CLOSE WINDOW

Gpb050.002
བོད་ཡིག

shri dzam b+ha la da ya kA ru Ni ka tan+t+ra nA ma/ bod skad du/ dpal gnod gnas thugs rje 'byung ba'i rgyud ces bya ba// dpal phyag na rdo rje la phyag 'tshal lo// 'di skad bdag gis thos pa'i dus gcig na/ye shes kyi gnod 'dzin yab yum/ ri rab kyi byang phyogs rin po che'i gzhal yas khang dgos 'dod 'byung ba'i gnas na bzhugs so// de'i tshe bcom ldan 'das mgon po gnod 'dzin gyis/ 'khor gyi gnod sbyin rnams zil gyis gnon pa'i ting nge 'dzin la snyoms par zhugs so// de'i tshe 'khor sa la gnas pa'i gnod sbyin yab bcu drug dang// 'jig rten gyi gnod sbyin yab yum 'khor dang bcas pa rnams 'dus shing 'khod do// de'i tshe gnod sbyin gyi rigs bye ba khrag khrig stong phrag du ma yang 'dus shing 'khod de/ de dag rnams rin po che la sogs pa dgos 'dod 'byung zhing 'byung ba'i phyag mtshan sna tshogs bsnams nas rin po che'i char 'bebs/zhal nas rang rang gi sngags bzlos shing/ rang rtags srog gi snying po mdongs gsol du phul nas/ gtso bo la gdung ba'i sems kyis 'di skad ces gsol lo// e ma ho/ nor bu bzang po la sogs pa'i// gnod sbyin btsun mo brgyad la sogs// nyid kyi 'khor du gtogs pa yi/ gnod sbyin stong phrag thams cad kun// gnod sbyin gco bo'i bka' nyan te// las kyi bya ba gang 'tshal ba// gtso bos bka' stsal bdag cag gnyan// gnod 'dzin gtso bos gsung du gsol// ces zhus so// de nas 'phags pa gnod 'dzin gyis 'di skad ces bka' stsal to// nyon cig 'dus pa'i 'khor tshogs rnams// las ngan spyad na dmyal bar ltung// dam tshig gnyan la gnas pa dang// bde gshegs bka' lung gzhung bzhin du// bla med byang chub bsgrub pa dang// gzhan don dag la brtson pa dang// sdom pa dag la gnas pa dang// rnal 'byor dam pa de nyid la// bla med byang chub thob pa dang// nad med bar chad zh-i ba dang// tshe ring mis byams bar chad zhi// bkra shis zas nor 'phel ba dang// bde ba'i bsam pa rdzogs par mdzod// ces gsungs pa'o// de nas 'khor rnams kyis 'di skad ces gsol lo// bla med byang chub sgrub pa dang// bkra shis bar chad med pa dang// bsam pa yid bzhin bsgrub pa dang// gnod pa thams cad bzlog par bgyi// ces dam bcas so// yang bcom ldan 'das gnod 'dzin gyis bka' stsal pa/ khyed kyi de ltar byas gyur na// sangs rgyas thams cad mnyes par 'gyur// nga yi thub pa mar me mdzad// man d+ha ra bas mchod byas nas// byang chub mchog tu sems bskyed nas// smon lam rgya cher rab tu btab// ces gsungs so// yang gsol pa/ shin tu mdzes pa'i gnod sbyin gtso// nyid kyi skye ba sngon rol du// las su bya ba gang la spyad// gnod 'dzin 'phags pas bka' stsal cig/ ces gsol pas/ gnod sbyin chen pos bka' stsal pa// thugs rje 'byung ba zhes bya ba'i phyir// gsang ba'i bdag pos de la dris// gnod sbyin chen po khyed rnams la// de yis mkhyen pas legs par gsungs// zhes bka' stsal pas/ de nas 'khor rnams kyi nang nas// gnod sbyin nor bu bzang po zhes bya ba dri bar sems te stan la langs pa dang/gsang