247a1 rgya gar skad du/ badzra tsaN+Da kA ya bA' ka tsit+ta tan tra a ga ne pra b+ha sU tra/ bod skad du/ rdo rje gtum po sku gsung thugs kyi rgyud me 'od 'bar ba'i mdo// rdo rje gtum po la phyag 'tshal lo// 'di skad
247a2 bdag gis thos pa'i dus gcig na// bcom ldan 'das rdo rje 'chang chen po gsang ba'i bdag po/ byang phyogs gnod sbyin gyi gnas lcang lo can gyi pho brang du/ gnod sbyin rdo rje gdong bzhi pa dang/ yak+Sha 'bar
247a3 byed dang gnod sbyin ku ba re la sogs te/gnod sbyin gyi tshogs rnams dang/ thabs gcig tu bzhugs so// de'i tshe na bcom ldan 'das rdo rje 'chang sku gsung thugs rnam par 'phro ba zhes bya ba'i ting nge 'dzin
247a4 la snyoms par zhugs so// zhugs ma thag tu rdo rje 'chang gi gsung las rta mgrin sprul te/ nub phyogs klu'i gnas su sprul pa mdzad nas gdug pa btul te/ rdo rje 'chang gi ljags kyi steng du gnas so// thugs
247a5 las khyung mthing nag sprul te/'og gi rgya mtshor spros te/ ma rnams btul nas thugs khar thim par mdzad pas/ 'jig rten gyi khams rnam pa drug tu g.yos te/ thams cad ming gi mtshan nyid tsam du gyur to// rdo
247a6 rje gtum po me 'od 'bar ba'i rgyud las/gleng gzhi'i le'u ste dang po'o//// de nas gnod sbyin lag na rdo rje stan las langs te/ bcom ldan 'das kyi zhal du bltas nas 'di skad ces gsol to// e
247b1 ma skyes mchog gsang ba'i bdag/rdo rje 'chang ba log 'dren gshed// gdug pa 'dul dka' 'dul ba bo// nyid kyi che ba bshad du gsol// zhes zhus pas// bcom ldan 'das kyis gsungs pa/ nga ni thabs
247b2 kyi mnyen pa mkhan// 'khor ba'i chu bor rab med las// srid gsum bsgral bar dam bcas pa// thar pa 'dod pa lam 'dir shog/ nga ni gsang bdag dpa' bo ste// gdug pa klu yis zin pa la// thar par
247b3 'dod pa lam 'dir shog/nga ni yid bzhin dpa' bo ste// gang zhig gsod dang mi ldan pa// phun sum tshogs 'dod lam 'dir shog/ nga ni nyon mongs zhi byed pa// bsgral ba'i zhing bcu sgrol byed pa// bstan pa
247b4 bsrung 'dod lam 'dir shog/ces gsungs pas/ lag na rdo rje gnod sbyin gyis 'di skad ces gsol to// gsang bdag rdo rje gtum po yi// bsnyen pa bya na ji ltar bya// sngags dang phyag rgya ji ltar
247b5 lags// ting 'dzin ji ltar bsgom par bgyi// de yis 'phrin las mchod pa dang// dbang dang dam tshig ji ltar bstan// zhes gsol to// rdo rje gtum po me 'od 'bar ba'i rgyud las/ gleng bslang ba'i le'u ste
247b6 gnyis ba'o// de nas yang dag bshad bya ba// bsnyen pa'i rim pa bya ba ni// phyi nang gsang ba'i dbang thob des// dben zhing dga' ba'i sa phyogs der// 'du 'dzi spangs te bde stan la// skad cig lha yi nga
248a1 rgyal bskyed// gsang sngags sbyor bas bgegs rnams bskrad// oM badzra tsaN+Da mahA ro Sha na hri pad+mAM ta kr-i ta ha ya gri ba badzra ru Da tsa le tsa le sarba big+h+nAn u tsa ta ya hUM phaT/ de nas stong nyid snying rje
