CLOSE WINDOW

Gpb049.011
བོད་ཡིག

de nas yum 'dod pa khams kyi dbang phyug ma nyid// yak+Sha kro d+hi shwi rir gyur te// yab kyi sku la 'khril te gnas pa dang// yum 'dod pa khams kyi dbang phyug ma sprul pa dpag tu med pa dang bcas pa dang// lha gnod 'dul la sogs te// lha'i tshogs dpag tu med pa dang bcas pa dang// phya ya bdud kyi rgyal po la sogs te// bdud kyi tshogs dpag tu med pa dang// gshin rje nag polasogs te// gshin rje tshogs dpag tu med pa dang bcas pa dang// e ka dza ti la sogs te// srid pa'i sman dpag tu med pa dang bcas pas mgrin gcig tu 'di skad ces gsol to// e ma'o mngon rdzogs yab kyi sku// gnyis med mkha' ltar ye nas dag pa las/thugs rje'i sprul sku dpag tu med pa yis// ma rig log rtog bsal pa ya mtshon che'o// e ma'o ye shes sku mchog rnam rtog gting bral las// thugs rje khro tshul sku yis dregs pa pho mo btul// bdud rtsi ro rnyed sku mchog mthong ba tsamapagyis ni// nyi ma stong las lhag pa'i 'od kyi ma rig bsal ba ya mtshan che'o// phyi dus bstan pa 'jig pa du ma byung nas bstan pa mi gnas tshe// ma sprul dngos kyi tshig bsgrub srog tig snying tig la sogs sgrub thabs dang// bdud mo la sogs 'khor dang ldan pa'i sgrub thabs 'dul ba bstan pa dang// nad bdag mtsho sman la sogs ji ltar 'dul bzhin sbrul te de bsgrub bstan// 'khor gyi ging dang bdud la sogs pa'i sbyor bas gnan pa bshad pa ni// ngo mtshar e ma'o thugs rje shin tu mchog ste e ma'o ya mtshan che'o// zhes gsol pa dang// bcom ldan 'das kyis cang mi gsung bar 'khor gyi dkyil 'khor nang nas lha gnod 'dul la gzigs par gyur to// de nas lha gnod 'dul stan las langs te// bskor ba lan brgya phrag du ma byas nas mar me mdzad dang mthun pa'i rkyang phyag gis yan lag sa la brdabs te// thal mo sbyar te bcom ldan 'das la 'di skad ces gsol to// ma mo bsgrub pa'i rnal 'byor pas// ma mo dbang du ji ltar bsdu/ ma mi'i dam tshig ji lta bu// ma mo'i shi sa gang zhig lags// 'dod khams dbang phyug ji lta bu// lha mo nag mo tshogs kyi dze mo// nag mo'i rnam pa ji lta bu// de yi rdzags bsag byung khungs ni/ thun gyi rna ma pa du zhig mchis// 'jug gi don ni ji lta bu// sgrub pa'i thabs la ji ltar bsgrub// zhi rgyas dbang du mi 'tshal lam// srid pa'i dbang chen ma mo 'di// bskang ba'i gtso bo gang gis bskang// bskang ba'i yon tan ji ltar bu// tshig gis bskang ba gang zhig lags// rdzas kyi bskang tshul ji ltar lags// gtor mas bskang bzlog ji ltar lags// gtor mas bskang bzlog ji ltar bgyi// dus zad tshe bsgrub ji ltar bsgrub// rtsa ba 'phel ba ji ltar bgyi// 'khor dang ldan pa'i sbyin sreg gang// 'khor la 'phra na gang gis gzir// phur gdab ral gris ji ltar gtub// ban de la sogs nyams pa la// nyur ba'i thabs ni gang zhig lags// de rnams lha dang dbye ba ni// dam bsre mna' bsgag ji lta bu// grub dang ma grub bye brag gang// pra dang rtags ni ji lta bu// rta dang sngags grangs ji lta bu// 'jig rten srog chags srog gzung phyir// ser ba ji ltar gcad par bgyi// rgas dang gu pa'i sems can gyis// gong ma'i las rnams mi grub pas// thod mda'i sgrub thabs ji ltar bsgrub// rabs rgyud rtsa ba ji ltar lags// bdag gi the tsom 'di dag ni// 'dzam gling mi la sman slad du// mngon rdzogs yab la bdag nyan 'tshal// mngon rdzogs yab kyi bka' stsal ba// nyon cig gnod 'dul lha yi gtso// khyod kyi the tsom 'di rnams ni// yang dag nyid du ngas bshad do// ma mo bsgrub pa'i rnal 'byor pas// ma mo dbang du ma 'dus na// don yang mi 'grub rang yang rlag/ de phyir dbang du bsdu ba rnams// gnod 'dul nyon cig nga yis bshad// shes rab rtsal gyi chos nyid dang// ting 'dzin rtsal gyis gzir ba dang// bdag tu 'dul bas cig pa dang// sbyod lam dbang du bsdu ba dang// gdan du bya ba'i rim pa'o// ma ni spros pa med pa'i dbyings// mo ni mnyam pa med pa'i ngang// ma ni rtag chen g.yung drung mkha'// ma ni chags med byang chub klong// ma ni sku gsung thugs kyi mkha'// mo nu lus ngag yid gsum klong// ma ni dges chen rtag pa'i mkha'// mo ni bde chen longs spyod klong// ma ni rgyal ba kun gyi mkha'// mo ni srid pa kun gyi klong// ma ni skye ba med pa'i mkha'// mo ni 'gag pa med pa'i klong// ma ni spros med byang chub mkha'// mo ni spros pa'i sems kyi tshogs// ma ni thabs mchog 'dod med mkha'// mo ni shes rab chags med klong// ma ni nam mkha'i dbyings nyid mkha'// mo ni sems kyi dbyings nyid klong// ma ni chos kyi dbyings nyid mkha'// mo ni b+ha ga dbyings nyid klong// ma ni kun gzhi bde chen dbyings// mo ni rnam shes hU~M du 'bar// mkha' klong gnyis su bdag bsgom zhing// thig le chen por blo brtan pas// nam mkha' 'byung ba dang du sdud// spros bral dbyings su chos rnams sdud// byang chub sems su ma mo yi// sems kyang dbang du bsdus pas 'grub// ma mo'i lus kyang dbang du bsdu// nyon cig gnod 'dul lha yi gtso// yi shes tshogs kyi rje mo ni// ye shes thig le chen po dang// gsang chen bde ba'i lam mchog ste// man ngag rdzogs pa'i dkyil 'khor la// yang gsang ma mo drug po ste// chags pa'i dbang du bsgom par bya// yid kyi rang bzhin byed pa ni// 'dod pa'i dbang phyug rtogs pa'i tshogs// dman mo rang bzhin gnod spyin mo// srog rtsa'i rang bzhin re ma ti// rtsa ba'i rang bzhin bdud mo gnan// bdud mo'i tshogs kyi rtsa bran gyis// rang bzhin dman mo gnod sbyin mo// gnan pa'i dbang du 'dus par bsgom// pad+ma dbang du gsal ba yis// dbang bsdu khyung gshog 'bar ba yis// thams cad kun kyang dbang du sdud// byang chub sems dang ge sar gyis// tag tas bcas pas cig par bsdu// ston pa bde gshegs kun gyi dpal// sku yi phyag rgya mi g.yo zhing// bsgo ba'i tshogs rnams gang nyan pa// rdo rje spun la gdung ba bskyed// de ni lus kyi sa ma ya// bskyed rdzogs sa bon rgyun mi bcad// rgyal pa'i phyag rgyar gsal bar bsgom// 'di ni ngag gi sa ma ya// gsang ba'i snying po nges pa'i don// snod ngan rnams la spel ba min// 'di ni sems kyi sa ma ya// stan 'gan dang ni 'bras bu lnga// spang bar mi byed spyad par bya// nges med nges med ma mi smad// thab dang gzhob dang khon mi bya// las kyis nyams dang dam nyams dang// srog las nyams pa phrad mi bya// gzhan du mos dang gdung med pa// rnam pa kun tu bya ba min// nal mi spang dang mchod pa dang/ gtor ma rgyun du spang mi bya// dmigs med spyod pa mtha' dag kun// 'di ni rdzogs pa'i sa ma ya// sa ma ya ni rdo rje che// 'da' bar mi mdzad rdo rje'i dam// bcol ba'i las rnams byed pa yin// mkha' 'gro ma rnams sa ma ya// nam mkhar 'byung ba mi dmigs 'chi// chos nyid spros dang bral ba yis// chos can dngos po 'chi bar 'gyur// byang sems bde ba chen po yis// srid pa gsum gyi shi sar 'gyur// chos kyi rang bzhin dngos po med// dngos med yi ge stong par sbyar// stong nyid stong pas ye nas dben// stong pa'i snod kyang dngos kyis stong// rnam smin las kyang nyon mongs stong// gdod nas stong pa'i 'bras bu la// rtogs pas stong pa'i 'bras bu len// legs dang nyes pa gnyis med de// thig le chen por len pa med// gdod nas legs pa'i rgyal po yin// lang ka pu rangs srin yul du// dpal chen dpal 'bar 'jigs byed kyis// ma mo gsad de shi sa yin// dur sa lang ka pu rangs nyid// sreg sa'ang yul ni de nyid du// me dpung smug nag nang du bsreg/ de bas phyis 'byung rnal 'byor pas// dpal du gnas pa'i bka' 'das na// nges par gsad pa'i sbyor ba bya// dug gtor g.yas la sman gtor g.yon// ma mo'i sku gzugs mdun du dgram// rdo rje la sogs mtshon cha ma bdun// bdag nyid dpal gyi skur gnas nas// rdza rnga brdungs te gdung ba yi// mchi ma phyung nas bsgo bar bya// gal te des kyang ma nyan na// bdag nyid dpal du gnas pa yis// rme ba dkar nag rnam gnyis la// sprul pa dpag med bskye nas kyang// brdeg pa'i tshul bstan bsdigs par bya'o// gal te des kyang ma nyan na// dpal chen ya gaSha he ru ka// 'khor dang bcas pa gsal byas nas// srog snying rnams kyi 'jug nyid la// ma ling dum rbad dza zhes brjod// sbrul pa dpag med 'phros pa yis// ma nyid 'khor dang bcas pa yang// bya nag mkha' la rgyu ba'am// nya nyid bye tshan gzhag pa bzhin// gyur te nyam thag tshig 'byin pa// dbang phyug chen po ci mdzad na// 'jig rten khams nas bdag cag la// nyams shing 'khrul pa ci mchis pa// bka' stsal dpa' bo chen po khyod// de la las kyang brjod par bya// gal te des kyang ma nyan na// bdag nyid dpal du gnas pa des// mtshon tshogs brdeg cing dug gtor sbyin// srog snying gsad pa'i sngags kyang brjod// gal te las byed gyur pa na// sman gyi gtor mas gso ba dang// gsol la snying snas bskang ba bya// bstod tshig brjod de gtor mas mchod// lha dbang brgya byin btsun mor gyur// sum cu rtsa gsum dbang sgyur ma// 'thab bral la sogs nam mkha'i lha// gtso mo rnams kyi btsun mo'i phyir// nam mkhar gnas pa'i dbang phyug ma// srin mo smug nag 'bar ba yis// srid pa gsum po dbang bsdus nas// gdul sa 'dod pa'i khams yin pas// 'dod khams dbang phyug ces su grags// 'dzam gling mi rnams tha ma'i tshe// bstan pa gnyan po 'jig pas na// zhe sdang phyogs gcig tshul gzungs// gnod spyin 'khor rnams dbang bsdud pas// gnod sbyin nag mo re ma ti// bdud kyi 'khor rnams dbang bsdus nas// bstan pa 'jig pa sgrol pa'i phyir// bdud mo gnyan gyi re ma ti// klu yi gtso mo mdzad nas kyang// klu gdug nag po 'khol bas na// klu mo nag mo re ma ti// lha yi btsun mo mdzad nas kyang// zhi rgyas las kyi dam can la// phan 'dogs de phyir lha mo ni// nag mo re ma ti zhes grags// srin po ru tra btul nas kyang// srin mo thugs rjes sbyor ba'i tshe// de bzhin gshegs pa'i sa thob nas// kun tu bzang mor gcig pas na// ye shes tshogs kyi rje mo nyid// lnga bskyed bcu bzhi man chad 'khor// sngon ni zhal du zos pas na// nal pa'i sha gsol de phyir ro// chu mig gnyan gyi chu mig na// sbal pa nag la 'tsher bas na// sbal pas brten rdzas de yi phyir// nal bu skyes pa'i lte khrag dang// rogs mo gdug pa'i mngal khrag dang// bdud dmar brag phug sgo gar ni// sna rdo chod pa'i khrag bsags la// de phyir khrag sna gsum po dgos// bdud kyi lag cha phrogs pa ni// de ltar khram shing bri bar gces// nal bu'i yan lag mi gnas pa'o// thod pa nad kyi rkyal pa'i phyir// rabs chad nag po'i gtor ma gces// srin mo kri d+hi shwa ri nyid// dbang du bsdus nas dam bsres pas// rak+ta byang sems sbyang ba bsham// dgra bgegs sha khrag pha ma yis// zas su dbang bskul de yi phyir// sha khrag rdzas kyi gtor ma gces// bdud rtsi sman la dbang byed pas// sman rnams myos byed sbyar ba bsham// 'bras bu lo tog bcud len pas// 'bru rnams 'tshogs pa'i gtor ma bsham// me tog kun gyi rtsi 'jab pas// me tog gtor ma sbyar te bsham// 'dod yon gu gul dri nyid kyang// 'dod yon lnga la sred pas na// shun gyi rgyal mtshan la sogs gzugs// ma mo'i rdzas la dung chen stsogs// brdungs shing bos bas mchod par bya// tshil chen gu gul dri nyid kyang// rgyun mi gcad par mchod par bya// bro ba'i ro ang gtor mar sbyar// snyoms 'jug gos kyi mchod pa ni// med dang yod pas sbyor bar bya// srin mo dur khrod rdzas dga' bas// shun che slag pa spyi blugs zhwa// 'phreng ba chen po bgrang pa yi// gzhung las smos pa'i rdzas rnams ni// mang du smras pas ji bzhin bya// the tsom med par kun kyang bsab// thun gyi ning du dug blug la// nad kyi bye brag khrag bcas bsgrub// des kyang nad kyi tshogs kyis gsad// snying dang thig le dkar nag rdzas// ma mo thun du bsgrubs pas gsad// lcags phye zangs phye rdo phye ni// mtshon chi'i thun du bsgrubs pas gcad// kha ser chu mig la sogs chung// klu yi thun gyis gsod par 'grub// thun thun sngags dang 'brel bar ni// nad kyi rnam par bsgrub par bya// rbad dang 'brel ba mtshon gyis gsad// ma mo'i sngags dang rbad sbrel ba// ma mo'i thun du bsgrub par bya// oM dang b+h+yo sbrel klu ru ste// gnyis su ldan pas gnyis su 'o// gsum du ldan pas gsum nyid de// bzhi par ldan pas bzhi ru bsgrub// thun bdun sbyor ba bsgrub