67b3 rgya gar skad du/ rad na sid+d+hi d+ha na ma hA la li tan tra nA ma/ bod skad du// rin po che nor gyi dngos grub chen po khol du phyung ba'i rgyud ces bya ba/ phyag na rdo rje la phyag 'tshal lo// 'di skad bdag gis thos
67b4 pa'i dus gcig na// bcom 'das shAkya thub pa lha'i yul lcang lo can gyi gnas phyag na rdo rje'i pho brang na bzhugs pa de'i tshe/ bcom ldan 'das dang 'khor rnams gdan 'dzom nas/ lha ma srin sde brgyad kyis
67b5 yongs su bskor cing mdun gyis bltas te phyag 'tshal te/gnod sbyin gyi gzugs la bdud dang gshin rje'i cha byad can shin tu gdug cing gtum po'i 'khor gnod sbyin stong phrag lnga brgya dang bcas pa de'i tshe/
67b6 'phags pa kun dga' bos 'di skad ces zhus so// bcom ldan 'das/ shin tu gdug pa'i gnod sbyin tshogs// skye ba sngon rol gang du blang// las su bya ba gang la spyod// bcom ldan 'das kyis bka' stsal
68a1 cig/bcom ldan 'das kyis bka' stsal pa// rdo rje bdud 'dul gsang rgyud 'di// sngags kyi bdag po de la dris// des ni khyod la legs par 'chad// ces gsungs pa dang/ kun dga' bos dri
68a2 bar sems pa dang// phyag na rdo rjes kun dga' ba'i// sems kyi rtog pa thugs kyis mkhyen nas/ kun dga' bo la glang po che'i lta stangs kyis gzigs nas bka' stsal pa/ nyon cig 'phags pa kun dga'
68a3 bo// shin tu gdug pa'i gnod sbyin tshogs// sngon chad lha yul nang na 'dug/ las su lha yi longs spyod spyod// ming ni rdo rje nor bu'o// zhes gsungs so// kun dga' bos gsol pa/ bcom ldan 'das/ rdo rje
68a4 lta bu lha yi bu/gnod sbyin dag tu skye ba yi// las kyi rnam smin ci las byung// gsang ba'i bdag pos bka' stsal cig/ bcom ldan 'das kyis bka' stsal pa// nyon cig 'phags pa kun dga' bo// yongs 'du
68a5 sa rdol ljon shing la// lha dang lha min rtsod pa las// lha rnams 'pham par gyur ba las// rdo rje nor bu lha yi bu// mar me mdzad kyi sangs rgyas la// man d+ha ra ba'i me tog ni// mang po dag yang mngon gtor
68a6 te// spyan sngar smon lam 'di btab bo// bcom ldan 'das ni mar me mdzad// bdag ni bdud dang bdud ris kyi// lha dang lha min 'dul ba'i gnyen por shog/ mar me mdzad ni sangs rgyas kyis// de yi mgo
68b1 la phyag ni reg mdzad de// 'dod pa'i khams la dbang mdzad pa// rdo rje bdud 'dul zhes bya ba// gnod sbyin dag tu skye bar ni// de ni skye bar the tshom med// phyag na rdo rjes byin gyis brlob// chos dang mthun
68b2 par bstan pa bsrung// zhes mar me mdzad kyis lung bstan te// lag na rdo rje bu ru skyes// lha yi dug lnga shugs las byung// shin tu gdug pa'i las byed spyod// mar me mdzad kyi spyan snga ru// rgyal 'theb
68b3 shAkya thub pa dang// smon lam gcig tu btab pa'i mthus// da ltar shAkya thub pa'i bstan pa srung bar byed/ ces gsungs so// de nas bcom ldan 'das kyis legs so zhes bya ba gnang ste/ legs so legs
68b4 so// phyag na rdo rje de de bzhin te/ ji ltar khyod kyis bstan pa bzhin no// zhes gsungs so// dngos grub rin po che khol du phyung ba'i rgyud las/ gleng gzhi dang skye rgyud bstan pa'i le'u ste dang po'o//// de
