CLOSE WINDOW

Gpb049.012
བོད་ཡིག

/ bod skad du// dpal lha mo nag mo'i bstod pa'i rgyal po'i rgyud// rig sngags dang gsang sngags kyi mnga' bdag dpal phyag na rdo rje la phyag 'tshal lo// 'di skad bdag gis thos pa dus gcig na// ri rab kyi rtse mo rtsub 'gyur gy-i tshal chen po na// bcom ldan 'das drag po chen po phyag na rdo rje lus bskal pa'i mi ltar 'bar ba// srid pa gsum las rnam par rgyal pa// nyi ma stong gi gzi brjid dang ldan pa bzhugs so/ 'khor ni brgya byin dang// sha za dang// srin po dang// ma mo'i tshogs bye ba dung phyur gyis bskor te bzhugs so// de'i tshad dpal phyag na rdo rje pad+ma'i gdan la bzhugs te bka' stsal pa// nga'i 'khor du gtogs pa'i lha ma srin sde brgyad nyon cig/ 'dod pa'i khams 'di na// bdud kyi ma// gshin rje'i sring mo// dpal lha mo nag mo zhes bya ba// rgyal tshab chen mo sangs rgyas thams cad kyi bstan pa 'dzin pa cig yod kyis// ngas kyang de la bstod kyis// khyed kyis kyang de la mchod pa dang bstod pa gyis shig/ ngas kyang khyed la byin gyis rlob po zhes bka' stsal nas// de nas dpal phyag na rdo rjes lha ma srin sde brgyad la thugs brtse ba'i sems kyis bltas nas bstod pa// srin mo nam gru ma'i cho 'brang las bstod pa// nam gru khyod kyi chod pa 'brang// mtshan nyid dag ni bshad bya na/nor bu'i rang bzhin khyod kyi lus// rgyab ni 'dzam bu'i chu bo'i gser// khyod kyi gdong ni dngul yin te// lto ba'i ngos ni rdo rjes gdams// ming po mdzod dang mdzod srungs gnyis// khyod kyi ma ni kun 'gro ma// khyod kyi pha ni rlung yin te// skal ldan shing rta khyod kyi rus// lha yul dag tu grags pa yin// nam gru mo ni bshad bya na// mtshan mo rab tu 'jigs par byed// gshin rje'i srin mo chen mo ste// yongs 'du'i shing la gnas pa yin// ri la khyab 'jug gcig pu ni// bde bar nyal bar mi snyam ste// da ni bya yi gzugs kyis ni// mtshan mo khyab 'jug skrag par byed// lha mo nag mo stobs mo che// de mthong nas ni 'on par 'gyur// de nas rtse mo byed bzhin du// byis pa gsod pa'i mgrin pa nas// lag pa g.yon pas bzung nas ni// 'jigs pa'i dgra yang 'byin par byed// des ni rna gnyis mi thos na// mig gnyis kyis kyang mi mthong ste// sems nyams pas ni de mthong nas// shin tu bred cing bzhin yang 'gyur// khyod ni ngal ma 'tsher bar// lha yi dga' gnas dga' bar gyis// de nas khyod gnas de nyid du// byis pa gsod la bsgo pa yis// lo gcig pa dang lo gnyis dang// lo dgu pa la ma 'jug par// bzang mo song la skye dgu 'di// rang gi las kyis bza' bar gyis// ba lang rnams la gor yang byos// wa rnams la nu wa gsod dang// ri dwags rnams la ri dwags nad/ mi rnams la ni mi ngas byos// khyod kyi lus la deng brlag 'gyur// byis pa rnams ni rtser gyur cig/ de nas 'khor gyi nang nas lha'i dbang po brgya byin stan las langs te// dpal lha mo nag mo dge bcu'i sgo nas bstod pa// sngon 'das bskrag po'i pha rol nas// dge ba bcu yi las la rang sems cher sbyangs nas// lam gyi khyad par gong ma rab rdzogs kyang// mtho ris skyes pa rnams la dge bcu yi// tshul gyis don mdzad phyi rol bsgyur pa yi dpal ldan lha mo khyod la phyag 'tshal bstod// 'das pa'i dus na srog gcod rab spangs pas// sku tshe ring zhing gzugs byad phun sum tshogs// gzhan gyi lan chags gnod pa'i rkyen dang bral// 'chi bdag 'joms mdzad khyod la phyag 'tshal bstod// ma byin len pa'i tshul la rab sbyangs pas// bsod nams tshogs kyi longs spyod phun sum tshogs// gter gyi longs spyod mi 'grib rab brtan pa// spyin pa'i gter 'chang khyod la phyag 'tshal bstod// mi tshangs spyod pa'i dka' thub rab bsrungs pas// mngal gyi grong khyer dman las rnam par 'phags// srid pa'i 'dod chags ring du spangs pa ste// dge sbyor chen mo khyed la phyag 'tshal bstod// nyon mongs brdzun tshig spangs pa'i yon tan gyis// bka' btsan gsung gis 'jig rten 'dul pa'i gtso// gsung mchog rnam dag bden pa'i rang bzhin te// bden par gsung ba khyod la phyag 'tshal bstod// phra ma'i skyon spangs mi phyed 'khor dang ldan// nyid la rnam par 'dud pa'i 'khor gyis bskor// lha dang lha min bden pas 'dul mdzad ma// dkar po'i 'khor skyong khyod la phyag 'tshal bstod// ngag 'khyal spangs pa'i yon tan smin pa yis// 'jig rten rtse gcig mi g.yo bar chad spangs// dgos 'brel tshul gyis bstan pa skyong mdzad ma// byis pa 'dul mdzad khyod la phyag 'tshal bstod// nga rgyal khengs sems spangs pa'i yon tan gyis// zhi ba'i tshig 'jam lha mo dbyangs snyan ma// tshig rtsub gshe ba'i gnyen pa po byed ste// ngag rtsub 'dul mdzad khyod la phyag 'tshal bstod// rang sems mnar sems spangs pa'i khyad par ni// 'dzin pa'i rnam rtog rnam par spangs pa'i rtags// bdag med rtags su seng ge'i rna chas brgyan// rnam pa sems dpa' khyod la phyag 'tshal bstod// gzung ba'i yul la gnod sems rnam par spangs// phyi rol yul ni gnyis med chos su gzigs// gang la gnod sems yang dag spangs pa'i rtags// sprul gyi rna chas la brgyan phyag 'tshal bstod// log par lta ba'i phyogs ni rnam spangs te// sangs rgyas chos las 'khrungs pa'i gzugs brnyan khyod// lta ba rnam par dag pa'i ngang tshul can// spros bral don mchog ston la phyag 'tshal bstod// 'jig rten 'di na las gnyis dag ma dag/ ma dag mi dge bcu las ngan song grub// dag pa'i dge ba bcu yi mtho ris 'grub/las 'di dge ba dang po rab spyad pas// gong nas gong ma'i sa la rab gnas kyang// dge ba bcu'i rtags ni dman pa'i zhing 'dir bstan// gdug pa'i tshul gyis 'gro ba 'dren mdzad ma// bstod par 'os pa khyod la phyag 'tshal bstod/ de nas dpal lha mo chen mo la// gnod spyin gyi rgyal po rnam thos sras kyis lam rnam pa lnga'i tshul gyis bstod pa// dam pa rnams kyis bgrod pa'i khyad par ni// tshogs kyis spyangs nas don da?m mthong ba yi// gnyen po ye shes rim par bsgoms pa la// mthar phyin sa la phyin pa'i don mchog lags// de bas lha mo khyod kyi mtshan nyid ni// 'di ltar rab ldan khyod kyi khyad par te// dang po'i tshogs la yang dag rab bsags pas// dang po'i sa la sbyor ba'i