91b1 /// rgya gar skad du/ bi ha ra du ma he tan tra bod skad du/ gnod sbyin zha 'on bdud 'dul gyi rgyud/ gnod sbyin gyi sde dpon rdo rje 'dzin la phyag 'tshal lo// 'di skad bdag gis thos pa'i dus gcig
91b2 na// ri rab lhun po'i byang phyogs na// gnya' shing 'dzin gyi tshur 'gram na// rin chen dbyibs legs gzhal yas khang// mdzes pa'i lan phran brgyan pa na// zhar bon chen po sku mdog gnag/ dar nag ber
91b3 chen dbu skra mdzes// spyan dmar zhabs bgrad kha T+waM g.yas// thod pa rim khrag bkang pa g.yon// rin chen sna bdun rgyan dang ldan// gnod sbyin dug mo yum nye mdun// sku mdog yab 'dra dug rkyal
91b4 g.yas// dgos sbyin nor bu rin chen g.yon// g.yas su gnod sbyin rnon po gnag/ g.yas gnyis dgra sta ral gri g.yas// g.yon gnyis khrag rkyal bcu zhags g.yon// nyi ma 'bum gyi gzi brjid
91b5 g.yon// g.yas gnyis gri gug zhags pa thogs// g.yon gnyis khrag gi char pa 'bebs// rgyab tu kun gyi 'jigs byed ni// dmar ser dar nag dgra sta g.yas// g.yon gnyis zhags pa khrag nad
91b6 'bebs// rin chen kun brgyan nor gyi lha// drag shul che zhing mi bsrun pa// sngon gyi gnod sbyin gtsug phud lnga// de tshe spyan ras gzigs dbang gis// phyag rgya rtse sprad thugs khar gdams// dam shing lha nag
92a1 phur pa byas// dam rdo pha wang long bu bzung// dam chu bdud rtsi skyems phud gsal// sa bcu'i byang sems mnga' yang gsol// oM pad+ma ta ri hUM/ hUM rat+na tsit+ta ra ga ra ti hUM phaT/ dam tshig 'khul
92a2 pas sa ma non// da yang 'jig rten spyo rlab byed// de tshe de yi dus na yang// mthu stobs bdag po phyag rdor gyis// gong gi dam rtsal lha ngos bstan// drag po mngon du byon nas ni// kye ma mthu stobs bdag po
92a3 bka' cig stsol// 'jig rten khams na bde rgyas na// rin chen nor la mnga' yang gsol// dkon mchog gsum gyis bstan bsrung na// dbang bskur gsang mtshan ngas btags la// bstan bsrung rje bor
92a4 mnga' gsol gyis// rang rgyud thul la rang rgyud shog/ kye/ gsang ba'i bdag po rdzogs pa'i sku// bdag dang yul 'khor srog snying 'bul// bdag ni 'jig rten srid gsum lags// dbang bskur chos skyong
92a5 dbang zhig stsol// de nas gsang ba'i bdag po yis// dbang bskur lag tu rdo rje gtad// zha 'on rdo rje drag por btags// de nas rdo rje drag po yis// gus par btud nas rang rgyud bshad// gleng bzhi'i le'u
92a6 ste dang pa'o//// kye ma gsang bdag rdo rje 'dzin// rang sems srog snying dbang du 'dzugs// pa ra d+hi ts+ya na ra kan/ rgya rgya rgya/ oM rat+na tsit+ta ra ga ra ti hUM phaT swA hA/ oM badzra b+ha na d+ha bdud ma ting skyol ting
92b1 tir dza dzA/oM badzra ma la yak+Sha a ka ti skyol dza dzA/ oM badzra ma hA dz+nyA na ga ra tsa ha ha rbad sa ma ya dza dzA/ oM badzra snying chod badzra yak+Sha tsakra dun dun dza dzA/ dga' ba'i mdangs phyung srog snying phul// srog snying gi le'u ste
92b2 gnyis pa'o//// kye ma gsang ba'i bdag po lags// pha cho ma 'brang mang brjod de// rang rgyud mu tra gong du bshad// rang sod nyams len ma yin pa// dam tshig nyams su gang len la// dkor 'phel
92b3 bstan pa bsrung bar bya// las rnams sde dpon spyan sngar 'chad// bsnyen bsgrub gsad pa rnam gsum las// bsnyen pa'i rdzas dang dkyil 'khor bstan// dkyil 'khor 'dom gang gru bzhi'i dbus// zlum po
