56a2 rgya gar skad du/ yak+Sha a pa ra rA dza kro d+ha tan tra/ bod skad du/ gnod sbyin 'dod pa'i rgyal po khros pa'i rgyud/ rdo rje gtum po la phyag 'tshal lo// 'di skad bdag gis thos pa'i dus gcig
56a3 na/ri rab chen po'i byang phyogs na/ pho brang yid du 'ong ba'i gnas na/ bcom ldan 'das rdo rje gtum po de nyid/ gnod sbyin thams cad dbang du sdud pa'i ting nge 'dzin la snyoms par zhugs pa'i tshe// gnod
56a4 sbyin ma lus pa dbang du 'dus so// gnod sbyin thams cad kyi nang nas sprul pa che ba ni// a pa ra tsit+ta yin pas/ sprul pa sna tshogs su bstan no// dus der tshogs kyi nang nas gnod sbyin skyem pa bzhengs te/ rdo
56a5 rje gtum po'i mdun du thal mo sbyar nas gsol pa/kye!thams cad 'dul ba'i gtum po khyed// sangs rgyas kun gyi dbang bskur sras// gnod sbyin thams cad dbang du bsdus// de'i nang nas rdzu 'phrul can gyi
56a6 gnod sbyin ni/'dod pa'i rgyal po dmar nag khros pa'i bsgrub thabs bshad du gsol/ de nas rdo rje gtum pos bka' stsal pa/ nyon cig gnod sbyin skyem pa khyod/ a pa ra zhes bya ba yi// 'dod pa'i rgyal po
56b1 bsgrub 'dod na// phun sum tshogs dang dam tshig lhan// legs pa'i gnas su bsgrub par bya// dmar nag khros pa'i rgyud las/ gleng gzhi'i le'u ste dang pa'o//// de nas yang ni bshad par bya// yid
56b2 'ong dben pa'i gnas nyid du// byi dor chag chag spos kyis byug/ tsha tsha chu gtor sngon 'gro ni// gos sngon can gyi gzungs kyang klag/ gtum po'i bsnyen pa 'bum bya zhing// 'phrin las gzhung bsang mchod pa
56b3 dbul// gnas dang sngon 'gro'i rim pa ste gnyis pa'o//// de nas yang ni bshad par bya// dang po rang nyid stong pa las// rus sbal chu srin klu gnyan steng// nyi zla pad+ma'i gdan stengs su// rig pa hUM las rdo
56b4 rjer bsam// de las rdo rje gtum po ni// zhal gcig phyag gnyis sku mdog mthing// rdo rje dril bu sdigs mdzub can// sprul dang rin po che yis brgyan// de yi thugs khar zla stengs su// dbang sdud hUM ni dmar
56b5 nag bsam// de nas sngags 'di zhag re stong stong btang// oM badzra tsaN+Da ma hA ro Sha Na hUM phaT// ces pas gnod sbyin ni bka' nod tshul du nyan par bsam/ gnyen po lha'i le'u ste gsum pa'o//// de
56b6 nas yang ni bshad par bya// gnyen po lha bskyed mdun du ni// skad cig nyid la gnod sbyin ni// dmar nag zhal gcig phyag gnyis pa// g.yas pa lcags kyi be con ni// dgra dang bgegs la bsnun par
57a1 byed// g.yon pas dgra bgegs co nas 'dzin// spyan gsum sdang mig mche ba gtsigs// dbu skra ral pa gyen du brdzes// dmar nag gcer bu 'jigs pa'i sku// chibs su stag mo mi zan
57a2 chibs// de ltar dmar nag gru gsum dbus su bskyed// gnod sbyin bskyed pa'i le'u ste bzhi pa'o//// de nas yang ni bshad par bya// dkyil 'khor khru gang gru bzhi la// gru gsum dmar nag rtsibs bzhi
57a3 ldan// byi la'i gsob dang tsa ka li// mda' dar bya la'i snying du bcas// gtor ma sman rag rnam lnga bsham// dgra bgegs ling ga gru gsum gzhug/ yungs kar zangs phye'i thun yang bca'// dkyil 'khor