ting 'dzin brnyes// rab tu dga' ba'i sa la don dam ni// rnam par mi rtog ske med tshul gyis gzugs// dpal ldan byang chub sems ma'i khyad par ni// rang sems sa gnyis dag la rab brten nas// de bzhin dag pa'i sa gsum pha rol son// rang sems gzhi yi sa la cher bsgoms pas// lnga pa'i sa la bsam gtan pha rol son// rang sems drug pa'i sa la cher bsgoms pas// bdun pa la ni thabs kyi pha rol son// rang sems brgyad pa'i sa la cher bsgoms pas// dpal lha mo nag mo'i smon ma nyid// dgu pa la yang stobs kyis yon tan 'grub// de yi stobs kyis ye shes 'phel bar 'grub/ 'di dbang rnam par rdzogs par byas nas ni// sangs rgyas sa la smin pa'i smon lam can// sa brgyad non pas gzhon nu'i tshul 'chang ma// 'gro ba 'dul phyir drag mo'i tshul ston cing// gdug pa 'dul mdzad khyod la phyag 'tshal bstod// bdag kyang khyod kyi lam ltar myur 'grub shog/ de nas mi 'am ci'i rgyal po ljon pa rta mgo can gyis// dpal lha mo nag mo chen mo la gnyis su med pa'i sgo nas bstod pa// dpal ldan lha mo gnyis su med pa ste// don dam spros bral chos nyid 'di las btsal// don dam kun rdzob gnyis su med pa'i bden// 'khor ba myang 'das gnyis su med pas zab// sems can sangs rgyas gnyis su med pas 'phags// las dang rnam smin gnyis su med pas bstod// rgyu dang 'bras bu gnyis su med pas smin// yul dang yul can gnyis med gcig gi ngang// spros dang spros med dam pa dbyings kyis bsdus// bsod nams ye shes gnyis med tshogs chen te// mtho dang dma' dang gnyis med dag pas bstod// bdag dang gzhan gyi chos ni ngang tshul gcig/gzung dang 'dzin pa gnyis med zab mo'i mtha'// mtho ris ngan song gnyis med dag pa'i zhing ma/ mabazang ngan gnyis med dag pa'i zhing// bzang ngan gnyis med rang bzhin gcig gis bstod// bskyed dang rdzogs pa gnyis med lhun grub mchog/ sems dang phung po gnyis med sems nyid de// bsgrub dang bsgrub bya gnyis med grub pa'i dang// bdag gzhan gnyis med tshul mchog gcig gis bstod// yab yu ma mkha' la gcod bod byang chub sems// thabs dang shes rab gnyis med 'grol ba'i don// stong dang mi stong gcod med zhi ba'i ngang// 'gyur dang 'gyur byed rtsol bral phyag 'tshal bstod// sgra tshigs gnyis med brjod du med pa'i ngang// lus ngang gnyis med sems nyid gcig gi tshul// rtsol byed rtsol bya gnyis med don gcig pas// rnam par spros bral don dam dbyings kyis bstod// mu stegs sangs rgyas gnyis med tshul gcig pas// dbyings dang ye shes gnyis med don rtogs te// srid dang rnam grol yang dag don gcig pas// thams cad gnyis med sku la phyag 'tshal bstod// phyi dang nang med gnyis med gcig gi ngang// sems ldan sems med rnam dag zhi pa'i tshul// snang dang mi snang med pa gcig gis mthong// gnyis med don mchog ston la phyag 'tshal bstod// 'di dag rnams ni don dam zab mo'i tshul// spros pa med pa'i don dang 'brel pa ste// 'di rnams lha mo khyod kyi thugs la gsal// 'di ltar bstod pas bdag kyang khyod ltar shog// de nas de'i tshe de'i dus ni dra za'i rgyal po zur phud lnga pas// dpal lha mo nag mo la 'phrin las rnam pa bzhi'i sgo nas bstod pa// sems nyid 'phrin las rnam bzhi khyad par ni// sems nyid gud na med cing sems kyang med// don dam spros bral kha dog gzugs kyang med// kun rdzob sgyu ma tsam du rang gi sems// mthun par bstan pa'i zhi mdzad dpal lha mo// zhi mdzad zhi 'gyur zhi ba'i ngang tshul can// zhi ba'i 'khor gyis bskor ba'i gtso mo ni// partags kyi sku mdog dkar mo shin tu dag/ kun ti zhi mdzad khyod la phyag 'tshal bstod// bdag gi dgra dang nad rnams zhi bar mdzod// mthun par bstan pa rgyas mdzad dpal lha mo// rgyas mdzad rgyas 'gyur rgyas pa'i ngang tshul can// rgyas pa'i 'khor gyis bskor ba'i gtso mo ni// rtags kyi sku mdog ser mo shun tu brjod// kun tu rgyas mdzad khyod la phyag 'tshal bstod// bdag gi bsod nams ye shes rgyas par mdzod// mthun bar bstan pa'i dbang mdzod dpal lha mo// dbang mdzad dbang 'gyur dbang gi ngang tshul can// dbang gi 'khor gyis bskor ba'i gtso mo ni// rtags kyi sku mdog dmar mo shin tu brjid// kun tu dbang mdzad khyod la phyag 'tshal bstod// bdag gi nad dang dgra rnams dbang du mdzod// mthun par bstan pa'i drag mo dpal lha mo// drag mdzad drag 'gyur drag mo'i ngang tshul can// drag mo'i 'khor gyis bskor ba'i gtso mo ni// rtags kyi sku mdog nag mo shin tu brjid// kun tu drag mdzad khyod la phyag 'tshal bstod// bdag gi bgegs dang dgra rnams drag pos sod// khyod kyi rang bzhin cir yang ma nges te// 'di ltar mtshan nyid cir yang snang ba ni// 'phrin las rnam bzhis 'gro don mdzad pa lags// bdag kyang las bzhi'i rang bzhin lhun grub nas// khyod ltar gzhan gyi don la brtson par shog/de nas dpal lha mo nag mo la// klu'i rgyal po dga' bos// sku'i yon tan rtags kyi sgo nas bstod pa// gsang sngags rnal 'byor grub pa'i bdag nyid ma// yon tan rtags kyi sku mdog phyag mtshan ni// don du snang ba med kyang gdul bya'i phyir// rtags kyi phyag rgya 'di ltar bstan pa'o// khams gsum 'dul phyir rtag tu bong bu zhon// mya ngan mi 'di'i rtags su lcags sgrog mnga'// bdag don lhun grub glang chen ko bas brgyan// gzhan don phun sum tshogs phyi re ldes dkris// byang chub sems ldan spyi gtsug zla rgyas gsal// shes rab rtogs phyir lte ba nyi mas brgyan// dug gsum sdong po gcod pa'i ral gri dang// bsod nams gter gyi phyag mtshan ne'u le bsnams// dbang drag rdzogs phyir ral pa kham nag sbrugs// nyon mongs 'dren phyir rno dpal mche ba gtsigs// 'khor ba ljangs la btar phyir rkan sgra brdebs// gdug pa zhe la gnon phyir sdang mig bgrad// thams cad dbang du sdud phyir spyan rtsa dmar// snyoms pa'i tshogs mchog mi 'gyur sku mdog gnag/ ma mo 'dul phyir dur khrod rgyan gyis brgyan// sku gsung thugs ldan rtags kyi kha T+wAM gsor// sku gsung rdzogs byed thob pa'i 'phreng bas brgyan// drag po myur mgyogs bstan phyir tshub mas brgyan// nyon mongs bsreg phyir ma dpung nang na bzhugs// 'dod khams skyong phyi yongs 'du'i shing la brten// lha