ba pa'i bdag po nyid kyis/ 'khor gyi rtog pa thugs su chud nas/ nor bu bzang po la glang po che'i lta stangs kyis gzigs nas bka' stsal pa/ nyon cig 'khor gyi gnod sbyin kun// sngon tshe lha yi yul na 'dug/ las su lha yi longs spyod dang// ming ni rin chen nor bur grags// zhes gsungs so// gsol pa/ kye kye bcom ldan gsang ba'i bdag/ rin chen nor bu bya ba ru// gnod sbyin lus su skye ba de// las kyi rnam smin ci las byung// bka' stsal pa/ nyon cig nor bu bzang po khyod// sum cu rtsa gsum lha yul du// yongs 'du sa brtol shing la ni// lha dang lha min rtsod pa byung// lha rnams pham par gyur pa las// rin chen nor bu lha yi bus// sangs rgyas mar me mdzad ces la// me tog man d+ha ra bas gtor// spyan sngar smon lam 'di skad btab// bdud dang lha min rtsod pa byung// rin chen gter gyi longs spyod kyis// dbul 'phongs sdug bsngal bsal ba dang// bla med byang chub thob par shog/ de skad smon lam btab pa dang// sangs rgyas mar me mdzad chen gyis// de yi mgo la phyag bzhag nas// 'dod pa'i khams la dbang mdzad pa'i// mgon po dzam+b+ha la zhes pa'i// dgos 'dod dag la longs spyod pa'i// gnod sbyin du ma'i 'khor gyis bskor// dbul 'phongs kun la thugs rjes gzigs// las 'phro can la dngos grub ster// de lta bu yi gnod sbyin du// skye bar de ni the tshom med// phyag na rdo rjes byin rlob cing// chos dang mthun pa dbul ba sel// rin chen rdo rje'i bu ru skye// lha yi sdug bsngal zhi nas kyang// shin tu dkar ba'i las rnams spyad// mar me mdzad kyi spyan snga ru// shAkya thub pa'i bstan pa la// smon lam gcig tu btab pa'i mthus// shAkya seng ge'i bstan pa la// gang bsgrub dngos grub 'byung bar 'gyur// dbul 'phongs sdug bsngal thams cad sel// ces gsungs pas/ yang gsol pa/ legs so legs so bcom ldan 'das// legs so dpal ldan rdo rje 'chang// ji ltar bstan pa de bzhin du// bdag cag gnod sbyin tshogs rnams kyang// mgon po dzam+b+ha la bzhin du// bgyid cing bka' nyan gsung sdod do// zhes dam bcas so// thugs rje 'byung ba'i rgyud las/ gleng gzhi'i le'u ste dang po'o//// de nas nor bu bzang pos 'di skad gsol to// mgon po gnod 'dzin bsgrub pa la// gnyen po gang gis 'dul bar 'gyur// gsang bdag gtso la bdag nyan 'tshal// bcom ldan 'das kyis bka' stsal pa// nyon cig nor bu bzang po khyod// gnod sbyin bsgrub pa'i rnal 'byor pas// gzhung dang mthun pa'i gnas dag tu// stegs bu gru bzhi mdzes pa'i steng// tsan dan lce dpog dkar pos bsad// bdud rtsi lnga yi chag chag gdab// de steng me tog sngon po dgram// yid bzhin nor bu bsgrub par bya// dam tshig bskyed la ye shes lha// spyan drangs phyi nang gsang gsum mchod// 'bum phrag gsum du sngags 'di bzlas// oM badzra tsaN+Da ma hA ro Sha Na hUM phaT/ gtor ma sha lnga bdud rtsi lngas// 'brug gsum sngags kyis byin brlabs nas// mchod bstod sngags kyis mnyes par bya// me tog sngon pos dus gsum mchod// sku gsung thugs kyi rtags rdzogs nas// de nas gnod sbyin