26a2 rgya gar skad du/ yak+Sha a pa ra tsit+ta gu Na b+hu ha rA dza tan+t+ra nA ma/ bod skad du/ gnod sbyin a pa ra tsit+ta yon tan bkod pa'i rgyud kyi rgyal po zhes bya ba/ bcom ldan 'das dpal phyag na rdo rje la
26a3 phyag 'tshal lo// 'di skad nyi zla gsang ba'i rgyud las thos pa'i dus gcig na/ gsang ba'i bdag pos bka' stsal pa// e ma ngo mtshar rmad du byung// rgyud kyi yon tan bsam mi khyab// nor lha'i nus pa brjod mi
26a4 lang// thams cad dbang du 'du bas na// dbang chen dbang phyug 'khor los sgyur// 'di grub yon tan bsam mi khyab// lha 'dre mi gsum dbang du 'dus// khams gsum 'khor ba'i 'jig rten na// dbang du
26a5 mi 'du gang yang med// dper na nam la dbyar gyi dus// sha rus dag la sbrang 'du bzhin// mi nor thams cad dbang du 'du// sems can kun gyi yid kyang 'phrog/ thams cad dga' zhing dad pa skye// kun gyi
26a6 snying dga' yid du 'ong// bza' btung nor dang longs spyod rnams// rnal 'byor pa la thams cad 'du// bsod nam ri rgyal lhun po 'dra// tshe yang bskal pa bdun du thub// gzi brjid nyi ma'i 'od dang
26b1 mnyam// lha mo klu mo gnod sbyin mo// mi la sogs pa'i bu mo rnams// bdag la shin tu chags par 'gyur// mkha' 'gro ma tshogs thams cad kyang// bu gcig pu yi ma bzhin byams// lha klu gnod sbyin 'byung
26b2 po yang// gtsug gi nor bu rin chen ltar// bdag la rtag tu spyi bos 'khur// bdud dang srin po la sogs pa// 'jig rten dregs pa'i lha 'dre yang// bran bzhin ci bcol las rnams byed// de phyir rtag tu
26b3 brtson par bya// zhes gsungs so// de nas yang rin po che gsang rgyud las 'di skad thos te/ gsang ba'i bdag pos bka' stsal pa// rgyud 'di'i yon tan bsam mi khyab// thams cad 'du bar 'gyur ba
26b4 yin// lha 'dre mi gsum dbang du 'du// des na bsod nams skyed pa yin// gang na 'dug pa'i sa phyogs der// dgra yi gnod pa mi 'byung ngo// rkyen gyi sbyor ba zhi ba dang// khros pas thams cad 'chi bar
26b5 'gyur// sum cu rtsa gsum lha dang mnyam// lha ma yin gyi longs spyod dang// rin chen gter rnams bdag la ster// tha skad dri med lha mo yang// bdag la chags 'gyur dngos grub thob// de bas de mthong ngo
26b6 mtshar che// 'di grub yon tan bsam mi khyab// de phyir rgyud 'di bcang bar bya// zhes gsungs so// de nas yang 'byung po 'dul byed kyi rgyud las 'di skad thos te// gsang ba'i bdag pos bka' stsal
27a1 pa// gang zhig 'di la su dad pa// 'dzin nam 'chang ngam klog pa dang// rjes su sgrub par byed pa de// mi zad gter la longs spyod dang// nor gyi bdag por the tshom med// gang zhig the tshom mi za
27a2 bar// 'di la mngon par brtson 'gyur na// lha yi dbang po'i rgyal srid kyang// dngos su 'grub par lung bstan na// mi yi rgyal srid smos ci dgos// tshangs pa dang ni brgya byin gyi// bu mo tha skar dri med
27a3 dang// srog dkar lha yi bu mo yang// bdag la shin tu chags gyur na// mi yi bu mo smos ci dgos// nya zla la sogs gza' brgyad kyis// de yi gzi brjid mi thub na// khams gsum skye bos smos mi