57a4 dang dam rdzas kyi le'u ste lnga pa'o//// de nas yang ni bshad par bya// bca' bzhi ting 'dzin gong ma la// khros pa'i tshul gyi smra bcad la// grwa zur ma nyams sngags 'di bzlas// oM hriM dza a pa ra tsit+ta yak+Sha kro
57a5 d+ha hUM/drag po bcu gsum drag sngags 'dis// a pa ra yi sku nyid g.yo// 'di ni 'bum phrag bdun btang bas// snang srid thams cad g.yo bar byed// a pa ra yi zhal dngos mthong// zas nor longs spyod
57a6 dbang du sdus// mi chen thams cad bran khol byed// de dus gtor ma btang zhing 'phrin las bcol/ bsgrub sngags kyi rim pa'i le'u ste drug pa'o//// de nas yang ni bshad par bya// bsgrub pa'i dus su dam
57b1 tshig ni// bla ma mi brjed dam tshig yin// dung dung sems la bla ma dran// spyi bor rtag tu 'khur bar bya// zang zing longs spyod dbul bar bya// sgog btsong yugs sa'i zas mi za// khon dang nal btsog spang bar
57b2 bya// smra gcad gzhan du mi smra bya// lta dang snying po smra mi bya// rang gi bla ma min pa gzhan la phyag mi btsal/ dam tshig gi le'u ste bdun pa'o//// de nas yang ni bshad par bya// grub pa'i rtags ni 'di lta
57b3 ste// mi reng dkar po bzhad pa dang// bya dkar 'bags dang seng ge dang// stag dang seng ge 'cham pa dang// a tsa ra dang lho bal dang// rang gi slob dpon dge bshes dang// dmar nag 'jigs pa'i skur
57b4 ston dang// khang khyim 'tshegs dang sgo brdung dang// 'od dang me stag sa mtho brdeg/ ming nas 'bod cing mthong khung 'gegs// de ltar byung na grub pa'i rtags/ grub rtags kyi le'u ste brgyad pa'o//// de
57b5 nas yang ni bshad par bya/hUM!'jigs pa'i gnod sbyin a pa ra// sku mdog dmar nag khro gnyer can// zhal gcig phyag gnyis mche ba gtsigs// g.yas pa be con klad la bskor// snang srid thams cad g.yo
57b6 bar byed// g.yon pa dgra bgegs skra nas 'dzin// gang la dmigs pa thal bar rlog/ gcer bu gos med khros pa'i gzugs// bdud dang mu stegs zil gyis gnon// dbu skra gyen du brdzes pa yis// khams
58a1 gsum srid gsum dbang du bsdus// chibs su stag mo mi zan chibs// mi ro za yin srog la rngam// dgra bgegs gang la 'babs pa de'i// sha la za zhing khrag la 'thung// dam rdzas mchod pa 'di
58a2 bzhes la// bcol ba'i 'phrin las grub par mdzod// ces 'dod pa'i las bcol lo// bstod pa'i le'u ste dgu pa'o//// de nas yang ni bshad par bya// thun la sngags 'di khri phrag gcig gis
58a3 bsnun// brgya stong bar la thun yang brdeg/ b+h+yo a pa ra tsit+ta ma hA kro d+ha hUM/ dgra bo mA ra ya rbad rbad/ dgra bo mA ra ya sod sod/ dgra bo mA ra ya dza dza/ dgra bo mA ra ya myags/ tsit+ta ro myags/ kha thams rbad sod
58a4 gtubs b+h+yo/zhes thun brab la/ ling ga phyi ba'i thod par bcug ste/ yul 'dre yod sar gnan no// dmar nag khros pa'i rgyud las/ las sbyor gyi le'u ste bcu pa'o//// dus der gnod sbyin skyem pa yi rang
58a5 ste/rdo rje gtum po la mngon par bstod do// rgyud snga ma'i le'u 'o//// de nas yang ni bshad par bya// gnod sbyin 'dod rgyal sgrub 'dod na// dang po yid du 'ong zhing dben la nyam dga' bar// dkyil
