CLOSE WINDOW

Gpb049.010
བོད་ཡིག

/ ba ta ri phra ha ri tsha ka ma tri tan+t+ra na ma// bod skad du// ral nag mtshon 'khrugs kyi rgyud ces bya ba// bcom ldan 'das yab mngon rdzogs kyi rgyal po la phyag 'tshal lo// 'di skad bdag gis thos pa'i dus gcig ni// 'das pa'i dus// ma 'ongs pa'i sngon rol na// dur khrod sna tshogs pa'i gnas na// yum pad+ma shri ma dang// yab che mchog he ru ka gnyis su med pa las// zla dus bzang po smin drug sa 'og song ba'i dus// yum gyi rmi lam du// rtag gzig la bcags shing rmi nas// de nas yum la gdams pa mdzad nas// yum gyis drag po 'dul par gzigs nas// dur khrod rkeng rus la phyag g.yas pa 'jus nas// mkha' la sku shin tu brjid pa khro gtum che// rang bzhin gyi chas kyis brgyan pa// hU~M hU~M dang phaT phaT kyi sgra sgrogs pas bltams pa dang// ru tra dang nag po'i tshogs dbang du bsdus so// de'i ming ni rtse rtsegs kyi las pa ra btags so// ru tra slon pa'i rgyan cha phrog bshus nas byon// dur khrod kyi rgyan zhes su grags so// mdzad pa yang 'khor dang gdug dang shes// 'khor kun kyang zhal bgrad pa// mche ba gtsigs pa'i 'khor gyis bskor pa'o// ral nag mtshon 'khrugs kyi rgyud las// gleng gzhi'i le'u ste dang po'o// gnod 'dul lha yis yang gsol pa// mngon rdzogs yang kyi rgyal po lags// ral pa nag po ji ltar bgyi// ral pa'i grangs ni du ru nges// ral pa'i rgyan rnams ji ltar lags// ral pa'i don rtags ji ltar lags// bcangs pa'i yon tan du dang ldan// ma bcangs pa yi skyon ni gang// 'byung ba'i dus ni ji tsam na// mngon rdzogs yab la bdag nyan 'tshal// nyon cig snod 'dul pa'i sems dpa' khyod// dang po 'das pa'i dus// ma 'ongs pa'i sngon rol na// ru tra bsgral ba'i mgo bo la// ral pa nag po de la srid// de yi dbag po lnga po las// rnam lnga'i ral pa de la srid// de yi sgyu ma dmar po las// dmar po bcu bzhi de la byung// rus gos gsum brgya drug cu byung// de yi mchog ces rkang dag las// mi rigs bzhi dang klu ru srid// spyi gtsug rta mgo ljang ku ste/ de la kha dog rnam gsum dbu// de nas rigs lnga dbul brgyan// de'i mtshon rigs bzhi sbrul gyi brgyan// de nas skye la 'gron pus brgyan// gas sha spel te brgyan par bya// spyi gtsug rta mgo ljang ku ni// rta skad lan gsum khams gsum dbang du sdud pa'i rtags// dkar nag dmar gsum dbu la brgyan pa ni// dug gsum rtsad nas bcad nas kyang// rnam thar gsum dang ldan pa'i rtags// rigs lnga dbu la brgyan pa ni// nyon mongs lnga po bsal nas kyang// ye shes lnga dang sbyor ba'i rtags// rigs bzhi sbrul gyis brgyan pa ni// klu rigs bzhi dam du sdud pa'i sngags// kha dog lnga'i ral pa byung ba ni// rtag pa'i rgyal mo lnga'i 'gro don mdzad pa'i rtags// dmar po bcu bzhi byung ba ni// ye shes rje mo bcu bzhi'i 'gro don mdzad pa'i rtags// nag po dgu bcu byung ba ni// e ka dza Ti'i dbu bcu sprul nas 'gro don mdzad pa'i rtags// 'phran bu sum brgya drug cu tham par byung ba ni// pho nya sum brgya drug cu thams cad las la 'dzud pa'i rtags// phur pa'i rgyan rnams byung ba ni// thugs kyi sprul pa phyogs bcur 'gyed pa'i rtags// ral nag gnam la lan gsum g.yabs pas ni// gnam gyi lha srin dam la sdud// ral pa bar snang khams su g.yabs pas ni// bar snang gnyan gdon thams cad dbang du sdud// ral nag sa la lan gsum sbrugs pas ni// sa yi klu srin dam la sdud// ral pa kha dog rnam lnga ni// rnal 'byor sku la gsol pa'i rtags// dam pa bdag gis rgyal ba la tshangs pa'i rtags// ral pa sig sig lan gsum byas pas ni// smug nag dkar gsum las la 'dzud pa'i rtags// gom gsum gyen la nems pa yis// bdud dang po gdon zil gyis gnon pa'i rtags// gom gsum 'thur du nems pa yis// srin po mo gdon thams cad zil gyis gnon pa'i rtogs// goms gsum thur du nems pa yis// 'dre dang dam sri thams cad dbang du sdud pa'i rtags// lnga brgya dus kyi snyigs ma la// srin po gdong dmar sgra byung nas// nyan thos grong khyer dar pa'i tshe// de tshe ral nag mtshon 'khrug byung// bstan pa gnyan po de ru srung// bcangs pas yon tan du ma yi// ma mo mkha' 'gro kun kyang 'og/ ma bcangs skyon ni brjod mi lang// zhes gsungs so// ral nag mtshon 'khrugs kyi rgyud las// ral pa'i mtshan nyid bstan pa'i le'u ste gnyis pa'o//// gnod 'dul lha yis yang gsol pa// rnga yi don rnams gang lags pa// sngon rdzogs yab la bdag mnyan 'tshal// rnga yi khungs ni ji ltar lags// rnga yi rnga brdung gang la bya// rnga yi rdung thabs du ru bstan// brdungs na yon tan du dang ldan// ma brdungs pa yi skyon ni gang// nyon cig gnod 'dul sems dpa' khyod// ma trang bshas pa'i rtsib ma la// rnga'i shing de la bkug/ ma traM lpags pa dmar pos g.yog/ma trang nu ma rnal mas btsems// ma trang pho mtshan 'dreng pas brdungs// dang po rnga yi byung khu bas yin// rgyu la phyi nang gsang ba gsum// rnga shing gang dang gang gis bya// pags pa gang dang gang gis g.yogs// mdo sde'i rngas sde phyi yi rgyu/ brag dang chu 'thab bram shing smug/ spre'u gdong dmar lpags kyis g.yog/ kun la shing ste nang gi rgyu// ban d+ha ltag sprod rnga shing la// bram ze mar gyi pags kyis g.yogs// mchog chen mchog phran rkang gis brdungs// mi sring 'bod sde rkang gis brdungs// rnga la brdung thabs drug tu bstan// dpal chen po'i rnga brngung thabs dang// dur khrod ma mo bsten pa'i brdung thabs dang// spod gtong pho nya 'gyed pa'i brdung thabs dang// 'phra men seng ge gdul pa'i brdung thabs dang// chos skyong zil gyis gnon pa'i brdung thabs dang// dngos grub nye bar bya ba'i brdung thabs dang// dang po brdung bas chos kyi sku yi gsung// 'gro ba kun la snyoms par bsam// gnyis pa brdungs pas longs spyod rdzogs pa'i gsung// de nas bcom dang bskul bar bya/ brdungs pa'i yon tan du ma 'byung// sku gsung thugs rje skyobs pa dang// rigs 'dzin dbyings nas 'du pa dang// ma mo mkha' 'gro las byed rnams// sdang dgra gnod bgegs thams cad 'dul// ma brdungs rnal 'byor gral mi tshud// ming sring kun dang bral par 'gyur// sangs rgyas kun gyi byin mi 'byung// ral nag mtshon 'khrugs kyi rgyud las// phyag rgya rnga'i le'u ste gsum pa'o// gnod 'dul lha yis yang gsol pa// ral nag mtshon 'khrugs kyi rgyud rgyal 'di/gtad dang gzung ba ji ltar lags// mngon rdzogs yab la bdag gnyan 'tshal// nyon cig gnod 'dul sems dpa' khyod// 'di gzung gtad pa'i rim pa ni// gnod spyin pho rgyud mo rgyud kun// 'di la dad cing mchod par 'gyur// lha dang byang chub sems dpa' kun// 'di la gus shing mos par byed// mngon rdzogs yab la bdag nyan 'tshal// nyon cig gnod 'dul sems dpa' khyod// 'di gzungs gtad pa'i rims pa ni// ngas bstan rgyud kyi rgyal po 'di// dus gsum sangs rgyas kun la yang// thugs la gnas pa 'di las med// dgongs pa thugs kyi dkyil nas byung// bstan pa gnyan po 'bral byed tshe// de yi dus su bstan pa yin// mkha 'gro kun la gdam par bya// kun las byung bar ngas ma bstan// mtshan yang ral nag mtshon 'khrug zer// sangs rgyas rnams kyis gsungs pa yin// rgyal po rnams kyis spyi bor khur// ral nag mtshon 'khrugs kyi rgyud las// yongs su gtad pa'i le'u ste bzhi pa'o// ral nag mtshon 'khrugs kyi rgyud rdzogs so// rgya gar skad du// ka ma d+hA tu shwa ri tan tra nA ma// bod skad du// 'dod pa khams kyi dbang phyug ma'i rgyud ces bya ba// yab mngon rdzogs kyi rgyal po la phyag 'tshal lo// sngon 'das pa'i dus ma byung ba'i sngon rol na// ri rab kyi rtse g.yung drung gi gnas na// bcom ldan 'das thugs rje chen po dang ldan pa'i dpal he ru ka yis// chos thams cad thig le chen po'i tshul du nas sangs rgyas pa'i rang gi ye shes chen po// rang bzhin gyis rnam par dag pa'i thig le chen po'i tshul du ye nas mnyam zhing dbyer med de// thams cad so so ma yin pa'i rang bzhin// rang bzhin med pa'i yum gyi b+ha ga las// phyin ci log tu mngon par zhen cing log par rtog pas brtags pa'i dbang gis// srid pa thams cad yul gyi b+ha ga las shar bar mkhyen pa dang// gsang sngags log par spyad pa yis// srid pa gsum po thams cad la// dregs pas rim par dbang sgyur bar// dge ba byed pa'i bar chad bdud// nga rgyal khengs pa'i gshin rje dang// zhe sdang drag po'i ru dra dang// gti mug myos pa'i srin po rnams// sems can kun la dbang tshe ste// srid gsum ma lus rims kyis bsdus// nga rgyal dregs pa'i gzugs 'chang ba'i// gzugs phung che la 'dod pa rags// nga ro che la gtum bag can// srin po shin tu mi bsgrungs ldan// log pa'i lam du gol ba yis// phyin ci log la yid ches pas// mtshan ma'i chos la blo brtags pas// rang bzhin med pa'i don dang bral// bdag rtog log par rtogs pa'i sa// srid pa'i sa bon rtsub mos 'phangs// dmyal pa'i sdug bsngal nyams su myong// bskal pa brgyad khri bzhi stong 'khor// gal te de las 'phar nas kyang// slar yang srin po'i lus blangs nas// sring mo chen mo de la spyod// srin mo de yi mtshan nyid kyang// zhe sdang 'bar bar dngos nyid mtshungs// zhen pa'i me yis rab tu tshig/ ma mo mkha' 'gro la sogs te// cha lugs du mar bsgyur byas shing// srid gsum dug can dbang du sdud// shin tu rngam pa'i 'khor dang bcas// gsod pa'i las la 'ba' zhig grims// sha dang khrag srod la spyod// de lta bu'i srin bu dang ldan pa'i srin mo chen mo de 'dul pa'i gnas su mkhyen nas// yum gyi mkha' bde ba chen po'i klong nas thig le chen po'i tshul du bzhengs te// che ma chog he ru ka dbu nyi shu rtsa gcig// phyag bzhi bcu rtsa gnyis par sprul te// drag po'i nga ro hU~M zhes brjod do// sprul pas 'jig rten gyi khams bkang nas// srin po 'khor dang bcas pa thul bar gyur kyang// srin mo thul bar ma gyur nas// yab mngon rdzogs rgyal pos hU~M zhes brjod pas// srid pa'i ma mo'i chogs thams cad rang bzhin gyis pho rnams kyi steng du sprad pas 'gyel bar gyur te brgyal lo// 'khor thams cad brgyal bar mkhyen pa dang// srin mo nyi du sdud pa'i phyir// hU~M pany+tsa ra hU la ni lo ki ni stam pa nan// ces brjod pas rang bzhin gyis grub ma jo mo'i tshogs dang ye shes can rgyul te// a ka sha stan gting ngo// de ltar gting nas ma thul bar mkhyen nas// pany+tsa yo gi ni sa ma ya phaT// ces brjod pas// rje mo rnams yang 'byung ba lnga yi rgyal mos mnan pa dang// de'i rjes su srin mo kro d+hi shwa ri de nyid pa spu langs te bred par gyur to// de ltar mkhyen nas nyid gzhi mu kha le b+ha ga bde klong sa ma hU~M// zhes brjod pas 'byung ba lnga'i rgyal mo yab yum chen mos brdzis par gyur to// de nas srin mo kro d+hi shwa ris de mthong ba dang// shin tu sngangs nas bros to// 'dod pa'i khams la dbang sgyur zhing// srin po dang srin mo gzhan dang// gnod spyin mo la thug pa'i bar du dbang du gnas so// de nas yab mngon rdzogs kyi rgyal pos mkhyen bzhin du// nyid gzhi mu kha le sam ya s+t+waM// zhes brjod pas// yum chen mo'i zhal lnga nas he ru ka lnga 'thon par gyur te b+ha ga lnga la snyoms par 'jug pa'i byang chub sems kyi rgyud las// sbrul la tha dad dkyil 'khor tha dad dbang du bsdus pa ji ltar bzhin 'dus pa bzhin du dpal yak+sha he ru ka la sogs pa'i tshogs dpag tu med par sbrul te btul pas// 'dod pa khams kyi dbang phyug ma 'khor dang bcas pa brgyal par gyur to// de'i tshe lha gnod 'dul 'khor de nyid na gnas pa stan las langs te// mgrin pa bteg nas gdong drang por bltas te thal mo sbyar te// yab mngon rdzogs rgyal po la 'di skad ces gsol to// kye bcom ldan 'das// 'dod pa khams kyi dbang phyug ma sprul pa dang bcas pas gnas tha dad nas 'khor tha dad pa dang bcas te 'dul par gyur pa 'di thugs bskyal tu gsol// zhes zhus pa dang// de nas bcom ldan 'das kyis yum gyi gnas zhal gyi steng du byed pa po nyid snyoms par 'jug pa las// byang chub sems kyi 'od zer rgyud mi 'chad par bkye pas// yum 'dod pa khams kyi dbang phyug ma'i sgrib pa dag par gyur nas// 'khor thams cad dran pa rnyed cing bde bas tshim par gyur te// 'dod pa khams kyi dbang phyug ma nyid sprul pa dang 'khor du bcas te// bcom ldan 'das kyi zhal sngar 'dus nas 'di skad ces gsol to// de ring phan chod khyod kyi 'bangs thugs rje chen po rab bskyed la// gsang pa'i yum du bdag la sbyor// ji ltar 'di dang phyi ma yi// bka' rnams bsgos pa bsgrub pa'i phyir/gsungs pa bzhin du bdag cig bgyid// gal te de ltar ma gyur na// mgo lus snying yang 'gas gyur cig/ srin po'i chu ma srin mo gtum// smug nag kro d+hi shwa ri khyod// sgrib pa ma lus sbyang pa'i phyir// nga'i gzungs mar rab tu bya'o// phyi dus rnal 'byor pan gdags phyir// sngon dang sbrul pa'i tshul dang ni// phyis 'byung sbrul pa'o tshul smos la// rang gi srog dang dmod mo rnams// ma lus pa ru dus 'dir smos// de skad bka' gsal thos pa dang// srin mo smug nag 'khor dang bcas pas// ston pa'i bka' ni gus pas blangs// dpal chen 'bar ba'i thugs rje yis// phyag rgya bzhi yis dbang du bsdus// thabs dang shes rab rol pa las// byang chub sems kyi byin rlabs kyis// skad cig de la 'jig rten las// 'dod pa khams kyi dbang phyug ma'i rgyud las// srin mo smug nag ji ltar btul ba dang// bden pa mthong ba dang// dam bcas pa'i le'u ste dang po'o/ de nas dpal chen po he ru ka yis// bka' stsal bzhin du byas pa dang// phyi rabs rnal 'byor bskyang pa'i phyir// 'jig rten pa yi tshul bzung ste// dpal chen zhabs la phyag 'tshal nas// rang sngags srog gi snying po dang// dmod mo dus 'dir bzhengs su gsol// de nas 'dod pa khams kyi dbang phyug mas rang gi srog gi snying po phul pa// ma ma trag rak+sha snying kha rag/ tsit+ta srog dung dung dza dza hU~M// ma ma trag rag rak+sha kha mud tra snying kha rag rag+mo dun b+h+yo dza// ru lu ru lu b+h+yo// ru ru be ro hU~M ti sta ba to se/ rak+mo snying kha rag mo b+h+yo dza/ oM tsa pa la a shug me sA hA/oM tsa pa la a shug me ag+haM pra ti dza ye swA hA/ trag rak+sha ma ni du b+h+yo/ ma hA yak+sha tig sna na mo du b+h+yo/ mas sprul lha klu rgyal po dang/ srin po'i 'khor gyis bskor ba ste/ ma mo gnod sbyin mthun mong du bskor te bdag srog skyab phyir mchi'o// de dus bstan pa bsrung pa'i phyir// bdag gi srog nas bskul ba 'dis// dpa' po chen pos bzhengs su gsol// ma rak+mo thum lis snying rtsa 'dus// srog srig srig/ shaM shaM khyer b+h+yo// snying khrag rtsa srog breng breng// rbad rbad// oM dz+wa la dz+wa la hU~M phaT// ma srog tug tug/ khrag lam snying rbud// ma srog thun snying lam b+h+yo// mar ya phaT// kha thun rnir dza dza// nir mi rtsi// ni sha ku ru// nri sha skur skur dza dza// nri ra mi tsi tsa// pi tra ni dza m+b+ha la// nri nri a gu sha dza swA hA// ma ma snying khrag tshal pa dun tig ha la dun b+h+yo b+h+yo// phyi dus bskur nas 'di brjod nas// dag gis las bcol ma byas// chad pa mi zad bdag la 'byung// bdag cag dmog pa'i 'di lta bus// sems can rnams la nad 'bebs shing// srog chags rnams kyi srog gcod pa// bcom ldan 'das kyis bzhengs su gsol// ma ma rang gi snying khrag gis thum rbad// thang mu thang mu le tsit+ta rbad rbad// rtsa thang rtsa thang tsit+ta rbad rbad// mu sni muM sni tsit+ta nan nan// rak+mo ni rak+mo ni kha lo tsit+ta rbad rbad// dug sni dug sni kha lo tsit+ta rbad rbad// kyi kha lo kyi kha lo tsit+ta rbad rbad// rtsa ti rtsa ti tsit+ta rbad rbad/ ni rti ni rti tsit+ta rmugs rmugs// thum thum sub sub thub ti sta rbad rbad// kha 'das yed yed// thuM thuM rbad rbad// se kha lo mu kha lo rbad phaT swA hA// oM tad+ya thA// ru ru ba ti sh+ta// ba to si// ru ru bash+ta ban to sh+ta sung pa sti ma mA ra ya phaT// rag+mo rag+mo mA ma dun tong her ma her// padzra ka ru na rbad// snying khrag tshal pa rbad// gtums tsit+ta rbad// myogs rmugs rbad// snyang khrag kha la rbad// tshal bu se na si hU rbad// hur thums srog la ya rbad// phyi dus bdag gi lus gnan nas// 'bab cing gcad dang gdab byas na// tshangs pa'i tshe dang ldan pa yang// skad cig yud la 'gum par 'gyur// 'dod pa khams kyi gtso mo ni// 'khor dang bcas pas sngagasaphul ba// oM ku ma ra du nan// tsa shi ku ma ra ya tsun+hata khug shi khug shi// re ma ti khug nyid// kI li kI li tsa dud de kye shi mud nya de pa twad tra chum swA hA/oM she khye ru ru tsa ti sha shug me// ba ti ru tra kha sha la rag+mo hU~M// oM sha khaM mud nyid kha la yan// ru ru a shug me ka ling ka/ ru ru a shug me se ka te Ta mA ra ya// oM ru ru a shug+mem nri dza dza// snying long srog rtsa rbad rbad// khrag rtsa 'dus pa rbad// dbugs khyib khyib chod// srog breng breng// rmugs rmugs myos myos sha rbad// mA ra ya phaT// ma ma she to rus snying la yam// ni sha ku ru thuM rbad// sa ma duSh+to khrag ni rbad// na tiSh+ta sa ma ya rbad// khri g+ta ya man ti sh+ta rbad// su rag+sha rbad// pa ru na thibs// snying dum bu// srog rtsa snying pri pri rbad rbad// sod sod// ni rti ni rti rbad rbad// mA ma i to srog la phyig yam// rag+sha ma mA ru ru na rbad// hU~M mA ra ya phaT// 'dod pa khams kyi dbang phyug ma'i rgyud las/ yak+sha kro d+hi shrI nyid phyi rabs kyi don du// 'jig rten gyi lugs su sprul pa dang// 'dod pa khams kyi dbang phyug ma 'khor dang rnam par ldan pa'i tshul du sprul nas// sngags phul pa'i le'u ste gnyis pa'o// de nas 'dod pa khams gsum kyi dbab phyug mas// mngon rdzogs yab la phyag 'tshal te// phyi dus rnal 'byor don chen du/bdud dag g.yog dang gnod spyin mo// rnam bzhi rnam pa du ma sogs// dbang du bsdu ba'i dkyil 'khor gyi snying po 'di yang bzhengs su gsol// oM tad+ya thA// tra k+Sha ru po nan// mug+ti baM ru lu ru lu// pad+ma ra ti ru ti re ma ti// ru lu ru lu de ba tad ta snying la b+h+yo// oM ru lu ko hU~M me sen men nan dz+dza tsit+ta la chum// oM hU~M ma ma sti du ru du ru me// tshal pa me dz+dza snying la thib pa// rag+mo b+h+yo yag+mo b+h+yo// kha mun+t+ra pa tra trag rak+sha// ru ru 'o ru kha// ru ru ro ru mu n+t+ra// du rma ma ti ma dus b+h+yo// oM ru lu ru lu tsa pa la ma hi b+h+yo hU~M phaT// oM ta ri tri badzra yak+sha ni me ha ra ha ra i tang pi tang// gi na gi na k+sha swA hA// oM ka la ra tri yi hU~M phaT// oM ka le ka badzra yo ge ni hU~M phaT// AH tsa mun+t+ri ye hU~M phaT// tad+ya thA// trag rak+sha ru ru ro ru pa to si tsa pa la a shug me b+h+yo// ma ma prab bu i ti b+h+yo dza// kyi la ti b+h+yo dza// badzra mu ka b+h+yo dza// badzra ting ting b+h+yo dza// badzra pra ti b+h+yo dza// badzra ma ting b+h+yo dza// badzra da ri b+h+yo dza// sid+ha mu ka sa ma ya b+h+yo dza// bya kri mu ka b+h+yo dza// kri ta ma ti sha b+h+yo dza// kang ka ma ti sha b+h+yo dza// badzra ma ma tsa pa la a shug me b+h+yo dza// badzra ling ling tsa pa la b+h+yo a shug+me dza// badzra ting ting b+h+yo tsa pa la a shug dza// badzra mi li tsa sa la b+h+yo ya shug ma dza b+h+yo/ badzra tsa ri tsa sa la b+h+yo/ a shug ma dzad/ badzra ni ti ti tsa sa la b+h+yo ya shug ma dza/ badzra ku ma ri b+h+yo dza dza/badzra tsa mun+ti ba