35b1 rgya gar skad du/ yak+Sha rat+na sid+hi pha la sUr+ya tsan+d+ra gu h+ya hr-i da ya na ma ma hA tan tra rA dza/ bod skad du/ gnod sbyin rin po che bzang po'i dngos grub nyi zla gsang ba'i snying po rgyud kyi rgyal po chen po/
35b2 bcom ldan 'das dpal phyag na rdo rje la phyag 'tshal lo// 'di skad bdag gis thos pa'i dus gcig na/ bcom ldan 'das gsang ba'i bdag po dregs pa phyag na rdo rje chen po nyid/ ri rgyal lhun po'i rtse mo gnod
35b3 sbyin 'dus pa'i rdzong rtsub 'gyur gyi tshal chen po na// 'khor 'jig rten dang 'jig rten las 'das pa'i tshogs bsam gyis mi khyab cing brjod kyis mi lang ba'i tshogs rnams thabs cig tu bzhugs pa ni 'di lta
35b4 ste/rdo rje 'dus pa dang/ rdo rje stobs chen dang/ rdo rje phur bu dang/ rdo rje be con dang/ rdo rje gtum po dang/ rdo rje khros pa dang/ rdo rje 'bebs pa dang/ rdo rje 'joms pa la sogs pa sangs rgyas dang/ byang chub
35b5 sems dpa'i tshogs du ma dang/gzhan yang dpal tshangs pa dang// brgya byin dang/ rgyal po chen po bzhi dang/ phyogs skyong bcu la sogs te/ lha dang/ klu dang/ lha ma yin dang/ gnod sbyin gyi tshogs bsam
35b6 gyis mi khyab cing brjod kyis mi lang ba rnams dang thabs cig tu bzhugs so// de'i tshe de'i dus na bcom ldan 'das dpal gsang ba'i bdag pos lo ka'i ma rungs pa thams cad 'dul ba'i phyir// bdud kyi
36a1 dpung thams cad rnam par 'jigs pa zhes bya ba'i ting nge 'dzin la snyoms par zhugs// zhabs stangs thabs su bgrad de spyan sdang mig tu gzigs nas rdo rje nam mkha' la gsor zhing/ oM nA sha
36a2 ya sarba duSh+tan ta ka ha ma tsa b+ha smi ku ru hUM hUM phaT/ces gsungs pa tsam gyis b+ha ga wan gsang ba'i bdag po'i thugs kha nas rdo rje rab tu 'bar ba mang po byung ste/ lo ka'i ma rungs pa thams cad btul zhing tshar
36a3 bcad nas slar 'dus te/gsang ba'i bdag po nyid kyi dbu'i gtsug tu nub par gyur to// yang de'i tshe de'i dus su lo ka'i lha dang/ klu dang/ gnod sbyin srin po'i tshogs thams cad kyis rang rtags srog gi
36a4 snying po mdongs gsol du phul nas/byang chub mchog tu sems bskyed de sems can gyi 'gro don bya bar khas blangs shing dam bcas so// yang de'i tshe gnod sbyin a pa ra tsit+ta zhes bya ba 'khor nor lha chen po
36a5 brgyad dang bcas pa stan las langs te/bcom ldan 'das gsang ba'i bdag po'i spyan sngar thal mo sbyar nas 'di skad ces gsol to// kye b+ha ga wan gsang ba'i bdag po chen po/ dpal srid pa gsum las
36a6 rnam par rgyal ba bdag cag la bskyab tu gsol// bde bar gshegs pas bskyab tu gsol/ zhes bzlas zhing 'dud pa'i tshul gyis spyan snga nas 'khod par gyur to// de nas de la b+ha ga wan gsang ba'i bdag
36b1 pos bka' stsal pa/kye gnod sbyin nor lha'i tshogs thams cad shin tu legs par nyon cig/ ma 'ongs pa'i dus lnga brgya pa'i tha ma la/ sems can dbul zhing phongs pa dang/ sdug cing phongs pa nyon mongs pa
36b2 rnams kyi mgon skyabs gyis shig/de dag la bza' ba dang/ bca' ba dang/ btung ba la sogs pa longs spyod phun sum tshogs pa'i dngos grub byin cig/ gal te khyed rnams kyis nga'i bka' dang dam tshig
36b3 las 'gal ba byas na// snying khrag kha nas skyug cing mgo tshal pa brgyar 'gas te dmyal ba'i gnas su skye bar gyur ta re/ zhes bka' stsal nas/ spyi bor rdo rje bzhag nas dam phog go/ gnod sbyin rin po che
