61a1 ma hA yak+Sha sid+d+hi pha la tan tra/ bod skad du/ gnod sbyin chen po dngos grub bzang po'i rgyud// gnod sbyin gyi ded dpon rdo rje 'dzin la phyag 'tshal lo// 'di skad bdag gis thos
61a2 pa'i dus gcig na/ri rab lhun po'i byang phyogs na gnya' shing 'dzin gyi kha shed na// rin chen mdzes pa'i gzhal yas khang// mdzes pa'i rgyan gyis spras pa ni// a pa ra zhes sku mdog dkar// rin po che yi
61a3 srog zhu gsol// sku yi sprul pa ma nges te// sna tshogs dag tu sprul pa ston// g.yas bum g.yon na sgraM bu bsnams// ral bas sa gzhi khebs pa'o// rin chen kun rgyan nor gyi lha// sprul pa ma nges sna tshogs
61a4 ston// sngon gyi gnod sbyin gtsug phud lnga// de tshe phyag na rdo rje yis// phyag rgya rtse sprad thugs kar gtad// dam rdo pha waM long bu bzung// dam chu bdud rtsi 'od dkar blug/ sa bcu'i byang sems mnga' yang
61a5 gsol// mthu stobs bdag por bka' yang stsal// rin chen nor ltar mnga' yang gsol// byang chub sgrub pa'i stobs mdzad pa// dbang bskur gsang mtshan bstan pa dang// ming ni 'di zhes mtshan yang
61a6 gsol// kye!gsang ba'i bdag po rdo rje 'dzin// bdag dang yul 'khor srog snying 'bul// bdag ni 'jig rten srid gsum la// dbang bskur chos skyong dbang cig gsol// de nas gsang ba'i bdag po
61b1 yis// dbang bskur byin gyis brlabs nas su// a pa ra zhes mtshan yang btags// gus pas btud nas rang srog phul// oM hriM dza a pa ra tsit+ta dza dza/ zhes phul lo// dngos grub bzang po'i rgyud las/ gleng
61b2 gzhi'i le'u ste dang po'o//// kye gsang bdag rdo rje 'dzin// gnas dang sems bskyed maN+Dal dang// rdzas dang lha sgom mchod pa dang// gsang sngags bzlas dang grub rtags dang// dam tshig gso ba kha
61b3 tshar dang// rgyud gtad pa dang bcu gcig pa'o// rim pas ma nor bka' stsal 'tshal// ces dngos grub bzang po'i rgyud las/ gleng bslang ba'i le'u ste gnyis pa'o//// gsang bdag chen pos bka'
61b4 stsal pa// nyon cig gnod sbyin 'khor sde rnams// byang shar gnod sbyin yod pa dang/ gtsang zhing dben la nyams dga' dang// yid 'ong bar chad med par bsgrub// bkra shis nyams dga' mthun par
61b5 bsgrub// dngos grub bzang po'i rgyud las/ gnas bstan pa'i le'u ste gsum pa'o//// gsang bdag chen pos bka' stsal pa// gnyis pa sems bskyed bstan pa ni// rnam pa gsum du shes par bya// dang
61b6 po bla ma dkon mchog mchod// gnyis pa dbul 'phongs don bya zhing// gsum pa rang gi chos rgyags su// bsam pa bskyed la dngos grub blang// dngos grub bzang po'i rgyud las/ sems bskyed pa'i le'u ste
62a1 bzhi pa'o//// gsang bdag chen pos bka' stsal pa// gsum pa maN+Dal bya ba ni// btsan phyug phan dar zhing sa dang// phyug po'i bang pa'i sa dang ni// sa gtsang bsres la maN+Dal bya// ba
62a2 yi rnam lngas legs par byug/dri spos sman gyi chag chag gdab// de steng pad+ma 'dab brgyad bri// de steng me tog tshom bu dgod// 'khar gzhong zangs gzhong gtsang ma ru// ba mar ra dkar 'o ma dang// rin chen
62a3 sna lnga'i phye ma dang/sbos dang tsan dan dkar po dang// gu gul dkar pos mchod pa bya// dngos grub bzang po'i rgyud las// maN+Dal bshams pa'i le'u ste lnga pa'o//// gsang bdag chen pos bka' stsal
62a4 pa// de nas rdzas rnams bsags pa ni// rin po che yi ga'u 'am// za ma tog ni mdzes pa ru// rin chen sna lnga sman lnga dang// spos lnga dkar gsum mngar gsum dang// phyug po'i bang mdzod 'bru sna dang// dngos
62a5 grub gang 'dod yi ge rnams// kha bcad rgya yis btab nas ni// maN+Dal dbus su bzhag la bsgrub// dngos grub bzang po'i rgyud las/ rdzas bsags pa'i le'u ste drug pa'o//// gsang bdag chen pos
62a6 bka' stsal pa// dmigs pa gsal bar bsgom pa'i lha// bdag nyid phyag na rdo rje bsgom// lus ni lcags kyu'i phyag rgyas dgug/ yid ni hUM ngam rdo rje las// 'od zer 'phros pas byang phyogs kyi// ri rab khong
62b1 seng na gnas pa'i// gnod sbyin thugs khar phog par bsam// ngag tu sngags 'di brjod par bya// oM hriM a pa ra tsit+ta aM ku sha dza/ lan gsum brjod la spyan drangs la// bdag gi mdun du byon pa ni// sku
62b2 mdog dkar po spyan gsum pa// dbu la rin chen srog zhu gsol// zhal ni 'dzum bag shin tu che// phyag g.yas mi sems 'gugs pa yi// lcags kyu 'od zer 'phro ba rnams// g.yon pa ne le'i rkyal ba
