342b1 /// rgya gar skad du/ badzra pA Ni nI laM ba ra tan tra/ bod skad du/
342b2 lag na rdo rje gos sngon po can gyi rgyud/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ gnod sbyin thams cad yongs su 'du ba/ shin tu
342b3 dben pa/shin tu yongs su dag pa na/ gnod sbyin gyi sde dpon chen po lag na rdo rje gos sngon po can zhes bya ba/ dus gsum gyi de bzhin gshegs pa thams cad kyis las kyi khro bor dbang bskur ba/ mche ba
342b4 gtsigs pa yid khros pa lta bu// mig me mdog gi phung po 'dra ba/ dbugs me ltar 'bar ba/ 'jigs pa'i nga ro can/ lag pa dang rkang pa klu nor rgyas kyi bus brgyan pa/ klu nag po'i se ral khar thogs pa/ klu
342b5 dga' bo dang nyer dga' bos snyan brgyan pa// sprul 'bar ba'i rin po che'i cod pan thogs pa/ sbrul gdug pa 'bar ba za ba/ bzhin rgyas pa/ smin ma dang dpral bar bsdus pa/ ya sos ma mchu mnan pa/
342b6 gshin rje'i cha byad can/ lce glog ltar 'gyu ba/ sbrul za ba/ gsus pa che ba/ lag pa rdabs pa'i sgra 'jigs par byed pa/ klu'i rgyal po 'dab bzangs skye rags su bcings pa/ a la la zhes sgrogs par byed
343a1 pa// rgya mtsho'i zabs su dpag tshad brgyad khri bzhi stong yod pas rkang pa'i pus mor phyin pa/ dbang po dang nyi ma phrag pa la khur ba/ klu thams cad rlag par byed pa/ gad rgyangs chen po rgod par
343a2 byed pa/kun 'khrug par byed pa/ klu thams cad 'ching bar byed pa/ 'byung po thams cad 'gugs shing 'ching bar byed pa/ sbyor ba thams cad gcod par mdzad pa/ sbyor ba thams cad gnon par mdzad pa/
343a3 yon tan thams cad kyi bdag po de// gnod sbyin gyi sde dpon nyi shu rtsa brgyad dang// gnod sbyin mthu bo che thams cad dang/ gnod sbyin drag po thams cad dang/ lha thams cad dang/ klu thams cad dang/ dri
343a4 za thams cad dang/lha ma yin thams cad dang/ nam mkha' lding thams cad dang/ mi 'am ci thams cad dang/ lto 'phye chen po thams cad dang/ 'byung po dang/ yi dwags dang/ brjed byed la sogs pa thams
343a5 cad dang thabs gcig tu gzhugs te/'di ltar nyi ma dang/ zla ba dang/ skar ma'i rnam pa lta bur bzhugs so// de'i tshe sa yang cher g.yos/ 'brug gi sgra yang byung/ nyi ma dang skar ma yang mi snang bar gyur
343a6 to// de nas 'phags pa lag na rdo rje gos sngon po can la 'khor thams cad kyis gsol pa/ gos sngon po can khyod ci// bde gshegs kun gyi sprul pa'am// gal te bsdus pa'i sku yin nam// las kyi khro bor
343b1 dbang bskur ram// bdag cag 'khor dang bcas pa rnams// ji ltar dus gsum bka' nyan te// las dang bya ba bka' stsol mdzod// drag po'i ting 'dzin bstan du gsol// zhes gsungs so// gleng gzhi'i
343b2 le'u ste dang po'o//// de nas lag na rdo rje rdo rje drag po zhes bya ba'i ting nge 'dzin du zhugs te/ 'di skad ces gsungs so// phyag rgya gsang sngags thugs sbyor las// khro bo'i rgyal po bsam par bya// khro
343b3 bo'i rdo rje ting 'dzin gyis// byin rlabs ya mtshan sna tshogs ldan// ting nge 'dzin la dbang thob nas// las rnams bsgrubs la thogs pa med// zhi rgyas dbang dang drag po dang// gsad rmongs sna tshogs nges par
