74b3 bka' dam par bgyi'o//// rgya gar skad du/ ma hA yak+Sha sid+d+hi b+hir ya ti tan+t+ra nA ma/ bod skad du/ gnod sbyin chen po yid bzhin gter gyi rgyud ces bya ba/
74b4 gnod sbyin gyi ded dpon chen po lag na rdo rje la phyag 'tshal lo// 'di skad bdag gis thos pa'i dus gcig na/ bcom ldan 'das mngon par rdzogs par sangs rgyas nas ring po ma lon pa zhig na/ wA ra Na si
74b5 nas lho phyogs kyi mtshams su gshegs pa las/de'i tshe de'i dus na grong khyer chen po dga' ba'i tshal zhes bya ba dang/ yab gnod sbyin mig po che dang// yum klu mo mdzes ldan ma zhes bya ba gnyis bshos pa'i
74b6 sras gnod sbyin chen po mthu rtsal dang ldan pa zhig 'dug na/yum kun la gdug byed ma zhes bya ba dang/ 'khor gnod sbyin stong sde dang bcas/ skye 'gro'i sha khrag la longs spyod cing sems can rnams la rnam
75a1 par 'tshe ba cig 'dug ste/de 'dul ba'i dus la bab par gzigs nas/ byang chub sems dpa' chen po mthu stobs dang ldan pa lag na rdo rje la byin gyis brlabs nas 'dul bar bskos so// de
75a2 nas byang chub sems dpa' lag na rdo rjes sku 'jigs pa'i cha lugs bstan/rngam pa'i nga ro dang ldan pas/ oM badzra tsaN+Da sarba duSh+ta na ta ka ha na da ha pa tsa hUM phaT/ oM badzra dun b+h+yo yak+Sha tig Na sa ma ya s+t+waM/ zhes nga
75a3 ro 'brug stong dus gcig tu bzlas pas/gnod sbyin chen po 'khor dang bcas pa shin tu skrag pa dang ldan pas bka' nyan cing 'dud par gyur to// oM badzra [(]radan [)]tsit+ta ra ga ru ge yak+Sha tsit+ta sarba ru pa hUM phaT/
75a4 ces srog gi snying po mgrin gcig tu phul lo// de nas spyi bor rdo rje rtse lnga pa gzhag ste/ shAkya'i bstan pa bsrung zhing sems can gyi dbul ba sel bar dbang bskur ro// rtsa rgyud yid bzhin gter gyi rgyud las/
75a5 gleng gzhi'i le'u ste dang po'o//// de nas 'khor gyi nang nas gnod sbyin gyi rgyal po yak+Sha ku be ra zhes bya ba bstan las langs te/ lag na rdo rje la gsol ba/ e ma rdo rje 'dzin pa che// 'gro ba'i don la
75a6 brtson mdzad pa// phyi rabs gang zag rnam bzhi yis// gdug pa'i gnod sbyin ji ltar bsgrub// gnas dang dus dang rdzas dang sngags// las kyi rnam grangs gang yin pa// bye brag rgyas par bstan du
75b1 gsol// zhes zhus so// yid bzhin gter gyi rgyud las/ zhus pa'i le'u ste gnyis pa'o//// de nas rdo rje 'dzin pa yis// 'dus pa'i 'khor la bka' stsal pa// nyon cig 'dus pa'i 'khor tshogs
75b2 rnams// phyi rabs don du bshad kyis nyon// brtson ldan gnod sbyin sgrub 'dod na// theg chen rigs ldan sems ldan pas// lo zla gza' skar shis pa la// dga' ba'i tshal lam kun dga' rar// yang na bkra
75b3 shis dben gnas su// bsod nams ldan pa'i rgyal po 'am// khyim bdag bram ze phun tshogs pa'i// khang khyim sa blang stegs bu brtsigs// sku gzugs dar phan rgyan dang bcas// phyi yi rten du gzugs par
75b4 bya// seng ldeng seng ge dngul sgrom dang// ga'u zangs seng gser rta'i gzugs// sngags dang gzugs bcas nang gi rten// seng ldeng seng ge lto sbyar nas// 'khor lo rin chen gsang ba'i rten// lug nag khyi dang