248a2 bskyed// sprin 'dra lta bu'i byin rlabs las// rlung sogs sa bon las byung ba// bruM las gzhal yas bskyed par bya// gdan stengs sku gsung thugs kyi lha// rigs lnga'i khyung dang pad+ma dang// thugs khar thugs kyi
248a3 bya khyung bskyed// gsal nas ye shes spyan drangs thim// mnyes pa'i mchod pa dbul bar bya// bcu gcig rtsa gnyis bco lnga dang// rtags dang grangs su thems pa dang// me 'bar bsgrub dang so so
248a4 yi// rtsad bcad las la sbyar bar bya// rdo rje gtum po me 'od 'bar ba'i rgyud las/ bsnyen pa'i le'u ste gsum pa'o//// de nas bcom ldan 'das kyis yi ge 'khor lo zhes bya ba 'di sku dang/ gsung
248a5 dang/thugs rdo rje las phyung ngo// hUM hri khroM/ khroM khroM khroM khroM khroM/ oM badzra tsaN+Da mahA ro Sha Na hUM phaT/ hri pad+mAM ta kr-i ta ha ya gri ba badzra kro d+ha hu lu hu lu hUM phaT/ oM badzra kro d+ha na hUM ga ru Da tsa le tsa le hUM phaT/ oM bud+ha ga ru Da
248a6 oM/oM badzra ga ru Da hUM/ oM rad ga ru Da traM/ oM pad+ma ga tu Da hri/ oM karma ga ru Da ha/ na ga srog tshi ga nan rbad/ lus rdul nag mA ra ya rbad/ raM raM dza la dza la/ shi shi rdul bun nA ga mA ra ya rbad srod/ oM nA ga shi
248b1 nan na ga byer/nA ga rA dzA chi nA ga twaM/ na ga sod/ na ga go la ya/ nA ga rA dza mA ra ya chings/ nA ga rA dzA srog snying rul/ nA ga rA dzA phaT/ nA ga shu shu nan/ nA ga rA dzA byer/ nA ga ra dza srog snying la rtsa la pa srog
248b2 rbud/pra ti sa ma ya dza na ga snying tshal pa ma 'u rbud/ de ni dgug pa'i drag sngags so// de nas bcing pa'i drag sngags bzlas/ gsad pa'i drag sngags 'di dag yin// klu chen rtsad nas gcad pa ni// oM sa ti ti tha
248b3 ga ru na bi sha de/nA ga nan nA ga kha tham nyi ma sa zla nan/ klad pa nan/ tsit+ta ku li nan/ ku nan shi/ tsa mu bzlog byer/ nA ga shig nA ga rA nA ga go la nan/ nA ga rA dza byer byer phaTarbad// de nas yang klu btsan
248b4 gdug pa can rtsad nas bcad pa 'di gsungs so// ya ma shu shu sod/ ya ma shu shu rbad/ ya ma shu shu nan/ ya ma shu shu nan rbad/ de nas yang klu bdud nag po rtsad nas bcad pa 'di gsungs so// nag po shu shu mgo
248b5 la nan la/nag po shu shu rbad/ nag po shu shu rbud/ nag po shu shu nan rbad/ de nas yang bcom ldan 'das kyi sa'i bdag po rtsad nas bcad pa'i 'di gsungs so// sa dom nag po sod/ sa dom nag po nan/ sa kra
248b6 mA ra la rbad/de nas yang bcos ldan 'das kyis ma mo rtsad nas bcad pa 'di gsungs so// ma ma yaM tri rbud/ ma ma yaM tri sad/ ma ma yaM tri rbad/ ma ma yaM tri nan/ de nas yang bcom ldan 'das kyis gnyan rtsad
249a1 nas bcad pa 'di gsungs so// tsakraM dun+t+ri rbad/ tsakra traM dun+t+ri sod/ pu se mA ra ya rbad/ de nas yang rgyal 'gong rtsad nas bcad pa'i 'di gsungs so// rA dza thang shi shi rbad/ traM ril traM ril thu/
249a2 kyi ma thang kyi ma thang/ khug khug shel shel/ rA dza ya ra ya ra rbad/ so so'i sde dang dbye ba/ nA ga sa tre su me su ne/ rA sha ra dza ma ra ya/ shag shag phaT rbad/ gdug pa'i drag sngags thun gyis gsad/ khrag sna