92b4 sor bzhi mtho bar btod// sgom bzhi mu khyud ldan par bri// grwa bzhir ba dan sgo bzhir 'phan// gsang phyir zhun mar byug pa lnga// rta gtor chang phud lnga lngas bskon// zhal rnams bris te bkod par bya// srog
92b5 snying dril te zhag bdun bzlas// mon nag chos ston 'khor bzang ston// bsnyen pa'i le'u ste gsum pa'o//// kye ma gsang ba'i bdag po lags// bsgrub pa'i rdzas dang maN+Dal 'bul// gru gsum zla
92b6 kham mu khyud ldan// phyag mtshan ma nor 'dod par bri// ba dan 'phan dang sku gzugs dgram// mchog phur lnga la cod pan gdags// mnga' gsol rang rang gnas su gzugs// thun rdzas rnam gsum rim pas
93a1 bdun// rtag gtor gdams la bsgrub sngags bzlas// oM ni sha rat+na tsit+ta ra ga ra ti// ma ting skyol yak+Sha ka ti pa dra ma hA sa ma ya ha ha// rak+Sha che ge mo mA ra ya hUM phaT/ so dgu sgrub sngags zhag
93a2 bdun bzlas// rang gi chos skyong dmag dpon 'gyed// 'phan 'phyar zangs dung 'bud pa ston/ bsgrub pa'i le'u ste bzhi pa'o//// kye/ gsang ba'i bdag po las 'di 'bul// maN+Dal drag po e zur
93a3 bzhi// mu khyud sgo rnams rab tu ldan// i bzhi drag po ling ga bzhi// mchog phur gzhi ni rang gi g.yon// thun rdzas gsum ni rang gi g.yas// sku gzugs 'phan ni bsdom pa gdab// gsang sngags zhag bdun
93a4 phur thun gdab// oM ni sha rat+na tsit+ta ra ga ra tsit+ta ra ga ra ti tsakra rbad/ yak+Sha ka tri bi sha tsa thun rbad/ badzra ma hA sa ma ya ha ha sraM sraM tsakra thun rbad/ rak+Sha tsakra rak+ta tsakra thun rbad/ che ge mo mA ra ya tsakra thun rbad/ oM
93a5 rat+na tsit+ta che ge mo badzra snying mgo chod// kha la mu long chod/ kraM gyi trang la rbad/ pu na pu ti rbad/ mugs rbad/ ma la kha shi tse la rbad/ ba ra khra ri yab rbad/ drug cu rtsa bzhi thun brabs bas// ri dwags bsad dang sha
93a6 khal bkal// ri mtho khar 'dzegs tho les 'debs// thams cad mes tshig thal bar bun// thun dbab phur gdab ril gyi dril/ bsad pa'i las kyi le'u ste lnga pa'o//// e ma zhag gcig sbyin sreg
93b1 las// dbus su gdug shing hoM btsugs la// btab pa'i tho ras sbyin sreg bya// bdag gi 'khor rnams me lhar bsams// srog snying dag dang sgrags te dbul// ag ne raM raM dz+wa la dz+wa la raM raM swA hA/ bzhi bcu
93b2 don ldan bsreg sngags 'di// 'jig rten kun tshig na ra skan/ sbyin sreg le'u ste drug pa'o//// kye ma gsang ba'i bdag po gson// ma nyes dkon mchog dgra dar na// bdun gyis gsad pa'i las sngags
93b3 'di// bcu gnyis bzlas pas mngon du 'byung// drug cu rtsa gnyis gsad pa ste// gsang bar 'os pa'i man ngag 'di// rin chen rgyas btab gter du sbas/ gab pa'i le'u ste bdun pa'o//// kye ma rdo rje sde
93b4 dpon 'chang// ha hi las kyi kha tshar 'bul// stor rlag cho 'phrul btang 'dod na// zhag bdun sgrub pa gzhung srangs la// maN+Dal 'khor lo rtsibs bzhi la// mon pa spra spre stag seng dom// sha sna spu sna bag phye
93b5 gzugs// ga 'ur bkod pa 'phan gdugs gdab// zhag bdun 'di bzlas mngon du ston// oM rat+na tsit+ta ra ga ra ti dza dzA/ trag rak+Sha snying kha rag dza dun/ snying kha rag ma ma badzra dun dun/ drik+Sha hi ma ma b+h+yo hring sa
93b6 ti/snying kha rag tsa dun sha pa mi hri sha shul l+yeM// stod tshig la ni gtor chung gtad// zhi bdun rtsa sngags khri bzlas nas// 'gul dag 'phrig dang dngos su 'byung// hUM rat+na tsit+ta ra ga ra ti/ shuSh+ta Sh+ta l+yal+yeM sa tri g+ha yo
