79a3 rgya rgya rgya/ gter rgya/ sbas rgya/ gtad rgya/ a+thi+-i//// rgya gar skad du/ ma hA yak+Sha rA dza tsit+ta badzra ra ga ra ti ma hA gu h+ya tan tra nA ma/ bod skad du/
79a4 gnod sbyin gyi rgyal po rin chen sbyin rdo rje bdud 'dul gyi gsang ba'i rgyud chen po zhes bya ba// bcom ldan 'das rdo rje 'chang chen po la phyag 'tshal lo// 'di skad bdag gis thos pa'i dus gcig na/ bcom
79a5 ldan 'das shAkya thub pa lha'i yul lcang lo can gyi gnas phyag na rdo rje'i pho brang na bzhugs te/de'i tshe b+ha ga wan dang 'khor thams cad gdan 'dzom nas// lha ma srin sde brgyad kyis yongs su// bskor te phyag
79a6 'tshal nas// rang rang gi srog gi snying po phul nas rgyud mang po bshad pa'i tshe/ 'khor de'i nang nas gnod sbyin gyi gzugs la bdud dang gshin rje'i cha byad can shin tu gdug pa'i tshogs rnams// gnod sbyin
79b1 stong phrag lnga brgya dang bcas pa thams cad kyang lag na gdug pa'i mtshon cha thogs pa srog gcod pa la dga' ba zhig gis// rang rtags srog gi snying po mdongs gsol du phul nas/ shin tu dal chags shing
79b2 brdal ba'i skad kyis 'di skad ces gsol to// kha nas gsod pa'i sngags zlos shing// e ma ho/ gnod sbyin chen po brgyad la sogs// nga yi 'khor du gtogs pa yi// gnod sbyin chen po ha ra stong phrag lnga brgya
79b3 rnams// b+ha ga wan gyi bka' nyan te// lha rnams dar ni za ba rnams// b+ha ga wan gyis bka' stsol mdzod// b+ha ga wan gyis bka' stsal pa// nyon cig gdug pa'i gnod sbyin tshogs// las ngan byed na dmyal
79b4 bar skye// dam tshig nyams na dmyal bar skye// bde gshegs gzhung bzhin bsgrub pa la// srung ba'i las rnams grub par gyis// dkon mchog smod pa'i rgyal po dang// dam sri byed pa'i ban d+he dang// sku la bsdo
79b5 ba'i skye bo dang// mtshams med dug can bud med dang// gnod sbyin khyod kyis za bar gyis// zhes gsungs so// gnod sbyin gyis gsol ba/ chos byed thams cad bsrung ba dang// bla ma mgon rnams bsrung ba
79b6 dang// bud+d+ha bstan pa gnyan po la// gnod byed thams cad bzlog par gyi// b+ha ga wan gyis bka' stsal pa// khyod kyi de ltar byas gyur nas// bud+d+ha sarba mnyes par byed// nga yi thugs kyang mnyes par byed// de
80a1 ci'i phyir zhe na/nga yis bstan pa'i chos 'di dag/ bud+d+ha sarba'i yum mo// de'i phyir bstan pa bsrung ba ni// bud+d+ha sarba'i thugs bsrung ba yin// zhes gsungs so// de nas 'phags pa kun dga'
80a2 bos 'di skad ces gsol to// b+ha ga wan/ shin tu gdug pa'i gnod sbyin tshogs// skye ba sngon rol gang du blangs// las su bya ba gang la spyod// b+ha ga wan gyis bka' stsol cig/ b+ha ga wan gyis bka' stsal
80a3 pa// rdo rje bdud 'dul gsang rgyud 'di// sngags kyi bdag po de la dris// de yis khyod la legs par 'chad// ces gsungs pa dang/ kun dga' bos dri bar sems pa dang/ phyag na rdo rjes kun dga' bo'i
80a4 sems kyis rtog pa thugs kyis mkhyen nas/kun dga' bo la glang po che'i lta stangs kyis gzigs nas bka' stsal pa/ nyon cig Ar+ya kun dga' bo// shin tu gdug pa'i gnod sbyin tshogs// sngon chad lha yul
80a5 nang na 'dug/las su lha yi longs spyod spyod// ming ni rdo rje nor bu'o// zhes gsungs so// kun dga' bos gsol ba/ bcom ldan 'das/ rdo rje nor bu lha yi sku// gnod sbyin dag tu skyes pa yi// las kyi rnam
80a6 smin ci las byung// gsang ba'i bdag pos bka' stsol cig/ b+ha ga wan gyis bka' stsal pa// nyon cig Ar+ya kun dga' bo// yongs 'du sa brdol ljon shing la// lha dang lha min rtsod pa la// lha rnams 'pham
80b1 par gyur ba las// rdo rje nor bu lha yi bu// mar me mdzad ni bud+d+ha la// man d+ha ra ba me tog mngon gtor nas// spyan sngar smon lam 'di btab bo// bcom ldan bdud dang bdud rigs kyi// lha dang lha min
80b2 gnyen por shog/mar me mdzad ni bud+d+ha yis// mgo la phyag ni reg mdzad de// 'dod pa'i khams la dbang byed pas// rdo rje bdud 'dul zhes bya ba'i// gnod sbyin dag tu skye ba ni// der khyod skye bar the tshom