36b4 bzang po nyi zla gsang ba'i snying po'i rgyud las/gleng bzhi'i le'u ste dang po'o//// de nas yang de'i tshe gnod sbyin a pa ra tsit+ta 'khor nor lha chen po brgyad dang bcas pa/ b+ha ga wan gsang ba'i bdag
36b5 po'i zhabs la spyi bos phyag 'tshal te/thams cad kyis ne le'i rkyal pa rin po che sna bdun gyis bkang pa rig pa'i me tog phyag tu phul nas mgrin gcig tu 'di skad gsol to// kye ma gsang bdag rdo rje
36b6 'chang// bdag cag rnams la dgongs su gsol// ji ltar dus gsum mgon po rnams// byang chub mchog tu sems bskyed nas// de bzhin bla med byang chub sems// mtha' yas sems can ma lus
37a1 rnams// dbul 'phongs sdug bsngal bsal ba dang// phyi rabs rnal 'byor thams cad la// 'byor pa'i longs spyod nor rdzas dang// phun sum tshogs pa'i dngos grub bzhin// 'khor dang rigs
37a2 rgyud thams cad spel// rgyud 'di gang na bzhugs pa'i sar// bdag cag rnams kyis bsrung zhing bskyab// mdor na rgyud 'chang rnal 'byor de// gtsug gi nor bu rin chen ltar// bdag gis rtag tu spyo bor
37a3 bkur// ci bsam lhun gyis grub par bgyi// de la brten nas sems can rnams// nyon mongs sdug bsngal zhi gyur cig/ bsod nams 'gro ba'i don du bsngo// bla med go 'phang thob par shog/ phyi rabs dbul
37a4 'phongs thams cad kyi// sdug bsngal zhi bar bya ba'i phyir// yid bzhin nor bu lta bu yi// gsang sngags 'di ni sus zlos pa// de yi mthun 'jug bsgrub pa'i phyir// nga nyi de yi phyi bzhin 'brang// de phyir 'di la
37a5 brtson par byos// zhes byang chub mchog tu sems bskyed nas mtha' yas sems can gyi 'gro don bya ba'i khas blangs shing dam bca' 'o// gnod sbyin rin po che bzang po nyi zla gsang ba snying po'i rgyud las/ a
37a6 pa ra tsit+tas byang chub mchog tu sems bskyed pa'i le'u ste gnyis pa'o//// de nas bcom ldan 'das gsang ba'i bdag pos// nor lha'i tshogs rnams la bka' stsal pa// lnga brgya dus kyi tha ma
37b1 la// sems can nyon mongs bsod nams bri// nad dang sdug bsngal 'tshe ba mang// de dus 'gro la phan bya'i phyir// dbul 'phongs 'gro rnams don phyir du// nga yis khyed la byin gyis brlab// srog gi snying po
37b2 smra bar gyis// zhes gsungs pa dang// gnod sbyin a pa ra tsit+ta 'khor nor lha chen po brgyad dang bcas pas rang rang gi snying po smras pa/ oM hriM dza a pa ra tsit+ta dza dza/ oM ma Ni b+ha drA ya swA hA/ oM pU ra na b+ha drA ya swA
37b3 hA/oM d+ha na dA ya swA hA/ oM bai shra ma na ye swA hA/ oM hi li mi li ni swA hA/ oM pi tsi kuN+Da li ni swA hA/ oM mu khe na d+ha ya swA hA/ oM tsa ren drA ya swA hA/ zhes a pa ra tsit+ta dang/ gangs pa bzang po dang/ rnam thos kyi bu
37b4 dang/nor sbyin dang/ sngon po ki li mi li dang/ dmar po pi tsi kuN+Da li dang/ ser po mu khen d+ha dang/ dkar po ba ran tra rnams thams cad kyis rang rang gi snying po smras nas/ mgrin gcig tu 'di skad ces
37b5 gsol to// kye ma gsang bdag rdo rje 'chang// bdag cag rnams ni nor gyi lha// mtha' yas sems can ma lus pa'i// dbul 'phongs sdug bsngal zhi bya'i phyir// bka' bzhin rjes su bsgrub par bgyi// de la
37b6 byin gyis brlab tu gsol// zhes smras nas rang rang gi stan la 'khod par gyur to// gnod sbyin rin po che bzang po nyi zla gsang ba snying pa'i rgyud las/ srog gi snying po'i phul ba'i le'u ste gsum