343b4 'grub// de nyid nges 'grub gdon mi za// rang gzhan 'phags dang bla ma dang// shin tu bla ma dam pa yang// mchod na dngos grub myur du 'byung// gal te gzhan la phan 'dogs na// sku de sna tshogs sku ru
343b5 snang// snang ba sgyu ma'i sku yin yang// gdug pa 'dul phyir rags pa snang// sna tshogs de nyid bsam bral ba'i// dngos gzhi yang dag thar pa gcig/ le'u gnyis pa'o//// gzhan yang gsang sngags
343b6 sbyor ba ni// da ha srog sogs gsang sngags kyis// thogs med las rnams 'grub pa yin// gnyis kyi 'og ma gsum la brgyan// ra yi mthar dang gsum mthar ldan// drag po dga' ba'i ha gnyis dang// de la
344a1 gnyis kyi gong ldan pa// zung dang rab zung ming dang ldan// yang min sku ldan bsam gtan ni// lcags kyu'i sbyor ba rab tu bya// oM badzra pA Ni yak+Sha nI laM ba ra hUM/ mjug rdzogs gong dang gsum pa'i
344a2 mtha'// lan gnyis gong bzhin rdeg sngags shes// gsum pa'i dang po gnyis pa dang// gong gi drug pa'i mtha' yig ldan// lan gnyis gong bzhin rtogs byed sngags// gsum dang ldan pa'i dang po la// drag
344a3 po dga' ba'i sa bon ldan// lan gnyis ldan gyur las 'grub pa// gong ma bzhin du 'tsho byed do// le'u ste gsum pa'o//// de nas 'phags pa lag na rdo rje gos sngon po can sna tshogs mngon par sgrub
344a4 pa'i ting nge 'dzin la snyoms par zhugs te/'di skad ces gsungs so// oM badzra pA Ni ma hA yak+Sha nI laM ba ra ha ni badzra hUM phaT/ gang zhig 'di 'dzin rnal 'byor de// nyes pa kun las rab tu thar// legs pa'i
344a5 yon tan thams cad thob// 'bras bu yang dag mngon par 'grub// sngags 'di gang yin min yin te// gdul bya'i mtha' dang ldan pa la// tha mal sngags thams cad dang ldan// le'u ste bzhi
344a6 pa'o//// de nas gos sngon po can gyis mngon par grub pa'i ting nge 'dzin la snyoms par zhugs te/ 'di skad ces gsungs so// 'byung bzhi sangs rgyas rab bsgoms nas// so so las kyi bsgom pa
344b1 ni// me brgyad rlung gi ldan par bsam// chu brgyad dngos po de yin te// de bzhin sa brgyad hUM 'bras ldan// rlung brgyad me gnyis ldan pa ste// 'bras bu rims kyis sangs rgyas gtso// grub pa'i sngags kyis
344b2 mngon par bsgrub// e dang so so'i mtha' dang ldan// me lha gong mas mngon par bsgrub// rgyun du rtsa ba'i gsang sngags bzlas// le'u ste lnga pa'o//// de nas 'phags pa gos sngon gyis// las bcu mngon
344b3 par sgrub pa yi// ting nge 'dzin la snyoms zhugs nas// las bcu'i spyin sreg 'di gsungs so// zhi la shAn+tiM ku ru ste// rgyas la puSh+tiM ku ru 'o// dbang la pa shaM ku ru ste// drag po ma ra gsum par ldan// thab khung
344b4 dbyibs ni las bzhi ste// shing ni rigs dang sbyar bar bya// zhi la dkar po'i shing rnams te// rgyas la ser shing la sogs pa'o// dbang la seng ldeng shing bsregs te// drag po tsher ma can gyi shing// gzhan ni
344b5 tsan dan shing gis bya// thab khung 'dab brgyad dbyibs yin te// bid twan sa ma ya/ ud tsa da na mo ha ya/ stam pa ya/ stam pa ya/ ud ma na ud ma na/ A kar+Sh+ya ya A kar+Sh+ya ya/ kha shing ka ra kha shing ka ra/ rak+Sha