men 'dul phyir rdzong gi bka' zlog ma// dpa' brtan bstan phyir stag gi sham thams can// bstan pa bsrung phyir drag mo'i che la rdzogs// nga rgyal dbang sdud bdag med sgra sgrogs phyir// thabs kyi snyan cha g.yas ba seng ges brgyan// zhe sdang dbang sdud du chen 'dul pa'i phyir// shes rab snyan cha g.yon pa sbrul gyis brgyan// 'du byed mi rtag rtags su dril sgra sgrogs// chags phyir rngam mdzad rak+ta'i rba klong 'thung// dam tshig bsrung phyir zhing lpags rgyan du mdzad// tha dad las rnams 'dul phyir rma bya'i 'phru// nyon mongs sgrib pa'i tshogs rnams rab sbyangs nas// ye shes rig pa'i tshogs rnams shar ba'i phyir// rang bzhin gnas mchog byang shar mtshams su bstan// dbu ma'i lam la gnas phyir dre'u chibs// nyon mongs gdug pa 'dul phyir srin mo'i tshul// mkha' 'gro chen mo khyod la phyag 'tshal bstod// de nas dpal lha mo nag mo chen mo la// grul bum gyi rgyal po sbrul mgo dgu pas// dpal lha mo la sku gsung thugs kyi sgo nas bstod pa// don dam gnyis med byang chub sems yin kyang// srid gsum gdul phyir rtags kyi phyag rgya ni// rang sems rnam dag drag po'i gzhal yas khang// rak+ta khrag gi rgya mtsho 'khyil pa las// keng rus thod 'phreng zhing gi rgyan gyis brgyan// sku mdog gnag la rab 'jigs khro mo rgyal// sngon mo ral pa 'jings pa'i sprul pa 'gyed// sku yi sprul pa dpal ldan re ma 'dzu// gru gsum ser nag zhal gyi dbyu+ings nas bzhegs// yon tan rgyas mdzad ser mo mkha' la bzhad// rgyas pa'i 'phrin las thams cad nye bar mdzod// gsung gi sprul pa dpal ldan re ma ti// gru gsum dmar nag zhal gyi dbyings nas bzhengs// dmar mo chen mo dmar chen gtum mo ste// dbang gi 'phrin las thams cad grub par mdzod/ thugs kyi sprul pa dpal ldan re ma dza// gru gsum sngo skya zhal gyi dbyings nas bzhengs// dkar mo chen mo zhal gyi pho nya ste// zhi ba'i 'phrin las thams cad grub par mdzod// sku gsung thugs ldan sbrul pa rgya mtsho ma// dregs pa 'joms mdzad bdud dpung zil gyis gnon/ 'gro drug sgrol mdzad sems can kun gyi ma// mkha' 'gro chen mo khyod la phyag 'tshal bstod// bdag gi lus ngag yid gsum byin gyis rlobs// de nas dpal lha mo la// lha ma yin gyi rgyal po thag bzangs ris kyis don dam pa'i bden pa'i sgo nas bstod pa// sbros bral 'od gsal rnam dag zhi ba'i ngang// thugs kyi thugs mchog rnam dag bden pa'i yum// gdod nas gnyis med nam mkha'i snying po ni// dpal ldan khyod kyi rang bzhin khyad par gsal// 'di ltar rnam dag bden pa'i ngo bo la// byis pa rnams kyis bstod pa byed par ltung// blun po rnams kyis dngos por rab brtags nas// gzugs can tshul du gang zhing bstod pa'i tshig/ rgyal pa'i dgongs pa thugs chud khyod nyid la// tshig dang yi ge'i sgo nas bstod pa rnams// nams kyang grol bar 'gyur ba'i chos nyid men// gdod nas gnyis med bde chen ma rtogs na// khyod kyi smon lam rtags kyi cho 'phrul la// don du bzung nas khyod la bstod pa rnams// khyod la brten nas thams cad ltung bar 'gyur// gang zhig skye ba med par rtogs pa dang// gdod nas gnyis med snying po bsgom nus na// gang zag de yis khyod nyid bstod pa yin// khyod kyi gzugs dang kha dog 'dzin pa rnams// bskal pa grangs med 'das par rab ltas kyang// khyod kyi gzugs dang kha dog mthong mi nus// gang zhig gzugs su mi 'dzin rnams kyis mthong// sgra dang tshig tu brjod pa thams cad kyis// khyod no bos kyang bskal pa rim thos te// 'di dag spangs pa'i rnal 'byor de yis ni// khyod kyang bos la de yang khyod kyis thos// gang zhig lus ngag dge bas khyod sgrub pa// blun po de yis nams kyang khyod nyid spangs// lus ngag spangs pa'i sems kyis khyod mchod na// mchod don dngos grub de yis thob par 'gyur// khyod ni rgyal ba mang po'i yon tan te// chos kyi dbyings na rgyal pa rnams dang mol// zab mo dbu ma'i rang bzhin ston pa'i phyir// mi mjed 'jig rten shin tu rtsub pa 'dir// phyi rol tshul gyis thams cad 'dren mdzad ma// khyod kyi sku ni 'di ltar rab brtags na// sgrib pa mang po stong nyid ngang du bshags// stong nyid dam pa stong pa yang dag khyod// stong pa gnyis med shes pa rnams kyis bstod// 'di ltar bstod nas bstod par 'gyur grang pas// khyod ni bstod bya'i yul can ma yin kyang// byis pa grang phyir don la 'di ltar bstod// de nas nam mkha' lding gi rgyal po rdo rje gser gyi mig can gyi// dpal lha mo nag mo la yan lag bdun gyi tshul gyis bstod pa// dpal ldan lha mo dpag par dka' pa'i don// thabs kyi cho 'phrul nam mkha'i mtha' la spyod// byang chub sems dpa'i sprul pa khyod nyid la// sgo gsum dang pa'i sems kyis phyag 'tshal bstod// khyod ni bdag gis mchod pas ma bsgribs kyang// dpal ldan dngos grub dam pa thob bya'i phyir// 'dod pa'i yon tan mkha' las char phab pas// mchod pa'i tshogs kyi dbang po rgyas par mdzod// dpal ldan khyod ni dag sdig dbang po ste// bdag gi lus ngag sems kyi sdig pa'i tshogs// khyod kyi thad du 'gyod pas rab gshags nas// thugs rje shugs kyis sgrib pa// byang bar mdzod// khyod kyi khyad par yongs su 'phags par ni// 'gro ba'i don mdzad bdag don phun sum tshogs// dga' mthun phrag dog med pa'i spro ba ni// rjes su yi rang khyod kyi rgyud la 'bul// 'di ltar yon tan ldan pa'i sku mchog ni// nag mo bzang mo 'jigs pa'i mthu stobs kyis// phyogs bcu dus gsum kun tu 'gro don la// sgyu 'phrul dra ba'i tshul gyis bskur bar spobs// yang dag yon tan ldan pa'i sku mchog ni// gdug pa 'dul zhing bstan pa bsrung pa'i phyir/sems can zad par ma gyur bar du ni// mya ngan mi 'da' bzhugs par gsol ba 'debs// 'di ltar phyag 'tshal mchod nas gshags pa dang// rjes su yi rang bskul zhing gsol btab na// dge rtsa 'di yis ngan song stongs gyur te// thams cad tshogs rdzogs byang chub chen por bsngo// de nas dpal ldan lha mo nag mo la// bar snang gi lha bran rnams kyis sku rgyan dang cha lugs kyi sgo nas bstod pa// bskal pa me ltar 'bar pa'i klong dkyil nas// rlung nag dgu rlung 'khyil pa'i pho brang nas// ma gcig 'dod pa khams kyi dbang phyug