byung dang// dkar 'joms dung dang dung chen dang// rab tu tshal dang/ dpal sbyin dang/ rin chen 'dus/ yid bzhin grub dang/ mgon mdzes pa dar 'dus/ se na tri dang d+ha ra paM/ ku ha dri pu/ ta ri pa/ rad na sid+d+hi/ ka ra ha ti na ra wa/mdzod chen nyi shu dgos 'dod thams cad 'byung ba 'di/ dpa' bo yab la bdag 'bul lo// dra ba can dang mdzes pa'i tshal// dga' ba'i tshal dang mdzes pa'i tshal// bdud rtsi pho brang rin chen tshal// dpal gyi tshal dang 'od mdzes tshal// yid bzhin nor bu'i mdzod chen de brgyad kyang// dpa' bo yab la bdag 'bul lo// gser khang bcu dang dung khang bcu// g.yu khang bcu dang dngul khang bcu// mdzod phran brgyad cu tham pa yang// dpa' bo yab la bdag 'bul lo// gnod sbyin dmag tshogs zhi bar mdzod// ces gsol te// lde mig rnams rdo rje 'dzin pa la phul// dus der rdo rje 'dzin pas gnod sbyin rnams dbang du sdud pa'i ting nge 'dzin las bzhengs nas 'di skad ces bka' stsal to// gnod sbyin dmag tshogs nga la nyon// gnod sbyin nang nas stobs che zhing// 'jig rten dbang sdud nus pa yi// zha 'on rdo rje rdzu 'phrul khyod// gter mdzod brgya dang rtsa brgyad kyi// mnga' bdag chen po khyod ky-is la// 'jig rten thams cad dbang du bsdus// zhes gsungs nas// zha 'on la spyan gdongs tshugs su bltas te/ gter mdzod kyi lde mig rnams gtad do// dus der rdo rje bdud 'dul gyis thal mo sbyar te/ e ma ho/ 'jig rten dbang du sdud pa dang/ gter mdzod bdag po bdag gis bgyi// gnod sbyin kun gyis bdag gi bran gyis shig/ces smras pa dang/ gnod sbyin lo ka skyong ba thal mo sbyar te/ gnod sbyin rnams kyis 'di skad ces gsol to// kye rdo rje 'dzin pa lags// pha dang ma phyi tha mi dad/ stobs dang nus pa lhag par mnyam/ gter dang mdzod 'di thun mong mnyam/ dpa' bo'i 'khor ni kun kyang yin// lhag par gter mdzod gtod pa gang// zhes mdun du 'dug ste/ mgrin gcig tu smras pas/ rdo rje 'dzin pas 'di skad gsungs so// kha ro ya mi gnod sbyin rnams nyon cig/ rdo rje bdud 'dul 'di ni sngon ri rab kyi khong seng na yar la dpag bsam gyi shing bya ba cig skyes te/ rtse mo lha'i yul na yod// 'bras bu ro mchog brgya dang ldan pa cig la lha rnams longs spyod pas/dus cig tsam na 'bras bu cig ri rab kyi khong seng na mar lhung bas// lha ma yin cig gis snyed de zos pas ro bro ste/ lha ma yin rnams gros byas te lha rnams la smras pa/ shing 'di'i sked pa nged la yod pas 'bras bu yang nged la blang/mi ster na shing rked par gcod byas pas/ lha rnams na re nged rang gis gsod nams las grub pas khyod la mi ster/ shing gcod na chod byas/ lha ma yin rnams kyis shing bcad pas ma chod do// dus der 'khrug pa byas pas lha rnams pham ste sdug bsngal chen pa kyi hud ces zer ba'i dus su/ lha'i bu nor bu bya ba cig gis/ sangs rgyas mar me mdzad la me tog man da ra ba phul nas/bdag lha min 'dul ba'i gnyen por dbang bskur du gsol// ces zhus pas/ khyod 'di nas tshe 'phos te shAkya thub pa'i bstan pa la rdo rje bdud 'dul bya bar skyes nas/ lha ma yin dang bdud thams cad 'dul zhing/ 'jig rten thams cad dbang du sdud par