249a3 tshogs pa'i thun khrag sbyar/ban tras trag thuM ni la rbad/ a na sa su ra ya na su me pha tra/ na ga rag sha tshal pa ma ra ya/ ma ra ya phaT rbad/ nA ga sa te pu ne na ga rag sha tshal pa ma ra ya phaT rbad/ gdug pa'i shing
249a4 la thun phur bya/kI li kI li ya nA ga sa tri phu me/ rag sha sarba big+h+nan baM hUM phaT rbad/ rdo phyes gzhi byas lcags phyes brab/ bi sha ku ru na/ nA ga sa kra su ma/ rak+sha rA dza mA ra ya phaT rbad/ sngags kyi grong khyer 'di
249a5 phyung bas/'phrin las kyis 'gro ba 'dul bar gyur to// rdo rje gtum po me 'od 'ba' ba'i rgyud las/ gsang sngags bstan pa'i le'u bzhi pa'o//// de nas gsang ba'i bdag po rdo rje 'dzin pas/ nyid kyi
249a6 che ba'i gsang sngags klu rigs bzhi las 'byung bar bzhed nas/dbang du bsdus la gsad pa 'di gsungs so// oM nA ga rA dza ban dur mA ra ya nA ga thuM ril ril// myogs myogs rbad rbad/ nA ga mA ra ya phaT/
249b1 ces gsungs pas/ rgyal rigs rtsad nas bcad do// oM nA ga yaM trig nan/ na ga du ma ra ya dza la dza la/ di ring di ring phur phur sod/ ces gsungs pas bram ze'i rigs mes bsregs so// oM na ga ma
249b2 ra ya thum thum shig shig rbad/ces gsungs pas/ rje rigs rnams mes bsregs so// oM ma ti ya ma na/ na ga ma ra ya thum ril/ zhung zhung myog rbad/ ces gsungs pas/ gdol pa yid kyis myos su bcug
249b3 go/sngags kyi 'phreng ba de rnams byung bas/ rigs bzhi'i nad kyis zin pa rtog pa las grol lo// me 'od 'bar ba'i rgyud las/ rigs bzhi gsang ba'i le'u ste lnga pa'o//// de nas gsang ba'i bdag po
249b4 gtum pos gsang sngags don yod par bya ba'i phyir// ting nge 'dzin 'di ched du brjod do// dang po stong pa byang chub sems// gnyis pa rdo rje khyab brdal lo// gsum pa rgyu yig rang byung hUM// yum lnga'i dkyil
249b5 'khor brdal khyab pas// rin chen 'bar ba'i gzhal yas khang// ye shes phyogs bzhi dbus 'od 'bar// gdan stengs rang bzhin hUM las ni// 'phros 'dus rdo rje rtse lnga pa// de las phra mo lnga rab 'dus pa
249b6 las// rdo rje 'chang ba bsang ba'i bdag/ mthin nag 'jigs tshul rdo rje g.yas// gdug pa 'jigs byed sdigs mdzub g.yon// longs spyod 'khor lo 'dab bzhi la// dmar po 'jigs byed rta mgo
250a1 ljang// thugs dkar ri bong can stengs su// khroM las thugs kar khyung nag po// gdug pa gdol pa zas su za// dpal be'u 'od 'bar yig 'bru gsum// 'dod pa don byas dngos grub
250a2 bsul// 'dod pas gzi byin bdag la thim// bde chen 'khor lo rigs lnga'i khyung// rigs bzhi'i lus srog dbang du sdud// 'bur lha rgyan cha snyan cha mgur// rang lus sku gsung thugs su gsal// lte ba
250a3 mdzod pu gnas dag tu// raM drug me yi sa bon gyis// rang byung me 'bar gdug pa bsreg/ gru gsum drag po hom khung du// gdug pa bkug la bsdam zhing bstim// thugs la rdo rje lcags kyu yis// rdzas la