68b5 nas 'phags pa kun dga' bos/gsang ba'i bdag po la 'di skad ces gsol to// bcom ldan 'das// gnod sbyin ngo bo gang la bgyi// nges tshig ji ltar lags// sngags kyi bdag pos bka' stsol
68b6 cig/gsang ba'i bdag pos bka' stsal pa// nyon cig 'phags pa kun dga' bo// 'dod pa ster bas gnod sbyin no// las rnams byed pas dam can no// sems can skyob phyir mgon bstan pa// rab dga'
69a1 mthu stobs bsam mi khyab// de phyir chos skyong chen po'o// 'jigs pa'i tshul ston gshin rje'o// gnag pa'i cha lugs bdud kyi gtso// 'phengs par skong nor lha'o// dngos grub khol du phyung
69a2 ba'i rgyud las/gnod sbyin gyi mtshan nyid bstan pa'i le'u ste gnyis pa'o//// de nas 'phags pa kun dga' bos// bcom ldan 'das la 'di skad gsol// 'dod khams dbang byed gnod sbyin
69a3 'di// shin tu gdug cing mi bsrun na// 'di yi gnyen po gang la bgyi// gnyen po'i sgrub pa gang la bgyi// bcom ldan 'das kyis bka' stsal pa// nyon cig 'phags pa kun dga' bo// gnod sbyin bsgrub pa'i
69a4 rnal 'byor pas// phyag na rdo rje grub par bya// dang po dben pa'i gnas dag tu// stegs bu shin tu mdzes pa la// tsan dan bsregs pa'i dud pa dang// ma ki rtsi dang bcas pa'o// bdud rtsi rnam lngas byugs nas
69a5 su// me tog nag po dgram par bya// dam tshig skyed la ye shes bsam// spyan drangs phyi nang gsang bas mchod// sum 'bum dag tu sngags 'di bzlas// oM badzra tsaN+Da ma hA ro Sha Na hUM/ gtor ma sha lnga bdud rtsi
69a6 lnga// 'bru gsum 'od kyi byin gyis brlabs// mchod cing gtor mas mnyes par bya// me tog nag po dus gsum mchod// sku gsung thugs kyi rtags byung nas// de nas gnod sbyin bsgrub pa bya// dngos grub
69b1 khol du phyung ba'i rgyud las/gnyen po bsgrub pa'i le'u ste gsum pa'o//// de nas 'phags pa kun dga' bos// 'di skad ces gsol to// bcom ldan 'das 'di dang 'thun pa'i gnas gang lags/
69b2 gsang ba'i bdag pos bka' stsal pa// nyon cig 'phags pa kun dga' bo// byang du kha ltas gser gyi mdog/ gnya' shing 'dzin gyi ri 'dra ba// chu gling me tog gling yang zer// rgya mtsho che 'am dur khrod
69b3 du// gdeng dang ldan pa'i rnal 'byor pas// sgrub na dngos grub thob 'gyur ro// dngos grub khol du phyung ba'i rgyud las/ gnas btsal ba'i le'u ste bzhi pa'o//// de nas 'phags pa kun dga'
69b4 bos// gsang bdag phyag na rdo rje la// 'di skad ces ni tshig gsol to// bsod nams 'dod pa gang dag gis// des ni ji ltar bsgrub par bgyi// sngags kyi bdag pos bka' stsal pa// nyon cig 'phags pa
69b5 kun dga' bo// gnas ni yid 'ong dben pa ru// pad+ma 'dab brgyad gong sar la// rin chen sna lnga dag gis ni// mtha' ma 'ja' tshon rnam lngas bskor// khyams dang rta babs sgo brgyan rin chen 'bar// mdzes
69b6 pa'i 'phan 'phran brgyad ldan bri// pad+ma phyogs kyi 'dab ma la// sman lnga 'bru lnga snying po lngas gang ba'i// bum pa lnga dag bdud rtsi gang ba'i snod// 'bras bu chags pa'i kha brgyan byas// mgul chings dag gis