80b3 med// badzra pA Nis byin gyis rlob// chos dang mthun par bstan bsrung ngo// zhes mar me mdzad kyis lung bstan no// shin tu gdug pa'i las byed spyod// lag na rdo rje'i bu ru skye// lha yi dug lnga'i shugs las
80b4 byung// mar me mdzad kyi spyan snga ru// rgyal ba shAkya thub pa dang// smon lam dag par btab pa'i mthus// da lta shAkya thub pa yi// bstan pa bsrung ba brtson par byed// ces gsungs so// b+ha ga wan gyis legs
80b5 so zhes pa gnang ste/legs so legs so// lag na rdo rje de bzhin te// ji ltar khyod kyis bstan pa bzhin no// de nas Ar+ya kun dga' bos gsol pa// shin tu gdug pa'i gnod sbyin tshogs// 'dul ba'i
80b6 gnyen por bka' stsol cig/nyon cig Ar+ya kun dga' bos// shin tu gdug pa'i gnod sbyin tshogs// gnya' shing 'dzin la gnas bcas nas// steng 'og kun tu rgyug byed cing// sems can kun gyi srog kyang
81a1 gcod// dbugs ni rngub pa tsam gyis kyang// sems can mang po kha ru za// 'dod khams 'di dag phung bar byed// de tshe nga ni gtum por sprul// de dag 'dul bar byas pa la// gnod sbyin rnams
81a2 ni 'di lta ste// skra ni gyen song lce yang dril// mig rtsa rig rig rkan sgra brdeb// khyod nyid za bar bya'o zhes// de la ngas ni 'di skad brjod// nyon cig gdug pa'i gnod sbyin tshogs// du: kha ma hA bzod par
81a3 gyis// nga yi sku la me 'bar te// dus mtha'i me ltar rab tu 'bar// ri dang khyim yang 'bar bar byas// gnod sbyin rnams ni rab tu tshig/ gdung ba'i skad kyis 'di skad zer// e ma thugs rje chen po ma lags
81a4 sam// bde bar gshegs pas skyab tu gsol// kyi hud bdag cag rnams 'tshig cing brlag/ e ma thugs rje can chen te// zhi yang sems can 'dul don du/ dri ma med pas khro bor sprul// gdug pa 'dul
81a5 phyir khro bo'i skul// ston mdzad rdo rje 'chang la skyabs su mchi// bde gshegs ji ltar bka' stsal pa// de ltar bdag cag bgyid par 'tshal// 'dod khams 'di na gang 'khod pa// nga yi dbang du mi 'dus
81a6 med// bdag gi rig pa 'bul lags na// thugs rje chen pos bzhes su gsol// oM ma hA yak+Sha badzra tsit+ta ra ga ra ti// gsang sngags bka' rnams bskyang ba dang// bud+d+ha'i bstan pa bsrung ba dang// chos
81b1 byed thams cad bsrung ngo zhes// yi dam chen po der bcas so// dbang bskur ming btags dam tshig shes pa byin// rdo rje 'jigs byed bdud dpung 'joms// chos kyi bsrung ma chen por bskos// chos dang
81b2 mthun par bstan pa bsrungs// zhes gsungs so// rin chen sbyin gyi rgyud las/ gleng gzhi'i le'u ste dang po'o//// de nas Ar+ya kun dga' bos// b+ha ga wan la 'di skad gsol to// 'dod khams
81b3 dbang byed gnod sbyin ni// shin tu gdug cing mi bsrun na// de yi gnyen po gang la bgyi// gnyen po bsgrub pa bka' stsol cig/ b+ha ga wan gyis bka' stsal pa// nyon cig Ar+ya kun dga' bo// gnod sbyin sgrub
81b4 pa'i rnal 'byor pas// phyag na rdo rje bsgrub par bya// dang po dben pa'i gnas dag tu// stegs bu shin tu mdzes pa la// tsan dan bsregs pa'i dud pa dang// ma ki tsi dang bcas pa'o// bdud rtsi dang ni gtor
81b5 ma dang// byugs nas me tog nag po dgram// dam tshig bskyed la ye shes gzhug/ phyi nang gsang gsum dag gis mchod// kA ya bAk+ka tsit+ta'i rtags byung nas// de nas bsgrub la 'jug par bya// nor bu rin chen
81b6 sbyin gyi rgyud las/gnyen po bsgrub pa'i le'u ste gnyis pa'o//// de nas Ar+ya kun dga' bos// gsang bdag de la 'di skad do// gnod sbyin gyi ni ngo bo gang nges pa'i tshig ni gang la bgyi// man tra'i
82a1 bdag pos bka' stsol cig/nyon cig Ar+ya kun dga' bo// 'dod pa ster bas gnod sbyin no// las rnams byed pas dam can no// sems can skyob phyir mgon po'o// bstan la dga' bas mthu
82a2 stobs can// de phyir chos skyong chen po'o// 'jigs tshul ston pas gshin rje 'o// gnas pa'i cha lugs bdud kyi gtso// 'phongs pa'i re skong nor lha'o// nor bu rin chen sbyin rgyud las/ gnod sbyin gyi mtshan
82a3 nyid bstan pa'i le'u ste gsum pa'o//// de nas Ar+ya kun dga' bos 'di skad ces gsol to// bcom ldan rdo rje 'chang chen po// de yi mthun pa'i gnas gang lags// gsang ba'i bdag pos
