CLOSE WINDOW

Gpb049.021
བོད་ཡིག

/// rgya gar skad du/ Ar+ya nI laM ba ra badzra pA Ni a hA ya k+Sha se na pa ti badzra sha wa ra nA ma tan+t+ra rA dza/ bod skad du/ gnod sbyin gyi sde dpon chen po 'phags pa lag na rdo rje gos sngon po can rdo rje rtse mo zhes bya ba'i rgyud kyi rgyal po// sangs rgyas dang byang chub sems dpa' thams cad la phyag 'tshal lo// de nas 'phags pa lag na rdo rjes rdo rje brjid pa'i sbyor ba rdo rje zhes bya ba'i ting nge 'dzin la snyoms par zhugs so// ting nge 'dzin la de snyoms par zhugs ma thag tu/ byang chub sems dpa' chen po dga' bas byin zhes bya bas stan las langs te 'di skad ces gsol lo// bcom ldan 'das de bzhin gshegs pa thams cad kyi rdo rje brjid pa'i sbyor ba mthong ni mthong lags na/ sbyor ba 'di ni sems can thams cad kyi 'chi 'pho ba thams cad kyi 'chi 'pho ba thams cad bzlog par bgyid pa/'byung po thams cad kyi snying gnon pa/ 'byung po thams cad las rgyal bar bgyid pa/ bcom ldan 'das kyis 'byung po thams cad 'gugs pa'i dam tshig gi sbyor ba dang// rdo rje brjod pa'i sbyor ba bdag la bshad du gsol/ byang chub sems dpa' sems dpa' chen po dga' bas byin pa dang// byang chub sems dpa' thams cad kyis de skad gsol to// lha thams cad kyis kyang 'di skad ces gsol to// gang gis 'byung po thams cad bzlog bgyid cing// dus min 'chi ba kun las grol byed pa// rdo rje drag po'i las dang bsam gtan dag/ 'dus pa'i 'khor tshogs rnams la bshad du gsol// de skad ces gsol pa dang// byang chub sems dpa' sems dpa' chen po'i bdag po 'phags pa gos sngon po can gyis 'di skad ces gsungs so// rdo rje drag po'i sbyor ba 'di ni/ 'byung po thams cad bzlog par bgyid ba/'byung po thams cad 'gugs par bgyid pa/ 'byung po thams cad skrod par bgyid pa/ rig sngags kyi mthu chen po thob par bgyid pa/ ngan 'gro thams cad las bzlog par bgyid pa/'byung po'i rig sngags thams cad 'joms par byed pa yin/ sems rtse gcig tu bsdus la legs par nyon cig/ sangs rgyas mar me mdzad la sogs// kun gyis bstan par ma gyur pa'i// rig sngags bsrung dang 'gugs pa dang// de yi las ni 'di yin te// stong la mos pa'i rnal 'byor pas// bdag gi phyag rgya rab gnas te// snying khar nyi ma'i dkyil 'khor steng// 'bar ba'i yi ge hUM dang ldan// rdo rje 'du ba 'dus pa yis// sangs rgyas thams cad 'du ba 'gyur// 'dus pa'i dbang dang ldan gyur nas// khro bo'i 'od zer 'phro ba 'bar// hUM kro d+ha badzra sa ma ya hUM/ 'di gsungs pas phyogs bcu dus gsum gyis sangs rgyas dang byang chub sems dpa' thams cad kyis byin gyis brlab par gyur to// de nas 'phags pa lag na rdo rjes sku gsung thugs gsang ba pa rdo rje zhes bya ba'i ting nge 'dzin la snyoms par zhugs so// ting nge 'dzin de la snyoms par zhugs ma thag tu/ sku gsung thugs rdo rje gsang ba mchog gi snying po 'di nyid kyi sku dang/ gsung dang/ thugs rdo rje las phyung ngo// oM sarba ta thA ga ta kA ya wA ka tsit+ta gu h+ya sa ma ya hUM/'di gsungs ma thag tu phyogs bcu dus gsum gyi sangs rgyas dang byang chub sems dpa' thams cad nyid kyi thugs kar zhugs par gyur to// de'i tshe 'phags pa lag na rdo rje gos sngon po can gyi sku gsung thugs kyi sbyor ba las sprul pa dang/yang sprul dang/ tsha tsha khrug par gyur to// thog chen po rnam pa lnga'ang 'bab par gyur to// de nas 'phags pa lag na rdo rje gos sngon po can gyis// mngon par spro ba'i tshul rdo rje zhes bya ba'i ting nge 'dzin la snyoms par bzhugs te/gsang ba mngon par spro ba'i byed pa zhes bya ba'-i sngags 'di// nyid kyi sku dang gsung dang/ thugs rdo rje las phyung ngo// oM sarba ta thA ga ta ka ya wa ka tsit+ta dz+nyA na gu h+ya na badzra kro d+ha nI laM wa gar hUM phaT phaT/ces gsungs so// 'di gsungs ma thag tu phyogs bcu'i 'jig rten gyi khams mtha' yas mu med pa thams cad khro bo'i dkyil 'khor gyis gang bar gyur to// de'i tshe stong gsum gyi stong chen po'i 'jig rten gyi khams thams cad du 'ur 'ur/ rab tu 'ur 'ur/ kun tu rab tu 'ur 'ur/ rnam par dma' ba'i bar du'o// de'i tshe stong gsum gyi stong chen po 'di'i bdud dang bdud kyi ris kyi 'byung po thams cad dang/ma mo las gyur ba'i bar du g.yos par gyur to// de'i tshe 'khor gyi nang nas nor lha'i bus gsol ba/ sgeg po dpa' bo 'jigs pa'i gzugs// khyod mthong pas ni bdag cag 'jigs// yod min med pa ma yin nas// mnar med pa la thug gi bar// khyod kyi sgra yang thos kyi bar// 'jigs shing skying bung rab byed pas// zhi ba chen po'i tshul ston la// mngon par rtogs pa'i 'khor lo bskor// sems can mya ngan 'das la dgod// ces gsol to// de nas 'phags pa lag na rdo rje g.yo ba med pa'i ngang la gnas par gyur to// de nas 'phags pa lag na rdo rje bsdu ba'i thabs kyi ting nge 'dzin la snyoms par bzhugs te// de'i tshe gsang ba'i sngags 'di nyid kyi sku dang/ gsung dang/ thugs rdo rje las phyung ngo// oM sarba ta thA ga ta badzra sa nan dza/ zhes brjod ma thag tu// de bzhin gshegs pa thams cad 'dus par gyur to// de bzhin gshegs pa thams cad 'dus par gyur nas// la la ni dpal rdo rje gos sngon can du gyur te/ shar phyogs su bzhugs so// la la ni rin chen gos sngon can du gyur te/ lho phyogs su bzhugs so// la la ni dpal pad+ma gos sngon can du gyur te/ nub phyogs su bzhugs so// la la ni las kyi khro bor gyur te/ byang phyogs su bzhugs so// de nas 'phags pa lag na rdo rjes ched du brjod pa 'di ched du brjod do// stong gsum stong gi 'jig rten na// skye 'gro'i rtsi shing nags 'tshal kun// gsang ba bdag po'i sprul pa'i sku// thams cad 'di las gzhan du min// ces gsungs so// de nas 'khor rnams gyi nang nas byang chub sems dpa' rin chen tog ces bya ba des 'di skad ces gsol to// de bzhin gshegs pa kun gyi bdag/ yon tan thams cad 'byung ba'i gnas// bde bar gshegs pa'i snying po mchog/ bdag cag rnams la bstan du gsol// de skad ces gsol ma thag tu/ phyag na rdo rjes gti mug rnam par 'joms pa zhes pa'i ting nge 'dzin la snyoms par zhugs te// khro bo rdo rje gos sngon po can gyi sngags 'di nyid kyi sku dang/ gsung dang/ thugs rdo rje las phyung ngo// oM sarba ta thA ga ta badzra kro d+ha ni laM ba ra hUM/ 'di gsungs ma thag tu gti mug thams cad rnam par dag par gyur to// de nas 'phags pa lag na rdo rjes nga rgyal rnam par gnon pa zhes bya ba'i ting nge 'dzin la snyoms par zhugs te/ rin po che'i rigs kyi khro bo gos sngon po'i sngags 'di nyid kyi sku dang/gsung dang/ thugs rdo rje las phyung ngo// oM sarba ta thA ga ta radan kro d+ha nI laM ba ra hUM/ 'di gsungs ma thag tu nga rgyal thams cad rnam par dag par gyur to// de nas 'phags pa lag na rdo rjes 'dod chags kyis 'ching ba sgrol ba zhes bya ba'i ting nge 'dzin la snyoms par zhugs te/pad+ma'i rigs kyi khro bo gos sngon po can gyi sngags 'di nyid kyi sku dang/ gsung dang/ thugs rdo rje las phyung ngo// oM sarba ta thA ga ta pad+ma kro d+ha ni laM ba ra hUM/'di gsungs ma thag tu 'dod chags thams cad rnam par dag par gyur to// de nas 'phags pa lag na rdo rjes phrag dog yongs su sbyong ba zhes bya ba'i ting nge 'dzin la snyoms par zhugs te/las kyi rigs kyi khro bo gos sngon po can gyi sngags 'di nyid kyi sku dang/ gsung dang/ thugs rdo rje las phyung ngo// oM sarba ta tha ga ta karma kro d+ha ni laM ba ra hUM/ 'di gsungs ma thag tu phrag dog thams cad rnam par dag par gyur to// de nas 'phags pa lag na rdo rjes 'dod chags chen po'i tshul rdo rje zhes bya ba'i ting nge 'dzin la snyoms par bzhugs te/ rdo rje chung ma'i sngags 'di nyid kyi sku dang/gsung dang/ thugs rdo rje las phyung ngo// oM nI laM ba ra badzra kro d+hi shwa ri hUM/ oM nI laM ba ra badzra radan kro d+hi shwa ri hUM/ oM nI laM ba ra pad+ma kri d+hi shwa ri hUM/ oM nI laM ba ra karma kro d+hi shwa ri hUM/ 'di gsungs ma thag tu 'phags pa phyogs bzhi'i khro bo thams cad 'dod chags chen pos tshim par 'gyur ro// de'i tshe byang chub sems dpa' dang nyan thos yang dag par