75b5 shel rdo nag/rin chen lnga dang ne le'i snying// mi ldog bla rdo dal 'og bca'// dkyil 'khor rtsibs bzhi bsgo bzhir ldan// mdzes pa'i tshon gyis kha dog dbye// bum pa dngos grub rdzas dang ldan// dbus su nor
75b6 gyi rten du bca'// phyogs bzhir mchod pa'i 'bru gtor bca'// de nas ting 'dzin bstan pa ni// sgrub pa po yis gsang bdag bskyed// mdun du b+h+ruM las gzhal yas khang// rin chen rgyan dang ldan pa'i nang//
76a1 sa bon yig 'bru lnga po las// dkyil 'khor dbus dang phyogs bzhi por// dbus su gnod sbyin chen po bskyed// shar du nor lha lhor mgon po// nub tu 'brog gnas byang phyogs su// rnam thos bu
76a2 pho bskyed par bya// spyan drangs bzhugs gsol phyag rgya bya// mchod cing bstod de sngags kyang bzlas// gnas nas bskul zhing 'phrin las bcol// ting 'dzin 'phro 'dur rab ldan pas// smra ba spangs nas zla
76a3 gcig tu// dril dang gtor ba'i sngags kyis bsnyen// grub na dngos grub rtags rnams dang// ma grub bar chad mtshan ma rtags// grub rtags dpon g.yog lnga yi rtags// gang grub dngos grub blang byas
76a4 te// mtshan ldan thod pa 'khor lo dang// spyan gzigs dngos grub rten bkram la// sngags tshig ting 'dzin ldan pa yis// zhag bdun bar du dngos grub blang// bum pa'i rdzas bca' rten du bca'// rgyun du
76a5 mchod bstod gsol ba gdab// mnga' gsol rtag tu gsol kha 'bad// de lta bu yi rim pa yis// gang bsgrub 'khor lo sgyur ba 'dra// ci 'dod phun sum tshogs pa 'grub// ces gsungs so// gnod sbyin sgrub
76a6 pa'i le'u ste gsum pa'o//// de nas yang dag bshad bya ba// gdug byed drag po'i gnod sbyin 'di// nor sgrub rten gyi 'khor lo 'di// rtsibs bzhi mu khyud gsum ldan pa'i// dbus su gnod sbyin rtsibs
76b1 la 'khor// dpon g.yog lnga yi srog sngags bri// mu khyud rin chen char la 'bebs// gser dngul gyis bris lus la bcang// lus dang grib ma bzhin du 'grogs// bla rdo 'khor lo rtsibs bzhi la// mu khyud lnga
76b2 ldan rtsibs bzhi sngags// mu khyud nang la dbang sdud sngags// rtsibs mchan bla tshe 'gugs pa'i sngags// rdo rje 'phreng ba me ris bskor// dar dmar la bri bla rdo gril// 'khu zhing las la mi 'gro na// bcun
76b3 sngags drag pos de la gzir// dngos grub bsdu ba'i 'khor lo ni// mu khyud bzhi dang ldan pa la// dbus su dngos grub rtsol yang bri// pad+ma 'dab ma brgyad ldan la// phyogs bzhi dbus dang rnam lngar
76b4 sngags// mtshams bzhir nor bu rin chen dang// bdud rtsi bum pa dpag bsam shing// 'dod 'jo ba dang bcas pa bri// mu khyud dngos grub blang ba'i sngags// thod pa mtshan ldan dum gcig pa// shong bu bzhi
76b5 dang ldan pa bri// 'dod dgu 'byung ba'i gter du gsungs// 'khor lo'i rim pa bstan pa'i le'u ste bzhi pa'o//// de nas yang dag bshad bya ba// gnod sbyin gtso 'khor bcas pa yi// sngags kyi rim pa
