350a1 rgya gar skad du/ badzra ga ru Da kA la gu h+ya rad na nA ma tan tra/ bod skad du/ rdo rje khyung nag gsang ba rin po che'i rgyud ces bya ba/ dpal phyag na rdo rje la phyag 'tshal lo// 'di skad bdag gi thos pa'i
350a2 dus gcig na/bcom ldan 'das/ rdo rje 'dzin pa chen po nyid// mtsho chen po klu gnyan grong khyer na rten dang 'jig rten las 'das pa'i 'khor dpag tu med pa dang thabs cig tu bzhugs so// de'i tshe de'i dus
350a3 na bcom ldan 'das kyis gdug pa 'dul bar byed pa'i ting nge 'dzin la snyoms par zhugs nas/oM tsaN+Da ma hA ro sha na hUM phaT/ oM badzra kro d+ha ga ru Da hUM phaT/ ces sku gsung thugs rdo rje las 'thon no// de nas
350a4 sa bdag klu gnyan thams cad brgyal zhing 'gyel nas dbang du 'dus par gyur to// gleng gzhi'i le'u ste dang po'o//// de nas byang chub sems dpa' las kyi phyag na rdo rjes/ rdo rje 'dzin pa chen po la
350a5 'di skad ces gsol to// kye ma bcom ldan 'das 'dzam bu gling nas sems can thams cad klu gnyan sa bdag la sogs pa'i gdug pa'i nad kyis sdug bsngal gyur pa thams cad la phan gdags pa'i phyir/ rdo
350a6 rje khyung gi don rim par bshad du gsol// zhes gsol to// gleng bslangs pa'i le'u ste gnyis pa'o//// de nas bcom ldan 'das rdo rje 'dzin pas bka' stsal pa/ nga nyid phyag na rdo rje ni/ sku mdog ljang
350b1 sngon chen po las// gdug pa thams cad 'dul ba dang// dbang chen thams cad dbang bsdu'i phyir// bya khyung nyid du sku sprul te// mchu ni gnam lcags rdo rje'i mchu// gshog pa rdo rjes gtams pa
350b2 gdengs// 'jig rten khams kun g.yogs par khebs// sder mos sa bdag klu gnyan 'dzin// zhal nas sngags zer drag po 'phro// thams cad dbang du sdud mdzad pa// de yi don nyid sgrub 'dod pas// chu
350b3 mig skam mam thang skam gnas// yang na yid dang mthun gnas su// gru gsum sum brtsegs dkyil 'khor la// shar du zhi ba'i 'brub khung bru// byang du rgyas pa'i 'brub khung bru// nub tu dbang gi 'brub khung
350b4 ste// lhor ni de bzhin drag po'o// zhi rgyas dbang drag rdzas rnams bsog/ ces gsungs so// sgrub pa sngon du bya ba'i le'u ste gsum pa'o//// de nas yang dag bka' stsal pa/ dang po bsod nams tshogs
350b5 bsag phyir// mdun nyid rnam par dag pa bya// de nas stong ba nyid du b+heM// de nas hUM dang rdo rje las// bdag nyid rdo rje 'dzin pa yi// thugs khar hUM las khyung nag ni// sngar ltar 'jigs pa'i skur bskyed
350b6 nas// spyan drangs mchod nas bdag la thim// dbang bskur byin brlabs rdzogs par bya// zhes gsungs so// bsgom pa'i rim pa'i le'u ste bzhi pa'o//// de nas las kyi phyag na rdo rjes gsol ba/ de ltar
351a1 gsungs pa'i don de yi// gsang sngags rim pa bshad du gsol// zhes gsol pas// rdo rje 'dzin pas bka' stsal pa// gsang sngags rim pa 'di lta ste// oM tsan+Da ma hA ro Sha na hUM phaT/ oM badzra ga
351a2 ru Da kro d+ha sa kra bu me nA ga nan/srog tshig nan rbad/ lus rtul mA ra ya phaT/ raM raM dz+wa la raM dz+wa la shi shi rtul phung mA ra ya sod/ bsnyen cing sgrub pa'i gsang sngags so// ag ne nA ga raM raM dz+wa la dz+wa la mA ra ya phaT/
351a3 nA ga shan ting ku ru ye swA hA/ nA ga puSh+tiM ku ru ye swA hA/ nA ga pa shaM ku ru ye swA hA/ nA ga mA ra ya phaT/ hUM hUM phaT phaT/ mA ra ya mA ra ya/ s+pho Ta ya s+phoT ya phaT/ ces pa ni las la sbyar ba'i sngags so// oM pu me hUM
351a4 laM oM laM mo ha ga ya staM pa nan hUM hUM phaT phaT/mtha' btul ba'i sngags so// oM badzra pA Ni badzra ga ru Da hUM phaT/ oM sid+hi ar tha ga ru bi sha de sto ga nan/ kha thaM kha thaM/ nyi ma sa bla dan/ klad pa