38a1 pa'o//// de nas yang gnod sbyin mo thams cad stan las langs te/ mgrin gcig tu b+ha ga wan gsang ba'i bdag po la 'di skad ces gsol to// kye gsang ba'i bdag po chen
38a2 po// bdag cag rnams kyis kyang dpal rdo rje 'chang khro bo'i rgyal po zlos pa rnams kyi bran mo dang bsnyen bkur ma bgyis pa'i phyir snying po 'di dag 'bul gyi byin gyis brlab tu gsol/ zhes gsol te rang rang
38a3 gi snying po smras pa/oM shwi ri yak+Shi ni swA hA/ oM dad ta ye swA hA/ oM su b+ha drI swA hA/ oM gub ta sta ye swA hA/ oM ib bya ye swA hA/ oM swa ra sha t+ye swA hA/ oM ar+ya ye swA hA/ oM tsaN+Da ka s+t+ye swA hA/ zhes rigs skyed ma dang/
38a4 bzang mo dang/ rab tu bzang mo dang// sbas ma dang/ rab tu sbas ma dang/ lha mo dang/ dbyang can ma dang/ 'phags ma dang/ zla shel can no zhes rang rang gi snying po smras pa dang/ bcom ldan 'das gsang
38a5 ba'i bdag pos de dag la legs so zhes bya ba gnang ste legs so legs so// khyed rnams kyis ma 'ongs pa'i tshe ma 'ongs pa'i dus na/ rnal 'byor sgrub pa po rnams kyi bsnyen bkur ma byas pa'i phyir/ rang rang
38a6 gi snying po smras pa ni shin tu rab tu legs so zhes gnang ba mdzad do// gnod sbyin rin po che bzang po nyi zla gsang ba'i snying po'i rgyud las/ gnod sbyin mo rnams kyis srog gi snying po phul ba'i le'u ste bzhi
38b1 pa'o//// de nas bcom ldan 'das gsang ba'i bdag po la/ gnod sbyin mo rnams kyis 'di skad ces gsol to// kye bcom ldan 'das gsang ba'i bdag po chen po/ bdag cag rnams phyi ma'i tshe phyi
38b2 ma'i dus lnga tha ma la/sems can rnams kyi don dang/ sgrub pa po la bsnyen bkur ma bgyis na/ bdag cag rigs dang rgyud du bcas pa thams cad phung zhing brlag par gyur/ dam pa'i chos spong bar gyur/ de
38b3 bzhin gshegs pa thams cad smad par gyur/bcom ldan 'das dpal gsang ba'i bdag po khro bo chen po'i rdo rjes spyi bo khos shig/ lan brgya rnam par shig cig/ shi nas myur ba nyid du sems can dmyal ba'i
38b4 gnas su skye bar gyur cig/ces rang dam rang gis bcas shing khas blangs so// gnod sbyin rin po che bzang po nyi zla gsang ba'i snying po'i rgyud las gnod sbyin mo rnams rang dam rang gis bcas shing bro dor
38b5 ba'i le'u ste lnga pa'o//// de nas yang de'i tshe 'dus pa'i 'khor rnams kyi nang nas rdo rje 'dus pa chen po stan las langs te/ gsang ba'i bdag po la 'di skad ces gsol to// kye bcom ldan 'das
38b6 gsang ba'i bdag po chen po/gnod sbyin nor lha'i rgyal po a pa ra tsit+ta zhes bgyi ba de ltar mthu dang rdzu 'phrul che ba 'di rgyu ci las byung/ rkyen ci las gyur// pha dang ma ni gang lags/ rigs ni ci'i rigs/
39a1 rus ni ci'i rus/ 'di sgrub na tshul ci ltar sgrub/ grub pa'i rtags dang phan yon ji ltar 'byung/ bdag cag rnams la bstan du gsol// zhes gsol te rang gi stan la 'khod do// gnod sbyin rin
39a2 po che bzang po nyi zla gsang ba'i snying po'i rgyud las/zhus pa'i le'u ste drug pa'o//// de nas bcom ldan 'das gsang ba'i bdag pos/ rdo rje 'dus pa'i 'khor rnams la bka' stsal pa/ e ma ho/ rdo
39a3 rje 'dus pa nga la nyon// khyod kyis zhus pa shin tu legs// sems can rnams la phan pa'i phyir// khyod la nga yis bshad par bya// gnod sbyin rgyal po nor gyi lha/ a pa ra zhes bya ba 'di// bskal pa bzang po