ma// bdud kyi yum la gshin rje'i lcam gcig ma// dpal ldan lha mo nag mo re ma ti// nag mo za byed rngam pa'i mche ba can// mthing nag gcer bu khrag gi ral pa can// khyod kyi sku mdog nag mor bstan pa no// don dam dbyings las bskyod du med pa'i rtags// dbu skra g.yas nas g.yon du 'khyil ba ni// yum gyi mkha' las sbrul pa 'gyed pa'i rtags// dbu gtsug ral ba gyen du 'khyil ba ni// don dam dgongs spyod gcig tu mdzad pa'i rtags// mthing nag gcer bu khrag gi ral pa can// dbu la thod rlon 'phreng ba bcings pa ni// thugs rje sprul pas 'gro don mdzad pa'i rtags// g.yas na snyan cha seng ge mchong pa ni// dman me thams cad zil gyis non pa'i rtags// g.yon na sbrul gyi gdengs ka 'phyo ba ni// zhe sdang ma spangs dbyings su dag pa'i rtags// snyan cha gser gyi dril bu 'khrol ba ni// sangs rgyas kun la bsnyen bkur byed pa'i rtags// spyan rtsa dmar zhing sdang mig bgrad pa ni// sris gsum rnal 'byor dam tshig bya ra byed// zhal gyi drag po hom khung gdangs pa ni// brtan pa bshig pa'i ru dra sgrol pa'i rtogs// rno gdug mche ba zur gsum gtsigs pa ni// bsgral pa'i zhing bcu'i sha la rol pa'i rtogs// sku la zhing lpags g.yang gzhi gsol ba ni// yang dag chos nyid don dam ldan pa'i rtags// glang chen ko rlon gnam phyed dkris pa ni// theg pa mchog gi don dang ldan pa'i rtags re lde nag pos gnas phyed dkris ba ni// 'jig rten 'di ni che btsan ldan pa'i rtags// lte ba khung nas nyi ma 'char ba ni// sdug bsngal rgya mtsho gting nas skams pa'i rtags// spyi bo'i gtsug nas bla ba 'char ba ni// dus gsum ma rig mun pa sel pa'i rtags// zhabs la dbang gi lcags sgrog 'khril ba ni// thabs dang shes rab bzung du 'brel ba'i rtags// phyag g.yas shag lang nag po bsnams pa ni// sdug bsngal skye shi rtsad nas gcod pa'i rtags// g.yon na thod rlon dmar chen 'thung ba ni// 'khor ba'i sdug bsngal khrag ltar 'thung pa'i rtags// bong bu gwa pa phyin phyogs zhon pa ni// log par lta ba'i sems can sgrol pa'i rtags srin po'i lkog mas snga ru byas pa ni// srin yul lang ka pu rangs btul pa'i rtags// sbrul nag chun pos gong rmed byas pa ni// zhe sdang dbang gis bgegs rigs 'joms pa'i rtags// rus sbal nag po'i pho thu btang ba ni// klu bdud nag po dam la btags pa'i rtags// snga sha g.yas pa bdud kyi khram bam ni// dam tshig nyams pa khram la 'debs pa'i rtags// phyi shar nad kyi rkyal pa btags pa ni// bstan pa 'di la gnod pa'i dgra bo la// nad ka 'bebs shing dal ka bskul pa'i rtags// don dam bcud kyi rtags su zhag gi zo ris btang// thugs rje chags pa'i rtags su rag ta'i thig les brgyan// 'du byed mi rtag rtags su thal chen mtshan mas btab// nag mo 'bum phrag bran du 'khor ba ni// khams gsum khyab par 'phrin las mdzad pa'i rtags// ma cig kha nas me 'bar rgya mtsho skems// lag na rdo rje 'phyar bas ri rab rtse nas bsnyil// bdag gis btsun par lha mo khyod la bstod/ de nas gshin rje nag pos// lha mo la che ba'i yon tan gyi sgo nas bstod pa// lha mo dpal ldan mkha' 'gro nag mo khyod nyid ni// rgyun du til mar gyis byugs lan bcu gcig ma la ro nye rna chas sgegs shing cha lugs mang pos 'chang byed ma// rgyan du rkang sgrog lcags las byas pa cig gis khyod kyi rkang pa mdzes par rab brgyan te// mtshan mo bong bu zhon na sa 'gro ba de ni nag mo khyod nyid yin par shes// ral pas bdag nyid mdzes par brgyan de khyod kyi spyod pa mtsho chen don dag su yis shes// 'khor ba 'jig pa'i tshe na mi rus dag la khrag dang zhag 'dzag du ba 'thub ba ni// nag mo mche ba mi bzad khyod kyi zhal du 'gro kun skad cig tsam la zhugs par 'gyur// lha mo lag na mi thod thogs pa khyod ni rnal 'byor grub pa'i rnal 'byor can te dur khrod dges// khyod ni g.yog bcas mya ngan mi 'da' 'chi ba'i 'jigs pa med cing dril sgra sgrogs// khyod ni dpa' bo dag gi mdog bcad g.yul du mtshon gyis bsad pa yis// mgo 'phreng lag na thogs shing gar thabs skor zhing lag pa brkyang bskum byed// rkub tshos che la klu dbang gzhibs pa'i ske rags 'ching zhing lag na mdung dang ba dan thogs// khrag gi 'chang gis ra ro myos te mig rtsa dmar pos byas nas mtshan mo rgyu ba 'byung por phal cher rnams kyis mthong// rkang pa'i gos ni ko rlon chen pos dras pa gnas kyi phyed dkris phyed na ri ldes dkris// mi yi rgyu ma gsar pa'i spubs kyi se zhal gyi zla ba brgyan cing khrag dang zhag gi thigs le can// mi yi sha la so yis chem chem za zhing mi ro dag gi cod pan mgo la brgyan pa ste// bdag la skyong ba'i drag mo kha na mi sha thogs pas khyod ni snga na ma mthong gzod mthong na// bdud dang srin po ma mo rnams dang dngas ti mig rtsa rig rig byas nas rngam pa 'thon zhing khyod lal 'dud lha mo bzang mo gzugs mdog gnag cing bzod par dka' ba khyod la brgya byin la sogs kyang// bstod pa byed cing gshin rje'i rgyal po nyid kyang 'dar zhing rtag tu 'dud// lha rnams dang ni mgo 'jug ma lus btul nas rna ba ya cig la// bang gis 'gro ba sbrul mgo gdengs ka stong dang ldan pa gcig gis khyab nas rgyan du byas// ya cig la ni seng ge mtshungs med thogs shing rgya mtsho bskor zhing sa gzhi gnon// steng gi phyogs nas rgyu ba'i nyi ma zla ba lha mo khyod kyi rked nas 'char zhing srid gsum zil gyis gnon// rgya mtsho'i gling na me 'bar chu rnams skems par nus pa'i bud med thams cad zhi mdzad ma// lha chen sku dang 'tsham par bzhugs pa'i bka' bzlog nag mo mi nad phyugs nad kun la 'jigs pa med pa khyod nyid la// bdag gis gus par phyag 'tshal mchod cing rtag tu bstod par bgyi// de nas dpal lha mo nag mo la// bram ze mchog sred kyis kun rdzob kyi bden pa la brten nas bstod pa// ma cig lha mo dpal lha mo// rdo rje nag mo che// mthu chen khyod la phyag 'tshal bstod// bdag gis btsun par khyod bstod kyis/ bkra shis mchog bsgrub sems bder gnas// yid myur gzugs chen kun grags// ma mor grags shing 'jig rten skyong// dpal ldan drag shul brtson 'grub che// 'thab mo'i g.yul las rtag tu rgyal// gang shin rje'i sring mo yin par ston/ gos