b+h+yo dza/ badzra ma li tsa pa la b+h+yo a shug ma dza// badzra rak+sha dur gri mab+h+yo dza// badzra mun ti b+h+yo dza 'dod pa khams kyi dbang phyug ma'i rgyud las// lha mo chen mo nyid 'khor dbang du bsdus pa dang ldan pa'i dkyil 'khor gyi snying po phul ba'i le'u ste gsum pa'o//// de nas yum 'dod pa'i dbang mo ches sprul pa sna tshogs su sbrul te// yab mngon rdzogs lha yi rgyal po'i zhabs la gus pa dang bcas pas spyi bos blangs te 'di skad ces gsol to// mngon rdzogs yab kyi bka' bzhin du// phyis 'byung sprul pa 'byung ba dang// de yi srog gsad 'di ltar lags// gson cig rgyal po bcom ldan 'das// gdul pa'i dbang du kha cig tu// gdol pa'i bu mor bdag sbrul nas// rgyal po'i bong bu 'tsho ba'i gam// bdud kyi rgyal po shan pa'i bu// phag rdzi byed pa de nyid kyis// 'dod pa spyad pas nal bur gyur// dur khrod klong du gab pa'i tshe// zla ba gsum na nal bu smin// mgo sprugs sha rus bdag gis 'tshal// slud bud nad kyi rkyal pa bgyis// de yi srog gsod dam pa 'dis// phyi rabs rnal 'byor don ched du// bcom ldan 'das kyi spyan sngar brjod// tad+ya thA// ru ru bo hU ti sh+ta ba to si// snying kha rag snying snying kha ra snye// ma rag shwa ma rag shwa// dza dza tingating swA hA// tad+ya thA// ma ma tsi mo tsi ti hU~M// ti ma dz+wa dz+wa swA hA// ma snying sha rak+mo ma tang thum rbad// ma ma snying rtsa srog la thum thum// sha rbad ma myos grug tsa ra ling// sha snying rbad thuM ri li li lang to rbad// snying to rbad// hU~M mar ra ya phaT// gong ma lta bu'i sprul pa ste// rgyal khams gzhan gyis tshor ba dang// bdag nyid shin tu gnong pa yis// bong zhon rgya mtsho'i gting phyin pas// mi 'gro phyin ci log pa ste mi btub ral gri nyid kyis brgyab// de dus srog dang gsad pa 'di// phyi rabs rnal 'byor don ched du// bcom ldan 'das kyi spyan sngar brjod// mo ha sa ma ya dza dza// 'di rnams pri zhing dgod pa'o// oM spyi ti kha la ma snying kha rag ma dza dza// oM badzra rag+sha ma snyig kha rag+ma dzA dzA// oM rag+mo rag+sha ma snying kha rak+mo dzA dzA// oM rak+sha rag k+Sha dza dza// ma ma tra ga rak+sha e khaM ru lu ru lu// oM hU~M trag rag k+sha mun tra kha mun+t+ra rak+mo dzA dzA// te khum kha la mu ti b+h+yo// trag rag+sha mu tra snying kha rag rbad// chu thu mas ri li li b+h+yo// ma ma rA dza ya thun b+h+yo// trag rak+sha mu tra ru lu ru lu ra k+mo tsa tsa kha lam bruM// traag rak+sha mu tra ru lu ru lu b+h+yo// snying kha rag b+h+yo// ru lu kha raM shag shag ti sta rbad thaM ri li li b+h+yo// ni shud ti sta rbad bruM// trag rag+sha ma mu tra ru lu ru lu bruM// shrI many+dzu tib+ha tsakra hU~M// dbang dang phra phob gcig swA hA// snying khar rbad rbad dzA dzA// ma mo snying du na la srog rtsa b+h+yo// d+har ma ra dza b+h+yo b+h+yo// ru tra thuM thuM dzA dzA// trag khang mu tra b+h+yo ru lu he lo a li tsi dun ma b+h+yo ru lu// he mo ya b+h+yo ru lu// ya ma shag ka khro ta ya b+h+yo ru lu// snying kha rag snying kha rag/ srog thun b+h+yo ru lu// ma b+h+yo sring b+h+yo// thun b+h+yo badzra snying mgo b+h+yo// til kha za bu la dan ting rbad// yu na dan+ti rbad// dar ma dam rbad// thib rngam rbad// sha khug tig sha rbad// tshal pa dum khri khri ti rbad// rmar na ni rbad// shag+ti shag+ti rbad// rban rban tra tha rbad// dum bu dum bu tshal pa rbad/ rag sha rag+sha bu tra rbad// snying gnas srog tsa rbad// tshal pa tshal pa ti ni rbad// baM ril dum bu tib+ta tsakra rbad/ shi tsa ma du dum ling// chub thum ling// gug thum rbad// sha rbad gug tsar ling// rmugs rbad// myo tshar ling// ma ma rag+sha ru rbad// dur khrod brgyad la khyab par gnas// gnod spyin dra ba can nyid dang// ri brag thams cad khyab pa yi// gnod spyin nag mo zhes bya ba'i// de gnyis bu mor bdag sprul te// mdzes sdug ldan par gnas pa'i tshe// bdud ni dmar mo zhes bya ba// lag na slong mo'i 'phreng ba thogs// khros na sol dum gcod pa bzhin// ma khros shin tu mdzes dang ldan// brag phug mdangs dgar bdag gnas la// de byung bdag la byi byas pas// nal bu lto ru zhugs nas kyang// pha ma nyid la ngo tsha nas// de nyid du ni zla drug nyal// rma bya'i thul pa bdag la bskon// ma dros dred dang re lde yang gon// kho dang mdzes pa'i shod d+he'u ni// bdag gi mchan khung sbas te gzhag/ shin tu bzar med ltogs pa las// nal bu skyes pa bshas nas zos// kho yi lag cha phrogs pa ni// bdud kyi khram bam g.yas su thogs// nal bu lpags pa bcos pa ni// nad kyi rkyal pa de nas byas// bdud rta nag po rkang gsum ni// kho la brkus nas zhon pa'o// gnod spyin gdug mo'i mang la khrag dang// bdud kyi mthe bong rdo phrad khrag/ nal bu skyes bu'i lte khrag gsum// nad kyi ngo bor blud nas sbyar// de dus bdag gi srog la sogs// dmod mo phyir ram dam can phyir// mngon rdzogs lha yi sbyan sngar brjod// mA ma shwa shwa ru khrag ma dung d+hi// tsit+ta dgra bo'i snying la thun thun// 'ub 'ub ril ma snying la ril// trag rak+sha ru khrag snying la dza dza// ru ru ni ti sta rbad// tri tri hru+iM hriM mA mA// ru khrag ma duM b+h+yo// ru khrag ma dur hring ma rbad// thum ril ni tsa khug/ ni tsa drongs// sa ma ya du du yaM// ma shaM ni tsa pa lha mo ya// ma shaM ni tsa pa lha mo ya// ma du rma b+h+yo ma dung b+h+yo// rag+mo yaM yaM// dgra la yaM yaM// kha mun tra pa tra tra rag+sha ri khrag du nga b+h+yo// bdag gi sprul pa gnam cig ni// 'dzam gling lho phyogs bzung ba ni// phug lung nag po zhes bya ba// byang phyogs nub dang lho nyid dang// shar gyi phyogs kyi ri brag dbyibs// gser gyi rdo rje rin chen 'bar// 'grigs dang spungs pa 'dra ba dang// gser gyi seng ge glang rin chen// 'grigs dang mgo bo 'dra pa'o// me long yab pa'i rgya 'dra'i dbus// gser gyi mchod rten brtsegs pa'i brag/ de yi steng du mkhar byung ba// bse mkhar smug po ldems se ldems// dar thog skya mo yal te yal// zur ni mchong zur smug po la// sgo ni dung sgo dkar po khrigs// rmang ni lcags rmang nag po ste// gru gsum 'bar pa'i dkyil 'khor du// yab ni mngon rdzogs rgyal po dang// yum ni 'dod pa'i dbang ma nyid// yab kyi sras su bdag 'khrungs pa// spyor ba'i lhums su zhugs pa las// zhag gsum dro dang bzhi pa la// khrag gi grod pa gcig tu byung// grod la gong ma'i tshad du bcas// grod pa 'gul zhing g.yo pa las// kha phye khrag sgong gsum du byung// brtol pas bud med gsum srid du// pho mo nag mo'i thod pas blugs// sku smad stag la lcags kyu bsnams// nu ma g.yas su bkal pa'o// 'bring mo bu 'dra g.yon du bkal// 'gugs pa'i g.yab mo lag na thogs// tha chungs bu 'dra sder mo nyid// khrag las byas te byung pa'o// lag na srog gcod spu gri 'dzin// gsang ba'i ma mo gsung zhes bya// dngos su de gsum bdag gis sprul// yid kyis sprul pa'i spun gsum la// yang sprul rnam pa gsum ma byung na// lcags kyi spyang mo zangs kyi wa// dung gi khyi mo gsum byung ste// sder mo thams cad khrag las byas// gsang ba'i pho nya rnam pa gsum// phyi dus gsang sngags bsnubs pa dang// dam tshig gnyan po 'dral ba rnams// ring por mi thogs bsgral ba'i phyi// sprul pa yang sbrul ngan sngags 'di// bcom ldan 'das kyi spyan sngar brjod// brla shar ma ti grim grim// sha ma ra ti thul thul// myogs myogs// yed yed// sha ra ma ti gug ling myos ling// sha ling ling// tsa mun ta b+h+yo thuM thuM// myos myos shig shig/tsit+ta baM shig/ tsit+ta baM myog/ mug ti ro rgyob// tsit+ta baM phung chuM shod// thum gug liM liM thuM loM yer yer/ ru ru shag+ti kri du sod// srog thuM mugs sod// ma rag tu rbad ya sod// kha rug sha sha mo sod// srog thuM ni rbad sod// nri ya nri ya tsa thun sod// sha rgyud snying phyung// snying rgyud srog chod// srog rgyud dbugs long// ma ma thum thuM sod sod// rar ti rbad ya// ba ya du ru rbad yA// chuM chuM nri ma tsa rbad yA/ shag pa du ru ya chem chem// rbad ya rbad bu rbad bu ru shag rbad ya// ra ka thuM mug rbad ya// ru ru ri ta re ma ti rbad ya// ba ku ru ma sha ti rbad ya// ba ku ru ma ra sha ta ri sha ti rbad ya// shrI mA ma ra du rbad ya// rgya gar rdo rje gdan drug rgyab// lung phug nag po zhes bya'i yul// bse mkhar smug po'i nang shed na// gru gsum smug nag 'bar ba'i steng// dpal chen bud+d+ha he ru ka/ yum chen 'dod pa'i dbang mor sbyor// zhag gsum dro'i dus tshon na// khrag gi grod pa gcig tu srid// zhag gsum grod las btsas pa las// grod pa gul gul shig shig byed// kha phye bud med gcig byung ba// nag mo ral pa gcig tu 'khyil// brang na nu gcig kha so gcig/dpral na mig gcig stag dang 'dra// bdag sprul de yi ma la brjod// kye kye ma mo chen mo yis// bdag la ming gi dbang gis bskur// las dang dbang zas kyi bskal pa'ang gsol// ma yis yab la zhus pa dang// mi dbang lha mo nag mor btags// las su nyams pa'i srog gcod bskos// zas su nyams pa'i sha khrag byin// yum gyis mnan te dbang bskur ba// nag mo phung byed nyams pa'i gshed// yab kyis ming mtshan de ru bskyar// bskul ba tsam gyi dam nyams sgrol// phyi dus gsang sngags gnyan pa'i phyir// nag mo dam nyams gshed sprul te// srog sngags gsad pa'i dmod mo 'di// mngon rdzogs yab kyi spyan sngar brjod/ ru ru du du mA ma ru ru du du mA me// baM kha shag baM kha shag/ mA ma tsit+ta rbad// mA mA tsit+ta rbad tsit+ta tsit+ta mA mA yer yer// kha thuM rbad// kha thuM rbad// ma ma kha taM tig sta rbad// tig sna rbad mug mug dag sha mug mug/ rbad rbad srog rbad// khaM khaM rbad ril srog chum// ni tsi na tsa khrod khrod sha la rbad srog la thuM ma ma sa tsig tsig srog la yaM yams// da du ma ma dmar mda' sha khug/du sha ma ma baM drol// du ti mam snying phyung// sa ma ya srog chod// du shaM du ya// ma ma ti ti ma du ya// sha sa ma ma rbad pu yA yA// ni ni b+h+yo b+h+yo sod sod// ma du ya ma du ya// tshal pa rbad yed yed// sha thuM sha thuM rbad// tsa tur ma ma tur rbad// sha thuM ma ya b+h+yo// tsa thuM ma bzlog/ dzaHhU~M baM ho// shag ma dun ting// shag ma dun ting shag ma du ya// tsit+ta ma ma yair yer// thul thul tsit+ta drongs// sa ma ya dun dun ti ti// ru ru rag+mo ma shaM ni tsa pa la lha mo ya// ma duM hring yag tu ma dza dza// ma ma sa ma ya ti thog ma ma sag sag/ tshil ma 'ur 'ur// sag la ma ti yaM// thug mA mA shig shig/ btsan gu lu gu lu// ma ma tig tig/ btsan ma ma sha la rak+sha rag/btsan ma ma// btsan ma ma yab du dgra la phod phod// ra tsi ra tsi chuM b+h+yo// du ti ma ma dri thun// nA ga mA ma shi b+h+yo// tsa sha tsi shu thag thug/ sa phod phod mA ma sag sag/ klu gdug kyig kyig/ baM shig mA ma ru sha nyog nyog/nA ga pa shag thuM yag/ tsam tsam ku ru ku ru// mA ma thuM ri li li// ra tsa yi gug gug// ra tsa yi yu nyog nyog/ ma ma kha sa ya ya nyog nyog/ ma ma kha sa thu thul sha// sa ra gung gung nyil nyil ma ma ra tsa pug thod thod// ra tsa ya thuM ril ril// thig thig mA ma sha la rbad rbad// ya ma dza thuM ya ma dza rbad// ru ru rag+mo kha thuM// rum rum shag mA ra ta grol// tsit+ta ma ma thuM sod sod// baM rol ma ma tsit+ta drongs// tsit+ta tsit+ta ma thuM rbad// yaM ril khug tsa thun mA ra ya rbad// b+h+yo tshal pa nig nig/ sod sod ril ril/ yag+sha ma ma du ru du ru rbad// tsa thun mA ra ya than sod// shag thun mA ra ya thun rbad// ru ru rag+mo ma ra ya thun sod// ma ma mu g+ti gri na thun song// ma ma sha thun tri thun sod// ma ma rbad thun mA ra ya thun sod// shag shag rag+mo thun mugs shag sod// ma ni rag tu chuM// ma ni rag tu chuM// ma sha srog la b+h+yo thibs// ni tsa ni tsa srogs// ma ma grogs// ma ma zungs zungs// he he haM// ma ma sa ma ya sho ra re// ma ma sa ma ya b+h+yo// ma ma sa ma ya thuM// ni tsa ma la shag/ yag tu rbad b+h+yo// ma ma kha thuM ma la gtad do// shag shag pra ma shud to shag/ mug ti bi mug ti shag/ ma ma ra ti ru ti re ma ti ya ya// oM badzra kI li kI la ya hU~M dza// bruM bu sha bi shud+d+he// trig trig ma du sha dza dza// b+h+yo thuM ril sod// re'u tri re'u tri ma du sha dza dza// ma ma hri hri a ru nan shi ti rbad// yug ti a ru nan shi du ri ya rbad// li yu ma a ru nan ri ya rbad// shig tri shig tri a ru nan to ya rbad// tsa ma du bya li kha a ru nan ga ru rbad// nag mo kha rag zla za ma// ma kha sha b+h+yo// snying ma ma sha la rbad// snying ma ma srog dum bu kha la rbad// shag shag mA ma srog rbad pu rbad pu b+h+yo// ma ma tse b+h+yo thuM sod// srog thun srog thun// thu luM thu luM tsit+ta ma sod// srog kha d+harma ma sha tsit+ta ma sod/ srog thuM thuM yer yer sod sod// srog thu muM thu luM// kha ra tse sod sod// a la raM raM shag sod// ri li ri li sod// ma ma thun mahA nag mo kha so kha b+h+yo// snying za ma ye re ye re srog rbad// kha ni ka li ni mu thuM sod// ban de srog khaM khaM ri li li sod// a mo ka shag a mo ka shag baM// kha kha phye ma ra ya sod// srog sha thuM srog sha thuM sod// mug mug sod// ma sha bya ma sha b+h+yo long mug mug sod mug mug srog sha thun b+h+yo// srog ma ma chod ya khyer ya// ru ru rag+mo dgra bo'i snying la ma ra ya// rtsa thang rtsa thang// thang mu le thang mu le srog rbad rbad// e tsa ra e tsa ra// dgra bo'i tsit+ta mA ra ya// tsa thang tsa nga// thang mu le thang mu le srog rtsa rbad rbad// da ni dun ring du la ya badzra dgra bo'i tsit+ta ma ra ya// rtsa thang rtsa thang thang mu le thang mu le srog rtsa rbad rbad// da ru tsa na ha na badzra// sha tu tsit+ta mA ra ya// thang rtsa thang thang mu le thang mu le srog rbad rbad// da ru tsa na ha na r+dz+ra// sha tu tsit+ta mA ra ya// rtsa thang rtsa thang thang mu le thang mu le srog rtsa rbad rbad// ma ra thig ma ra thig sha ru tsit+ta mA ra ya// rtsa thang rtsa thang thang mu le thang mu le srog rtsa rbad rbad/ kyi ma srog kyi ma tsa sha tu'i tsat+ti mA ra ya// rtsa thang rtsa thang thang mu le thang mu le srog rtsa rbad rbad// kI li ni kha rag sha tu'i tsit+ta mA ra ya// rtsa thang rtsa thang thang mu le thang mu le srog rtsa rbad rbad// ma ra thig ma ra thig sha tu'i tsit+ta mA ra ya// rtsa thang rtsa thang thang mu le thang mu le srog rtsa rbad rbad// ma ma sha ru'i tsit+ta mA ra ya// rtsa thang rtsa thang// thang mu le thang mu le srog rtsa rbad rbad// sha khaM sha khaM ma ma srog tsit+ta tsit+ta rbad rbad// snying tsit+ta dum bu kha li kha li rbad rbad// srog rbad pu rbad pu du ri ma du yag pa rbad// khrag ti sna garba ba ma sha yaM// ba ya subs subs rbad// srog di ti ta yaM ba dum pu ra te ru te rbad// sha tsit+ta srog dum bu kha la yag+sha rbad// rbad rbad kha li dum bu srog rbad ma du ma ma du ya rbad// ces brdeg go// 'dzam gling bya rgod phung po'i g.yas// zor thang skya mo'i dkyil nyid na// brag dmar g.yen tsha'i yang thog na// e ka dza ti 'dod rgyal gnas// rgya skyegs 'dra ba'i brag phug la// yab cig gshin rje 'dod rgyal gnas// gshin rje ral gcig gis gsigs pa dang// ral gcig de la bka' bsgo ba// pho mor gyur pa 'u cag gnyis// 'dod chags spya pa'i dus la bab// ral gcig 'dod pa'i rgyal mos gsol// mi sman 'u cag gnyis las ni// srig gsum phung byed gdug byed ma// 'khrung phyir de skad ma gsung zhig/ de skad zhus pas ma gnang ste// chags pa'i rgyud cig spyad pa'i tshe// phyi dus bstan pa bsrungs pa'i ched// bdag kyang de ru sprul phyir bzhugs// zla ba bdun gyi nam phyed na// ma yi lhums nas 'thon pa ni// kha med mig med dpung bug po// ma nyid yi chad 'phongs su por// gnyid log rmi nas sngags te sad// bdag gi mtshan nyid mas mthong ba// mig ni nyi ma'i zer bas tsha// mche ba zla tshes 'dra bas gtams// lag na gsod pa'i mtshon cha thogs// de tshe bdag gis ma la brjod// kye bdag ni tshe srog bdag mo lags// ma ma zas skom ci la bgyi// ma yis lan blan 'chis pa yis// kha nas ngan sngags char du sgrogs// gzugs med sod chod zer ba yi// sems can zhon pa cig tu mthong// bred nas ma yis bdag la smras// bu yi lus su srog gcod gyis// bu yi zas du dam nyams sgrol// bu yi skom du srid khrag 'thung// de skad zer ba khums pa'i tshe// bdag gis slar la gsol ba ni// nub re srod dang nam gung la// dam nyams brgya yi sha khrag bza'o// bdag gi cha lugs mthong ba yis// rogs mo bred nas srog kyang smras// bdud sprul bred nas srog smras pa// phyi dus rnal 'byor don chen du// mngon rdzogs yab la de rnams dbul// ru ru shad shad khaM khaM// ma ma truM truM// sha sha ma ma kha thaM// tsit+ta tsit+ta rbad rbad// ril ril thuM ri li li sod sod// du nashag pa tsi khrag kha nas phud// dun shag pa tsi khrag nad du dril ni ri ti du na ya tshar bu gser// chu dril thuM b+h+yo// sha thun kha kha// kha thun mugs// srog thun rbad// tsa thun rag thun a shug yaM// rak+mo rak+mo ru ru hU~M// tiSh+ta rbad yaM// shaM shaM bdud phrug srog lus phrol// dza hU~M baM ho raM raM dza thun rag thun a shug yaM// rak+mo ru ru hU~M// ti sta rbad yaM// shaM shaM nag mo srog lus khrol// dud thun ma dang b+h+yo kun ma b+h+yo// ra ma bu b+h+yo// shaM shaM ma b+h+yo// mA ma khrag du mA ma khrag tu// ni sha yaM// mi khrag thun// shi mA ra ya b+h+yo// kha rag rak+sho ru khrag nyog/ pa tsa shig pa tsa pa tsa shig/ chings sdoms sa ma ya// thuM thuM ril khug daM daM rig du thuM ril ma ma rig du thuM ri la// yang cig bdag gi sprul pa ni// 'dzam gling pa ra g.yu lung na// nal gyi sdong chen bya ba'i shing// rtsa ba 'dod chags mtsho ru khol// rtse mo zhe sdang me ru 'bar// lo ma gti mug mun pa gtibs// shu nang rgyal brag tu btags// khong na phrag dog tshub mar 'tshub// nag po bkrag med zhe sdang can// kha 'dar mgo dgu 'dod chags mtsho// gnas pa zha sdang can gyis mthong// chags skyes 'dod chags can la smras// bskal pa brgya ru 'dod pas phrad// chags pa spyad pa'i dus la bab// zhe sdang bdag la slar smras pa// kha rag nag po ci zer na// 'dod chags zhe sdang 'dul ba las// srid gsum phung byed bu 'ong na// 'dzer la khros chags yid kyis sbyar// sangs rgyas bstan pa bsrung ba'i phyir// de dus sbrul phyir bdag kyang bzhugs// nyon mongs 'dus pa'i bu spun gsum// zla ba gsum na nges par skye// sol ba'i sgong chags med dang// khrag gi grod pa kha med dang// dug gi rkyal pa srubs med gsum// rang bzhin gcig pa'i spun gsum yin// srid gsum dbang du sdud pa'i phyir// sol ba'i sgo nga gnam du spar// dug gi rkyal pa sa la 'dzul// khrag gi grod pa bar snang 'phyo// pha dang ma yang bzang pa dang// btsa' pa'i skabs kyang ma rnyed de// steng 'og bar snang gsum du phung// pha ma gnyis kyang zos la khad// pha ma gnyis kyis dmod pa bor// bu skyes dgra ru song ba 'di// gzung du ma btub btsar ma btub// mthu chen dbang ni btsam pa gcig/ bar snang mkha' nas yas shog la// 'di gsum gnyen por nges par shog/ sngon du thugs kyis dam stsal pa'i// mngon rdzogs yab ni khyod nyid gshags// 'dul