344b6 yak+Sha/mo ha ba ya sarba karma ku ru hUM phaT/ le'u ste drug pa'o//// de nas dpal ldan rdo rje 'dzin// gdul bar dka' ba 'dul ba'i mchog/ gsang ba'i bdag po gos sngon can// drag po chen po rab 'bar
345a1 ba'i// ting nge 'dzin la rab 'bar ba'i// ting nge 'dzin la snyoms zhugs nas// 'khor gyi klu tshogs dbang bsdus te// nyen rnams zlog pa'i cho ga gsungs// gnas khang rim pa gsum dag
345a2 la// phyi rol smre bsreg dpral bar bya// bar du phyi nang khrus byas te// mnyes pa'i las kyang ci nus bya// nang du bum pa'i dbang bskur bas// nyen rnams zlog la the tshom med// kye ho nyen rnams 'dul ba'i
345a3 mchog/e ma sngags chen drag po ste// e ma ma rungs 'dzigs pa can// e ma gsang sngags rnal 'byor che// phyag na rdo rje khyod phyag 'tshal// le'u ste bdun pa'o//// de skad ces gsungs nas
345a4 'khor thams cad dga' ba'i rjes la/'di skad ces bka' stsal to// thams cad ldan pa'i gtor ma la// raM gyis sbyangs nas yaM gyis dbus// khaM gyis bkrus te dag papha la// baM las bdud rtsi'i chu rgyun
345a5 skyed// yaM raM dbab pa'i sbyor ba bya// dza yis bkug ste gtor ma bstim// bsam gtan lha mos mchod pa phul// de nas 'khor la bka' 'di bsgo// nga ni khro bo gos sngon can// sangs rgyas thams cad 'dus
345a6 pa'i sku// sangs rgyas kun gyis byin gyis brlab// dbang bskur mchog thob nga yi sku// ci ste nga yi dam 'da' na// gtor ma dug gi rang bzhin gyis// khyod ni thal rdul du rlog/ gal te dam tshig ma 'das
345b1 na// gtor ma ye shes bdud rtsi yis// khyod kyi dug gsum sgrib sbyangs nas// nges par legs par yon tan 'grub// oM A ka ro mu khaM sarba d+harmA NaM ad+ya nu t+pan+na twa ta swA hA/ le'u brgyad pa'o//// de nas
345b2 dpal ldan gos sngon can// gdul dka' 'dul ba'i bdag po des// bsam gtan 'khor lo med pa la// sngags kyi nges pa bshad par bya// tad+ya thA/ b+ho b+ho pan nA ga i daM nI laM ba ra hUM/ d+ha ra sha rI raM/ badzra pA
345b3 Ni hr-i da yan/sa ma ya ma ti kra ma ti ud san naM b+ha bi shud+he/ las thams cad pa'i sngags so// las so so la klu 'dul ba'i sngags// tad+ya tha/ bud+d+ha bud+d+ha/ bi bud+d+ha bi bud+d+ha/ ma ti kra ma ta ha ra ha ra/ nA ga nan/ pra
345b4 ha ra pra ha ra nA ga nan/tshin+d+ha tshin+d+ha nA ga hri da ya ni/ b+hin+d+ha bin+d+ha nA ga b+ha ma ni/ bi si ma ta/ nA ga sha ri ra ra ni/ bi po ta ya nA ga na ya/ na ni/ tad+ya thA/ hUM phaT/ nA ga bir+ya ra na hUM phaT/ nA ga tra tha sa d+ha na ya phaT/
345b5 nI laM ba sa na ya phaT/ a pra ti ha na pa la/ ba ra kra ma ya phaT/ kri tAn ta ya phaT/ kri tAn ta ru pa ya phaT/ ro sha na ya phaT/ tra sa na ya phaT/ ku sha ma dod sa ma ya phaT/ gshin rje bzlog pa'o// phre ta bi sha tsa bi
345b6 na sa ka ra ya phaT/yi dwags la sogs pa bzlog pa'o// yak+sha a pa sma ri bi na sha ka ra ya phaT/ gnod sbyin la sogs pa bzlog pa'o// sa ha sa ha d+ha ra d+ha ra mA ra ya mA ra ya na sha ya/ sarba big k+Sha bi na sha ka ra
