CLOSE WINDOW

Gpb049.018
བོད་ཡིག

rgya gar skad du/ b+hU tA bi na ka ra tan tra rA dza nA ma/ bod skad du/ 'byung po 'dul byed ces bya ba rgyud kyi rgyal po/ dpal phyag na rdo rje la phyag 'tshal lo// 'di skad rnam par bshad pa'i dus nyid na/ri rab rin po che'i ri'i rtse mo rnam par rgyal ba'i khang pa rin po che sna lnga 'bar ba'i khang pa chen po na/ 'khor lo ka dang 'jig rten las 'das pa rnams dang thabs gcig tu bzhugs pa 'di lta ste/ sangs rgyas dang byang chub sems dpa'i tshogs du ma bsam gyis mi khyab brjod kyis mi lang ba rnams kyis nam mkha'i dbyings yongs su gang zhing/ tshangs pa dang brgya byin la sogs pa'i 'khor rnams kyang bar snang la rab tu 'khod do// lha dang/ mi dang/ lha ma yin dang/ dri zar bcas pa'i tshogs kyis yongs su bskor te/ nam mkha' dang/ bar snang dang/ sa gzhi thams cad yongs su khebs pa'i tshogs de dag dang thabs gcig tu bzhugs so//// der 'dus pa'i 'khor rnams kyi nang nas/ lha dbang phyug chen po stan las langs te/ b+ha ga ban 'byung po 'dul byed kyi zhabs la spyi bos phyag btsal nas 'di skad ces gsol to// kye khro bo'i rgyal po chen po ni/ lo ka'i gdug pa ma rungs pa rnams gsod par byed pa'i tshig bshad du gsol/ ces gsol pa dang/ bcom ldan 'das 'byung po gdul byed kyi bdag po chen po des/lha dbang phyug chen po la legs so bya ba byin nas/ 'byung po thams cad tshar gcod pa'i sngags kyi tshig 'di gsungs so// oM badzra dz+wa la ha na ha na sarba b+hU tA naM hUM phaT/ ces gsungs pa tsam gyis/dpal rdo rje 'chang 'byung po 'dul byed kyi ba spu'i bu ga rnams nas khro bo rab tu 'bar ba du ma byung bar gyur te/ 'byung po 'byung mo de rnams kyi lus skams shing/ brgya byin dang/ tshangs pa dang/ khyab 'jug la sogs pa lha dang/mi rnams dang/ gnod sbyin gyi tshogs rnams gsad par gyur to// yang de'i tshe de'i dus su nam mkha'i dbyings na bzhugs pa'i de bzhin gshegs pa thams cad kyis ngo mtshar rmad du byung ba'i phyir ched du brjod pa 'di gsungs so// kye bcom ldan 'das rdo rje 'chang/ khro bo'i bdag po chen pos ma 'ongs pa'i tshe ma 'ongs pa'i dus su/ sems can thams cad bde bar bya ba'i phyir/ 'byung po dang ma mo thams cad tshar gcod pa 'di gsungs so// gzhan yang khyod kyis mi rnams la phan par bya ba'i phyir// slar yang dam tshig la thogs shig ces gsungs so// de nas dpal rdo rje 'chang chen pos 'byung po 'dul byed kyi rgyal pos slar shes pa dgug pa dang/ro 'tsho bar byed pa zhes bya ba'i sngags brjod pa/ oM badzra A yu she sa ra sa rar smin/ oM ka t+ya/ me ta san bi dza ya hri dza ya a/ zhes gsungs pa dang/ dpal rdo rje 'chang gis shangs kyi bu ga gnyis nas/ rlangs chen po ro 'tsho bar byed pa zhes bya ba byung nas/ 'byung po dang 'byung mo rnams kyi lus la zhugs pas rgyal ba sos te/ slar yang 'jigs pa'i sems kyis langs nas thal mo sbyar nas/'di skad ces gsol to/ kye bcom ldan 'das rgyal pos bdag cag rnams la bskyab tu gsol// ces gsol to// 'byung po 'dul byed kyi rgyud las/ gleng gzhi'i le'u ste dang po'o//// yang de'i tshe 'byung po chen pos gzhan gyis mi thub pa 'khor gyi dkyil 'khor chen po 'dir/ bcom ldan 'das 'byung po 'dul byed kyi zhabs la spyi bos phyag 'tshal te/ 'di skad ces gsol to// kye bcom ldan 'das khro bo'i rgyal po chen po/ dpal srid pa gsum las rnam par rgyal ba bde bar gshegs