82a4 bka' stsal pa// nyon cig Ar+ya kun dga' bo// byang du kha bltas gser gyi mdog/ gnya' shing 'dzin 'dra'i ri yang rung// ri nag rtse mo gnam du song// gnam sgo bskor 'dra ri zlum mam// chu gling me tog gling
82a5 yang rung// rgya mtsho che 'am dur khrod do// gdeng dang ldan pa'i rnal 'byor pas// sgrub na dngos grub thob par 'gyur// rdo rje rin chen sbyin rgyud las/ gnas btsal ba'i le'u ste bzhi pa'o//// de nas Ar+ya
82a6 kun dga' bos 'di skad ces gsol to// b+ha ga wan shin tu gsang ba'i gnod sbyin ni// dang po bsgrub na ji ltar sgrub// man tra'i bdag pos bka' stsol cig/ nyon cig Ar+ya kun dga' bo// 'di la don ni
82b1 rnam gsum ste// bsnyen bsgrub las la sbyar ba yi// bsnyen pa la na gtor ma dang// phyi mtshams bsrung zhing nang mtshams gcad// ngang la bri zhing rgyan rnams dgram// dam rdzas bsag cing phyi mchod bya// thugs
82b2 kyi snying po 'di bzlas bya// oM ma hA yak+Sha badzra rat+na tsit+ta hUM ra ga ra ti/ oM ma hA yak+Sha rat+na tsit+ta gu Na hri da hUM/ yon tan gyi snying po'o// ma hA yak+Sha hUM/ nye ba'i snying po'o// spyan drang ba'i sngags la/ e h+ye hi ma hA yak+Sha
82b3 badzra rat+na tsit+ta/dza hUM baM ho/ rin chen sbyin gyi rgyud las/ bsnyen pa dang phyi sgrub pa'i le'u ste lnga pa'o//// kun dga' bo yis yang gsol pa// sgrub pa'i thabs ni yang gsungs shig/ bsnyen pa'i rdzas dang
82b4 mchod pa'i rdzas// gsad pa'i rdzas dang sngags rnams ni// sngags kyi bdag pos bka' stsol cig/ b+ha ga wan gyis bka' stsal pa// nyon cig Ar+ya kun dga' bo// gdug pa'i sa la maN+Dal brtsig/ mthing nag
82b5 gru gsum brtsegs ma la// zla gam smug nag gsum gyis bskor// phyi rim tsakra rtsibs drug ldan// gru bzhi la ni sgo bzhi pa// thams cad dug khrag ro sol byug/ dbus su gsang ba'i bdag po ni// gnyen po'i
82b6 tshul du bsgom par bya// bdud kyi ber nag sku la gsol// sbrul dang dur khrod chas kyis brgyan// mgo yi 'phreng ba'i do shal bya// kha nas khrag 'dzag 'jigs par byed// kha T+wAM g.yas la ban d+ha
83a1 g.yon// zhabs kyis srin po gnon par mdzad// de yi g.yas dang g.yon gnyis su// rnon po'i dang ni nyi ma mig/ grogs po'i tshul du dgod par bya// 'jigs byed dang ni gzi ldan ma// rnon po
83a2 nag po 'di rnams ni// de dag sku mdog nag po ste/ zla gam dag la pho nya'i tshul// de dag 'di las bskyed pa'o// hi ri raM raM ma/ k+Sha las bskyed pa'i gnod sbyin brgyad// tsakra brgyad la dgod par bya// khrag
83a3 las bskyed pa'i gnod sbyin tshogs// lcags kyi bya khrag brgya stong sprul// rdo rje rin chen sbyin rgyud las// dkyil 'khor skyed pa'i le'u ste drug pa'o//// de nas Ar+ya kun dga' bos// gsang ba'i bdag
83a4 po gnod sbyin 'di// ji ltar sku 'di bsnyen par bya// gsang ba'i bdag pos bka' stsal pa// nyon cig Ar+ya kun dga' bo// a ka ru ni nag po la// gnod sbyin ci 'dra'i sku bris la// bai DUr+Ya yis mdog bsgyur
83a5 la// rin chen gser gyi snying po bri// sku bskyed rab gnas byin brlabs la// gtsug gam mgul du gdags par bya// bsrung ba'i mchog tu 'di 'gyur ro// lus dang dri ma bzhin du 'o// rin chen sbyin gyi rgyud
83a6 las/bla rdo bzung ba'i le'u ste bdun pa'o//// nyon cig ar+ya kun dga' bo// 'di la mthun pa'i dam rdzas ni// bdud khug nag po sbyi dkar dang// mda' mo bya rgod mthing nag dang// 'phags mchog
83b1 dam pa bla med pa// ba dan dmar ser mang po bsham// ba dan nag po bod pa'i rdzas// 'di ni nang gi rten rdzas so// gri rgod snying dang wa yi snying// khra yi tsit+ta la sogs pa// sman dang spos dang snying pos
83b2 brgyan// gsang ba yi ni rten rdzas so// rtag tu rten pa'i mchod rdzas ni// rin po che ni 'bar ba dang// gsang ba lnga dang sha lnga dang// mtshan ldan snod du 'bru bcud do// nang nub mchod pa'i rdzas rnams ni// sha
83b3 chen smug po gcal du bkram// bdud rtsi lnga yi gtor ma dang// rak+ta dmar gyi ar+g+ha dang// rgya phor rin chen gser skyems so// nyi shu rtsa lnga lon pa la// drag shul g.yul ngor bsad pa'i ro// steng du sdig pa'i
83b4 g.yang gzhi dgab// 'og tu dar gyi sa gzhi gding// gzungs thag phyogs bzhir gdags par bya// de la gnod sbyin dpon g.yog bsdu// rtsang mdung dam po 'dom gang la// mi lpags rgyal mtshan gdags par
