356b1 badzra ga ru Da ka la a par sog tshig mU la u pa de sha tan tra nA ma/ bod skad du/ rdo rje khyung nag gi rgyud yang snying rtsa ba'i man ngag ces bya ba/ dpal rdo rje gtum po chen po gzi brjid
356b2 'bar ba la phyag 'tshal lo// 'di skad bdag gis thos pa'i dus gcig na/ bcom ldan 'das lcang lo can nas rgya mtsho chen por byon nas/ 'jig rten pa dang 'das pa'i tshogs mang po dang thabs gcig tu
356b3 bzhugs pa las/byang chub sems dpa'i mchog khro bo bdud rtsi 'khyil bas gsol pa/ kye ma ho bcom ldan 'das/ 'dzam bu'i gling na sems can klu gnyan dang sa bdag gis gtses pa rnams skyab tu gsol/
356b4 zhes gsol pas// dpal rdo rje gtum pos klu gnyan 'dul ba'i ting nge 'dzin du gnas te/ oM tsaN+Da ma hA ro Sha Na badzra ga tu Da hUM phaT/ ces bka' stsal pa dang/ klu thams cad brgyal te gdug pa zhi bar gyur
356b5 to// gleng gzhi'i le'u ste dang po'o//// de nas khro bo bdud rtsi 'khyil pas gsol pa/ kye ma bcom ldan 'das/ rdo rje gtum po dang khyung gi rtsa ba'i rgyud bshad du gsol// zhes gsol to// de nas dpal
356b6 rdo rje 'dzin pas bka' stsal pa/rdo rje gtum po khyung dang bcas// ngo bo gcig la tha dad tshul// sgrub par 'dod pa'i rnal 'byor pas// yid dang mthun pa'i yo byad bsags// khyung gi maN+Dal bri ba ni// gru
357a1 gsum sum brtsegs dkyil 'khor la// 'phrin las bzhi yi 'brub khung bya// bdag nyid hUM las gtum por bskyed// phyi nang gsang ba'i mchod rdzas bsags// bdag gi thugs kha'i hUM las
357a2 ni// bla ma gtum po rab sprul la// bsod nams bsags te stong nyid la// rdo rje gtum po'i thugs kha ru// sprul pa'i khyung nag bskyed pa ni// chu dang chu zla'i tshul du ni// bsgoms nas spyan drangs byin brlabs
357a3 dang// dbang bskur mchod gnas gsang sngags bzlas// srog tshig gnan/ lus rtul nA ga mA ra ya phaT/ raM raM dz+wa la dz+wa la/ shi shi/ rdul phung/ nA ga mA ra ya rbad sod// ag+ne nA ga raM raM dz+wa la dz+wa la mA tra ya phaT/
357a4 nA ga shan+tiM ku ru swA hA/ nA ga puSh+tiM ku ru swA hA/ nA ga wa shaM ku ru swA hA/ nA ga mA ra ya phaT/ hUM hUM phaT phaT mA rA ya/ s+pho Ta ya s+pho Ta ya phaT phaT/ ces gsungs so// sgrub pa'i thabs kyi le'u ste gnyis
357a5 pa'o//// de nas gzhan yang bka' stsal pa// dang po rtsa sngags grub pa dang// ling ga bcas la thun gyis brab// de nas gnod byed thams cad la// las kyi mtha' brtul sbyin sreg byed// thab khung gru
357a6 gsum nang du ni// tsher ma can gyi shing rtsigs la// shan pa'i me sbar lha skyed la// ag+ne dz+wa la bcu bzhi pas// bkug la gtubs te bsreg par bya// de nas ling bzhin thal ba la// ling ga byas pa gdug par
357b1 mnan// sreg rdzas dug dang til sogs sreg/ de yis gdug pa brlag par 'gyur// zhes gsungs so// mtha' brtul gyi le'u ste gsum pa'o//// de nas gzhan yang bka' stsal pa// bzlas pa mi
357b2 nus gang zag la// rnal 'byor bsnyen pa rdzogs pa yis// rdo rje byab pa'i ting 'dzin bya// gla rtsi dag la bzlas la btang// khong nas phyi ru 'don par byed// bdud rtsi ka bla la bsngags te// man ngag bzhin du
357b3 sbyar la btang// de ltar byas na nges par grol// bsam gtan ye shes 'khor lo bsam// zhes gsungs so// log gnon bstan pa'i le'u ste bzhi pa'o//// de nas gzhan yang bka' stsal pa// yul
357b4 na klu dang gnyan gnas pa la/dang po zhi bas bden pa bdar// gtor ma byin la mdza' gdums bya// nor rdzas blang zhing gta' ru bzung// de yis rnal 'byor bka' nyan 'gyur// gzhan du klu gnyan gnod pa
357b5 la// dang po zhi bas dgrol bar bya// de nas zhi ba'i bzlas pa bya// gzhan yang bden pa ma mthong klu// gdol pa la sogs gdug pa can// bden pa mi nyan drag po'i las la 'jug/ drag po'i sbyin sreg dus
357b6 nyid du// bden pas nyes med dgrar mi blang// bdag nyid dus rnams thams cad du// lha dang tha dad med par bya// zhes bka' stsal pa dang/ khro bo bdud rtsi 'khyil pas gsol pa/ e ma bcom ldan 'das
358a1 rgyud 'di bdag gis ji ltar gzung bar bgyi// zhes gsol pas/ rgyud 'di ni man ngag rtsa ba'i rgyud ces bya bar zung zhig/ ces bka' stsal pa dang// bdud rtsi 'khyil pa la sogs pa rnams yi
358a2 rang bar gyur to// las sbyor gyi man ngag dang gzung ba'i le'u ste lnga pa'o//// khyung nag srog tshig rtsa ba'i rgyud kyi man ngag rdzogs so//// rgya gar gyi mkhan po ba su d+ha ra dang/ rdo rje yang dbang
358a3 gter gyis bsgyur ba'o// spyi phyag rdor dang khyung la spyi rgyud rgya po thams cad la 'byam/ man ngag rgyud gsum la/ srog tshig rtsa ba'i man ngag rgyud dang/ phyag na rdo rje khyung nag sprul pa'i rgyud dang/ gsang ba thugs
kyi rgyud gsum ni/

CLOSE WINDOW