58a6 'khor khru gang khru bzhi la// ba dmar 'o ma bzang po drug gam tsan dan sbyar// legs par byugs te dkyil 'khor bri// dbus su gru gsum dmar nag la// zla gam gsum ni dmar po bya// 'khor lo rtsibs bzhi
58b1 ser por bya// de'i phyi ru sgo gcig byang du dmar po bya// gzhan dag ljang khus dgang// de ltar dkyil 'khor bris zin nas/ rdzas dang yo byad bsham pa ni/ gru gsum nang du gang la bya ba'i ling kha
58b2 gzhug/mda' rgod sgro ma la dar dmar nag gi cha re gdags/ de la byi la'i snying du srog sngags mtshal gyi bris la gzhug/ de yang mda' dar la gdags/ mda' dar bshos bu gru gsum dmar nag khru gang ba
58b3 cig la btsugs la g.yas su gzhag/mdun du byi la'i gsob cig rang la kha bstan la/ shog bu la a pa ra tsit+ta'i tsa ka li bris la byi la'i tshul pa la btags la bzhag/ gsob de bar snang la gdags/ thod pa
58b4 mtshan ngan cig tu yungs kar dang zangs phye g.yon du bzhag/rang kha byang du blta'o// dmar nag khros pa'i rgyud phyi ma la/ bya lugs kyi le'u ste bcu gcig pa'o//// de ltar bca' gzhi rdzogs nas
58b5 ni// rang nyid snga ma'i gtum por bsam// mdun du gnod sbyin 'dod rgyal ni// 'dar zhing thal mo sbyar byas te// gang bcol 'phrin las byed par bsam// srod la rtag tu sngags 'di// stong stong dag gi mgo
58b6 yang mnan// gtum po'i ting 'dzin ldan pas bzlas// oM badzra tsaN+Da ma hA ro Sha Na hUM phaT// ces pas gnod sbyin dbang du sdud// de nas 'di ni zla phyed bzlas// sman rag gtor ma mchod pa bshams// dus
59a1 gsum dag tu dbul bar bya// dam tshig gtsang dang mos pa bya'o// oM hriM dza a pa ra tsit+ta yak+Sha kro d+ha hUM/ zhes pas snga ma'i rtags rnams 'byung ngo// bsnyen sgrub kyi le'u ste bcu gnyis
59a2 pa'o//// grub rtags byung nas las mtha' ni// thun la sngags 'di zhag gsum bsngags// brgya brgya dag la thun re brab// b+h+yo a pa ra tsit+ta ma hA kro d+ha hUM/ dgra bo mA ra ya rbad rbad la sogs pa bzlas shing
59a3 brab/de nas ling ga byi la'i thod par bcu la re ba nag pos dril/ tshon skud kyis rgya gram du bcings la klu bdud yong sar khyer la/ kha lho phyogs su bltas nas/ gru gsum khru gang gting du brus la gser skyem
59a4 gtor/dpang gzugs/ 'o dod pos la thod pa der bcug/ g.yam pa nag po la rdo rje rgya gram bris la kha gcad/ de steng sa g.yogs la steng nas rang 'dod pa'i rgyal por bsam la/ bdag gin sngags 'di
59a5 bzlas so// ma hA rA dza a pa ra yak+Sha dgra bo mA ra ya nan/ rA dza staM pa ya nan/ mu ka stam pa ya nan ces stong bzlas so/ de nas gnas su log la gtor ma bskul drag tu byas la dgra phyogs su zor 'phang
59a6 ngo// dmar nag khros pa'i rgyud las/ las mtha'i le'u ste bcu gsum pa'o//// 'dod pa'i rgyal po'i rgyud phyi ma//// de nas yang ni bshad par bya// gnod sbyin 'di ni 'dod pa che// khams gsum
59b1 dbang du sdud par 'dod// rgya gar skad du/ a pa ra/ bod skad du/ 'dod pa'i rgyal po bya/ 'jig rten 'di na cho 'phrul 'di ka che// de yi srog sngags bshad par bya// oM ni ye shes lnga ldan yin// hrI ni 'gugs