250a4 bkug la a yis bstim// rtsad bcad sngags gzer me yi thun// gang la bya ba bsreg pa'o// gso gsad dgug gzhug las sna tshogs// ting 'dzin 'di yis byed pa yin// zhes gsungs so// me 'od 'bar
250a5 ba'i rgyud las/gtum po me 'bar gyi dgongs pa'i le'u ste drug pa'o//// de nas yang bcom ldan 'das rdo rje 'dzin pa'i spyan sngar gnod sbyin yak+sha 'bar byed kyis rang gi srog gi snying po 'di phul
250a6 lo// oM ma hA yak+sha a ti pha ti na dan ku pa phaT/ ces mdangos gsol du phul te/ lcags phye zangs phye la sngags te gdug pa la brab na myur du sgrol bar 'gyur ro// de nas gnod sbyin ku be ras rang gi srog gi
250b1 snying po phul ba/oM ma hA yak+sha rad na sa ti puSh+tiM swA hA/ zhes gdongs gsol du phul lo// ga'u'i nang du zas kyi bye brag la sngags te zos na nor dang ldan zhes bya'o// me 'od 'bar ba'i rgyud las/ 'khor gyis
250b2 srog snying phul ba'i le'u ste bdun pa'o//// de nas yang dag bshad bya ba// mnan pa las kyi cho ga las// de yi sbyor ba 'di ltar bya// 'khor lo rdo rje lte bar bri// 'og tu gang yin ming du gzugs// steng
250b3 du ri rab mu khyud bskor// oM lam lte bar bri bar bya// mu khyud sngags mgo nang bstan bri// de steng rdo rje rgya gram bri// gnyan pa'i sa la mnan pa bya// mchod rten sngon po khru gang bya// de la lha bskyed yig 'bru
250b4 dgod// rab gnas byas la de yis mnan// bdag nyid lha yi nga rgyal bya// gom gsum bor la bdag rjes gcad// bskal pa'i mthar yang thar pa med// me 'od 'bar ba'i rgyud las/ mnan pa'i le'u ste
250b5 brgyad pa'o//// de nas yang dag bshad bya ba// sbyin sreg las kyi cho ga ni// gru gsum rdo rje thal chen blugs// tsher nag yam shing dug dang khrag/ rdzas rngas dgra bo'i gzugs byas la// gdul bya bkug
250b6 la gzugs la bstim// me lha bskyed la dgug gzhug bya// mchod gsol byin brlabs dbang bskur ro// las mthun sbyin sreg sngags 'di las// sarba sha truM che ge mo ma ra ya rbad/ 'jig rten lha la gtor mas
251a1 mchod// thal ba chu bo'i gzhung la 'o// rdo rje 'chang yang sreg nus na// gdug pa gzhan lta smos ci dgos// me 'od 'bar ba'i rgyud las/ sbyin sreg gi le'u ste dgu pa'o//// de nas yang
251a2 dag bshad bya ba// rdo rje 'chang la dbang bskur na// sngon du bsnyen pa rdzogs pa yis// slob ma theg pa mchog dga' la// slob dpon sngags dang rgyud mchog shes// dang po sa sbyang bsrung ba bya// lha dang las kyi
251a3 bum pa rnams// sngon du sta gon la gnas pas// dkyil 'khor 'khor lo rtsibs bzhi bri// dbus su gtum po rtsibs la khyung// sku gsung thugs kyi gzugs kyang dgod// bum pa mchod rdzas khrem pa
251a4 dang// dkyil 'khor bskyed la slob ma gzhug/ lha dbab nan tan dam tshig bsgrag/ oM rdo rje 'chang la gsang ba'i bdag/ log 'dren 'dul byed bgegs kyi gshed// rdo rje sku yi gtso bor shog/ oM badzra tsaN+Da ma
251a5 hA ro Sha na ka ya a b+hi Shany+tsa oM/nub phyogs klu yi pho brang du// gar dbang rdo rje gsung gi bdag/ rdo rje 'chang bas dbang bskur bas// rdo rje gsung gi gtso bor shog/ ha ya gri ba pad+mAM ta krita a b+hi shiny+tsa aM/ gdug