83b5 bya// de yi sha khrag mchod rdzas so// rdo rje rin chen sbyin gyi rgyud las// rdzas bstan pa'i le'u ste brgyad pa'o//// yang ni kun dga' bos gsol pa// 'khor lo'i rgyud dang bri ba'i thabs// de yi
83b6 sngags dang dbye ba rnams// gsang ba'i bdag pos bka' stsol cig/ sngags kyi bdag pos bka' stsal pa// legs par nyon cig kun dga' bo// gsad pa srog gi 'khor lo ni// dur khrod dag
84a1 gi ras la ni// gru gsum bsnol mar yang dag ldan// de dbus e dbyibs bri bar bya// dbus su gzugs bris mthar sngags bskor// oM tsaN+Da ma ha ro Sha Na yak+Sha rat+na tsit+ta a mu kaM/ khA hi khA hi ma
84a2 ra ma ra/gr-ih+na gr-ih+na/ ha na ha na/ da ha da ha/ pa tsa pa tsa/ tshin d+ha tshin d+ha/ b+hin d+ha b+hin d+ha/ kha thun tri dza mA ra ya phaT/ dbus su badzra snying mgo chod// 'khor lo rtsibs drug dag la ni// dang po la ni dgod par
84a3 bya// kha la mu long tri dgra la rbad// gnyis pa la ni dgod pa ni// sud na pra sh+ti rbad/ gsum pa la ni rmugs rbad do// bzhi pa ma la shri tri la rbad/ rtsa khri khra ri yab rbad lnga'o// drug pa/ mi dzi dzi de la rbad/ a mu kaM
84a4 i ni/sngags 'di ni/ dgra bo 'khor lo'i logs la dgod// dgra bo'i 'khor lo'i tha ma ral gris bskor// dug dang khrag dang ske tshe dang/ shangs tshe dag gi khu bas ni// khra yi sgro rtsas bri bar bya// dur khrod
84a5 sol bas tshub ma dang// bdud rtsi dri chu rkang rjes dang// gzugs byas snying khar 'khor lo gzhug/ sna lnga 'am ni zhing rgyud bcings// badzra tsaN+Da ma hA ro Sha Na ma hA yak+Sha a mu kaM/ kha tas ma badzra a mo ha ya/ shri hri
84a6 a na ya hUM phaT/dug gi chu yi byug nas su// rang byung drag po'i snod nang du// ga mi ta yi srad bus bcings// de nas gru gsum thur du bsgyur// dang po dgug pa'i sngags 'di bzlas// oM b+ha ta pa tra hUM/ na maHtra
84b1 yad hi ka nan/sarba ta tha ga ta yA/ sarba pra ma ya/ pa tra ti ha/ ta rba sa ni/ d+ha ma tsa la ni swA hA/ oM a sa man to ta/ a nan pa ta/ b+ha ni to sha sa ni ha ra ha sma ra/ b+hi ni ga ta ra/ ga pud ta d+ha me te/ sa ra sa ra/
84b2 mas ma ma pa la/ ha sa ha sa/ tra ya tra ya ya ga b+ha ni b+ha ra/ ma hA g+ha re dz+wa la ni sa ga re ma hA yak+Sha ni ku ni khu nri shog dza hUM baM ho/ zhes pa ni brgya rtsa brgyad du bzlas// gdug pa can der 'dus nas// gsang sngags
84b3 ldan pa'i dur khrod kyi// rdo leb dag gis dong kha gcad// rdo rje rin chen gyi rgyud las// 'khor lo bstan pa'i le'u ste dgu pa'o//// de nas 'phags pa kun dga' bos// gsad pa'i sngags rdzas gang la
84b4 bgyi// de nas ngan sngags gang gis brdeg/ gsang ba'i bdag pos bka' stsal pa// nyon cig 'phags pa kun dga' bo// bzlas pa tshad du phyin pa dang// zhag ni sum cu rtsa lnga'i bar// rbad pa'i las la gtad
84b5 par bya// gnod sbyin drag sngags bdun pa 'di// gang la btab kyang mi 'chor te// rdo rje'i brag kyang 'gems par byed// badzra snying mgo chod// kha la mu le tri dgra la rbad// pud na pra ti rbad/ mugs rbad/ ma ga
84b6 la shi tri rbad/ba ri khra ri yi rbad/ ma dzi dzi de la rbad/ ma hA yak+Sha ra tsit+ta rbad/ yak+Sha snying khrag rtsa srog breng breng/ dza la dza hUM phaT/ yak+Sha srog la tug tug/ khrag blangs snying la thun/ ma hA ya k+Sha srog thuM/ tsit+ta la ma
85a1 ra nri rbad/mA ra ya rbad/ khra thun nri dza/ ra ga ra ti snying sha ku ru ru thuM rbad/ ra dza rA' dza snying la thun rtsan kha la rtsangs sa ma ya rbad/ spyan drangs bye ba drug 'bum yod// sku gsung thugs la grangs med
85a2 do// rbad pa rgyal po drug 'bum mo// ban d+he 'bum la skye bo khri// bud med la ni stong stong ngo// khugs pa'i mtshan ma byung nas ni// gsad pa'i las ni brtsam par bya// gzas pa po la ming mi bza'// lcags phye
85a3 rdo phye dug phye dang// yungs kar yungs nag thal chen dang// khrag sna dag ni sna tshogs kyis// gsad pa'i rgyal po bya ba ste// ban d+he bdun 'bum skye bo 'bum// bud med khri yis 'grub par 'gyur// gsod na lho