pa 'di// snod med bu ya'ang sbyin mi bya// mjug du 'phang ba rnam pa bdun// sha tru gsod cing za ba dmigs// ma mor ldan pas gter du sba// yang na khang pa'i rmang dag gam// dur khrod gnas su sba bar bya// sbas nas rgyun du gsod dmigs te// gtor ma gtang ste bskul ba ni// bzhi dang bzhi gnyis lnga gsum dang// drug gsum lnga gnyis gcig nyid dang// bcu gnyis gnyis kyi dngos po dang// lnga lnga de bzhin bzhi nyid la// grogs dang bcas bas lag byed pa'o// de bzhin zla dus nyid la// zhag gi gnad kyi rim pa la// thun 'phangs la sogs rim pa bya'o// gal te yul der chu 'phen na// gtan tu 'bebs na ma tshogs gzhug/ myur 'babs byin po 'phang ba dang// bdab dang dri dang dmar thab gsum// bzlog na bdun la dngos kyi bzlog/seng 'phrug 'dzin pa gsod 'dod na// gcig gis bzlog ste gnyis bskor gsad// rnam pa bzhi la rnam bzhis bsgrub// pad+ma phur par ldan pa yis// bsnyen bsgrub sbyor bar byas pa yis// sbyor ba re res bsgrub pa'i phyir// mjug la gang 'dod re res gsad// sbyor ba gzhan rnams byas pa na// 'grub par mi 'gyur skyon du 'gyur// nyams chung rnams kyis bsgrub pa ni// 'khor dang ldan par bsgrub par bya// yang na dkyil 'khor ldan par bsgrub// gzhan gyis grub pa med pa yis// bdud dam mtsho sman la sogs bsgrub// lta bar ldan pa bsgrub med pas// lha mo ma sbrul tshig bsgrub kyi// ngan sngags 'di ni bsgrub par bya'o// gtan tshigs byang khungs sa skye rgyud mkhas par bya// nyo tshong sha yis gnod smin 'khor bcas bsten// mngan sems las rnams rdzogs par bya ba la// lnga lnga dag la ngan thabs rnam pa dgu// ban de skye bos bdag rgyal po dang// bon bo bud med dgra rnams de dag la// an lag dgu dgu tshang bar bya// dang por dgos pa'i rdzas rnams bsag/ gnyis par lha mo bskyed bsgrub bya// gsum par pho lha'i cho ga bya// bzhi ba bod sa gnyis kyi bod// lnga pa sna ldon cho ga bya// drug pa rbad pa gnyis kyis rbad// bdun pa'i gnyis kyis gsad par bya'o// brgyad pa sbyin sreg so sor bya// dgu po gnan pa'i cho ga ni// phur thun phur pas gdab pa yang// de yang gsad pa'i las yin no// yang tig khrag zor snying tig kyang// de yang gsad pa'i las yin no// tha mar gtor ma bskyel par bya// yid bzhin nor bu rin chen bzhin// phan gnod thams cad thob par 'gyur// zhi bar bsgrub pa grub pa'i tshe// gtor ma dkar dang ldan par bya// dkar po zlum po'i tshe nyid la// nad kyi ming dang sngags sbel bri// dar dkar thod kar gon bcings te// maN+Dal zlum po khru gang la// phyag mtshan gdan khri 'dra ba las// sku mdog zhi tshul bzhugs pa yi// 'od zer dkar po 'phro ba'i gzugs// nad pa'-i gos kyi steng du dgram// mkha'i dbyings dang ba'i nyi zla'i steng// rdo rje sems dpa' steng dbyal lam// sbrul sku shAkya thub pa bsgom// mchod yon legs par sbyar ba ni// bcu drug gtsang ma'i thod par bsham// snying tig srog tig la sogs pa'i// snying po gang yang rung bas ni// zhi ba'i cha lugs dkyil nas dang// sdig pa 'am khyi gzugs nad pa yi// rkang pa'i 'og tu gzhag par bya// nam mkha' sa gzhi zlum pa yi// dkyil nas bka' nod gnas pa la// sngags dang shan ting sbyar bas bsgom// rang gis sbyar ba'i nad rnams ni// khram phyis shong par rgyal bas bcings// mtshon gyi gru gu brtul bar bsam// gzhan gyi sbyar ba'i nad rnams la// ma mos gzir ba tsam gyis ni// sdig pa'i khyi dang gdol ba 'byung// rkang pa'i 'og du gnas pa la// khram la btab cing thun gyi gsod// mtshon gyis gtubs te bsreg par bya'o// phyi nas mi 'jug bya pa'i phyir// nam mkha' zlum po'i mtha' nyid du// rdo rjer ba 'am gur gyis bsrung// phyi rol ma la gtor sbyin bsgo// ma tang 'khor du bcas pa yis// phyogs mtshams kun nas srung bar byed// rang ngam gzhan gyi sde bas ni// sbyar te gnod pa byung ba'i tshe// mchod rten khru do nag por byug/ bum pa'i dkyil du gang byed kyi// snying po bzlog shig bcas patshar bri// ri rab nang du ma nyid kyi// snying po bzlog bcas bris pa'i rdzas// zla gam kha steng nyi zla'i dkyil// yak+Sha he ru gsal ba dang// byed pa'i snying nas drangs nas ni// mngon du phyin par 'ongs pa dang// dbang bskur byin brlabs gtor mas mchod// oM tad+ya thA ru ru be ro b+ha to si d+hi// ba to shatha b+ha Sha thun zlog b+h+yo b+h+yo b+h+yo// zhes su brjod pas ma yin gyis// thun tshogs gang yin mthun par bzlog/ mchod rten 'og tu gnas pa'i tshe// dpal gyis ma mnan ma nyid kyis// de tshogs sha tru bcas pa gnan// ji srid nyid zla med kyi bar// 'tshor bar mi 'gyur gnas par bsam// gal te mo nyid sbod gyur na// gtor ma smod btsugs gshags btab ste// legs nyes zhal che rtsod par bsgom// rang nyid nyes par gyur pa la// bzod par gsol te gtor mas zhu// dpang po he ru ka gzhag ste// khram phyir shod bskye nang rkyal bcings// mtshon gyi gru gu brtul bar bya'o// rgyas pa tshe dang bu tsha dang// nor nyid rgyas par rab tu bshad// gru bzhi ser po'i maN+Dal la// dri zhim chu yis chag chag gdab// nal bu'i slud bu nor bkang gzhag// rak+ta ga pur sbyar ba yis// mchod yon nyi shu bsod nams rgyas// bum pa dag pa bsham par bya// rin chen 'byung ldan yab yum gnyis// mkha' dkyil rin chen 'bar pa'i ste// byang shar rin chen gling nyid nas// lha mo chen mo rgyas pa'i gzugs// ne le rkyal pa gang 'dod kyi// nor gyis bkang ba bsnams nas kyang// je nye je nye byon par bsam// nor nyid 'jig rten 'gengs dmigs te// snying po gang yang rung ba la// nor gsol btags te spro bsdu ni// yang dang yang du bka' 'gugs pa// khugs par ma gyur par du bya// gang byung rtog med gyur pa la// 'dod pa'i dngos po de ster na// mo la gtor mes gtang rag gtang// sngags pa dbang du grub 'dod pa// me tog nags kyi gling nyid dam// mtshan dang ldan pa'i nyams dga' bar// tsan dan dmar pos maN+Dal ni// khru bzhi zla gam rgyas par byug// ma mo'i gzugs kyang tsan dan gyis// dmar po rgyan dang ldan par byas// snying kar srin lag khrag nyid kyis// snying po dbang du sbrel te bri// pad+ma dbang chen gsal ba yis// ma mo dmar mo'i snying nas drangs// gtor mas mchod rjes gang rung la// dbang byas btags te bzlas pa'i dus// snying zhugs dbang med bka' nyan bsam// dbang bya mngon du 'ongs nas kyang// ji ltar bsgo ba bzhin byed du dbang du grub pas gtang rag gtang// 'dzam bu gling gi mi rnams kun// nyon mong phrag dog zhe sdang gis// dam tshig bral zhing bstan pa 'jig/ de phyir gtsor ni drag po dgos// zhi rgyas dbang drag rnam pa bzhi// byams dang dga' chags khros pas bsgrub// smyo nad rims kyis nyen pa dang// mdze nad rims kyis nyen pa dang// rims su gyur pas nyen pa dang// 'du ba rnam bzhis nyen pa dang// mtshon 'khrugs nad kyis nyen dang lnga// gnyis pa bco brgyad gsum la lnga// de rnams gsal bar 'dod pa yis// gang 'dod grub pa'i srog gis te// gtor ma'i mchod yon rak+ta dang// ldan pas yab yum dkyil 'khor ldan// khrag 'thung snying po stong rtsa brgyad// khrag 'thung gsal bas ma tshogs ni// cig dang 'khor du ldan pa dang// sprul pa'i snying pos 'khor bcas bong// nye bar gyur pas nal bu ni// rdzas kyi phye ma snying phye dang// rak+ta'i phye ma dug phye sogs// shun chen nang du sbyar byas nas// rang rang gi 'khor nyid dang// gzhan gyis sbyar zhing btang pa yi// nad rnams khrag gi gzugs su 'byung// sngon po dmar po ser po dang// ljang khu 'dus pa'i nad rnams 'byung// mkha' dkyil chu skyes lte ba la// sna tshogs brdzis pa'i tshogs kyi rje// mnga' bdag de yi gnam zhal du// che mchog he ru gsal bar sgom// che mchog he ru gsal pa yi// srid pa'i dkyil 'khor nas yang bos nas// 'khor bcas bskul nas nad rnams dbyung// sngags mthar sol cig brjod par bya// nad kyi thum po khyer nas kyang// gang nas byung pa'i phyogs su sba// yang na dgra la 'phang par bya// sri bu gso na 'dre phung gnan// byung ba gsal ba'i sbyor ba dang// ma byung mi 'byung byed pa'i phyir// de nas srid pa'i dbang chen rnams// bskang ba'i cho ga ngas bshad kyis// nyon cig gnod 'dul lha yi gtso// dben la gnyan pa'i gnas der ni// gong gi gtor ma btang nas kyang// re snam yang na dar zab ni// khru gang tshang du brgyangs par gding// de stengs phying pa gtsang ma ste// gnyis med dar dmar kha tshon gsum// 'bru'i gtso bo kha cig gting// gtsang phye khal phyed tshad la ni// rin chen sna tshogs bdar nas kyang// ma tang gzugs ni khru do 'am// yang na khru gsum rgyas bar bya// gru bzhir 'byor na shin tu mchog/ de yi lte bar ngar gyi mi// khru gang pa la sho sha'i snying// ling thag mig la 'gron bu'i so// mu tig klad ba lbab zer skra// dung khapang rus ba rkang g.yas lcags// rkang pa g.yon pa shes rab zangs// lag g.yon g.yu la lag g.yas gser// rin chen sna tshogs lus la gdags// lte ba snying la sbyi bo ru// ye shes rtags su sdong bu re// nad lngas zin pa'i ske nas ni// nor bu gcer phog ske ru gdags// nad gos dri ma can cig bskon// dar po che bzhi mda' bzhi gdags// mtshams bzhir rab tu gzugs par bya// lha srin yongs la khyab bya'i phyir// ma tang lhu gdum yan lag la// ngar mi 'dzub re brgya rtsa na// brgyad dang bcas par rab tu dgod// klas skang re dang zer mo re// nyungs kar sgang bu ze re gzugs// dar ram bal sham nag po'i steng// kham phor ram phor ma spyad bdun// gral rims bzhin du gzhag par bya// khrag sna ci snyed nyi shu'i bar// chang phung chu phud bsres pas dgang// dang po'i nang du a mr-i ta// phyi ma nyungs kar nyungs nag dang// brag nag btus pa'i tshe gsal la// bal tshon sna tshogs 'dab brtsegs gtubs// nad dam mtshon sbrin byas pa gsal// bag phye ma smad phul gang la// dre rta rkang gsum za 'og bstan// lha mo nag mo mi mo ni// nag mo'i gzugs byas de la bskyon// bal tshon brtsegs bcad dum bu la// nad rkyal byas pa phyag g.yon bskul// khram shing sor bzhi gru bzhi la// ngos cig khram phyis khram du bri// ngos cig khram phyis shos gtor bris// lag gus bskur ba re ma ti// de ya'i 'gram du gtsang phye la// 'brang rgyas zur gsum bre phye tshad// rak+ta'i thig le bdun byas la// re ma ti la mchod rdzas bdun// shel nag spyi dkar yang na ni// mkha' lding nag mo de nyid ni// dkar po'i thig le yod pa ni// ma mo nyid la bskang ba'i rdzas// mi dbang khog pa'am sha nyid gzhag/sa bon dkar dmar me long blugs// de ni brtan pa'i rdzas su bshad// 'brang rgyas zla gam bre phyed tshad// rak+ta'i thig le bcu gcig gdab// de stengs rang gi 'bri nag la// rin chen mtshon dkyil byas pa'i steng// mkha' lding nag mo'i sgo nga la// mtshal dang rams kyis mig dang ni// gshog pa gtod la bskyon pa ni// tshogs kyi rje mo'i mthun rdzas yin// 'khor dang ldan pa'i bskang bal/'brang bya khur phyed zla gam la// mtshal dang khrag gis thig btab nas// rin chen gter rnams steng du ni// bud med gzugs ni ral pa can// nag ser dkar dmar tshogs nyid ni// grangs dang mthun pa'i bskor te gzhag/sngags pa sngags g.yog bcas pa ni// sngags pa sngags g.yog bcas pas 'grub// ber ni sngo bra 'am smug po gon// thod mthing nag gam le brgan bya// rtsang gos dar ram re'u bri ni// gtsang ma yug gcig bgo bar bya// mthing dar ni sham cig las// phyag rgya'i phu rung mdzes par byas// me long mgo la rgya gram du// bzhi nyid thod 'og mdzes par bya// e shes bzhi ru nga rgyal bskyed// gser ni sa yis ma gos g.ya'// g.yu ni nyi ris g.yon du mur// rin chen 'bar ba'i snying kar gdags// sku gsung thugs dang ldan pa'i rtags// lus la snum chen zhen par byug/ ban+da ltag sprod rnga nyid la// zhing gi pags pas g.yogs par bya// nang du lha mo'i yang snying ni// byang sems dkar dmar 'dres pa yis// oM shrI tsa pa la a shu me// a ma rak+Sha sa ma ya hring hring// zhes bris g.yog pa'i rdzas la ni// na chung rak+tas zhen par byug/ chags pa skye ba'i rnga de la// long bu'i pho ltes bon thabs brdungs// nad pa 'am yon bdag cig tu bsog/ nad kyis na ba 'am 'dre gnod dmigs// shog bu yug gcig dag la bri// sri'u gso na chung sri bri// mdun nas rgyab nas bkab nas ni// tshon gyi gru gus