251a6 byed klu yi gnyen por ni// thugs las bya khyung sprul pa yis// rigs bzhi'i klu rnams dbang sdud pa// sku rnams 'dul ba'i gnyen por shog/ oM badzra ga ru Da a b+hi Shiny+tsa hUM/ de nas bum chus rigs lnga'i
251b1 khyung// rang gi rigs kyi dbang bskur bya// rdo rje dril bu cod can dang// phyag rgya sngags kyi rjes gnang dang// thabs dang shes rab bde ba'i rgyun// thig le 'bru tshugs dbab pa'o// rang gi thig le gnang ba
251b2 sbyin// dus 'di thams cad tshe ring dang// gdon dang 'byung po zhi ba dang// klu yang de yi dbang du 'dus// lha yang de yis bsgo ba nyan// bgegs rigs rnams kyang tshul bzhin gus// gnod sbyin rnams kyis
251b3 nor 'bul 'gyur// dam med slob dpon brnyas byed pa// dmyal ba chen por de ltung ngo// me 'od 'bar ba'i rgyud las/ dbang bskur ba'i le'u ste bcu pa'o//// de nas dkyil 'khor de dag la// tshig
251b4 gis mnyes par bya ba'i phyir// ched du brjod pa 'di brjod do// de nas nA ga pu tsa ya// nyi ma lta bu'i 'od mchog gis// yi ge rab mchog mthing kha yi// raM dang yaM gis sreg sbyangs te// sngon dang dmar dang
251b5 dkyil 'khor nyid// de stengs thod mchog ka pA la// gsang ba'i yi ge bcu las ni// sha lnga bdud rtsi rnam pa lnga// ye shes rang byung grub pa'i rdzas// bdag dang mnyam pa'i tshogs la dbul// me tog sngo dang
251b6 'dod yon dang// bza' dang bca' ba'i tshogs rnams ni// gsang bdag gtum po gnod sbyin tshogs// mnyes pa'i kha zas sbyin par bya// klu rnams la yang dkar gsum sbyin// gnod sbyin rnams la bza' dang
252a1 btung// longs spyod lhab lhub rgyan gyis mchod// mnyes na 'dod pa sbyin par bya// me 'od 'bar ba'i rgyud las// mchod pa'i le'u ste bcu gcig pa'o//// de nas yang gsang bdag nyid
252a2 kyis gzhi'i tshig 'di ched du brjod do// dngos grub gzhi 'dzin bla ma dam pa bkur// sngags dang phyag rgya mi shig cing// mi smin rnams la gsang mi bsgrags// lcags kyu lnga dang grub pa bcu rnams
252a3 bza'// phyag rgya mi 'gom mnyes pa mi gcag go/ me tog sngo dang bdug pa kun byed tshogs// nga rgyal ldan pas thun mtshams rtag tu gzung// de la gnas na 'bras bu myur du byed// de la 'das na ngan 'gror
252a4 'tshig par 'gyur// me 'od 'bar ba'i rgyud las/ dam tshig bstan pa'i le'u ste bcu gnyis pa'o//// de nas bsrung ba bya ba ni// dus tshod shis dang 'khor lo'i rgyu// 'bru gsum sho sha dbang chen
252a5 khyung// rigs bzhi'i khyung dang rten 'brel sngags// A li kA lis bskor ba dang// ye shes spyan drangs bkug bstim la// sngags kyi gzugs su byung ba dang// mchod cing gsang sngags brgya rtsa brgyad// gsol
252a6 btab gril la mgul du gdags// chos srung rnams kyis srung bar 'gyur// me 'od 'bar ba'i rgyud las// srung ba'i le'u ste bcu gsum pa'o//// de nas bcom ldan 'das kyi de dag gi phyag rgya 'di dag