85a4 nub kha bltas te// gos sngon gyon nas rgyan chas brgyan// rdo rje kha T+wAM lag na thogs// gdug pa khros pa'i sems kyis su// drag sngags 'di yis brdeg par bya// ma hA yak+Sha badzra rat+na tsit+ta a mu ka sha truM tsit+ta la ma
85a5 ra ya nri dza/tsi taM shag thum ril li li rbad dza dza/ su na dza la rbad/ ma hA yak+Sha badzra rat+na tsit+ta sarba yak+Sha shag tshe le tshal pa sha chod/ srog rbud yak+Sha hUM/ srog la tshal bu rtsa khrom// tsugs khrom/ snying rbud sa snying la ya/
85a6 snying snying par chug/ srog spar du sdud// yag ti sh+tig sna/ tsit+ta rol sha tri dza/ snying la shad shad mA ra ya rbad dza/ yag sha ro ga ra te/ tsit+ta 'du sha sod/ snying la shud shud mA ra ya rbad dza/ rgyal po la ra dza gul thul
85b1 lo// ban de la yak+Sha de ya ni ban d+he'i srog rtsa la rbad/ skye bo la ni kha la yak+Sha mA ra ya rbad/ bud med la ni long pa tsa long pa tsa/ 'byung po la ni phre da big+h+nan dri dri mA ra ya phaT/ rin chen sbyin gyi rgyud las/ sngags
85b2 dang thun gyi le'u ste bcu pa'o//// de nas 'phags pa kun dga' bos 'di skad ces gsol to// bcom ldan dpal chen rdo rje 'dzin// gnod sbyin dbang du ma 'dus na// dbang du bsdu ba'i skal
85b3 ba'i thabs// sngags kyi bdag pos bka' stsol cig/ nyon cig 'phags pa kun dga' bo// ma bcos gcig tu gsal bar brtag/ lta bas dbang du bsdu ba'o// phyag na rdo rje'i ting 'dzin gyis// dpa' bos
85b4 seng ge bzhin du spyod// mi gtsang ngo tsha rnam par spang// lus la bdud rtsi rnam lnga byug/ de bzhin zas su bza' bar bya// An d+ha mu Sha kha sbyar du// rgyal po nor dang bcas pa gzhug/ srid pa'i lho nas bzlog par
85b5 bya// rang srog rang la bstan par bya// gnod sbyin thams cad dkrug pa dang// he ru ka yi ting 'dzin gyis// bod sngags zlos shing rbad sngags dkrug/ gsang sngags de bzhin nyid du ste// thod pa nag po'i nag
85b6 dag hu// thun dang dug gi gtor ma sbyin// rak+ta ta sbreng zhing sngags 'di bzlas// oM ha yak+Sha rat+na tsit+ta kar ma rtsi kra re ya hUM phaT/ yak+Sha snying shi tsit+ta kha raM kha hi rtsa bdun rtsa u0f84ga sha kha hi/ phu ya rag sha
86a1 kha hi yag sha naM ha ra ha ra he/ma hA yak+Sha rat+na tsit+ta kha kha khA hi khA hi/ srog srog sgol sgol rin chen hang hang/ a mu kaM khrag tu skyugs// gtor ma chen po 'dir khug sod zhal dbye'o// nor bu rin
86a2 chen sbyin rgyud las/dbang du bya ba'i le'u ste bcu gcig pa'o//// de nas 'phags pa kun dga' bos// gsol pa rtags dang mtshan ma stsol// gsang ba'i bdag pos bka' stsal pa// nyon cig
86a3 'phags pa kun dga' bo// nyams dang rmi lam dag tu ni// slob dpon dang ni a tsa ra// 'od dang sgra dang grib ma dang// mi nag khyi nag bya nag dang// mun nag sros sam tshub nag 'brub// dmag dang
86a4 dar thogs rkyal pa thogs// zhags thogs mang po sems can 'dzin// shing gcod lings 'debs sems can gsod// gri thogs shan pa'i las byed mi// tsit+ta rlon pa za ba dang// ban d+ha khrag can 'thung ba
86a5 dang// de ni 'grub 'gyur the tshom med// rdo rje rin chen sbyin rgyud las/ rtags dang mtshan ma bstan pa'i le'u ste bcu gnyis pa'o//// de nas 'phags pa kun dga' bos// gsang bdag de la 'di skad
86a6 gsol// bstan pa gshig pa'i dgra bo la// ngan thabs bya na gang gis bya// rdzas su btsal na gang dang gang// de la ngan thabs gang gis brdeg/ sngags kyi bdag pos bka' stsol cig/ gsang ba'i bdag pos
86b1 bka' stsol pa// nyon cig 'phags pa kun dga' bo// drag shul g.yul ngor bsad pa yi// thod pa nag po'i nang dag tu// tsha ba gsum dang yungs kar yungs nag dang// dug dang rims khrag ske tshe
86b2 dang// lcags phye rdo phye dug phye dang// dngul phye btsan dug 'di rnams la// lnga 'bum dag tu sngags 'di bsgrub// badzra tsaN+Da ma hA ro Sha Na sarba yak+Sha snying kha la rak+Sha rbad/ tubs tsit+ta baM ga la 'ubs/ myos snying khrag
86b3 pra ha ru ru thums yak+Sha he thuM/yak+Sha mo b+h+yo thums/ du thum pra ma thum// shi ni thum/ nri du thuM/ i u a sa ma ya thibs ling shar/ yang sod/ mA ra ya sod/ skabs su drag po'i pho nya gtong// gang la dmigs pa smod