pa'i dbang du dgongs nas kyang// snod gsum rdul bas spun gsum byung// pho mo sol ba'i bud med ni// nag mo mgo dgu sol sbrul gyis// rkang lag sol ba'i gshog pa can// yab kyi ban+d+ha g.yon pa nas// bdud rtsi g.yang du blugs nas kyang// sug pa g.yas par rdo rje gnang// gsang sngags smod pa'i sems can la// gnam gyi ye bdud dbang yang bskur// ming dbang gnas kyi ye bdar mo// 'bring ma 'dod chags khrag gi mi// khrag gi ral pa gting zab can// zangs kyi kye le'u gdong drug nyon// de la dbang gsum bskur nas kyang// gying dbang bar snang glog ma srin// tha chung dug gi bud med la// dug sbrul mgo bdun gshog pa can// sder mo lcags kyi sder mo la// kha nas dug gi skyags pa skyug/ lcags kyi rkang ka mgo 'phyangs zhon// dbang gsum bskur nas ming btags pa// sa yi phung byed ma zhes btags// rang bzhin gcig pa'i spun gsum gyis// snying po mdongs gsol phul ba ni// du ni du ni ting da la ya dza// da ru dza la ni ha na dz+wa// du ma ra ha te b+h+yo dza// da ra tsa sa ma ya dz+wa dz+wa// e sa la ma du laM dz+wa dz+wa// dza ra ya pra ti du ba ya dzA dzA/ hU~M du ri pra pa ya shag/ hU~M mA ra ya thuM ril shag shag/ma hA ri du na shag/ du ba ling tshal sa dzA/ hU~M ru hU~M ru shag/ tshal pa dz+wa dz+wa pra ma ku ti pra ma ku ti pra ma mu ting// hed ni shag/ krang ka ni// dur ni mi tsi gi phaT// sha tsi ri na// tsa ha ri ni// tsa ha ri hed// ma du ri du shag her ni shag/ ku la du// ma her ma her// her ma thuM ril// mug+ta shag mug ta shag/ du na du na// mug ta mug ta// tshal pa tshal pa// oM tser ma ma hUr bu hUr bu// bu pra ma ku ting hed hed// shig tshal pa b+h+yo// tshal pa b+h+yo// her ni ku la ma dun yang// du n+ti dun ting// du na du na// mag+ta shag/ 'dod pa khams kyi dbang phyug ma'i rgyud las// lha mo chen mo nyid sna tshogs su sprul te// gdug pa can gyi don mdzad pa dang// phyi rabs kyi rnal 'byor pa'i don du gsang sngags snying gi snying po dang// dmod mo du ma bcom ldan 'das la phul pa'i le'u ste bzhi pa'o//// de nas bcom ldan 'das kyis 'dod pa khams kyi dbang phyug ma la gzigs te// 'di skad ces bka' stsal to// lha mo chen mo legs so legs// bstan pa bsrung pa'i don ched du// snying po du ma smras pa legs// phyis 'byung gshin rje bdud dang ni// pho yi 'khor gyi snying po smros// de nas lha mo chen mo 'dod pa khams kyi dbang phyug mas// bcom ldan 'das la lan du mar bskor pa byas te 'di skad ces gsol to// bdag la 'khor na ma mo ni// nag mo dmar mo ser mo'i tshogs// dkar mo'i tshogs dang smug mo'i tshogs// de la gyig yang rnam pa lnga// ya bdud yaM shud dmar po dang// khu le lag dgu shel ging dang// yar ya shod kyi skye to re// de yi snying po dril pa 'di// mngon rdzogs yab kyi spyan sngar brjod// bdud tri na ra zung// ya tri ni ra zung// chuM shig ya ni ra zung// dan tri sho ma tri dan dz+wa dz+wa// re'u tri re'u tri dz+wa dz+wa// ma ti dza dza/ ya ya thib thib// yab cig gshin rje'i rgyal por sbrul// de yi dus kyi btsun mo bdag/ bdag la skyes pa'i gshin rje ste// de rnams snying po brjod par bya// oM a kro te ka shrI many+dzu ya mAn ta ka dza dza// ya ma radzas twa me snying la thig/ya ma rA dza mug to me yaM snying la stig ya ma rA dza snying to me yaM dbugs la thuM// ya ma rA dza phung to me yaM lus thuM// nag mo re ma ti dgra bo la dza dza// yag+sha nag po tsab tsab// ma b+h+yo ru ru snying rbad// thuM ril kha thuM ma b+h+yo// srog mA ra ya rbad// thuM kha thun rbad// ril ril yaM yaM snying la yaM// sha pa ri khaM khaM// tri ma kha thun yaM// gaM pu pu rna shag/ dgra la yaM// gug thuM b+h+yo// long sod// dgra bo ma ra ya sod b+h+yo long// snying la mi ti ru ru ti sta rbad// sod ril yaM// ra te ru te ya shi ti b+h+yo// ra ti ru ti khram pa ti b+h+yo// shar pa shar pa tsig tsig yaM yaM// du tri pa tri skor ba khaM rbad// ya ti bskor pa rbad// 'dzam gling phung phung nag po na// bdud ni nag po ral gcig dang// bdag nyid nag mo ral gcig sprul// de gnyis sbyor bas bu gsum skyes// khal rgyal dang ni gdug byed dang// gsod byed nag po bdud phrug gsum// shan ti rA dza ra ma 'jam nas// sbrul gsum ngan sngags gsum bgyid pa// bcom ldan 'das kyi sbyan sngar brjod// sha la thun cig/ khrag la thun cig/ snying la thun cig/ srog la thun cig/ sha la gug thuM rbad// thuM ril yaM rbad b+h+yo// snying la thuM tsit+ta baM log/ thuM ril baM rbad b+h+yo// srog la thuM rbad// kha ril yaM rbad mA ra ya b+h+yo// 'dod pa khams kyi dbang phyug ma'i rgyud las// lha mo chen mo nyid kyi 'khor bdud dang// gshin rje dang// bdud kyi ngan sngags bcom ldan 'das la dngos su phul ba'i le'u ste lnga pa'o// de nas yum 'dod pa khamasakyi dbang phyug mas// bcom ldan 'das kyi zhabs la spyi bos phyag 'tshal te// yag+sha kro d+hi shwa ri'i cha lugs bzung nas// g.yon phyogs su gnas te// gar byed cing dam du 'khyud pa dang// 'tshir ba dang// 'o byed pa dang// ling ka la rol par byed cig chad du brjod pa 'di brjod do// e e ma'o thugs rje'i bdag/bdag dang bsod nams skal bar ldan// snyoms 'jug dbang gis mya ngan 'das// phyi dus bstan pa bsrung pa'i phyir// 'das dag ma 'das tshul bzung nas// lha srin sde brgyad dbang bsdus te// srid gsum nyam chung bde sbyin zhing// bstan pa 'jig pa bsgral par bgyi'o// zhes brjod de// bde ba dang ldan nas// rang gis mthong ba'i don la ma yengs par rtog go// de nas bcom ldan 'das he ru kas// rdo rje gsang las hU~M dkar gcig/ dgyes pa 'phro 'dus b+ha gar thim// gsang pa rgyas pas 'jig rten khams// rak+ta chags pa g.yos par 'gyur// dbang gi rdo rjer gyur pa rnams// rtsa pa bteg ste yid g.yos nas// kun nas g.yung drung gnas su 'dus// thams cad spyi dpal yab yum la// nag mo la sogs 'dod khams kyis// lha srin sde brgyad yag shar 'dus// yum chen spyan bsdangs yab la skul// yab kyis gnod 'dul lha la gzigs// gnod 'dul stan las rab langs nas// bskor ba brgya phrag stong du byas// gus pa'i tshul gyis rab btud de// mdun du pus btsugs thal sbyar nas// bcom ldan 'das la 'di skad gsol// yab kyi dgongs pa ji lta bu// nyon cig yab kyi bka' stsal 'tshal// ma mo kun gyigatso mo ste// rdo rje las kyi rgyal mtsho ma// dur khrod bdag la gdog rings che// gshin rje las la rdzogs pa mo// bdud kyi lcam cig gshin rje'i yum// nad kyi bdag mo rims kyi rkyen// 'di bsgrub dang po lha nyid de// bar du klu gnod gshin rje nye// tha ma bdud dang ma mo nye// mchog tu grub na 'phags pa 'ang dges// ra sa ya'i bdag mo ste// ma mo'i nang na bsgrub par sla// de phyir 'di yi sgrub pa'i thabs// 'jig rten mi la sman glad du// nyag gcig yab la bdag nyan 'tshal// nyag gcig yab kyis bka' stsal pa// dben la gnyan zhing nyams dga' bar// gtor ma rdzas dang ldan pa la// rak+ta ra sa ya nar ldan// gu gul dud pa rgyun mi gcad// dmar gyi gtor ma mnyes par sbyin// dang por nye bar byas nas ni// de nas bsgrub pa rab tu bya'o// rabs chad nag po'i thod pa ru// tsit+ta dang ni rak+ka dang// btsan dug rnams ni blugs par bya// bod pa rbad pa gsad pa'i sngags// bdun 'bum grangs ni tshang 'gyur na// khrag ni gnod pa del gtong// gdung dbyangs snyan pas bskul pa ni// ma mo ma cig yak+sha dam can mo// stong gsum rgyu zhing sprul pas 'gengs pa mo// srid gsum sbyor bas sdud pas ma cig khyod kyi mthu// khams gsum thams cad sgrol ba ma cig khyod kyi mthu/ snang srid g.yo zhing bskyod pa ma cig khyod kyi mthu// nad kyi skal pa gtong ba ma cig khyod kyi mthu// snyigs ma lnga yi rtags 'byin ma cig khyod kyi mthu// tshub nag stong du 'khyil ba ma cig khyod kyi mthu// dred mo stong du rdzu ba ma cig khyod kyi mthu// mon mo stong du rdzu ba ma cig khyod kyi mthu// gang du rbad nas zung zhig byas pa de yi// mgo chod phor par bya yis khyer la shog/tsit+ta zhal khaM bya yis khyer la shog/ pags bshus gos su bgo yis khyer la shog/ mtshal pa'i snod du bya yi sa la mar bskus// nag mo chen mo smra 'bar na// 'bar ma gshin rje srog byed ma// mthing nag chen mo sre sprin mdog/ sku stong nyi ma 'bum gyis brgyan// sku smad zla ba 'bum gyis brgyan// sku stod glang chen ko rlon gsol// sku smad re lde nag pos bres// nyams pa sgrol ba'i shan pa mo// rag ra khro mo kun gyi rje// thod pas 'bru mar 'dril zhing rgyug/ lcags kyi dre dgod shar rar// nag mo 'bum gyi dbus na 'gying// snying zan tsit+ta'i klong na bzhugs// tsit+ta'i klong na me 'bar ma// 'thor byed rlung gi rgyal mo ste// nag mo rlung zhon yid kyi 'gro// 'thor byed rlung gi go cog can// rak+sha gtum po be con bsnams// dmar gyi gtor ma 'do long la// bdag gis las bcol grub par gyis// zhes bya ba ni nag mo be con gyi bsgrub pa'o// brag dmar chol zangs 'dra ba'am// rang nyid nyal kha dben par bsgrub// snying po dmar dang 'chi skyen rnams// nri shun thig ler sbyar te bcang/ thig le dkar nag rdzas rnams la// snying po thig le stong dang ni// tshom bu stong du rab ti bzlas// maM sa rnam lnga rak+ta dang// mi dbang rnam 'bras bu sogs// sbyar pa'i gtor ma arga dang// a mr-i ta ru sbyar ba bsham// snying thig rbad tig srog tig rnams// tshom bu stong dang thig le stong// stong gi thig chad thig le'u nang// bkug ste dbang bsdu bse bsgo bya// tad+ya thA// trag rak+sha ru ru ro ru ba do si tsa pa la a shu g+me b+h+yo dza hU~M baM ho ru lu ru lu b+h+yo// a ti tha yo gi nan// sa ma ya a ti Sh+tha ba ling b+hun dzanu// sa ma ya pa la yanu// ma ma rak+shun// sha tu b+ha k+Sha ya nu// ri puM ma ra yanu// hU~M dza hri hU~M phaT// ba lin rgyun dang tshom bur sbyin// de nas nye bar gyur ba dang// sha du gsad pa'i las bya ste// ma mo srog thig nag mo 'dis// khrag gi nad mda' 'phang 'dod pas// 'bras bu med pa'i snod nang du// ni shun thig le de ru blugs// snying po khu ba 'chi rkyen gyis// blugs te de nyid spel bar bya'o// thig le dkar nag rdzas chen dang// snying thig srog tig gsad thig rnams// tsho ma bu thig le'i tshul gyis ni// bdun 'bum grangs ni tshang bar bya'o// gnyen po las byed lha yang bsgom// tra'i rdzas gtor ma gtang// bsten dbyangs bskul ba ni// hU~M// ma mo kun gyi rje mo khyod// bong ge ring ste gnam la cug ma reg/ rkang pa ring ste mtsho'i gting yang 'khrug/khyod kyi spyi bo'i gtsug rum na// 'phags pa 'jam dpal dgongs pa mdzad// rang pa dmar po'i rtse nas lcags kyi ser pa 'bebs// dpral ba'i dbyes nas skar ma smin drug 'char// ca cig smin ma g.yas g.yon la// nad kyi grong khyer lnga brgya yod// mig ni nyi ma zla bar 'khyil// kha nas khrag dang zhag 'dzag ma// khrag gi de ni dri tshor na// dpag tshad brgyad khri bzhi stong snyog/ mche ba gtsigs pas dpag tshad slebs// khyod kyi lag pa g.yas pa la// srin po brgya yi mtshan rtags can// khyod kyi dpung pa g.yon pa la/ ma mo 'bum gyi mtshan rtags can// ma cig khyod kyi rked pa la// rgyu skar nyi shu rtsa brgyad 'char// khyod kyi rkang ba'i mthe bong la// nyi ma la sogs gza' brgyad 'char// khyod kyi rkang pa g.yas pa yis// dgra bgegs rked rus brgya tsam gnon// khyod kyi rkang pa g.yon pa yis// mi mgo de ni stong tsam gnon// ma mo kun gyi rje mo khyod// nub gcig zas su mi rta brgya za ma// nub gnyis zas su mi bu stong za ma// nub gsum zas su mi bu khri za ma// nub bzhi zas su mi bu 'bum za ma// sngags pas pa gdungs nas rbad pa'i tshe// don ma 'grub par slar ma ldog/ ma cig lha mo re ma te// sngags pas gdungs nas rbad pa'i tshe// ma mo kun gyi yang rje ste// ma mo kun gyi phyag brnyan mdzad// bstan pa kun gyi yang rje mo// sku la na bza' ci gsol na// sku la re lde nag po gsol// dbu la re ba'i go cog gsol// khyed kyi lag pa g.yas pa na// bdud kyi khram shing rim dgu thogs// dgra bgegs khram la da thob cing// khyod kyi lag pa g.yon pa na// nad kyi de ni rkyal pa bkal// dgra la mi nad sna dgu thong// ma cig dam las ma 'da' bar// da ma nyams 'di la rtags phyung zhig/ bdun 'bum grangs ni tshangs gyur na// bdun nam dgu nas len te 'chi zhes bya ba ni// dpal ldan re ma ti'i snying thig srog thig gi bsgrub pa'o// 'dod khams kyi dbang phyug ma'i rgyud las// lha dang ldan pa'i srog thig nag po dang// srin por ldan pa'i snying thig srog thig nag po bsgrub pa'i le'u ste drug pa'o//// ta na bsgral pa'i dus kyis kyang// ma mo'i thugs dam bskar bar bya// 'ga' na sbyor pa'i lung gis kyang// gnyis med ma mo'i don rtogs bya// lta ba'i don ni rtogs byas nas// 'phrin las dgongs spyod tshang par sbyar// thun grub rtags kyi tshad phyin pa// nyin cig gnod 'dul lha yi gtso// dmar la dkar pa chags pa na// gnyis su med pa'i dngos grub thob// 'od dkar dri zhim 'od byung na// lha dang bcas pa grub pa yin// 'od dmar sbrul du chags pa na// klu dang bcas pa mngon du gyur// 'od gnag dri ma mi zhim na// gnod sbyin 'khor gyis bskor bar 'grub// 'od 'khrug snying ni 'phangs mtho na// gshin rje'i 'khor dang ldan pa yin// 'od ldan nus med spu zing na// bar chad byed pa bzlog par bya'o// thun khrag po na sgrib yod bshags// 'gul zhing ldeg na pho nya ste// khol zhing rlangs byung drag por 'gyur// nag po gting nag 'dug pa na// chos kyi dbyings kyi dngos grub thob// dkar na zhi ste ser na rgyas// dmar po dbang ste gnag na drag/ gar grub kha dog 'byung ba zhig/'jam pa che na lha yi skad// rtsub la ring na klu yi sgra// mtho la rtsub na bdud kyi sgra// thung la rtsub na gshin rje yin// rtse thub thub na gnod spyin nyid// 'jam zhing snyan na ma mo dngos// dri yi bye brag bshad pa ni// dri zhim 'phro ba lha dang ldan// dri zhim dang ldan ma mo ste// dri mi zhi la ngad ldan na// klu la sogs pa yin par bshad// bse dri dri la spu zing na// bar chad byed pa yin par bshad// 'dod pa khams kyi dbang phyug ma'i rgyud las/ ta na dang ga na dang// thun gyi bsgrub pa la rtags bshad pa'i le'u ste bdun pa'o//// de nas yag sha nag mo'i bsgrub pa bshad par byas te// dben la gnyen zhing nyams dga' bar// brag nag 'tshal gyi thig bcas su// sa bdag la sogs gtor ma sbyin/ bar chad byed pa bskrad par bya// dpal gyi dkyil 'khor ldan pa yis// mon mo skye rings thod pa'i nang// mi dang rta la sogs pa ste// sna tshogs sha dang shi ka'i tshal// gal khyi khyung dang mi dbang tshogs// de nasagator ma rab tu bya/ rtsa ba med pa'i thams cad nang du khrag mkhris dug dang shing thog dang// sna tshogs khrag ni 'byor tshad blugs// chu dang myos byed dug sna gsum// de yang gnod pa'i rdzas su sbyar// 'chi ka'i mtshal tig byur zad 'tshal// khrag sna stong du sbyar ba ste// bcu drug lon pa'i phor pa ru// ra sa myos byed sbyar ba yang// bco brgyad lon pa'i kham phor blugs// tshes dgu bdun la bsgrub pa gzugs// bcu gcig nub mo gtor ma gtang// bco lnga'i gnyan po 'am dur khrod dam// shing lo rlung khyer ma lhung ba// mtshan byang tshil chen rwa ru ra gzhug/ byang shar mtshams kyi me nyid la// bsreg cing nyungs kar nyungs nag gis// me la gtor zhing gnas gsum bzlas// gtor ma bsngo zhing bstan klus bskul// shar phyogs lha mo nag mo ni// mahA de ba'i btsun mo ste// sku mdog mthig nag 'bar ba la// sna yang glang chen 'gying ba 'dra// mche ba dkar po zla tshes 'dra// bud med dkar mo 'bar ba la// g.yu yi smin ma lams se lams// g.yu yi thod tshugs gyen du 'khyil// phyag na lcags kyi phur pa 'dril// lha yi btsun mo re ma ti// khyed kyi thugs dam dus la bab// lho phyogs gshin rje re ma ti// gshin rje nag po'i chung ma ste// dar nag ber chen pu ru ru// lcags kyi ral pa sil li li// mi lpags g.yang gzhi thod pas brgyan// gser gyi mche ba lcags kyi so// bse yi smin bzangs lam sa se lams// lag na mi ro'i g.yab 'dor la// mchog gi phur bu sil li li// 'khor yang gshin rje nag pos bskor// gsod byed tshogs kyi dus la bab// nub phyogs bdud mo re ma ti// dmar mo ral pa gyen du brjes// g.yu yi smin ma lams se lams// mi bzad g.yu yi mche bas gtams// bse yi phur bu sil li li// 'khor ni bdud kyi shan pas bskor// mi bzad chen mo gshegs su gsol// byang gi phyogs nas spyan 'dren na// gnod spyin A r+ya re ma ti// nag mo rma bya'i ral pa can// na bza' rma bya'i thul pa la// 'ja' tshon sngon dmar lams se lams// tsha ba nad kyi kha rlangs can// rma bya'i mdos kyi smin ma can// g.yu yi mche ba thams se thams// lag na lcags kyi phur 'dril ma// 'khor yang gnod spyin shan pas bskor// ling 'debs chen mo'i dus la bab// byang gi phyogs nas gshegs su gsol// byang shar mtshams kyi spyan 'dren pa// sa bdag chen mo re ma ti// sku ni sngo nag 'gying ba mo// lcags kyi ral sa gtsug nag 'khyil// lcags kyi mche ba zur gsum ni// rtse mo rno la phur bu'i dbal// dreg thul nag po sku la gsol// lcags kyi khur bu sil li li// had 'khor ni 'byung po stong gis bskor// mtshams kyi 'byung po'i chung ma ste// byang shar mtshams nas gshegs su gsol// shar lho'i mtshams nas spyan 'dren na// rak+sha dpal ldan re ma ti// sku ni mtsho mdog ser mo la// sku ni ral pa thog gis brgyan// thig gi zar pu sku la gsol// glog gi smin bzang lams se lams// gnam lcags mche ba 'thab cing 'phro// kha nas 'brum bu'i nad gtong ma// phyag na thog gi phur ba 'dril// thog gi sgra chen rab tu grags// chem chem 'ur 'ur g.yo zhing spyon// sprul pa gdug cing mi bzad pa// chu srin 'bar ba'i 'khor gyis bskor// mi bzad chen mo lings lag gshegs// shar lho mtshams nas gshegs su gsol// lho nub mtshams nas spyan 'dren no/ 'brog srin khro mo re ma ti// sku ni khro mo chen mo la// dbu yi ral pa gzi yis brgyan// gzi spyan khra mo rig rig lta// gzi yi smin bzang lams se lams// gzi yi so 'dra khrigs se khrigs// na bza' stag thul khro bo gsol// phyag na ral gri phur bu 'dril// srin po lag rings chung ma ste// 'khor yang srin po srin mos bskor// mi bzad chen mo'i dus la bab// byang gi phyogs nas spyan 'dren no// gnod spyin ar+ya re ma ti// ku be ra'i chung ma ste// nag mo rma bya'i ral pa can na bza' rma bya'i thul pa la// 'ja' tshon sngon po lams se lams// tsha ba nad kyi kha rlangs can// rma bya'i gdog gi smin ma la// g.yu yi mche ba thams se thams// lag na lcags kyi phur pa 'dril// 'khor yang gnod spyin shan pas bskor// lings 'debs chen mo'i dus la bab// lho nub mtshams nas gshegs su gsol// nub byang mtshams nas spyan 'dren no// lang kha mgrin bcu'i chung ma ste// rak+mo dpal ldan re ma ti// sku ni dmar smug chen mo la// mchod dang byi ru'i ral pa gtams// byi ru'i smin bzangs lams se lams// byi ru'i spyan dmar lams se lams// byi ru'i mche bas rtsad gcod ma// khrag gi thul pa zhag gis brgyan// phyag na dung gi phur 'dril ma// nyams pa'i snying la 'debs byed ma// kha nas rgyu gzer nad gtong ma// 'khor yang btsan sde 'bum gyis bskor// che zhe ral pa sprugs pa'i tshe// bse tshub zangs tshul khyil li li// mi bzad chen mo da