pas bskyab tu gsol// bcom ldan 'das myur du bskyab du gsol/ thugs rje can nges par bskyab tu gsol// zhes gsol to// de nas bcom ldan 'das khro bo'i rgyal pos bka' stsal pa/ 'byung po'i rgyal po chen po gling bzhi'i mi rnams la dngos grub byin cig/ khyad par du yang 'dzam gling gi mi rnams la dngul chu dang/bcud len gyi rdzas dang/ dbyig dang gser dang/ mu tig dang/ bai DUr+Ya dang/ pad+ma ra ga dang/ me shel dang/ chu shel dang/ gos dang/ spos dang/ lha'i bza' ba rnams byin cig/tshe dang longs spyod thams cad 'phel zhing rgyas par gyis shig/ rjes su bsgrub pa'i rnal 'byor pa rnams la bran gyi tshul du bsnyen bkur gyis shig/ kye kye gzhan gyis mi thub pa'i 'byung po chen po myur du gus par nyon/le lo dang/ tshul khrims 'chal pa dang/ sdig pa byed pa dang/ rdzun la dga' ba dang/ las ngan pa dang/ brtson 'grus chung ba dang/ nor med dang/ gcong can dang/ bsod nams la'ang nges par sid+d+hi byin cig/gal te rjes su bsgrub pa'i rnal 'byor la dngos grub ma byin na/ spyi bo mi phyed pa'i rdo rjes 'gems shing/ dmyal ba chen po ru lhung bar 'gyur ro// zhes dam tshig la btsud do// 'byung po kun 'dul gyi rgyud las/dam la btags pa'i le'u ste gnyis pa'o//// de nas yang 'byung po chen po gzhan gyis mi thub pas 'di skad ces gsos to// kye bcom ldan 'das khro bo'i rgyal po chen po// ma 'ongs pa'i dus su lha chen po'i dam tshig la gnas shing/dpal rdo rje 'chang zlos pa thams cad kyis mngag gzhug bgyi'o// gal te bran dang mngag gzhug ma bgyis na/ bdag cag gi rigs brgyud du bcas pa rlag par gyur cig/de bzhin gshegs pa thams cad kyis gsungs pa'i dam tshig las 'gal bar gyur cig/ dpal rdo rje 'chang khro bo'i rgyal pos spyi bo 'gems par gyur cig/ shri badzra d+ha ra sa ma ya hUM/ zhes bro dor to// 'byung po 'dul byed kyi rgyud las/ dam tshig gis bcas pa'i le'u ste gsum pa'o//// de nas lha dbang phyug chen po stan las langs te/ bcom ldan 'das 'byung po 'dul byed kyi rgyal pos 'di skad ces gsol to// e ma dpal ldan rdo rje 'chang/ ma 'ongs dus kyi tha ma la// sems can rnams la phan bya'i phyir// gnod sbyin 'byung po sgrub pa'i thabs// 'byung po 'dul byed rgyud chen rgyal// dpa' bos ding 'dir bstan du gsol// ces gsol pa dang/ 'byung po 'dul byed kyi rgyal pos 'di skad ces bka' stsal to// kye/ dbang phyug chen po lha chen po// gnod sbyin sgrub par 'dod pa yis// chu bo 'dus pa'i gling chen nam// dur khrod shing drung lha yis gnas// dben zhing bar chad med pa'i gnas// phyag na rdo rje'i khyil bdag ste// gtsang zhing bkra shis phun sum tshogs// der ni gnod sbyin 'byung po'i tshogs// 'grub 'gyur 'di la the tshom med// ces gsungs so// 'byung po 'dul byed kyi rgyud las/ gnas bstan pa'i le'u ste bzhi pa'o//// de nas rdo rje 'chang chen des// lha chen dbang phyug chen po la// gnod sbyin nor lha'i rgyal po yi// gsang sngags bstan pa 'di dag go/ oM hri:dza a pa ra tsit+ta dza dza/ 'di ni gter bdag sgrub pa'i sngags// 'byung po gzhan gyis mi thub pa// nor lha brgyad dang bcas pa'o// srog gi yang snying dam pa ste// oM ni kun khyab ye shes te// byin gyis rlob pa'i gsang sngags yin// hri:ni gzhan gyis mi thub pa// dbus kyi gtso bo'i snying po'o// dza ni shar phyogs gang ba bzang// a ni lho phyogs rnam thos bu// pa ni nub phyogs nor sbyin no// ra ni byang