bsgrub par bya// thugs rje 'byung ba'i rgyud las// ye shes lha'i bsgrub pa'i le'u ste gnyis pa'o//// de nas nor bu bzang po yis// gsang ba'i bdag la 'di skad gsol// gsang ba'i bdag po chen po lags// gnod sbyin ces pa ci yi phyir// de la bdag ni the tshom mchis// mgon po zhes pa ji lta bu// gsang ba'i bdag pos bka' stsal pa// skye dgu tshe la gnod byed cing// dam tshig can la dngos grub sbyin// chos ldan skyob pas mgon po'o// bsam pa sgrub pas chos skyong ngo// dgos 'dod 'byung bas nor lha ste// zad par mi 'gyur gter gyi bdag/bkra shis zas nor 'phel bas na// gnod 'dzin ces ni de la bya// gser mdog 'dra bas gnod sbyin gtso// 'phongs pa'i re skong rin po che// thugs rje 'byung ba'i rgyud las/ ye shes gnod 'dzin gyi mtshan nyid bstan pa'i le'u ste gsum pa'o//// gsol pa/ bsgrub pa'i gnas ni ji lta bu// bka' stsal pa/ byang du kha ltas gser gyi mdog/ gnya' shing 'dzin 'dra ri chen la// gser gyi 'brang rgyas spungs 'dra 'am// gnam gyi ka ba 'dra ba'i ri// chu gling me tog tshal chags sam// rgya mtsho chen po'i 'gram dag gam// rin chen sna lnga ri mo ma// mdor na bkra shis yid 'ong bar// lta spyod gdeng ldan rnal 'byor pas// bkra shis dngos grub thob pa dang// tshogs gnyis rdzogs par bya ba'i phyir// the tshom yid gnyis spangs gyur nas// yid gzhungs spro bas bsgrubs byas na// dngos grub myur du thob par 'gyur// bsgrub pa'i gnas kyi le'u ste bzhi pa'o//// gsol pa/ bsgrub pa'i dkyil 'khor rten mchod rdzas bdag gis ma 'tshal bshad du gsol/ bka' stsal pa/ theg chen byang chub sems ldan pas// lo zla gza' skar shis pa la// gong du bshad pa'i gnas dag tu// bsod nams ldan pa'i rgyal po 'am// khyim bdag bram ze phun sum tshogs// khang khyim dag nas sa blangs te/ dkyil 'khor gru bzhi 'tsham par brtsigs// steng du rin chen sna tshogs brdar// gtsang sbra byi dor legs byas la// de steng ba bla ser pos byugs// tshangs thig la sogs legs par gdab// rin chen lnga sogs phye ma yis/// gzhal yas 'khor lo rtsibs brgyad gter// gru chad khyams dang sgo bzhir ldan// rgyan rnams ma lus rdzogs par bri// bla 'og rgyan gyis legs par spras// phyogs bzhir rin chen bum pa bri// rdzas lnga dkar gsum mngar gsum dgang// dbus su man 'ji bzang po'i khar// rin chen zhal bu ka pa la// dum bu gsum dang shong gsum ldan// dbus su shong bzhi rje 'u rigs// de ni dngos grub 'phel ba'i rdzas// chang dang mngar gsum bdud rtsi lnga// zhun mar dag gis rab tu dgang// zab chen rdo rje rgya gram gyis// de yi kha ni dgab par bya// tsan dan byang bu legs byas te// 'dod yon gsol byang bris la gzhag/rus sbal khog pa rin chen bsnol// mdzes shing gtsang bar gtor ma ni// nas gro 'bras la byas pa yi// dpag bsam shing 'bras lo mas brgyan// dkar gsum mngar gsum rgyan gyis brgyan// man ji'i kha ru dbu bdun dgod// bkra shis tshe yi 'brang rgyas bya// ser po dang gyis gur yang dbub// mun nag mi shis mar me brten// me tog ser pos