su dar gos sngon po gon// sdug dang mi sdug cha lugs 'chang// sbyan mig mthong na kun gyis kyang// dad cing phyogs pa'i mi rnams la// res 'ga' ri brag zab mor gnas// res 'ga' 'tshal dang shing la gnas// res 'ga' dur khrod dbus na gnas// lha mo'i gnas rten de ru 'cha'// gal te ri tshil mi rgod kyis// rtag tu lha mo khyod bstod na// de yi dgongs pa skongs par byed// bdag gis rtag tu bstod byas na/bdag gis bsams pa 'grub bar mdzod// rma bya'i sgro yi rgyal mtshan gyis// rtag tu 'jig rten srung bar byed// gnag lug phyugs rnams 'phel bar byed// seng ge stag dang spyang ki yis// rtag tu kun nas bskor nas kyang// rdo rje dril chen snyan par sgrogs// byin te dri la sgras kun tu sgrogs// lan 'ga' lag na tri shul thogs/ log gnyis nyi zla'i ru ma mtshon 'phyar// mar gyi dgu dang bcu gcig la// de yis dus su mchod byas ni// lha mo khyod las lhag pa med// bdud 'dul lha chen srin mor ston// dgra dang 'thab tshe rgyal bar byed// gtso mo byed cing kha lo sgyur// bud med nang na mchog can khyod// tshig dbang 'jig rten mgon po 'dra// rgyal po'i khab na pad+ma 'dra// zhal bzangs zla ba nya ba 'dra// chu la rgol na gru zam 'dra// nad pa rnams kyi sman pa 'dra// 'phongs pa rnams kyi bshes gnyen 'dra// lha dang lha min g.yul 'gyed tshe// lha mo khyod kyi lte ba la// lha rnams kun gyis rdzong bcas nas// lha dmags dkar po rgyal par byas// lha ma yin rnams 'pham byedam// lhag na mdung dmar chems se chems/ ru mtshon ba dan me ltar 'bar// dgra 'dul g.yul zlog khyod la bstod// lha mo mthu chen khyod la bstod// de nas drang srong chen po ke'u di n+yas mas// dpal lha mo dpe byad las bstod pa// 'jig rten gtso la rtag tu gus pas phyag 'tshal lo// ma rnams nang na rtag tu mchog gyur ba// 'jig rten gsum po thams cad khyod la bstod// byad bzhin gzugs mdzes kun gyis lta bar mos// yon tan rnam pa sna tshogs lus rab brgyan// spyan legs pad+ma sngon po'i 'dab ma 'dra// bsod nams ye shes dri med grags pas brgyan/ dper na rin tang med pa'i nor bu 'dra// deng bdag lha mo khyod la bsngags pas kyang// sems la bsam pa thams cad grub par shog/yang dag ye ses gya no ma bkra shis ma// pad+ma lta bur shin tu rnam par dag/ lus mdog rab mdzes kun gyis lta bar mos// mtshan mar yon tan rnam pa sna tshogs lus rab brgyan// dri med ye shes 'od zer rab mdzes pa// dran pa rnams kyi nang na mchog tu 'gyur// ji ltar seng ge gcan gzan mchog gyur ltar sngags bstod na ni 'di las 'byung ba yi// bsam pa'i dngos po thams cad 'grub par shog/ces bstod do// de nas dpal phyag na rdo rjes 'khor 'dus pa rnams la bka' stsal ba// khyed kyis dpal lha mo la bstod pa legs so// da yang bstod pa 'di dag gi don sgoms cig/yid la zung la rtag tu zlos shig/ lha mo 'di la bstod pa ni nga la yang bstod pa yin no// sangs rgyas thams cad la yang bstod pa'o// lha mo 'dis kyang mi de la srung bar byed// skyeb par byed do// ci 'dod pa'i dngos grub ster ro// zes bka' stsal pa dang// 'khor de rnams rab tu dga' nas// bcom ldan 'das dpal phyag na rdo rje la rgyan gyi char chen po phab nas so so'i gnas su 'khod do// bstod pa rgyal po'i rgyud rdzogs so// rgya gar skad du// trag rag sha ma ra ka lA thang mu le ta n+t+ranA ma// bod skad du// ma mo nag mo nyi ma'i smon mo srog gi rgyud ces bya ba// 'jigs byed chen po la phyag la 'tshal lo// 'di skad bdag gis thos pa'i dus gcig ni// bcom ldan 'das 'jigs byed chen po dregs pa bsgyel pa'i gdan la bzhugs pa'i tshe// 'jig rten pa'i ma mo dang// mkha' 'gro dang// srog bdag gi rigs bsam gyis mi khyab pas bskor pa'i tshe na// bcom ldan 'das 'jigs byed chen pos che mchog gi phyag rgya bcas te// thams cad zil gyis gnon pa zhes bya ba'i ting nge 'dzin la snyoms par zhugs te// drag po'i sngags 'di smras so// padzra tsan+Ta yag+sha pa la ha na ha na ru shi be ya trag rag+sha phaT phaT// ces smras ma thag tu// 'jig rten gyi khams thams cad g.yos par gyur te// sprul pa'i 'od zer gyis khengs pas// 'jig rten pa thams cad bred nas// mig ni rig rig/ snying ni thug thug/ kye ma'o de bzhin gshegs pa'i bka' bzhin byed zer zhing phyag 'tshal bar gyur de nas 'khor de'i nang nas bdud mahA kA la zhes bya ba dang// lha mo nag mo srog gi bdag mo zhes bya ba lcam dral gnyis byung ste// thal mo sbyar te bcom ldan 'das 'jigs byed chen po// bdag cag gnyis kyis sangs rgyas kyi bstan pa bsrung bar bgyi// dam pa'i chos bskyang par bgyi// 'phags pa'i dge 'dun bskyab por bgyibs// bcom ldan 'das kyis dbang bskur du gsol zhes zhugs pas// de nas bcom ldan 'das kyis dbyings kyi yum drug dang// ye shes kyi rje mo bcu bzhi dang// sman mo lnga bcu rtsa drug dang/ srog bdag gi rigs la sogs pa'ang bran dang pho nyar byin te// sangs rgyas kyi bstan pa bsrung bar dbang bskur// dus de nyid du bdud kyi khram shing dang nad kyi rkyal pa byin te// rdo rje'i sring mo snying la gzhag ste// dbang bskur te bstan pa bsrung par zhal 'ches so// nag mo nyi ma'i smod mo las pa la tra tha// de nas 'khor de'i gtso bo lha gnod gdul zhes bya ba zhig gis// bcom ldan 'das 'jigs byed chen po la zhus pa// kye bcom ldan 'das lha mo srog gi bdag mo lcam dral 'di// gang zag bdag gis ji ltar bsgrub par bgyi// gnas ni gang du bsgrub/ thabs ni ji ltar bsgrub// bcom ldan 'das kyi bka' stsal du gsol// 'jigs byed chen pos bka' stsal pa// nyon cig gnong 'dul lha yi gtso// 'di sgrub pa yi gang zag ni// snying rje che dang shes rab ldan/ slob dpon rim pas tshul bzhin khul// phyi nang gsang ba rim gyis nyan// blo gtan nges che gsang thub pas// dbang rnams rim pas mnos nas ni/ cho ga lnga ni rdzogs byas shing// yo byad lnga ni rdzogs par ldan// sngags kyi yan lag lnga rdzogs pas// 'di bsgrub pa yi gnas dag kyang// dur khrod gling dang chu gsum mdo// ri gsum rtse dang brag nag tu// lha mo'i bsgrub pa brtsam par bya// de la thabs ni 'di ltar bsgrub// mdo klag pa dang sku gdung gdab// gtor ma byin la 