bcings la gzhag/ bal tshon 'dab mar re re ni// lcags kyu'i phyag 'am mda' ltong blang// byol zor gzhan du gtang pa'i phyir// kun gyi mgo la gzhag par bya'o// tshil chen dud pa rgyun mi gcad// dmar gyi gtor ma mchod yon sogs// gong ma bzhin du bsham par bya// khrag 'thung mchod pa rdzogs nas ni// gong du ma mo bsnyen par bya// gong du bsnyem nas mchod par bya// gal te sbros la mi dga' ni// pad+ma dbang chen sku mdog gam// yak+sha he ru ka ru bskyed// oM shrI pad+ma he ru ka ya mA n+ta kr-i ta badzra ma hA kro d+ha hU~M phaT// brgya 'am nyi shu rtsa gcig gis// srin pos nga ros gsal bar brjod// nang gi zhal du rtsang gdan g.yag/ yon bdag rnams la nyungs nag brim// rnga brdung che ba'i nga rgyal bskyed// hU~M// nga ni dbang phyug chen po ste// khams gsum srid gsum mnga' bdag rje// nga ni khro rgyal kun gyi gtso// nga ni khro mo kun gyi yab// nga ni ma mo kun gyi rje// nga ni srid gsum kun gyi bdag/ nga ni dbang phyug kun gyi rje// khams gsum srid gsum nga yi dbang// 'gro ba'i don la rab tu brtson// yon bdag skyabs gsol thugs rje bzung// 'gro ba'i rim nad thams cad gcad// ding 'dir b+h+yo zer dus la bab// de ring bdud la mi cig slu// di ring bgegs la glud cig gtong// de ring btsan la than thig gtor// de ring rmu la than cig gtong// de ri khams gsum dbang du sdud// de ring srid gsum zil gyis gnon// do nod srid pa'i dal kha bzlog/do nod bdud kyi dug mda' bzlog/ do nod bdud kyi khram g.yo'i yis// srid pa'i rgyal mo'i gnas 'dir mchi// nad kyi bdag mo gnas 'dir mchi// rims kyi rkyen mo gnas 'dir mchi// ma mo srid pa'i rgyal mo ni// 'od srungs bstan pa nub ka ru// rgyal 'theb shAkya thub pa dang// smon lam gcig du btab pa'i mthus// shAkya thub pa'i bstan pa la// 'gro ba'i don la rab tu brtson// sku ni kun tu bzang mo lo// thugs ni smra bsam brjod las 'das// gsung ni sgra sgrogs rtsis las 'das// che mchog 'bar ba'i sku gsung yang// gsang ba'i mkha' la phyed nub tsam// 'gro ba'i don la bde bar gshegs// yab yum gnyis med 'phro 'du las// 'byung ba'i rgyal mo thams cad bskyed// snang srid ma mo 'byung zhing 'khro// nad kyi rgyal ba sbyor zhing gtong// skye shing rtsa gcod bde klong thugs su chud// 'byung ba kun gyi cha ni snyoms mdzad ma// thig le'i dbyings nas bskyed pa'i yum mchog ma// phyag na sbrul pa gtong zhing ma tshogs dbang du sdud// ma mor grags pa'i b+ha ga kun sdud ma// bkrag mdangs drod dbugs 'dren byed sems kyi bdag/kun gyi yum chen ma mo 'dir gshegs la// glud 'di srid pa'i ma mo lto ru bzhes// 'bru mchog ngar gyi mi bo che// sho sha'i snying la lug tang mig/ 'gron bu'i so la mu tig klad// zer mo'i skra la 'phan bzangs 'di// rkang pa g.yas pa thabs chen lcags// rkang pa g.yon pa shes rab zangs// lus can rgyu sbyor yon bdag 'dis// ske nas rin che nor phog ste// gces ste ngar gyi mi la btags// 'phangs pa'i lus las gos phud de// rin chen ngar gyi ma la bskon// rnam shes brgyad la me mar brgyad// sku gsung thugs la mar me gsum// rgyu ni rin chen 'bru sna brgyad// rkyen ni sngags dang phyag rgyas byin gyis brlabs// 'bras bu sku gsung thugs dang ldan// rten 'brel rnam shes brgyad dang ldan// skye mched bcu gnyis 'di la tshang// khams chen bco brgyad 'di la tshang// mi pas glud bzang mdangs yal yal// rdza bas kha dri thibs se thibs// bya bas spu sdug 'od lam lam// mi bas glud bzang klu brug tshag pa 'dra// mi bas 'gros mkhas khyu mchog ma he'i 'gros// mi bas skad snyan tshangs pa lha yi gsung/'di 'dra dpag med yon bdag glud du dbul// srid pa'i rgyal mos ci phyir mi mi gtang// rims kyi bdag mos ci phyir rims mi gcad// dal gyi bdag mos ci phyir dal mi bzlog/ nad kyi bdag mos ci phyir nad mi gcad// kye ma ma cig srid pa'i bdag mo ste// khyod kyi 'khor g.yog lha srid bdud// 'khor gyi bdud la bka' nan chung// khyod kyi phyag tshang ma bdud ma// ma bdud ma la bka' nan chungs// de tsam gnad nas mi bskul du// yon bdag glud la phyag sbal dam// bka' lung gnyan la phyag sbal dam// zlog byed ma yi dus la bab// sgyur byed ma yi dus la bab// ched 'ga' khros te bskul ba'i tshe// ma mo chen mo'i phyag g.yon na// ma bdud sgal tshigs g.yas g.yon la// mi gshed drag po'i las byas te// thog mda' ba yug char ltar 'bebs// khrag mda' bu yug ser ltar 'bebs// bka' 'da' bgegs cen dmyal thag gcod// zlog byed ma yi dus la bab// sgyur byed ma yi dus la bab// nad ka bzlog pa'i dus la bab// rims kha bzlog pa'i dus la bab// dal kha gcad pa'i dus la bab// bdud la bsgyur cing bzlog gyur cig/ ltas ngan brgyad bcu rtsa gcig zlog/ yid la gang 'dod skabs 'dir bcol// sngags g.yog yon bdag bcas pa yi/ nyungs nag sngags shing khrag phor du// 'phang pa'i sngags ni 'di skad bzlas// ting ne tsho ting lam lam// rag sha ha ra hU~M// trag mu tra kha mun tra b+h+yo ru lu ru lu// snying kha la rag+sha rbud// ti li ti laM ma ma b+h+yo b+h+yo// nyi shu gcig tu gyur pa dang// khrag por gral du gzhag par bya// 'di ni srid pa'i rgyal po ste// tshogs kyi rje la zhu bar bya// snang srid skye 'gro thams cad kyi// tshe srog srid pa'i rgyal mo yi// phyag na mnga' bdag de yi phyir// tshogs kyi rje la zhu bar bya// srid pa'i rgyal mo'i phyag brnyan ni// tha ma re ma ti yin pas// 'di ni nad gtong gtso mo'i phyir// 'di la mchog tu zhu ba gces// stan nag steng du bdag 'dug ste// dkar nag tshe yi zla gam pa// khrag gi zhal bu bcas pa yang// nad pa'i mdun du gzhag byas la// g.yab dar nag pos g.yab byas la// tshig tu 'di skad brjod par bya// nad kyi bdag cig spyan 'dren no// rims kyi bdag cig spyan 'dren no// zlog byed ma cig spyan 'dren no// sgyur byed ma cig spyan 'dren no// hU~M// nga ni dbang phyug chen po ste// khams gsum srid gsum mnga' bdag rdza// 'gro ba'i don la rab tu brtson// yon bdag skabs gsol thugs rjes zur// deng 'dir bzlog bsgyur las byung gis// glud bdag chen mo gshegs su gsol// khro rgyal kun gyi yum cig ma// ma mo kun gyi yang rje mo// skye 'gro kun gyi srog bdag mo// byang shar mtshams su gnas bcas shing// bse yi sku mkhar gru bzhi la// logs bzhi de ni bse las bgyis// bse logs khra bo la// gnyan te de la rdul mi dgos// zur bzhi dag la mchong la bgyis// mchod zur dag kyang smug po la// de la gnyan te sbrul mi 'khril// rmang rdo dag kyang lcags la bgyis// lcags rmang dag kyang sngon po la// de la gnyan te byi mi 'dzul// kha bdag kyang g.yu la bgyis// g.yu bde dag kyang ldem pa la// de la gnyan te bya mi lding// de la gnyan te rgod mi 'bar// de la lcags ro 'bar bas bskor// lcags ri khyud 'khor 'bar ba la// de la gnyan te bdud mi 'da'// de la bstod de btsan mi 'da'// sku mkhar de yi nang shed na// rin chen shel gyis skas btsugs shing// mi ra rta ro'i gcal stengs na// mi rta'i gsur chen dul lu lu// mi yi nang nas ma cig ma// ma cig chen mo de na bzhugs// sring cig chen mo de na bzhugs// srung cig chen mo de na bzhugs// gshin rje'i yul cig de na bzhugs// bdud kyi lcam cig de na bzhugs// sku mdog mthig nag 'bar ba la// lus rnams thal bas kun byugs shing// dbang mtshan dmar gyi thig les brgyan// ral pa'i zar bu g.yas nas g.yon du 'khyil// kha nas mi zhag rta zhag 'dzag/ mig nas khrag 'dzag zur lu lu// chibs su dre'u rta rkang gsum chibs// dra ba dgu yi te len can// byi ru dmar po'i rgyan srab can// dre'u rta rkang gsum bskyod pa'i tshe// dpag tshad brgyad khri bzhi stong yang// mtshan mo gcig la khyab par 'gro// rnal 'byor chen mo a la la// khyod kyi lag pa g.yas pa na// bdud kyi khram bam gnam la 'phyar// srig lus bsdus pa'i skye 'gro rnams// sang phod ding sang su 'chi ba// do cig ding sang khram la 'debs// khram la mi thebs mi srid kyis// bdud kyi khram kha di phyas cig/ khyod kyi log pa g.yon pa na// btsan gyi sho rde'u dkar nag 'grems// sang phong ding sang su 'chi ba// do cig ding sang shod la 'debs// shod la mi 'debs mi srid kyis// yon bdag rgyu sbyor 'khor bcas kyi// srog glud dam pa 'di bzhes la// shod rde'u dkar nag da brjes la// byang dmar dkyus nas nga phyung zhing// khyod kyi mchan khung g.yon pa na// nad kyi rkyal pa sngo dmar la// sbrul nag lnga brgya'i kha chings can// lnga brgya tha ma'i snyigs ma la// 'bras bu gsang sngags chos dar te// rnal 'byor grong bsnyen dar ba'i tshe// gsang sngags bon ltar gyer pa'i dus// dge sdig 'tshol bar spyod pa yis// rnal 'byor yo nyams ma mo 'khrugs// ma mo 'khrugs pa'i rtags bstan pa// bzhi brgya rtsa bzhi nad rnams 'byung// ye 'drogs sum brgya drug cu 'byung// blo bur brgyad cu rtsa gcig 'byung// dus min 'chi ba rnam brgyad 'byung// gsang sngags spyod pa grangs mang yang// gzhung ltar spyod pa'i rnal 'byor pa// bka' ltar spyod pa'i dbang phyug bdag/ man ngag khungs kyi rgyud bskul ba// dpal chen bdud rtsi rnam lngas mchod// ma sring dmar chen khrag gis mchod// lus dang grib bzhin 'grogs te gshegs// gsur chen dud pa rgyun mi gcad// dbang phyug phu nas khus 'debs kyi// dpal chen mda' nas snyan ma sra// ri lungs med par khu yis thob// dbang phyug mda' nas g.yab 'dor gyis// dpal ldan phu nas sbyan ma brtul// nag mo'i tshogs kyis stong khams khong// ri lung med par rgya yis khong// sngon gyi srin mo phur pa'i lha// da lta dpal ldan re ma ti// lha srin kun gyi gshed byed ma// skye 'gro kun gyi bdud gcod la// dgra bo kun gyi snying 'byin ma// bgegs phung thal bar rlog mdzad ma// mi yi nang nas ma cig ma// sring gi nag nas sring cig ma// nad kyi bdag la rims kyi rkyen// lnga brgya dus kyi tha mal// gsang sngags chol par spyod pa'i tse// dpal ldan nag mo thugs khros pas// ri rab lho yi 'dzam gling du// nad kyi kha rlangs ser po btang// mkha' la nad sprin ser por 'khrigs// bud med ser mo bsam mi khyab// lho yi 'dzam gling khrag gis bkang// nad chen mkhris ba gsha' ya dang// sha ser dag ni mig ser dang// rgya nad mig ser de nas byung// nad kyang ma mo khyod kyi nad// khrag kyang ma mo khyod kyi khrag/ rims kyang ma mo khyod kyi rims// de ring yon bdag 'khor bcas la// nad kho chod la rims kha sgyur// lnga brgya dus kyi tha ma la// gsang sngags chol par spyod pa'i tshe// ma mo dmar mo thugs khros te// kha rlangs dmar po btang ba yis// nad kyi na bun sprin di gtibs// bud med dmar mos stong khams gang// rims nad tsha ba sna tshogs dang// khrag nad gzer thabs sna tshogs dang// le brgan gzer nad sna tshogs dang// khrag du skyug pa'i nad rnams byung// nad kyang ma mo khyod kyi nad/ khrag kyang ma mo khyod kyi khrag/ rims kyang ma mo khyod kyi rims// rnal 'byor kun kyang 'di zhes pas/ nad kha chod la rims kha sgyur// lnga brgya dus kyi tha ma la// gsang sngags grong bsnyen dar ba dang/dge sdig 'chol bar spyad pa yis// ma mo nag mo thugs khros nas// de nas nad kyi bskal ba byung// lhog pa dkar nag 'brum dang// 'brum bu sna tshogs te nas byung// skrangs nad thams cad de nas byung// nad kyang ma mo khyod kyi nad// khrag kyang ma mo khyod kyi khrag/ rims kying ma mo khyod kyi rims// de ring yon bdag 'khor bcas la// nad kha chod la rims kha sgyur// lnga brgya dus kyi tha ma la// gsang sngags grong bsnyen dar ba dang// dge sdig 'tshol bar spyad pa yi// ma mo nag mo thugs khros nas// kha blangs sngon po btang ba'i tshe// nad kyi na bun sprin du chags// bud med sngon mos stong khams khengs// mig nad rnam pa sna tshogs dang// bal nad smyo ba'i rims rnams dang// brla ba sngol smyo ba'i rims rnams dang// nad kyang ma mo khyod kyi nad// khrag kyang ma mo khyod kyi khrag/ rims kyang ma mo khyod kyi rims// de ring yon bdag 'khor bcas la// nad kha chod la rims kha sgyur/ lnga brgya dus kyi tha ma la// gsang sngags grong bsnyen dang ba dang// dge sdig 'tshol bar spyod pa'i tshe// ma mo nag thugs khros te// kha rlangs dkar po gtor ba'i tshe/ rlangs smug po btang// nad kyi na bun sprin du gtibs// bud med