phyogs nor bzang ste// tsi ni pi rtsi kuN+Da li// ta ni ki li mi li 'o// dza ni ser po tsa ren+Da// dza ni ser po mu khen dam// kun 'dus a pa ra yi sngags// gnod sbyin nor lha'i gsang sngags yin// de nas gzhan yang bshad bya ba// gnod sbyin mi yi gsang sngags ni// rim pa bzhin du bstan par bya// oM shrI ma hA b+hu ta ku la sun+d+hA ri sa ma ya dza:hUM baM ho// 'di ni nor bdag chen mo'i sngags// 'byung po dpal chen rigs mdzes ma// gnod sbyin mo dgu'i srog snying yin// oM ni spyi yi ye shes lnga// shrI ni dpal chen rigs mdzes ma// ma ni shar phyogs bzang mo ste// hA ni lho yi rab tu bzang// b+hU ni nub kyi sbas ma ste// ta ni byang gi rab sbas ma// ku ni lho shar ma mo yin// la ni lho nub dbyangs can ma// sun ni byang chub 'phags ma ste// d+hA ni byang shar zla shel can// ri ni shar gyi gnod sbyin ma// sa ni lho yi pad+ma'o// ma ni nub kyi kI la ma// ya ni byang gi gang ba ma/ dza:ni nor sbyin chen mo ste// hUM ni pad+ma chen mo'o// baM ni kI li chen po ste// ho ni gang ba bzang po'o// kun 'dus dpal chen rigs mdzes ma// gnod sbyin mo dgu'i snying po yin// ces gsungs so// 'byung po 'dul byed kyi rgyud las// snying po bstan pa'i le'u ste lnga pa'o//// de nas yang dag bshad bya ba// nor lha bsgrub par 'dod pa yis// dgon pa chen po'i sa phyogs su// mchod sbyin rgyas par btang byas la// sa yi cho ga rim pa ltar// bslang dang sbyang dang bsrung ba dang// de nas mda' gang tshad du cig/dri zhim sman gyis chag chag gdag/ tshangs dang zur dang log thig dang// log chen gtub dang log chung ni// gtub sogs rim par shes par bya// de na dkyil 'khor tshul bzhin bri// pho brang mu khyud ser dang gnag/'dab brgyad gser gyi sa gzhi la// gangs ri dkar po'i ze 'bru bcas// bar khyams pad+ma ra ga la// mu khyud gru chad rin chen gser// pany+tsa re kha sgo bzhir bcas// de dag spyi dang mthun pa las// 'dod yon raN+ta pha gu dang// dra ba dra phyed la sogs pa'i// tshon dang bri thabs mkhas pas dbye// dbus su rin chen bum pa 'am// rin chen lcags kyu bri bar bya// 'dab ra shar nas brtsams par bya// bkra shis rdzas re bri bar bya// sgo bzhir bum pa bzang po bzhi// de nas rdzas dang mchod pa bsham// zhes gsungs so// 'byung po 'dul byed kyi rgyud las// dkyil 'khor gyi le'u ste drug pa'o//// de nas yang dag bshad bya ba// rin chen mdzes pa'i ga 'u ru// gter bdag chen po'i bang mdzod bcas// nor bdag chen po'i sku gzugs la// bla rdo srog yig bcas pa dang// tsakra gnyis dang srog yig dang// gzungs sngags la sogs ldan parabya// spyan drangs bstim zhing pU dza dang// mnga' gsol rab tu gnas pa dang// spyan dbye dbang bskur la sogs bya// bang mdzod dbus su bzhugs nas ni// gter bdag chen por dbang bskur la// nor gyi srung mar dam yang dpog/ gzhan yang bang mdzod chen po'i rdzas// yon tan phun sum tshogs pa yis// re 'dod skong ba'i rin chen lnga// bang mdzod nang du gzhug par bya// 'phrin las rgya mtshos 'gro don dus// dug lnga'i nad rnams gso bya'i phyir// sman lnga rab tu gzhug par bya// nad dang sdug bsngal zhi bya'i phyir// tsan dan spos dkar la sogs pa'i// sbos kyi thum bu lnga yang bya// bkres skom mu ge'i bskal pa las// thar par bya phyir bang mdzod du// 'bru sna lnga yang gzhug par bya// dbul 'phongs sdug bsngal zhi bya'i phyir// dar sna lnga yang