39a4 'das pa'i tshe// sangs rgyas rin chen snying po la// byang chub mchog tu sems bskyed nas// grangs med gsum du tshogs bsags pas// da lta mi zad nor gyi lha// mthu dang rdzu 'phrul bsam mi khyab// sna tshogs
39a5 cir yang sku sprul cing// sems can rnams kyi don la brtson// mi zad ne le'i rkyal pa nas// nor dang longs spyod sbyin pa 'gyed// de phyir mtshan yang sangs rgyas kyis// gzhan gyis mi thub ces byar
39a6 btags// shes so// gnod sbyin rin po che bzang po nyi zla gsang ba snying po'i rgyud las/ gnod sbyin nor lha ji ltar gyur pa'i rgyu mtshan bstan pa'i le'u ste bdun pa'o//// de nas gnod sbyin nor lta
39b1 yi// cho 'brang nga yis bshad par bya// pha ni zhe sdang lha ma yin// dus ni sgra gcan 'dzin zhes bya// ma ni 'dod chags lha yi rigs// lha mo u ma de ba yin// rus ni nga rgyal 'byung po ste/ rigs ni phrag dog
39b2 gnod sbyin rigs// rdzu 'phrul gzi brjid phun sum tshogs// stobs chen nor lha mnga' thang sgyur// rgyal ba'i sras po phongs pa'i mgon// a pa ra zhes bya bar grags// shes gsungs so// gnod sbyin rin po
39b3 che bzang po nyi zla gsang ba snying po'i rgyud las/pha dang/ ma dang/ rus dang/ rigs bstan pa'i le'u ste brgyad pa'o//// de nas gzhan yang bshad bya ba// nor bdag sgrub par 'dod pa yis// bsgrub
39b4 tshul rnam pa bzhi ru nges// yang na bcu gcig tshul du sbyar// bsnyen dang bsgrub dang las sbyor ro// dang po dag la rnam pa gsum// mkhas pas shes na dngos grub nye// bar ma dag ni sgrub pa'i thabs// gnas
39b5 dang dkyil 'khor dag byed dang// bsgrub rdzas mchod rdzas rim par sbyar// mtshams dang bshags sbyang cho ga bya// bskyed dang spyan drang bstim pa dang// mchod dang bstod pa'i rim pa bshad// bsgrub pa'i yan
39b6 lag rdzogs pa na// gnod sbyin bran du 'khol bar 'gyur// zhes so// gnod sbyin rin po che bzang po nyi zla gsang ba snying po'i rgyud las/ bsnyen pa bsgrub pa'i le'u ste dgu pa'o//// de nas rnal 'byor
40a1 bsgrub pa pos// mi gtsang dam tshig bsrung bar bya// bsgrub pa chen po dus dag tu// rtsa sngags rnam pa gsum du dril// phyi nang mchod pa rgyas par dbul// rta gtor byin brlab khas kyang
40a2 blang// gsang mchod dud pa rgyun mi gcad// pad+ma phyag rgya bcas te bstan// mi yul mi 'khyis mi smra bar// rgyun chad med pa chu bo'i gzhung// sgo gsum rtse gcig rnal 'byor pas// yi dam che ba'i nga rgyal
40a3 bskyed// sgo dgu skye mched byin gyis brlabs// ting 'dzin rnam gsum rim pa ltar// dgu la dgu gsum nyi shu bdun// mkhas pas de nyid shes par bya// zhes so// gnod sbyin rin po che nyi zla gsang ba snying
40a4 po'i rgyud las/bsgrub pa chen po man ngag bstan pa'i le'u ste bcu pa'o//// de nas grub rtags bstan par bya// spyir na nor lha'i grub rtags la// rnam pa gsum du shes par bya// rmi lam mthong snang tha ma
40a5 yin// bsgrub rdzas mthong snang 'bring po yin// dam la byon na mchog yin no// spyir na rdzu 'phrul bsam mi khyab// mtshan ma cir yang ston pa yin// brjod par mi nus nor lha'i rtags// kho yi rtags la nges pa
40a6 med// res 'ga' sprul pa sna tshogs 'gyed// res 'ga' mtshan ma cir yang ston// res 'ga' gzugs byad sna tshogs ston// re 'ga' sgra skad sna tshogs byin// res 'ga' khro tshig shes pa 'phyog/ res 'ga'