70a1 bcing bar bya// de stengs dpon g.yog tshang bar dgram// mdun du nor gyi sid+d+hi stsol cig pa'i// byang bu re re bris la gzhag/ mtshams bzhir gtor snod gzhag par bya// me tog 'phreng dang mar
70a2 me dang// sna tshogs dar gyi rgyal mtshan bla re dgram par bya// 'jig rten zas kyi bye brag ni// ma lus 'tshogs par bsags par bya// nyin dang mtshan mo dus drug tu// tshogs dang gtor ma rgyun mi
70a3 gcad// ser sna med pa'i sems kyis mchod// rang nyid gsang bdag nga rgyal gyis// lcags kyu'i phyag rgya bcas nas su// dpon g.yog rnams ni dgug par bya// sngags kyi rnam pa 'di dag yin// gzugs
70a4 pa'i dngos grub 'di rnams yod// thams cad sgrub phyir bshad par bya// oM radan tsit+ta ra ga ru ge rad na tsit+ta hUM/ oM ma hA kro d+ha ar+ya dzaM b+ha ri hri ta hUM/ oM ma hA ka la ha na ha na badzra na swA hA/ oM yak+Sha de ba pany+tsa rA
70a5 dza dza dza/a ma hA rA dza bai shra ma Na ye swA hA/ glo dang sbrid pa dbyal gyis bar mi gcad// chod na sngags kyi yan lag nyams// bul na nor zhing yal bar 'gyur// dgon pa nas ni 'ben gang nas// phar ni 'gro
70a6 bar mi rung ngo// bar chad sngags pa rang la yong// bar du rol mo'i sgra sgrags shing// gus pa'i tshul gyis mchod bstod bya// ma gus pa la byin mi brlob// des na gus pas mnyes par bya// gtso bo 'bum la
70b1 'khor la khri// bsgrub pa'i sngags dang las rnams rdzogs// mtshan ma byung bar ma gyur na// bar chad mtshan ma yin srid pas// 'jigs shing phya sangs khyer ba dang// yo byad 'phang sems byed pa dang// khro dang
70b2 'gro snying 'dod pa dang// bying zhing yid la mi dran dang// rmi lam gzhan gyis nor khyer na// bar chad bzlog pa'i cho ga bya// 'bru dang me tog char 'babs dang// rin po che ni mang rnyed dang// 'phral gyi bza'
70b3 ba tha ma yin// gal te de ltar ma byung na// 'phags pa rmugs 'dzin mdun du ni// zhag gsum smyung bar gnas byas la// khrus byas gos dkar gon nas su// lus la dri zhim spos kyis byug/ zla ba yar ngo'i tshes
70b4 brgyad la// lci ba'i dal gyi dbus su ni// dkar gsum mngar gsum sbyar ba'i chu// khyor ba stong dang rtsa brgyad du// mchod dam kun tu rgyu'i spos kyis bdug/ de yi mtshan mo rmi lam du// gter ni brgya stong ston
70b5 par 'gyur// tsan dan dag gi shing dag dang// rgyas ba yi ni shing rnams sam// ka ra bI ra'i shing rnams la// rin chen sna tshogs 'bru sna dang// de sogs rgyas pa'i rdzas rnams la// rgyas pa'i sbyin sreg brgya
70b6 phul na// rgyal srid sa yang thob par 'gyur// longs spyod phran tshegs smos ci dgos// dngos grub khol du phyung ba'i rgyud las/ nor sgrub pa'i le'u ste lnga pa'o//// de nas gsang ba'i bdag po
71a1 yis// sngags kyi sham bu 'di gsungs so// sa mA ya sarba sid+d+hi dza dza/[ (]radan [)]sid+d+hi d+harma sid+d+hi/ pu N+ye ma hA pu N+ye/ sa b+ho sid+d+hi hUM/ d+ha naM me de hi/ na ma kha de sid+d+hi dza hUM a/ rtags dang mtshan ma byung ba
71a2 dang// sngags la sham bu btags la bzlas// bdag nyid phyag na rdo rje bsgom// thugs kha'i hUM las 'od 'phros bas// gnod sbyin rnams kyi thugs rgyud bskul// 'od zer de rnams tshur 'dus pas// rang khyim