gzhug par bya// gzhan yang yid la gang 'dod pa'i// rdzas rnams bang mdzod nang du gzhug/ dkar gsum mngar gsum la sogs pa'i// zas phud rnam pa sna tshogs kyang// dngos grub rten du gzhug par bya// a ka ru dang du ru ka/snying po sman gyi rnam pa lnga// nor lha'i rdzas su gzhug par bya// sems nyid 'dod pa'i tsakra yang// mkhas pas nor lha'i mdun du gzhug/ de nas kha bcas rgyas btab la// gnod sbyin zhal phyogs ma nor bar// dkyil 'khor dbus su man dzi'i khar// rin chen 'bru yi steng du gzhag/ dkyil 'khor de yi lho phyogs su// spos dang mar me la sogs pa'i// btung ba'i mchod pa bsham par bya// byang du ka ra mngar gsum dang// 'bras chen sman gyis brgyan pa yi// gtor ma gnyis dang spos dkar dang// sla sder gdan chung phud la sogs// nang gi mchod pa rgyas par bshams// rdo rje 'chang gi sku gzugs kyang// byang phyogs bang mdzod rtsa ru bzhugs// bla re rgyal mtshan phyogs bzhir dgram// phur pa bcu la sngags bris te// phyag rdor bcu ru mnga' gsol la// dal gyi rim pa 'khor bar gzugs// de nas byang du kha ltas te// bsnyen sgrub rim pa tshul bzhin bya// zhes gsungs so// 'byung po 'dul byed kyi rgyud las// rdzas dang bang mdzod bcas pa'i le'u ste bdun pa'o//// de nas gzhan yang bshad bya ba// nor bdag sgrub par 'dod pas ni// sems bskyed sngon du btang byas la// stong pa'i ngang las yi ge hUM// sems ni hUM gi cho 'phrul las// bzhugs gnas dkyil 'khor gsal bar bsgom// spyan drangs bstim la bzhugs su gsol// phyag btsal mchod pa sdig bshags bya// rjes su yi rangs gsol ba gdab// lus dbul dge rtsa ba bsngo bar bya// de nas rang dang tha mi dad// rnam gsum skye mched byin gyis brlab// yid bzhin nor bu'i ting 'dzin gyis// yid bzhin nor bu zhal lnga bzas// oM badzra tsaN+Da ma hA ro Sha Na hUM phaT// skabs su mchod bskul bstod pa bya// zhes gsungs so// 'byung po 'dul byed kyi rgyud las// ye shes lha'i bsnyen pa'i le'u ste brgyad pa'o//// de nas bsgrub par bya ba ni// dkyil 'khor bang mdzod gzhal yas khang// gter bdag 'khor bcas gsal bar bskyed// yi ge hri las bum pa ste// de las byung ba nor gyi lha// sku ni gangs ri lhun po 'dra// ngal bso ge le stobs po che// rin chen sna lnga'i dbu rgyan can// ral pa'i zar bus sku stod khebs// spyan rtsa dmar la 'bor zhing zlum// mi snying bsgul ba'i lcags kyu g.yas// dgos 'dod 'byung ba'i ne'u le dang// rin chen bum pa bzang po g.yon// stang stabs rol pa'i tshul du bzhugs// 'khor ni gnod sbyin pho brgyad de// shar phyogs pad+ma'i 'dab ma la// dza las byung ba'i gang ba bzang// sku mdog sngon po bgrad pa'i tshul// gdug dang ne'u le bsnams pa'o// lho ru a las rnam thos bu// ser po nya dang ne'u le bsnams// nub tu pha las nor sbyin bu// dmar po dung dang ne'u le bsnams// byang du ra las nor bzang ni// ljang khu pad+ma ne'u le bsnams// shar lhor rtsibs las byung ba yi// dmar po pi tsi kuN+Da li// bum pa ne'u le thog pa'o// lho nub ta las byung ba yi// sngon po ki li mi li ni// dpal be'u ne'u le thog pa'o// byang nub pad+ma'i 'dab ma la// dza las ser po tsa ran Da// rgyal mtshan ne'u le thog pa'o// byang shar dza las mu khen dam// ser po 'khor lo ne'u le can// rin chen du mas brgyan pa yi// bum pa'i steng na 'gying ba'o// shar sgor dza las gyur pa yi// nor sbyin chen po bsgom par bya// dkar po lcags kyu