40b1 nyams 'jigs lus po 'dar// res 'gas skrag cing skyi yang g.ya'// kho yi rtags la nges pa med// byung ba'i dus su dngos grub blang// zhes so// gnod sbyin rin po che bzang po nyi zla gsang ba snying po'i rgyud
40b2 las/bsgrub rtags bstan pa'i le'u ste bcu gcig pa'o//// de nas rnal 'byor sgrub pa pos// grub pa'i rtags mthong dngos grub blang// dam la byon nas mtshan nyid brtags// dma' dbab rnol gyis
40b3 gcod par bya// phyag rgyas bzung la zil gyis gnan// rdo rje rtse gcig phyag rgya bstan// sems bskyed dam bca' dran du gzhug/ rin chen phyag rgyas gtor ma byin// pad+ma'i phyag rgyas dngos grub blang// dam
40b4 mdar chad bya thems bzung la// mna' bsgag gang 'dod las bcol zhes// dpa' bo nga yis bshad pa yin// zhes so// gnod sbyin rin po che nyi zla gsang ba'i snying po'i rgyud las// man ngag las kyi rim pa
40b5 bstan pa'i le'u ste bcu gnyis pa'o//// de nas spogs pa'i man ngag bstan// gal te grub par ma gyur na// lan gsum bar du bskyar bar bya// dam tshig sngags bzlas bka' nan bya// dam bsgrag
40b6 dam dpog dam tshig bskul// des kyang grub par ma gyur na// dam tshig chad pa gcad par bya// ma nyin gzir ba'i man ngag gis// ar la gtad cing shi sa bstan// longs spyod thob par the tshom med// ces
41a1 so// gnod sbyin rin po che bzang po nyi zla gsang ba snying po'i rgyud las/ spogs pa'i le'u ste bcu gsum pa'o//// de nas yang dag bshad bya ba// dang po rnal 'byor snod ldan
41a2 gyis// bsgrub par bya ba'i yan lag ni// 'gro don rdzogs par 'dod pa la// gzhan don skyabs 'gro u0f84sems skyed gces// nor lha shin tu gdug rtsub che// yid bzhin nor bu'i man ngag gis// ye shes lha
41a3 bsnyen shin tu gces// gnod sbyin gter bdag dregs pa che// lag na rdo rje'i man ngag gis// las ngag bsnyen pa shin tu gces// de nas bsgrub pa'i dus dag tu// rten dang bca' lugs shin tu gces// sku
41a4 gzugs srog gi 'khor lo la// dbang bskur rab gnas shin tu gces// nor lha'i bsnyen bsgrub dus dag tu// mchod bstod 'phrin las shin tu gces// rtsa sngags srog snying sham bu la// dngos grub sham bu
41a5 shin tu gces// bsgrub pa chen po'i dus dag tu// mi sems bskul ba shin tu gces// bsgrub rtags mtshan ma mthong ba'i tshe// dngos grub blang ba shin tu gces// bsnyen bsgrub las kha'i dus dag tu// dam
41a6 tshig bsrung ba shin tu gces// gnod sbyin shin tu mi bsrun pas// bla srog gzung ba shin tu gces// las rnams 'gor zhing 'khu ldog che// dam tshig gzir sngags shin tu gces// gter bdag 'dod yon
41b1 dag la dges// dus gtor mchod pa shin tu gces// zhes gsungs so// gnod sbyin rin po che nyi zla gsang ba snying po'i rgyud las/ gces pa bsdus pa'i man ngag gi le'u ste bcu bzhi pa'o//// de nas
41b2 bcom ldan 'das gsang ba'i bdag pos rgyud yongs su bzung ba 'di bka' stsal lo// e ma ngo mtshar rmad du byung// rgyud kyi yon tan bsam mi khyab// nor lha'i nus pa brjod mi lang// thams cad dbang du
41b3 'dus pa nas// dbang chen dbang phyug 'khor los sgyur// 'di bsgrub yon tan bsam mi khyab// lha 'dre mi gsum dbang du 'dus// khams gsum 'khor ba'i 'jig rten na// dbang du mi 'du gang yang
41b4 med// dper na nam la dbyar gyi dus// sha rus dag la sbrang 'du bzhin// mi nor thams cad dbang du 'du// sems can kun gyi yid kyang 'phrog/ thams cad dga' zhing dang ba skye// kun gyi snying dang yid du