94a1 mu tri da b+haM ya pa ti pa b+ha ha h+ti/dza hi du tra pra sha du lu ma g+ha ti dza ho trig sha ma ya ga ti l+yiM// zhi drug zhi bzlas dngos su 'byung// zha 'on rdo rje drag po rtsal// pa ra pi ra mon du spyos// yum chen gnod
94a2 sbyin dug mo ni// spra yis spre khur cho 'phrul ston// gnod sbyin rnon po stag la rngoms// nyi ma gzi brjid seng ltar mchongs// kun gyi 'jigs byed dom ltar rngam// dam nyams dgra la cho 'phrul thong// Sha ha sma sh+ya
94a3 h+yi ni ra ya g+ha g+ha pra sha l+ye ma pa du se sha ha pra ti/cho 'phrul gyi le'u ste brgyad pa'o//// kye ma gsang bdag rdo rje 'dzin// ma rdugs thogs med rdo rje'i sku// thugs rjes kun khyab nyi ma'i zhal// yon
94a4 tan kun 'byung rin chen gsung// mthu stobs thogs med drag po'i thugs// nyon mongs kun skyob nam mkha'i ngogs// thugs rje'i gtso la phyag 'tshal bstod// gsang ba'i bdag po las kha tshar bdun po
94a5 yang// 'theb lis rgyas btab klong du sbas// gsang rgyud le'u ste brgyad phyag tu phul// slob dpon pad+ma 'byung gnas kyis// rnam par snang mdzad dbu la bltam// smon lam btab nas gter du sbas// las
94a6 'phro ldan pas mngon shes shar// stag gi lo la gter nas phyung// gsang rgyud le'u brgyad pa rdzogs so//// gsang ba'i kha tshar bdun po yang// 'theb li rgyas btab klong sbas pa// dang la gnyen po
94b1 stobs kyi le// dra la dri phyi ma lags pa// gsang bdag sku ru rab bsgom la// ting 'dzin rnam gsum rab gsal bas// de bzhin kun tu snang gyur badzra hUM// zhal gcig phyag gnyis 'gying bag mthing// rdo rje
94b2 sdigs mdzub spyan bzlog gtsigs// sprul chen rigs lngas brgyan par bsgom// dam tshig sngags ni khri yis gzir// oM tsaN+Da ma hA ro Sha Na hUM phaT/ ni sha rat+na tsit+ta ra ga ra ti ma ting yak+Sha hri ma ra hri// khri bzlas
94b3 gsang sngags bdag por 'gyur// mchod pa rnam lnga dus dus dbul// rtsa dgugs bsnyen pa 'dzud pa ste// gnod sbyin bran du bkol ba'o// gsang ba'i bdag por bdag bsgom pas// shi sa bdud rtsi dam chu
94b4 blud// oM bag sh+na ni ho ya bag sha tsit+ta rat+na ra ga ra ti e ma ti yak+Sha pa ra du du ra ma ra/ rtsa dgus dam gsal las la 'dzud// bdag la bdag mchod gtor ma dbul// oM tsaN+Da ma hA ro Sha Na puSh+pe ni nu mi ti i
94b5 dam du bar ba laM kha kha khA hi/rtsa drug gtor dbul che ba bskyed// gnyen po stobs kyi lha 'di rab bsgrubs na// sha khyi bdag pos sbod pa 'dra/ gnyen po'i le'u ste dgu pa'o//// kye ma gsang ba'i bdag po
94b6 ngas// rang rgyud dbang 'di nges par bshad/ rat+na 'phreng ba cod pan dar// tshe gzungs dbang rtags rdzas bshams la// bsnyen pa'i bsgrub pa zhag gsum bya// dam 'jug sgo dbye kun mthun pas// bdag la
95a1 bdag gis dbang bskur phyir// rang gi dam tshig sngags stong bzlas// oM tsaN+Da ma hA ro Sha na/ ya ba ba ga ro haM pi rat+na tsit+ta ho/ a mr-i te hri bag+sha a/ rtsa bdun stong bzlas rang dbang bskur// dbang
95a2 sngags rtsa bdun khri bzlas na// dpa' bo grub zhib bcas pa 'dra/ dbang gi le'u ste bcu pa'o//// de phyir gsang ba'i bdag po la// bdag dang gzhan gyi tshe sgrub bstan// de la lha srin sde brgyad
95a3 mchod// 'bru sna bcu gcig bre gang nas// mthing nag dar gyi nang du gtums// tshe rten rat+na rnam lnga ni// srad bu gsum bsgril dag la brgyus// sna cig dar phud nang du gzhug/ sna cig bdag gam phur pa