ne'u le can// lho sgor hUM las byung ba yi// pad+ma chen po bsgom par bya// ser po zhags pa ne'u le bsnams// nub sgor baM las byung ba yi// ki li chen por bsgom par bya// dmar po lcags sgrog ne'u le can// ho las byung ba byang gi sgor// gang ba bzang po bsgom par bya// ljang khu dril bu ne'u le can// rin chen du mas brgyan pa ste// stang stabs tshul du bgrad pa'o// gnod sbyin 'khor bcas bskyed par bya// rang bzhin gnas nas spyan drangs la// ga buM bstim zhing bzhugs su gsol// phyi nang gsang ba'i mchod pa dbul// rang nyid phyag rdor nga rgyal gyis// zil gyis mnan la bzlas pa bya// thun mtshams bstod cing dngos grub blangs// tshes gcig la gzugs nya la 'don// nya yi nub mo mchod pa dbul// rtsa sngags dngos grub sham bu ru// mi sems bsgul ba'i sngags btags la// bzlas shing pad+ma'i phyag rgya bca'// spos dkar dud pa rgyun mi bcad// grub rtags mtshan ma mkhas pas brtag/ ces gsungs so// 'byung po 'dul byed kyi rgyu las/ bsgrub pa'i le'u ste dgu pa'o//// de nas mo bsgrub bshad bya ba// maN+Dal dam rdzas sngar dang mtshungs// bang mdzod gong dang mthun pa la// sku gzugs gnod sbyin mo ru bsgyur// byang chub mchog tu sems bskyed la// stong pa'i ngang las yi ge hUM// 'phro 'du rol pa'i khyad par las// bang mdzod rin chen gzhal yas khang// gru bzhi sgo bzhi ldan pa la// rin chen du mas spras pa yis// dkyil 'khor chen po bsgom pa nas// pho brang dbus kyi lte ba la// nyi zla pad+ma'i gdan stengs su// hri las rin chen bum pa ste// de las byung ba'i nor bdag mo// 'byung po dpal chen rigs mdzes ma// sku mdog btso ma gser dang 'dra// gzugs dang lang tsho phun sum tshogs// rin chen rgyan cha du mas spras// g.yas pa rin chen bum pa bsnams// nor dang longs spyod sbyin pa 'gyed// g.yon pa ne'u le'i rkyal pa 'dzin// sems can rnams kyi dgos 'dod skong// phyed krung sgeg pa'i tshul gyis 'gying// shar gyi pad+ma'i 'dab ma la// ma las byung ba'i bzang mo ni// dkar mo 'khor lo ne'u le 'dzin// phyed krung tshul du 'gying ba'o// ha las lho yi pad+ma las// rab tu bzang mo sku mdog ser// rin chen ne'u le g.yas dang g.yon// phyed krung sgeg pa'i tshul gyis 'gying// nub tu b+hu las sbas ma ni// dmar mo pad+ma ne'u le 'dzin// byang du rta las rab sbas ma// ljang khu rgya sman ne'u le ni// shar lhor ku las lha mi ni// dkar ser snye ma ne'u le can// lho nub la las dbyangs can ma// dmar ser snye ma ne'u le 'dzin// nub byang sun las 'phags ma ni// ljang ser snye ma ne'u can// byang shar da las zla shel can// ljang sngon snye ma ne'u le 'dzin// phyed krung tshul sgeg 'gying bar bsgom// shar lhor ri las nor sbyin ma// dkar mo lcags kyu bum pa can// lho sgor sa las pad+ma ni// ser mo zhags pa bum pa bsnams// nub sgor ma las ke ri ma// dmar mo lcags sgrog bum pa bsnams// ya las byang sgor gang ba ma// ljang khu dril bu bum pa can// rin chen du ma'i rgyan gyi spras// stang stabs tshul du bgrad par bsgom// spyan drangs bstim zhing bzhugs su gsol// mchod dang bstod cing dngos grub blang// zin gnan 'phro 'dus bzlas pa bya// oM shri ma hA b+hu ta ku la sun d+ha ri sa ma ya// bcu drug nas ni stong gi bar// rnal 'byor chen pos bsgrub pa bya// gnam stong nub mo mchod pa bstang// tsan dan mchod yon spos dkar sreg/ 'gug byed lcags kyu'i phyag rgya can// oM ka Ta