59b2 pa'i srog snying yin// dza ni 'dren byed snying po'o// a pa ra ni 'dod pa'i rgyal// dzi ta na ni 'bar ba'o// yak+Sha na gnod sbyin kro d+ha khros pa'o// hUM ni bsdus pa'i rang bzhin yin// sngags kyi mtshan nyid bstan
59b3 pa'i le'u ste bcu bzhi pa'o//// de nas longs spyod bsgrub 'dod na// ling ga med pa'i gzhan me'i rten rnams sngar bzhin la// bkra shis zhing sa khang sa la// 'bru sna blugs la rin po che brdar// de
59b4 la mchod rten mtho gang legs par bya// tshon rtsi sna lnga legs par byugs// bum par gnod sbyin srog snying bzhugs// dar sna lnga yi ba dan gdags// de ni dkyil 'khor dbus su bzhag/ de nas bskyed rim
59b5 sngar bzhin bya// nor bsgrub sngags 'di zhag nyer gcig tu// mi tshig sel spang smra gcad bzlas// oM hri a pa ra tsit+ta yak+Sha kro d+ha hUM/ rad na A yu:pha la sid+d+hi sid+d+hi hUM/ zhes pas bsgrub pa tshar ba dang// rten rnams
59b6 mis mi mthong bar mdzod du spa'o// nor gyi dngos grub stsol cig bya// des ni longs spyod bsod nams lha'i// dbang po dang mnyam par 'gyur// gtor ma dang mchod pa snga ma dang 'dra'o// nor bsgrub pa'i le'u
60a1 ste bco lnga pa'o//// gnod sbyin mig rnon bsgrub 'dod na// rten dang bca' gzhi snga ma la// bya rgyal sbu gu bzung byas te// dar sna lnga yis rab tu brgyan// dkyil 'khor dbus su gzhag
60a2 par bya// dar dmar dag gis mda' la gdags// de la sngags 'di khri tsho gdab// de nas bya de dgung zhag bdun nas 'chi// de nas tha bi kha the phyur sha/ rang gi mig la bsku/ des ni lha dang mi la sogs te
60a3 snang srid thams cad mthong bar 'gyur ro// oM hriM dza a pa ra tsit+ta yak+Sha kro d+ha hUM/ pra sa le ston pra sa le ston swA hA/ zhes pas nges par ston no// pra'i le'u ste bcu drug pa'o//// de nas gnod sbyin 'khu zhing
60a4 ldog byed na// shog bu dag la gnod sbyin sku bris te// srog sngags dag gis tha ma bskor// snying khar hriM ni bri bar bya// byi la'i snying su gzhug/ de ni rang gi mal 'og tu dong brus la gzhug/ de steng rang bsdad
60a5 gtum po'i ting nge 'dzin bsar zhing sngags 'di stong phrag gcig tu bzlas/hUM d+ha kro k+Sha yaka ta dzi ra pa a dza hriM/ rA dza las ky-is/ yak+Sha las kyis/ dzi ta las ky-is/ sa ma ya las ky-is/ zhes pas gzir la/ de
60a6 nas sku 'og nas bton la/mchod pa dang gtor ma dbul// bi liM ta khA hi/ zhes rtsa sngags la btags la dbul lo// de nas sgrub pa sngar bzhin bya'o// log gnon dang spogs chog gi le'u ste bcu bdun
60b1 pa'o//// dmar nag khros pa'i rgyud las/ rgyud phyi ma'i phyi ma'o// dus der gnod sbyin skyem pa la sogs pa'i 'khor rnams yi rangs te/ rdo rje gtum po la mngon par bstod do// 'di ni rgyud kho na
60b2 ltar bsgrub pa las/man ngag dang gud 'dogs yod pa ma yin no// zhes rdo rje gtum pos gsungs so// dmar nag khros pa'i rgyud ces kyang bya// 'dod pa'i rgyal po'i rgyud ces kyang bya// dza la 'bar ba'i rgyud
60b3 ces kyang bya// dza la 'bar ba'i rgyud ces kyang bya/ rgyud snga phyi gsum pa zhes kyang bya ste/ a pa ra tsit+ta dmar po'i rgyud rdzogs so//// gu ru pad+mas dngul phug tu gter du sbas so////
60b4
60b5
60b6 rgya gar skad du/


CLOSE WINDOW