62b3 'dzin// pad+ma'i gdan la bzhugs pa cig/ bka' nyan gus pa'i tshul du ni// mdun gyi maN+Dal dbus su bsgom// dngos grub bzang po'i rgyud las/ lha bsgom pa'i le'u ste bdun pa'o//// gsang bdag
62b4 chen pos bka' stsal pa// mchod pa dbul ba bstan pa ni// mchod pa rnam pa lnga dang ni// 'dzin gtor dang ni rgyun gtor la// dkar gsum mngar gsum 'bras chan dang// dri bzang me tog mang pos
62b5 brgyan// sbyang dang spel ba byas la dbul// gtor ma gtong ba'i dus dag tu// phyag rgya bstan la dam tshig bsgrags// gu gul dkar po'i dud pa btang// rtsa sngags bsham la ba ling khA hi// zhes pa btags la
62b6 dbul bar bya// dngos grub bzang po'i rgyud las/ mchod pa dbul ba'i le'u ste brgyad pa'o//// gsang bdag chen pos bka' stsal pa// gsang sngags zlos pa bstan pa ni// rnam pa lnga ru shes par
63a1 bya// gnyen po gsang bdag gsang sngags ni// gong du rdzogs par bya ba gces// bar chad sel ba'i gsang sngags ni// nang nub bsnyen pa 'dzugs kha ru// shin tu drag tu bzlas par bya// skye
63a2 mched byin gyis brlabs pa'i sngags// bgegs bskrad bsnyen pa ma zhugs pa// mtshams der sngags ni lan gsum gsum// bzlas la sgo kun yig 'bru bsgom// nor lha nyid kyi gsang sngags ni// smra ba bcad
63a3 la bzlas par bya// de yi 'phro 'du bstan pa ni// gsang bdag bsgom pa'i thugs ka ru// ye shes sems dpa' bsgom par bya// de yi thugs kar rdo rje bsgom// rdo rje hUM las 'od 'phros pas// nor lha nyid la
63a4 phar phog pas// mchod pa chen po 'bul bar bsam// tshur la 'od zer 'dus pas ni// nor lha'i sku gsung thugs kyi bcud// 'dus nas dngos grub chen po ste// bdag la ster bar bsam shing
63a5 bzlas// dngos grub zhu ba'i gsang sngags ni// gtor ma gtong khar brgya rtsa bzlas// dngos grub bzang po'i rgyud las/ gsang sngags bzlas pa'i le'u ste dgu pa'o//// gsang bdag chen pos bka'
63a6 stsal pa// grub pa'i rtags rnams bstan pa ni// gzugs la nges med sna tshogs 'ong// res 'ga' byas pa khye'ur 'ong// res 'ga' mi reng chen por 'ong// mig kyang lhung la khad par 'ong// de ni rab yin
63b1 dngos su 'ong// 'bring gi rtags ni bstan pa ni// sgra dang tug chom 'od dang dri// tha ma'i rtags su bstan pa ni// rmi ltas bza' bca' ster ba dang// ga'u'i rdzas rnams 'phel nas 'ong// de rnams ma grub bar
63b2 du bsgrub// dngos grub bzang po'i rgyud las// grub rtags bstan pa'i le'u ste bcu pa'o//// gsang bdag chen pos bka' stsal pa// 'di yi dam tshig bstan pa ni// rgyun dang khyad par rnam gnyis so// de la
63b3 rgyun gyi dam tshig ni// shin tu gsang mi thub pa dang// dam tshig phyag rgya bca' ba dang// nya la gtor ma mi bcad btang// khyad par dag gi dam tshig ni// bsgrub pa dag la zhugs pa dang// nya la gtor ma
63b4 gtong bar du// sha chang sgog btsong snol spang ngo// dngos grub bzang po'i rgyud las// dam tshig gi le'u ste bcu gcig pa'o//// gsang bdag chen pos bka' stsal pa// las kyi kha tshar sham bu ni// rtsa
63b5 sngags dag la gdags pa'i sngags// dngos grub len na sid+d+hi gdags// gsad par 'dod na ma ra gdags// dgug par 'dod na aM ku sha// bskrad par 'dod na spar sha phaT// mnan par 'dod na laM nan
63b6 te// gtor ma dbul na kha raM khA hi// tshe sgrub byed na A yu tshe bruM// sbyin sreg byed na dz+wa la raM// dngos grub bzang ba'i rgyud las/ las kha tshar gyi 'dogs kyi le'u ste bcu gnyis pa'o//// de nas gsang
64a1 bdag chen po yis// lha klu gnod sbyin dri za dang// 'khor de rnams la gsungs pa ni// gnod sbyin las rgyud chen po 'di// bstod pa dag dang bcas gtad pa// mi 'khrugs thogs med rdo rje'i
64a2 sku// thugs rjes kun grol nyi ma'i zhal// yon tan kun 'byung rin chen gter// nyon mongs kun skyob nam mkha'i ngogs// rgyud kun gyi ni rgyal po ste// thugs rje'i gtso la phyag 'tshal lo// zhes yid la zung
64a3 zhig/chongs rtogs shig/ ces bstod nas 'khor rnams la gtad to// dngos grub bzang po'i rgyud las/ rgyud la bstod cing gtad pa'i le'u ste bcu gsum pa'o//// gnod sbyin a pa ra tsit+ta'i las rgyud
64a4 ces bya ba/rin po che dang dngos grub bzang po'i bdag po phyag na rdo rjes gsungs pa rdzogs so////
64a5
64a6 rgya gar skad du/


CLOSE WINDOW