dus med mchod// lce dpog dkar pa'i bdug pa ni// gnod sbyin bod pa'i rdzas su rten// gzhan yang zhal zas sna tshogs bsog/ dkyil 'khor rdzas dgod dang bcas pa'i le'u ste lnga pa'o//// de nas yang dag bshad bya ba// bdag nyid gsang bdag mdun du ni// b+h+ruM las rin chen gzhal yas khang// rin chen khri dang pad+ma dang/ nyi zla'i gdan las dzam ser las// bI dza pu ra yongs gyur ye shes kyi// gdon nas yab yum gser gyi mdog/ de mdun pad+mar 'jig rten gyi// nor lha yab yum bsgom par bya// 'khor lo gnod sbyin brgyad po yang// btsun mo dang ni bcas pa dang// byang sgor gnod sbyin sgo ba ste// mun bran bye ba sa ya'i tshogs// dkyil 'khor gyi lha'i le'u ste drug pa'o//// de nas yang dag bshad bya ba// 'di yi bla rten bca' ba ni// du ru kha ni bcu rnams las// gtso 'khor rtsa sngags gser gyis bri// yang na bI dza bu ra 'o// snying po khri tsho re bzlas bstim// dar dkar 'khor lo rtsibs brgyad bri// rdo rje rgya gram rgyab tu bri// de nas gong gi bla rten bril// de phyir ser po'i dar gyis g.yogs// gser dngul rten 'brel snying po bri// de dril la cha'i rin po che// mdzes byas mchan khung g.yon du bcang// lus dang grib ma bzhin du 'ong// bsam pa 'grub cing byang chub thob// bsrung ba'i mchog tu 'di 'gyur ro// bla rdo gzung ba'i le'u ste bdun pa'o//// de nas yang dag bshad bya ba// snang srid 'khor 'das chos rnams kun// dbyer med ma 'dres gcig gi ngang// ma bcos ma slad longs spyod ni// rgya chad phyogs lhung med pa'o// de la ma yengs ma bcos pa// dmigs gtad med pa bsgom pa ste// ma bcos lhug pa dus med cing// nyam nga kun bral spyod pa'i mchog/ rnam rtog rtsol ba re dog bral// 'bras bu sku gsum lhun gyis grub// lta sgom spyod 'bras bzhi'i le'u ste brgyad pa'o//// de nas dam tshig rab bshad pa// sku yi dam tshig yi dam lha bsgom zhing// rang srog phyir yang srog mi gcad// gsung gi dam tshig rtog par sngags brtson zhing// brdzun gyi tshig ni kun tu spang// thugs kyi dam tshig byang chub sems bsgom zhing// log par lta ba rab tu spang// yon tan dam tshig nyin re zhing// sbyin pa rnam bzhi rab tu 'bad// 'phrin las 'phags pa dkon mchog mchod pa dang// 'gro la byams dang snying rje bskyed// gnod sbyin nor lha'i tshogs rnams la// mchod bstod gtor ma brtson par bya// ra ro bag med mi gtsang kun tu spang// rme yugs nal la rab tu gzer// rta bong mi yi gsur mi btang// bsgrub khang thog tu gzhan mi btang// dngos grub thob par gyur ba'i tshe// rdzas ni bzhi cha bzhi ru bgo/ cha gcig bla ma dkon mchog mchod// cha gcig chos skyong srung ma mchod// cha gcig 'gro la sbyin par btang// cha gcig rnal 'byor bdag nyid spyad// mtshon dug bud med phyir mi btad// dam tshig dbang gi le'u ste dgu pa'o//// de nas gzhan yang bshad bya ba// bsnyen pa'i sngags ni 'di dag go/ thugs kyi snying po 'di bzlas so// oM dzam b+ha la dza len drA ya rad na sid+hi tsit+ta hUM/ 'di ni yon tan snying po yin// oM