96b1 nA tha badzra i b+hi da ra tan tra na ma/ bod skad du/ mgon po rdo rje bdud 'dul gyi rgyud ces bya ba/ kha che'i skad du/ gnod sbyin rdo rje bdud 'dul// o rgyan skad du/ yak+Sha/ bal po'i
96b2 skad du/gnod sbyin gyi drag sngags bdun pa/ bram ze'i skad du/ khams gsum srog 'phrog/ bcom ldan 'das pad+ma dbang chen la phyag 'tshal lo// 'di skad bdag gis thos pa'i dus gcig na/ bcom ldan
96b3 'das rdo rje 'chang chen po des srod la bdud gtul/tho rangs rdo rje gdan gyi spo la rdo rin po che 'bar ba'i gnas/ mtshon cha sna tshogs bu yug 'tshub pa'i yul/ shin tu rngub pa'i ljongs/ gnod sbyin 'bar ba'i
96b4 grong khyer/ma mo'i tshogs 'dus pa'i grong rdal/ rin po che 'bar ba'i gzhal yas khang na bzhugs te/ der 'dus pa'i 'khor ni/ nag po bdud 'dul chen po dang/ gnod sbyin mo kun dug ma dang/ de'i 'khor
96b5 gnod sbyin rnon po dang/nyi ma'i mig nang gi'o// phyi'i blon po kun gyi 'jigs byed do// gzhan yang 'dus pa'i tshogs mkha' 'gro ma dang/ ma mo'i tshogs dang/ gnod sbyin gyi tshogs dang/ bdud kyi tshogs
96b6 dang/nag po'i tshogs thams cad 'dus te/ de dag thams cad kyis bcom ldan 'das la bdud rtsi lnga'i mchod pa dang/ me tog sna tshogs kyis gtor zhing phyag 'tshal zhing kun tu bskor ro// mgon po rdo rje
97a1 bdud 'dul gyi rgyud las/gleng gzhi'i le'u ste dang po'o//// de nas yang de'i tshe de dag gi nang nas// ri rab kyi bang rim la gnas pa'i mgon po rdo rje bdud 'dul gyis// rdo rje 'chang la
97a2 'di skad ces gsol to// kye kye/ rdo rje 'chang chen bka' stsal 'tshal// bdag cag 'dus pa'i tshogs rnams ni// 'tshal skal yang ni gang la bgyi// las su ci bgyi bka' stsol cig/ rdo rje 'chang la bdag nyan
97a3 'tshal// de skad ces zhus pa dang/ rdo rje 'chang gis bka' stsal pa// nyon cig mgon po 'khor dang bcas// khyod kyi las dang zas dag ni// bstan pa 'byung dang dus dang// gnas dang bsnyen pa bsgrub pa
97a4 dang// gsad pa ma grub spogs chog dang// sngags dang rdzas dang ting 'dzin dang// phyag rgya dang ni bskul ba dang// thun dang zor dang bsreg dang mnan// dus min 'chi ba bzlog pa dang// nad zhi dpal
97a5 bskyed rigs brgyud spel// dgug dang zhi ba dbang du bya// rtags dang mtshan ma bstan gyis 'khor tshogs nyon// rdo rje bdud 'dul gyi rgyud las/ zhus pa dang gleng bslangs pa'i le'u ste gnyis
97a6 pa'o//// rdo rje 'chang chen gyis khyod la bstan pa gnyer du gtad// sangs rgyas bstan pa gnas pa yi// rnam bzhi 'khor rnams bsrung ba dang// dkar po'i phyogs kyi 'khor rnams la// bsrung ba skyab
97b1 pa khyod kyis gyis// gnod gdug rnam gnyis bsgral bar gyis// rdo rje bdud 'dul gyi rgyud las/ lung bstan pa dang gnyer gtad pa'i le'u ste gsum pa'o//// rdo rje 'chang chen bcom ldan
97b2 'das// bdag gi zas skal gang la bgyi// zhus pa las/ rdo rje 'chang gis bka' stsal pa// khyod kyi zas kyi skal ba ni// sangs rgyas bstan pa la gnod dang// nag pa'i phyogs su gtogs pa rnams// mi sha mi