86b4 par bya// 'ben gang tsam nas 'phangs la gtang// gnas pa dag tu ma phog na// zhag gsum bskyar la thugs dam bskang// mnan pa las kyi rim pa bya// rdo rje rin chen sbyin rgyud las// zor 'phangs pa'i
86b5 le'u ste bcu gsum pa'o//// de nas 'phags pa kun dga' bos gsungs pa/ sgrub pa'i rtags ni rdzogs pa dang// las gzhug gcod pa bka' stsol cig/ gsang ba'i bdag pos bka' stsal pa/ nyon
86b6 cig 'phags pa kun dga' bo// bzlas pa las kyi gzhug gcad ni// 'phrin las yang snying 'bum bzlas bya// dmod do las kyi gzhug gcad ni// gnod sbyin kun gyi dmod mo bzlas// mnan pa las kyi
87a1 gzhug gcad ni// sgrub pa'i thod pa dur khrod khyer// rang nyid gsang bdag nga rgyal gyis// dur khrod ras sam gro ga la// badzra tsaN+Da ma hA ro Sha Na ma hA yak+Sha khA hi khA hi// ma ra ma ra/ gr-i h+na gr-i h+na ban
87a2 d+ha ban d+ha/hUM hUM/ phaT phaT/ ming dang yi ge mtshams bzhir bri// dug dang ske tshes bri bar bya// gzugs brnyan sor ni bcu drug pa'i// snying khar bcug la thod par ni// bcug nas skud pas rgya gram bri// gru
87a3 gsum dur khrod sol bas byug/phur bu btsugs la thod par gzhag/ rigs ngan khyim nas me blangs la// tsher ma can rnams ro ma la// blangs phyin lan gsum bsros nas ni// de nyid sbas na tshangs pa yi// tshe
87a4 ldan pa yang 'chi bar 'gyur// gzhan la yang ni smos ci dgos// klu yod sa ru sbas pa na// mdze nad kyis ni zin par 'gyur// mkha' 'gro 'du ba'i sar sbas na// rims kyis kyang ni 'chi bar 'gyur// sbyin
87a5 sreg las kyi mjug gcod ni// las dang rjes mthun 'brub khung du// de dang mthun pa'i me lha bsam// de ltar gnod sbyin bsam par bya// mchod rdzas de bzhin dbul bar bya// rab tu tsha ba'i me dag
87a6 dang// tsher ma can gyi shing dag dang// til dang dug chus byugs la dbul// bar du ming bcug sgrub bya yis// drag shul shi ba'i ro bzung la// de'i sha gtubs byin rlabs ming yig las// khro bo 'dra ba de la
87b1 babs// lcags kyus snying drangs rlung gis brdeg/ rnam shes bstim la phur pas brdeg/ bsad nas me la sbyin sreg bya// ma lha mo smos brgya rtsa brgyad// lha la rtsa ba'i sngags kyis dbul// 'bum pa brgyad kyis
87b2 brtags pa la// 'bul te bar du ming rus gzhug/ oM tsaN+Da ma hA ro Sha Na ma hA yak+Sha tsit+ta dz+wa la ma na la ha na ha na sarba rmi ru yo ta ya trag haM sha thun mA ra ya phaT// de tshe dur khrod snod rnams kun// de ru 'du
87b3 zhing za bar bsam// bsod nams can la bcu gnyis 'ong// 'bring dang tha ma phyed kyi phyed// sreg na 'chi bar gdon mi za// rdo rje rin chen sbyin rgyud las/ las kyi gzhug gcod sbyin sreg bstan pa'i le'u ste
87b4 bcu bzhi pa'o//// nyon cig 'phags pa kun dga' bo// gzhan yang rab tu bshad bya ba// 'di ni bsam pa tsam gyis kyang// lha chen nyid kyang nges par 'jig/ phyag na rdo rje'i rnal 'byor pas// gdug pa
87b5 khros pa bsam pa yis// ming gi yi ge dang po las/ gsad bya mdun du bsam par bya// rnam par shes pa de la bstim// de yi lte ba'i rtsa kha la// rnal 'byor can gyis lag pa gcad// de ma thag tu spyi gtsug
87b6 bsam// khrag skyug 'dar zhing 'ong skyes kyang// kha ni thur du sbub par bsam// so rtsi ma yi gzugs can ni// snang mdzad lam zhugs snying khar ni// kha sbyar nang gi gnas mthong nas// de phung sog 'bral mthong
88a1 nas ni// ro ni dum bu stong du gtub// bza' yam yang na gtor bar bya// rdo rje rin chen sbyin rgyud las/ ting nge 'dzin gyis gsad pa'i le'u ste bco lnga pa'o//// gnod sbyin chen po'i
88a2 gtor ma'i nang// dur khrod ras la de ming bris// ming smos brgya rtsa brgyad btab na// bsam pa gang yang de yis 'grub// mig rna sna yi dri ma dang// rang gi shu ra ma rnams la// ru lu byas nas gtor mar
88a3 ni// bcug nas byin pa dbang du byed// nyon cig 'phags pa kun dga' bo// gzhan yang rab tu bshad bya na// thod pa ma chag ma gas par// gnod sbyin kun gyi snying po bri// bzlas nas yungs kar de ru