smug mos stong khams gang// dar nag ru mtshon thibs se thibs// phyag na mdung dmar chebs se chebs// ba dan nag po lhubs lhubs// sku la go mtshon yal ba gsol// dus kyi 'khrug pa slong byedacing// mtshan gyi bskal pa 'bebs byed ma// shwa dang ser pa rlung dmar bdag/ bdud ser 'bebs pa'i snying mo che// sdig can rme yi bdag mo yin// khyod kyi mthun rdzas 'bul lags kyis// dmar gyi ar+g+haM 'di gsol la// rnal 'byor kun kyang 'di bzhes pa'i// 'khrugs pa'i bskal pa zhi bar mdzod// ltas ngan brgyad cu rtsa gcig bzlog/ lnga brgya dus kyi tha ma la// gsang sngags grong bsnyen dar ba dang// dge sdig tshol bar spyod pa yis// ma mo nag mo thugs khros te// kha rlangs nag po btang ba'i tshe/ bud med nag mos stong khams gang// nad kyi na bun sbrin du chags// de tshe nad kyi bskol ba byung// mdze nad rnam pa sna tshogs dang// shu ba dang ni g.yan pa dang// glo gzer dang ni skya sbab dang// rlung nad rnam pa sna tshogs byung// nad kyang ma mo khyod kyi nad// khrag kyang ma mo khyod kyi khrag/ rims kyang ma mo khyod kyi rims// de ring yon bdag khor bcas la/ nad kha chings li rims kha sgyur// rnal 'byor dam tshig nyams pa yis// nad kyi rnam pa sna tshogs byung// dus kyi tha ma dbye bsal dka' mod kyang// ma cig dpal ldan gnyan gyi re ma ti// chos nyid mnyam pa'i ngang la lhun dgongs te// thugs dang 'gal par gyur pa bzod par gsol// dzaHhU~M baM ho// e ha hi// shrI tsa pa la a shug ma swA hA// dmar gyi ar+g+haM gtor par sbreng// nyungs kar sngags pas blugs par bya// rol mo sil snyan sgra bsgrags nas// dpal ldan gnad nas thugs dam bskul// thugs dam gnad nas mi bskul du// 'khor gyi 'bangs la bka' nan chung// da ni dpal ldan mtshang la rgal// mtshang la cung tsam mi rgal du// yon bdag glud la phyag sbas dam// khyod kyi cho la nga re mkhas// nam mkha'i mthongs na bzhugs pa'i tshe// nam mkha' khams kyi dpal mo btsan// de yang bya shar re ma ti// mtshang ma rgol lo rgud long la// gnad nas bskul li mi thong zhig/dbyar zhing mkha' la bzhugs pa'i tshe// b+ha ga d+h+ri ti mkha' la char 'bebs ma// de yang byang shar re ma ti// ri rab zom la bzhugs pa'i tshe// 'bar ma me khyer glog 'phreng 'dzin// de yang byang shar re ma ti// rgya mtsho'i gting na bzhugs pa'i tshe// me za chen mo brag gyon ma// de yang byang shar re ma ti// dbang phyug rtsa brgyad gtso mo mdzad pa'i tshe// mi srin g.yag mgo thod rlon 'chang// de yang byang shar re ma ti// ma bdun gtso mo pa'i tshe// e ka dza ti ral gcig ma// de yang byang shar re ma ti// bdud kyi gtso mo mdzad pa'itshe// rdo rje gar gyi dbang phyug ma// de yang byang shar re ma ti// sring bzhi gtso mo mdzad pa'i tshe// shar gyi dkar mo mig mdzad gcig ma// de yang byang shar re ma ti// dam tshig mtha' la gnas pa'i gtso mo mdzad pa'i tshe// ma btsun ug chos dbyar mo bsil// ma hA de ba'i btsun mo mdzad pa'i tshe// lha mo u ma de bi nyid// lha dag lha min g.yul 'gyed tshe// lha mo khyod kyi lte ba la// lha rnams yongs kyi rdzong bcas nas// de phyir lha mo rdzong mos bya// de yang byang shar re ma ti// 'tshang la cung tsam mi rgyal du// yon bdag glud la phyag sbal dam// 'khor gyi 'bangs la bka' nan chung// btsan dang dmu labaka' nan chung// yon bdag bdud byol dgra la 'phongs// yon bdag byol kha dgra la 'phongs// ma mo rta bro khyil li li// drag po'i spyugs glu kyu ru ru// zlog byed ma yi dus la bab// sgyur byed ma yi dus la bab// dal kha bzlog la nad ka tshad// nyungs nag khram phor zlos shing blugs/ dpal ldan nag mo re ma ti// sngon tshe rgyal ba 'di skad gsungs// sdig ba ci yang mi bya ste// dge ba phun sum tshogs par spyad// rang gi sems ni yongs su gdul// da ltar ngas kyang de skad bshad// dpal ldan nag mo re ma ti// gal byed 'khor la stod thun zhu// cig bsgrub bam tha ma nyid yang// kog btsun nad sna 'dren pa'i phyir// 'brang rgyas 'bru bya nag mo la thig kar nad pa'i mdun du gzhag/ hU~M/ kong yul dre sna ma gi na// kog la dkar po'i srid cig ma// kon btsun de mo bod khams skyong// na bza' smug nag 'bar ba la// me stag 'bar bas rab tu brgyan// gsair g.yu'i spel ma'i thod rdeng can// bdud mo mi bzang stong gis bskor// chibs su dre rta rkang gsum chibs// rol du dre rta stong la rol// dre nag brgya lam mi ris brgyan// bdud do cog gi sna 'dren ma// glud 'di bzhes la dal kha chod// ma mo 'khrugs pa'i thugs dam 'dis skongs la// lus can rnams la dal kha ma gtang zhig/ pho bdud dal kha g.yas su sgyur// mo bdud dal kha g.yon du sgyur// spyi bdud la ka mkha' la sgyur// dal ka sgyur la rims kha tshod// nyungs nag sngags bzlas drag tu 'phang// gri na tig na mun// brgya dang brgyad dur ba bzlas la// nad kyi ngo bo ming la bsdu// badzra ban+d+ha tra ta phaT// tshon skud bcings pa kun gtubs la// khrag gi phor bur gzhug par bya// nad kyi ming dang gzugs bshus la// ma tang gzugs la gdags par bya// nad kyi mtshon sprin pal tshon rnams// bsdus la khrag phor blugs par bya// 'o ma chu dang rtsi sman du// sbyar ba'i bum pa rta mgrin dang// e ka dza ti'i snyoms 'jug chus// 'phra bar gnas pa'i nad rnams kun// zangs gzhong 'khar gzhag chen por bkru// yi dam lhar bskyed bsrung byas te// dngos su go bskon mtshon cha bskur// sngags g.yog 'khor gsum tshang bar gdags// ting 'dzin gsar te ma mo'i tshogs// dgra la bsgyur ba'i sngags 'di brjod// rag+mo tsa tsa kha la dun b+h+yo// rag+mo tsa rag+mo tsa tsam b+h+yo// hi la hi li ma ma b+h+yo// badzra mra ting b+h+yo// badzra ting tung b+h+yo b+h+yo// badzra a ling sring ka li hU~M b+h+yo// badzra ma ma hring b+h+yo b+h+yo// bsrings la ring du khrom sna drang// da ni ma mo'i khrom sna brgyad// dgra bo'i yul du khrom sna bsgyur// dgra yi yul du khrom thob cig/ bdud dang btsan gyi khrom sna bsgyur// dgra bo'i yul du khrom thob cig/ ma mo rnams kyi mdun la sbos// bdud dang btsan gyi mdun sa sbos// dgra bo'i yul du dmun ltang chod// da ni dal gyi khrom sna bsgyur// dgra bo'i yul du dal khrom thob// da ni nad khrom sna bsgyur// dgra bo'i yul du nad khrom thob// de ring rims kyi khrom sna bsgyur// dgra bo'i yul du rim khrom thob// da ni yams kyis khrom sna bsgyur// dgra bo'i yul du yams khrom thob// bdag la bltos pa'i yon bdag 'di// sngon gyi las kyi 'phro byung ste// dus la bab na tshe zad kyang// lo gsum 'di ru shol thob cig/ dbang phyung nga yi bka' ma bcag/yon bdag drin lan chud ma gsan// bka' dang dam tshig ma 'da' zhig/ dgra la 'dor napha mes kyi// dur mchad steng ngam kul phyogs bskyol// byol sa med na ma mo'i gnas// dur khrod chu bo 'dus pa dang// yang na ra rtse brag dmar bskyal// 'dom mam mda' gang stegs bu ni// gnas kyi dbang gis ci 'byor brtsig/ mthing nag gru gsum brtsigs ba la// mi ri thod pa'i 'phreng bas bskor// zla gam dmar po re ga ni// 'bar pa gru chad ljang khu btang// bar khyams gnyis ni nag po dag// sna tshogs sgo bzhir ldan par bya// gru gsum dpal gyi zhal stengs su// gtor ma rab tu gzhag par bya// zla gam ma mo'i zhal steng du// ma mo'i gtor ma rak+ta dang// sman du sbyar ba gzhag par bya// gru chad 'khor gyi zhal steng su// ma mo'i gtor ma rak+ta dang// 'khor gyi bskang rdzas de ru gzhag/ zla gam rten rdzas bskang rdzas ni// ma mo'i rdzas kyang gzhag par bya// par khyams nag po za pa'i steng// snying dang nang khrol gtor ma gzhag/ bar khyams sna tshogs za ba'i ste// sha chen lhu gdum bkram pa dang// spos cheb dud pa gtang bar bya// tshil chen me mar kha lnga ni// sgo bzhi dag tu gtang bar bya// spros la dga' ba'i dbang du bshad// spros med dga' pa'i gong nyid do// sbyang ba'i sngags kyis stong par bsgom// sbel pa'i sngags kyis sha tru 'am// med na lha 'dre'i gzugs su bsgom// dgra la bzor ram sbogs pa na// dgug ste de la bstim par bya// rdzas kyang rin chen sna tshogs te// sha tru'i rdzas kyang bkug ste bstim// sa tru dngos nyid rdzas bcas pa// yon bdag glud du gsal bar bstan// de ltar bskang ba'i phan yon ni// nyon cig gnod 'dul lha yi gtso// lha rnams srog kyang 'chad 'gyur na// srog chags gzhan lta smos ci dgos// srid pa'i dbang chen 'dis bskang na// dus min 'chi las bzlog par 'gyur// dus la bab na bsnur bar byed// 'jig rten longs spyod bstan par 'gyur// rabs brgyud chad pa'i mi rnams kun// cho ga 'di la brten byed na// spun bzhi bu yi bsdus par byed// gang zhig cho ga 'di bsgrubs pas// 'chi bdag zhags pas zin pa yang// zhags pa nag po bcad nas su// smyo 'bog nyid kyang rnam par 'jig/ tshe ring bde ba phun sum tshogs// 'jig rten 'di na'ang bde skyid de// rgyud pa'i stobs kyis rigs 'dzin 'gyur// cho ga 'di yis gang bsgrub pa// gzhan yang dmangs kyis kyis bkur sti byed// bran g.yog 'gab rnams 'phel par 'gyur// rgyal po longs sbyor che 'gyur zhing// dbul po longs spyod 'phel bar 'gyur// nor gyi dbyig kyang de bzhin te// skyid pa rtag cig bsam pa 'grub// mang po phyogs bzhir yul yang 'dzin// de nas na tsha sdug bsngal sel// pha rol dmag dpung 'jigs par byed// lo phyugs rtag tu legs par gyur// cho ga 'di bsgrub gang zag ni// 'jig rten dbang chen thams cad kyis// byang chub sems dpar bkur sti zhing// tshe dang chung srid 'phel 'gyur te// bsgo tshig bran bzhin mchog tu nyan// bsod nams nyid du gong na med// phyis ni bsod nams mchog gyur te// dngos grub mchog kyang thob par nges// nad dang sdug bsngal thams cad ni// 'dos nas pha rol bzhan la bskyal// dgra yi yul du nges par mdos// srid pa'i dbang chen ma 'di rnams// bam gyis bskang ba'i 'di ltar ro// hU~M// srid pa'i rgyal mo chen mo ste// lha mo chen mo tshogs kyi rje// spyi gtsug g.yu yi rdo rje rtse dgu 'bar// g.yu yi ral pas stong gsum khyab// g.yas kyi phyag na rigs lnga'i sangs rgyas bsnams// g.yon gyi phyag na bdud rtsi'i longs spyod 'gyed// ye shes sprul pa'i spyan gyis kun du gzigs// khams gsum srid pa gsum la mnga' mdzad pa'i// rtag tu dbang phyug rgyal mor grags// ltas pas cig kyang med par mdzad// 'di yis srog gis bskang byas pas// dam tshig rdzas chen gang 'bul gyis// bcol ba'i las rnams grub par mdzod// 'khor gyi bka' nyan nag mo'i tshogs// sku dang phyag sna tshogs sprul// sha khrag rus pas bskang byas pas// mthun pa'i rdzas chen nga 'bul gyi// bcol pa'i las rnams grub par mdzod// ma cig 'dod pa khams kyi dbang phyug ma// dpal ldan nag mo re ma ti// sku yi sbrul pa stong gsum gzugs// gsung gi sbrul pa sna tshogs sgra// thugs kyi sbrul pas kun tu phyin// nad kyi bdag la rims kyi rkyen// 'gro ba'i snying gi bdag mo ste// 'di yi snying gis bskang byas pas// mthun pa'i rdzas chen nga 'bul gyis// nga yi mig gis bskang byas pas// mthun pa'i rdzas chen nga 'bul gyis// nga yi las bcol grub par gyis// ma cig de yi bka' nyan ma// rdo rje gur gyi gzhal yas na// dkar mo dung gi ral pa can// khyung gi mgo la nyi zla'i spyan// 'di yi mig gis bskang byas pas// dam tshig rdzas chen nga 'bul gyis// nga yi las bcol grub par gyis// 'ja' tshon 'bar ba'i gzhal yas nas// 'jig byed 'bar ba ral pa can// spyan gsum sdang mig 'jigs par blta// 'di yi nyan pas bskang byas pas// dam tshig rdzas chen nga 'bul gyis// nga yi las bcol grub par gyis// ye shes 'bar ba'i gzhal yas nas// sngo nag mi srun mche ba can// spyan gsum zhe sdang log gis blta// snom byed dbang pos bskang byas pas// dam tshig rdzas chen nga 'bul gyis// nga yi las bcol grub par gyu+is// ma men mdzes pa'i gzhal yas nas// dmar mo bse yi thor tshugs can// bya rog mgo la nyi zla'i sbyan// myong byed dbag pos bskang byas pas// dam tshig rdzas chen nga 'bul gyis// nga yi las rnams grub par gyis// in+d+ra nI li'i gzhal yas nas// dmar mo spyan gsum mche ba can// gdug pa ma lus kun 'dul ma// 'di yi mgo bos bskang byas pas// mthun pa'i rdzas chen nga 'bul gyis// nga yi las bcol grub bar gyis// sna tshogs 'phro ba'i gzhal yas nas// sngon mo