97b3 khrag tshil bur bcas// rjen pa btsos pa sna tshogs rnams// khrag sna tshogs pa'i thun rdzas rnams// rab tu mang ba bsog par bya// rdo rje bdud 'dul gyi rgyud las/ zas skal bstan pa'i le'u ste bzhi
97b4 pa'o//// de nas rdo rje 'chang chen gyis// bstan pa 'byung ba'i rim pa ni// gos ngan re ba gon pa'i dus// de'i tshe nga yi bstan pa 'byung// zas ngan lci ba za ba'i dus// de tshe nga yi bstan pa
97b5 'byung// de la sogs pa mtha' yas mchog/ de tshe nga yi bstan pa 'byung// rdo rje bdud 'dul gyi rgyud las/ bstan pa 'byung ba'i le'u ste lnga pa'o//// de nas rdo rje 'chang chen gyis// dus ni nyi zla shis pa
97b6 la'o// bsnyen bsgrub las la sbyar ba'o// ma grub spogs pa'i cho ga dang// bsreg dang mnan pa'i cho ga 'o// dus ni ra ba bzhi'i dpyid zla ra ba'o// gnas na lha khang ngam dbu rtse'i bar khang ngam/ brag dmar nag
98a1 chos zangs lta bu 'am/ri gsum 'dus pa'i rtse 'am/ yid du 'ong ba'i gnas sam/ bsnyen pa'i dus ni yar ngo'i tshes gcig gam/ gnyis sam/ brgyad kyi bar du'o// bsgrub pa'i dus ni tshes bcu
98a2 bdun nas/bco lnga'i bar du'o// las sbyor gyi dus ni bcu drug nas/ nyi shu gnyis kyi bar ro// ma grub na spogs pa ni nyi shu gsum nas/ dgu'i bar du'o// sbyin sreg dang mnan pa ni/ nyi shu dgu'i gnam stong
98a3 la shis so// mgon po rdo rje bdud 'dul gyi rgyud las/ bsnyen bsgrub las sbyor ma grub spogs cho ga mnan bsreg gi le'u ste drug pa'o//// de nas rdo rje 'chang chen gyis// rten gyis gang zag mtshan nyid
98a4 bstan// zhe sdang che la sgom sran che// blo brtan skyo ngal med pa dang// sems la brnab cing las sbyor mkhas// mgon po rdo rje bdud 'dul gyi rgyud las/ bsgrub pa'i rten gyi gang zag mtshan nyid bstan pa'i le'u
98a5 ste bdun pa'o//// de nas yang rdo rje 'chang chen gyis// sngags kyi dbye ba bshad kyis nyon// oM badzra rat+na tsit+ta ra ga ru ge hUM phaT/ oM badzra rat+na tsit+ta ra ga ra ti bdud t-ing skyol skyol ting ting dza dza/ oM badzra
98a6 rat+na ban d+ha bdud ma ting skyol ting dza dza/badzra ma la yak+Sha ma ka tri skyol dza dza/ badzra dz+nyA na nA ga rA dza ha ha rbad/ sa ma ya dza dza ya kra tsa kra dun dun dza dza/ oM badzra rat+na tsit+ta ra ga ra ti swA hA/ oM badzra rat+na tsit+ta ra ga ru
98b1 ge hUM/oM badzra rat+na tsit+ta ra ga ra ti che ge mo tsit+ta shaM long/ snying la b+h+yo/ oM rat+na tsit+ta che ge'i badzra snying mgo chod/ kha la mu lo ta khri dgra la rbad/ spu na pra ti rbad/ mugs rbad/ ma la ga shi lce la rbad/ ba ri kha ri ya
98b2 rbad/oM rat+na tsit+ta ra ga ra ti che ge mo dza dza/ staM b+ha ya staM b+ha ya hUM phaT/ mgon po rdo rje bdud 'dul gyi rgyud las/ sngags kyi le'u ste brgyad pa'o//// de nas yang rdo rje 'chang chen gyis// khyod kyi sku'i rten
98b3 dang dam rdzas bstan// rgya chen sa yi dkyil 'khor ni// rgya dang khyon du mda' gru bzhi// dbus su e dbyibs gru gsum pa// zla gam thod 'phreng me ri dang// gru chad lha rnams bcas pa'o// sna tshogs mdzes pa'i