gyur cig ces smon lam btab pas/ shAkya thub pa'i bstan pa la ri rab kyi byang shar dung chen gyi tshal bya ba ru/ gnod sbyin dzam+b+ha la dang/yum rgya mtsho gling gi dbang mo che 'tshogs pa las bu gnyis byung ste/ pho bo gnod sbyin mig po che dang/ nu bo rnam thos sras gnyis skyes so// dus der gnod sbyin mig po che dang/ mtsho sman rgyal mo gnyis 'tshogs pa las/bu zha 'on rdo rje bdud 'dul byung ste/ sngon yang lha ma yin dang bdud thams cad btul lo// da yang bdud dang lha ma yin 'dul zhing 'jig rten dbang du sdud nus pas/ de'i phyir na gter mdzod kyi bdag por bskos pa yin pas/gnod sbyin rnams kyis rdo rje bdud 'dul kyi 'khor dang bran gyis shig ces rdo rje 'dzin pas bka' stsal pas/ gnod sbyin gyi tshogs rnams kyi nang nas khu bo rnam thos sras dang/ 'brog gnas mched lnga dang/ a pa ra tsit+ta dang/ gnod sbyin lag na be con dang/ nor lha dkar po rnams kyis/ dus der ngo so la bstod de bran bya bar khas blangs so// gnod sbyin dmag tshogs bye ba dung phyur gyis kyang 'khor dang bran g.yog bya bar khas blangs so// dus der zha 'on gyi mdun du gnod sbyin kun gyis thal mo sbyar te mgrin gcig tu 'di skad smras so// kye ma rdo rje bdud 'dul khyod// rdo rje 'dzin pa'i dbang bskur sras// mdzod bdag chen po khyod bgyis pas// bdag cag rnams kyis bran bgyis te// 'jig rten thams cad dbang bsdus la// zas nor longs spyod khyod la dbul// ces 'khor bya bar dam bcas// dus der 'khor de'i nang nas gnod sbyin 'jig rten skyong zhes sku bsgrungs pa/ stobs che la nga ro drag pa/ phyag g.yas na gza' bdud ra hu la bsnams/ g.yon na rgyal po rnam thos sras bsnams pa cig yod pa de/'khor gyi nang nas langs te/ rdo rje 'dzin pa'i mdun du thal mo sbyar te 'di skad ces zhus so// kye rdo rje 'dzin pa la/ zha 'on rdo rje bdud 'dul gyi// 'jig rten dbang du sdud pa la/ rten dang dam rdzas ci dang gang/bod pa'i srog snying gang dang gang// bsod nams longs spyod ji ltar bsgrub// ces zhus pas/ rdo rje 'dzin pas 'di skad gsungs// nyon cig lo ka skyong ba khyod// zha 'on bsgrub thabs ngas bshad do// zhes gsungs so// 'jig rten dbang sdus kyi rgyud las/ skye rgyud dang gleng gzhi'i le'u ste dang po'o//// de nas yang dag bshad bya ba// 'jig rten dbang du sdud pa la/ thog mar yid mthun gnas nyid du// dpa' stobs ldan pa'i rnal 'byor gyis// 'di zhus bla ma dung dung dran// chos skyong 'di la mos pa yi// rnal 'byor dam tshig gtsang ba yis// dkyil 'khor mda' gang gru bzhi bya// 'khor lo rtsibs bzhi mu khyud bcas// gong ras mdzes la gru chad ljang// sgo dang rtsig pa spyi dang mthun// dkyil 'khor de yi steng nyid du// 'o ma can gyi shing dag la// rten gyi pho brang bca' ba ni// rkang dang ru ni gzhu gang la// logs bzhi khru re 'grig par sbyar// byang phyogs shin tu bsgrig bya ste// de la sgo ni dbye gcod bya// sgo yi phyi ru rnam thos kyi sku yang bri// nub tu 'brog gnas lho ru lag na be con bri// shar du nor lha dkar po bri// kun kyang logs kyi phyi ru bri// nang du zha 'on nyid kyi sku// stag pa dag la bskos la gzhag/ pho brang de yi nang du yang// gnod sbyin 'khor bcas dpon g.yog gi/ rten rnams ma lus tshang bar byas// rang rang phyogs phyogs dag du gzhag/ gtor ma pho brang steng du gzhag/ mdun du pU tsa rnam lnga bsham// phyi rten mda' mo bya rgod lnga// 'phan dang stag ras gzig ras dang// rin chen btags la phyogs bzhir gzugs// cig ni pho brang rtse ru gzug/ 'phan la dpon g.yog sku 'bag bri// nang rten seng ldeng seng ge dang// rin chen dngul gyi sgrom bu dang// lcags kyi ga 'u zangs kyi seng ge dang// gser gyi rta gzugs nang du ni// lnga ka'i sku 'bag sngags dang bcas pa bri// sman dang dri bzangs byug par bya// dpon g.yog lnga ru mnga' gsol la// pho brang nang du rang phyogs gzhag/ gsang rten seng ldeng seng ge ni// lto ba sbyar ba'i nang dag tu// rten gyi 'khor lo gser gyi bris pa dang// rin chen sna tshogs blugs bya ste// dar dang za 'og dag gis gril// phying khung dag tu bcug bya ste// rang gi mchan khung g.yon du bcang// bla rdo bca' ba 'di lta ste// zha 'on bla rdo lug nag snying// nor lha shel la mgon po rta nag snying// rin chen sna lnga 'brog gnas la// rnam thos sras la ne le'i snying// de rnams sngags dang bcas pa yang// ne le'i blud pur gzhug par bya// de ni pho brang zhabs la gdags// nor dang longs spyod spel ba yang// phyug po bdun gyi mdzod nang gis// 'phan po bdun gyi mal sa g.yos sa dang// kha drag bdun gyi gong rtsa g.yas kyi gos dum dang// ri rtse mthon po bdun gyi me tog dang// lung chen bdun gyi chu sna dang// rgyal khams kun kyi 'bru sna dang// rin chen sna tshogs dar zab sman sna tshogs// rta phyugs sna tshogs spu sna tshogs// sha mar rtsi bcud la sogs zas sna tshogs// de rnams zangs kyi bum par blug/ bum pa dag la sngags lnga bri// nor dang longs spyod spel cig bri// de ni pho brang 'og gi yang// dkyil 'khor chen po'i dbus su gzhug/'jig rten dbang sdud las/ rten bca' ba'i le'u ste gnyis pa'o//// de nas yang dag bshad bya ba// rang nyid gtum po'i ting 'dzin ldan// pho brang dbus su yi ge k+Sha// mthing nag de las zha 'on bsam// dza:hUM baM hos/ byang shar gter mdzod dag nas spyan drangs de la bstim/ hUM/ ri rgyal lhun po'i pha rol nas// gnya' shing 'dzin gyi tshu rol nas// rgya mtsho chen po'i pha rol nas// lcags ri nag po'i tshu rol nas// dur khrod chen po'i pha rol nas// me tog gling gi tshu rol nas// rin chen gling gi khang bzangs nas// bai DUr sngon po'i khri stengs na// dge bsnyen chen po bzhugs pa ni// mtshan ni rdo rje bdud 'dul lo// sku mdog mthing nag 'jigs pa la// dbu la rin chen prog zhu gsol// phyag na nor bu rin chen 'dzin// g.yon na bdud rtsi'i bum pa bsnams// 'dzam gling chos kyi 'jig rten nas// nor dang zas kyi mnga' thang sgyur// zhun mar mngar dang sbyar ba yi// zhal zas pU tsa 'di bzhes la// bsgrub pa po la sid+d+hi stsol// dngos grub chu ba'i char chen phob// ces bstod la/ oM badzra rat+na tsit+ta li ka sarba ra ga ru ge hUM phaT swA hA/zhes ni zhag ni bdun du drang/ a tsa ra dang slob dpon dar 'phyar 'byung// rang la gzhan gyis nor ster 