ka Shu sarba k+Shi ni shrI hUM dza dza phaT/ sngags gnyis sbrel zhing bzlas pa bya// mngon sum khug na bsnol gyis bcad// sems ma rdo rje'i phyag rgya bstan// tsan dan mchod yon gtor ma sbyin// mi smra phyag rdor nga rgyal gyis// chags pa spyad na chung mar 'gyur// rgyan dang longs spyod ci 'dod ster// srod la 'ong zhing tho rangs 'gro// de tshe gzhan gyi bud med spang// smras na ma dang sring mor 'gyur// nor dang rgyal srid longs spyod ster// rgyab tu khur nas mtho ris kyi// lha yul srid pa'i rtse mor skyel// tshe yang bskal pa bdun khrir 'tsho// de bas gsang zhing btud de bsgrub// ces gsungs so// 'byung po 'dul byed kyi rgyud las/ rab tu bsgrub pa'i le'u ste bcu pa'o//// de nas yang dag bshad bya ba// thams cad thabs dang shes rab ste// pho mo dril te bsgrub par bya// de la dam rdzas sngar dang mtshungs// bang mdzod nang du gnod sbyin gyi// pho mo zhal sprad bar dag tu// sid+hi 'khor lo ma nor gzhug kha bcad rgyas btab bsgrub pa brtsam// sems can don du sems bskyed la// stong nyid hUM gi cho 'phrul las// bzhugs gnas dkyil 'khor gsal bar bskyed// dbus su nyi zla pad+ma'i khar// hri dang shrI yi 'phro 'du las// phyag mtshan ne'u le bum pa bskyed// de las gyur pa'i gter bdag ni// pho mo phan tshun blta bar bsgom// phyi rol pad+ma'i 'dab brgyad la// shar du gnod sbyin gang ba bzang// lho ru de bzhin rnam thos bu// nub phyogs su ni nor sbyin te// byang gi phyogs su nor bzang ngo// shar lho'i pi tsi kun+Da li// lho nub ki li mi li 'o// nub byang du ni tsa ren tra// byang shar du ni mu khen dam// de yi phyi yi gru chad la// shar lho'i mtshams su bzang mo dang// rab tu bzang mo bsgom par bya// de bzhin lho nub mtshams su ni// sbas ma rab tu sbas ma bsgom// de bzhin nub byang mtshams su yang// lha mo dang ni dbyangs can ma// de bzhin byang shar dag tu yang// 'phags ma dang ni zla shel can// mkhas pas rab tu bsgom par bya// de nas sgo bzhi dag tu yang// shar sgo nor sbyin ma dang ni// nor sbyin chen mo bsgom par bya// de bzhin lho sgor pad+ma dang// pad+ma chen po bsgom par bya// nub sgo ki li chen po dang// ki li ma na rab tu bsgom// byang du gang ba ma dang ni// gang pa chen po bsgom par bya// ren chen char 'bebs sgo srungs brgyad// bsgom la spyan drangs bstim pa dang// bzhugs su gsol zhing mchod pa dbul// rdo rje 'chang gi zil gyis mnan// tshes gcig nya yi bar du bsgrub// nyin mtshan pho dang mo yi sngags// go rims ma nor mkhas pas bzlas// oM hri dza a pa ra tsi ta dza dza/ oM shrI ma hA b+hU ta ku la sun d+ha ri sa ma dza dza hUM baM ho/ nya yi nub mo sngags gsum dril// pho dang mo yi gsang sngags la// mi sems bsgul ba'i sngags kyang btags// 'og ma gnyis kyi mgo 'dren por// dngos grub blang ba'i sham bu btags// bzlas pa grub par gdon mi za// zhes gsungs so// 'byung po 'dul byed kyi rgyud las// bsgrub pa chen po'i le'u ste bcu gcig pa'o//// de nas dam tshig bshad bya ba// nor bdag bsgrub pa'i rnal 'byor pas// sha chang sgog btsong mi za bya'o/ khyi dang bud med mi brten no// bsnol dang thab gzhob mi bya'o// dam nyams 'dres khyer mi brten no// mi gtsang bud med kha zas spang// zas nor phyi la gdon mi// rta bong gi yi gsur mi btang// gu gul nag po'i dud pa spang// rang rang dkyil 'khor bar du ni// gzhan gyi rgyu 'grul mi