71a3 nor gyis gang bar bsam// dngos grub khol du phyung ba'i rgyud las// sngags dang ting nge 'dzin bstan pa'i le'u ste drug pa'o//// de nas gsang ba'i bdag po yis// rtags kyi rim pa 'di gsungs
71a4 so// lha rtags bstan pa 'di lta ste// slob dpon nor rdzas ster byung ba// zhang dbon yab yum grub pa yin// 'od dkar me tog dkar po ni// dzam+b+ha la ni grub pa yin// ban nag 'od nag bya nag ni// mgon po
71a5 yab yum grub pa yin// mi ni mang po phyag 'tshal na// 'brog gnas mched lnga grub pa yin// rta pa mang po rmi ba ni// rnam thos sras ni grub pa yin// de rnams thams cad rmi 'gyur na// dpon g.yog thams cad
71a6 grub pa yin// sna la rtags ni gang byung ba// de dang las 'phro yod pa yin// dngos grub 'byung ba'i rtags rnams ni// 'bru yis bang mdzod gang ba dang// rin po che yi char 'bab dang// zas nor ster dang
71b1 gter rnyed pa// dngos grub 'byung ba'i rtags yin no// de nas gsang ba'i bdag po yis// dngos grub bskul ba'i cho ga 'di gsungs so// snyan pa'i sgra sgrags 'di skad bskul// hUM/ ri rab lhun po'i tshur rol
71b2 na// gnya' shing 'dzin gyi pha rol nas// rin chen mdzes pa'i gzhal yas nas// ye shes brjid ldan 'od 'bar sku// mdzes pa'i rin chen praug zhu gsol// bdud rtsi bum pa rin chen 'dzin// bsgrub pa po la
71b3 dngos grub ster// ming ni rdo rje bdud 'dul te// dam tshig dbang gis 'dir gshegs la// rnal 'byor bdag la dngos grub stsol// shar gyi phyogs nas byung ba ni// dzam+b+ha la ni nor gyi lha// rin chen 'bar ba'i
71b4 sgrom bu 'dzin// 'dzum bag dkar po nor gyi bdag/ 'dir gshegs mchod 'bul dngos grub stsol// lho phyogs dur khrod zhing skyong tshogs la dbang sgyur ba// tsan dan be con lcags phor 'dzin// mdog gnag
71b5 dpal ldan mgon po che// 'dir spyon mchod bzhes dngos grub gsol// nub phyogs bzhugs pa nor gyi bdag/ dbu drug phyag drug sku mdog dmar// sku mched lngar ni yang dag gsal// 'dir bzhugs gnas
71b6 la nges med kyang// rnal 'byor dad pas spyan 'dren na// gnas 'dir bdag la dngos grub stsol// byang phyogs lus ngan sku mdog ljang// gser kyi spa lcag dngul gzhong 'dzin// gye ling gser 'dra chibs su
72a1 chibs// 'dir gshegs mchod 'bul dngos grub stsol// hUM/ mi gnas ye shes thugs kyi dkyil 'khor nas// bcom ldan phyag na rdo rje dam tshig gis// sngon gyi thugs dam dgongs pa'i dpon
72a2 g.yog rnams// 'dir gshegs bdag la 'dus 'dir stsol// oM ma hA yak+Sha [(]radan [)]tsit+ta gu Na hri da hUM/ oM badzra [(]radan [)]ra ga ra ti sid+d+hi sa ma yA/ ka yA bA ga tsit+ta maM ga la ga ta phA la sid+d+hi hUM hUM phaT swA hA/ zhes
72a3 bskul lo// 'di grub pa yi yon tan ni// 'dzam bu'i gling la dbang sgyur zhing// tshe 'dir bde skyid phun sum tshogs// phyi ma ngan song dag las thar// ci bsam thams cad 'grub par 'gyur// dngos grub khol
72a4 du phyung ba'i rgyud las/grub rtags dang cho ga'i le'u ste bdun pa'o//// de nas gsang ba'i bdag po yis// zhang dpon dpon g.yog lnga pa la// bla rdo rnam pa lnga gsungs so// dang po zhang dbon nyid la