mi srun 'brug la zhon// tshangs pa'i 'jig rten rdul du rlog/ 'di yi dbang pos bskang byas pas// dam tshig rdzas chen nga 'bul gyis/ nga yi las bcol grub par gyis// pad+ma 'bar ba'i gzhal yas nas// gtum mo mi srun seng ge zhon// rus sbal dkar po'i thod sdengs can// 'di yi srog rtsas bskang byas pas// mthun pa'i rdzas chen nga 'bul gyis// nga yi las bcol grub par gyis// bka' nyan seng ge'i mgo can la// gsung sdod pho nya chen mo ni// shel gyi seng ge ral pa can// bskang ngo bskal pa'i thugs dam bskang// bka' nyan chen mo stag mgo can// de yi bka' nyan pho nya ni// stag mo gser mgo lnga pas brgyan// bskang ngo bskal ba'i thugs dang bskang// bka' nyan bya rgod thang nag la// yang sprul bya nag mang du 'phro// 'brug sngon gzugs la so rnon ma// bskang ngo bskal pa'i thugs dam bskang// bka' nyan kang ka chen mo la// de yi yang sbrul pho nya ni// lcags kyi khyi ste rkang gsum ma// bskang ngo bskal ba'i thugs dam bskang// 'gro bzhi rkang pa'i bdag mo ste// bam chen rkang ba'i lhu bzhis bskang// dam tshig rdzas chen nga 'bul gyis// nga yi las bcol grub bar gyis// dkar mo nyi ma'i spyan gcig ma// sman mo sbrul ba'i thugs dam bskang// sngon mo g.yu yi ral pa can// srid pa las mkhan thugs dam bskang// dmar mo bse yi thod rdeng can// bse yi sprul pa'i thugs dam bskang// ser mo gzigs kyi sham thabs can// bka' nyan chen mo'i thugs dam bskang// na ra ha sa'i sgo bzhi po// dam tshig rdzas chen nga 'bul gyis// nga yi las bcol grub par gyis// spyi bo'i bdud rtsi chen po yis// dra ba can gyi thugs dam bskang// dbang po'i dngas ma mig rtsa yis// 'dod pa'i dbang mo'i thugs dam bskang// bya ba byed pa'i lag pa gnyis// gnod spyin ha 'dre'i thugs dam bskang// rkang pa'i mthe bong rnam gnyis kyis// lcags kyu can gyi thugs dam bskang// spyi bo'i klad pa'i rgya de yis// bstan ma'i tshogs kyi thugs dam bskang// de bzhin 'khor dang bcas pa rnams// rang byed las kyis bskang bar gyis// sha chen 'jig rten bod khams skyong// sgal tshogs la sogs 'tshogs pa yis// las byed gang gi thugs dam bskang// rus pa tshogs kyi 'phreng ba yis// lho phyogs gshin rje bskang bar gyis// rnal 'byor nyams par gyur pa yis// ma mo'i bka' chad byung ba'i tshe// 'dis bskongs gzhan gyis bskongs mi 'gyur// shel dang tsar mkha' lding tshogs// dngos grub myur par bya ba'i phyir// dbugs kyis bskang ba de bzhin gyis// dgra la myur bar bya ba'i thabs// dam nyams bkug bstim bskang bar bya// mthun pa'i rdzas su bskang ba ni// nyon cig gnod 'dul lha yi gtso// hU~M// gtso mo yum gyi rgyal mo ni// sru+id gsum dngas ma kun gyi bdag/ ma mo tshogs kyi rje mo ste// dngas mar sbyar ba'i khrag la spyon// 'thun pa'i rdzas kyis thugs dam bskang// rnal 'byor chag nyams dag gyur cig/ dur khrod dbyings kyi dkyil 'khor nas// dpal ldan chen mo re ma ti// lha mo chen mo mthu mo ce// klu mo nag mo dung skyong ma// gnod spyin nag mo srog gcod ma// bdud kyi yum la gshin rje'i lcam// bu cig spu gur ma nyams sems// 'bras bu mi dbang mtshal ti sogs// ma yi dam rdzas tshogs la spyon// mthun pa'i rdzas kyis thugs dam bskang// thugs dang 'gal ba dag par mdzod// ma mo rdo rje pho nya mo// byis pa smra mgyogs snying la shog/ mthun pa'i rdzas kyis thugs dam bskang// ma mo chen mo kun tu bzang// sngar ma lba yi snying la shog/mthun pa'i rdzas kyis thugs dam bskang// ma mo ye shes chen mo yang// 'khro 'dod khyi yi snying la sheg/ mthun pa'i rdzas kyi thugs dam bskang// ma mo rdo rje sgrol ma yang// 'dod chags bya dkar snying la shog/mthun pa'i rdzas kyis thugs dam bskang// ma mo rdo rje 'dod chags kyang// 'gyur med bya rog snying la shog/ mthun pa'i rdzas kyis thugs dam bskang// ma mo rdo rje kun gsal yang// mun mthong 'ug pa'i snying la shog/ mthun pa'i rdzas kyis thugs dam bskang// ma mo rdo rje g.yu sgron ma// khyim bya nag mo'i snying la shog/ mthun pa'i rdzas kyis thugs dam bskang// bka' nyan seng ge'i mgo can dang// yang sbrul shel seng ral pa can// seng ge dkar po'i snying la shog/ mthun pa'i rdzas kyis thugs dam bskang// ma mo stag gi mgo can dang// yang sprul stag mo gser mdog can// stag mo dar mo'i snying la shog/mthun pa'i rdzas kyis thugs dam bskang// sbrul pa bya rgod thang nag la// yang sprul ur mo so rnon mo// bya rgod thang nag snying la shog/ mthun pa'i rdzas kyis thugs dam bskang// sbrul pa kang ka chen po dang// yang sprul lcags khyi rkang gsum ma// bdud bya skyung kha mo'i snying la shog/ mthun pa'i rdzas kyis thums dam bskang// srid pa chags byed sprul pa ni// sngon mo g.yu yi ral pa can// tsher mor rag mo'i snying la shog/mthun pa'i rdzas kyis thugs dam bskang// dkar mo nyi ma'i sbyan gcig ma/ gyi ling nag me'i snying la shog/ mthun pa'i rdzas kyu+is thugs dam bskang// dmar mo bse yi thod gdong can// 'bar ba lag sdebs snying la shog/ mthun pa'i rdzas kyis thugs dam bskang// ser mo gzig gi sham thabs can// za byed sbyang mo'i snying la shog/ mthun pa'i rdzas kyis thugs dam bskang// rnal 'byor chag nyams dag par mdzod// kha dog bcud kyi dam pa dang// dri dang ro dang kha dog ldan// g.ya' ma skyol dang rdzas la shog/ 'byung ba brtsal pa'i rdzas rnams dang// na sa g.ya' g.yon dmar rnams la// ba lam dre sna rdzas la shog/ljang khu dmar dang dmar chen mdzod// lhum bu sngo dang mtshon sna lnga// khri smran ma mo rdzas la shog/ mthun pa'i rdzas kyis bskang byas pas// mi dga' pa rnams dga' bar gyis// 'khor dang g.yog du bcas pa rnams// gang byed las dang rdzas kyis bskang// bdud dang ging dang bod khams skyong// sha chen khrag dang bcas pas bskang// sgo dam nyams par gyur pa yis// ma mo 'khor bcas mi dga' ba// the tsom med par skongs par 'gyur// 'di skongs bar chad mi 'byung zhing// bsam pa yid bzhin 'grub par 'gyur// gtor ma'i bskang bzlog bsgrub pa 'dis// bsnyen dang phan 'dogs nye ba dang// las chen sgrub dang skongs bzlog 'gyur// dpal dang ma mo'i gtong ma 'dis// kun gyi gzhung bzhin bsnyen pa'i mthar// byin te bshags pas nye bar byed// bsgrub pa'i dus su gdug rdzas dang// kun gyi gzhug du gtor ma gnyis// mchod dang gsang pas skong las grub// las la phan 'dogs yin par bshad// nya dang gnam stong chos brgyad dang// rang rang rdzas kyis rnal 'byor pa// mo la mchod pa byed pa de// lus dang grib ma bzhin du mched// sa phyogs mda' gang zlum po la// nyi shu rtsa bzhi'i chad du ni// shan tim tsan dan dkar dris byug/ me tog rgyu ni rnam lnga'i rtsogs// mi dbang 'bras bu mam sa ni// stod nas byung ba rnam pa lnga// rtsir gyur stong ngam yang na brgya// brlangs dang ma brlams sna tshogs rtsal// thog tu gyur pa rgyal khams kyis// tshogs par gyur pa thams cad blugs// dmar chen rnam lnga la sogs te// smin dang ma byung byung bar du// bcu drug chags pa'i mtshal chen nang mtshal chen du mar sbyar ba la// ra sa ya na rtsa brgyad stong// de la sbyar cing blugs par bya// myos byed stong ngam yang na brgya// tha mar gnyis nas gsum du blugs// nad kyi gzugs ni spre'u 'am// gdol pa khyi yi gzugs byas la// mgo nas rkang pa'i bar du ste// tshon skud dag gis bcing bar bya// lha mo dkar mo ti// yam yum rdzogs pa'i dkyil 'khor gyis// pos te byin brlabs dbang bskur zhing// yon tan lhar 'gyur bdud rtsir ni// gyur te mchod nas las grub pa// gang byed brgya la shan tim gis// spel bas 'khor dang bcas pa yi// nad ni spre'u 'am khyi 'dra ba// gcad cing gtubs nas zad dmigs pa'i// rgya yi khru do zlum la dkar// shar nas gnas la 'phang bar bya// rang gis spyar na gong dang mthun// bcu bzhi bco lnga bcu drug la// nyi shu rtsa gcig brgya 'am stong// nad pa'i nad kyi rim par spyar// rgyas pa sa gzhi ser po la/ gru bzhi ser po'i steng nyid du// gong gi pa ling mchod yon la// re tri 'khor bcas ser mo yis// spyan drang byin brlabs mchod byas nas// rgyas pa'i sngags sbel brgya yi bar// khru do gru bzhi ser po ni// lho na gnas la 'phang bar bya// tshe dang bsod nams rgyas par 'gyur// chags pa'i dbang du dbang byas na// sa gzhi mtha' bcags zla gam dmar// sum cu rtsa drug tshad kyi steng// ba ling mchod yon 'dra ba la// ras sam gro ga shing shun la/ gur kum sbyar pa'i sngags 'dis bcings// dbang du sbel bar bri bar bya// rdzogs nas dmar po'i 'khor bcas bod// dbang bskur byin brlabs mchod byas nas// dbang dang sngags spel brgya yi bar// zla gam khru gsum snod du ni// dbang gi gtor ma mi phan pa'i// sems dang bcas pas brlag bsam 'phang// ma mo bzhugs te bdag sems dang// gcig tu gyur nas phan 'dogs bsam// rgyas pa dang la nyi shu gcig/ brgya 'am stong gi bar gyis// dbang du ma gyur bar du bya// de nas drang po gsad 'dod na// dben la gnyen pa'i gnas sam ni// yang na dur khrod gnas su bya// gru gsum nyi shu rgya dpangs su// sor gsum brtsigs par ba ling dbyibs// gru gsum gru bzhi zla gam zlum// las dang sbyar ro de bzhin yang// gnag ser dmar la dkar bar byug/ 'bru nag tsha zhing rtsub pa dang// dmar zing 'jam mngar chags dri zhim// ser li byin tshe ro dri rgyas// dkar la dri zhim 'bru rnams la// 'phrin las rnam bzhi grub par bshad// 'di nag drag po'i 'phrin las te// ling ga'i rgyud las ling ga byas// nam mkha' gru sum gru bzhi dang// zla gam zlum po'i nang du ni// pad+ma 'dab ma brgyad stong ni// las dang 'thun pa'i kha dog bya// 'di ni drag po'i 'phrin las te// ra ba dang po'i pad+ma nam mkha' dbyings dwangs pa'i dbyings nyi zla// ma gos brgyad kyi steng ro la// rdzogs pa yab yum tshul de yis// las mthun ma 'khor bos nas kyang// lte ba stong brgya'i 'og tu gzhag/ dbang bskur byin brlabs dam bsre bsgo// rang rtags mthun par las dang ni// rdzas dang rdzas kyi dbang yang bskur// nad dang sdig par gyur pa dang// rgyas pa dbang gi bar chad bgegs/ sha tru'i bdud rtsi lnga dang ni// dbang po lnga yang bkug ste mchod// zhu bar gyur pas mchod pa'i rdzas// dud dang pu la sogs pa yang// las dang mthun bar mchod par bya// 'di ni drag po'i 'phrin las te/ lho phyogs sbyor ba drag po ste/ rgya dang 'phangs su bzhi bcu brgyad// nang du sha tru'i gzugs brnyan gzhag/ dza dang phaT kyis brgyan par bya// b+h+yo dang thun b+h+yos phyogs bzhir brgyan// skam thun byas la thig le stong// mo'i kha slangs mkha' dang sa// nad dang ma mos gsod dmigs te// sha tru'i gzugs la 'phang bar bya'o// dgra bgegs rnam pa gnyis la yang// nyi shu rtsa gcig stong brgya ni// grub pa'i dbang du byas te 'phang// nyi shu rtsa gcig thon pa dang// drag po chen po gtong ba'i tshe// byang shar mtshams se dben gang lpag/gru gsum nang du gong bzhin mchod// brgya yis spel te phyogs su 'phang// de tshe bskul pa'i tshig brjod pa// hU~M// shar phyogs stong gi 'jig rten na// dar dkar gur phub kangs se kangs// dung gi tshugs shing trangs se trangs// byi ru'i re thag rgyangs se rgyangs// dngul gyi phur bzhi thams se thams// de yi sgo khyud g.yas pa la// smra bo lag rings kun du nyab// de yi sgo khyud g.yon pa la// nam gru khram thogs ye re re// de yul de sa'i mnga' bdag ni// mi bzad rdo rje ral gcig ma// dar dkar la 'u 'jom lo lo// za 'og zhab ma g.yu brgyan can// nam mkha'i rgyal mo re re// khyi dang phag pa blo gar 'breng// shul nas nam gru bong bu zhon// shar gyi gtor bdag gtor ma long// nga yi dgra bo las ngan la// khrag gi kha chus thob la dug gi skyugs pas gtor// bcol pa'i las rnams grub par gyis// b+h+yo tsa ya badzra b+h+yo// shar dang lho yi mtshams shed na// mthing gi gur cig ldems se ldems// dung gi chugs shing brengs se brengs// dngul gyi phur bzhi thams se thams// byu ru'i re thag breng se brengs// de yi sgo khyud g.yas pa la// smra bo lag rings kun tu nyab// de yi sgo khyud g.yon pa la// ra hu'i khram thog ye re re// de yul de sa'i mnga' bdag ni// drang srong dkar gyi mche ba can// dar dkar la 'i 'jol lo lo// nam mkha' rgyal mtshan ye