346a1 ya phaT/bgegs thams cad bzlog pa'o// sarba sha truM sang ga bi na sha ra ya phaT/ bgegs bdun gyi dgra 'dul ba'o// nI laM bar d+ha ra badzra pA Ni ra dz+nyA pa ya ti swA hA/ rdo rje be con drag po che// rdo
346a2 rje brjid pa sngags kyi bdag/rdo rje khro bo bgegs gyi gshed// rdo rje mi thub 'jigs pa che// rdo rje las kun grub pa che// rdo rje las rnams kun mdzad pa// sngags kyi bdag po khyod phyag 'tshal// sngags kyi ngo bo
346a3 khyod phyag 'tshal// le'u dgu pa'o//// de nas klu dgug pa'i sngags bstan te// rdo rje lcags kyu rlung gi sbyor bas 'grub par 'gyur// de bzhin me yis kyang ni 'dul bar nus pa yin// de ltar nus phyir
346a4 dgug pa'i sngags ni bshad par bya// oM badzra pA Ni ma hA yak+Sha nI laM ba ra d+ha ra nA ga gr-ih+na gr-ih+na hUM phaT/ oM ku sha ya aM ku sha ya hUM phaT/ bsam gtan drag pos bzlog par bya// bzlas pa 'di la rab 'bad
346a5 bya// klu rigs du ma thams cad kun// 'gugs 'gyur 'di las gzhan du min// ji srid dgug pa'i ting 'dzin gyis// khugs par gyur pa'i klu rnams kun// zangs gzhon nang du spyan drangs te// khro bo'i che ba
346a6 brjod nas ni// dam tshig bsre zhing dug rnams gzhom// sman gyi mchog gis gsos nas ni// gang gnod phyogs su gshegs su gsol// le'u bcu pa'o//// de nas gzhan yang bshad bya ste// zhi ba'i
346b1 las kyis mu 'dul ba'i// klu gzir drag sngags bstan par bya// oM badzra pA Ni ma hA ya k+Sha nI laM ba ra nA ga ha na ha na hUM phaT/ nA ga da ha da ha hUM phaT/ nA ga s+phoT ya s+phoT ya hUM
346b2 phaT/nA ga bi s+phoT ya bi s+phoT ya hUM phaT/ nA ga gardza ya gardza ya hUM phaT/ nA ga bid+ha bid+ha hUM hUM phaT/ bsam gtan rdo rje thogs pa yis// gdul bya steng nas dbab par bya// 'og tu me yi 'khor lo bsam// me dpung chen po'i ting 'dzin gyis// me
346b3 'bar klong chen dkyil du gzir// yungs kar nyungs nag skye tshe yis// brdeg cing khro bo'i sbrul pa spro// gcan gzan sna tshogs mche sder dang// mchu sder brad cing sprul pa spro// myur du thar par gdon mi
346b4 za// le'u bcu gcig pa'o//// de nas 'phags pa gos sngon gyis// nyid la nyid kyis mchod phul ba// hUM rdo rje bdug pa ma// bdag nyid dri yis rgyas mdzad ma// badzra d+hu pa pU dza me hUM/ hUM rdo rje me tog
346b5 ma/bdag nyid yongs su bkra mdzad ma// badzra puSh+pe pU dza me hUM/ hUM rdo rje dri chab ma/ bdag nyid dngos po dag mdzad ma// badzra gan+d+he pU dza me hUM/ hUM rdo rje mar me ma/ bdag nyid dkyil 'khor gsal mdzad ma// oM
346b6 badzra A lo ke pU dza me hUM/ji srid thams cad mchod pa che// ji srid mchod pa bde ba che// ji srid mchod pa bla na med// ji srid yang dag mchod pa che// e ma hau/ le'u bcu gnyis pa'o//// de nas gzhan
347a1 yang bshad bya ba// bcom ldan gsang bdag gos sngon can// bsdu ba'i thabs kyi ting 'dzin gyis// 'khor gyi klu rnams bsdu mdzad nas// me yi 'khor lo snyoms zhugs te// gsang ba me yi sngags