tshur spyon// nub byang mtshams nas gshegs su gsol// phyogs mtshams brgyad kyi ling 'debs ma// dam nyams dgra la ling 'debs ma// sngon tshe rgyal pa'i spyan lam du// khas blangs dam bcas ji bzhin du// bstan pa 'jig par byed pa la// da lta nyid du rtags phyung zhig/ ces bya ba ni// srin mo'i 'khor gyis bskor ba'i sgrub thabs so// 'dod pa khams kyi dbang phyug ma'i// klu yi 'khor gyis bskor ba yi// rang byung rgyal mo'i sgrub thabs bshad// dur khrod chu gsum 'dus pa 'am// brag nag ri nag rtse la bsgrub// gtor ma gtang zhing bgegs bskrad la// gru bzhi gru gsum zlum po dang// gru gsum sum brtseg de steng du// ka pa lo ma yod pa'i nang// ra sa ya na rak+ta dang// g+ti wang ga pur sha chen dang// tshil chen rak+ta sna tshogs sbyar// bag phye zla gam gyen kha ling// bcu drug kham par lon par ldan// yang snying kha spub bsgrub brten gzhag/ bcug ste de la bstim ste bsgrub// zla ma slebs pa'i kham phor du// ra khyi rta phag bzhi yi khrag/ de stengs lcags byas 'debs pa bdun// spyang dug khrag byug kha gyen bstan// bdag gi sprul pa ya sha nyid// he ru ka 'khor bcas pa dmigs// rab bskyed spyan drangs mchod byas te// he rus ma mo sa yi dkyil mas drangs// zhag bdun bsgrub pa rdzogs pa dang// phur pa'i rtse la 'ber nas// dpal gyi brtsad de bkug nas bstim// drag pos mgo 'jug kun du gdab// dan khrag tsa dur mar+ya li// mahA ma sa mur zheng bdag/ gtor yar bskang ste gtang rag gtang// gzugs phung ling gar gtubs te bstab// de nas zhag gsum bsgrub pa dang// ral pas nam mkha'i khams su 'thibs// zangs kyi gtsug phug nag pos bskang// de nas zhag lnga bsgrubs pa dang// gyen du rang ltas lha mor 'gyur// ma dang bu ru dam bcas bzhin// dam rdzas gnyan pos tha tshig bsre// dngos grub gang 'dod de la blangs// bsten dbyangs bsnyen pas bskul ba ni// hU~M// bskal pa me ltar 'bar ba'i dur khros nas// nag mo'i ral pa 'bebs pa srin mo'i tshogs// sa 'du ba ga la ni za byed chen mo ste// rdo rje dra ba ma dang glog 'gyur ma// srin mo'i tshogs rnams gdungs nas bos pa'i tshe// ru lu ru lu'i sgra skad drag po dang// rak+mo kro d+hi shwa ri bos pa'i tshe// sgrol byed chen mo khyod kyi dus la bab// yun gyi dpal dang mgon du khyed brten na// btang snyoms yal par ma btang yal dam can// ma g.yel ma g.yel dam can re ma ti// ma sring chung ma bi mo shan pa'i tshogs// ci bgyis las byed tshogs rnams kyis// dngos grub las rnams rdzogs par gsol// khyed kyi mtshan nas bod pa'i tshe// nyi ma byang shar ma ki na// brag dang chu 'thab mar 'das na// mtsho mu le 'things kyi nang shed na// mthing sun sngon mo'i sbra phub nas ma mo yongs kyi nad shed na// gcig pur bzhugs kyi 'gying bag can// mi ro rta ro gcal du bkram// bam chen gdan la brkyang bskum bzhugs// bar snang mkha' la gshegs pa'i tshe// gser gyi rnge'u chung ldi ri ri// gser gyi rnge'u chung brdungs pa'i tshe// nag mo 'khor bcas shar ra ra// nag mo 'khor bcas shar tsam na// gu ya nag po rak+ta'i mdzod// dmar chen khrag gi lce ril can/ sho na rag+ti'i 'brengs se brengs// nag mo ral pa shar ra ra// nag mo ral pa shar tsam na// bdud kyi lcam la gshin rje'i yum// chibs su dre'u rta rkang gsum chibs// g.yu mthur sngon mo brengs se brengs// bse sga dmar po wangs se wangs// sbrul nag stong gi gong rmed can// mchog gi glo nan khyugs se khyugs// zla bal gcig la 'or gsum du// stong khams ma lus khyab par mdzad// dpag tshad brgyad khri bzhi stong yang// thang tsam cig la yud kyis khyab// sku ni mthing nag 'jigs tshul can// dbu skra ral pa'i thor tshugs can// ral pa cod pan re re la// gser dang mi tig chun 'phyangs can// g.yas kyi dang po'i phyag mtshan ni// kha T+wAM kha'i phyag rtse gsum bsnams// dgra bgegs ma lus rdul du rlog/ g.yon gyi dang po'i phyag mtshan ni// 'phrul gyi me long phyis shing lta// srid pa gsum cir sal le gzigs// g.yas kyi 'og ma'i phyag mtshan ni// lcags kyi phur bu 'dril zhing 'phen// dgra bgegs klad pa'i rgyas su rgyob// g.yon gyi 'og ma'i phyag mtshan ni// sbrul nag stong gi zhag pa 'phen// dam nyams klu rnams kun gyis bcings// dre'u rta chibasakyi sga gong na// nad kyi rkyal pa sngo dmar bkal// dre'u rta cibs kyi phyi long la/ mtshon gyi gru gu sngon dmar bkal// nad dang rims kyi skos 'debs ma// mdun na shod rde'u dkar nag 'grems// rgyab na bdud kyi khram baM bsnams// skye 'gro yongs kyi kyeg rtsi ma// legs nyes gnyis kyi ltang rtsi ma// dus b zhi'i ma mo sku la shar// dpyid kyi rgyal mor byon pa'i tshe// shrI dur khrod gnas nyul ma// rlung dang tshub ma'i sna 'dren ma// 'khyag pa'i ming tu sa 'debs ma// ming po rdo rje las 'chol na// sring mo rdo rje las mdzod cig/khro thob shed rje nad kha thong// mtshon gyi g+r+ya gu der skyong la/ nges sa 'debs su ma btang zhig/ dbyar gyi rgyal mor byon pa'i tshe// b+ha ga d+hi ti mkha' la gnas nyul ma// 'brug dang glog gi sgra sgrogs ma// sad dang ser ba'i sna 'dren ma// ming po rdo rje las 'chol na// sring mo rdo rje las mdzod cig/ ston ka'i rgyal mo byon pa'i tshe// ma hA shi na du rgyu lugs// ri rab kyi ni zom na gnas// ming po rdo rje las bcol ma// sring mo rdo rje las mdzod cig/ dgun gyi rgyal mor byon pa'i tshe// ral gcig rgya mtsho'i klong nas dpal gyi bka' sdod ma// dpag tshad brgyad khri gnas nas khrag gi dri snom ma// klu rnams kun la mnga' mdzad ma// ming po rdo rje las 'chol gyis// sring mo rdo rje las mdzod cig/ khyod kyi spyi bo'i gtsug rum na// nyi ma zla ba'i 'od zer 'phro// nag mo mi bzad cho 'phrul can// thugs dam dus la bab bo da tshur spyon// khyod kyi thugs kyi dkyil 'khor nas// 'dod khams ma mo stong stong 'gyed// khyod kyi gsang ba'i b+ha ga las// las kyi ma mo stong stong 'gyed// khyod kyi zhabs kyi g.yas g.yon las// pho nya stong phrag drug cu 'gyed// dam tshig ldan pa'i rnal 'byor pa// bdud dang lha 'dre ngan sems can// sdang bo'i dgra bo rdul du rlogs// dpal ldan nag mo gshegs su gsol// ma ma b+h+yo b+h+yo// e ha ya hi dzA dzA// e A r+ya la hring hring// dus gsum kun tu ma bsgribs ye shes nas// ma sring chung ma bu mo bran mo'i tshogs// ye shes mngon shes ldan pa'i thugs brtse ma// mthu rtsa la rmad byung phan pa'i dgongs pa can// sngon tshe dam bcas nyid kyis zhal 'ches pa// bstan pa bsrung bar rtag tu grogs mdzod cig/ dzAHhU~MbaM ho// ma ma tra k+Sha mu tra ru lu ru lu b+h+yo// dpal ldan nag mo re ma ti// lha mo chen mo nam gru ma// rdzong mo chen mo bka' bzlog ma// nag mo chen mo kha 'bar ma// byis pa kun gyi dur byed ma// dur khrod 'bar ba'i bdag mo ste// rak+sha chen mo rtsa mun tri// nam mkha' khams kyi mthu mo che// bar snang khams kyi glog ma srin// kha nas me 'bar rgya mtsho skems// lag na rdo 'phen ri rab snyil// ral pa nag pos stong gsum khengs// kha nas zhing khrag rgya mtshor 'khyil// nyin gyi dus su rtog byed cing// mtshan gyi dus su rgyug byed ma// nag mo 'khor bcas thugs dam bskongs// sha chen tshogs ni ri ltar spungs// tsit+ta'i tshogs ni 'od du 'bar// rak+ta'i tshogs ni mtsho ltar bkram// nag mo 'khor bcas thugs dam 'dis bskongs la// bdag gis las bcol grub par mdzod// 'dod pa khams kyi dbang phyug ma'i rgyud las// srin po'i 'khor dang ldan pa'i yak+sha nag mo'i sgrub thabs dang// klu'i 'khor gyis bskor ba'i dpal ldan lha mo nag mo phyag bzhi ma'i srog gi sgrub thabs bstan pa'i le'u ste brgyad pa'o// 'khor dang rnam par ldan pa yi// sgrub thabs rab tu bshad par bya// dben la gnyan pa'i gnas su ni// bcu drug lon pa'i bam chen gtsang// ma sa gtor ma 'brub sogs bya// shun phyed stan du bting byas te// shun phyed pi dang mtshan dza na// stod smad gnam nag las bya ba// b+ha ga e ka 'bun dza bzhi// ka pA la rak+tas gang ba dang// kyo ba dang ni g.yon pa na// g.yas na thod dbyug rgyu zhags 'dzin// rjes dang bag phye rak+ta sbrus// khru gang tshad du rU pa bya// shun gyi ming rus snying kar gzhug/ tsher ma can dang rnam ldan sku// byang shar mtshams su snying kar gzugs// skyes nas skud btags lag tu gtad// de dus rnal 'byor nga ru sgom// tsit+ta'i dkyil nas srog thig drang// gu gul dud pa rgyun mi gcad// shun chen slag pa de bzhin bgo// srid pa'i spyi lugs zhwa gon te// 'phreng ba chen po de bzhin bgrang// keng rus rung ba'i mtha' ma bskor// srog thig drangs las de la bstim// zhag gsum bzlas pa bar ma chad// yid la byang shar sprin nag 'khrug/ snying gtor bskor zhing dbang du bsdu// lnga nas de las thog cig 'byung// nang khrol gtor ma de dus sbyin// bdun na dngos su 'byung ba 'am// 'od dang dri ni gang byung yang// sha khrag lhag ma gtor ma sbyin// bdud rtsi'i dam bsre dam yang bca'// ku ma ra yi sngags bzlas pas// nga yis bskul pas dbang med du// mo yis sha truM gnan pa dang// bu ga dgu nas khrag skyug snying yang za// 'khor gyis bkug cing de la bstim// ling ga 'dar bar 'gyur ba dang// dpal gyi skur bsgoms sngags bzlas gdab// bdun phrag gcig nas gtor ma sbyin// des kyang gsod par ma gyur na// she khyi'i bzlas pa byed bzhin du du// skur bsgoms dpung par ling ga bsgreng// bskyed nas bzung ste de la brdab// brgya rtsa brgyad ni rdzogs dus su'o// mtshon chas gnad bkros sha khrag za// zhag bdun lon dang gtor ma sbyin// des kyang 'grub par ma gyur na// ling ga rgya tshil me la gdug/ ru ru'i sngags kyis rab tu gdab// rnam par ldan pa'ang rab tu sdigs// 'khor gyis bkug nas de la gtad// des kyang me la bsreg kying bza'// ling ga dum bu ma mar gtub// re re brgya brgya rdzogs shing sreg/ thal ba gnon pa'i sa ru gnan// yang na bsres la phyogs bzhir gtor// des kyang dam nyams ma sgrol na// snga ma las kyang gnas sgyur la// khrag gi maN+Dal gru gsum bya// mtha' ma rtsang dang phur bus bskor// ra thod phag thod khyi thod gsum// gnyan pa'i gnas su sgyed bur gzugs// dug sna lnga dang snying sna lnga// khrag sna lnga dang mi rus rnams// rtsa med pa'i nang du blugs// ma ma'i sngags kyis kar gnan bzlas// bdag nyid gnyen po'i lha ru ste// bud med nag mo ral pa can// re ba'i 'bo bu rkang la gon// sha tru'i tsit+ta g.yas g.yon thogs// dmar thab dmar la bskru ba la// dmar zhing ma mor gyur ba dang// de yi stobs kyis yul phyogs rnams// sha tru bskul byed za bar bsgom// brgya brgya nyid la sgong tshad dpo// nyi shu rtsa gcig rdzogs par bya'o// bsten dbyangs snyan pas bskul ba ni// lha mo nag mo chen mo khyod// mi mngon mkha' dbyings sku bzhengs cig/ mnyam nyid mkha' dbyings mi dmigs chos kyi dpyings// bde chen lhun nas rdzogs nas sku bzhangs cig/bstan pa 'jig byed dam nyams dgra bo yis// dkon mchog dbu 'phang smod cing rnal 'byor thal bar rlog/ zhag dgus dgra bo thal bar ma byas na// khyod nyid thal ba bzhin du rlog/ces bskul ba ni// lha mo chen mo 'khor dang rnam par ldan pa'i sgrub thabs so// 'dod pa khams kyi dbang phyug ma'i rgyud las// lha mo chen mo 'khor dang rnam par ldan pa'i sgrub thabs bstan pa'i le'u ste dgu pa'o// de nas bcom ldan 'das kyis byin gyi rlabs kyis// 'khor thams cad gcig tu 'dus par mkhyen gyur te// lha gnod mdzes la bskul pa dang// lha gnod mdzes kyis bcom ldan 'das kyi zhabs la spyi bos phyag 'tshal nas// lus la sbrul ltar 'dud pa byas nas// bcom ldan 'das la 'di skad ces gsol to// thog mar rnam par dag pa las// brtags pa'i dbang gis 'khor bar gyur// de phyir mi rnams thams cad kyang// 'dod pa tha dad brtags pas 'byung// de rnams kun gyi don ched du// bdud mo spun bzhi g.yog mo gsum/ gnod sbyin rnam bzhi du ma yis// 'khor dang bcas pa'i dkyil 'khor 'dir// rdzogs sangs rgyas kyis bshad du gsol// rdzogs sangs rgyas kyis bka' stsal pa// nyon cig gnod 'dul lha yi gtso// ma ni skye ba med pa'i don// mo ni 'gag pa med pa'i klong// ma mo rnam par dag pa las// brtags pa'i las kyi ya mor gyur// de rnams sgrub thabs bshad par bya// dur khrod ri ni dmar nag tu// dmar nag gru gsum khrag gis bri// 'bru mar rak+ta'i thig le bya// ku mar dang yak+sho mo// shun chen bris sku thig le'i steng// lho phyogs dam can re ma to// nub phyogs bka' nyan re ma dza// shar phyogs phyag nyen re ma dzu// phyi rim zla gam gsum po la// thod pa tshon nag bris pa gsum// bud med nag mo dkar ser dang// dmar smug 'bum gyi zab mtshan// phyi rol sgo bzhir ldan pa la// srin mo bzhi yi phyag mtshan bzhi// dir bu khrag sna bcu gsum gyis// rkang pa gsum ni zur gsum gzhag/de stengs rabs chad thod pa ru// lcags phur gsum la mi rta khyi// snying gsum kha gyen bstan pa dang// gcig gsum thun mong khyad dam rdzas// bya nag dar snas brgyan pa gsum// thun mong khyad par bstan pa'i rdzas// shel nag spyi dkar bskang pa'i rdzas// sha sna tshogs kyi gtor ma la// dbyar ni me tog ston ni 'bru yi tshogs// dgun ni sha khrag dpyid ni lcugs// spyan gzigs tshogs kyis brgyan pa la// dar ni mthing nag kha bcad pa// lha mo chen mo mchod pa'i rdzas// khrag 'thung skur bsgoms drangs pas ni// sku la re ma ti nyid bstim// lcags phur gsum la gsum po nyid// zhag lnga'i nub mo sdug pa dang// mi sdug cho 'phrul sna tshogs 'byung ba'i dus// dus der nag mo spyi dkar bskang// grub nas zhag bdun nub mo ni// gtsang dang mi gtsang bye brag gis// bud med nag mo ral pa can// mche ba nag mo rno la gtams// pa spu'i gseb nas me 'tsheg na// dbang du bsdu zhing bshags par bya'o// 'bring na bud med nag mo la// mche ba zla tshes 'khyil par snang// bar na bud med dkar mo la// g.yu yi smeb chags pa ste// mche ba zla tshes dkar po 'khyil// dam bca' dam gse las la bskong// gtor ma nam phyed dus su sbyin// lug nag bsgral pa'i tsit+ta dang// bya nag dir bu'i khrag gsum po// rtags ma phyin par lta bu gzugs// de nas khrag phyung gtor ma byas// ngo rer dus tshod rnam gsum la// gtor ma byin te bskul bar bya'o// gtor ma bya nag g.yas g.yon g.yob// nam gyi gung la bskul ba ni// hU~M// nam mkha' ji dbyings phyug ma// gnam phyed steng na gon kyang spyi bo zangs sa zangs// sa phyed stan du bting yang zla za ya ba bkor// ral pa phyed kyis gnam khebs na// ral pa phyed kyis sa khebs ma// ral pa'i zar la skar 'khrug ma// khrag dang zhag gi thig le can// khyod kyi thugs dam dus la bab// nam mkha' khams kyi dpal mo btsan// chibs su 'brug mo chibs la chibs// rol du glog mo 'gyur la rol// spyan nas khrag 'dzag rgya mtshor 'khyil// shangs nas rlung byung srid gsum 'debs// zhal nas hU~M byung srid gsum skems// khyod kyi thugs dam dus la bab// dpal ldan lha mo khyod nyid kyi// bka' sdong pho nya 'byung ba ni// lha mo 'gyogs byed re ma ti// mthong byed gser gyi 'ug pa zhon// phyag g.yas khrag bskams za zhing rdeg/ g.yon pa lcags kyu 'bar ba bsnams// khyod kyi thugs dam dus la bab// rang dbang med par snying na drongs// nam mkha' khams kyi pa rna sha pa ri// sku la sha thul gnyen po gsol// chibs su smin sha yu mo chibs// phyag na zhags pa 'dom brgya dgu bcu rtsa gcig bsnams// khyod kyi thugs dam dus la bab// bar snang khams kyi gzi 'phen ma// sku la gzi thul khra mo gsol/ phyag na gzi yi khram bam bsnams// dgra bo dam nyams khram la thob/ khyod kyi thugs dam dus la bab// bar snang kha mas kyi mthu mo che// srid pa gsum gyi b+h+yo bzlog mkhan// chibs su rlung dang bu yug chibs// phyag na ser ba kha char bsnams// khyod kyi thugs dam dus la bab// de yi bka' nyan gsung bsdod ni// bar snang khams kyi glog 'bar ma// chibs su dred mo drus mchibs// phyag na 'dzin byed cha lugs ni/ g.yu zhags sngon mo shar rar// sngon gyi rgyal bas gsungs pa'i bka'// da lta nyid du rtags phyung zhig// dus bdag chen mo'i dus la bab// de yi bka' nyan gsung bsdod ni// dpal ldan nag mo re ma ti// sku stod re pa nag po gsol// dred lpags nag po'i sham thabs can// lcags kyi dre rta rkang gsum la// srin po'i ya mkhal snga ru la// srin mo'i ma mkhal phyi ru byas// srin po'i pags rlon sga g.yogs la// sbrul gyi gong thag gong rmed la// byi ru dmar dmar po'i mthar srab can/ g.yu yi kha srab sil li li// ske nag gser gyu dril bu 'khrol// khyed kyi zla ni nag po me'i kha rlabs can// lag na bdud kyi khram thogs shing// dgra bo'i dam nyams khram la thob// g.yon na nad kyi sgye'u sngon dmar la// bzhi brgya rtsa bzhi'i nad kyis bkang// dgra bo'i phyogs su rims gtong ma// tsha ba nad kyi khrag skyug cing// gson par mi byed myur du gsod// 'phongs la lcags kyi dra ba bkal// dra ba shod byang kra la la// dgra rnams shod la gdab tu gsol// de yi nu mo gcung mo ni// smug nag 'bar ba'i na bza' la// me stag 'bar ba'i sham thabs can// chibs su klu glang nag po chibs// rgyu ni dur khrod klong du rgyu// len ni spyugs pa'i glu len ma// 'babs ni ltas ngan sna tshogs 'bebs// tha ni mi sha rlon pa za// bsgregs pas stong gsum 'gegs par byed// 'thung ni mi khrag rlon pa 'thung// bzhin yang mi sdug khrag mdog ma// 'khor ni nag mo khrag mig ma// de yi 'khor gyi ma mo ni// grangs ni stong phrag brgya yod kyang// re yang gnyen mo khyod la re// su la mi re khyod la re// su la mi bltos khyod la bltos// dpal ldan nag mo re ma to// mthu rtsal che par cha mchis pas// dmag dpung bskyed la ru mtshon phyor// bdud kha sgyur la dgra dpung chom// re ma ti chen mo yis// re tri gsum gyi phur pas gdab/ nag mo ma sha la dza dza// ma sa ma hab hab// nag mo tsit+ta snying la dza dza// nag mo dgra bo'i rtsa la dza dza/ na mo dgra bo dbugs la ha hur dza dza// nag mo dgra bo'i srog la dza dza// nag mo dgra bo'i snying la dza dza// rak+mo sha rgyud snying la laM dza dza// rag mo snying rgyud rtsa la dza za// rtsa brgyud dbugs la dza dza// dbugs rgyud srog la dza dza// zhes brjod de phur pa gdab po// de nas bsten dbyangs snyan pas bskul ba ni// 'khor gyi ming sring bskul ba ni// dpal rdo rje re ma ti// glog ma srin gyi yul na gnas// gser gyi bud med gshog pa can// nyi zer 'bar pa'i ral pa can// gtum mo mi sr-in khrag mig ma// lag g.yas ri rab stsol por 'phen// g.yon pa gnam lcags zor ba thogs// khyod kyi thugs dam dus la bab// tsit+ta kha kha ru ru// bka' nyan rdo rje re ma dza// sku ni glog 'gyu chen mo la// thugs ni gtum mo lag rings ma// bse yi mdog la g.yu yi sbyan// bse yi ral pa sil li li// za 'og mdzes pa'i stod slag la// re ba'i thu la gnya' za skor// phyag na lcags phur stong 'dril zhing// gtum mo mi bsrun mgo lus 'brel/ g.yu yi dre'u rkang gsum chibs// 'akor yang dre zhon stong gis bskor// gang la dmigs pa'i dgra bo la// nad kha thong la khram bam thob// rak+sha kha long kha// dpal ldan gyi phyag brnyan re ma dzu// gtum mo mi srun phag rgod so// ral pa sngon dmar gtibs pa la// khyod kyi lag pa g.yas g.yon na// zhags pa lcags kyu glog 'gyu ma// dred thul nag mo gos su gon// lag na khram bam rnge'u chung