88a4 blug/dgra ba'i sgo gong sbas pa na// nor dang bcas pa zla drug gis// brlag par 'gyur bar the tshom med// rdo rje rin chen sbyin rgyud las// thabs kyi le'u ste bcu drug pa'o//// de nas 'phags pa kun
88a5 dga' bos// bcom ldan 'das la 'di skad ces gsol to// bcom ldan dam sri mkhan po de// dam can byad du bcug pa la// rig sngags bzlog na ji ltar bzlog/ gsang ba'i bdag pos bka' stsol
88a6 cig/gsang ba'i bdag pos bka' stsal pa// nyon cig 'phags pa kun dga' bo// gzhan gyi rig sngags bzlog pa ni// bla ma la ni bsrung mi dgos// chang bu nyid la gzugs byas te// gro ga shog bu gzugs
88b1 la gdags// dur khrod ras la 'khor lo ni// re'u mig nyi shu rtsa gcig la// nang du yi ge dgod par bya// ma hA yak+Sha hUM/ mtshams bzhi dag tu bsgrub bya yi// dbye ba sngags dang bcas pa bri// bi tang pa ya bi
88b2 tang pa ya/phrangs ma phrol shig mA ra ya phye// nang gi re'u mig dgu rdzogs nas// phyi rol yi ge bcu gnyis la// oM badzra rat+na tsit+ta ra ga ra ti hUM/ sum 'bum grangs ni tsha ba dang// rta dang ma he'i lto bar
88b3 gzhug/rab tu rnga mo'i lus la gzhug/ bya rog 'ug pa'i sgro yis skyon// khyi dang bya yi ske la gdags// me dang chu yi 'khor lor gzhug/ tha ma brgyab gcod ri la mnan// shri shi phur pa sor gsum gdab// rig
88b4 sngags bcad pa'i las dag ni// gzhan yang rab tu bshad bya ba// dur khrod ras sam gro ga la// lha sbyin gzugs ni bri byas la// rtsibs la sngags 'di dgod byas la// oM ta badzra pa ri ri phaT/ ma hA sa nga g+ha na
88b5 hUM/sa shing zla shing sa da hUM/ lo shing kha la ra sha rbad/ hUM du na rbad/ thib nan bzlas nas lce la gdab// ngag dang byad thim nyams pa ya nan n+na n+na/ seng ldeng phur pa sor bzhi la// sngags 'di brgya dang rtsa brgyad
88b6 du// bzlas nas lce la gdab par bya// oM badzra tsaN+Da ma hA ro Sha Na ma yak+Sha kI li kI la ya bAg tsit+ta a mu kaM mA ra ya phaT/ tsha tsha nag po'i nang bcug nas// rnal 'byor mal 'og gru gsum gzhug/ steng 'og rgya
89a1 gram ri rab mnan// de la sogs pa gzhan du yang// brgya 'am stong ngam khri ru// des ni dbang phyug chen po yang// 'chi 'gyur 'di la gdon mi za// rdo rje rin chen sbyin rgyud las/ rig sngags
89a2 gcad pa'i le'u ste bcu bdun pa'o//// de nas 'phags pa kun dga' bos 'di skad ces gsol to// bsod nams 'dod pa gang dag gis// de ni ji ltar bsgrub par bgyi// sngags kyi bdag pos
89a3 bka' stsal pa// nyon cig 'phags pa kun dga' bo// sgrub pa'i gnas ni dben pa ru// pad+ma 'dab brgyad ge sar la// rin chen rnam lnga dag gis ni// tha ma 'ja' tshon sna lngas bskor// khyams dang rta babs sgo
89a4 brgyan ldan// rin chen mdzes pa'i rgyan ldan bri// pad+ma phyogs kyi 'dab ma la// sman lnga 'bru lnga snying po lnga// rin chen dri yi bcud kyis bkang ba yi// bum pa lnga dang bdud rtsis bkang ba'i snod// 'bras bur
89a5 bcas pas kha rgyan bya// mgul pa gtsang ma'i gos kyis bcings// de steng dpon g.yog mtshan ma dgram// mdun du nor gyi dngos grub stsol cig pa// byang bu re re bris la gzhag/ mtshams bzhi ru ni spos snod
89a6 gzhag/me tog 'phreng dang mar me dang// sna tshogs dar gyi rgyal mtshan dgram// gdugs kyi bla res brgyan par bya// 'jig rten zas kyi bye brag ni// ma lus 'tshogs par bsogs byas la// nyin dang mtshan mo
89b1 dus drug tu// tshogs dang gtor ma rgyun mi gcad// ser sna med pa'i sems kyis mchod// rang nyid gsang bdag nga rgyal gyis// lcags kyu'i phyag rgya bcas nas kyang// gnod sbyin dpon g.yog dgug par
89b2 bya// sngags kyi bdag po 'di dag yin// gzung ba dngos grub 'di la yod// thams cad grub phyir gsad par bya'o// oMr ga ru ge tsit+ta hUM/ oM ma hA kro d+ha dzam+b+ha ri hri da hUM// oM ma hA kA la ha na ha badzra na
89b3 swA hA/oM yak+Sha de ba pany+tsa ra dza dza dza/ oM ma hA ra dza be/ glo dang sbrid pa g.yal la sogs// sngags kyi bar chad mi bya'o// skyen na sngags kyi nus pa nyams// bul na bzlas pa grangs med 'gyur// mgon po'i