gtang ngo// dkyil 'khor dam rdzas mtha' dag la// 'gom dang thu yugs mi btang ngo// rme dang yugs la shin tu gzab// yi dam lha la mchod gtor dbul// mkha' 'gro chos skyong mnyes par bya// sdug cing 'phongs pa'i sems can la// 'dzin chags med pa'i sbyin pa btang// bla med tshogs kyi 'khor lo bskor// de ltar dam tshig ma bsrungs na// tshe dang srog la bar chad 'byung// byang chub sems dang mi ldan zhing// 'gro ba'i don la mi brtson pas// khe dang nga rgyal grags pa'i phyir// bsgrubs kyang 'grub par yong mi 'gyur// dad med chos la mi mos shing// gtong ba'i blo dang mi ldan zhing// 'jungs zhing ser sna che ba la// nor dang longs spyod mi 'byung ste// bskal pa grangs med gsum du yang// nor lha'i dngos grub de la ring// zhes bka' stsal to// 'byung po 'dul byed kyi rgyud las// dam tshig gi le'u ste bcu gnyis pa'o//// de nas grub rtags bshad bya ba// dbang po lnga yi yum lnga ru// rtags ni du ma ci yang ston// mig gi yul du gzugs kyang ston// rna ba'i yul du sgra skad 'byung// sna yi yul du dri yang ston// lce yi yul du ro rnams 'gyur// lus la 'phar tshig du ma 'byung// der yang ma zad cho 'phrul ni// cir yang ma nges sna tshogs ston// mig la gzugs su byung ba la/ khab kyi phyag rgyas gzung bar bya// rnol sred dam tshig phyag rgya bstan// sdang mig phyag rgyas zil gyis mnan// gsol byad pad+ma'i phyag rgya bstan// gtor ma dbul zhing dam la gdags// de min rtags rnams gang byung yang// pad+ma'i mu tra bcas pa dang// gtor ma dbul zhing dam tshig bsgrag/ dngos grub blang ba'i cho ga bya// zhes gsungs so// 'byung po 'dul byed kyi rgyud las// rtags dang dngos grub blang ba'i le'u ste bcu gsum pa'o//// de nas phyag rgya bshad par bya// khu tshur so sor bcangs nas kyang// mthe'i chung gnyis po gcig pa gcig/ 'khyud nas mdzub mo gnyis brkyang la// cung zad bkug nas byas pa ni// khro mo mi phyed 'bar ba yi// 'gugs byed lcags kyu'i phyag rgya ste// 'jig rten tri yang 'gugs par byed// ma lus gzhan dag smos ci dgos// de nas thal mo mnyam sbyar la// sor mo nang du bsnol nas kyang// gung mo phyir brkyang rtse sprad la// cung zad 'gying bar byas pa ni// dngos grub pad+ma'i phyag rgya yin// 'di bcas gnod sbyin nor gyi lhas// ci 'dod dngos grub ster bar byed// gzhan yang thal mo mnyam sbyar la// sor mo bsnol ba cung zad bsdam// mthe bong gnyis ni bsnol zhing brtsegs// mdzub mo gnyis ni brkyang pa las// skam pa'i kha ltar gdengs pa ni// khab kyi phyag rgya zhes bya ste// 'dis ni rlung yang 'dzin nus na// khams gsum skye bo smos ci dgos// de nas dam tshig mu tra ni// sor mo nang bsnol mthe mo brtsegs// gung mo gnyis kyang bslang ba ni// sems ma rdo rje'i phyag rgya ste// 'di bcas gnod sbyin 'khor bcas rnams// sngon tshe ji ltar khas blangs pa'i// rang ngam rang gis dran par 'gyur// zhes bka' stsal to// 'byung po 'dul byed kyi rgyud las/ phyag rgya'i le'u ste bcu bzhi pa'o//// de nas 'dir ni bshad par bya// nor lha grub pa'i rtags thon nas// bla rdo srog 'khor lus la bcang// ga 'u bang mdzod nang du sba// dngos grub dam rdzas rang nyid bza'// maN+Dal sa rnams zhing la sba// dus gtor mchod pa rgyun mi gcad// sngags 'di rang rang las la dgye// oM yak+Sha a pa ra tsi ta/ de ba saM b+hu ta ya/ ma hUM bruM taM/ pra ni sar+ya/ bi sa rdza yed/ bri thag