bsnams// dur khrod tsha ba'i mnga' bdag mo// nyin bzhin khyo bdun bkug nas nyal// mtshan mo khyo bdun khyab par sbyor// srod la nag mo grib so zhon// gung la khra mo stag slag can// tho rangs bzhad 'gro 'thing skya ma// shod byang rtsis byang dgra la 'thor// nyi ma zla ba zhon pa mo// gling bzhi kun tu khyab par 'gro// khyod yang shel dang rus pa'i mi// dam tshig nyams pa'i snying 'byin ma// gnod spyin dkar po skul ma 'debs// tho rangs rgyu ba'i dkar mo ni// dung gi mdog la shel gyi sku// seng ge dkar bo'i thul chen gsol// nyi zla spel pa'i dbu rgyan can// phyag na shel gyi phur 'dril ma// nyi ma zla ba'i zer la chibs// srog bdag dkar po'i btsun mo yin// tshil tshil sha// ma sha khug khug thang sha rbad// srin mo dkar mo shel khrab can// lag pa g.yas g.yon mda' gzhu thogs// shel gyi dre'u la g.yu sga bstad// dpag chen mo'i dus la bab// gser gyi srin mo 'gyogs byed ma// gser gyi lan phran gos su gon// gser gyi tshe brang sil li li// gser gyi mda' 'phen ta la la// gser gyi dre'u dung sga can// de yi 'khor yang 'bum gyis bskor// snying 'byin ma yi dus la bab// zangs kyi srin mo dbang mo tshe// byi ru'i lan phran gos su gon// zangs 'gyogs tshe brang sil li li// zangs kyi mda' 'phen ta la la/ phyogs bzhir zangs kyi rgya 'dzugs ma// zangs kyi dre'u la mchong gi sga// srin mo 'gyogs byed tshe 'gugs ma// mi bzan chen mo'i dus la bab// lcags kyi srin mo chen mo la// g.yu yi lan phran gos su gon// lcags kyi tshe 'brang sil li li// lcags kyi mda' dang rdo 'phen ma// lcags kyi dre'u la g.yu'i sga// srin mo khus 'debs su byed pa// mi zad chen mo da tshur spyon// tshil tshil ma ma sha sha khug khug dam tshig rbad// 'khor gyis bkug rjes phur pa gdab// ces bya ba ni bdun mo bdun dang ldan pa'i dkyil 'khor gyi sgrub thabs so// 'dod pa khams kyi dbang phyug ma'i rgyud las// bdud kyi g.yog mo bdun dang ldan pa'i dkyil 'khor gyi sgrub thabs kyi le'u ste bcu pa'o// ma mo kun gyi phyag brnyan ma// re ma ti dang re ma dza// nag mo A r+ya re ma ti// nam mkha' byi phur glog ma srin// klong dgu ma cig re ma ti// ming dgu g.yog mo gsum ldan pa'i// de yi dkyil 'khor sgrub thabs bshad// nyon cig gnod 'dul lha yi gtso// chu bo'i gzhung dang bzhi mdo dang// brag nag chu rigs mtshal rigs chags// de ru byin brlabs mtshams gcad de// dam rdzas yo byad tshang bar bsag/ dkyil 'khor mthing nag gru gsum bri// khrag las byas pa'i zla gam gsum// tshul bzhin bris pa de nyid du// dpon g.yog bzhi po tshul bzhin dgod// bsgrub pa chen po gzhung bzhin bya// sngags pa man ngag gdeng ldan pas// shun chen slag pa de bzhin no// srid pa spyi lugs zha gon te// 'phreng ba chen po de bzhin bgrang// spos chen dud pa rgyun mi gcad// bu cig spu gur ma nyams sems// 'bras bu mi dbang mtshal tog dang// shel nag spyi dkar mi rigs dang ni// dkar nag tshe nu zla gam 'dra// sol pa'i phye dang sen dgu rnams// de nyid bsgrub dang bsten pa'i rdzas// ming gis med du mi rung ngo// lho dang lho yi glong phyogs nas// kha dog bcud kyi dam pa dang// dri dang ro dang kha dog ldan// 'byung ba rtsal te rdzas su bsag/ ming gis med du mi rung ngo// ljang khu dmar dang mdar chen mdzod// lhum pu sngo dang tshon sna lnga// maM sa gang rung dmar rnams bsag/ ming gis med du mi rung ngo// ma mo spyi yi phyag rgya bcings// srid pa'i dkyil 'khor nas drangs nas su// 'bum mam bye bar rab bzlas te// 'od dang du ba dri dang sgra// lha mo'i gzugs kyang ston par 'gyur// dkair ser dmar sngo'i rnam pa yi// ldan pa de tsho'i dngos grub kyang// rnam pa gang 'dod bsgrub cing blang// de nas dngos grub thob pa dang// phan gnod las kyi bdag mo ste// ma mo nyid du bdag nyid gnas// phan gnod las ni gang byed pa// so so'i dam rdzas bsags nas ni// dmigs pa'i las de bsgyur la bsgrub// gdungs pa'i dbyangs 'di blang bar bya// lha mo nag mo re ma mthu mo che// ming gcig ma la mkhan stong ma// mdog bzang nag mo ral pa can// ral pa'i zar bu smug nag gtibs// ma mo kun gyi phyag brnyan ma// brtan ma kun gyi yang rje mo// ma bdud rgyal mo zhes kyang grags// skye 'gro'i srog dang dbugs 'chang ma// rkang dug lcags kyi lham gon ma// sku la re lde mdzes pa gsol// mi mgo rta mgo mkhar du brtsigs// thod pa dgu brtsegs gzhal yas na// nag mo tshogs kyi dbus 'gying ma// khams gsum srid gsum thams cad na// dam tshig bsrung pa re mang na// yal dam can ni 'ga' 'ga' tsam// khams gsum srid gsum thams cad na// 'gro don mdzad mdzad ma cig 'o re brgyal// bdag 'dra gsungs pas bskyod cing gdungs pa'i tshe// 'chi ma thul ma thogs myur du spyon// bu cig sbu gur ma nyams sems// 'bras bu mi dbang mtshal tog 'di// ma la 'bul lo za za ma cig ma// bdag gi brnag pa'i mthar phyung zhig/ bdag gi las 'di 'bras bu mchis par mdzod// rdzas rnams gang yin de tshe bstan// zhes bya ba ni// lha mo chen mo nyid g.yog mo gsum dang ldan pa'i dkyil 'khor gyi sgrub thabs so// 'dod pa khams kyi dbang phyug ma'i rgyud las/ dpal lha mo nyid g.yog mo gsum dang ldan pa'i dkyil 'khor gu+i sgrub thabs bstan pa'i le'u ste bcu gcig pa'o// gnod spyin mo lbar ldan pa de'i skrub thabs cho ga bshad// bsgo pa nyan pa'i phan 'dogs bcas// dur khrod khyad par lho phyogs bstan// sgo ngos mo nyal nam mkha' la// sgrib g.yogs med pas sgrub pa pos// mngon du gyur pa de'i tshe// khyad par can gyi sbam pho blang// sa stengs rak+tas rdol rnon byas// sha chen 'phan bya shun pas bla re bya// lhu gdum mthar gzhag gu gul gyi// dud pa mi tshad sbrang chen gyi// me mar 'od dang ldan par bya// sna tshogs ro ldan dkar nag tshe// rnam pa sna tshogs lda par bya// bcu drug gtso gtor rak+ta sbyar// ra sa ya na myos byed sbyar// che mchog gzugs mar re ma ti// yab yum gnyis po gsal bar dmigs// gnod sbyin ma lnga'i snying nas drang// zla ba gcig nas tsa ras bskang// gsum na nam mkha' lding gis so// drug na shel nag spyi dkar te// lo gcig mngon du byung bar 'gyur// chu dang ma 'dres dngas ma'i khrag/ b+ha ling sha truM rgyun du bzhin// bzlas brjod bsgrub pa'i skabs su ni// ra kyang 'brel med yugs sa mdze mo dang// sprang mo spyi skyes 'dzings ma rnams// mthong na bshags pa myur du bya'o// mngon du byung bar ma gyu kyang// rgyal mos mchod dang bsgo ba nyan// mdzes pa'i tshul du ston gyur na// lnga las gnas 'gyur rgyal mo ste// g.yog mo bzhi yis bskor bar bsgom// sngags dang ming rus spel te brjod// gang 'dod las ni bcol bar bya// bsten dbyangs snyan pas bskul ba ni// cig ma cig re ma ti// srin mo mdog nag gcer bu khyod// gos su mun pa nag gon// me sgron 'bar ba'i sham thabs can// rdo rje mche ba 'bar pa ste// za bar 'dod pas lce 'jib ma// zhal nas mi khrag rta khrag rta khrag 'dzag/ phyag g.yas 'gugs pa'i lcags kyi bsnams// phyag g.yon ral gris gcod par byed// chibs su dre'u rta rkang gsum chibs// sha khrag kun gyi dri snom ma// sku stong mi lpags khrag 'dzag gsol// sku smad re lde nag pos dkris// rkang gdub lcags sgrog nag pos byas// thod pa khrag 'dzag skul brgyan// thod pa lnga yi dbu rgyan can// gang du bsams pas yud kyis phyin// sngon gyi thugs dam dmar lags kyis// dmar chen khrag la da tshul spyon gnod spyin 'phrog ma mthu mo che// khrag mtsho 'bar ba'i gzhal yas nas// lcags kyi spyang mo mgo gsum chibs// phang pa yod na 'dzin pa ni// gser la khus gon nu ma bzhin// g.yas na ral gri 'dzin pas gcod// snga gong phyi gong zhing bcu la// sku yi smad du dkris pa ni// ras nag mun pa'i kha dog 'dra// lha ma yin gyi cha lugs te// 'dod khams ma lus 'khrug byed ma// khyod kyi thugs dam dus la bab// dur khrod 'bar ba'i gzhal yas nas// ma mo dur khrod tsa mu ti// khyod kyi gdan gyi mtshan nyid ni// ro yi steng na ro bsgreng brtsegs// phrag pa gnyis su zhabs 'jog ma// gnod spyin dmar mo rgan mo'i gzugs// zhal gcig ma la spyan gsum ma// phyag bzhi g.yas kyi dang po na// gcid par byed pa'i gri rnon 'dzin// phyag bzhi g.yas kyi 'og ma na// 'debs par byed pa'i ral gri 'dzin// phyag bzhi g.yon gyi dang po na// mche chung khar 'dzud sgyeg tshul gnas// phyag bzhi g.yon gyi 'og ma na// 'thung bar byed pa'i thod pa bsnams// chibs su dre'u rta rkang gsum chibs// 'khor ni gnod spyin stong gis bskor// dur khrod gnas nas dmigs pa len// khyod kyi thugs dam dus la bab// rnal 'byor chen mo nag mo ni// pho brang rlung mtsho'i gzhal yas nas// rlung gi rnga mo'i ro stengs bzhugs// skad cig yud la kun tu phyin// gnod spyin rgyan gyis brgyan pa ste// gos su mun pa nag po gon// lag na tsit+ta dmar po thogs// khyod kyi dam tshig dus la bab// gnod spyin dus mtshan chen mo khyod// gcer bu nam mkha'i gos gon ma// dre'u pho la legs par chibs// g.yas na gcod par byed pa'i gri// g.yon na thod pa khrag gang la// rang gis rang la thim par stob// lha ma yin gyi rgyan gyis brgyan// 'khor kyang lha min stong gis bskor// khyod kyi thugs dam dus la bab// ces bskul ba ni// 'dod pa khams kyi dbang phyug ma la gnod spyin ma bzhis bskor pa'i sgrub thabs so// 'dod pa khams kyi dbang phyug ma'i rgyud las// dpal lha mo gnod spyin mo'i cha lugs su zhugs te// gnod spyin ma bzhis bskor ba'i sgrub thabs bstan pa le'u ste bcu gnyis pa'o// de nas bdun mo sgrub thabs ni/ ma bdun bcas pa'i dkyil 'khor bshad// khang rul nag po 'am gdug pa'i sa// chu gling drag po 'am gnod spyin gnas// 'dre srin 'tshags pa'i mdun sa dang// brag dmar gcan gzan mche ba 'dra// brag nag drag po'i gnas der bsgrub// brgyad dam bco lnga'i nub mo 'jug/ phung po'i shul nas sa blangs te// dkyil 'khor 'phen tshad rgyas par brtsigs// dbus su gru gsum dmar nag bri// dbang gi zla gam gsum gyis bskor// bcad pa rak+ta'i rgya mtsho gtang// mu khyud ka ba'i 'phreng bas bskor// lcags sam rdo sol nag pos gtang// mtshan ldan gnyis ni yab yum gnyis// dbus kyi gru gsum rten ma'i steng// lcags sam seng ldeng phur pa nyid// byin brlabs de la phur pa brten// zla gam gsum la drag po bdun// dbyings bdun byin brlabs phur bu dgod// gnod spyin rtsang bdun lcags ris bskor// gdong bzhir phur bu grwa bzhir gzugs// mchog gi phur bu sgo bzhir dgod// ba lam khri sman nub byang dgod// mi dbang rgyal mtshan grwa bzhir gzugs// zhing ngam mthing nag bla re bri// spyi yi gtor ma shar du gzhag/ ma mo'i gtor ma lho ru ste// thun gyi gtor ma nub tu gzhag/ skam phe a mr-i tas ldan pa'i// khrag gi zangs bu byang du gzhag/lta ba drod kyi man ngag dang// spyod pa bsgrub pa'i man ngag dang// khyad par ma mo'i man ngag gsum// sngags pa man ngag gdengs ldan pas// shin chen slag pa de bzhin gon// srid pa spyi lugs zha gon te// 'phreng ba chen po de bzhin bgrang// tshil chen me mar kha lnga gtang// gu gul dud pa rgyun mi gcad// shing lo'i gzugs ni gtor ma'i dbus// phung po gzugs kyi lig ka de// lcags sam nag po'i mtshon gyis gdags// lha mo nyid kyi lag tu gtad// nyungs kar nyungs nag thal chen rdzas// lho nub mtshams su gzhag par bya// rus pa sha chen sha snang dang snying sna la sogs mang po kun// mu ran la ni gzhag par bya'o// khrag 'thung gzungs ma mtshan ldan la// gcig gam yang na gnyis kyang gzhag/ nam mkha'i lding dang tsa ra dang// shel dang gsum po nag por bsag/ rang nyid dpal gyi cha lugs te// yum yang yum du bsgom par bya// khrag 'thung yab yum gsal ba yis// bdud mo ma bdun bcas pa yang// rang gi snying gi dkyil nas drang// sngags bzlas bar ma chad pa dang// de dus rtags su// byung ba ni// nam mkha' smug nag 'thibs pa'i tshe// bdud mo shel spyi dkar bas bskang// gnas khang 'khor bu 'am thams cad du// chom sgra chung dang che ba ni// rgyal po 'am ma mo dbang 'dus pas// bskrad dang gtor ma byin te bcom// 'tshegs na 'gong bu bskrad par bya// chas ngan sprag mor 'ong ni// bskang gso'i cho ga rgya cher bya// rang nyid nyams ni mi gsal na// phur bu byang chub sems kyis bskang// rang nyid bsdu bar 'dod pa'i tshe// rak+ta khrag gis bskang bar bya// seng seng 'gro bar 'gyur pa na// dbang du bsdus te gsal bar bya'o// 'jigs shing snying nyid mi dga' na// bdud mo nag mo byang chub ma'i// nyams sod yin pas myur du bsgom// 'od dkar byung na rgyal po bskrad// me dum byung na dam sri bskrad// bud med nag mo'i tshogs byung na// ma dang sring mor bstan par bya// gdung zhing 'khor la byams pa dang// bu tsha 'tsho bar rab tu bshad// zlas dang grogs dang bram mo'i tshul// bu med rang gnod nor la skam// sgra snyan byung na tshe nyid 'grub// sgra chen byung na drag po bya// tshub ma dmar nag mthong sleb na// gtor ma byin te dgra la rbad// nam mkha' lding gis bskang bar bya'o// dri zhim byung na zas skom 'grub// tsa ra nag mos bskang ba bya'o// lha mo dngos su mthong ba dang// ma dang bu ru dam bcas shing// bod+hi tsat+ti rang byung gis// dam bsres mnas bsgrag las la bsgo// bzang ba'i rtags rnams gang byung yang// nye ba yin phyir mnyes pa dang// dbang du bsdus nas las rnams 'grub// rkyen dang phrad dang ma phrad kyis// rings myung mo nyid gang der bsgrubs mthong nas tha tshigs dam bcas pa// dam tshig nyams kyis 'jigs pa'i phyir// mgu dang ma mgu med par bsgrub// mang po'i mdun du las byas kyang// the tshom med par 'grub par 'gyur// ma mo dngos sum thong gyur na// kha na ma thor 'gyur srid pas// slob dpon ma gtogs gzhan mi smra// gcig pu grogs kyang med pa bsgrub// dbang 'dus ting 'dzin gsal gyur na// ma mthong na yang 'grub par 'gyur/rgyun du bsrings na gang gis kyang// the tshom med par 'grub par 'gyur// nye bar 'gyur na legs 'grub pa// dpyid ni chu mdo gsang 'das 'dabs su// dbyar ni gsang rtse g.ya' gong bsgrub// ston ni spang 'bos 'dubs bsgrub// dgun ni dur khrod spang phub bsgrub// mchod pa nyin gung mtshan la bstabs// nam gyi gung la gtor ma gtong// de las gsad pa'i las kyang bya// phur bus gdab cing ral gris gtub// gtor ma 'phang zhing spyin sreg bya// bsten dbyangs snyan pas bskul pa ni// bskal pa me ltar 'bar pa'i klong dkyil nas// rlung nag tshub mar 'khyil ba'i nang shed nas// ma gcig 'dod pa khams kyi dbang phyug ma// bdud kyi lcam gcig gshin rje'i yum gcig ma// nag mo rngam pa'i mche ba can// mthing nag gcer bu ral pa can// sku mdog nag mor bzhugs pa ni// don dam dbyings las bskyod pa med pa'i rtags// ral pa g.yas nas g.yon du 'khyil ba ni// yum gyi mkha' la sprul pa 'gyed pa'i rtags// ral pa spyi gtsug gcig tu 'khyil pa ni// skye med don dam gcig tu 'khyil pa'i rtags// ral pa'i gseb nas me stag 'phro ba ni// thugs kyi sprul pa phyogs bcur 'gyed pa'i rtags/ thod rlon 'phreng bas sku la brgyan pa ni// thugs rje sprul skus 'gro don mdzad pa'i rtags// g.yas kyi snyan nas seng ge 'phyo ba ni// sman mo thams cad zil gyis gnon pa'i rtags// g.yon pa'i sbrul gyi gdengs ka 'phyo ba ni// zhe sdang ma spangs dbyings su dag pa'i rtags// snyan cha gser gyi dril bu 'khrol ba ni// sangs rgyas kun la bsnyen bkur mdzad pa'i rtags// spyan rtsa dmar la sdang mig bgrad pa ni// dgra bgegs thams cad rtsad nas gcod pa'i rtags// shangs nas khrag dang zhag gi dro snom ma// dpag tshad brgyad khri'i gnas nas len par byed// zhal nas drag po ho ma khug gdangs pa ni// dam nyams dgra bo zhal du sdud pa'i rtags// rno gdug mche ba zur gsum gtsigs pa ni// dgra bgegs sha la chem chem gsol pa'i rtogs// thugs rje chags pa'i rtags su rak+ta'i thig le sa brgyan// don dam bcud kyi rtags su zhag gi zo ris brgyan// 'dul byed 'phrin las rtags su thal chen chen mas brgyan// zhing lpags rlon pa sku la gsol ba ni// chos nyid yang dag don dang ldan pa'i rtags// glang chen ko rlon sku la gsol ba ni// theg pa mchog gi don dang ldan pa'i rtags// re lde nag pos gnam phyed dkris pa ni// 'jig rten 'di na che btsan ldan pa'i rtags// lte ba'i dkyil nas nyi ma 'char ba ni// sdug bsngal rgya mtsho ma lus skems pa'i rtags// lcags sgrog 'bar ba zhabs la 'khrol ba ni// 'dod ka mas 'dul pa'i dbang dang ldan pa'i rtags// g.yas na shing lang nag po bsnams pa ni// sdug bsngal skye shing rtsad nas gcod pa'i rtags// 'og ma thod rlon 'phreng ba 'dren pa ni// thugs rjes 'khor ba gnas nas 'dren pa'i rtags// g.yon gyis tri shul rtse gsum bsnams pa ni// dam nyams khams gsum rdul du rlog pa'i rtags// 'og ma thod rlon dmar gyis bkang ba ni// srid gsum sha khrag zhal du 'thung ba'i rtags// bong bu ga phyin phyogs zhon pa ni// gti mug don dam shes rab bsal ba'i rtags// srin po'i lkog mas sga ru byas pa ni// bdud dang srin po zil gyis gnon pa'i rtags// sbrul nag chun pos gong rmed byas pa ni// zhar sdang dbang gis dgra dpung 'joms pa'i rtags// rus sbal nag pos pho bus brgyan pa ni// klu rigs thams cad dbang du rdzogs pa'i rtags// bdud kyi khram bam snga shar btags pa ni// dam nyams gang yin khram la 'debs pa'i rtags// nad kyi rkyal pa phyi shar byas pa ni// dkon mchog dbu 'phang smod byed dgra bo la// nad kha ma lus 'bebs par byed pa'i rtags// nag mo 'bum phrag bran du bkol nas kyang// bstan pa 'jig par byed pa'i snying nas drongs// ma bdud 'bum phrag pho nyar da thog la// dam nyams dbu 'phang smod pa khrid las shog/ ma cig kha nas me 'bar rgya mtsho skems// lag na rdor 'phyar ri rab snyil// ral nag mun pas stong gsum khengs// kha na mi sha rlon pa za// khrag dang zhag 'dzag rgya mtshor 'khyil// dpal ldan chen mo da tshur spyon// bdag gis brtson par khyod bstod kyis// ma cig lha mo da tshur spyon// bcol pa'i las rnams grub par gyis// mA mo b+h+yo b+h+yo srog la hur hur thum thum rbad rbad// hU~M// stong chen mo'i dkyil 'khor nas// rdo rje gur gyi gzhal yas nas// rdo rje bka' yi pho nya mo// dkar mo dung gi ral pa can// khyung gi mgo la nyi zla'i spyin// ral gri stong gi gshog pa can/ rdo rje mche gshog re re la// sprul pa khyung gi pho nya 'gyed// lag na shel gyi phur pa 'dril// rdo rje pho nya 'bum sde yis// slob dpon smod pa khrid las shog/ ma ma pram bu a ti b+h+yo dza// dgra bo ni dza// zhes ni kun tu spel par bya// nam mkha' yangs pa'i dkyil 'khor nas// 'ja' tshon 'bar ba'i gzhal yas khang// rdo rje bka' yi pho nya ni// 'jigs byed 'bar ba'i mtshon cha can// ral kham nag gyen du 'khyil// spyan gsum sdang mig 'jigs par lta// thod rlon 'phreng bas sku la brgyan// phyag na rdo rje rtse gsum bsnams// kun bzang chen mo 'khor bcas kyis// dam nyams dgra bo khrid las shog/ ye shes chen mo'i dkyil 'khor nas// ye shes 'bar ba'i gzhal yas nas// rdo rje bka' yi pho nya mo// sngo nag mi sdug mche ba can// ral pa dmar nag gyen du 'khyil// spyan gsum zhe sdang logs kyis lta// phyag na rdo rje rtse gcig 'dril// ye shes chen mo 'khor bcas kyis// dam nyams dgra bo khrid las shog/phyag rgya chen mo'i dkyil 'khor nas// mu