re re// gza' dang skar ma'i cho 'phrul la// shul nas nam gru bong bu zhon// shar lho'i gtor bdag gtor ma long// nga yi las ngan 'gro bo la// khrag gi ngan chu dug gi ngan skyugs gtor// bcol ba'i las rnams grub pa'i gyis// hU~M// lho phyogs stong gi 'jig rten na// sngo nag gur cig ldams se ldems// dung gi tshugs shing trangs se trangs// byu ru'i re thag brengs se brengs// dngul gyi phur bzhi thams se thams// de yi sgo khyud g.yas pa la// smra ba lag rings kun tu nyab// de yi sgo khyud g.yon pa la// gshin rje khram thogs ye re re// de yil de sa'i mnga' bdag ni// dpal ldan nag mo re ma ti// sngo nag la 'u 'jol lo lo// za 'og zhab ma g.yu brgyan can// nam mkha' dbyings phyug ye re re// khyi mo nam mo shel mig 'breng// shul nas nam gru bong bu zhon// lho yi gur bdag gtor ma long// nga yi dgra bo dam nyams la// khrag gi kha chu dug gi skyugs pa phyung// ma ma drag mo b+h+yo b+h+yo b+h+yo// lho dang nub kyi mtshams shed na// mthing gi gur cig skangs se skangs// dung gi tshugs shing ldems se ldems// byi ru'i re thag brengs se brengs// dngul gyi phub bzhi thams se thams// de yi sgo khyud g.yas pa la// smra bo lag rings kun tu nyab// de yi sgo khyud g.yon pa la// srin po khram thogs ye re re// de yul de sa'i mnga' bdag mo// srin po nag mo re ma ti// dmar nag la'u 'jol lo lo// za 'og zhabs ma g.yu brgyan can// nam mkha'i rgyal mtshan ye re re// stag mo khra mo shul nas 'breng// rjes nas nam gru bong bu zhon// lho nub gur bdag gtong ma long// nga yi dgra bo dam nyams la// khrag gi kha chu thob la dug gi skyugs pa gtor// ma ma rag+sha ma b+h+yo b+h+yo// nub phyogs steng gi 'jig rten// dar dmar gur cig skangs se skangs// dung gi tshugs shing ldems se ldems// byi ru'i thag brengs se brengs// dngul gyi phur bzhi thams se thams// de yi sgo khyud g.yas pa la// smra bo lag rings kun tu nyab// de yi sgo khyud g.yon pa la// klu bdud khram thagos re re yod/ de yul de sa'i mnga' bdag ni// 'og ni nag mo spus 'gro ma// de mdar la 'u 'jol lo lo// za 'og zhab ma'i g.yu brgyan can// nam mkha'i rgyal mtshan e re re// kang ka nag mo shun 'dren ma// shul nas nam gru bong bu zhon// nub kyi gtor bdag gtor ma long// nad pa'i nad rnams zhi bar mdzod// ma ma nA ga ma b+h+yo b+h+yo// deb tad twa shran ting ku ru swAhA// nub dang byang gi mtshams shed na// sngo nag gur cig skangs se skangs// dngul gyi tshugs shing ldems ldems// byi ru'i re thag brengs se brengs// dngul gyi phur bzhi thams se thams// de yi sgo khyud g.yas pa la// smra bo lag rings kun tu nyab// de yi sgo khyud g.yon pa la// rlung bdud khram thog ye re re// de yul de sa'i mnga' bdag ni// rlung ma mngag byed re ma ti// sngo nag la 'i 'jol lo lo// za 'og zhabs ma g.yu brgyan can// nam mkha'i rgyal mtshan ye re re// bya rgod thang nag lam sna 'dren// shul nas nam gru bong bu zhon// nub byang gur bdag gtor ma long// tshe dang bsod nams rgyas par spel// pa ya pa ma ma ma b+h+yo b+h+yo// de ba tad twa puSh+tiM ku ru swAhA// byang phyogs stong gi 'jig rten na// dar sar ljang gur skangs se skangs// dung gi tshugs shing ldems se ldems// byi ru'i re ra thog brengs se brengs// dngul gyi phur bzhi thams se thams// de yi sgo khyud g.yas pa la// smra bo la rings kun tu nyab// de yi sgo khyud g.yon pa la// gnod sbyin khram thogs ye re re// de yi logs sam nang shed na// dpal ldan gnod spyin a ka bzhugs// ljang nag bor chen 'jol lo lo/ za 'og zhabs ma g.yu brgyan can// nam mkha' rgyal mtshan ye re re// seng ge dkar mos lam sna 'dren// shul nas nam gru bong bu zhon// byang gi gur bdag gtor ma long// sdang sems ldan pa byams par mdzod// ku ber ma ma kha rag ma b+h+yo b+h+yo// de ba tad twa ba shaM ku ru swAhA// byang dang shar gyi mtshams shed na// byi ri'u gur dmar skangs se skangs// dung gi tshugs shing ldems se ldems// byi ri'i ra thag brengs se brangs// dngul gyi phur bzhi thams se thams// de yi sgo khyud g.yas pa la// smra bo lag rings kun tu nyab// de yi sgo khyud g.yon pa la// log 'dren khram thog ye re re// de yi logs sam nang shed na// rnga mo nam gru re ma ti// dmar nag la 'i 'jol lo lo// za 'og zhabs ma'i g.yu brgyan can// nam mkha'i rgyal mtshan ye re re// mi 'gyur bya rog lag sna 'dren// shul nas nam gru bong bu zhon// byang shar gur bdag gtor ma long// nga yi dam nyams dgra bo la/ khrag gi kha chus thob la dug gi skyugs pa phyung// i sha ma ma b+h+yo b+h+yo// ru lu ru lu che ge mo mA ra ya phaT thun b+h+yo// steng gi phyogs kyi zhing khams nas// shel gyi gur chen lding ba na// smra bo lag rings g.yas na sdod// lha bdud khram thogs g.yon nas 'debs// nang nas lha mo re ma ti// dar dkar la bu zhabs mar ldan// lha yi rgyal mtshan ye re re// lha g.yag zal mos lam sna 'dren/ shul nas nam gru bong bu zhon// sting gi gur bdag chen mo ste// 'dir gshegs rgyan gyi gtor ma long// sa 'og rdo rje gdan 'og nas// mtsho la gur chen ci li li// smra bo lag rings g.yas na nyab// sa bdag khram thogs pa g.yon na sdod// nang na nag mo spros 'gro ma// dar nag la bu zhabs mar ldan// sa bdag rgyal mtshan yi re re// lto 'phyin nag pos lam sna 'dren// shul nas nam gru bong bu zhon// 'dir gshegs rgyan gyi gtor ma long// u ma nA mA b+h+yo b+h+yo// rnal 'byor nyams te mtshan ngan na// ba ling byin te de dus bskul// bsnyen dbyangs snyan pas bskul te bskang// nyams pa sel 'gyur the tsom med// rang ngam gzhan gyi sde ba yis// lha klu ma mo gshin rje yis// gnod pa'i sbyor pas gnod byed pa// bzlog pa'i gtor ma'i 'di ltar ro// dben la gnyan pa'i gnas su ni// gru gsum nyi shu rtsa bzhir thur// sol bas byugs pa'i kha khyed la// ma dang thun zlog spel nang du// sha tru ling ga 'og ma la ma// mgrin gnasalam dang snying ga gsum// thun bzlog b+h+yo dang ma dang spel// dngos kyi sa dang brjid pa'i sa// ma mo'i gnas sa ling ga cig/ tsa dur sa las chos kyi sku// gzugs bsnyan khru do rgyas par bya// nag por byugs pa'i rmang du ni// gong gi sha tru'i gzugs kyang gtsug/ ri rab steng du gnod sbyin mo// de yi steng du bdud mo nyid// gsum pa phyogs bzhir re tri bzhi// bzhi la tshogs kyi rje mo ste// lnga la khrag 'thung tshogs kyis so// zlum po'i nang du yab yum gnyis// gtor ma mchod yon skam thun yin// gong ma bzhin du bsham par bya// gnyis med chos kyi sku las ni// skad cig cig pa'i ting 'dzin gyis// yab yum rdzogs pa'i dkyil 'khor gyis// rje mo mo mo bdud gnod spyin// rim pas bskor cing gnan par bsgom// spyan drangs byin brlabs dbang bskur la// mchod pa'i bye brag de la mchod// rim par sbrul cing mchod pas ni// bzlog gnan bsgoms te 'phrin las bcol// mi yas gnan te skam mthun la// stong du thun bzlog spel bas gsad// bdun dang nyi shu rtsa gcig dang// brgya yi bar du bsgrub par bya// yang na bcas gzhag dus la bya// nam zhig gus par gyur pa na// dkyil 'khor bsdus te gzugs brnyan ni// mi sdug gzhan gyi phyogs su spa// gal te gus par ma gyur na// nam rgud ma rlag par du mi// dur khrod gnas su de bzhin sba'o// yang na phyogs su de bzhin te// bar du dgra'i phyogs su nyid// gzhu 'joms brgya yis tshad du// khru bzhi gru gsum brkos pa'i nang// ling ga gong ma bzhin du gzhug// mi gsal khrag gis bris pa la// gtor ma yod tshad de la 'phang// 'dom gang sa ru gzugs brnyan ni// gzhung 'dom brgya yi sa tshad du// gru gsum rgyas pa'i gdan khri'i 'og/ seng phrug gnyis 'dzings cig shos wa// wa nyid thu lum rlag par 'gyur// dus zad tshe na sgrub pa'i thabs// nyon cig gnod 'dul lha yi gtso// dus bab ma bab brtag pa ni// gnas dang 'gro dang gang nas 'khyam// bsgom pas thag gcad de rjes su// dus la bab na bsnun pa'i thabs// bdag nyid tshe yi rig par gsal// grogs mo tshe yi ye shes nyid// gsal ba snyoms la 'jug pa las// 'dres gyur 'phra men ma byung ba// rigs lnga'i gnas gsang khyab byas te// chags pa'i thugs bskyod dgyes pa bskyed// bde ba'i mchod pa phul ba'i rjes// ma cig 'dod khams dbang phyug la// gong bzhin spros te mchod par bya// sprul ba'i tshogs la 'am de bzhin no// tshe srog dbang byed 'byung lnga dang// 'dod khams dbang phyug sprul bar bcas// tshe srog drangs nas gtor za ba// mi gtor mi za ga 'u dang// lus la mchod dgyes 'dzin pa ni// snur ba'i thabs te de yi tshe// bskul pa'i tshig ni 'di skad brjod// tshe srog rig pa'i ye shes las// gsang ba bde ba'i 'od byed ba// rdo rje'i lam nas pad+mar bskyil// ma chags mi len 'phro 'du yis// yum gyi thugs dam re bskang la// 'gro ba'i tshe dpal brtan mdzad pa// bde ba rgyas 'debs tshe 'dir rdo rjer brtan// bde ba rmongs byed tshe 'dir pod+mar sbyor// bde ba za byed che 'di rgyas par sbel// bde ba tshe phel 'gro ba'i re ba bskongs// bde klong yangs pa srid pa kun gyi yum// 'dod khams dbang phyug tshe srog brtan par 'dzin// sprul pa'i dbang phyug dgyes nas legs par 'dzin// gang 'dir dus la bab kyang slar bsnur cig/mkha' bzhi dbyings lnga thugs dkyil du// rin chen ga'u brtsegs pa'i nang// bcug ste rta mgrin dbang gis bsrung// bskul tshig snyan pa 'di skad brjod// shar phyogs bde klong pho brang nas// nges pa'i tshe la dbang sgyur pa// sku mdog dkar po 'gying ba la// spyan gsum dung gi lan tshar can// 'od zer dkar po phyogs bcur 'phro// ma chags thabs la mngon par rol// gsang ba'i mkha' nyid shel gyi ga 'ur khyil// g.yas kyi phyag na rdo rje rtse gsum bsnams// g.yon na ga'u nyid la brten// rdo rje rtse gsum shar phyogs dbang du bsdud/ sel gyi ga 'ur nges par tshe gtams so// lho phyogs bde klong pho brang nas// nges pa'i tshe la dbang sgyur ma// sku mdog sngon mo 'gyings ma la// nor bu rin chen lan 'phran can// spyan gsum mche ba gtsig mdzad ma// 'od zer sngon mo phyogs bcur 'phro// gnyis su med pas thabs la rol// gsang ba'i mkha' la rin chen ga 'ur bsgyil// g.yas kyi phyag na nor bu rin chen ke ke ru// g.yon gyi ga'u nyid la brten// nor bu rin chen ke ke rus// lho phyogs 'dzam gling dbang du sdud// rin chen ga 'ur nges pa'i tshe gtams so// nub phyogs bde klong pho brang nas// nges pa'i tshe la dbang sgyur ma// sku mdog dmar mo 'gyings ma la// spyan gsum byi ru'i lan phran can// 'od zer dmar po phyogs bcur 'phro// mi len thabs la nges par rol// gsang ba'i mkha' la byi ru'i ga 'i bsgyil// g.yas kyi phyog na pad+ma dgu brtsegs bsnams// g.yon pa ga'u nyid la brten// pad+ma dgu brtsegs nub phyogs dbang du sdud// byi ru'i ga 'ur nges pa'i tshe gtams so// byang phyogs bde klong pho brang nas// nges pa'i tshe la dbang sgyur ma// sku mdog ljang khu bsgyings ba la// spyan gsum rdo rje'i lan 'phran can// 'od zer ljang khu phyogs bcur 'phro// grub pa'i thabs la mngon par rol// gsang ba'i mkha' la rdo rje ga 'ur bsgyil// g.yas kyi phyag na rdo rje rgya gram bsnam// g.yon pa ga 'u nyid la brten// rdo rje rgya gram byang phyogs dbang du sdud// rdo rje ga 'ur nges pa'i tshe gtams so// steng 'og bde chen klong pho brang nas// nges pa'i tshe la mnga' mdzad ma// cir yang 'gyur pa'i sku mdog la// spyan gsum lan 'phran cir yang 'phro// ched 'ga' g.yu'i 'od zer sna tshogs gling bzhi 'phro// gnyis med brtan pa'i thabs la mngon par rol// gsang ba'i mkha' la g.yu yi ga 'ur 'khyil// g.yas kyi phyag na rus dung zhing gi ru mtshon 'phyar// g.yon na ban da rak+tas bkang nas ga'u nyid la brten// rus dung zhing gi g.yang gzhis srid pa thams cad dbang du sdus// g.yu yi ga 'ur nges pa'i tshe gtams so// nam mkha' mthon pa'i dkyil yangs nas// 'dod khams kun la dbang sgyur zhing// 'dzam gling tshe srog mnga' mdzad ma// sku mdog dmar nag 'bar pa la// 'od zer dmar nag phyogs bcur 'phro// srog gcod las la mngon par btson// g.yas ni snying gi 'phreng ba bgrang// g.yon na rin chen bum pa bsnams// thugs dkyil rin chen za ma tog/ snying gi 'phreng bas kun gyi snying 'byin ma// rin chen bum par snang srid