ma hA/ b+hU ta sa ta ta ga tsha b+hU sma sha ne/ de ba ku la sha e ka pri k+She da ni ta te/ tsa tu Sh+ye te/ e ka li ma ge de ba ya ni pu tsa/ shri g+h+raM g+ha tsi ru b+hU ta naM/ sa ma ya pra ti pa la na/ ya ti pyi ba/ nA ga tsa ti/ ta da sha na badzra na/ mur te ni sa la yed/ she ni sha sha yed/ b+hU ta na naM ro 'u re be/ na ra ke ba te/ya tha sarba naM/ ga tsha tsha'u ya/ tha su kha swA hA/ zhes khang pa'i yang thog dang khyis mi 'khyer ba'i sar btang ngo// 'byung po 'dul byed kyi rgyud las/ las chog gi le'u ste bco lnga pa'o//// de nas bshad par bya ba ni// sgrub pa po la phan bya'i phyir// dngos grub chen po bsgrub pa'i thabs// rgyud rgyal 'byung po 'dul byed nyid// snod du mi rung gang yang med// sdig can le lo che ba dang// brdzun la mngon par dga' ba dang// zog po tshul 'chos can gyis kyang// bsgrub na 'grub par 'gyur ro zhes// bde bar gshegs pas lung bstan na// ma lus gzhan la smos ci dgos// dbul po nor gyis gdungs pa dang// 'phongs pa nor gyis nyen pa dang// tshe thung shes rab dman pa dang// blun zhing bsod nams chung ba dang// zha grum yan lag ma tshang bas// bsgrubs na grub par gdon mi za// gang zhig 'di la su dad cing// 'dzin nam 'chang ngam klog pa dang// rjes su sgrub par byed pa de// mi zad gter la longs spyod cing// nor gyi bdag por the tshom med// gang zhig the tshom mi za bar// 'di la mngon par brtson gyur na// lha yi dbang po'i rgyal srid kyang// dngos su 'grub par lung bstan na// mi yi rgyal srid smos ci dgos// nyi zla la sogs gza' brgyad kyi// de yi gzi brjid mi thub na// tshangs pa dang ni brgya byin gyis// bu mo thang dkar dri med kyang// srog dkar lha yi bu mo 'ang// bdag la shin tu chags gyur na// mi yi bu mo smos ci dgos// nyi zla la sogs gza' brgyad kyis// de yi gzi brjid brgyad mi thub/ khams gsum skye bo smos ci dgos// bdud kyi bar chad mi nus na// log 'dren bgegs kyi smos ci dgos// 'jig rten khams na gnas pa yi// skye 'gro thams cad dam 'du na// nor dang longs spyod smos ci dgos// ci bsam lhun gyis grub pa yi// dngos grub chen po thob 'gyur na// bza' btung yo lang smos ci dgos// des na 'di la nan tan bya// zhes gsungs so// 'byung po 'dul byed kyi rgyud las// rgyud kyi che ba dang phan yon bstan pa'i le'u ste bcu drug pa'o//// de nas lha dbang phyug chen po de rjes su yi rang nas/ bcom ldan 'das 'byung po 'dul byed kyi rgyal po la mngon par bstod pa/ e ma ho rgyal sras gnyen gcig po// khro rgyal 'byung po 'dul byed pa// grub pa rgyal po khro bo che// grub pa'i dam tshig bstan pa ni// lha yi dngos grub kun bsgrub shing// myur du grub pa bla med pa'o// sems can kun la phan don phyir// skad cig de la sgrub ster bas// grub pa'i rdo rje khro bo che// lha yi dam tshig brtan pa yi// sems can rjes su brtse ba'i phyir// khyod la bdag gis gus pa yis// phyag 'tshal btud nas bstod par bgyi// dngos grub bdag la myur du gsol// ces bstod do/ 'byung po 'dul byed kyi rgyud las/ rjes su yi rang ba dang bstod pa'i le'u ste bcu bdun pa'o//// de nas bcom ldan 'das 'byung po 'dul byed kyi rgyal po chen po ni// chos dbyings rnam par dag pa'i ngang du gshegs so// 'khor rnams ni rang rang gi gnas su mi snang bar gyur to// rgyud kyi rgyal po chen po 'byung po 'dul byed ces bya ba rdzogs so/

CLOSE WINDOW