'byung// mi yi ded dpon byed pa rmi// zha 'on dngos su 'ong bar 'gyur// 'jig rten dbang sdud las/ gtso bo sgrub pa'i le'u ste gsum pa'o//// de nas yang dag bshad par bya// dzam dkar shar gyi rten la bsam// de la nor lha dkar po bskyed// dza:hUM baM hos spyan drangs bstims// hUM/ shar phyogs lha chen nor lha ni// sum cu rtsa gsum lha yul nas// sku mdog dkar po 'dzum pa la// phyag g.yas rin chen 'bar ba thogs// g.yon na rin chen sgrom bu bsnams// bsod nams can gyi mi rnams la// zas dang nor gyi char pa 'bebs// ka ra mtshal dang sbyar ba yi// zhal zas pU tsa 'di bzhes la// bsgrub pa po la sid+d+hi stsol// ces bstod la/ oM ma hA kro d+ha Ar+ya dzam+b+ha la hri da hUM/zhes pa zhag lnga drang bas ni// me tog dkar dang 'od dkar dang// mi dkar rta dkar bzang po 'ong// nor lha dngos su zhal mthong nges// 'jig rten dbang sdud las/ nor lha sgrub pa'i le'u ste bzhi pa'o//// de nas yang ni bshad par bya// lho ru rten las hUM mthing nag/ sku mdog mthing nag 'jigs pa la// g.yas na tsan dan beng chen bsnams// nor bu rin chen phye mas bkang// g.yon na lcags par nag po'i nang// bdud rtsi 'chi med zas kyis bkang// sha khrag dmar dang sbyar ba yi// zhal zas pU dza 'di bzhes la// sgrub po la sid+d+hi stsol// oM ma hA kA la ha na ha na badzre na swA hA/ zhes pa zhag lngar drang bar bya// ban de bya nag g.yag nag 'ong// rta pa nag po dom nag khyi nag 'ong// mgon po'i zhal ni mthong bar nges// 'jig rten dbang sdus las/ mgon po bsgrub pa'i le'u ste lnga pa'o//// de nas yang ni bshad par bya// nub tu rten la k+Sha gcig bsam// de la 'brog gnas skyed par bya// dza:hUM baM hos spyan drangs bstim// hUM/ nub phyogs 'brog gnas mchod lnga ni// rgyal ba khyu mchog yang dag shes// gang pa bzang po nor bu bzang// gnod sbyin sred spong lnga brtsegs te/ gcig dang 'dra ba'i zhal lnga po// dbus la byol song mgo bo can// rgyal ba khyu mchog glang gi mgo/ yang dag shes ni spre'u'i mgo/gangs pa bzang po rta yi mgo/ bu bzang po lug gi mgo/ sred spongs ra yi mgo bo ste// phyag ma g.yas g.yon dang po gnyis// rin chen sgrom bu thugs khar 'dzin// phyag ma g.yas kyi bar pa na// rin chen gser gyi 'khor lo bsnams// phyag ma g.yon gyi bar ma na// zan dron 'bras kyi sder bzang bsnams// g.yas kyi tha ma sman sna tshogs// g.yon gyi tha ma shing thog 'dzin// bzhugs pa'i gnas la nges med de// res 'ga' g.ya' spang mtshams na bzhugs// res 'ga' chu gling tshal na bzhugs// res 'ga' me tog gling na bzhugs// 'dzam gling kun tu rgyug byed cing// 'gro ba rnams kyi bkrag mdangs 'phrog/bu ram 'bras dang sbyar ba yi// zhal zas pU dza 'di bzhes la// sgrub pa po la sid+d+hi stsol// ces bstod la/ oM badzra yak+Sha de ba pany+tsa rA dza dza dza/ zhes pa zhag lnga drang bar bya// rta dang glang po lug dang sprel// ra dang sku ni dngos su ston// 'jig rten dbang sdud las/ 'brog gnas kyi bsgrub pa'i le'u ste drug pa'o//// de nas yang ni bshad par bya// byang gi rten la bai ljang las// de las rnam sras bskyed par bya// dza:hUM baM hos spyan drangs