72a5 ni// seng ldeng seng ge mtshon gang la// zhang dpon nyid du bskyed byas la// mthing gi shog bu gru bzhi la// srog sngags gser gyis rab bris la// ser ldeng seng ge gtum par bya// 'bru sna lnga dang rin chen
72a6 lnga// dar sna lnga yis gril byas la// yon tan nyi ma dang mnyam phyir// za 'og nyi ris khug mar gzhug/ zhang dbon nyid kyi bla rdo 'o// shar phyogs nor lha'i bla rdo ni// chu shes dkar po tshon gang la// shar phyogs
72b1 nor lha nyid du bsgom// srog snying gser gyis bris la dril// dar dkar khug mar gzhug par bya// lho phyogs mgon po'i bla rdo ni// zhang nye dkar po mtshon gang la// lho phyogs mgon por bskyed par bya// srog
72b2 snying mthing gis bris byas la// le brgan sngon po'i khur mar gzhug/ lho phyogs mgon po'i bla rdo'o// nub phyogs 'brog gnas bla rdo ni// me rdo smug po tshon gang la// srog snying mtshal gyis bris byas la// de yi
72b3 bla rdor bcang bar bya// 'brog gnas mched lngar bskyed par bya// le brgan dmar ser khug mar gzhug/ 'brog gnas mched lnga'i bla rdo 'o// rnam thos sras kyi bla rdo ni// rdo ni pha wang long bu la// rnam thos sras
72b4 su bskyed par bya// srog sngags ri bong khrag gis bri// le brgan dmar po'i khug mar gzhug/ rnam thos sras kyi bla rdo 'o// 'bru sna lnga dang rin chen lnga// nor sgrub dus su blug par bya// de rnams mchan khung
72b5 g.yon du bcang// mi yis mthong na dam tshig nyams// gsang la spyad pa rab tu gces// rang la 'khu ldog byed gyur na// rdo rje 'dzin par gsal ba yis// rkang pa g.yon pa'i 'og tu gnan// gal te bsgrubs
72b6 pas ma grub na// bla rdo ri gsum rtse bskyal gnan// des ni ci bsam 'grub par byed// gal te srog sgrub byed gyur na// bla rdo bya lugs mthun pa la// gzas pa'i ling ga bris byas la// dpon g.yog bla rdo'i zla
73a1 la gzhug/gzas pa'i phyogs su bla rdo brdab// dpon g.yog lnga po khros gyur te// gzas pa brlag par the tshom med// bla rdo'i gdams pa 'di med na// khyi rgod phugs su bcug pa 'dra// bla rdo'i
73a2 gdams pa 'di shes na// bu gcig pa la ma byams ltar// bdag la brtse gdung che bar 'gyur// rgyal pos 'bangs la bka' bsgo ltar// rnal 'byor bsgo ba nyan par 'gyur// khyi la nar mar zan byin
73a3 bzhin// bdag la rtag tu chags par 'gyur// de phyir 'di la nan ta bskyed// gsang ba'i bdag pos bka' stsal pa// nyon cig 'phags pa kun dga' bo// a ka ru ni nag po la// gnod sbyin ci 'dra'i
73a4 gzugs bris la// bai DUr+Ya yi mdog bsgyur la// rin chen gser gyis snying po bri// sku bskyed rab gnas byin gyis brlab// gtsug gam mgul du gdags par bya// bsrung ba'i mchog tu 'di 'gyur ro// lus
73a5 dang grib ma bzhin du 'ong// dngos grub khol du phyung ba'i rgyud las/ bla rdo gzung ba'i le'u ste brgyad pa'o//// de nas gsang ba'i bdag po yis// kun dga' bo la bka' stsal pa// oM ma hA yak+Sha rat+na tsit+ta
73a6 hUM/gu Na hri da hUM 'di yi yon tan bsam mi khyab// rgyal po g.yul du zhugs pa'i tshe// spyi bor snying po 'di bcings nas// bstod dang gsang sngags 'di brjod na// dgra rnams rab tu 'pham par 'gyur// zhi