98b4 gzhal yas khang// bla re gdugs dang ba dan dang// 'phan dang seng ldeng seng ger bcas// dpa' bo grir shi'i ro ras la// rin chen sna lngas bris pa'i sku// khyi nag snying gi thugs dam bskangs// skyes pa grir
98b5 shi'i sha khrag dang// g.yag la sogs pa'i sha khrag la// gtor ma'i rgyu ni bya bar shis// khyad par bdud rtsi rnam lngas mchod// phyi yi mchod pa 'di lta ste// gsang phyi rin chen 'bar ba la// zhun mar bu ram
98b6 bsres pas byug/zhun mar phrom dang zho 'o ma// thud dang 'khur ba sna tshogs dang// sha sna rnam pa sna tshogs dang// bu raM ka ra sbrang rtsi dang// zhal zas sna tshogs pa yis mchod// gser g.yu zangs lcags la
99a1 sogs pa// sna tshogs pa yi rdzas kyis mchod// rta dang glang po la sogs pa// sna tshogs pa yi mchod pa bya// dar dang za 'og la sogs pa// bar snang khebs pa'i dar gyis mchod// rdza rnga gling bu pi
99a2 wang dang// dung la sogs pa sgra yis mchod// sna tshogs spyan gzigs rta gtor rgyun gtor dang// dus kyi mchod pa mi gcad dbul// mgon po rdo rje bdud 'dul gyi rgyud las/ mchod pa'i le'u ste dgu
99a3 pa'o//// de nas rdo rje 'chang chen gyis// bsnyen bsgrub las sbyor dus gsum du// ling ga dang ni 'khor lo bstan// spra tshil ling ga sor bzhi'i tshad// de yi snying khar bsgrub bya'i gzugs// rtsang ris
99a4 bcas te bri bar bya// dri ma med dar le brgan la// tsakra rtsibs drug mu khyud bcas// dbus su dgra yi ming rus bris// de yi phyi rim mu khyud la// gnyen po lha yi sngags kyang bri// phyi rim 'khor lo rtsibs drug
99a5 la// mgon po'i srog sngags bri bar bya// 'khor lo'i rtsibs la ming rus bris// de yi phyi rim mu khyud la// rdo rje ra ba me ris bskor// dri ma ma song dar nang gril// tshon sna lnga yis bcings bsdams la// mchu
99a6 gsum snying 'phrig med pa'i thod nang du// rang 'og e dbyibs gru gsum nang du bcug/ de rjes pang la gnas par bya// de nas pad+ma'i mchan khung gdags// de nas rdo rje 'chang chen gyis// bka' nyan gsung
99b1 stod byed pa dang// dam la mi 'gal ci bgyi nyan// mgon po rdo rje bdud 'dul gyi rgyud las/ log gnon rten gyi 'khor lo'i le'u ste bcu pa'o//// de nas rdo rje 'chang chen gyis// gnyen po gong du
99b2 bsgom par bya'o// las mkhan rdo rje bdud 'dul ni// sku mdog mthing nag 'bar ba la// ral pa kham nag gyen du khyil// sma ra ser po gyen du 'greng// ag tshom nag po thur la 'phyang// spyan gsum dmar
99b3 ba/smin ma glog ltar 'khyug pa// mtha' ber nag po sku la gsol/ thod skam lngas dbu brgyan pa/ thod rlon lnga bcus do shal byas pa/ rin po che'i dbu rgyan dang rna rgyan byas pa/ ska rags su bcings pa/ phyag
99b4 g.yas na kha T+wAM kha gsum la dpal dar nag po 'phyar thabs su bsnams pa/g.yon gyi dung dmar nang na dam nyams bsgral ba'i snying khrag gis bkang nas gsol ba/ de'i yum gnod sbyin dug mo ni sku mdog
99b5 mthing nag la/phyag g.yas dug gi rkyal pa kha phye nas dkon mchog gsum gyi sku dgra rdul du rlog pa/ g.yon na zhal zas kyi bye brag sna tshogs pa dang yid bzhin gyi nor bu rin po che bsnams nas bsgrub pa po la