bstim// hUM/ byang gi phyogs na bzhugs pa yi// rgyal po chen po rnam thos sras// sku mdog ljang khu 'bar ba la// g.yas na gser gyi spa lca bsnams// g.yon pa dngul gyi gzhong pa ru// gser gyi nye chung sil mas bkang// chibs su ngang pa gser dra chibs// rnam thos bu ni mthu rtsal can// gnod sbyin stong sde'i 'khor dang bcas// lcang lo can gyi pho brang nas// skad cig tsam gyi 'dir gshegs la// sman dang spos su sbyar ba yi// zhal zas pU tsa 'di bzhes la// sgrub pa po la sid+d+hi stsol// ces bstod la/ oM ma hA rA dza bai shra ma Na ye hUM phaT swA hA/ zhes pa zhag lnga drang bar bya// rta pa dmag dpung chen po dang// byis pa khye'u chas bzang dang// rnam sras sku ni dngos su ston// 'jig rten dbang sdud kyi rgyud las/ rnam thos sras bsgrub pa'i le'u ste bdun pa'o//// de nas yang dag bshad par bya// mtshams ma chod cing rgyun du sgrub 'dod na// rten dang bca' lugs gong ma la// gang du 'gro yang sngags 'di stong stong bgrang// oM badzra rat+na tsit+ta ra ga ra ge hUM phaT/ oM ma hA kro d+ha ar+ya dzam+b+ha la hri da/ma hA kA la yak+Sha de ba pany+tsa bai shra ma na ye/ sa ma ya/ zhes rgyun du byas na bsam pa thams cad 'grub bo// 'dzam bu gling la dbang byed dang// 'gro ba 'dus nas nor 'bul dang// gzhan gyi kha lo sgyur ba dang// gter rnyed bud med 'du ba dang// srid pa'i bdag po byed par 'gyur// de nas ngan pa'i rtags bstan pa// 'jigs shing phya sangs khyer ba dang// yo byad 'phang sems byed pa dang// khro dang bying dang 'gro snying 'dod// gzhan gyis zas nor khyer gyi rmi// de ltar byung na bar gcod yin// ting nge 'dzin gsar zhing drag sngags brdeg/ 'jig rten dbang sdud las/ sbyi sgrub rgyun du bya ba'i le'u ste brgyad pa'o//// de nas yang ni bshad par bya// rtags rdzogs thod pa mtshan ldan du// chang dang bu rim ka ra sbrang// sbyar te dkyil 'khor dbus su gzhag/ rang gi gos rgyan g.yu khrag sdigs la sogs// dkyil 'khor de yi mdun du spungs// spyi dril sngags la 'di gdags zhag gsum drang// rat+na sid+d+hi pa la/ oM AHhUM sid+d+hi sid+d+hi sdus sdus phob phob a la la ho/ zhes zhag grangs thim pa dang/ gnod sbyin dpon g.yon la bstod pa bya zhing/thod pa'i chang lan gsum la zad par btung// sdigs rnams nor rta'i bum par bcas/ mis ma mthong bar mdzod du sba/ 'jig rten dbang sdud las/ dngos grub blang ba'i le'u ste dgu pa'o//// de nas yang ni bshad par bya// snod bzang nang du chang bu lnga// rgyan dang ldan par bsham bya ste// rang nyid gtum por bsam byas pa'i// mdun du gnod sbyin dpon g.yog bsam// oM AH hUM zhes lan bdun gyis// ro mchog brgya dang ldan par byin gyis brlab// oM na ma:sarba ta thA ga te b+h+yo/ bi shwa mu khe b+h+ya: sarba thA khaM ud ga te s+pha ra Na i maM ga Na khaM swA hA/ zhes lan bdun dag gis rgya che grangs med spel// de nas rang re'i sngags dag la// 'di btags lan bdun dbul// ma hA ba liM ta pU tsa kha kha khA hi khA hi/ zhes pas dpon g.yog rnams kyis gsol bar bsam// gtor ma dbul ba'i gong du// spyi dril sngags ni brgya rtsa bgrang// khA hi zhes pa'i rting