27a4 dgos// 'chi bdag bdud kyi tshogs kyis kyang// de la bar chod mi nus na// log 'dren bgegs kyis smos ci dgos// 'jig rten gsum na gnas pa yi// skye 'gro thams cad dbang 'dus na// nor dang
27a5 longs spyod smos ci dgos// 'dod yon lnga la longs spyod dang// ci bsam lhun gyis grub pa yi// dngos grub chen po thob 'gyur na// bza' btung yo lang smos ci dgos// des na 'di la nan tan bya// zhes
27a6 gsungs so// de nas yang srog rtsa mngon chung gi rgyud las 'di skad thos te/ gsang ba'i bdag pos bka' stsal pa/ e ma ho// rgyud chen rgyal po 'di lta bu// 'das pa'i sangs rgyas rnams kyis kyang// 'jig
27b1 rten 'di ru sngar ma gsungs// ma 'ongs sangs rgyas thams cad kyang// phyin cad gsung bar yongs mi 'gyur// de ltar sangs rgyas thams cad la// nga yis bshad pa ma gtogs pa// gzhan gyis gsungs pa
27b2 yod ma yin// bsam 'phel nor bu rin chen ltar// 'jig rten khams na shin tu dkon// 'di yi yon tan bsam mi khyab// rgyud 'di phyogs bcu gar gnas pas// nor lha'i tshogs kyang de na gnas// nor lha
27b3 gang na gnas pa na// mi zad gter yang de na yod// rgyud 'di 'dzin nam 'chang ba dang// klog dang kha don byed pa dang// bsgrub cing mchod par byed pa de// mi zad gter la longs spyod cing// dus gsum
27b4 sangs rgyas byin gyis rlob// lha srin sde brgyad srung zhing skyob// nor lha'i tshogs kyang dngos grub ster// thams cad mos shing gus par 'gyur// lha 'dre mi gsum dbang du 'du// 'dod yon lnga la longs spyod
27b5 dang// ci bsam thams cad 'grub par 'gyur// lha ma yin gyi lo thog dang// rin chen gter rnams bdag la ster// tha skar dri med lha mo yang// bdag la shin tu chags par 'gyur// sgrub pa po ni gang gnas
27b6 kyang// dgra yi gnod pa mi 'byung ngo// khros pas thams cad 'chi bar 'gyur// 'di ni bzlas pa tsam gyis kyang// gling bzhi'i 'jig rten mi sems sgul// nor dang longs spyod char bzhin 'bab// bza' btung
28a1 bar snang sprin ltar 'du// sum cu rtsa gsum gnas su skyes// lha yi rgyal pos dbang bskur zhing// tshe yang bskal pa drug tu thub// yi dwags gnas su yongs mi skye// de phyir bsgrub la brtson par
28a2 bya// zhes gsungs so// de skad ces bka' stsal pa dang// 'jig rten gyi khams kyang rnam pa drug tu g.yos shing/ nam mkha' las rin po che'i char chen po yang babs so// 'jig rten gyi khams na sems can
28a3 dmus long ji snyed cig yod pa de dag thams cad ni mig dang ldan par gyur to// 'on pa rnams kyang sgra thos par gyur to// zha bo rnams kyang 'gro shes par gyur to// lkug pa rnams kyang smra shes par gyur
28a4 to// sems can dbul zhing longs spyod chung ba rnams kyang 'byor pa dang ldan par gyur to// de nas 'khor thams cad rjes su yi rang nas// bcom ldan 'das gsang ba'i bdag po la bstod pa// bcom ldan
28a5 dpa' bo rdo rje 'chang// rtog med spros bral chos sku la// longs spyod rdzogs pa'i skur bstan nas// bdud 'dul don mdzad khyod la 'dud// sems can bde la dgod pa'i phyir// bdag cag 'dus pa'i 'khor
28a6 rnams la// rgyud chen gsungs pa yi rang ngo// zhes rjes su yi rang bar gyur to// gnod sbyin yon tan bkod pa'i rgyud kyi rgyal po zhes bya ba rdzogs so// rgya rgya rgya////


CLOSE WINDOW