41b5 'ong// bza' btung nor dang longs spyod rnams// rnal 'byor pa la thams cad 'du// bsod nams ri rgyal lhun po 'dra// tshe yang bskal pa bdun du thub// gzi brjid nyi ma'i 'od dang mnyam// lha mo klu mo
41b6 gnod sbyin mo// mi la sogs pa'i bu mo rnams// bdag la shin tu chags par 'gyur// mkha' 'gro ma tshogs thams cad kyang// bu gcig pa yi ma bzhin byams// lha klu gnod sbyin 'byung po yang// gtsug gi
42a1 nor bu rin chen ltar// bdag la rtag tu spyi bos 'khur// bdud dang srin po la sogs pa'i// 'jig rten dregs pa'i lha 'dre yang// bran bzhin ci bcol las rnams byed// de phyir rtag tu brtson
42a2 par bya// zhes gsungs so// gnod sbyin rin po che nyi zla gsang ba snying po'i rgyud las/ rgyud kyi che ba'i phan yon bstan pa'i le'u ste bco lnga pa'o//// de nas bcom ldan 'das gsang ba'i bdag pos/ rdo rje
42a3 'dus pa la sogs pa'i 'khor rnams la bka' stsal pa/e ma ho/ nga yi rgyud kyi rgyal po 'di// u dum 'bar ba'i me tog ltar// 'jig rten khams na shin tu dkon// snod dang ldan la bstan gyur na// 'dzam
42a4 gling nyi ma shar ba 'dra// snod med rnams la bstan byas na// gnod sbyin yak+Sha'i tshogs rnams kyis// dus min par ni srog zad skem// de phyir gsang zhing spyad par bya// zhes bka' stsal to// gnod sbyin rin po
42a5 che nyi zla gsang ba snying po'i rgyud las/rgyud bcas thabs bstan pa'i le'u ste bcu drug pa'o//// de nas rdo rje 'dus pa chen pos/ bcom ldan 'das gsang ba'i bdag po la 'di skad ces gsol to// kye
42a6 bcom ldan 'das gsang ba'i bdag po chen po/rgyud 'di'i mtshan ni gang lags/ 'di bzung na ji ltar bzung bar bgyi/ bdag cag rnams la bstan du gsol/ zhes gsol ba dang/ gsang ba'i bdag pos
42b1 bka' stsal pa/rdo rje 'dus pa chen po rgyud 'di rjes su sgrub pa'i rnal 'byor pa rnams la sbyin pa'i gter chen 'byung ba'i phyir/ gnod sbyin nor lha'i rgyud ces bya bar zung zhig/ dgos 'dod thams cad 'byung
42b2 ba'i phyir/dngos grub rin chen bzang po'i rgyud ces bya bar zung zhig/ phongs pa rnams kyi mgon skyabs su gyur pa'i phyir/ nyi zla gsang ba snying po'i rgyud ces bya bar yang zung zhig/ ces bka' stsal
42b3 to// gnod sbyin rin po che bzang po nyi zla gsang ba snying po'i rgyud las/ rgyud kyi mtshan bstan pa'i le'u ste bcu bdun pa'o//// de nas rdo rje 'dus pa chen po la sogs pa'i 'khor rnams yi rang nas
42b4 'di skad ces bcom ldan 'das gsang ba'i bdag po la bstod do// kye ma gsang bdag rdo rje 'chang// dug gsum nad sel sman pa'i gtso// 'chi bdag bdud 'joms lha yi lha// dgos 'dod skong ba'i rin po
42b5 che// ma rig mun sel nyi zla'i zer// khams gsum 'khor ba'i gnyen gcig po// bcom ldan mthu stobs gsang ba'i bdag/ rdo rje 'chang la phyag 'tshal 'dud// ces bstod do// gnod sbyin rin po che bzang po
42b6 nyi zla gsang ba snying po'i rgyud las/'dus pa'i 'khor rnams rjes su yi rang ba'i le'u ste bco brgyad pa'o//// gnod sbyin rin po che bzang po nyi zla gsang ba snying po'i rgyud ces bya ba'i rgyud kyi rgyal po
43a1 rdzogs so//// rgya gar gyi mkhan po ba su d+ha ra mkhas pa nor 'dzin dang/ bod kyi lo tsa ba snubs sangs rgyas rin po ches bsgyur cing zhus te gtan la phab pa'o////


CLOSE WINDOW