song ba la sogs pa thams cad bred sha thon nas mig bgrad te/bred pa'i stobs kyis gom pa gya tshom du 'dor bar byed do// de'i tshe de dag thams cad brgyal bar gyur to// mkha' 'gro ma dang srin po la sogs pa thams cad shin tu dga' ba'i sems kyis stan las langs te/thal mo sbyar nas phyag byed/ bskor ba byed ngo mtshar gyis dga' bas bstod pa'i bar du byed do// de nas 'phags pa lag na rdo rjes/ khro bo khams gsum rnam par rgyal ba la bltas pas go bar gyur nas dril bu'i sgras brgyal ba bsrang ste/dran pa slar rnyed nas/ bcom ldan 'das la gsol pa/ kye e ma ho// 'dod chags dang bral bdag nyid kyang// ma yin spyod pa ma mdzad par// rtag tu yang dag chos la spyod// ces gsol ba dang/ bka' stsal ba/ dngos por gyur pa'i chos rnams ni// rang bzhin nyid kyis rnam pa dag/ thams cad dag par sems can la// chags dang ma chags gnyis las 'das// dbu mar yang ni mi dmigs so// kun rdzob log pa'i 'dod chags 'di// 'dod chags nyid kyis rnam par dag/ dbyings dang ye shes gnyis med phyir// thabs dang shes rab 'brel par snang// zhes gsungs so// de nas 'phags pa rdo rje gos sngon gyis gsol pa/ gti mug dang bral 'dod chags sbyor ba 'dis// ma chags de yi ngang yang mi dmigs so// dbyings dang ye shes 'brel pas rdo rje pad+mar 'brel// sbrul pa'i sku 'byung chos dbyings b+ha gas mtshon par byed// ces gsungs so// de nas 'phags pa rin chen gos sngon gyis gsol pa/ nga rgyal rnam par dag pas yon tan thams cad 'byung// legs sbyangs btsun mo bsten pas yon tan thams cad phob// 'dod chags nyid na ma chags bde ba ngang gis skye// de rten 'bras bu sangs rgyas byang chub sa la reg/ ces gsungs so// de nas pad+ma gos sngon gyis gsol pa// ji ltar pad+ma 'dam las skyes gyur kyang// de ni 'dam gyi skyon gyis gos pa med// de bzhin btsun mo rnams la mang rten kyang// 'od chags rnam par dag pas gos mi 'gyur// zhes gsungs so// de nas las kyi gos sngon gyis gsol ba/thugs rje smon lam shugs kyis sems can mngon sum na// khro mo yum dang gnyis med sbyor zhing chags pa'i tshul// sems can 'dod la dga' ba bla med lam la 'jug/ tha dad rtog dang bral bas chags pa med// ces gsungs so// de skad ces gsungs ma thag tu 'dus pa chen po'i 'khor thams cad yid rab tu dga' ste/ ngo mtshar gyi dga' bas bstod pa/ rigs rnams kun gyi bdag po ste/rigs kyi khro bo kun gyi ngang// rtag tu mya ngan 'das pa las// sems can don byed phyag 'tshal bstod// gti mug mun pa dang bral zhing// chos kyi dbyings kyi ye shes gsal// dkar la mdzes pa'i sku ston pa// 'dod chags rnam dag khyod la bstod// ji ltar yid bzhin nor bu las// dgos 'dod thams cad 'byung ba bzhin// 'dod chags ting 'dzin la gnas pas// bde ba thob pa phyag 'tshal bstod// ji ltar pad+ma 'dam skyes kyang// 'dam gyi skyon gyis mi gos ltar// 'dod chags che la rab gnas kyang// log rtog skyon med khyod la bstod// ji ltar shes rab ral gri yis// rtog pa'i dra ba rab gcod cing// 'dod chags can rnams bde la dgod// sna tshogs don mdzad khyod la bstod// ces gsungs nas thams cad lhan to// de nas 'phags pa gos sngon can gyis// sku'i phyag rgya chen po yongs su rdzogs pa rdo rje zhes bya ba'i ting nge 'dzin la snyoms par zhugs te// 'di skad ces gsungs so// dkar dmar mthing kha ljang khu'i zhal// 'od zer bye ba stong dang ldan// shar phyogs rgyal rigs gdeng ka can// lho yi khro bos rje 'us brgyan// nub kyi bram ze'i gdeng ka can// byang phyogs dmangs rigs gdeng kas ldan// 'khor lo rin chen pad+ma dang/ rgya gram g.yas na bsnams pa ste// ston pa'i phyag na dril bu bsnams// gos sngon po yi sham thabs can// so so'i khro mo chen mo ni// g.yas pa'i dril bu thugs kar bstan// g.yon pa ban dmar khrag chen stobs// 'khor lo 'di la rab gnas na// rnal 'byor pa yis las kun 'grub// sems can nyen par ldan pa dag/ 'di yi ming tsam thos pa na// sgra skad thos pas smos ci dgos// gal te bka' las 'das gyur na// rnam par snang mdzad nyid kyang 