'phrin las bcol// khro bo chen pos mtshams gcad la// bsnyen pa'i maN+Dal khru do brtsig/ mtshal thig lnga yis chag chag gdab// de yi dbus su dgod bya ba// mtshan dang ldan pa'i ban d+ha ru// gi wang ga bur sha chen dang// mtshal thig tshil chen srog snying bri// rgyal rigs ban d+ha mtshan ldan gyis// de yi steng nas dgab par bya// ba su ta yi gzugs thag gdags// nang du ma mo'i sku bskyed de// khro bo chen po'i thugs ka nas// pho nya 'gugs byed tshogs byung ste// ma mo spyan drangs gnyis med bstim// snying po 'di yis spyan drang ngo// nag mo ting lam ma ma dun b+h+yo dzaHhU~M baM ho// nag mo dun b+h+yo dun b+h+yo// khri khrag gcig gis spyan drang ngo// lha mo sngon du gsal pa la// snying po 'di yis phyag 'tshal lo// nag mo rag mo dun ting mA ma na// a A'i// de nas dam tshig ma la bstim// rag sha ma'i hU~M la pad+ma sa ma ya tiSh+tha lhan// de ltar brtan par bzhugs nas ni// rdzas rnams ma la mchod par dbul// ma mo nag mo pan ta pa na ta// ku lu ku lu ha ha ha mahA maM sa khA hi// mahA rag ta khA hi// mahA pany+tsa a mri ta kha hi// gsang sngags de yis mchod par dbul/ de nas lha mo gsal btab la// 'od zer 'phro 'du'i sbyor ba yis// sku gsung thugs kyi snying po bzlas de la sku'i snying po ni/tad+ya thA// oM ru ru ra ra ba to sarba sta ba tos ti swAhA// 'od zer dkar pos sku bsnyen bya// nyams chag bskang pa shin tu gces// de nas gsung gi bsnyen pa ni// trag rag sha dza tsit+ta tug tung// 'od zer 'phro 'du dmar por bya// bdag gi tshe nor 'phel ba dang// gzhan dag dbang du bya bar ces// de la thugs kyi bsnyen pa ni// bdag gi tsit+ti gzhal yas su/ bzlas pa'i gsang sngags rnams kyis bskor/lha mo la yang de ltar bsgom/ gzungs thag khong khro gsum sgril nas// 'od zer 'phro 'du'i sngags 'di bzlas/ trag rag sha ma'i dun b+h+yo// mahA yag sha// tig sna nag mo dun b+h+yo// yig 'bru bcu drug gnyid la ni// lcam dral gnyis kyi yang snying rdzogs// 'od zer 'pho 'du'i sbyor ba bya// sman gtor tshogs dang rag ta yis// lcam dral gnyis la mchod pa dbul// de nas grub pa'i rtags rnams ni// 'od dang sgra dang dri dang ni// lha mo mtshan rnams ston par byed// grub rtags byung na dngos grub blang// lha mo nyid dang gnyis med bsgom// nag mo nyi ma'i dmod mo las// bsnyen pa'i rim pa bstan pa'o// pa la tra tha// de nas yang lha gnod 'dul gyis// bcom ldan 'das 'jigs byed chen po la zhus pa// kye bcom ldan 'das lha mo'i bsgrub pa ji ltar bgyi// 'gal byed cham la ji ltar dbab// bde bar gshegs pas bstan du gsol// 'jigs byed chen pos bka' stsal pa// legs so gnod 'dul lha yi gtso// de la lha mo bsgrub pa ni// dkyil 'khor gru bzhi lham par brtsigs// chag chag btab la thig gdab ste// tshon rtsi la sogs byin gyis brlab// de yi dkyil 'khor bri bar bya// gru gsum sum brtseg zla gam gsum de yi steng yang gru gsum mo// gru gsum nag po zla gam dmar// phyi yi gru gsum mdzes par bri// de steng bsnyen pa'i rdzas rnams gzhag/ 'brub khung gru gsum steng du ni// thod pa rkam po'i nang du ni// ra khyi phag rta'i snying khrag blugs// gru gsum kha la rtsang gis bskor// de yi nang du bzhugs pa ni// gnam gyi dum bu sa yi ras// g.ya' yi phye dang gangs kyi dum// brtsir pa'i sa dang cu la ni// ling ga sor brgyad tshad du bya// dpral pa kha dang snying kha ru// rus dang ming dang nri bris la// 'brub khung nang du gzhag par bya// de nas byang shar kha bltas la// lha mo'i bskul tshig 'di brjod do// nyi ma byang shar pha gi na// brag dang chu 'thab mar 'das na// mtsho mu li ting gi nang shed na// mthing shun sngon po'i gur phug nas// ma mo yongs kyi nang shed na// gcig pur bzhugs// kyi'i gying bag can// bam chen gdan la brkyang bskum bzhugs// bar snang khams la gshegs tsam na// gser gyi rngu'i chung brdungs pa yis// ma mo 'khor bcas de la sdud// dmar chen khrag gi lca ris la// ral pa nag po sha ra ra// chibs su drel rta rkang gsum chibs// g.yu mthur sngon po// brengs se brengs// bse sga smug po wangs se wangs// sbrul nag gong thag gong rmed can// mchong gi blon nan khyugs se khyugs// zla ba gcig la 'khor gsum du/ stong khams ma lus khyab par mdzad// dpag tshad brgyad khri bzhi stong yang// thang cig tsam la yud kyis rgyug/g.yas kyi dang po'i phyag na ni// kha T+wAM kha ni rtsa gsum bsnams// dgra bgegs ma lus rdul du rlog/ g.yon gyi dang po'i phyag na ni// 'phrul gyi me long phyis shing lha// srid pa gsum char sa le gzigs// g.yas kyi 'og ma'i phyag na ni// lcags kyi phur bu 'dril zhing bsnams/ dgra bgegs klad pa'i rgyas su rgyob// g.yon pa'i 'og ma'i phyag na ni// sbrul nag stong gi zhags pa 'phen// dam las 'da' ba bcings bar mdzad// khyod kyi chibs kyi snga long la// nad kyi rkyal pa sngon dmar bkal// khyod kyi chibs kyi phyi long la// mtshon gyi gru gu sngon dmar btags// nad dang rims kyi gsos 'debs ma// mdun na sho d+ha dkar nag 'grems// rgyab na bdud kyi khram bam bsnams// skye 'gro kun gyi skyeg rtse mo// legs nyes gnyis kyi ltang 'byed ma// dam tshig nyams pa'i rjes gcod ma// dus bzhi'i rgyal mo sku la shar// dpyid kyi rgyal mor byin pa'i tshe// shi ri dur khrod gnas nyul ma// rlung nag tshub ma'i sna 'dren ma/ khyag pa'i mig tus 'debs ma// ming po rdo rje las 'chol gyis// sring mo rdo rje las mdzod cig/dbyar gyi rgyal mor gshegs pa'i tshe// ba ga hri ti mkha' la char 'bebs ma// 'brug dang thog dang glog gi sna 'dren ma// sad dang ser pa gtong bar mdzod// ming po rdo rje las 'chol gyis// sring mo rdo rje las mdzod cig/ston gyi rgyal mor gshegs pa'i tshe// e ka dza ti ral gcig ma// phyag na gser gyi zor ba bsnams// 'bras bu lo tog bcud len ma// mi rnams kun gyi dpal 'phrog ma// ming so rdo rje las 'chol gyis// sring mo rdo rje las mdzod cig/ dgu?n gyi rgyal mor gshegs pa'i cher ral gcig rgya mtsho'i klong nas dpal gyi bka' bstod ma// dpag tshad brgyad khri'i 'og nas khrag gi dri snon ma// klu rnams kun gyi dges sde mo// ming