76b6 bstan pa ni// oM badzra ratsit+ta ra ga ru ge hUM phaT swA hA/ bcu bzhi gnod sbyin bsnyen pa'i sngags// oM badzra tsit+ta ban d+ha bdud ma ting skyol ting ting dza dza/ bcu drug bdud mo yum gyi sngags// oM badzra
77a1 ma hA kro d+ha Ar+ya dzam+b+ha la hr-i da hUM/bcu bzhi gnod sbyin nor lha'i sngags// oM ma hA ka la ha na ha na badzre ni swA hA/ bcu gsum mgon po nag po'i sngags// oM badzra yak+Sha de ba pany+tsa rA dza dza dza/ bcu
77a2 gnyis 'brog gnas mched lnga'i sngags// oM badzra ma hA rA dza bai shra ma Na ye hUM phaT/ bco lnga rnam thos bu yi sngags// oM badzra ma hA yak+Sha ya a ka tri skyol dza dzA/ bcu gsum gnod sbyin rnon pa'i sngags// oM badzra ma
77a3 hA dz+nyA na/nA ga rA dza/ ha ha rbad rbad sa ma ya dza dzA/ bcu dgu nyi ma 'bum gyi sngags// oM badzra yak+Sha tsakra dun dan dza dzA/ bcu pa kun gyi 'jigs byed sngags// na na kha te sid+hi/ rat+na sid+d+hi/ sid+d+hi pha la/ d+ha nam me de
77a4 hi hUM/sarba sid+d+hi sid+d+hi hUM hUM/ A yur sid+d+hi/ sa ma ya bsdus bsdus/ so drug dngos grub sdud pa'i sngags// oM badzra rat+na tsit+ta ra ga ru ge yak+Sha trig nan/ rbad nan k+Sha hur thums dza/ ma rA ya rbad/ rtsa gsum gzir dang
77a5 bcun pa'i sngags// oM tsi ti tsi ti/ bi li bi li/ glo li a mu kaM/ sad+ha naM/ ba ri ba raM me ba na swA hA/ oM ku ru ku ru le ba shaM ku ru hUM/ so bdun gnod sbyin mo rnams kyi// gang dmigs dbang du sdud pa'i
77a6 sngags// A yur dz+nyA na min 'du// a pa ri mi ta tshe b+h+ru?M/ bco lnga rgyas pa tshe sngags so// oM badzra tsit+ta ra ga ru ge hUM phaT/ ma hA kro d+ha Ar+ya dzaM hri/ ma hA kA la yak+Sha/ de ba pany+tsa/ bai shra ma Na ye sa ma ya dza dza/ zhes pa
77b1 ni gsang ba'i sngags// bzlas thabs las kyi rim pa sngags// mkhas pas dmigs dang sbyar la bzlas// gang 'dod las rnams 'grub par 'gyur// zhes gsungs so// gsang sngags kyi rim pa ste le'u lnga
77b2 pa'o//// de nas yang dag bshad bya ba// tshe dbang rgyas pa'i las byed na// rin chen bum par tshe rdzas stsal// gnod sbyin mchod rdzas rgya cher bsham// ting 'dzin ldan pas gnod sbyin gyi// sngags la tshe yi
77b3 sngags btags te// tshe srog dgug bstim bsgrub pa brtsam// grub nas tshe sba rdzas rnams bza'// tshe lo stong du gnas par 'gyur// rgyas pa'i las kyi le'u ste drug pa'o//// de nas yang dag bshad bya
77b4 ba// 'khor gyi gnod sbyin mo rnams kyis// dbang du bsdu ba'i las byed na// ras sam gro ga dar dmar la// bcu drug rtsibs mtshan 'khor lo bri// dmigs pa'i gzugs kyi snying khar gzhug/ ting 'dzin dbang
77b5 dang rab ldan pas// gnod sbyin pho mo'i gsang sngags spel// zhag bdun bar du bsgrub pa brtsam// rgyal po'i khyim dang grong khyer sogs// bdag gi bsgo ba nyan par 'gyur// dbang gi las kyi le'u ste bdun
77b6 pa'o//// de nas yang dag bshad bya ba// gnod sbyin drag po'i mthu rtsal gyis// bar chad gdug pa bsgral ba'i thabs// gtor ma spyan gzigs rgya cher bsham// gnod sbyin 'khor bcas gsol cig