tshe bsdus nas// rin chen za ma tog tu tshe gtams so// de ltar tshe gtams rgyas bya'i phyir// gzugs nyid rta mgrin mchog tu sgom// tsit+ta rin chen ga'u la// nyi zla kha sbyar Ni 'od 'bar// rdo rje pad+ma 'dzin pa la// a dkar AM dmar go rims bzhin// rtse gsum rtse la rab gzhag ste// spu gu khong stong nyi zlar sbyar// yig 'bru brgyad po Ni la bskor// gsang pa dges pa'i 'phro 'du yis// lnga drug phab nas kha sbyar dkyil// rtse nas gtim zhim 'od du 'bar// las kyi rlung yang sdom par byed// rjes la rdo rje thag pas bcings// des kyang gal te ma 'drongs na// lhag pa lha yi snyoms 'jug gis// mkha' dbyings lnga yi thugs dam bskangs// a e rgyun mi 'chad par dges// ci nas gcig tu gnas gyur nas// rang gi shes rab ga 'ur drang// srog gi ngo bor gsal bsgoms te// shes rab dbang gi mchod pa 'bul// dwangs ma'i lam du byung nas kyang// rang gi gnas su sras gzhag pa// ye shes sbas pa'i tshe zhes bya// dus la bab pa'i tshe bsgrubs nas// nyams pa sgrub pa'i thabs bstan pa// nyams pa'i rtags dag byung ba na// tshe rten nyi shu rtsa lnga la// rta mgrin dbang du gsal ba yis// phyogs bzhi mtshams bzhir gnas pa yi// re'u tri brgyad bskul 'od zer dang// brten dbyangs tshig bskul de bzhin no// oM badzra ban+da tra ta phaT// hU~M ni hU~M ni dzaHhU~M baM ho// ma ma b+h+yo ma b+h+yo// tshe nyid Ni la 'phel brtan nas// nyi zla'i steng du gnas pa de// tshe rten rdo rje gur nang du// na thing skya'i hU~M du ga 'ur bstim// rta mgrin yab yul sgo srungs la// khro bo bcu yis mtshams gcad la// rgyas btab mi 'gyur brtan par bya'o// rtags dag nges par byung ba dang// rgyas byas gnas lngar 'bru lnga ste// nyi zla kha sbyar dkyil du'o// rdo rje go bskon ska nan bya// des ni nges par rgyas par 'gyur// de ni nges par ma rgyas na// gong ma bzhin du gcig nas gcig/ gnas 'gyur gsang bar bsdus te bstim// rtsa ba'i 'phel bar bya 'i thabs// nyon cig gnod 'dul lha yi gtso// bdag kyang bskyed pa'i sa gzhi yi// brang la ma dag khrag gis bris// gtor ma mchod yon gzhung bzhin bsham// stong pa nyid kyi ye shes ni// rnam par mi rtog rtog las 'das// mkha' dbyings dwangs pa'i dbyings nyi zla// yak+Sha he ru yab yam rdzogs/ mdun du ro stengs dre'u bsam// de stengs bka' nod re ma ti// rgyan cha phyag mtshan ldan pa yi// bka' nod tshul du rnam par bsgom// rang gi rtsa ba'i sngags kyis ni// srid pa'i dkyil nas drangs nas bstim// byin brlabs dbang bskur gtor ma sbyin// bskul te byis gnod gang yin de// drangs te lha mos gsad pa dang// zhal du bstabs te gnan gzir bya// bdag nyid chung ma'am gzhan dag la// snyoms 'jug tshul gyis sras mchog bskyed// ma'i lte ba 'am mngal du ni// ma cig bris te de nyid la// lha mo bskyed de sras mchog gi// bka' nyan de la dbang bskur te/byin brlabs mchod spyin dbang yang bskur// bdag la gnod pa'i gdon gyi tshogs// bco lnga bzlog par bka' bsgo bya// ma mo de nyid sngags bzlas te// lha gsum bka' nyan gsum ldan pas// nyin mtshan re la brgya 'am stong// bar mi gcad de gtor ma bzung// nya stong tshogs kyi dus su yang// byin te bgegs la 'phang bar bya// 'khor dang ldan pa'i sbyin sreg ni// nyon cig nga yis bshad par bya// dben la gnyan pa'i gnas su ni// za byed zhal du dug shing gzugs// yak+Sha mkhar dkyil ral gcig rdzogs// bka' bsngod k+Sha nag bdud mo ste// nyid kyi dkyil 'khor rdzogs par ni// me yis dkyil du bskyed par bya// bsreg pa'i rdzas rnams tshogs par bsag/ dkar la 'jag pa 'dod chags rdzas// go ro tsa na tsit+ta dang// mi 'gyur mun mthong sha tshil dang// dkar la khro bo bya rgod dang// mchu mar 'gyogs nag tsher mo rog/ra gshed spyang mo'i tsit+ta rnams// rabs chad nag mo'i sha chen ni// ming gis me du mi rung ngo// ra ba 'bring po tha chung gi// bla 'khyams dus bzhir bsregs pas 'grub// bsregs pa'i sha ni ma gsol phyir// ma dang 'khor rnams las la gtang// chags gnas lte ba yan lag gi/ gtso bo mgo ste dran byed snying// 'dod chags gsang gnas bskyod pa dang// spyod pa'i mngon gzhi pung pa g.yas// lag ngar g.yon pa skyed byed pa// g.yas dang g.yon gyi bla la ni// stod kyi zhal cig re'u tri dang// ma bdun smad kyi phur pas gdab// rig mo nA ga ra a ti ba ti rbad/ reg mo ban+da shi mu ta gri ba rbad rbad// reg mo tsit+ta to rbad rbad// reg mo bri sha brang shu ru rbad rbad// reg mo a ka rbad su ru rbad// reg mo pa la be re te rbad/ reg mo u tra re mo ra ba te rbad// reg mo dza ka na mA ra ya rbad// reg mo trag rak+Sha ma ra ya rbad// hU~M// nga ni srid pa'i rgyal mo ste// khams gsum thams cad zas su za// srid gsum khrag ni skom du 'thung// rnam shes brgyad la shag ti rbad// phung po lnga la shag ti rbad// klad pa'i rgyas su shag ti rbad// 'gro ba'i rkang la shag ti rbad// ma hA srog sha snying dza la tig sna rbad// rag+mo snying rtsa breng breng rbad// snying rtsa srog la bri trig sham sham mugs/ ro shing sham ma bu rna shag/ ma ro za ti shag/ro za ti shag/ tsit+ta yam tri shag/ ma dun tig shag/ e tan ting shag/ sa bcu non pa'i sems ma yang// sbrul pa yi dwags tshul 'dra bas// so sor rtog pa'i shes med pas// brag phug mdangs dgar de nyal la// spre'u so btab des sngags pas// da lta sbre'u 'jigs pa'i phyir// dpal dar snying kar spre'u snying gdags// gtor ma mchod yon rab tu bsham// stong ba nyid kyi ting 'dzin las// yab yum rdzogs pa'i dkyil 'khor gyi// thugs las sbrul ba sbre'u dang// byi li'i mgo can dag la zhon// srid pa'i dkyil nas drangs nas su// sos btab bred pas khas blangs pa// dpang po khyod kyi 'khor rnams ni// de rig phan chad srog bzhin bskyang// de tshe rtags su byung ba'i tshe// gtor mas mchod de bzod par gsol// ban de dam tshig nyams pa la// gsang ba'i ma mo shin tu myur// gang gi ming yang mi shes phyir// de yi bzlog pa mchog tu dka'// bdud bya nag mo'i sgong thun dang// dug mdas ngag 'khyal bon po sgrol// ngag 'khyal smra ba thams cad kyi// srog ni bdud kyis gcod par byed// bud med bsgral ba'i zhing gyur na// lha ngan khyi mo gdug tshe'i phyir// khyi grod khrag thun brab pa yi// rkyal bus mchu rno phyir na brdeg/ skye bo dgra bla bsrung ba yi// dgra gshed ma mo nyid kyis myur// rgyal po sgral pa'i zhong gyur na// bdud kyi ngan sngags nyid kyis bsngags// bcun yang rgyal po'i gnyen pho'i phyir// ngan pa'i bye brag thams cad ni// ma mos thun mong bye brag med// ban+de nyams pa sgrol pa'i tshe// rta bong sha tshil bsregs pa'i gsur// chos kyi bsrung ma nges par 'grel// ngag khyal bon po sgrol pa'i tshe// sha chen bsregs pas rten tshogs dbral// skye bo dgra lha dbral pa'i tshe// sre mong sha bsregs du bas dbral// bud med stongs byed ma lha dang// the rang ra yi smang khang dang// ra yi ro bsregs du bas dbral// rgyal pa'am rje rigs sgrol pa'i tshe// ba glang sha bsregs du ba yis// pho lha rab tu dbral bar bya// bsgrubs nas grub par gyur pa dag/ rtags dang mtshan ma rims bzhin 'byung// gzugs nyid mngon du bstan pa'i tshe// yid du 'ong bar ma gyur na// pad+ma dbang chen ting 'dzin gsar// yid du 'ong bar gyur pa'i tshe// ma dang bu srid dam bsres na// rang gi byang sems ma mo yi// snying khrag dpal gyis drangs nas kyang// lce dang lte yis btung zhing gzhib/ snying nas snying du gzhib bsdus pas// ma gnyis gcig par gyur ba yis// gdungs pa'i mchi ma bton nas kyang// ma dang bu ru nges dam bca'// chung ma byi mo grogs mo ru// gal te dam tshig bsre ba na// byed pa byas pas spro bsdu zhing// pad+ma'i kur gum dbang du bsdu// rkang dkris bor nas 'o byed pa// byed pa byu bar sprad nas kyang// phan tshun gnyis po gnyis med tshe// chags pa'i dbang gis der dam bsre// bde ba'i rgyu ni yin pa'i phyir// sil ga pur bsres pa ni// rnam rtog spang zhing gnyis med phyir// lce la gzhag ste dam bsre bya// rdo rje tha tshig bca' bya zhing// las bsgo dbang yang bskur bar bya// mtshams 'dres ngo bo gcig pa dang// chags pa'i dbang gis las byed 'gyur// de tshe phrag dog spangs pa'i phyir// e ka dza ti nyid dang spar// zlum po g.yas dkar gru gsum g.yon// gnag ste zla gam dbus su dmar// gtor ma mchod yon 'tshogs byas nas// yab yum gsal ba'i ting 'dzin gyis// srid pa'i rgyal mo gtso 'khor drang// dkar nag 'dres pa'i re ma ti// stong gis bos te dbang por bsgom// legs pa'i phyogs su dkar mo'i tshogs// dpang pos grogs su gyur bsgo dmigs// nyes pa'i phyogs su nag mo'i tshogs// dpang pos gsod pa gyur bsgo dmigs// der rjes tshig gis tshogs kyi rje// las rtsogs srid pa'i ma mo dang// 'dod khams gtso mo dbang phyug ma// la sogs 'dod khams lha dang klu// thams cad dpang btsugs chad par bsgo// gtor ma tsho gnyis zhi ba dang// drag po'i gtor mar gyur pa gtang// ma dang bu ru dam bcas te// dngos su mthong nas grub thob pa// srog nas drangs te bskul pa yis// zhi rgyus dbang du gang yang 'grub// drag po lha yang sgrol bar 'gyur// res mthong dam tshig ma 'dres na// sbyor ka stong phrag gcig gis 'grub// bdun 'bum grangs ni tshang gyur na// 'bum phrag gcig gi sbyor kas 'grub// bra dbab sbyor pa 'di lta bu// nyon cig gnod 'dul lha yi gtso/ dben la gnyan pa'i gnas su ni// gtor ma mchod yon bshams nas kyang// dang po'i nub mo gshags byang bya// nub gnyis pa la phur pa yi// dkyil 'khor bzhengs gsol bgegs bskrad bya// nam mkha'i lding gi thugs dam ni// nub gsum pa la bskang par bya'o// nub bzhi'i nub mo tsa ras bzlog/ nub lnga mkha' 'gro'i dkyil 'khor bzhengs// smug mo shel gyis thugs dam bskang// drug gi nang par yang gsang gi// dkar mo rnams kyi thugs dam bskang// ku ku nag mo bshel mig gis// mtsho sman klu ru bcas pa yi// thugs dam bdun gyi nub mo bskang// brgyad la stegs bu zla gam pa// gru gsum khrag gis dmar por byug/ bum pa lnga la dar nyid ni// le brgan lnga yi mgul chings bya// med can lnga ni dar dang ldan// yum nyid gzhug dkar mtshams gcad de// bcu drug mtshon gyis ma phog pa// bdud rtsi chu dang bcas pa yis// mgo lus dag par bkrus nas ni// byang sems chags pa'i sing har bcas/ thig le lnga ni gnas su gdab// srin lag gung mo gnyis la yang// nag po dkar pos g.yon btags lags// thabs kyi rkang srin gung mo yang// btags la dbab par bya ba'i phyir// bum pa lnga la mkha' 'gro lnga// rang rang yab dang ldan pa la// bzhi bzhi'i sbyor ba tsang byas nas// stong du ldan pas 'od gyur pa// dbab pa'i yul grub bya'i phyir// bum pa mchog tu byas pa'i// zlum po gru gsum chu skyes brgyad// lte bar dbab pa'i yum gzhag ste// mngon rdzogs rgyal po rdzogs pa yi// stong du ldan pas 'od gyur dang// mkha' 'gro ma rnams yul la bstim// ral gcig yang gab bzhir bcas pas// phob cig ldan pa 'bul du ste// mngon rdzogs yab kyis bkang bsgo bya// dar gyis g.yab cing tshig gis bskul// lung dang man ngag ldan pa yis// phebs nas snang srid gtam yang smra// rang nyid byed dang ldan pa la// yab yum rdzogs pa'i dkyil 'khor gyis// rang nyid byed pa'i dkyil nas drang// bcu drug mtshan ldan yum pa bstim// dbang bskur smros shig sgo nas smra// rang nyid rdzogs pa'i dkyil 'khor la// rna bar zhugs te mnyan bsam pas// stong du ldan pas sgra ston 'gyur// dkyil 'khor ldan pa'i mig tu zhugs// stong du ldan pas ci byed pa lta// the tsom med par nges par mthong// rdzogs pa'i thugs su zhugs bsams te// cig par gyur na blta byas na// the tsom med par mthong bar 'gyur// bya ba rdzogs pa'i nang par nyid// byang shar mtshams nas mkha' lding gnag/ sbrul cig 'ong par gyur pa'i tshe// re ma ti nyid 'ong ba ste// sha tru'i yul lam grong khyim du// 'gro 'gyur la byed bskal pa'i phyir// khrag gi gtor ma sbyin pa bya// nyi dros nyi phyed tshun chad dang// de bzhin byung nas 'gro 'gyur na// g.ya' skyol 'ongs las bskul phyir// khrag gtor nyungs kar bcas pas bskul// nyi nub sa sros par dag tu// de bzhin 'ong dang gro gyur na// dren 'ong dang las byed phyir// khrag gtor dug dang bcas par bskul// bya