men mdzes pa'i gzhal yas khang// rdo rje bka' yi pho nya mo// dmar mo bse yi thor tshugs can// bya rgod mgo la nyi zla'i spyan// spu gra 'bar ba'i gshog pa can// me dpung 'bar pa'i klong na bzhugs// phyag na lcags kyi phur pa dril// rdo rje sgron ma 'khor bcas kyis// dam nyams dgra bo khrid las shog/ gnod spyin mo yi dkyil 'khor nas// an+d+ri nI la'i gzhal yas khang// rdo rje bka' yi pho nya mo// dmar mo spyan gsum mche ba can// ral pa sngo dmar gyen du 'khyil// gdug pa ma lus kun 'dul zhing// g.yas na rdo rje rtse lnga bsnams// g.yon na mchog gi phur ba 'dril// rdo rje 'od chags 'khor bcas kyis// dam nyams dgra bo khrid las shog/ 'od dpug chen po'i dkyil 'khor nas// sna tshogs 'phro ba'i gzhal yas khang// rdo rje bka' yi pho nya mo// sngon mo mi srun 'brug la chibs// zhing gi g.yang gzhi gos su gon// lag na khrag gi zhags pa thogs// tshangs pa'i gnas kyang 'jigs par byed// g.yon na gser gyi phur pa 'dril// rdo rje g.yu sgron 'khor bcas kyis// dam tshig nyams pa rdul du rlogs// dbang phyug chen mo'i dkyil 'khor nas// pad+ma 'bar pa'i gzhal yas khang// rdo rje bka' yi pho nya mo// sngon mo gtum mo mi srin seng ge chibs// sbrul nag stong gis sku la brgyan// rus sbal dkar po'i thod 'phreng can// lag na be con nag po thogs// g.yon na bse yi phur pa 'dril// rdo rje g.yu sgron 'khor bcas kyis// dam nyams dgra bo khrid las shog/ mkha' la dbang sgyur srid pa'i byan mkhan ma// de yi thugs las sprul pa'i pho nya ni// shar lho gru chad 'bar pa'i gzhal yas nas// mi mo seng ge'i mgo can la// lcags kyi ral pa gyen du 'khyil// sku la mi lpags rlon pa gsol// lag na khrag gi lcags kyu thogs// mi snying rlon pa zas su za// mi khrag mngal mo skom du 'thung// khyed kyi thugs dam dus la bab// de yi bka' nyan pho nya ni// shel gyi seng ge ral pa can// shel gyi lus la nyi ma'i mig/spu ni lcags kyu bsregs pa 'dra// bang ni glog pas nges par mgyogs// skad ni 'brug pas nges par che// mig ni nyi ma'i zer bas rno// zas su dgra bo'i sha la za// skom du nyams pa'i khrag la 'thung// dam tshig nyams pa'i snying nas drongs// lho nub gru chad gzhal yas nas// mi mo stag gi mgo can la// ral pa ser nag gyen du 'khyil// sku la mu men slag pa gsol// phyag na khrag gi tshags pa bsnams// kha nas nad kyi rlangs pa 'byung// 'jig rten nad kyis btul bar mdzad// khyod kyi thugs dam dus la bab// dam nyams dgra bo'i snying nas drongs// de yi bka' nyan pho nya ni// stag la gser mdog mgo lnga po// gser gyi lus la nyi ma'i mig/ spu ni lcags kyu bsregs pa 'dra// bang ni glog pas nges par mgyogs// skad ni 'brug pas nges par che// mig ni nyi ma'i zer bas rno// zas su dam nyams shal za// skom du dam nyams khrag la 'thung// khyod kyi dam tshig dus la bab/ nub byang gru chad 'bar pa'i gzhal yas nas// sprul pa bya rgod thang nag la// mchu ni gnam lcags zhun ma 'dra// lcags sder sngon mo bshad de bshad// rdo rje gshog pa 'bar ba las// sprul pa bya nag mang por 'phro// zhing chen ba su 'dren cing za// khyod kyi thugs dam dus la bab// dgra bo dam nyams snying nas drongs// de yi bka' nyan pho nya ni// ur mo 'brug sngon so rnon la// yan lag thams cad sbrul gyis brgyan// klu chen brgyad kyi khri la bzhugs// zas su dam nyams sha la za// skom du dam nyams khrag la 'thung// khyod kyi thugs dam dus la bab// byang shar gru chad 'bar pa'i gzhal yas nas// sprul pa kaM ka chen mo la// khrag gi gshog pa brlabs pa yis// 'jig rten khams su khrag nad 'bebs// bse yi mchu sder dmar po yis// dur khrod gnas nas bam chen 'byin// b+ha ga'i sprul pas stong khams khengs// khyed kyi thugs dam dus la bab// de yi bka' nyan pho nya ni// lcags kyi khyi ste rkang gsum ma// lcags kyi lus la nyi ma'i mig/spu ni lcags kyu bsregs pa 'dra// bang ni glog pas nges par mgyogs// mig ni nyi ma'i 'od pas rno// zas su dgra bo'i sha la za// skom du dgra bo'i khrag la 'thung// khyod kyi thugs dam dus la bab// shar phyogs shel gyi khang bzangs nas// sprul pa rdo rje bud med lus// rus sbal dkar po'o go cog can// sku la glang chen g.yang gzhi gsol// phyag na rtse ta kha gsum bsnams// dbu la rdo rje rtse gcig 'bar// pa spu nyag ma re re la// bskal pa'i me ltar tsha tsha 'phro// chibs su rus spal nag po chibs// sdom dang sdig pa'i sprul pa 'gyed// sprul pa'i pho nya da thong la/ dam nyams dgra bo'i snying nas drongs 'phrin las mdzod cig tsa mun ti// lho phyogs g.yu yi khang bzangs na// sprul pa rdo rje bud med lus// rus sbal sngon po'i mgo bo can// chu glang nag po'i g.yang gzhi gsol// zhabs las bskal pa'i chu nag ldang// dbu la rin chen 'bar bas brgyan// pa spu nyag ma re re la// sbrul dang sdig pa'i tshang kyang bcas// chibs su sbrul nag mgo gsum chibs// zhags pa sngon po phyag na bsnams// khyod kyi thugs dam dus la bab// snying nas drongs cig ku ma la// dbang sgyur srid pa'i byan mkhan ma// de yi thugs las sbrul pa'i pho nya ni// shar lho gru chad 'bar ba'i gzhal yas nas// mi mo seng ge'i mgo can la// lcags kyi ral ba gyen du 'khyil// sku la mi lpags rlon pa gsol// lag na khrag gi lcags kyu thogs// mi snying rlon pa zas su za// mi khrag mngal mo skom du 'thung// khyed kyi thugs dam dus la bab// de yi bka' nyan pho nya ni// shel gyi sel ge ral pa can// shil gyi lus la nyi ma'i mig/ spu ni lcags kyu bsregs pa 'dra// bang ni glog pas nges par mgyogs// skad ni 'brug pas nges par che// mig ni nyi ma'i zer bas rno// zas su dgra bo'i sha la za// skom du nyams pa pa'i khrag la 'thung// dam tshig nyams pa'i snying nas drongs// lho nub gru chad gzhal yas nas// mi mo stag gi mgo can la// ral pa ser nag gyen du 'khyil// sku la mu men slag pa gsol// phyag na khrag gi zhags pa bsnams// kha nas nad kyi rlangs pa 'byung// 'jig rten nad kyis btul bar mdzod// khyod kyi thugs dam dus la bab// dam nyams dgra po'i snying nas drongs// de yi bka' nyan pho nya ni// stag la gser mdog mgo lnga pa// gser gyi lus la nyi ma'i mig/ spu ni lcags kyu bsregs pa 'dra// bang ni glog pas nges par mgyogs// skad ni 'brug pas nges par che// mig ni nyi ma'i zer bas rno// zas su dam nyams sha la za// skom du dam nyams khrug la 'thung// khyod kyi dam tshig dus la bab// nub byang gru chad 'bar ba'i gzhal yas nas// sprul pa bya rgod thang nag la// chu ni gnam lcags zhun ma 'dra// lcags sder sngon mo bshad de bshad// rdo rje gshog pa 'bar ba las// sprul pa bya nag mang por 'phro// zhing chen ba su 'dren cing za// khyod kyi thugs dam dus la bab// dgra bo dam nyams snying nas drongs// de yi bka' nyan pho nya ni// ur mo 'brug sngon so rnon la// yan lag thams cad sbrul gyis brgyan// klu chen brgyad kyi khri la bzhugs// zas su dam nyams sha la za// skom du dam nyams khrag la 'thung// khyod kyi thugs dam dus la bab// byang shar gru chad 'bar ba'i gzhal yas nas// sprul pa kaM ka chen mo la// khrag gi gshog pa brlabs pa yis// 'jig rten khams su khrag nad 'bebs// bse yi mchu sder dmar po yis// dur khrod gnas nas bam chen 'byin// b+ha ga'i sprul pas stong khams khengs// khyed kyi thugs dam dus la bab// de yi bka' nyan pho nya ni// lcags kyi khyi ste rkang gsum ma// lcags kyi lus la nyi ma'i mig/ spu ni lcags kyu bsregs pa 'dra// bang ni glog bas nges par mgyogs// mig ni nyi ma'i 'od bas rno// zas su dgra bo'i sha la za// skom du dgra bo'i khrag la 'thung// khyod kyi thugs dam dus la bab// shar phyogs shel gyi khas bzangs nas// sprul pa rdo rje bud med lus// rus sal dkar po'i go cog can// sku la glang chen g.yang gzhi gsol// phyag na rtse ta kha gsum bsnams// dbu la rdo rje rtse gcig 'bar// pa spu nyag ma re re la// bskal pa'i me ltar tsha tsha 'phro// chibs su rus sbal nag po chibs// sdom dang sdig pa'i sprul pa 'gyed// sbrul pa'i pho nya da thong la// dam nyams dgra bo'i snying nas drongs// 'phrin las mdzod cig tsa mun ti// lho phyogs g.yu yi khang bzangs na// sprul pa rdo rje bud med lus// rus sbal sngon po'i mgo bo can// chu glang nag po'i g.yang gzhi gsol// zhabs las bskal pa'i chu nag ldang// dbu la rin chen 'bar pas brgyan// pa spu nyag ma re re la// sbrul dang sdig pa'i tshang kyang bcas// chibs su sbrul nag mgo gsum chibs/ zhags pa sngon po phyag na bsnams// khyed kyi thugs dam dus la bab// snying nas drongs cis ku ma ri// nub phyogs bse yi khang bzangs nas// dbang mdzad ma phang kun 'dul ma// sprul pa rdo rje bud med lus// dbu na gti mug phag rgod mgo// rus sbal stong gi thul pa gsol// pad+ma 'bar pa'i go cog can// chibs su phag mo sum grus chibs// bar bar sa rko lhogs se lhogs// phyag na zangs kyi sgrog chen bsnol// khyod kyi thugs dam dus la bab// dam nyams dgra bo'i snying nas khug/ dur gyi rag+sha sho ra re// byang phyogs gser gyi khang bzangs nas// sprul pa rdo rje bud med lus// dbu ni za byed spyang mo'i mgo// sku la lcags kyi tshem tshem gsol// mu men gser gyi go cog can// gser gyi dril bu 'bum gyis brgyan// phyag na gser gyi sil snyan bsnams/ chibs su lcags kyi spyang ki chibs// khyed kyi thugs dam dus la bab// thal bar lhogs shig yak+sha tsa mun ti// nam mkha' yangs pa'i dkyil 'khor nas// sring cig khug chos dbyar mo btsun// chibs su skyin bu kha dkar chibs// sku la rus sbal thug pa gsol// phyag na lcags kyu 'bar ba bsnums// khyed kyi thugs dam dus la bab// gling yul gling stong gling gi khri rtse nas// sring cig lho yi skyi mthing ma// chibs su mdzod chen zal mo chibs// na bza' bcos kyi la'u gsol// phyag na 'phrul gyi me long bsnams// khyod kyi thugs dam dus la bab// rma chen 'khyung btsun rab gnas nas// sring cig kha rag khyung btsun ma// na bza' bya rgod thul pa gsol// chibs su bya rgod dar ma chibs// phyag na ne seg 'phreng bas 'grang// khyod kyi thugs dam dus la bab// byang phyogs rus chen 'khor lo nas// sring cig byang gi sma 'thig ma// chibs su bse glang dmar po chibs// na bza' rus chen slag pa gsol// phyag na gser gyi cha lang bsnams// khyod kyi thugs dam dus la bab// nam mkhar g.yu yi lding khang nas// sring cig rdo rje g.yu sgron ma// chibs su lcags kyi spyang khu chibs// sku la gser gyi gos su gsol// gser g.yu spangs pa'i thod rdeng can// phyag na khram gyi zhags pa bsnams// dam nyams dgra bo'i snying nas drongs// gangs ri chu 'dzag gnas rab nas// sring cing sha med gangs dkar ma// chibs su dung sha dkar po chibs// sku la dung gi le'u gsol// phyag na ban+d+ha rlon pa bsnams// khyod kyi thugs dam dus la bab// spu si si'i spang khang nas// sring cig kong yul bod khams skyong// chibs su bdud bya nag po chibs// na bza' btsos kyi go zu gsol// dbu la mthing gi go cag gsol// phyag na bdud kyi khra bam snams// khyed kyi thugs dam dus la bab// ces bskul zhing rak+ta brlabs pa ni// bdud mo ma bdun dang bcas pa'i sgrub thabs so// 'dod pa khams kyi dbang phyug ma'i rgyud las// dpal lha mo nyid bdud mo'i cha lugs su zhugs pa ma bdun dang// 'phra men ma bzhi dang// sprul pa bzhi dang// las kyi sring bdun dang ldan pa'i dkyil 'khor gyi sgrub thabs kyi le'u ste bcu gsum pa'o// de nas dpal lha mo nyid kyi 'khor na dang bdud kyi rgyal po gnas pas// gnod 'dul lha'i rgyal po 'di skad ces smras so// kye gnod 'dul lha'i rgyal po khyod nyid ni// bdag cag lha thams cad kyi gtso bo// gnod spyin thams cad kyi bdag po lags na// ci'i slad du dpal lha mo nyid sprul pa sna tshogs su sprul pa'i sgrub thabs bcom ldan 'das la mi zhu ba// a la la// shin tu ya mtshan che zhing ngo mtshar to// zhes gsol pas// gnod mdzes lha'i rgyal po shes bzhin du stan las langs te// bcom ldan 'das la bskor ba lan stong phrag du mar byas te// bcom ldan 'das kyi zhabs la mgo bos phyag 'tshal te// 'di skad ces gsol to// sems can las ni tha dad pa// tha dad de rnams gdul don du// sprul pa rnam pa sna tshogs sbrul// 'jig rten bsam pa tha dad pa'i// 'jig rten mi la sman slad du// sna tshogs sgrub thabs dam pa 'di/ mngon rdzogs yab kyis bka' stsal 'tshal// rdzogs sangs rgyas kyis bka' stsal pa// nyon cig gnod 'dul lha yi gtso// 'jig rten mi la phan don du/ sna tshogs sgrub thabs nga yis bshad// nal gyi snying dang dbang po dang// go ro tsa na rab bsres la// ri lu tsa na'i tshad tsam bya// nyi shu ma'i bum pa bskam// bsgrubs dang ma bsgrubs pa'i sman// rnam pa sna tshogs rab tu bsags// mkhang dang sa stengs sa 'og dang// rnam pa thams cad 'tshogs par bsag/byang zad la sogs khu ba'i tshogs// gson dang mi gson sna tshogs bsag/ rab tu dben pa'i sa phyogs su// skyon med shi ba blangs nas ni// man+Dal khrag gis byi dor bya// mgo bcad snod der nyid kyi dbang// gzhi byas b+ha ling gong rgyu las// kar nag tshe ni tsit+ta 'dra// ril kus sman dang dpa' po bstsal// myos byed dmar dang bdud rtsir sbyar// bum pa'i phyi ma dag tu'o// rtsa ba med pa'i bum nang du// snying khrag dug tu sbyar ba ni// zur gsum 'bar ba'i nang du gzhug/ gnyen po lta yang bsgom par bya// rlung nang nag mo'i tsit+ta drang// 'ongs nas mdun du gnas par bsgom// zhag gsum nub mo sdug mi sdug/ cho 'phrul sna tshogs byung ba la// rtog med sems kyi gtor ma sbyin// zhag lnga'i nub mo sdug pa yi// cho 'phrul sna tshogs byung ba la// dga' ba med pa'i sems kyis ni// gtor ma byin to gsol ba gdab// ga pur dud pa rgyun mo cad// bdud gyi nub mo mngon du 'byung// gtsang dang mi gtsang bye brag brtag/ lus la sbrul gyis 'khril ba dang// sbrul la zhon zhing 'gro ba sogs// klu'i sdug dang mi sdug pa'o// rta'i rtag dang zhon pa dang// lha khang mchod rten bu chung sogs// mchod dang mi mchod bye brag ni// btsan dang rgyal po sdug mi sdug/ bud med sprang dang mdzes pa sogs// 'khor gyi sman mo sdug ma sdug/bong bu dre'u tsogs 'dra zhon pa// lha mo nyid kyi sdug mi sdug/ kun la dga' ba'i sems bskyed bsgrub// mi sdug sdug la bsgo ba nyan// mo nyin mngon du byung ba 'am// dam tshig bsreg na ci yang bsgrub// 'jigs na yi chad phung bar 'gyur// gdung ba med na g.yel bar 'gyur// zhe sdag med na sgrol mi nus// ting 'dzin tshungs na bsgo mi nyan// bsten thabs nor na 'khor la gnod// lta ba med na dpang mi 'du// dam bsres deng nas gting bsgrub dngos// ma slangs sbyor ba thams cad dgos// dga' ba skyes na gzhan mi 'grub// the tsom can la grub ba med// dam tshig med na rang nyid gsod// rdzas rnams zhan na khro bar 'gyur// lo zla 'das na nyams pa'i gnas// drod tshad med na bar chad 'byung// skyon rnams bzhi po yongs spangs nas// bsgrubs na yid bzhin nor bu bzhin// gnam stong tshes brgyad bco lnga la// myos byed khrag dang ri lur sbyar// bum pa re re mchod par bya// gnyis lnga dgu ni nyi shu dbang// de la gtor ma drag po 'phang// grub pa tsam gyis dbang byas pa'o// grub nas bka' nyan snying zor bsgom// tshig dang dbyangs kyis bskul ba ni// byang shar mtshams kyi ma cig ma// dpal ldan nag mo re ma ti// ma bdun chen mo zhes kyang grags// gnas ni khrag gi mtsho la gnas// bzhugs ni mi thod spungs pa'i mkhar na bzhugahas// nag mo gcer bu ral gcig ma// sku la re ba'i gos su gsol// ched ka dar gos sngon po gon// sdug dang mi sdug cha lugs can// mgo la skra gcig skyes pa ni// kham pa mi bzad gnam du zug/ral pa gnam du sprugs pas ni// gnam la dkar po khrag tu skyugs// ral pa thad kar sprugs pas ni// khams gsum ma lus dbang du sdud// ral pa thur du gsigs pas ni// dgra bgegs ma lus thal bar rlog/thod rlon 'phreng bas rgyun du bcings// dpral nas mig gcig bgrad pas ni// khams gsum mi mthong gang yang med// dam nyams dgra bo rtsad nas chod// kha nas so gcig gtsigs pas ni// dgra bgegs sha la chem chem gsol// brang nas nu gcig bshal bas ni// rnal 'byor kun gyi gsos kyang mdzad// thugs dam drag tu bskul ba'i tshe// dpung mgo g.yas la 'gyel zhing 'gro// phyag g.yas bdud kyi khram bam bsnams// g.yon na nad kyi rkyal pa bsnams// shangs nas nad kyi bu yig 'bebs// zhabs la sag ti cang khre gsol// chibs su dre'u nag rkang gsum chibs// dri ba dgu'i te len can// thod pa'i sga la zhing chung leg/ sbrul nag lnga brgya'i gong smed la// spal nag gzhibs pa'i pho bus brgyan// chibs ky-i de nas snga sha la// khrag gi zhags pa dmar po bcings// chibs kyi de ni phyi sha la// tshon gyi gru gu sngon dmar bkal// nag mo 'bum sde bran du 'khol// sngags pas gdungs te rbad pa'i tshe// gang la bya ba drongs shig khug/ las ngan bstan pa 'jig pa'i dgra bo 'di// kha ru lag chug khong nas snying phyung zhig/ltag nas bdud chod gdong nas 'od phrogs shig/ mchan nas bu phrogs 'og nas chung ma sod// gnam gyi 'ju thag brten yang chod// sa yi rten phur 'og nas phyung// log par lta ba'i gti mug choms// zhe sdang ba yi don snying phyung// dkon pa'i tshe srog gnyis dang khrol// don snying khong nas 'dren tsam na// nang khrol kun kyang dum bur gtubs// srog rtsa gcad pa'i dus la bab// nang khrol dbyung pa'i dus la bab// snying khrag bzhi ba'i dus la bab// glo snying sbrug pa'i dus la bab// ces bskul lo// 'dod pa khams kyi dbang phyug ma'i rgyud las// dpal lha mo nyid mi dbang 'bras bu zas su byas pa'i sgrub thabs bstan pa'i le'u ste bcu bzhi pa'o// de nas mtsho sman rgyal mo'i sgrub thabs rab tu bshad par bya'o// ri zlum cha lang phur pa 'dra// brag phug sgo chung gting ring na// sa'i maN+Dal legs par bya// zhing dun g.yang gzhi ma bral bdun// bla ri btags shing sa gzhir dgram// zhing gi gur dang rbad por dang// tsit+ta mi dbang 'bras bu dang// tshil chen btags te rak+sha bsag/ dur khrod rdzas brgyan shom phyir dgra ma// rdzas rnams bsdus la gtor ma bya'o// gu gul dud pa rgyun mi gcad// khrag sna nyung yang bco brgyad bsham// sman sna nyung yang bco brgyad do// nam mkha' lding dang tsar dang// shel smug shel dkar shel nag gsag/las byed phyir na byang shar sa// gshin rje'i gdug chu lho nas sbru// byang sems maM sa rak+ta dang// dru chu dri chen chag chag ni// shar lho nub byang dbus su gdab// man ngag gdeng ldan nub tu ste// yo byad byang nas bsham par bya'o// bar chad bskrad phyir khro bcus bskrad// sa las 'byung lnga ye sangs rgyas// sangs rgyas spyan gyi mkha' klong dag/ byang sems cis kyang bcos pa'o// sa las kun gyi rten gyur phyir// chos sku lte ba zlum po dkar// sbrul sku dbang gi rang bzhin gyis// pad+ma bzhi po kha dog dmar// pho nya las byed lcags ri gnag/ dbus su zla gam kha sprod la// mngon rdzogs yab kyi rgyal po bri// g.yon gyi zla gam gnam zhal la// shar phyogs bcu gsum ban+d+ha ru// glang chen 'bras bu tsit+ta cig/ lho phyogs bcu drug ban+d+ha ru// rta sngon 'bras bu tsit+ta cig/ nub phyogs nyi shu'i ban+d+ha ru// rma bya'i 'bras bu tsit+ta cig/byang phyogs nyer gcig ban+d+ha ru// pha wang 'bras bu tsit+ta