dzam+b+ha la dza len drA ya hUM hUM/ 'di ni nye ba'i snying po yin// oM AHhUM dzam+b+ha la dza len drA ya/ rad na sid+hi puSh+tiM ku ru hUM hUM/ 'di ni spyan drangs pa'i sngags so// e h+ye ma hA yak+Sha dzam b+ha la dza len drA ya dza:hUM baM ho/ thugs bsnyen stong la yon tan khri// nye bsnye 'bum la spyan drangs lnga// bsnyen sngags kyi le'u ste bcu pa'o//// de nas gsang ba'i bdag po yis// nor zas la sogs 'khor rnams la// 'dod yon lnga yi longs spyod rnams// dbang bsdu gter bca' snyan grags rnams// nam mkha'i mtha' dang mnyam byed pa'i// de yi thabs mchog 'di dag bstan// sngar bstan pa yi dkyil 'khor du// bkra shis bum pa mdzes pa bcu// mgul pa dar gyi mdzes ldan cing// 'bru sman dri snying rin chen snying// mngar gsum dag gis rab tu dgang// kha rgyan dbus su lugs 'bur bris// sku gzugs dag dang ne le yi// rgyal bur gong rdzas bkra shis pa// zas sna dbus su rnam rgyal rab// bI dza pU ra gser mdog lnga// gzhan yang gser mdog dgu dag la// rang sngags gser sogs bris la dril// dar snas dril la nang du rtsal// tsan dan byang bu legs pa ru// 'dod yon lnga la longs spyod dang// ci bsams phun sum tshogs pa yi// dngos grub chen po bdag la stsol// mi sems bsgul la nor rgyun khug/ oM dzam b+ha la dza len dra ya/ rad na puN+ye d+ha na me d+hi na me d+hi na na la te da la saM bo d+hi sid+ha pa la A hUM dza/gzhan yang gang 'dod bris la gzug/ de nas smyug ma tshigs bdun gsum// yal gar bcas pa rtse mo'i cha// rang mdog mthun pa'i ngar dang bcas// gdags pa nyid du bya ba yin// gong gsungs dngos grub rdzas mchod gtor// gtsang la bzang mdzes rab tu bsham// de nas tshogs gnyis sngon song bas// gong du bshad pa'i ting 'dzin gyis// gtso 'khor ma lus bsam pa ni// bI dza pu ra dag las bskyed// rang bzhin gnas nas spyan drangs bstim// nyer spyod chu gtor sbyin sreg mchod// de nas bdag nyid thugs kha nas// 'od 'phros gtso 'khor rnams la phog/ mnyes pa'i mchod phul de dag las// 'od 'phros bskul don char phab cing// bcud bsdus rdzas rnams dag la bstim// ne le'i rin chen gang gyur cing// des skyugs bdag gi gnas kun gang// de ltar bsam zhing bzlas pa ni// gtso 'bum 'khor khri bzlas par bya// oM dzam+b+ha la dza len drA ya swA hA// oM ba su d+ha ri ni swA hA/ oM ma Ni b+ha dra ya swA hA/ oM tsan dra ka ta ye swA hA/ oM bur+Na b+ha dra ya swA hA/ oM dan d+ha ye swA hA/ oM d+ha na d+ha ye swA hA/ oM su dan ta ye swA hA/oM bai shra ma Na ye swA hA/ oM Ar+ya ya swA hA/ oM bi tsi kun+Da li ye swA hA// oM su b+ha dra ya swA hA/ oM ki li mi li ni swA hA/ oM gu pa ta ye swA hA/ oM mu khen dra ye swA hA/ oM dib bya ye swA hA/ oM tsa ran dra ye swA hA/ oM swa ra sa t+ye swA hA/ de ltar rtsa sngags grangs rdzogs shing// rtags rnams mthong nas las la sbyar// ngan pa'i rtags byung bar chad bsal// las sbyor sngags dang dus bzhi ste// snga dro'i cha la sngags bzlas pa// oM dzam b+ha la dza len drA ya swA hA/ rad na puN+ye sid+hi pa la hUM a dza/ gong gi mgo non kun la sbyar// d+ha na me d+hi sid+hi pha la oM hUM dza:nan kha te sid+hi pha la a hUM dza:/ d+ha la sa bod+hi sid+ha pha la A hUM dza:/ dang po bsod nams gnyis pa nor// gsum pa zas dang bzhi pa 'khor// snga dro phyi dro tho rangs kha// rim pa bzhin du bzlas pa ste// de bzhin rang rang sngags la gdags// de nas dngos grub rdzas kun la// tshe dang bsod nams la sogs bstim// bsgrub pa bdag nyid spyad par bya// gtor ma byang gi phyogs su btang// rten rnams bang mdzod gter du sba// tshes brgyad la sogs dus rnams la// sku yi rten rnams spyan drangs te// chu sbyin la sogs rnams kyis mchod// 'dod pa'i don la gsol pa gdab// de ltar 'bad par gyur pa na// mi bzad gter la spyod par 'gyur// snyan grags nam mkha'i mtha' khyab gyur// tshe dang bsod nams rgyas shing 'phel// gzi brjid nyi ma'i 'od 'dra zhing// bdud dang bdud kyi rigs rnams kyi// nam yang glags ltar ga la nus// 'jig rten gyi nor rdzas dbang du bsdu zhing gter bca' ba dang snyan grags bsgrub pa'i le'u ste bcu gcig pa'o//// de nas rtags rnams bshad pa ni// rnga sgra 'brug sgrogs dung 'bud dang// me tog 'thu dang rin chen rnyed// 'bru dang nor char lo legs dang// 'phral du bza' ba ster ba rmi// shing gcod pa dang ri la 'dzeg/ rab dang 'bring du shes par bya// shing 'thu blangs pas zas ster dang// tha ma'i rtags su bshad pa'o// rmi lam gzhan gyis nor khyer dang// lo thog srin zhugs ser bas khyer// shing la hab thob byed pa dang// gcer bu thur bang gtong ba ni// ngan pa'i rtags su bshad pa yin// 'jigs shing phyas ngas khyer ba dang// lung ston phyin dang rta bong kyu// snod stong mang po thogs pa ni// tshogs dang gtor mas ma skongs rtags// ting 'dzin thang lhod shor ba yin// mchod gtor btang zhing ting 'dzin bsar// bar chad bzlog pa'i las la 'bad// rtags kyi le'u ste bcu gnyis pa'o//// de nas nor bu bzang po yis// gsang ba'i bdag la 'di skad gsol// 'di gtad gang zag ji lta bu// gsang ba'i bdag pos bka' stsal pa// bla ma la gus bsgrub la brtson// theg chen snying rje che ba la// rgyud 'di rab tu sbyin par bya// khengs shing chags la khro ba dang// snying rje med cing khro la gdug/ gtong ba'i blo dang mi ldan zhing// bla ma spun la brnyas pa yi// dam tshig med pa'i mi dag la// skad cig tsam yang bstan mi bya// rten gyi gang zag gi le'u ste bcu gsum pa'o//// de nas 'dus pa'i 'khor rnams kyis// gsang ba'i bdag la 'di skad gsol// e ma ho dpal ldan rdo rje 'dzin// chos nyid byang chub sems zhi ba// yon tan mthar phyin rgyas pa'i sku// khams gsum ma lus dbang du sdud// gdug pa ma lus 'dul mdzad cing// dngos grub rnam gnyis rab ster ba// sangs rgyas kun gyis rab mngags pa'i// rgyal ba khyu mchog khyod la 'dud// ces bstod nas rang rang gi gnas su dong ngo// thugs rje 'byung ba'i rgyud las/ 'khor gyis bstod cing rjes su yi rang ba'i le'u ste bcu bzhi pa'o/

CLOSE WINDOW