po rdo rje las 'chol gyis// sring mo rdo rje las mdzod cig/ yid la brnag pa'i dgra bo la// khram kha phyel shod kha gtor// nad rkyal phyugs la mtshon gyis thob// rtags phyung mtshan ma myur du ston// rag mo rag mo ma ma dun ting her ma hed/ dam nyams nyid la rbad par bya// lha mes ling ka zos par bsam// gong gi thod rkam nang du ni// lcags phur bdun gyi rtse mol// dug dang byug gyen du bstan// ban d+ha'i nag du gzhug par bya// lha mo bskul tshig ltar bsgoms te// mchod bskul bzlas pa byas pa yis// lcags phur rtse la me 'bar nas// ral gris gzugs mnan sha chen mur// g.yas pa'i phur bu khram gyi shar// gzer sngags bdun po de yis gdab// badzra ka ru na rbad// snying khrag tshal pa rbad// gal tubs tsit+ta rbad// myogs mugs rbad/ khrag ti tshal du rbad// tshal bu sen si du rbad// de dag gdab pa'i gnas ni bdun no// mgo snying srog pa rtsa dang ni// lheng na mchin pa lte ba dang// gsang ba'i gnas dang bdun la brdeg/ khrag dang dug gi thun kyang brdeg/yang na thun drug nyid kyang brdeg/ nag mo nyi ma'i smos mo las// thun kyang bsgrub pa ste// pa la tra tha// de nas yang lha gnod 'dul gyis zhus pa// bcom ldan 'das thun drug brdeg pa ji ltar lags// 'jigs byed chen pos bka' stsal pa// de la thun drug dkyil 'khor ni// dbus su gru gsum sum brtsegs la// zla gam gsum dang mu khyud gnyis// de yi phyi rol gru gsum drug/ mu khyud dag gis bskor bar bri// mchod rjas thun rdzas rims kyis dgod// de nas ting 'dzin rnam gsum las// gzhal yas khang dang gdan bskyed de// yi ge k+Na las lha mo'i sku// ma mo ging gi 'khor can bskyed// de nas ma mo spyan drangs te// nag mo mi bzad tshur gshegs cig/ khyod kyi spyi bo'i gtsug rum na// nyi ma zla ba'i 'od zer 'phro// nag mo mi bzad cho 'phrul can// thugs dam dus sa bab po da tshur spyon// khyod kyi thugs kyi dkyil 'khor nas// las kyi ma mo stong stong 'gyed// khyod kyi gsang pa'i b+ha ga la// tshogs drug ma mo stong stong 'gyed// khyod kyi zhabs kyi g.yas g.yon nas// pho nya steng phrag drug cu 'gyed// bdud dang lha 'dre ngan sems can// dgra bo ma lus kun 'dul ma// dpal ldan nag mo ral gcig gshegs su gsol// oM AHhU~M e ha hi dza// e a ra li hring hring// zhes spyan drangs la// bsnyen pa'i rdzas rnams dbul ba ni// dpal ldan nag mo re ma ti// nag mo chen mo nam gru ma// rdzong mo chen mo dka' bzlog ma// nag mo chen mo kha 'bar ma// byis pa kun gyi dur byed ma// dur khrod 'bar ba'i lo ma can// rak+ta chen mo tso mun tri// nam mkha' khams kyi thu mo che// bar snang khams kyi glog ma sprin// kha nas me 'bar rgya mtsho skems// lag nas rdo 'phen ri rab snyil// ral pa nag pos stong khams khengs// kha nas zhing khrag rgya mtsho bskyil// nyin gyi dus su rtog byed cing// mtshan gyi dus su rgyug byed ma// nag mo 'khor bcas thugs dam skongs// sha chen tshogs ni ri ltar spungs// tsit+ta'i tshogs ni rdza ltang lhag/ rak+ta'i rgya mtsho rba glong 'khyil/nag mo'i 'khor bcas thugs dam skongs par mdzod// mahA maM sa kha hi// rag ta kha hi// tsit+ta kha hi// de nas las kyi gnyer gtad la// dus gsum kun tu ma bsgribs ye shes can// ma sring chung ma bu mo bran gyi tshogs// ye shes mngon shes ldan pa'i thugs brtse ba// mthu rtsa la rmad byung phan pa'i dgongs pa can// sngon tshe dam bcas nyid kyis zhal 'ches ma// bstan pa bsrung par rtag tu grogs mdzod cig/ma ma trag ra sha mu tru ru lu ru lu b+h+yo dza hU~M// de skad ces brjod te// las kyi gnyer gtad nas// ting nge 'dzin 'phro 'du yis// drag sngags 'di ni rtag tu bzlas// snying kha rag/ snying kha rag/nag mo dun b+h+yo// nag mo dun ma las la b+h+yo// re ma tri ba sha tshal pa la dza dza// gnam lcags thog bzhin bzlas pa yis// zla rog mon mo ri nag po// mngon nyams byung na thun la 'jug/ ma mo cho 'phrul myur 'byin cing// snying po 'di yang rab tu bzlas// ma mo nag mo snying la dza// har hU ma hA kA la tsho tsho hur kaM me shar tra hi dza dza// bzlas pa cho 'phrul myur du 'byin// thun drug bsgrub par bstan pa ni// thun gyi dang po snying thun nam// lug nag bya nag snying nag tu// yungs kar thun sngags bzlas la blugs// ra khyu+i phag rta'i khrag dang thun// thun nyid ma mor bsgoms pa brdeg/ mA ba sa tho ma mar du du// mA ma snying khrag dun b+h+yo// zhes ni brjod cing thun brdeg par bya// mi dang nag chags sna tshogs khrag rabs chad nag po'i thod par blugs// ma mo'i thun brdeg gnas nas bskul// dum pu dum pu tshal pa tshal pa ha na ha na// ma ma snying kha rag mo// brjod la brdeg/ de la lha mo'i bya thun ni// bya nag mgul du snying 'phreng gdags// dar nag nang du yungs kar la// thun sngags btab la sogs par gdags// bud med zhabs mas bya gtums la// gtor ma'i nang du brdeg par bya// nag mo dun b+h+yo rA dza ha ha ru lu ru lu ma ma snying khrag/ brjod cing brdag/ de la lha mo'i mda' 'thun ni// thun sngags mda' la rabs sngags la// dam nyams dmigs pa'i rten la brdeg/ha ba tshal shing gram gur shang ku phral te rgyal zer nan// a na yo d+ha ya da na pa na// dza ya a ru ru brag brag gi tshum// ma ma snying snying brjod par bya// de la lha mo'i rdo thun ni// g.yag rtsi da ra ba la skra shad la// bsgrub tog zhing gi dkyil can bya// chu rdo dmar nag zlum po la// dug dang khrag byugs sngags kyis gdab// thum thum rub rub ma ma ya ya// ma mi sha truM ni dza rbad// ma ma brjod cing 'phang bar bya// de la lha mo'i dug thun ni// sa la skyes pa'i dug sna tshogs// glang po che yi mtshan ma rnams// bse phor nang du chang dang sbyor// ling ka rang la byug par bya// pe sha ram pe sha ru pe hU~M shi hU~M phaT// ma ma snying khrag dun tri ha la ha la dun b+h+yo// bsnyen pa'i rtags phyin gyur nas ni// thun drug bsham la mgon po gdags// rdzogs par las byas the tshom med// nag mo nyi ma'i smod mo las// thun drug gi pal tra tha// de nas lha gnod 'dul gyis zhus pa// bcom ldan 'das mgon po'i bsnyen pa ji ltar bsgrub// drag po'i las ni ji ltar bya// bcom ldan 