73b1 rgyas dbang dang mngon spyod dang// las rnams de ni ci dga' byed// 'di ni legs par bsgrubs gyur na// ji ltar 'dod pa grub par 'gyur// dngos grub khol du phyung ba'i rgyud las/ 'khrug pa rgyal ba dang yon
73b2 tan rgyas pa'i le'u ste dgu pa'o//// de nas 'phags pa kun dga' bos gsol pa// gang zag snod kyi rim pa ni// rgyud 'di gang la bstan pa lags// bcom ldan 'das kyis bka' stsal pa// nyon cig
73b3 'phags pa kun dga' bo// mi bstan pa yi rim pa la// kha sbub can dang zhabs su rdol// dri ma can dang som nyi can// log chos can dang g.yeng ba can// dka' thub can dang rtog pa che// mi sgrub spel dang bla
73b4 ma spong// dam med dmyal ba'i rgyu can la// rna bar yang ni mi bsgrag go/ rin po che yi gang zag la// shin tu gdams te sbyin par bya// bcom ldan 'das kyis de skad ces bka' stsal nas// 'phags pa kun
73b5 dga' bo la sogs pa 'dus 'khor de dag gis/lha'i me tog gtor nas bstod pa/ zhi ba'i las mdzad byang chub sems dpa'i tshul// rgyas pa'i las mdzad dga' ldan lha yi tshul// dbang gi las mdzad gtum
73b6 po 'jigs pa'i tshul// drag po'i las mdzad sku la brjod du med// rgyal ba sangs rgyas de la phyag 'tshal bstod// dbul 'phongs bsal phyir zhal nas bdud rtsi shar// longs spyod spel phyir zhal nas rgyud
74a1 gsungs pa// bdud rtsi gsang rgyud de la phyag 'tshal bstod// de nas 'phags pa kun dga' bos 'di skad ces gsol to// lnga brgya dus kyi tha ma la// gsang sngags grong khyer spyod pa'i tshe// rgyud
74a2 'di dkon pas/gser zas kyang dkon par 'gyur ro// ma byung mi 'byung 'byung mi 'gyur// zhes smras pa dang/ bcom ldan 'das kyis bka' stsal ba/ kun dga' bo de de bzhin te// shin tu dkon par 'gyur
74a3 ro// kun dga' bos gsol pa/ bcom ldan 'das 'di nas dus nam zhig na rgyud 'di 'byung bar 'gyur// bcom ldan 'das kyis bka' stsal pa// nyon cig 'phags pa kun dga' bo// nga ni mya ngan 'das 'og
74a4 tu// lo ni brgya dang drug cu na// lho phyogs be ta la'i yul du ni// dge slong klu grub ces bya 'byung// rgyud 'di de yis 'dzin par 'gyur// de nas lo ni grangs med nas// chu bo lo hi ta yi 'gram// has po ri zhes
74a5 bya ba'i rtsar// many+dzu shri'i sprul pa ni// sman pa'i rgyal por grags pa des// de yis rgyud 'di 'dzin par 'gyur// skal bar ldan pas 'dzin par 'gyur// skal med rnams la ming mi grag/ 'di la mi mos smod byed
74a6 pa// de ni rig pa 'dzin ma yin// gang zhig 'di la mi mos pa// gzhan dag phub ma bdungs dang 'dra// bcom ldan 'das kyis de skad ces bka' stsal nas/ kun dga' bo dga' zhing yi rang nas/ gsang ba'i bdag po la gsol pa/
74b1 bdag gis spobs par gyur nas ni// de bzhin gshegs pas byin brlabs so// zhes lha'i me tog gtor nas// bcom ldan 'das kyis gsungs pa la mngon par bstod do// rin po che
74b2 nor gyi dngos grub chen po khol du phyung ba'i rgyud las le'u ste bcu pa'o//// dngos grub chen po khol du phyung ba'i rgyud rdzogs so//// rgyud 'di la dngos grub kyi bka' ma chad par byung ba
yin pas/

CLOSE WINDOW