'chi// zhes gsungs so// de nas yang 'phags pa gos sngon po can gyis/rin po che mngon par 'grub pa rdo rje zhes bya ba'i ting nge 'dzin la snyoms par zhugs te/ 'di skad ces brjod do// ji ltar sangs rgyas thams cad kyis// ji ltar gsung rab kun brjod kyang// don dang yi ge gnyis su 'brel// bsgoms bas log rtog dra ba gcod// ces gsungs so// de nas 'dus pa chen po'i 'khor de dag gi nang nas/ byang chub sems dpa' sems dpa' chen po rgyal ba sprin gyi rgyal po zhes bya ba bstan las langs te thal mo sbyar nas 'di skad gsol to// e ma ho sangs rgyas bcomaldan 'das// sgrib pa grol ba'i thabs mnga' zhing// log rtog dra ba thams cad gcod// gsang ba chen po'i dam tshig tshul// bdag cag rnams la bstan du gsol// ces gsungs ma thag tu/ 'phags pa lag na rdo rjes legs so zhes bya ba byin te/ legs so legs so legs par gsungs// kun nas 'gro ba'i don gyi phyir// gang dag nyon mongs sel ba'i thabs// bdud rtsi chu bo'i rgyun 'dra ba// ngas ni khyod la bshad par bya// sems can thams cad ma lus la// sgo nga'i tshul dang yang dag ldan// bcod pa'i rtsal gri chen po yis// dngos po'i sgo nga'i sbubs rnams 'byed// ji ltar shel sgo 'dam bcug la// dag pa'i chu yis 'khru ba bzhin// nyon mongs 'dam du zhugs 'gyur ba// bla med thar pa'i lam gyi mchog/ bdud rtsi'i chu yis 'khru bar byed// yang dag rdzogs dang rab ldan pas// bdud rtsi'i chu bo rgyun byung ba// de yi bsam pa'i rim pa ni// dang por yi ge oM dkar las// 'od byung khams gsum thams cad khyab// slar 'dus oM gyi dbyings su bstim// de las 'od byung sangs rgyas rnams// bskul nas sbyor ba'i byang chub sems// phab pas lus kyi bag chags rnams// dag par gyur bsam rdo rje bzhin// gnas nas spyi bo gtsug nas byung// gnyis pa'i yi ge a dmar las// 'od 'phro 'gro drug sgrib pa sbyang// slar 'dus a yi dbyings su thim// de las 'od byung gong ma bzhin// gnas ni mgrin pa'i dkyil nas 'byung// gsum pa'i yi ge hUM mthing gis// 'od 'phro slar 'dus gong bzhin te// lus ngag sems kyi sgrib pa dag/ bsam gtan brtan par myur du 'byung// mchog dang thun mong kun gyi rgyu// gang zhig bsam gtan 'di ldan nas// gzhogs skams pa dang yan lag na// de la sogs pa kun las grol// snying khar chu skyes rab bsams te// dbus su thig le dkar po bsam// mtha' mar dang pa'-i yi ge brgyad// ci rigs gsal nas so so yi// thig ler gyur te rang bzhin med// des ni sdug bsngal zhi bar 'gyur// zhes gsungs so// 'phags pa lag na rdo rje gos sngon po can gyi rgyud rdo rje rtse mo las// gtan la phab pa'i rtog pa ste le'u dang po'o//// de nas 'phags pa lag na rdo rje gos sngon po can/ rdo rje gsang ba zhi ba sbyor ba rdo rje zhes bya ba'i ting nge 'dzin la snyoms par zhugs te/'di skad ces gsungs so// ji ltar zhi ba'i las rnams dag/ zhi ba'i sbyor ba thams cad kyi// thabs bzhan 'di las bzhan na med// 'di ni zhi ba'i sbyor ba mchog/ oM badzra pA Ni hUM ni laM ba ra shAn+ti ku ru swA hA de nas 'phags pa lag na rdo rje gos sngon po can gyis/rdo rje rgyas par sbyor ba zhes bya ba'i ting nge 'dzin la snyoms par zhugs te// 'di skad ces gsungs so// gser dang nyi ma'i sbyor ba yis// tshad med bzhi yi 'bras bu la// rgyas par byas na rgyas par 'gyur// oM badzra pA ni hUM nI laM ba ra rat+na puSh+taM ku ru ho// de nas 'phags pa lag na rdo rje// rdo rje dbang gi 'khor lo zhes bya ba'i ting nge 'dzin la snyoms par zhugs te/'di skad ces gsungs so// bye ru tshul gyi sbyor ba yis// zla gam ba yi dbyibs 'dra la// dbang du byas na dbang du 'gyur// 'du bar 'dod na 'du bar 'gyur// oM badzra pA Ni hUM nI laM ba ra hUM/pa shaM ku ru hUM phaT/ de nas 'phags pa lag na rdo rjes/ gsang ba'i rdo rje 'khor lo zhes bya ba'i ting nge 'dzin la snyoms par zhugs te/ 'di gsungs so// dug dang sol ba 'dres pa la// b+ha ga'i dbyibs su rab byas te// gsad pa byas na gsad pa 'grub// brdungs na 'dir ni rdo rje 'chi// oM na ma badzra pA Ni hUM/ nI laM ba ra mA ra ya/ nA