252b1 gsungs so// rdo rje bsdams pa las gur chung gzhibs// khro mo gung tshigs bar pa dgug/ the bong mthe chung rtse lnga bsgreng// gtum po chen po'i phyag rgya'o// rdo rje bsdams la gung tshigs bcag/ rta gdong chos kyi
252b2 phyag rgya'o// mthe bo lto sbyar khrigs gnyis brnol// rdo rje khyung gshog phyag rgya'o// rdo rje dam tshig sku gsungs thugs// nyin re phyag rgya lan gsum bca'// me 'od 'bar ba'i rgyud las// phyag rgya'i le'u ste bcu
252b3 bzhi pa'o//// de nas rdo rje gnod sbyin rnams kyis nyid kyi sku la bstod pa// lcang lo can gyi pho brang na// gsang bdag gtum po gos sngon can// lha srin 'jigs pa'i 'khor gyis bskor// khro rgyal sku la
252b4 phyag 'tshal lo// dpa' bo chen po thabs brnyes pa// sku gsung thugs kyi rdo rje yis// rdo rje mchog gi lam ston pa// rdo rje rgyal po phyag 'tshal bstod// ye shes gnyis med tshul 'chang ba// theg chen rtogs pa
252b5 khong du tshud// gsang ba'i rgyal po gsang sngags 'dzin// gsang ba'i bdag po'i sku la bstod// stobs po che la drag shul che// gdug pa 'dul dka' 'dul mdzad pa// bcom ldan rdo rje bsnams la phyag 'tshal
252b6 bstod// hri gsung las rta mgrin sprul pa ni// ye shes rig pa nyid las skyes pa'i lha// rang byung thugs rje'i dpal la phyag 'tshal bstod// khroM thugs las byang khyung bskyed pa ni// gdug pa ma lus kun 'dul
253a1 ba// mthu stobs dpal ldan rdo rje khyung// mkha' lding rgyal po tshangs pa'i bya// mkha' lding nyid du sku sprul nas// gdug pa'i klu rnams 'dul mdzad pa// thugs rje can la phyag 'tshal bstod// ces
253a2 bstod pas mnyes pa chen pos khyab par gyur to// me 'od 'bar ba'i rgyud las/ bstod pa'i le'u ste bco lnga pa'o//// de nas srin mo glog 'phreng can// nag mo 'jigs ma drel zhon ma// mgrin bcu dang ni
253a3 'bod 'grogs dang// u pa kar ni la sogs dang// bu rnams lnga brgya'i 'khor gyis bskor// tsit+ta'i me tog 'phreng ba yis// rdo rje 'chang la mchod byas nas// rang gi snying po 'di phul lo// rag mo tsab mo thang
253a4 mu le pi sti ta ru lu ni thun b+h+yo/de dag srog gi snying po ste// dmod pa'i drag sngags 'di dag go/ ma ma rag sha mA ra ya/ ma ra li sha ya/ grih+Na grih+Na dza dza/ pra ma ta na mi pra sad badzra kyi mon ta/ a hang pra ha ra pra ku
253a5 ma/khu ma mo/ tha da mu tra bag sha nan// hUM mtha' d+ha sha 'dri ba rag+sha thun b+h+yo rgyob/ ka ma ru ru ma ra ya praM/ che ge mo thun khas rbad rbad 'di dag dug gi spu gri ste// rdo rje 'dzin pa zhes su gsol// me 'od 'bar ba'i
253a6 rgyud las/srin mo glog 'phreng gi drag sngags kyi le'u ste bcu drug pa'o//// e ma dpa' bo rdo rje 'chang// gzhan yang bdag ni dug lnga'i bdag/ lnga lnga nyon mongs lnga 'phel byed// mtshon lngas bsrung
253b1 dang thun dang dbab// 'dod chags khrag mtsho zhe sdang dug/ gti mug bdud rtsi phrag dog sman// nga rgyal rin chen sna tshogs mtsho// rgyal blon 'bangs kyi gtso bo ni// mtsho lnga la yang gsum gsum mo// de la