78a1 mchod// bar chad sel ba'i 'phrin las bcol// drag sngags 'di yis 'byung po 'dul// oM badzra rat+na tsit+ta ra ga ra ti yak+Sha sarba/ e ki la ya mA ra rbad/ gardza gardza haM shaM tri mA rA ya phaT// pa tsa pa tsa
78a2 haM shaM tri mA ra ya phaT/ban d+ha ban d+ha haM shaM traM mA ra ya phaT/ hu lu hu lu dam sri mA ra ya phaT/ tshin d+ha tshin d+ha rA dza mA ra ya hUM phaT/ b+hin d+ha b+hin d+ha dan tri tri'u mA ra ya hUM phaT/ s+pho Ta s+pho Ta 'byung po u tsa ta mA ra ya phaT
78a3 phaT/ces bzlas gnod sbyin 'khor bcas kyis// 'byung po gdul du brlag par sgom// gnod byed skad ngan tser tser 'ong// ji ltar bu yi 'dre gdon che ba yang// drag sngags 'di yis nyams te 'gro// 'byung
78a4 po 'dul ba'i le'u ste brgyad pa'o//// de nas yang dag bshad bya ba// sri'u bsrung ba'i las byed na// gnod sbyin grub par gyur nas ni// gang bsrung gnas su rten yang bca'// g.yag rog lug nag rten
78a5 du gzugs// sos nas gtang rag btang zhes brjod// gsol mchod gtor mas mnyes byas te// lo gcig bar du srung bar bcol// tshe yi sgrub pas bar chad bsal// gnod sbyin sngags dang srungs shig
78a6 spel// zhag bdun sgrubs te gnyer gtad bya// chung sri drag po'i sngags kyis gdul// sos nam gtang rag rgya cher bya// ji lta bu yang 'tsho bar 'gyur// zhes gsungs so// dmangs po sri'u gso ba'i le'u ste dgu
78b1 pa'o//// de nas yang dag bshad bya ba// gnod sbyin chen po sgrub 'dod na// rje ltar bsten la bsnyen par bkur// grogs ltar bsten la dam tshig bsre// bran ltar bsten la las la bkol// phyi ltar
78b2 gsol kas dus su mchod// nang ltar bskang ba bsgrub pa'i grogs// gsang ba ltar mchod mi 'bral grogs// phyi rten g.yag rog lug nag bcang// nang rten ras ris dkyil 'khor bri// gsang rten seng ge
78b3 lus la bcang// phyi ltar spyi yi dam tshig bsrung// nang ltar gnod sbyin nyid dang bstun// gsang ba'i dam tshig gsang thub cing// brtson 'grus drag po'i sems kyis sgrub// bla rdo bca' zhing gdung ba
78b4 bskyed// 'phrin las gang byed dmigs kyis bcol// dgos 'dod phun sum tshogs par 'gyur// zhes gsungs so// spyir gdams pa'i le'u ste bcu pa'o//// de nas yang dag bshad bya
78b5 ba// 'dus pa'i 'khor tshogs dang bcas pa// dgos 'dod sna tshogs 'byung ba yi// yid bzhin gter gyi rgyud 'di ni// 'gro ba'i don du bsgrub pa dang// bstan pa gnyan po bsrung bar gyis// zhes bshad
78b6 do// rgyud yongs su gtad pa'i le'u ste bcu gcig pa'o//// de nas gnod sbyin chen po ku be ra dang// gnod sbyin chen po la sogs pa de dag thams cad rjes su yi rangs te/ dam la gnas shing 'khor
79a1 rnams dang bcas pa longs spyod spel zhing bstan pa srung ba'i las byed do// gnod sbyin chen po yid bzhin gter gyi rgyud las/ rjes su yi rang ba'i le'u ste bcu gnyis
79a2 pa'o//// gnod sbyin chen po gter gyi rgyud rdzogs so//// rtsa rgyud yin/ o rgyan pad+ma 'byung gnas dang/ bod kyi lo tsa ba bdag bai ro tsa nas bsgyur te rin chen gter du sbas pa'o// sa
ma ya/

CLOSE WINDOW