sha ya nA sha ya hUM phaT/ 'phags pa lag na rdo rje gos sngon po can gyi rgyud rdo rje rtse mo las// gtan la dbab pa'i le'u gnyis pa'o//// de nas 'phags pa lag na rdo rje gos sngon po can gyis/ rdo rje ma'i ting nge 'dzin la snyoms par zhugs te/ 'di skad ces gsungs so// rab tu brtags pa'i gnas chen du// las bzhi'i dkyil 'khor rnam bzhi la// rigs bzhi'i shing gis khrir byas te// zhal du gyur dang me bos la// raM zhes bya bas me spar te// mchod dang bstod pa dbul ba ni// dkyil 'khor gnyis kyi bdag nyid can// gang dmigs dngos po gang yang 'grub// thogs pa med pa rdo rje bzhin// zhes gsungs so// de nas 'phags pa lag na rdo rjes/ drang ba sbyor ba rdo rje zhes bya ba'i ting nge 'dzin la snyoms par zhugs te/'di skad ces gsungs so// phyag rgya gsum gyi bdag nyid can// spyi bo zla ba'i gdan stengs su// baM las byung ba'i chu rgyun bsam// lus rnams shin tu bsil 'gyur che'o// de nas 'phags pa lag na rdo rjes// mi g.yo ba bsgrub pa'i rdo rje zhes bya ba'i ting nge 'dzin la snyoms par zhugs so// yang de'i tshe byang chub sems dpa' sems dpa' chen po 'brug sgra sprin gyi rgyal pos gsol ba// bcom ldan 'das mi g.yo ba'i ting nge 'dzin lhun grub kyang/ thugs rje chen po'i byin rlabs kyis// dngos po'i sku ru rab bzhengs la// yang dag bdud rtsi gsal du gsol// de skad ces gsol pa dang/bcom ldan 'das lag na rdo rjes mi g.yo ba'i ting nge 'dzin las bzhengs te/ 'di skad ces gsungs so// oM na mo nI laM ba ra hUM/ che ge mo ku ru baM/ oM sarba ta thA ga ta ka ya pA ka tsit+ta/ na mo mu khaM/ku ru kha kha ha ha/ ban+d+ha ban+d+ha/ ta pa ta pa/ ha na ha na/ nA sha ya nA sha ya/ ma ta ma ta/ pa ra ra bid tan/ mA ra ya mA ra ya/ hUM phaT nA ga ba twan stan pa ni hUM phaT/ nA ga rA dza pa ra bid dwan ban+d+ha ban+d+ha/ nA mo b+han+d+haya swA hA/zhes bya ba'i sbyor ba 'di gsungs so// de nas byang chub sems dpa' blo yangs bzang po 'brug sgra sprin gyi rgyal pos thal mo sbyar te/ phyag btsal nas 'di skad ces gsol to// kye ma phyag na rdo rje chen po// sangs rgyas thams cad kyis gnang ba/ sangs rgyas thams cad kyi thugs thams cad thob pa// sangs rgyas kyi yon tan thams cad dang ldan pa ste/ 'di'i gzungs 'di ni 'di ltar rdzu 'phrul che ba/ mthu che ba// thams cad du grags pa/ thams cad kyi las thogs pa med par mdzad pa/ mngon par shes pa thams cad myur du thob par byed pa/ 'byung po thams cad kyi rig sngags gcod pa/ 'byung po thams cad kyi snying snon pa/log par lta ba thams cad myur du 'gugs par byed pa/ klu thams cad rlag par byed pa/ mthu chen po myur du 'byung ba'o// byang chub sems dpa' blo yangs zab mo 'brug sgrogs sprin gyi rgyal pos de skad ces gsol ma thag tu/byang chub sems dpa' gzhan gyis kyang 'di skad ces gsungs so// gsang ba'i bdag po lag na rdo rje mthu chen thob// yang dag bstan pa'i gzungs 'di shin tu mthu dang rdzu 'phrul che// gang zhig 'dzin pa la ni yon tan thams cad ldan// legs pa'i don sgrub rig sngags rgyal la phyag 'tshal lo// zhes gsungs so// de nas byang chub sems dpa' rdo rje bstan pa zhes bya bas 'di skad ces gsol to// kye ma bcom ldan 'das 'byung po thams cad bzlog pa dang/ bcings pa dang/ dgug pa la sogs pa'i cho ga bdag cag la stsal du gsol/ de skad ces gsol ma thag tu/ 'phags pa lag na rdo rjes/dbang du sdud pa rdo rje zhes bya ba'i ting nge 'dzin la snyoms par zhugs te/ sbyor ba 'di nyid kyi sku dang/ gsung dang/ thugs rdo rje las phyung ngo// oM sarba big+h+nan mA ra ya ban d+ha ban d+ha badzra baM d+ha hUM phaT// na mo po ta ku ru sa ma ya hUM phaT/ ces gsungs so// de nas byang chub sems dpa' brtan pa rdo rje zhes bya ba des bstod pa/ gsang ba'i bdag po gos sngon can// gang phyir 'byung po thams cad 'dul// thogs med rdo rje'i don ldan pa// 'byung po kun 'dul phyag 'tshal bstod// ces gsungs so// de nas khro bo nam mkha' lding nye bar 'joms pa rdo rje zhes bya ba des 'di skad ces gsol