'das kyis bshad du gsol// mngon rdzogs dpal gyis bka' stsal pa// ting 'dzin rnam gsum 'phro 'du las// dam tshig mgon po hU~M las bskyed// ye shes mgon po spyan drangs bstim// mchod pa la sogs byas nas ni// snying po 'di dag rtag tu bzlas// oM shri ma hA kA la sid+d+hi ya ma du dza// ting 'dzin 'phro 'du bar mi gcad// grub rtags nges par byung ba na// phyi ma gsum dang dug la sogs// drag po thun gyi rdzas rnams la// drag sngags btags te brdeg par bya// oM shri mahA kA tsit+ta k+Sha baM ril rbad// glo ba la khru sha baM ril rbad// mkhal ma la kling du ma baM ril rbad// mcher pa la khrag mgo baM ril rbad// rgyu ma la tu ra tu baM ril rbad// klad pa la ha re ho re baM ril rbad// de ltar btab na bskul bya ste// kye lha min tshogs dag g.yul bzlog cing// bdud kyi grong khyer sum cu brtsegs 'jigs lha dmag dkar po 'byin byed cing// bstan pa bsrung ba'i bsrungs ma mdzad// rnam bzhi bsrung pa'i thugs dam can// mgon po nag po gdan la bzhengs// sku mchog nag po 'tsher ba la// zang zang nag po'i ral ka bsnams// g.yas na tsan dan be con bsnams// g.yon na g.yul bzlog mda' gzhu bsnams// sprul pa stag dang seng ge 'gyed// zang zang sprugs pa'i ral ka la// legs ldan nag po 'bum gyis bskor// bstan pa bsrung bar zhal 'tshes pa// dgra sdang gnod bgegs rdul du rlog/oM shri mahA kA la breng breng// dgra bo'i tsit+ta la thun b+h+yo// las kyi gnag pa de ltar bya// phyi yi mchod pa rnam lnga dang// lcags mkhar nag po rgyun du bsham// zangs sam bse phor nang du ni// yungs kar yungs nag phye ma gsum/ bshos bu zur gsum nag por byug/ rang gi sreg sngags gzhug la ni// a gad dza ya hU~M sti sti badzra kA la ru ba bag nag mo// oM kA la ru pa ar+g+haM pra ti kha hi// ba ling khA hi// spyan drangs bzhugs nas phyag 'tshal te// phyi yi mchod pa rnam lnga 'bul// bshos bu gtor ma phud kyang 'bul// thugs dam bskul ba drag por bya// dus ni nya dang gnam stong ngo// bza' skar drag po shin tu shis// grub par nges te the tshom med// nag mo nyi ma'i smod mo las// bdud mo mahA ka la'i pa la tra tha// de nas lha gnod 'dul gyis zhus pa// bcom ldan 'das mnan dang sreg pa ji ltar lags// nyi ma'i smod mo ji ltar lags// mngon rdzogs dpal la bdag nyan tshal// de skad gsol pas gsan nas kyang// yang dag rdzogs kyis bka' stsal pa// de la lha mo'i gnan pa ni// nas 'bru nag po la sbrul gyi gzugs// legs par byas pa'i khog pa ru// ling kar drag sngags 'di dag gzhug/ na ga be ni// nA ga be ni/ nA ga rA dza ha ha ru lu ru lu hU~M phaT// de nas sprul de nyams pa yi// pha mes mgo 'am rta thod du// bcug la bdag bsrung klu sar rbad// ri rab khor yug bdun dang ni// rdo rje rgya gram bris te gdab// dmod mo nyi shu rtsa gcig bzlas// yang na rabs chad mon thod du// lcam drag gnyis kyi 'khor lo bca'/gong ltar bsnyen bsgrub byas nas ni// lha khang mchod rten rgya gram lam// lung mdo bdud rten rkag gcig la// gru gsum e bskor der bcug ste// thun drug rdzogs par gdab par bya// de nas gong ltar kha gcad la// lcam dral pho brang btab par bsgom// drag sngags nyi ma'i dmod mos gnan// de la lha mo'i spyin sreg ni// ma traM snying khang a bsgoms la// gdug pa'i shing gis brtsig par bya// lcags thag rtsang dang phur bus bskor// thal chen mtshal thig dag gis bskur// bsnyen rdzas bsgrub rdzas thun rdzas bsag/ de nas drang srong spyan drangs ste// sarba a pa ya a kha na dzi// na ba ba ti// a gad dza ya a gad dza ya gra swAhA// me yi nang du bzhugs par bsam// bsreg rdzas rnams kyi lan bdun dbul// sarba du sh+tan bag sha ni swAhA// de ltar me lha mchad nas ni// lcam dral spyan drang bzhugs nas ni/bsreg rdzas rnams ni sngags 'dis dbul// sarba sha traM nam bi twa ag ne// raM raM/ bdun la sogs pa gang 'byor bsreg/ de la nyi ma'i mod mo yang// brab 'phag gdab pa thams cad ni// drag sngags 'di yis gdab par bya// thang mu le thang mu le rbad rbad rtsa thang rbad// muM sni muM sni// nan nan// rag mo ni// kha lo rbad rbad// dug sni dug sni rbad// kha lo rbad rbad// kyi kha lo rbad rbad// rtsa sti rtsa sti rbad rbad// ni ra ti snying la mugs// subs sti sdus// se kha lo// mu kha lo rbad thum ma rbad rbad// sa ma ya dza dza// zhes lha mo nag mo'i srid pa gsum gyi bstan pa gshig pa la dmod mo so'i// nyi ma smod mo las pa la tra tha// de nas lha gnod 'dul gyis zhus pa// bcom ldan 'das nyi ma zhes bgyi ba ji ltar lags// smod mo zhes bgyi ba ji ltar lags// 'di lta bu yi smod pa ni// kun la bgyi 'am gcig la bgyi/ bsrung pa'i dam tshig gang lags pa// mngon rdzogs dbal la bdag nyan 'tshal// mngon rdzogs dpal gyis bka' stsal pa// nyi ma zhes su bstan pa yang// thugs rje snyoms pas nyi ma lags// bar chad 'dul pas smos mo'o// 'di ltar bu yi smod pa ni// kun la bya bar ma gsungs te// gzhung dang ldan pa'i skye bo dang// don dang ldan pa'i dge 'dun dang// chos dang ldan pa'i rgyal po dang// rtags dang ldan pa'i bud med dang// ma rtogs glen pa'i mtshan nyid la// las 'di bya bar ngas ma bstan// las 'di bya ba'i dmigs pa ni// mtshams med lnga po byed pa dang// theg chen smos cing bka' rku byed// rang 'tsho yod kyang gzhan la 'phrog/bsgral pa'i zhing bcur gyur pa yin// 'di dag btul na bstan pa gnyan// de la bsrung ba'i dam tshig ni// rtsa ba gsum dang yan lag lnga// srog dang 'dres te shin tu ces// dam rdzas ma tshogs ma ni bod// bud med tshogs la smad mi bya// grub rtags byung na smra mi bya/ de nas lha mo'i dam tshig yin zhes bcom ldan 'das 'jigs byed chen pos gsungs pas// 'khor gyi gtso bo lha gnod 'dul dang// ma mo dang// mkha' 'gro ma dang// ging chen po dang// lha mo lcam dral rnams dgyes te// bcom ldan 'das 'jigs byed chen po la mngon par bstod do// nag mo nyi ma'i zhes bya ba'i rgyud rdzogs so// slob dpon pad+ma 'byung gnas kyis// snubs nam mkha'i snying po la// skad gsar bcad kyis kyang bcos te gtan la phab pa'o// itha sa ma ya kha tham//// rgya gar skad du/

CLOSE WINDOW