253b2 'dod chags khrag mtsho ni// skyes pa'i gri khrag rgyal po ste// khyi dmar khrag ni blon po'o// rta nag khrag ni 'bangs yin te// de la sogs pa rnyed tshad dmangs// 'dod chags khrag gi thun chen dbab// gdug pa
253b3 zhe sdang dug gi mtsho// rin chen 'khar 'khrag rgyal po ste// sha la nag po blon po'o// spyang dug pa ni de yi dmangs// gzhan yang dug sna tshogs tshad do// zhe sdang dug gi thun chen dbab// gti mug chen po bdud
253b4 rtsi yi// skyed byed dkar dmar rgyal po ste// rgyal rigs rnam snang blon po'o// dge sbyor mi skyong de yis dmangs// klad gzhungs la sogs 'tshogs tshang bsog/ gti mug chen po'i thun chen dbab// phrag dog
253b5 sman gyi thun la ni// sman gyi rgyal po gu gul te// blon po gla rtsi shing kun dmangs// 'bras gsum la sogs tsha ba gsum// gzhan yang sman du grags tshad bsog/ phrag dog chen po'i thun dbab pa'o// nga rgyal
253b6 rin chen sna tshogs thun// rin chen rgyal po theg lcags te// de yi blon po gri lcags so// dmangs ni khro chu nag po ste// de la sogs pa rin chen dang// gcan gzan sder mo mche ba rwa// nga rgyal chen po'i thun
254a1 dbab ste// ma he rwa 'am mdzo ru 'am// zangs lcags smyug dong nang du blug/ bsrung dang thun ni dbab pa la// bsri dang bzhugs pa skabs kyis shes// rdo rje 'dzin pa chen po yis// 'khor rnams
254a2 bsrung ba zhes su gsol// de nas gsang ba'i bdag po yis// rdo rje me stag rab 'phro ba// rdo rje srin mo'i 'khor bzhag nas// rig pa'i rgyal po 'di byon no// na mo bud+tA ya/ oM badzra kI li kI la ya/ tsan+d+hA tsan+d+hA mi
254a3 li mi li ban+d+ha ban+d+ha nA ga ban+d+ha ni swA hA/rdo rje srin mo khyod kyis dug lnga'i mtsho lnga las rdo rje 'dzin pa'i sngags de ni// pho mo gang bsrung khri tsho re// gzhon nu rnams la stong tshe re// byol song rnams la brgya bzlas
254a4 la// dri dang mi 'brel rtag tu 'grogs// zho chang bsrung sogs nyi shu gcig/ gang la btags pa de dag ni// bskal pa'i me dpung 'bar bar mthong// sde brgyad gang yang 'da' mi nus// klu dang sa bdag smos
254a5 ci dgos// hom zor sbyin sreg mnan gtad dang// dbab bcad smyo 'bog 'dul ba dang// rdo rje me 'thab byed pa dang// dregs pa pho mo 'khol ba rnams// 'di las lhag pa gzhan med do// rdo rje gtum po me
254a6 'od 'bar ba'i rgyud las/srin mo nam gru mtsho lnga'i le'u ste bcu bdun pa'o//// rdo rje gtum po me 'od 'bar ba rdo rje gnam lcags thog 'bebs kyi rgyud/ phyag na rdo rje brgya rtsa gnyis pa'i le'u ste phyung
254b1 ba'o// rdo rje gtum po sku gsung thugs kyi rgyud me 'od 'bar ba zhes bya ba/ bcom ldan 'das rdo rje 'chang chen po gsang ba'i bdag pos gsungs pa rdzogs so//// rgya gar gyi mkhan po bde ba'i myu gu dang/
254b2 cog ro klu'i rgyal mtshan gyis bsgyur ba'o// o rgyan thor cog nag po dang/ rgya gar da na da la dang/ bal po ba su da ra las/ bod kyi lo tsa ba sangs rgyas ye shes rin po ches bsgyur ro////


CLOSE WINDOW