to// kye bcom ldan 'das 'jig rten gyi khams na ma rungs pa'i klu thams cad kyis sems can rnams la 'tshe bar bgyid/'gum par bgyid/ srog dang 'bral bar bgyid na/ 'di dag 'joms pa'i thabs kyi rdo rje zhes bya ba bdag la bstan du gsol/de skad gsol ma thag tu/ de nas 'phags pa lag na rdo rjes dag pa sbyor ba zhes bya ba'i ting nge 'dzin la snyoms par zhugs so// ting nge 'dzin la snyoms par zhugs nas/dag par byed ba bdud rtsi'i rgyun zhes bya ba 'di nyid kyi sku dang gsung dang/ thugs rdo rje las phyung ngo// oM sarba ta thA ga ta nA ga rA dza sa ma ya hUM/ swa b+hA ba shud+ha sarba d+harma swa b+hA bi shud d+hou0f85 haM/ zhes phyung n go// de nas yang 'phags pa lag na rdo rjes/ rdo rje sreg par byed pa rdo rje zhes bya ba'i ting nge 'dzin la snyoms par zhugs so// ting nge 'dzin de la snyoms par zhugs nas/ sreg par byed pa'i rdo rje zhes bya ba'i sngags 'di nyid kyi sku dang/gsung dang/ thugs rdo rje las phyung ngo// oM na mo nI laM ba ra hUM/ sarba nA ga rA dza rak+Sha rak+Sha/ dz+wa la dz+wa la hUM/ pa tsa pa tsa hUM/ da ha da ha hUM/ 'di gsungs ma thag tu/ stong gi stong chen po'i 'jig rten gyi khams thams cad du rdo rje me yis khyab par gyur to// de nas 'phags pa lag na rdo rje gos sngon po can gyi cho 'phrul rnam par 'byung ba rdo rje zhes bya ba'i ting nge 'dzin la snyoms par zhugs so// ting nge 'dzin de la snyoms par zhugs ma thag tu/ cho 'phrul sbyor ba rdo rje zhes bya ba'i sngags 'di nyid kyi sku dang/ gsung dang/ thugs rdo rje las phyung ngo// oM badzra pA Ni ma hA ya kA se nA pa ta ye/ badzra kro d+ha ni laM ba ra hUM/nA ga grih+na grih+na hUM phaT/ nA ga ha na ha na hUM phaT/ nA ga ra k+sha s+pho Ta s+pho Ta hUM phaT/ nA ga ni nA ga ni sum ba ku ru hUM phaT/ oM nI laM ku ru ba ya b+ha ga ban hUM phaT/ nA ga ni ni bi na sha ka ra ya hUM phaT/ oM gardza gardza nA ga gardza hUM phaT/oM tshin+d+ha tshin+d+ha na ga yak+Sha tshin+d+ha hUM phaT/ oM ba ling ni twa sa ma ya hUM phaT/ oM hu lu hu lu nA ga hu lu hUM phaT/ oM tiSh+Tha tiSh+Tha nA ga tiSh+Tha hUM phaT/ oM ku ru ku ru nA ga pa shaM ku ru hUM phaT/ oM ban d+ha ban d+ha na ga rA dza sarba bi ban+d+ha hUM phaT/ces gsungs so// de nas khro bo nam mkha' lding nye bar 'joms pas/ 'phags pa gos sngon po can la bstod pa'i rgyal po 'dis bstod do// kye ma rdo rje gos sngon can// klu rnams 'dul ba'i thabs 'chang zhing// log 'dren thams cad 'dren pa po// zhes bstod do// 'khor thams cad la de dag gi sngags 'di brjod do// e ma ho gzungs chen po 'di dag ni/ 'di ltar mthu che ba/'di ltar rdzu 'phrul che ba/ klu thams cad rlag par byed pa/ klu ma rungs pa thams cad 'gugs par byed pa/ klu'i rgyal po thams cad dbang du 'du bar byed na/ kha rlangs kyi nam mkha'i sprin thams cad 'thor bar byed pa// rgya mtsho thams cad 'khrug par byed pa/ klu'i rgyal pos byas pa'i rig sngags la sogs pa gcog cing 'ching bar byed pa ste/ kye ma gzungs 'di ni 'di ltar mthu che ba/ 'di ltar bdud kyi dpung thams cad rab tu 'joms pa'o zhes bstod do// de nas byang chub sems dpa' rdo rje mi 'gyur ba zhes bya ba stan las langs te/ thal mo sbyar nas 'di skad ces gsol to// bcom ldan 'das 'jig rten gyi khams 'di na sems can gyi ris thams cad la lha'i gdon du gyur pa thams cad kyis bgegs bgyid// 'tshe bar bgyid/ 'gum par bgyid// srog dang bral bar bgyid de// 'di gang gis bzlog pa'i cho ga bdag la bstan du gsol// de skad ces gsol ma thag tu/ 'phags pa lag na rdo rjes/ rdo rje brjid pa sbyor ba zhes bya ba'i ting nge 'dzin la snyoms par zhugs so// ting nge 'dzin de la snyoms par zhugs ma thag tu/steng gi khro bo 'joms pa rdo rje zhes bya ba'i sngags 'di nyid kyi sku dang/ gsung dang/ thugs rdo rje las phyung ngo// oM de ba mu la pa ti hUM/ oM de ba rA dza hUM/ oM de ba rA dza nI laM ba ra ma hA yak+Sha se na pa ti hUM/sarba de ba rA dza gardza gardza hUM phaT/ sarba de ba rA dza