89b4 gnas nas dben rung ni// 'das nas 'gro bar mi 'gyur ro// 'das na bar chad rang la 'ong// bar du rol mo'i sgra bsgrag cing// gus pa'i sems gyis mchod bstod bya// ma grub pa la byin mi rlob// de bas
89b5 gus pas mnyes par bya// gtso bo dag la 'bum bzlas shing// 'khor la khri khri bzlas par bya// sgrub pa'i sngags dang las rnams rdzogs// mtshan ma byung bar ma gyur na// bar chod mtshan ma yin srid
89b6 pas// 'jigs shing phya sangs khyer ba dang// yo byad phangs sems byed pa dang// khro dang 'gro ni 'dod pa dang// bying zhing yid la mi dran dang// rmi lam gzhan gyis nor khyer na// bar chad bzlog pa'i cho ga
90a1 bya// 'bru dang me tog char 'bab dang// rin po che ni rnyed pa na// 'phral gyi bza' ba tha ma yin// gal te de ltar ma byung na// 'phags pa rmugs 'dzin mdun du ni// zhag gcig smyung par gnas
90a2 byas la// khrus byas gos dkar gyon nas su// lus la dri zhim spos kyis byug par bya// zla ba yar ngo'i tshes brgyad la// lci ba'i dkyil 'khor dbus su ni// dkar gsum mngar gsum sbyar ba'i chus// khyor ba
90a3 stong dang rtsa brgyad du// mchod nas kun tu du ru'i spos kyis bdug/ de yi mtshan mo rmi lam du// gter ni brgya stong ston par 'gyur// der ni tsan dan dag gam ni// rgyas pa yin ni shing rnams sam// ka ra bI
90a4 ri'i shing rnams la// rin chen sna tshogs 'bru sna tshogs// de la sogs pa rgyas pa'i rdzas rnams la// rgyas pa'i sbyin sreg brgya phul nas// rgyal srid nges par thob par 'gyur// longs spyod phran tshegs smos ci
90a5 dgos// nor bu rin chen sbyin rgyud las/ nor sgrub pa'i le'u ste bco brgyad pa'o//// oM ma hA yak+Sha rat+na tsit+ta hUM/ gu Na hri da hUM/ 'di yi yon tan bsam mi khyab// rgyal po g.yul du 'jug pa'i tshe// spyi bor
90a6 snying po 'di bcings nas// bstod dang gsang sngags 'di brjod na// dgra bo 'dod pa bzhin du dbang du byed// zhi dang rgyas dang dbang dang mngon spyod dang// dgug dang bkar dang rengs dang bskrad pa
90b1 dang// dgug dang tshig 'phrog gzugs bsgyur bsrung la sogs// las de rnams ci dga' byed// 'di ni legs par 'grub 'gyur na// ji ltar 'dod pa 'grub par 'gyur// yul du 'jug pa'i tshe 'dis bzlog
90b2 pa'i le'u ste bcu dgu pa'o//// bcom ldan 'das gsang ba'i bdag pos de skad ces bka' stsal pa dang/ tshe dang ldan pa kun dga' bos gsol pa/ bcom ldan gang zag snod kyi rim pa ni// rgyud
90b3 'di gang la bstan par bya// bcom ldan 'das kyis bka' stsal pa// nyon cig 'phags pa kun dga' bo// mi snang pa yi rim pa la// kha bub dang ni zhabs rdol dang// dri ma can dang som nyi za// log chos can
90b4 dang g.yeng ba can// dka' thub can dang rtog pa che// mi 'grub g.yeng bas gzhan don byed// dam med dmyal ba'i rgyud can la// rna bar yang ni mi sgrog go/ tsan dan lta bu'i gang zag la// dam sri byed pa'i gang
90b5 zag la// rna ba yang ni mi sgrog go/ rin chen lta bu'i gang zag la// shin tu gdam te sbyin par bya'o// rin chen sbyin gyi rgyud las/ gang zag gi snod bstan pa'i le'u ste nyi shu pa'o//// bcom ldan 'das
90b6 kyis de skad ces bka' stsal pa dang/tshe dang ldan pa kun dga' bo la sogs pa 'dus pa'i 'khor dag gis lha'i me tog gtor nas/ zhi ba'i las mdzad bo d+hi sa twa'i tshul// rgyas pa'i las mdzad dga' ldan lha
91a1 yi tshul// dbang gi las mdzad gtum po 'jigs pa'i tshul// drag pa'i las mdzad kun la brjod du med// rgyal ba sangs rgyas de la phyag 'tshal lo// gdug pa 'dul phyir zhal nas bdud rtsi
91a2 shar// bstan pa bsrung phyir zhal nas rgyud gsungs pa// bdud rtsi gsang rgyud de la phyag 'tshal lo// zhes bstod do// tshe dang ldan pa kun dga' bo la sogs pa 'dus pa'i 'khor rnams dga' zhing mgu nas yi
91a3 rangs te/gsang ba'i bdag pos bka' stsal pa// bdag gis spobs par gyur ba ni/ de bzhin gshegs pas byin gyis brlabs zhes gsungs pa dang/ lha'i me tog gtor nas/ bcom ldan 'das kyis
91a4 gsungs pa la mngon par bstod do// gnod sbyin gyi rgyal po rin po che byin gyi rgyud gsang ba'i le'u ste nyer gcig pa'o//// rin po che sbyin gyi rgyud dgos 'dod 'byung ba zhes bya ba rdzogs
91a5
91a6 so/


CLOSE WINDOW