cig/ nyi shu bzhi yi ban+d+ha ru// byang sems dri chen tsit+ta cig/ pad+ma bzhi la yang gab bzhi// steng du ban+d+ha bzhi po gzhag/ de la yang snying bzhi po bri// dkyil 'khor grwa bzhir las byed bzhi// dkyil 'khor mu ran chag gang la// long ba rgyab sbrel dkyu bar bri'o// dkyil 'khor mtha' mar phur pa ni// brgya rtsa brgyad kyis rab tu bskor// phyogs mtshams gsair phye me long bzhi// gzhal yas khang du rab bskyed la// dbus su dngos nyid nga dang yum/// rten du ban+d+ha dang po gzhag/ spyang khu'i khrag dang 'tshal chen sbyar// dbus kyi nang du khyad par du'o// gzhon nu'i zho khyor gang gis// byang sems mtshams kyi gser phye bzhir// hU~M// ma cig kun bzang chos kyi dbyings bdag mo// stong gsum 'jig rten yongs la dbang sgyur ma// 'byung lnga yum gyi dkyil 'khor chen po 'dir// thugs dam dbang gis gnas 'dir gshegs nas kyang// dur khrod shin tu 'bar ba'i dkyil 'khor du// yab yum dges shing brtan par bzhugs su gsol// mo ha zhes bya ba la sogs brjod// dbus kyi ban+d+ha yul du gzhag/ rang rig ye shes 'od las grub// khab blon chen po spyan 'dren na// sngon gyi dpal chen spyan lam du// khab blon chen mo zhal 'ches kyis// thugs dam bskul zhing gshegs su gsol// spyi tis zhes byas shar du bzhugs// dpal chen thugs kyi sras mo ste// dpal chen bka' nyan 'khor sdud ma// sgrol blon chen mor zhal 'ches ma'i// 'dir gshegs mchod pa gzhung bzhin bzhes// badzra thod pa ma mo lho// phrin blon chen po spyan 'dren pa// gangs dkar rtse la gnas pa mo// spyan sngar khas blangs bsnyel lam ci// dur khrod 'bar ba dkyil 'khor 'dir// mchod bzhes brtan par bzhugs su gsol// rag mos thod pa nub kyi ma// dur khrod ma mo tsa mun ti// mthing nag rlung zhon gshegs su gsol// yab yum dges pa'i dkyil 'khor 'dir// sras mchog dam par bzhugs su gsol// byang gi ma mo spyan drang bstim// phal ba ban+d+ha bcu bzhi la// bdun gnyis bcu bzhi bris la dgod// tshal bu stong ni rtsa brgyad la// stong rtsa brgyad bris lcags ris bskor// rang sems ma bcos de bzhin nyid// ma rtogs snying rjes rang rig las// nam mkhar 'dab bzhi'i lte ba la hU~M// gdan brtsegs steng du gnam yag ste// gnam zhal nang hU~M che mchog dmigs// dpal chen byang sems thugs nyid rten// rtsa bzhi dbang gi rgyal mo bzhir// shar phyogs rtsa ni nas tsa pa// gser gyi sbu gu dar skud 'dra// dkar mo dbu dgu re ma ti// spro bsdus shar gyi 'dab ma bskyed// snying kha rag la sogs pa'o// lho rtsa bai TU r+Ya sngon po ste// rin chen sbu gu nas tsam pa// mtsho sman A r+ya re ma ti// srin mo sngon mo rab tu bskyed// nub phyogs rtsa ni le brgan la// dmar po dar gyi lce 'dra las// spro bsdus gu h+ya re ma ti// srin mo dmar mo rab tu bskyed// byang phyogs rtsa ni nas tsam pa// in dra nI la ljang khu 'dra// rlung nag rlung zhon de la rgyu// spro bsdu tsa mun du ru bskyed// spyan drangs bstim la mchod pa dbul// yang sbas ma mo drug gi stong// he ru ka ru gsal ba des// yang gab bzhi 'khor snying drangs te// pad+ma 'dab bzhi yi rtse mor thin// 'dab ma bcu bzhi stong rtsa brgyad// sum brgya drug cu 'dus 'khor de// bka' nyan las la sdod par bsgom// nub gsum phyogs bzhi nam mkhar ni// bzlas brjod stobs kyis mdog 'thun 'byung// nam mkha'i lding gis thugs dam bskang// bzlas bas nub lnga'i nub mo ni// sgra ni phyogs bzhir lding bar 'byung// tsa ra nag pos de dus bskang// bdun gyi nub mo dri zhim bzhi// shel nag sbyi dkar thugs dam bskang// dgu yi nub mo ban+d+ha bzhi// bdud rtsis khengs pa de longs spyod// shel ni dkar pos thugs dam bskang// sku ni mngon du bcu gcig 'byung// shel smug thugs dam bskang nas kyang// dam bsre mnas ni bsgags par bya'o// de dus rbad sngags mang bzlas bcol// las su bcol ba ci yang 'grub// rten dbyangs snyan pas bskul ba ni// hU~M// gling bzhi mun pa'i g.yung drung bzlas pa'i pha rol nas// rol mtsho bdun dang gser ri bdun// gser gyi ri bdun 'das pa'i pha rol na// lcags mtsho nag po khyil li li// lcags mtsho nag po khyil pa'i nang shed na// gser gyi khri la g.yu yi yi gdan bting nas// snang zhing srid pa thams cad dbang du sdud// skye 'gro'i tshe la legs nyes ltang 'dzin ma// thog gi rgyal mo thog 'phreng ma// srig cig chen mo sku yi rje// sku la na bza' ci gsol na// na bza' rma bya'i thul pa la// mtha' ma g.yu yi rdo rjes gtams// bud med gser gyi go cog can// spyan mig g.yas pa zla ba 'khyil pa cam// spyan mig g.yon pa nyi ma 'khyil pa tsam// bzhugs na nyi ma ri rab lho la bzhugs// mtsho sman rgyal mo legs nyes ltang 'dzin ma// sku ni mi bskyod brtan par bzhugs// phyag na 'phrul gyi le long bsnams// rnam par thar pa'i lam yang ston// sangs rgyas rnams dag gshegs shul cig/ dbang phyug 'phra men rnams kyis dgongs sbyod cig/ 'jig rten 'dzam bu gling bzhir legs nye ltang 'dzin ma// 'dzam bu gling bzhi'i sems can tshe zad dus zad gtan la 'bebs// sangs rgyas rnams dang gshegs shul 'thun rgyal rigs rnams dang las thabs gcig/ legs ldan nag po pho nyar 'gyed// klu rnams kun la dbang sgyur ma// yang dag nges pa'i don dam par// ma phang mtsho la gnas pa mo// ma phang g.yu mtsho sngon mo ni// dbyar ni mi skye dgun mi 'khyag/ mtsho mo ma phang yang dag la// de yi nang na gnas pa mo// phyag g.yas srid pa'i 'khor lo bsnams// phyag g.yon me long tshe bum pa bsnams// bsnyen cing bsgrub cing thugs dam bskul// dam tshig ma nyams bdag la dngos grub gsol// rak+ta sna mangs phyar cing bskul// de yi thugs dam bskang ba ni// ku ku ra tsa shel mig dang// rma bya'-i mdongs kyis thugs dam bskang// 'dir bskong mi bzlag gcig kyang med// hU~M// dpal chen thugs las sprul pa'i ma mo ste// gnas ni rol mtsho chen po bdun la gnas// chibs su 'jigs pa'i mgo dgu chibs// sku ni shel rdo bcag pa 'dra// nyi ma'i zer bas shin tu 'tsher// zla ba'i 'od pas 'tshel la dkar// sku yi 'od kyis stong khams khyab// zhal nas 'jigs pa'i skar mda' 'phro// dgu tshigs gzhu la skar chen 'da'// nyi zla gzhu ru 'gegs pa mo// skar mda' mda' ru 'phen pa mo// dgra snying phor gyis 'debs pa mo// che zhes ma sar dbang phyug ma// sha khrag dmar gyi dri snom ma// dam tshig nyams pa'i rjes gcod ma// thog dang ser pa zhal nas 'phro// sbrul nag stong gi zhags pa'i 'phen// zla ba tshes pa'i spyan zur gzugs// dam tshig nyams pa'i gshed mar zhal 'ches ma/ thugs dam rgyud bskul bcol ba'i 'phrin las mdzod// shel dkar chos nyid lta ba dang// lug dang man ngag gis bskang// hU~M// gangs dkar rtse la gnas pa mo// las su bcol na kun yang 'grub// phyag na dril pa'i mchog phur bsnams// dgra bgegs snying la gzer 'debs ma// sku la btsos kyi la 'u gsol// zhal nas sgra sgrogs 'brug chen ldir// phyag na thod 'dzag dgra snying bsreg/ thugs ni dgra bo'i tsit+ta rlob// spyan mig stong khams khyab par gzigs// smug nag chen mo dbu lnga ma// tsit+ta stong gi mnga' bdag ma// nam mkha' stong la khyab par gzigs// nam mkha'i stong la dbang sgyur ma// ston zla gsum la 'bras bu lo tog bcud len ma// dbyar zla gsum la thog dang ser ba zhal nas 'phro// dpyid zla gsum la me tog kun gyi bcud len ma// sems can gzhon pa'i mdangs 'phrog ma// dgun zla gsum la rgyu ba'i dus// rlung nag tshub ma'i gdong 'dren cing// mang po kun gyi drod 'bebs ma// srid pa'i bu mo dam tshig can// dam tshig dus la bab kyis gshegs su gsol// shel nag smug chags ku ku ra// smug mo shel mig dag gis bskang// dur khrod bdag mo shrI tsa mun ti// sku mdog dmar ser chen mo la// nu ma'i bshal thag gsus pa g.yogs// yar ltas steng gi lha rgyal ma// mar ltas 'og gi klu rgyal ma// chibs su sprul pa rlung nag chibs// na bza' gos su nag po gsol// zhal nas rdzi ba 'bud pa ma// g.yas na zangs kyi rgyu zhags bsnams// g.yon pa 'dzin khug byed pa'i phyag/ sdang ba'i dgra bgegs drongs shing khug/ rlung gi phyogs nas pho nya 'gyed// sbrul pa sha zhon mang po gtong// 'dir gshegs bcol bskul 'phrin las mdzod// ces bskul khrag sna mang po dang// gu gul dud pa rgyun du gtang// mngon du phyung nas gnas pa'i tshe// lnga rdzis gnam zhal stong nyid du// che mchog sprul par bcas pa bsgom// la nu bzung ste 'di skad smras so// khar sang kha nyid sngon du ni// bdag gis ma ru ngo ma shes// bdag gis grogs su ngo ma shes// bdag gis mdza' mor ngo ma shes// bdag gis bran mor ngo ma shes na// brtse ba'i gdung dang ldan// grogs su ngo ma shes// grogs su ngo shes na// mkha' 'gros bdag la tshur smras pa// chos nyid kha ru ngo ma shes/ dbyang dang ye shes ldan ming sor ngo mi shes/ ming sor ngo shes nas brtse ba'i gzhung dang ldan// rje bor ngo ma shes// rje bor ngo shes na// yun du 'bar du mchi// de nas mngon rdzogs rgyal po yis// yum gyi srin lag rab bzung ste// yum gyi b+ha ga dbang bsdus nas// snyoms 'jug byas te pad khrag dang// ga pur bsres te dbyings cig phyir// kun rdzob cig pa'i rnam pa bsre// de ltar bsres nas dam bcas pas// ma ru da bsgrub kyis// ma ltar dbang mche dbyings dang ye shes 'byor// sring mor da bsgrub kyis// sring ltar sla ma dam// grogs su da bsgrub kyis// grogs ltar phrag ma dog// mdza' mor da bsgrub kyis// yid la gzhung ma ngan// bran mor da bsgrub kyis// bran ltar snying ma ring// de nas dkyil 'khor gru bzhir bzung la dbang bskur la gzhag go// grub nas pra dbab dngos por blta// zhi rgyas dbang la sogs pa bya// khyad par drag po bsgrub pa'i phyir// bud med snrel gri'i thod pa'i nang// gu gul nag po dug sna tshogs// khrag dang snying sbyar ba 'di// gru gsum zur ni gcig la gzhag/ mon nag la byung thod pa dang// rabs chad nag po'i thod pa dang// spyang thod phag thog gang yang rung// thod pa gsum po dag tu yang// gong ma'i rdzas dang mthun par blugs// zur bzhi drag po bzhi nang bzhugs// yab yum ting 'dzin gsal ba dang// nyungs kar nyungs nag rdzas rnams la// dkar mo re ma ti'i tri// rab tu bzlas tu dang por blugs// snying rbad snying thig bzlog pa'i dus// kha nas ma mo'i tshogs 'phros pas// thim ste ma mor gyur pas gsad// dang por dkar mo re ma ti// gnyis pa A r+ya re ma ti// gsum pa gu h+ya re ma ti// bzhi pa ma mo tsa mun ti// khri re bzlas shing thun du bsgrub// nam gyi phar phyed tshur phyed na// sle'u nag ras kyis mgo phur la// khang phyi lan gsum bskor nas kyang// khyim nas rkang 'dom bcu gsum sar// zur bzhi'i rmad du rba ba ni// gza' ni mig dmar dus la sba'o// 'dod pa khams kyi dbang phyug ma'i rgyud las// dpal lha mo nyid mtsho sman gyi rgyal mor zhugs pa'i sgrub thabs bstan pa'i le'u ste bco lnga pa'o// ri yi dbyibs kyang kham nag dang// lung gsum 'dus pa'i mdo dag ni// nags tshal stug po'i dbus su bsgrub// dkyil 'khor gru gsum mthing nag la// dbus su sa bon ma cig bri// bar ma thod pa'i 'phreng bas bskor// kha ni me ri smug por bskor// mi dbang snying dang mkhal ma dang// nang khrol klad par bcas pa las// gzhi byas sha sna 'tshog par sbyar// 'bru dang shing thog 'tshogs pa las// gtor ma byas te bsgrub rdzas so// mi dbang khrag la sogs pa yi// khrag sna stong ngam yang na brgyad// nyi shu'i mtha' dang myos byed dang// nyi shu rtsa gcig bar du bsag/ sman sna stong ngam yang na brgyad// nyi shu'i mtha' dang myos byed dang// gong ma'i bar du sbyar bar bya'o// zhing chen bla re sa gzhi dang// gu gul dud pa rgyun mi gcad// keng rus lhu gdum mtha' dang mthar// shun chen slag pa de bzhin te// so so'i 'phreng ba bgrang bar bya// de ni ma mo bsgrub pa'i rdzas// rten pa'i rdzas ni grogs med pa'i// rang gi byang chub sems la bya// a mr-i ta dang sbal nag gi// mgo bo spyar bar bcug la brten// rlung nag tshub nag dre'u rkang gsum// zhon pa bud med nag mo la// ral gri zang yag bsnams sor drug/ shing shun bris te 'og bcug sba// de ni ma mo rten pa'i rdzas// yag sha dpal gyi skur bsgoms te// gzungs ma 'khor los rgyas 'debs dmigs// yab yum dkyil nas las byed dkyil// srid pa'i dbus nas drangs nas su// mdun du byang shar mtshams nas 'ongs// ma thim 'og lta bka' don bzlas// de ltar bzlas brjod byas pa las// snying mi dga' la nyams mi bde sgrib pa yod na bshags byang ba'o// du snying 'dod la mi dga' na// thugs dang ma skongs mchod pa bstab// khro snying 'dod na snying zhugs te// dbang du ma 'dus bsgom par bya'o// khyo ga'i cho 'phrul che na yang// dbang du ma 'dus bsgom pa bya'o// bud med cho 'phrul che na// dgra la rbad pa'i las bya'o// cho 'phrul chung la g.yal 'dod na// dge bas gdugs te bzlas brjod bya'o// bud med mdog ngan phrad pa na// sgrib pa yod pas bshags pa bya'o// snying nyid dga' la nyams bden// dmigs pa'i las la sgrib pa med// rang sems dga' na thugs dam bskongs// nyams bde rang sems brjid che na// bka' nyan las la 'gro ba yin// ting 'dzin g.yos na dbang du 'dus// khyod ga'i cho 'phrul med gyur na// de yang dbang du 'dus pa yin// phyag 'tshal mchod pa byed pa na// de yang dbang 'dus bka' nyan 'ongs// bud med bzang dang phrad pa'i tshe// cho 'phrul che zhing bud med phrad// de yang dbang 'dus bka' nyan yin// bzang pa'i rdzas ni skyel ba na// tshe yi dngos grub gter ba yin// ni yi sha tshogs skyel ba na// rdzas kyi dngos grub ster ba yin// rang gi bla dang gzhan gsad na// drag po'i dngos grub thob par bshad// de ltar rtags dang 'thun pa dang// yab yum gsal byas dgra la rbad// tshig dang dbyangs kyis bskul ba ni// phyogs phyogs de ni pha gi na// nyi ma byang phyogs pha gi na// sbrin dang na bun tshur rol na// g.ya' dang gangs kyi tshur rol na// yul dang mgon yul gnyan thang na// thod pa dgu brtsegs mkhar cig brtsigs// de'i lags sam nang shed na// the brang brtsegs pa'i beg tshe la// ma cig chen mo de la bzhugs// sku la de ni ci gsol na// rma bya mdzes pa'i thul pa gsol// dbu la de ni ci gsol na// srid pa spyi blugs zhwa la gsol// phyag ma g.yas na ci bsnams na// nad do cog gi rkyal pa bsnams// dgra la nad ka gtong pa'i rtags// phyag ma g.yon na bsnams pa ni// bdud kyi khram bam chen po bsnams// sang phod de'u sang su 'chi ba// do cig ding sang khram la 'bebs// khyod kyi mchan khung g.yas pa na// mtshon gyi shod d+he'u dkar nag 'grems// sang phod ding sang su 'chi ba// do cig ding sang shod la 'debs// ma cig chen mo mthu mo che// chem chem grod grod sha la grod// dgra snying spar gyis 'debs pa'i mthu mo che// gnam sa bzlog pa'i dus la bab// rang srog bzung pa'i dus la bab// gnas nas bskul zhing bskyod pa'i tshe// dre'u rta mgo gsum zhungs se zhungs// dgra bo las ngan bde 'byam la// blo bur ye 'brog dus la ba// khram kha ston la nad kyang bzlog/gnam sa gru gsum nyams mi dga'// rang nyid lha mor gnas pa des// las su grub pa thams cad kyang// shar ru de la byed dmigs te// rgyun du rgyun sngags bzlas par bya'o// phur pa sngags btab khang rmang ngam// zhing gi dbus su sba bar bya'o// bsgrub pa'i rdzas rnams dbul ba ni// sngags kyis thams cad dbul pa ste// gtor ma 'dod yon lngar dmigs mchod// bdud rtsi byang chub sems kyis mchod// rak+ta dgra bo dngos kyis mchod// dur khrod che dang chu bo dang// tshub nag 'khyil dang khang stong dang// med na byang shar mtshams su bskyal// 'dod pa khams kyis dbang phyug ma'i rgyud las// dpal lha mo nyid kyis bdud dmar pa'i nal bu zos pa'i sgrub thabs kyi le'u ste bcu drug pa'o// dben la gnyan pa'i gnas su ni// gtor ma byin bsko bskrod par bya'o// mi phung shul nas sa blangs te// bong bu'i bdud rtsis sbrus pa la// gru bzhi gnas sbyang 'dom gang ma// yang na mda' gang dag tu brtsig/ bdud rtsi sna lnga'i chag chag la// dmar chen khrag gi thig le bya'o// steng du lha mo'i zhal dkyil 'khor// sna ni zum po 'thur du brko// mig gnyis khams gsum gru gsum ste// drag po de la dgod pa ni// tsa ko la nag po gsum nang du// dug dang sme khrag rtsi bsres dgang// zhi la kham phor zur gsum dgod// tsa ra dkar ser nag 'dres ma// bsgral te snying sogs nang khrol rnams// dum bu gsum du byas pa blugs// 'bru rnams sna tshogs phye las kyang// tsi ra'i rak+tas sbrus drag po// ming rus gzugs byas shun chen po// tsho gsum dag tu rlan par bya'o// phu tra mo ni lo gsum lon// mtshan ma tsit+ta zlum po gsum// gsang pa'i ma mo'i dam rdzas so// bu tra pho yi rnam gsum ni// gsang pa'i pho nya'i dam rdzas yin// bcu drug lon pa'i kham phor ni// gnyis su dam rdzas gnyis po gzhag/ sman sna stong dang khrag sna stong// sbyar ba mo mtshan bcu gcig gi// thod pa dag tu gzhal nas kyang// chos nyid stong pa'i ting 'dzin gyis// rang sems ye shes kun snang yin// gsal ba'i rgyud las 'phros pa ni// yi ge hU~M 'od las nam mkha'i dkyil// 'byung bzhi me chu dregs pa'i steng// nyid bzhi'i steng nas yak+sha ni// he ru ka nyid gsal par bsgom// dkyil nas dkyil 'phros nges par dgug/ mdun na bka' nod nges par dmigs// zhal gsum bar du srog nas drags// grub nas las la sbyar ba ni// rkang pa lag pa mdun rgyab bsnol// tsit+ta 'bar ra ta ka la// ma mo gsum dang pho nya gsum// gzugs bris drangs te thim pa las// rtags sam mtshan mar byung ba'i tshe// pho nya brag tu dgug pa ni// lcags kyi spyang mo chen mo khyod// khrag gi sder 'dzub shad de shad// spyang mo rngam skad dgra la 'debs// nga ro 'don cing dgra la rgyug/ thams cad kun lam gtong gis/ do nub bdag gi las mdzod cig/ las rnams grub par da gyis shig/ 'dzum mdangs phyir la khrod la shog/snying nas drongs las khrid la shog/ pho nya'i sngags ni brgya ru bzlas// dam rdzas bstan cig rak+ta brlab// lte ba'i gzugs phyi de khugs bsam// hU~M// zangs kyi wa mo dgra 'gugs ma// khrag gi sder 'dzub shad de shad// wa mo'i rgyug tshul zhugs se zhungs// wa mo'i rgyug tshul dgra la rgyug/ wa mo'i bshad skad dgra la bzhad// snying nas 'dren pa'o pho nya mo// 'dzum mdangs phyor la khrid las shog/khug cig dril cig pho nya mo// sngags brgya bzlas la mchod pa stab// sha tru'i bla ni khugs par bsam// dud kyi khyi mo 'od 'phro ma// khrag gi sder 'dzub shad de shad// khyi yi rngam skad dgra la 'don// khyi yi bzhad sgrogs dgra la sgrogs// 'dzum mdangs phyor la khrid la shog/ khug cig dril cig pho nya mo// sngags bzlas stab brlab khugs par bsam// pho nya mo yi las kyi sngags// ra yi snying khrag khong nas khri// kham phor gru gsum ling ga ste// pho nya gsum gyi bka' nyan nas// bkug nas bsad de za bar bsgom// mig kyang mas ltas khros 'dungs zla'o// shin tu khugs pa kho nar bsam// gsang ba'i ma mo chen mo khyod// chibs kyis bskyo dang mi 'tshal te// 'khor lo rlung gis bskyod du med// rgyang glu len cig sha rnams za// khrag chen 'thung zhing 'dzum nag stong// srog rtsa gcod cing rang dam bsrung// snying 'dren lcags kyu klad la bskor// drongs shig dgra bo'i snying nas drongs// rak+ta 'phyar zhing dam rdzas bstab// gsang pa'i ma mo'i ngan sngags