s+pho Ta s+pho Ta hUM phaT/ de ba ra dza ba ra bid twa na mA ra ya mA ra ya hUM phaT/ de ba ni ba ra bid tshin+d+ha tshin+d+ha hUM phaT/ de ba rA dza sarba bi twa na ha sa ha sa hUM phaT/d+ha ra d+ha ra hUM phaT/ pa shang ku ru pa shaM ku ru hUM phaT/ oM de ba ku la pa ra bi twan mu ru mu ru hUM phaT/ ces gsungs so// de nas byang chub sems dpa' 'gyur med rdo rje zhes bya ba stan las langs te/ 'di skad ces bstod do// lha rnams 'dul ba'i stobs chen po// gang phyir thogs med gsang sngags ldan// phan thogs sku gsung sna tshogs thugs// stong gi bgegs zlog khyod la bstod// ces gsungs so// gang gi 'khor rnams la gzungs 'di sngags pa byed par 'gyur te/ kye ma gzungs 'di ni mthu dang gzi byin che ba/ rtsal che ba/ bar du gcod pa dang lha thams cad 'dul bar byed pa/ dbang phyug chen po dang b+h+riM gi ri ti la sogs pas byas pa'i rig sngags thams cad gcod par bgyid pa/rig sngags thams cad bzlog par bgyid pa/ rig sngags thams cad 'gug par bgyid pa/ lha thams cad kyi snying mnan pa rdo rje zhes bya ba'o// de nas 'khor gzhan gyis bstod pa/ ji ltar shes rab ral gris nyon mongs gcod pa bzhin// gdug byed thams cad rab tu grags pa'i sngags kyis gcod par byed// lha dang lha las gyur pa'i gdon bzlog thogs pa med// yon tan kun ldan gzungs khyod la ni phyag 'tshal bstod// ces bstod do// de nas byang chub sems dpa' tog brtsegs kyis gsol pa/ bcom ldan 'das 'jig rten gyi khams 'di na gnod sbyin dang/gdon sbyin gyi rigs su gtogs pa 'di lta ste/ gang po dang mig bzangs la sogs pas sems can rnams la gnod par bgyid/ bgegs bgyid/ 'gugs par bgyid/srog dang bral bar bgyid na/ bcom ldan 'das de dag las thar bar mdzad du gsol/ de skad ces gsol ma thag tu/ 'phags pa lag na rdo rje gos sngon po can/ rdo rje rol pa zhes bya ba'i ting nge 'dzin la snyoms par zhugs te/gnod sbyin thams cad kyi lus 'joms pa zhes bya ba 'di nyid kyi sku dang/ gsung dang/ thugs rdo rje las phyung ngo// oM na ma sa man+ta kA ya wAka tsit+ta badzra pA Ni ma hA ya k+Sha se nA pa ti badzra kro d+ha nI laM ba ra hUM/ma hA yak+Sha ha na ha na hUM phaT/ da ha da ha ma hA yak+Sha da ha ni hUM phaT/ pa tsa pa tsa yak+Sha rA dza pa tsa ni badzra hUM phaT/ ma tha ma tha sarba yak+Sha ma tha ni badzra hUM phaT/ grih+na grih+na yak+Sha grih+na ni badzra hUM phaT/yak+Sha bid twan mA ra ya mA ra ya hUM phaT/ ka ra ka ra bi ka ra yak+Sha pho Ta ku ru hUM phaT/ ces gsungs so// de nas byang chub sems dpa' tog brtsegs kyis bstod pa/ gnod sbyin 'dul ba'i skur ston pa/ gnod sbyin gtso bo gos sngon can// gang phyir gnod sbyin 'dul kha'i skur ston pa// bde bas brgyan la phyag 'tshal bstod// ces bstod nas/ rang gi 'khor rnams la gzungs 'di'i bsngags pa brjod par bgyid de/kye ma gzungs 'di ni yon tan thams cad kyi mchog dang ldan pa/ rab tu brjid che ba/ gnod sbyin mthu bo che thams cad 'joms par bgyid pa/ gnod sbyin gyi rigs thams cad tshar gcod par bgyid pa/gnod sbyin gyi rig sngags thams cad gcod par bgyid pa/ gnod sbyin las gyur pa'i gdon thams cad gsod par bgyid pa/ gnod par byed pa'o// de nas de'i 'khor rnams kyis gzungs 'di la bstod pa/gang dag gnod sbyin gyi ni nyen gyis zin gyur pa/ de yi bdag po gsang sngags 'di ni thos pas sreg/ 'joms pa'i thob zhes su gang gis gsungs pa de/ ston pa sngags dang bcas pa gus pas phyag 'tshal lo// zhes gsungs so// de nas byang chub sems dpa' 'chi bdag 'joms pa zhes bya ba des/ 'di skad ces gsol to// kye ma bcom ldan 'das 'jig rten gyi khams na gshin rje dang// gshin rje las gyur pa'i bgegs thams cad kyis/ sems can rnams kyi mdangs 'phrog pa/ 'tshe bar bgyid/ bgegs bgyid/ 'gum par bgyid/ srog dang bral bar bgyid na/ bcom ldan 'das de dag las thar par mdzad du gsol// de skad ces gsol ma thag tu/ 'phags pa lag na rdo rje gos sngon po can// 'joms pa chen po gshin rje gshed ces bya ba'i ting nge 'dzin la snyoms par zhugs te/ gshin