351a5 nan/tsit+ta gu li nan/ ku na shi/ tsi tra mu kra bzlog byer/ nA ga shig/ nA ga nAM/ nA ga'i mgo la nan/ nA ga rA dza byer byer hUM hUM phaT phaT/ chu mig dkrug pa'i sngags so// oM khroM khroM khroM khroM khroM oM badzra pA Ni badzra ga ru Da hUM hUM/ nA ga du
351a6 na shig/nA ga bzlog/ nAg spa ra sha bzlog/ klu log na bzlog pa'i sngags so// oM badzra pA Ni badzra ga ru Da bA lin i dan gr-ih+na gr-ih+na khA hi khA hi/ gtor ma dbul pa'i sngags so// zhes gsungs so// gsang
351b1 sngags bstan pa'i le'u ste lnga pa'o//// de nas rim pas bka' stsal pa// bsnyen pa bdun 'bum nyi khri dang// las la sbyar ba khri nyid de// chu mig dkrug phyir 'bum yang bzlas// sbrul dang sbal pa lcong
351b2 mo dang// nya dang sdig pa rta glang dang// sdom dang sha ba nya lcibs las// byas pa'i gtor ma gzhag byas la// de bzhin de la byas pa yi// klu gnyan gzugs ni 'brub khung gzhag/ sna tshogs thun gyis brab par
351b3 bya// gdug pa'i rdzas kyi sna tshogs pas// gzugs dang ling ga dag la brdeg/ myos dang rloms dang 'chi bar 'gyur// rtogs med lta ba chen po yis// gnyis med dbyings su bsgral bar bya// zhes gsungs
351b4 so// gsang ba'i rgyud las// don kun 'dus pa'i le'u ste drug pa'o//// de nas gzhan yang bka' stsal pa// rdo rje bya khyung sgrub pa'i dus// bstod cing bskul pa 'di ltar bya// Tu Tu Thu Thu a k+Sho ma ra ma ya b+h+yo
351b5 b+h+yo/hUM bya khyung rtsal gyi rgyal po ni// bzhugs ni nam mkha'i dkyil na bzhugs// drug ldan gdug pa 'dul ba'i dbu// mchu ni gnam lcags rdo rje'i mchu// sa bdag klu gnyan zas su za// klu gnyan rgyal po tshal
351b6 par 'gems// rdo rje'i gshog pas thams cad khyab// sder mos sa bdag klu gnyan gyi// yul dang mkhar du bcas pa 'dzin// sku yang drag tu gsigs pa yis// sa bdag klu gnyan snying 'gas 'gyur// rigs
352a1 kyi khyung chen sku bskyod pas// gdug pa thams cad dbang du sdud// gnam lcags rdo rje'i mchu can de// mkha' la phyar bas klu gnyan rnams// snying 'gas srog dang bral bar 'gyur// rigs kyi
352a2 khyung ni thog bas drag/sprul pa'i khyung ni glog bas mgyogs// khyung gi thog 'bebs sha ra ra// gdug 'dul khyung chen si li li// glu gnyan sha la rkan 'debs shing// rtag tu sha dang khrag la gsol// sngags kyi
352a3 'od zer sha ra ra/gshog pa'i mtshon sdebs lcibs se lcibs// gdug pa'i khyung nag las la b+h+yo// zhes bskul la thun brab par bya'o// zhes gsungs so// bstod tshig bskul ba'i le'u ste bdun
352a4 pa'o//// de nas rim par bshad kyis nyon// bzlas pa byed pa'i dus nyid du// sdug dang mi sdug gzugs ston cing// rang gi ting 'dzin btang mi bya// bzang po mi dang spro mi bya// ngan pa mi dang sgyid mi
352a5 lug/'jigs pa'i gzugs dang sgras 'brid kyang// de yi rjes su 'breng mi bya// dus dang rnam pa thams cad du// rtog pa med pa'i rnal 'byor bya// rang gi ting 'dzin ma rtogs pa// rtog pa'i rjes su mi 'brang
352a6 bya// zhes gsungs so// drod nyams nyams kyi le'u ste brgyad pa'o//// de nas bcom ldan 'das la// 'khor rnams kyis bstod pa// bcom ldan thugs rje chen po'i bdag/ 'gro ba yongs kyi dpal
352b1 mgon mdzad// gdug pa'i tshogs rnams kun gdul ba// 'gro ba skyob la phyag 'tshal bstod// ces gsol pa dang/ bcom ldan 'das kyis bka' stsal ba// rdo rje khyung gi rgyud 'di 'gro ba sems can rnams la
352b2 klu gnyan dang sa bdag bsrung ba'i phyir/shin tu yid la bzung bar bya'o// zhes bka' stsal ba dang// 'khor rnams rjes su yi rang ngo// rgyud yongs su bzung ba'i le'u ste dgu pa'o//// rdo rje khyung nag rin
352b3 po che gsang rgyud ces bya ba rdzogs so//// gu ru ba su d+hA ra dang/ rdo rje yang dbang gter gyis bsgyur cing zhus te gtan la phab pa'o// sa ma yA rgya rgya rgya////


CLOSE WINDOW