nag lug nag khyi nag rnams// phan gdags srog lu'i rta ru'i gzugs// mchod yon gtor ma rdzogs byas nas// rdzogs par 'gyur ba'i bdag chen gyis// srog nas bos te gtor ma sbyin// dngos dang skye rgyud thams cad ni// bgrangs nas brjod cing bsgo ba ni// kun gyi rta ru kun btsugs te// dga' shi bcas bor byed pa'i rta// gnya' len mkhas len byed pa'i rta// de phyir rang zas kun las sbyin// skom las kyang ni de bzhin te// gos kyi dum bu kun kyang gdags// rdzas nor kun las mgul khug bya// ske ru btags te gdong dang ni// sogs pa bzhi yong dmar por byug/ de bzhin klu bdud brtan ma dang// btsan 'gong yam shud la sogs la// rta yi rim pas bzlog par bya// lo gsum lo lnga lo bdun la// rim pas bslug zhing rta rje bya// tshar gcad las kyi rta bstan pa// ban+de bsgral na lug nag gzugs// ya rabs bsgral na byi nag ste// bud med la ni bya nag go/bon po la ni skyung ka'o// skye bo la ni pho rog ste// gang bsgrub dus su rtags byung na// dbugs kyis bskong zhing rtags byung tshe// srog gis bskang ngo zhes brjod de// de bzhin bskang ba nyid du bgyi// sgo rtags sgo khyi 'chi bar 'gyur// snying rtags phyugs ma snying reg la'o// srog rtags mi la 'ong pa ste// srog rtags nyid kyi tshe na bskang// rab dang 'bring la nges pa med// tha ma drug 'bum ban+de ste// lnga 'bum bzhi 'bum sum 'bum dang// nyis 'bum bon po rgyal po dang// skye bo bud med dag la'o// sems can rnams la phan gdags phyir// sbyar ba'i chu ni gcad pa nyon// sa phyogs bsrung pa'i sa mtshams su// mtho brgyad brtsigs pa'i dkyil nyid du// re'u tri brgyad kyi snying po brgyad// gshin rje gshed po gsal pa yis// nyi ma'i dkyil 'khor hU~M thugs las// phyogs mtshams brgyad gnas thugs las drang// bkug bstim brgyad la dbang bskur te// gtor ma mchod yon sbyar ba la// bsngo yon ldan pas bco lnga yi// nub mo rag tu mchod par bya// bsgo ste yul phyogs 'di rnams su// ser pa'i rnam pa shor rare// zhes pa'i bskul tshig gzhug la gdags// zla ba kun gyi bco lnga la// phyogs su gtor ma re res bskur// ser sprin ser ba byug ba'i tshe// nyungs kar bshur ma lag g.yas 'phang// lag pa g.yon pa sdigs mdzub ni// bsgrengs te sbrin la gtad par bya// stong pa nyid kyi ye shes las// dpal ldan ya man ta ka ni// kha dog nag po char sprin gzugs// lag g.yas thod dbyug khro bo'i phro// bdud dang ma mo zil gyis gnon// lag g.yon sdig mdzub rtse las kyang// khro bor 'phros pas ser ba bzlog/ me dpung 'bar pas sprin tshogs bsreg/ de la sngags su brjod pa na// oM kA la ru pa tsa b+hi ton sang sho sha ya// mo ha sha ma ba ya hU~M hU~M phaT/chod par ma gyur bar du bzlas// nyin re nyungs kar sgye bu la// brgya 'am stong gi bar du bzlas// thod mdas phung bar bya ba'i thabs// rtsa ba med pa'i thod pa dag/ khrag sna gsum gyis zhen pa byug/dgra yi ming rus de la bri// mi rta ra khyi'i khu ba dang// kha ser chu mig nang blugs la// bzlas pa byed pa'i dus nyid du// rdzogs pa'i mkha' dkyil thugs la 'od// rlung nag tshub ma zhon pa yis// mdog gnag kha rlangs ma mo 'phen// dkyil nas drangs te 'ongs pa las// bcol te bzlas pa byed bzhin pas// kha rlangs kha chu mang po yis// lag na sta ri thogs 'phros pas// khrag nyid gnas 'gyur ma mos gsod// dmigs te bzlas pa bya ba ni// trag rak+sha mu ta snying kha la rag mo b+h+yo// nyung kar dag la rtag tu bzlas// thun du blugs shing ma ru bsgrub// de nas sdang pa'i dgra byung na// stong rtsa brgyad du rab bzlas te// zhag gsum dag gi bar dag tu// sha tru'i khang khyim mkhar dang ni// dur mchad gdong la sogs gtor bas// skye gcod sha khrag za bar dmigs// yul phyogs dag tu gtor byas na// mi bzad nad rnams sha tru la// thig le kho nar 'byung bar 'gyur// dpyid mtha' dgun 'bring ston ra dang// dbyar ston 'bring dgun mtha' yi// tshes gcig brgyad dang bco lnga yi// nyi shu gnyis dang nyi shu dgu'i// dus su las la 'jug par bya'o// rabs rgyud rtsa ba ngas bshad kyis// nyon cig gnod 'dul lha yi gtso// ma mo bdud dang gshin rje dang// srin po bgegs dang yi dags nyid// sngon las ci las gyur pa bshad// 'das pa'i dus na sngon byung ba// rdo rje sems dpa'i bstan pa la// sngags la zhugs te dam bsrungs nas// dge tshogs phal du spyad pa las// gzhan gyis nor dang 'khor yang phrogs// srog la bab pa'i sems can de// dug gsum ma bzhin 'bar bar 'gyur// nga rgyal gtum khros dmod par por// lan chags 'chal ba'i srin por skyes// 'dir yang ma mo'i 'khor du 'gyur// sngags la zhugs te spyad pa la// ser sna chags sems ldan pa'i cha// nor gyi gnod pa por ba ni// shi nas yi dags 'dre bkren de// nor rdzas phyir ni 'brang bar 'gyur// 'di yang ma mo'i 'khor du 'gyur// sngags la zhugs te dam bsrung 'ga'// gong du sha khrag lpags 'dod de// sha khrag za zing pags pa gyon// stangs las bcad de bsad pas na// dge sdig dbang gis dmor pa por// gshin rjer skyes te khram shing thogs// gsod pa'i las ni byed par 'gyur// 'di yang ma mo'i 'khor du 'gyur// sngags zhugs dam tshig legs bsrungs te// srog gcod la sogs sgra ji bzhin// gzungs nas spyod pa'i gang zag de// phyi dus mang po 'dus nas gsod// zhe sdang dbang gis dmod pa por// nyes pa med la srog gcad pas// 'di sogs sha khrag za ba yis// ma mor gyur te tshogs su shog/ dmod pa por pa'i sems can de// ma mo bdud du gyur pa ste// dug gsum me bzhin 'bar ba yis// lus ngag yid gsum gdug par 'gyur// nga rgyal dang ni gtum khro dang// lus ni che la 'jigs mi sdug/ rno ba'i mtshon ni rab thogs te// sra ba'i go yang gon bar 'gyur// dug gi rnam pa lag na thog/ nad kyi rnam pa khyab par gtor// sha khrag srog dang dbugs la brkam// chags pa che zhing tshe ring ba// lus rtags sprul pa ci yang 'byin// 'di ni ma mo bdud du brjod// 'di yang ma mo'i 'khor du 'gyur// gsang sngags ma rtogs sgor zhugs te// ma bsgrubs dge sdig 'tshol par spyad// las kyi de rnams 'grub par 'gyur// ma mo 'khor rnams rab bshad nas// gtso bo nyid kyi las kyang bshad// 'das pa'i dus ni de nyid tshe// rdo rje sems dpa'i bstan pa la// skyes pa phra ga ti nyid dang// bud med de ba ni zhes pa// gsang sngags don rnams ma rtogs te// ji bzhin sgra bzung bsgrubs pa las// khyo kha'i rang bzhin brkam chags kyis// dam tshig nyams pas dmyal bar lhung// bud med zhi dal rang bzhin gyis// dam tshig bsrungs pas ma mo ste// bsgom zhing bsgrub pas rgyu mthun dang// rnam par smin pas 'dod khams kyi// dbang mo che ru gyur pa las// gong gi ma mo gshin rje sogs// kun gyi rje mor gyur pa de// dpal gyis bsgral bar ma spyod de// tshogs kyi rje mo la sogs pas// dbyings dang ye shes ma mo ni// sprul cing gnan te dbang bsdus nas// gsang ba'i gzungs mar bya'i mor byas// dam bsres mna' bsgags bka' bsgo bya// phyi rabs rnal 'byor bsrung mar gzhag/ces gsungs pas// lha gnod 'dul dga'i zhing tshim pas// bcom ldan 'das kyi gdong du bltas nas 'di skad ces gsol to// 'di la dad pa'i yon tan ci// de bzhin smad pa'i skyon ni gang// khyab 'jug tu ni khyod gsungs na// gza' dang sbyar ba ji lta bu// ngo mtshar lha la bdag nyan 'tshal// de skad gsol ba btab nas kyang// yang dag rdzogs kyis bka' stsal pa// ngas bshad pa yi rgyud 'di la// sngags pa gang zhig brtson ldan zhing// bya ba ma yin gnas mi byed// bstan pa phan gdags don bsgrub pa// srid pa'i rje ru gyur ba ni// sgye ba 'di nyid dngos la rdzogs// thams cad kun gyis bskur bar 'gyur/ngas gsungs pa yi rgyud 'di la/ sngags pa gang zhig yid mos pa// srid gsum dbang chen thams cad kyis// shes rab mig gis bltas pa'i tshe// yid du 'ong pa'i bu bzhin mthong// bsgo pa'i tshig rnams nges par nyan// rgyud 'di dag la rab gnas te// dam tshig gtsang mas sgrub byed na// sring mo mang ba'i ming gcig bzhin// brtse gdung rgyun du ldan par 'gyur// ngas gsungs pa yi rgyud 'di yi// ma mo'i don nyid go gyur pa na// yid bzhin nor bu rin chen bzhin// dgos 'dod 'byung bar bkur sti byed// ngas gsungs pa yi rgyud 'di ni// dam rdzas 'tshogs nas sgrub byed pa'i// drin lan gyur pa'i mi rnams la// drin lan phog rnams thams cad kyis// drin lan ldon pa ji bzhin no// ngas gsungs pa yi rgyud 'di yi// ting 'dzin gsal pas dbang bsdus nas// rgyal po chad pas gcod pa yi// bsgo pa'i tshig rnams nyan pa ltar// srid gsum dbang chen thams cad kun// chad pa'i nyes pas bran bzhin nyan// bka' lung 'di ni sang thub na// mi bzad gter gyi kha yin te// nges par rang spyod gzhan la min// de bzhin bsang thub rang spyod de// zhan la dngos grub nyams mi 'gyur// ngas gsungs pa yi rgyud 'di la/ gang zhig skur pa 'debs pa de// dam srid dmar nag bya bar skye// sha za khrol bur nges par skye// ngas gsungs pa yi rgyud 'di la// mi mos skur pa 'debs pa de// srid pa'i dam can 'di khros nas// tshe 'di nyid la smyo 'bog ste// dus med par ni sreg zad skems// ngas gsungs pa yi rgyud 'di la/ don med chal par bsgrags pa de// srid pa'i dbang can sems khros nas// gang brtsams las la tshe zad nas// mnar med dmyal bar nges par ston// thar pa'i dus med 'o dod 'bod// slan chad sdom zhes nges par smra// gshin rje'i zhags pas bzung nas kyang// nyes dmigs khram la legs btab ste// tshogs kyi rje la phul nas kyang// lhu gzugs thams cad 'brel par nges// 'phags ma byang chub sems ma ni// legs nyes stangs gcog yin pa'i phyir// nyes na tshur yang chad pa gcod// ma nyes phar la gcod par nges// mnyam na mnyam por nges par gcod// dam tshig gnyan po 'dral ba dang// bstan pa gnyan po gshig pa ni// bskul ba tsam gyis nges par gsod// nyon cig gnod 'dul lha yi gtso// 'dod khams dbang phyug ma yi rgyud// rdo rje nag mo dngos grub rgyud// sems can kun la phan gdags phyir// khyod kyis bzung ba nyid du gyis// dpal ldan nag mo 'khor bcas kyis// 'di nas 'byung ba grub par gyis// gnod 'dul lha yi rgyal po yis// yab kyi bka' ni gus par blangs// 'dod khams lha mo 'khor bcas kyis// de ltar bgyi 'o zhes kyang brjod// srid pa'i dbang chen thams cad kyang// 'dod khams dbang phyug thams cad kyis// 'phral la bde ba thob nas kyang// a li'i sgra phyung ste// tshig tu 'di skad rjod par byed// rgyal po khyod kyi bka' drin gyis// brdzun la 'chel pa rab spangs nas// dngos po'i bden pa thob par 'gyur// yang pa ma la rab gnas kyang// thar pa'i bde ba thob par gyur// de nas dpal lha mo 'dod pa khams kyi dbang phyug mas// gnod 'dul lha'i rgyal po la 'di skad ces gsol to// lha rnams nyon mongs chung ba dang// 'dod yon 'brel ba med pa'i phyir// bstan pa 'jig par mi 'gyur bas// bdag rgyud 'di ni gnang bar mdzod// lus 'phags ba longs spyod ni// sgra mi snyan na bstan med pas// de ru 'dzin par mi 'gyur gyis// 'dzam gling mi la grags bya'i phyir// bdag rgyud 'di ni bdag la gnang// zhes rjod nas// glang po che'i sna lta bur lag pa brkyang nas rgyud gus par blangs nas// 'di skad ces brjod do// gnod spyin phug tu 'dzam gling gi/ bstan pa dar ba'i ched du sba// mu stegs nag po zhes bya bas// phyis ni bstan pa 'jig par 'gyur// de ru bdag gis byin rlabs kyis// shrA sad+his 'don par 'gyur// gang du srog chags gnas ba der// las dang nyon mongs gnas par 'gyur// gang du bstan la gnas pa der// bdag gi byin gyi rlabs ni// mi 'jigs phyir na 'di gnas bgyi// zhes brjod pas// gnod 'dul la sogs pa lha tshogs thams cad kyis legs so zhes bya ba brjod pa'i rjes la// thams cad rjes su yi rang ste// de nyid ku mi snang bar gyur nas// so sor dgyes so// dpal 'dod pa khams kyis dbang phyug ma'i rgyud kyi rjes su 'byung ba'i rdo rje nag mo dngos grub thams cad legs pa'i gnas rgyud rdzogs so//// dpal ldan lha mo'i rgyud mchog 'di// gang gis rnyed pas dngos grub steng// snod ldan tshig gtsang ba dang/ 'gro don dga' zhing bstan bsrung ba// de yi lag tu 'phel bar shog/rgya gar gyi mkhan po shrI sid+ha dang// bod kyi lo ts+tsha ba bai ro tsa nas bsgyur pa'o//// rgya gar skad du de byi ka sri ma ra dzA tan+t+ra kA li/

CLOSE WINDOW