rje thams cad kyi lus 'joms pa zhes bya ba'i sngags 'di nyid kyi sku dang/gsung dang/ thugs rdo rje las phyung ngo// oM sarba ta thA ga ta kA ya wa ka tsit+ta badzra pA Ni hUM// badzra kro d+ha nI laM ba ra ya ma sarba ta ka ban d+ha hUM phaT/oM ya ma kA la tshin+d+ha tshin+d+ha hUM phaT/ oM ya ma rA dza grih+na grih+na hUM phaT/ oM ma hA ya ma pa la s+phoT s+phoT hUM phaT/ oM ya ma rak+Sha tsu ru tsu ru hUM phaT/ ya ma bid twan karma rba na hUM phaT/ sarba karma ku ru ku ru hUM phaT/ces gsungs so/ de nas byang chub sems dpa' 'chi bdag 'joms pa de/ bstod pa'i rgyal po 'dis bstod do// bcom ldan rdo rje gos sngon can// thams cad gshin rje 'dul ba po// gang phyir gshin rje'i gsang 'di bshad/gshin rje gshed la phyag 'tshal bstod/ ces bstod nas/ 'khor thams cad la gzungs 'di'i bsngags brjod do// kye ma gzungs 'di ni 'di ltar mthu che ba/ longs spyod che ba/ 'khor phal che ba/ bdud kyi dpung rab tu 'joms pa/ nag po'i gshin rje thams cad gcod pa/ gshin rje'i rgyal po thams cad 'dzin par byed pa/ gshin rje stobs che ba thams cad gnon par byed pa/ gshin rje'i rig sngags thams cad myur du zlog par byed pa yin no// zhes gsungs so// de nas 'phags pa'i 'khor na gnas pa rnams kyis bstod pa/ sems can 'og ma rnams kyis shin tu rtogs dka' ba// mkhas pas byang chub chen po'i phyir ni sems bskyed nas/gshin rje las na rje las gyur 'byung po bzlog pa'i phyir// gsungs pa'i gzungs khyod la ni bdag phyag 'tshal// zhes gsungs so// de nas khro bo rnam par rgyal bas gsol ba/byang chub chen po thar phyin pas/ gsungs pa'i gzungs sngags rgyal po 'di// bsam gtan 'khor lo dang ldan na// 'grub 'gyur 'di la the tshom med// gang zhig dpal ldan skur gnas nas/bka' bsgo'i don phyir sngags gsungs pa// 'grub par 'gyur ba the tshom med// gos sngon rtsa ba'i skur gyur nas// rnam par rgyal dang bdud rtsi 'khyil// rta mgrin dang ni gshin rje gshed/ de la sogs pa'i sprul par ldan// som nyi yid gnyis ldan pa yis// bsgrubs kyang 'grub par mi 'gyur ro// dad pa dam tshig yang dag ldan// bla ma la gus mchod la brtson// stong pa don la dmigs pa yis// bred sha thon nas stong gsum gyi// 'jig rten kun tu 'bros par 'gyur// mkha' 'gro dang ni ma mo kun// gnod pa gang yang mi byed cing// phan pa chen po sgrub par byed// gang zhig 'di 'dzin rnal 'byor de// nyes pa kun las rab tu thar// legs pa yon tan thams cad thog/ drang srong chen po myur du 'grub// tshangs pa'i gnas kyang rab tu bsam// de ltar gyur na dngos grub 'gyur// ces gsungs so// lag na rdo rje gos sngon po can gyi rgyud las/rdo rje rtse mo'i las kyi gzungs chen po'i le'u ste gsum pa'o//// de nas lha'i bus gsol pa/ gsang ba'i bdag po lag na rdo rje'i rgyud las/ don dang yi ge kun 'das don ston pa// 'di ni kun gyi thun mong ma yin te// gang zag theg pa chen po'i rigs dang ldan// spyod pa'i don la dad pa yang dag skye// lus dang srog la bla ma mnyam par bya// rtag tu legs pa'i don la spyod// brtan pa ma thob kun rdzob chos// spyod rdzogs brtan pa thob nas de nyid ngang la gnas// dam pa'i chos ston byang chub sems dang ldan// nyon mongs shes bya'i sgrib pa'i gnyen po bsgom// de yi chos bzhin gzhan gyi spyod yul min// rgyud kyi rgyal po rdo rje rtse mo'i rgyud// rtog pa thams cad 'dus pa kun las btus// gsang don nye bar 'byed las nyer 'byed rgyud// sho lo ka 'bum gyi cha gnyis bka' stsal pa// dur khrod phug na bka' rtags phyag rgya btab// skal ba med pas su yi spyod yul min// bdag gis legs par bsgrubs pa'i byin brlabs kyis// rtse mo dum bu'i rgyud 'di dur khrod che// gnod sbyin phug nas sems can don du blangs// 'di la brten nas gos sngon dngos grub gnyis// sems can gyi thob nas bla med byang chub thob// a tsar+ya g.yu sgra dpal bzher gyis zhal mnga' nas kyis phyung ba'o// de bzhin gshegs pa thams cad kyi sku gsung thugs gsang ba rdo rje rtse mo rtog pa'i dum bu rdzogs so/

CLOSE WINDOW