la/ hUM/ gnod sbyin chen po rdo rje bdud 'dul dpon g.yog 'khor dang bcas pa la// gnod sbyin bye ba dung phyur dang bcas pa rnams// mchod sbyin gtor ma 'di bzhes la// bdag gi gnas srungs 'khor skyongs shig/ rigs brgyud dar zhing rgyas par mdzod cig/ longs spyod spel la rgyags 'thud cig/ 'jig rten dbang du sdus la srid gsum zil gyi gnon// mi chen bran bu khol la snyan grags sid+d+hi stsol// bgegs dpung choms la g.yul ngo zlog/ hUM/ gnod sbyin chen po rdo rje bdud 'dul po// mthu rtsal khyad 'phags gzhan gyis 'gran du med// byang phyogs gnod sbyin kun gyi gtso bo ste// dgos 'dod gter mdzod mnga' bdag khyed la bstod// gang zhig khyod la dad pas gang sgrub pa// rnal 'byor de yi mthu dang dpung byed cing// bar gcod dgra bgegs tshogs rnams 'joms mdzad pa// rdo rje bdud 'dul 'khor dang bcas la phyag 'tshal bstod// ces yi ge brgya pa tshar gcig bgrang/ badzra mu zhes pas gshegs su gsol la/ gtor ma khang thog gtang/ de ltar rgyun gtor ma chad par btang na/ stong 'khor los sgyur ba'i rgyal po dang mnyam par 'gyur ro// 'jig rten dbang sdud las/ rgyun gtor gyi le'u ste bcu pa'o//// de nas yang ni bshad par bya// 'di la ma grub spogs pa dgos mi srid// man ngag gud na yod pa min// rgyud ltar sgrub pa shin tu zab// gzir dang log gnon dgos mi srid// rta gtor nya la gtang ba dang// rgyun gtor rtag tu gtang ba shis// mchod gtor dag la ma gtang na// 'khor mangs bye ba dung phyur yang// bza' btung med pas 'thab cing rtsod// de phyir rnal 'byor kha smas mang// de la man ngag 'di ltar bya// 'jig rten srid pa'i zas nor ma lus pa// rdo rje bdud 'dul bye ba dung phyur dang bcas pa la// mchod par 'bul lo bzhes shig dges par mdzod// ces pas thun mtshams skabs su dbul// de la gnod sbyin rnams ni rol bar bsam// rgyud ltar sgrub pa 'di ni ngo mtshar che// 'di sgrub rnal 'byor dbang phyug te// bsod nams rigs brgyud dar ba dang// snyan grags chen po thob pa dang// mang po'i ded dpon byed pa dang// nor rdzas longs spyod gter mdzod bdag por 'gyur// khros pas dgra ni 'chi ba dang// 'di la yon tan bsam mi khyab// dam tshig bla ma dung dung dran pa dang// rgyud ltar bsgrub pa'i sgrub lugs 'di// 'gro ba gzhan la spel mi bya// rten dang dam rdzas bstan mi bya// gtor ma rgyun du 'chad mi bya// 'jig rten dbang sdud kyi rgyud las// gdams pa chings kyi le'u ste bcu gcig pa'o//// de nas yang ni bshad par bya// rgyu 'di yid bzhin nor bu yin// rgyud 'di dgos 'dod 'byung ba yin// rgyud 'di 'jig rten dbang sdud yin// zhes bka' stsal pa dang/ gnod sbyin 'jig rten skyong ba la sogs pa'i 'khor bye ba dung phyur yi rangs te/rdo rje 'dzin pa la mngon par bstod do// 'jig rten dbang sdud kyi rgyud las/ 'khor rnams yi rang ba'i le'u ste bcu gnyis pa'o//// zha 'on rdo rje bdud 'dul gyi rgyud 'jig rten dbang du sdud pa'i rgyud ces bya ba lha yul du grags pa/o rgyan pad+ma 'byung gnas kyis skyid mkhar rong du gter du sbas/ 'khon nag bdud kyi sprul pas phag gi lo la thon// brag btsan dang gza' mig dmar la gtad do/

CLOSE WINDOW