99b6 dgos 'dod re ba yid bzhin du skong ba'o// g.yas su gnod sbyin rnon po sku mdog nag po zhal gcig phyag bzhi/ phyag g.yas dgra sta/ de 'og ral gri/ g.yon dang po nad rkyal/ de 'og rdo rje bcu zhags/
100a1 g.yon phyogs na gnod sbyin nyi ma mig dmar ser zhal gcig phyag bzhi/ g.yas dang po dar nag g.yob pa/ de 'og khrag rkyal lo// g.yon dang po rdo rje zhags pa/ de 'og mdung dmar bsnams pa/
100a2 de'i rgyab na gnod sbyin kun gyi 'jigs byed sku mdog nag po zhal gcig phyag gnyis pa/ g.yas gri gug/ g.yon ba dan nag po 'phyar ba'o// thams cad la thod pa skam pos brgyan pa/ rin po che sna tshogs
100a3 kyis brgyan pa'o// de'i 'khor ni gnod sbyin stong sdes bskor ba'o// de rnams ni shin tu 'jigs shing bzhin mi sdug pa// kha dog phyag mtshan 'di 'dra ma nges te sna tshogs su snang ba'o// de'i yang
100a4 sprul gsum sprul sna tshogs pas dkon mchog gi 'khor rnam bzhi la gnod pa'i bstan pa bshig pa de la gsod pa dang/'ching ba dang/ brdeg pa dang/ 'ded pa dang/ mtshon cha sna tshogs kyis gsod cing
100a5 brdeg pa dang/bsreg cing 'tshod ba dang/ sha za ba dang/ khrag 'thung ba dang/ sha za zhing snying bton nas bsgrub pa po la ster ba dang/ de dag 'dra ba'i bran dang/ g.yog dang/ yang g.yog dang/ yang bran la sogs bsam gyi
100a6 mi khyab pas bka' nyan cing/gsung bstod pa gsal bar bsgom/ mgon po rdo rje bdud 'dul gyi rgyud las/ ting nge 'dzin gyi le'u ste bcu gcig pa'o//// de nas yang rdo rje 'chang chen gyis/ pad+ma
100b1 dbang gi phyag rgya yis/mgon po dgug pa'i phyag rgya ni/ lcags kyus dgug cing zil gyis mnan pa'i phyag rgya pad+ma dbang gi man ngag mthe bong gnyis gzhibs/ sor mo phral la brkyang/ byin brlabs dbang
100b2 bskur 'brel ba'i phyag rgya yin/lag g.yon rdo rje khu tshur bcings pa la/ mtheb mdzub bzhi po lcags sgrog lta bur sbrel/ gtor ma byin la dbang du 'dus par byas la/ gnyis su med par lta ba'o// mgon po
100b3 rdo rje bdud 'dul gyi rgyud las/dgug pa dang dbang du bya ba'i le'u ste bcu gnyis pa'o//// de nas yang rdo rje 'chang chen gyis/ rtags dang mtshan ma dngos nyams rmi lam gsum du ldan pa ni/ rtags su
100b4 'od dmar nag gam/dar 'phyar ba 'am/ rang gi slob dpon du 'ong na/ mgon po rdo rje bdud 'dul lo// bud med khrag rkyal thogs pa ni/ yum kun dug ma'o// a tsa rA ni/ rnon po'o// seng ge brtsad po blon
100b5 po nyi ma mig/mi reng dang ban bon du 'ong ba de/ kun gyi 'jigs byed do// dmag mang po dang/ lung ba dar gyis khengs pa dang/ me chen po 'bar ba rmi ba ni/ dpon g.yog yo grub pa'i rtags so// sprang po
100b6 mdze po chu dang ni// rta dang bong bu khyi dang ni// nag mo'i lus la chags spyod pa// me dang btsun pa snying mi dga'// ngan pa'i rtags rnams yin par gsungs// btsas ma brnga dang rmos byed pa// sha khyim 'ded dang
101a1 sha za ba// srog gcod snying za khrag 'thung dang// gzhan gyis bsad pa rmi ba dus thebs so// mgon po rdo rje bdud 'dul gyi rgyud las/ rtags dang mtshan ma'i le'u ste bcu gsum