95a4 la// mchod pa dbul zhing tshe sngags bzlas// oM ma hA ra ha ra te bruM bruM rat+na tsit+ta bruM ne mu ne me do// yak+Sha A yu a a/ rtsa lnga 'chi med tshe sngags 'di// khri bzlas shi med rtog bral 'dra// sras dbu gsum la tshe nas
95a5 bstim// dam tshig ma nyams tshe sgrub mchog/ tshe'i le'u ste bcu gcig pa'o//// da ni gsang ba'i bdag po ngas// chung ngu gso ba'i rim pa bstan// ma la khrus dang gtsang sbra bya// smyug ma gsang ma tshigs
95a6 lnga la// dar sna lnga dang rin chen gdags// dkar gsum mngar gsum zhal nas mchod// lhag ma ma dang bu la sbyin// oM rat+na tsit+ta ra ga ra ti ma ting skyol// yak+Sha ka ti bi bi ha hUM si d+ha ha hUM si ha ti/ dus su
95b1 mchod cing gnyer gtad na// yid bzhin nor bu rnyed pa 'dra// 'gab 'phel le'u ste bcu gnyis pa'o//// gsang ba'i bdag po rin chen gter// dbul 'phongs bsal phyir nor sgrub bstan// bsgrub
95b2 pa'i dkyil 'khor gzhung bsangs la// ljon dmar glang gi khog stong du// seng ge dkar mo'i 'o ma btsal// rin chen 'bru sna dkar dngar sman// bsgrubs la ra ba'i dkyil du sba// hUM badzra rat+na tsit+ta ra ga ra ti ma
95b3 ting yak+Sha rat+na bruM ni na bruM rat+na bruM hriM hUM hUM/rtsa drug nor sgrub rin chen gter// 'bum bzlas nor bu rin chen gter// 'dod dgu yid bzhin 'grub par byed/ nor sgrub le'u ste bcu gsum pa'o//// gsang
95b4 ba'i rgyas btab gter du sbas// gsang ba'i bdag po de ni ngas// de ltar rdzogs nas snying nad bstan// bsnyen sgrub rnam gsum rdzogs byas la// bse phor dug sna bcu gsum dang// med du mi rung lang tang
95b5 rtse// khyi phag snying dang rab chad rus// nyungs kar khrag bsres thun du brab// 'jag ma'i ling ga sor bzhi la// ming byang blangs la thod par gsal// rgya khraM lha khang them 'og gsal// oM rat+na tsit+ta kha ra b+he ba sha
95b6 du staM mu sha ra ya/ga ra na ha ra ha ra/ ts+tshin d+ha ts+tshin d+ha/ thu pa thu pa phaT swA hA// so lnga gnam khyer smyo 'bog sngags// 'bum bzlas sho mangs rlung khyer 'dra/ smyo 'bog gi le'u ste bcu bzhi pa'o//// gsang
96a1 ba'i bdag po da ni ngas// da ni drag sngags chu 'khyags dbab// bdag nyid zhal gcig phyag bzhi pa// g.yas gnyis lcags kyu dug gi kha// g.yon gnyis zhags pa ber kha bsnams// bdag
96a2 bsgom gang rung lha 'dre gzir// zhabs ma rgya tshil khyi ra khrag/ sngo sna skya rings thabs sprad la// yul lha'i ming yang gam du gzhug/ rdo rje bdud 'dul gzir sngags bzlas// oM rat+na tsit+ta zhu lnga th+ya pa zla tshang
96a3 tshang thang a pra ha pra hUM zengs/oM hUM ba se ru she kan le mi lu tshe/ na she na le mi lu tse/ nya nan te gzir/ kha ma nya le nya ma kha nan gzir/ ba sha ke nan/ dza ha mu nan gzir/ dgra yul yin mi nyal kha na du gzir/
96a4 ku ma ra hi nan te gzir/ don gcig gnod sbyin gzir sngags 'di// gang yang rung ba'i lha 'dre gzir// rgya tshil ma thab sprad de thog ser de nyid du phab/ thog ser le'u ste bco lnga pa'o//// gsang ba'i
96a5 rgyas btab gter du sbas// las 'phro can dang 'phrad par shog/ rdo rje bdud 'dul bco lnga las/ gsang ba'i kha tshar bdun po rtse mo mi 'gyur ba'i rgyal mtshan rdzogs so///// so////
96a6 rgya gar skad du/


CLOSE WINDOW