347a2 bzlas pas// klu rnams ma lus 'tshig par mdzad// bral nas dpag tshad gnas su bros// slar bsdu bdud rtsi'i sman gyis gso// las bcol so so'i gnas su 'khod// de nas khams gsum rnam par
347a3 rgyal// thal mo sbyar nas 'di skad gsol// me brgyad 'khor lo bdag nyid che// rtag tu me yi ting 'dzin la// snyoms zhugs khyod ni rgyal gyur cig/ bde ba'i rol mo me klong du// sreg mdzad me brgyad khyod phyag
347a4 'tshal// rang bzhin mnga' bdag khyod phyag 'tshal// chu yi ngang la gnas 'dod na// chu brgyad ting 'dzin la gnas te// de tshe 'khor gyis de skad bstod// chu brgyad 'khor lo'i bdag po che// rtag par chu yi
347a5 dkyil 'khor can// 'byung ba'i gtso bo chu yi bdag/ chu brgyad mnga' bdag khyod phyag 'tshal// rlung brgyad ting 'dzin la gnas na// mthong zhing 'bud pa'i bdag nyid che// rlung chen drag po rtsal shugs
347a6 can// rlung lha gos sngon khyod phyag 'tshal// sa yi ting 'dzin la gnas na// mi g.yo bstan pa'i las mdzad pa/ gser ldan rol mo sna tshogs bdag/ sa brgyad 'khor bdag khyod phyag 'tshal// le'u bcu gsum
347b1 pa'o//// de nas dpal ldan gos sngon can// phra mo'i ting 'dzin la gnas pas// 'khor gyi gnod sbyin mang po kun// shin tu yid dga'i dad pas zhus// phra mo'i thig le chen po yis// cir snang
347b2 dngos po gcig tu 'dus// de nyid mtha' 'das rang bzhin med// de nas dpal ldan gos sngon can// 'dod chags ting 'dzin la gnas nas// 'khor gyi gnod sbyin mang po kun// dngangs dang dus dang rgyal
347b3 ba las// slang ste bla med don bstan pas// thams cad 'dod chags sngon sangs rgyas// 'khor gyis sku la mngon bstod pa// kye ho gsang bdag gos sngon can// bla med rdzogs pa'i glang chen du// 'dod chags
347b4 dag pa'i blo ldan pas// mngon par sangs rgyas khyod phyag 'tshal// le'u bcu bzhi pa'o//// de nas 'dus pa'i 'khor rnams kyis// 'khor gyi gtso bo la bstod pa// lcang lo can gyi pho brang nas// gsang
347b5 ba'i bdag po gos sngon can// yon tan thams cad sku la rdzogs// dngos med dag pa khyod phyag 'tshal// 'khor gyi klu tshogs 'dul ba'i tshe// klu brgyad sku la rab brgyan nas// klu gtso zhal du gsol bar
347b6 mdzad// klu gdul byams pa khyod phyag 'tshal// sna tshogs dag pa'i sku mnga' zhing// rigs drug sde brgyad 'dul bar mdzad// skyon gyis ma gos rang sangs rgyas// thogs med kun 'dul phyag 'tshal
348a1 bstod// ji ltar bsams pa'i dngos po kun// khyod la 'byung ba mi zad gter// sna tshogs yid bzhin 'phrul po che// yid bzhin nor bu khyod phyag 'tshal// nad dang rims kyi gnyen po
348a2 mdzad// nor dang rdzas kyi bdag po mdzad// 'jigs pa kun las skyob par mdzad// bla med skyob mdzad khyod phyag 'tshal// zhes bstod nas rjes su yid rang ngo// lha dang/ klu dang/ lha ma yin la sogs pas
348a3 yid dga' ba'i mchod pas khyab par gyur to// mi la sogs pa thams cad 'jigs pa'i nyen dang ldan pa thams cad bde ba la bkod do// 'phags pa lag na rdo rje gos sngon can gyi cho ga rdo rje be con gyi rgyud
348a4 rdzogs so////
348a5
348a6 rgya gar skad du/


CLOSE WINDOW