101a2 pa'o//// de nas yang rdo rje 'chang chen gyis/ gnod sbyin gyis rgyud drag sngags bdun pa bstan pa ni/ gong 'dras ma thub las 'gyangs nas// ma grub spogs chog bya ba ni// dkyil 'khor gong dang 'dra
101a3 ba las// gru gsum sum brtsegs khrag gis byug/ zla gam gsum la ba dan 'phyar// gur dbub pa ni dkyil 'khor ro// ling ga bca' ba'i rgyu ni/ chu pha ga tshu ga'i sa dang/ dri chen dri chu gos dum dang/ srub
101a4 ma'i lo ma dang/gangs kyi dum bu dang/ grog mkhar gyi sa dang/ bdun brtsegs la/ bag phye la gzugs bya'o// gro ga 'am shing shun la gzugs bya'o// de yang rid cing skem par bri/ gsad pa'i thun rdzas
101a5 ni// a bi sha la sogs pa'i dug sna tshogs dang/ gser gyi rtun bu dang/ lcags kyi rtun bu dang/ ske tshe shang tshe dang/ rims kyi khrag dang/ re'u nag po'i khrag dang/ gri khrag dang/ khyi dang phag pa'i khrag dang/
101a6 tsaN+Da li mi'i mi khrag dang/ de rnams bsres la drag sngags bdun pa'i sngags bgrang zhing sngags bzlas pa ni/ badzra khrag thur thur thuM khri shag thuM rbad/ pra ma tsit+ta shag thuM rbad/ dum pa ri ma thuM rbad/ tsan ti tsan ti me
101b1 sa ri rbad/pra ma dur ma sa dur rbad/ ma hA thuM ril tsit+ta shag rbad/ tsit+ta ma dur ha la ha du sa ri b+h+yo b+h+yo rbad/ gsang ba thun nag drag sngags las sbyor ro// mgon po rdo rje bdud 'dul gyi rgyud las/ drag sngags
101b2 bdun pa ma grub spogs chog bya ba'i le'u ste bcu bzhi pa'o//// de nas rdo rje 'chang chen gyis// las 'jug sbyin sreg rim pa bstan// gong gi e dbyibs nang du ni// gtum pa'i ro bsregs mgal
101b3 dum dang// me reg ma la me blangs te// zhing gi pags pas rlung yab bya// shin tu drag par me spar la// der ni sbyin sreg rim bzhin sbyar// mA ra ya yi ling ga dang/ khyi nag snying dang sha dang khrag/ bya rog snying
101b4 dang sha khrag bcas// lug nag snying dang sha dang khrag/ gzhan yang sha chen sha sna tshogs// khrag sna rnam pa sna tshogs dang// phye ma gsum dang yungs dkar yungs nag mu zi dang// lcags phye ske tshe shangs tshe
101b5 dang// de rnams thun du brab pa'i sbyin sreg bya// mgon po rdo rje bdud 'dul gyi rgyud las/ las 'jug sbyin sreg gi le'u ste bco lnga pa'o//// de nas rdo rje 'chang chen gyis// mnan pa'i rim pa bstan pa
101b6 ni// gos dum gcin rtug rkang rjes dang// bdun brtsegs dang bag phye dang// mA ra ya yi ling ka bya// snying khar ming rus gzhug byas la// sbyin sreg rim bzhin sbyar ba yi// khyu ba nag po'i thod par
102a1 gzhug/thod pa thag pa nag pos bsdam// dur khrod gnas sam yi dags thams cad du// yang na ro khung rnying pa 'am// lha khang rnying pa'i them 'og mnan// sa klu gnas pa'i sa ru mnan// mgon
102a2 po rdo rje bdud 'dul gyi rgyud las/las gzhug mnan pas bsdu ba'i le'u ste bcu drug pa'o//// de nas rdo rje 'chang chen gyis/ ma hA kA la badzra la bstod pa ni// mgon po rdo rje bdud 'dul
102a3 gyi/thugs rje thabs kyis bdud btul ba// gzhon nu dpa' bo khros pa'i sku// khro bo'i rgyal po khyod la bstod// mgon po g.yul las rnam rgyal te// phyag na kha T+wAM thod khrag bsnams// mgon po rdo rje 'jigs
102a4 byed khyod la bstod// mgon po rgyal po khyod ni pha rol 'dul la mkhas// spyan dmar gsum bgrad mche ba gtsigs// hUM dang phaT kyi sgra sgrogs pa// ma rungs 'joms byed khyod la bstod// phyag na mtshon cha sna
102a5 tshogs bsnams// sbrul dang thod pa'i 'breng bas brgyan// sku la tha ber nag po gsol// mgon po rdo rje bdud 'dul khyod la phyag 'tshal bstod// mgon po khyod ni 'khor yang gnod sbyin stong sdes
102a6 bskor// sku mdog nag po bskal pa'i me ltar 'bar// rngam pa'i stobs kyis bgegs rnams 'dul mdzad pa// mgon po bgegs 'dul khyod la phyag 'tshal bstod// bgegs dang log 'dren 'dul mdzad
102b1 pa// phyi rol bdud chen 'dul ba'i sku// nang gi dgongs pa 'jam la zhi// zhi khro khyod la phyag 'tshal bstod// rig pa 'dzin pa rnams kyis khro chen khyod 'phags pas// mthu rtsal mi nyams mnga' bas na// srid
102b2 pa gsum po mthar phyin pas// bdud 'dul 'jigs byed khyod la bstod// ces bcom ldan 'das kyis bdud btul ba'i dus der bstod pa'o// mgon po rdo rje bdud 'dul gyi rgyud las/ bstod pa'i le'u ste
102b3 bcu bdun pa'o//// de nas yang rdo rje 'chang chen gyis 'di skad ces bka' stsal to// kye/ nga yi 'khor du gtogs pa yi// mgon po rdo rje bdud 'dul dang// gnod sbyin pho yi tshogs rnams
102b4 dang// gnod sbyin mo yi tshogs rnams dang// de dag la sogs 'khor rnams la// drag sngags bdun pa'i rgyud bshad zin gyis// khyod la gtad do zung zhig/ rgyud 'di ni thun mong ma yin pa'i rang bzhin te/
102b5 'di lta bu'i rgyud 'di shin tu yang rnyed par dka' 'o zhes bka' stsal to// rdo rje bdud 'dul gyi 'khor gnod sbyin pho dang// gnod sbyin mo dang/ gnod sbyin mang po la sogs pa rnams/ bcom ldan 'das la
102b6 mngon par dga' 'o// de nas de dag thams cad dga' zhing mgu bar gyur te/ bcom ldan 'das la mchod pa sna tshogs pas/ gsang bdag rdo rje 'chang gyis mchod de/ 'khor de dag bcom ldan 'das la rjes
103a1 su yi rang nas mi snang bar gyur to// mgon po rdo rje bdud 'dul gyi rgyud las/ rjes su yi rang ba'i le'u ste bco brgyad pa'o//// mgon po rdo rje bdud 'dul gyi rgyud drag sngags bdun
103a2 pa'i rgyud ces bya ba rdzogs so//// rdo rje gdan gyi mchod rten nag po'i bsrungs mar bskos pa'o// DA ki ma rnams la phyag na rdo rjes bka' bsgo gnyer gtad nas phyag rgyas btab nas gtad de/ phyi
103a3 rabs las 'phro can dang phrad par shog/ces smon lam btab bo// slob dpon pad+mas rdo rje gdan gyi mchod rten gyi nang nas phyung nas phyi rabs kyi bstan pa bsrung ba'i don du bsam yas dbu rtse'i kwa khol du
103a4 sbas pa/bsam yas rgya gar gling chung nas grwa pa bdag gi gter gyi kha byang rnyed/ dbu rtse bar khang ka khol nas rgyud dang sgrub thabs bcas pa rnyed/ phyi rabs kun la phan phyir spel ba yin// nga rang gis nyams
103a5 su long ba'i chos so// kun la med pa'i khyad chos a+thi+-i/ sa ma yA////
103a6 rgya gar skad du/


CLOSE WINDOW