kyis// nyungs kar bzlas shing khrag tu blugs/ kha mig la sogs thams cad nas// char du dbab dang dang po'i khrag/ khri thon kha ma phor nang du ste// sha zos khrag kyang 'thungs par dmigs// de ni bla 'gugs ngan sngags so// khyad par snying nas 'dren par dmigs// gsang ba'i ma mo chen mo khyod// g.yab 'dor dgra la lings se lings// kha nas dug mda' rtse gsum 'phen// lag nas g.yab 'dor mdung nas 'phyar// drangs nas dges pa'i bzhad mo 'gyed// za ni mche gtsigs sha chen za// 'dren pa'i lcags kyus snying nas drongs// pho nya bas kyang mgyogs par rgyug/ gsang ba'i ma mo chen mo khyod// srog gcod snyig gi bdag mo khyod// khyod kyis gnas nas bskyod tsam ni// ma mo 'bum khris pho nya 'gyed// gsang ba'i ma mo khyed gsum gyis// gsang ba'i pho nya gsum bskul la// yud tsam gyis na khrid la shog/ rab bstabs brlab cing snying bcu'i sngags// khri phrag gcig gis thun tshogs bsgrub// tsa kol drag pos brgyab pas ni// tshogs kyis snying bcu phyung zos bsam// tha mar bltab brlab nyungs kar gyis// srog gcad khri khrag thun tshogs bsgrub/ drag po'i gnas nas drag snod brdeg/srog bcad sha ni za bar bsgom// don du yak+sha he ru kas// yum la rdzogs pa'i ma mos bskul// nying khol gsang ba'i pho nya 'gyed// gzugs gsum phyis nas lan gsum dgug/ bstab brlag brgya'i bar du ste// khri yis thun tshoms nang du 'phang// yak+sha he ru ka gsal bas// yum la sbas pa'i ma bskul te// gsum phyis gsum gyi bkug nas kyang// khri gsum thun tshogs ma mo gsum// 'phangs pas snying za snying za snying bcu bzhi// srog gcod las ni byed par bsgom// chu dang ma 'dres dwangs ma'i khrag/ nang khrol smad lnga myos byed sman sbyar pa'i gtong ma gsum gsum sbyin// yang bskyar yang nas yang bsgrub ba// 'bum phrag gcig gi bar du steng// thon nas phyogs dang ma'i zhing// rgyu ba'i srang dang 'thung ba'i chu// de la ma mo'i mthun tshogs sba// yang na sha ru rgyu ba yim// byang phyogs lam du sba bar bya'o// ma byung spogs pa 'bum phrag gnyasi// de ltar 'bum gsum du'o// spyang mo wa mo dung khyi gsum// tshad du phyin nas khyim du babs// gal te tshad du ma phyin kyang// 'ug sogs bya ni khyim du'o// blo rdol nad kyis 'chi ba ste// zla ba'i nga la rtags kyang 'byung// ma mo gsang ba mchog tu nyan// pho nya rtag tu rang bzhin ngan// nyams na rang yang za bar byed// de phyir dam tshig shin tu bsrung// nyi ma byang shar khyi yang 'bros// 'dod pa khams kyi dbang phyug ma'i rgyud las// gsang ba'i ma mo gsum dpal lha mo nyid sprul pa'i sgrub thab stan pa'i le'u ste bcu bdun pa'o// de nas dgra gshed bsgrub pa ni// dur khrod gnas su rab phyin te// sa yi man+Dal byas nas kyang// mchod pa'i gtor ma rgyas pa ni// bam chen gsar pa'i sha la bya// de yi khrag dang chang bdud rtsi// mchod yon sbyar la bdud rtsi'i rdzas// de yi sha yi tha ma bskor// de yi shun pas g.yog par bya// spos chen dud pa rgyun mi gcad// mkha' lding shel dag sho na nyid// nag mo sa bdag rgyal mo bsag/ snying khrag lug nag grod pa blugs// gzugs dag ming bris shun bris bcug/de yang thod pa'i nang du'o// sngas 'og gru gsum brus par ni// rang gis mi mthong phyir na sba'o// khrag 'thung dkyil 'khor rdzogs byas nas// yag sha dpal gyi lha mo drang// nyungs kar nyungs nag bzlas nas kyang// lha mo'i bu dgu ba sbu nas// gnod spyin dra ba can dang ni// ma mo nag mo 'phros pa ni// khro thon gtor ma spyin par bya'o// yang skyer bdun 'bum par du ste// snying 'byin rtsa 'khro sha za zhing// khrag 'thug bsgom zhing zhe sdang skyed// grod pa khur du rab khur te// lha khang mchod rten rab bskor nas// sngags zlos yul phyogs khrag tor dus// lhag mkhang pa'i rmad du sba// rnams pa'i rta ni snod blugs te// sbyi bos yi 'og ti sba// brdabs te sbas na ser pa 'ong// sha trU'i sngon du gtor ma gtang// mod la 'byung bar rab tu bshad// grong la kha bcings rta ru bzang// ming rus yul 'dre che la gtad// bcu gcig nub mo chung ma sdang// zhag dgu'i nub mo byis pa 'tshe// bco lnga'i nub mo khyo grir 'chi// de dus brten dbyangs bskul ba ni// gsang ba'i ma mo chen mo khyod// chibs kyis bskyod dang mi 'tshal te// mgyogs pa rlung gis skyod du med// rgyang glu len cing sha rnams za// khrag chen 'thung zh-ing 'dzum nag ston// srog rtsa gcod cing rang dam bsrungs// snying 'dren lcags kyu klud la bskor// drongs shig dgra bo'i snying nas drongs// lcags kyi spyang mo chen mo khyod// khrag gi sder 'dzub shad de shad// spyang mo rngam skad dgra la 'debs// nga ro 'don cing dgra la rgyug/ khyod kyi thugs dam dus la bab// yul dang phyang ma phyung bstod na// bdud kyi bu mo smun cig ma// ming ni bdun mo sman cig ma// sku la na bza' ci gisal na// bdud kyi slag pa yug chen gsol// chibs su de ni ci chibs na// bdud rta nag po mgo dgu chibs// phyag na de ni ci bsnams na// bdud kyi zhags pa'i khra bo bsnams// dbu la de ni cig sol na// ban+d+ha zlum po zhwa la gsol// chibs kyi de ni snga gong la// nad do cog gi rkyal pa bkal// chibs kyi de ni phyo gong la// dgra bo 'thum pa'i dra ba mig dgu bkal// lcags kyu khrag las byas pa bsnams// zhag dgu'i nub mo khyod dgu rku// zhag lnga'i nub mo ma lnga len// phyis kyis bskyer nas bu rnams rku// pho nyar mngags pa khyod las lhag pa med// mngags pa'i tshe na myur par 'gro// bcol ba'i tshe na khugs par byed// khyung gshog 'bar bas dbang du bsdus// g.yas nas gsang ba'i ma mo 'gyed// g.yon nas gsang ba'i pho nya 'gyed// dngos ni ma mo dngos kyi bu// de la gnas pa'i khyung chen mo// zhes gsungs pa ni// 'dod pa khams kyi dbang phyug ma'i rgyud las// dpal lha mo nyid bstan pa 'jig pa'i gshed du sprul pa'i sgrub thabs bstan pa'i le'u ste bco brgyad pa'o// dug ri nag po'i man ngag gis// dam nyams bsgral bar bshad par bya'o// sngas kyi 'og tu zung gsum bri// mdun du maN+Dal gru gsum brtsigs// khrag gi chag chag zhen par gdab// yak+Sha dpal gyi dkyil 'khor bskyed// gtor ma mchod yon rgyas par dbul// lha mo la byed myur du bsgom// bcu bzhi'i nub mo mchod nas ni// bco lnga'i nub mo thun gtor ni// khyi mo dkar mo'i grod pa'i nang// stag dang dom dang mi snying khrag/ ra khyi phag khrag rnam pa gsum// bzhi byas de nang blugs pa ni// khrag nas stong yang de ru blugs// nyungs kar dug tu bsres pa la// de la sngags kyis gdab par bya// lha mo'i kha mig sna tshogs nas// ma mo nag mo'i char bab nas// thun du gyur te sha za zhing// khrag 'thung rtsa 'phro gsod par dmigs gsum 'bum thon nas khyim dang ni// zhing dang chu la gdab pa dag// rgyu ba'i lam dang 'dug sar gdab// de dus dbyangs kyis bskul ba ni// hU~M// srin mo khrag 'thung glog 'gyu ma// tshu ba nag stong gi nang na bzhugs// rgyug ni rak+ta'i mtsho nas rgyug/ phyag na bdud kyi khram bam dang// nad kyi rkyal pa phyag na bsnams// chibs su bdud bya nag mo chibs// gos su mun nag 'thibs po gon// srin po 'bum phrag bran du 'khol// sdang mig zur gsum bzlog pas ni// gshin rje nyid kyang sngags par 'gyur// shangs kyis rlung sgrom bus pa yis// rlung nag bu yug tshub nag 'khyil// sha khrag rlon pa za ba'i ma// gnam sa yid kyis gcod pa'i ma// srid pa bya ra mdzad pa'i ma// bar snang bgegs su 'gum pa'i ma// ral pa kham nag sprugs pas ni// 'jig rten lha srin bred cing brgyal// mche ba gtsigs shing rkan sgra rdebs pas ni// dam nyams dgra bgegs thams cad dbang du sdud// hU~M// nam mkha' mtha' dang mnyam pa'i 'jig rten na// thu lum sreg byed 'bar ba'i snying zan ma// dgra snying spar gyis gdab kyis da tshur spyon// rgya mtsho'i gting na gnas pa'i me za brag gyon ma// dgra bo'i snying khrag 'thung gis da tshur spyon// bar snang mkha' la 'gro ba'i rdo rje thod 'phreng can// nga yi dgra yi yul phyogs su// bal nad khrag nad dbab kyis da tshur spyon// stong gsum sbrul bas 'gengs pa'i ma cig mthu mo che// rims nad rlung ltar tshub kyis da tshur spyin// hU~M// dur khrod klong na gnas pa'i dmar nag ral pa can// dgra bo'i rnam shes dbrog gis da tshur spyon// gdangs nyid rtsa yi khrag 'thung ma// dgra bo'i klad khrag 'thung gis da tshur sbyon// g.ya' ri rtse la gnas pa'i mche ba can// dgra bo'i snying khrag gtung go da tshur spyon// 'bum gsum ma thon par du ni// sngas 'og zur gsum sbas nas kyang// mis mi mthong bar rab tu gsang// gong ma'i gnas su bskyel ba dang// zla ba lnga ni rmi ltas ldog/ zla ba drug na nad kyis 'debs// bdun na nges par 'chi bar 'gyur// zhes bya ba ni dug ri nag po'i le'u las// ma mo khrag mda' bsgrub pa'i thabs so// lha mo rjags kyi dug mda' ni// 'gyogs pa sngags kyi pho nyar bshad// gnyan zhing dben pa'i gnas su ni// khrag gi maN+Dal gru gsum la// ngos re sor ni bzhi bcu brgyad// de steng gzhan mthun gtor ma dang// de bzhin mchod yon sbyar bya'o// bya mo nag mo gser mig ma'i sgong brtol la snying po yi// glud ni sor gcig khong bar ni// gro gar ming rus bris pa gzhug/ glud kyi snying khar gzugs thag gdags// badzra ku ma ra dang ni// 'khor los rgyas 'debs thabs gzungs kyis// lag tu gzung khrag 'thung gi// dkyil 'khor rdzogs byas mchod par bya'o// dkyil nas dkyil du 'phros pa yis// yab yum re tri 'khor bcas bod// gtor ma mchod yon mchod pa bzhin// yab yum gnyis kyis bskul ba yis// sha ru'i tsha yang de yis drangs// drangs te bkug la nang du bstim// gshu bu'i nang nas ra drag po// phyung ste ra'i 'chi byed kyi// dum bur bsres te lce la gzhag/ de dus yab yum mgo la gzhag/ bdag nyid bdud mo re ma ti// sbrul pa bdud bya'i tshul gnas pas// sku yi khyon yang ri rab tsam// lding nag 'tsher ba'i bya mo ni// sha za'i mchu dmar zangs dang 'dra// sder mo khrag sder shin tu dmar// mchu dmar brag dmar gshibs 'dra'i nang// lce ni bdun zhu dmar po ste// mchil ma dug mda' nag po la// dug 'brum dug med kha brgyad pa// dgra bgegs snying gi dkyil du brdeg/ nyin mtshan gung gnyis sngags bzlas te// nub ka shar ka'i zes ches rdeg/yang na brgya brgya bzlas te 'phangs// drag sngags bdun nam brgyad kyis gsad// kun gyi 'jug la gdags par bya'o// lha mo bya mos za dmigs la// brgyad dang bdun ma dmigs pa'o// 'bum phrag gcig na bdag nyid yang// dpal ldan yab yum gnyis dmigs te// sgong bya mo nag mor bsam// byas ni sgong zos gyur na// zla ba bdun gsum rtags gsum kyang 'byung// bya ni sgo nga ma 'dod na// gong ma bzhin du khri khrag bskyar// brten dbyangs snyan pas bskul ba ni// ma g.yel ma 'da' sring cig ma// ma yin nang nas ma cig ma// sring gu nang nas sring cig ma// dam nyams kun gyi srog gcod ma// dam la gnas pa'i tshe 'dzin ma// stong khams kun gyi nyul le ma// nad kyi bdag mo rim gyi rkyen// chibs su dre'u rta rkang gsum chibs// dra ba dgu yi lan 'phran can// byi ru dmar po'i rgyan srab can// nyin zhing khyo dgu skugs na sbed// mtshan mo dur khrod khyab par nyul// rnal 'byor mtha' dag tshogs kha 'grim// rnal 'byor dam tshig gtsang mi gtsang// mched lcam brtse gdung che 'am chung// legs nyes ltang 'dzin dam tshig rjes gcod ma// nyid ni sku mdog mthig nag la// ral pa'i zar bu g.yas nas g.yon du 'khyil// zhal nas mi khrag rta khrag 'dzag/ mig nas khrag 'dzag zu lu lu// lcags kyi dre'u rta rkang gsum bskyod pa'i tshe// dpag tshad brgyad khri bzhi stong yang// mtshan mo gcig la khyab par gcod// rnal 'byor chen mo a la la// dbang phyug chen mo a la la// khyod kyi lag pa g.yas pa nas// bdud kyi khram bam gnam la 'phyar// skye 'gro gzugs su snang ba kun// sang phod ding sang su 'chi ba// do cig ding sang khram la 'debs// khyod kyi lag pa g.yon pa na// tsan gyi shod rde dkar nag 'grems// skye 'gro gzugs su snang ba kun// sang phod ding sang su 'chi ba// do cig shod rde nag po 'grems// khyod kyi mchan khug g.yas pa na// byang dmar dkyus kyi bam po sbed// skye 'gro gzugs su snang ba kun// sang phod ding sang su 'chi ba// do cig bya dmar dkyus la 'debs// khyod kyi mchan khung g.yon pa na// nad kyi rkyal pa sngo dmar la// sbrul nag lnga brgya'i kha chings can// lnga brgya dus kyi snyigs ma la// gsang sngags 'bras bu chos dor te// gsang sngags bon du khyer ba'i dus// rnal 'byor grong bsnyen dar ba'i dus// de tshe srid pa'i ma mo 'khrugs// ma mo 'khrugs pa'i rtags bstan pa// khyod kyi kha rlangs ser po yis// stong khams thams cad 'gengs byed cing// bud med ser mos stong gsum 'gengs// che zhes mkhris chen gsha' ya gtong// nam mkha'i mthongs na khyod gnas na// nam mkha' dbyings kyi dpal mo btsan// sems can skye shi'i lam yang ston// de yang byang shar re ma ti// bar snang khams la bzhugs pa'i tshe// b+ha ga d+hi ti mkha' la char 'bebs ma// 'byung ba lnga yi cha snyoms ma// 'dzam gling 'bras bu bcud len ma// de yang byang shar re ma ti// ri rab zoms na bzhugs pa'i tshe// 'bar ma me khyer glog 'phreng 'dzin// lha srin dgu brgya'i lings pa ma// de yang byang shar re ma ti// rgya mtsho'i gting na bzhugs pa'i tshe// me za chen mo brag gyon ma// byis pa kun gyi tshe 'dzin ma// de yang byang shar re ma ti// 'bar ma brgyad kyi gtso mo mdzad pa'i tshe// 'bar ma nyi ma'i zhags pa can// lhag phud nyul zhing bsgrub mchog skyob// de yang byang shar re ma ti// hU~M byed nyi shu rtsa brgyad kyi nang na bzhugs pa'i tshe// mi srun g.yag mgo thod rlon 'chang// kha chu nyab cing bsgrub mchog skyong// de yang byang shar re ma ti// ma brgyad gtso mo mdzad pa'i tshe// e ka dza ti ral gcig ma// rnal 'byor ting 'dzin drod nyul ma// gtso gzungs gnyis kyi tshe 'dzin ma// de yang byang shar re ma ti// bstan ma bcu gnyis nang na bzhugs// ma btsun ug chos dbyar mo bsil// de yang byang shar re ma ti/ che zhe chen mo'i dus la bab// bdud kyi yul du dmag 'dren na// che zhe chen mo dam la 'du// dgra bgegs yul du dmag 'dren na// che zhe chen mo dam la du// dgra bo'i yul du dmag 'dren na// che zhe chen mo dam la 'du// dgra bgegs ma lus rdul du rlog/ dug ri nag po'i le'u las// ljags kyi dug mda'i sgrub thabs so// khrag skam thod mda' 'phang ba dang// mdze nad dug mdar 'phang ba dag// myo 'bog brgyal nad gsad pa dang// mA ra ya ni myur gsad bzhi'o// de ni rab tu bshad par bya'o// brag dmar gnam du snyeg 'drar phyin// sa yi maN+Dal khrag byugs par// khrag 'thung mchod pa gzhung bzhin te// khrag 'thung bsgrub pa tshul bzhin bya// ma mo'i mchod pa bshams nas ni// yab yum rdzogs pa'i dkyil 'khor gyis// srid pa'i dkyil nas drang par bya'o// rtsa med thod ni khrag byugs nas// khrag sna dug sna ci rnyed dang// 'bru thog shing thog sna tshogs dang// snyug ma rtsod zhung sga g.yer sogs// dbyi spyang dom drod sha spags sogs// thams cad de ru blugs par bya'o// yab yum rdzogs pa'i dkyil 'khor gyis// gtso 'khor bcas pa'i thun phab nas// bsgrubs te btsan la de gnod bya// le lan dgra la dbebs bsam// zhag gsum bzlas pa bar mi gcad// bstan dbyangs snyan pas bskul ba ni// ra hU la yi rgyu dus su// btsan gyi gnas ni nges par ni// gong du bsgrubs pa'i dug rdzas dang// ra'i smang kar thod nang blugs// gnyis med stong pa'i ngang las kyang// bcom ldan pad+ma he ru ka// me dpung klong na kun tu zhal// pad+ma rA ga'i dbu lngar ldan// dbu skra ral pa'i gtsug rum na// rta mgo ljang khu kun tu gzigs// dbang gi rta skad rab tu sgrogs// bco lnga'i spyan bzlog smin ma'i khro gnyer brjid// snyan bcu gsan cing shangs lnga sgra chen 'byin// zhal lnga rngam zhing brjid pa'i sma ra 'khyug/ ljags lnga 'dril zhing dkar pa'i mche ba gtsigs// bcu drug phyag na mtshon cha sna tshogs 'dzin// zhabs brgyad zil gnon stang stabs tshul du bzhugs// dur khrod chas brgyad sku la rdzogs par ldan// oM shrI badzra pad+ma DA ki ni badzra ma hA kro d+ha hU~M phaT// brgya 'am stong gis dbang du bsdu// ma mo dbang 'dus btsan gzir te// thog 'bebs sngags bzlas rdzas kyang bsreg/ thal ba sol pa khrag bsres khyer// khang khyim gtor na thog kyang 'byung// dug ru nag po'i le'u las// khrag skam thod mdar 'phang pa'i sgrub thabs so// mdze nad dug mdar 'phang pa'i thabs// mdze bo'i thod par thun yang blugs// gong du thun bsgrub zhag gsum bya// klu yod nges pa'i chu mig tu// gza' bdud rgya ba'i dus su ni// mdze mo'i thod par thun yang btsal// dug rtsa 'brum bu thams cad blugs// dbang chen ting 'dzin rab zhug ste// pad+mas ma bskul klu la gnod// gong ma'i rdzas bsreg khyad par du// klu la gnod pas klu gdug gis// gza' pa'i snying du rab zhugs te// snying khrag 'thung bas nad gtong bsam// gong ma'i thun gyi lhag ma dang// thal bsres khyim la gtor pa'i dus// thal pa klu gnod thun ma mo// gnod par bsams te gtor par bya'o// dug ri nag po'i le'u las// mdze nad dug mdar 'phang pa'i sgrub thabs so// smyo 'bog brgyal nad gtang ba'i thabs// zhag gsum ma mos rA dza ni// gzir ba'i thun ni rab tu bsgrub// rgyal po yod pa'i rten sa 'am// lha khung khang pa stong par ni// gza' bdud chen po rgyu dus su// smyo 'bog brgyal nad shi ba yi// thod pa'i nang du thun yang blugs// dug shing me la bsreg pa'i steng// byi li'i snying yang rab tu bsregs// de dus bsam pa'i rim pa ni// dbang chen ma mo rbad pa'i sa// des kyang rgyal po rab tu gzer// rdzas kyis kyang ni de bzhin te// gzir bas dgra la smyo 'bog gis// rgyal po rab tu gsod par bsam// bsregs pa'i sol pa thun lhag ma// rgyal po ma mo tshogs de yis// khang khyim gtor na las byas bsam// dug ri nag po'i le'u las// smyo 'bog brgyal nad kyis gsad pa'i sgrub thabs so// myur du gsad pa'i sgrub thabs la// zhag gsum ma mo gnod sbyin mo// gzir te 'dus pa'i thun yang bsgrub// dur khrod khang pa stong pa'i sar// khyab 'jug chen po rgyu dus su// gri mo'i thod par thun yang blugs// de nyid lag g.yas mthil du ni// ming rus bris pa'ang de bzhin gzhug/ de la me yis gtang nas kyang// rnal 'byor bsam pa'i rim pa ni// pad+mas ma bskul gnod sbyin bkug/ nad kyi rdzas kyis gnod sbyin bskul// gnod sbyin mos kyang myur gsod bsgom// bsregs pa'i thal ba thun lhag la// gnod sbyin ma mo'i tshogs bcas kyis// sha gtun myur du gsod par bsgom// khang khyim gtor la brlag par bya'o// de rnams gang zag rim pas ni// dang pos 'grub dang gnyis pa dang// gsum pa bzhi pas gang 'grub pa// ltas dang sbyar te las kyang bya'o// gsum gsum bar 'dres thun bsgrub bya'o// stong rtsa brgyad kyis so sor ni// nam gyi gung la bsreg par bya'o// kham khyim drag sngags bdun pas gtor// dbyangs ni snyan pas blangs pa yis// zhag gsum stong stog rab bskul ba// bdag dpal brjod par bya ba ni// nyi ma stong khams khyab pa'i dkyil 'khor nas// ma mo bal nad gtong zhing btsan yang thul// rdo rje brag chen gdams pa'i dkyil 'khor nas// ma mo khrag zor gtong zhing dgra la b+h+yo// rak+ta rba glong 'khyil pa'i dkyil 'khor nas// ma mo khrag nad gtong zhing btsan la bskul// sa gzhi gdan du btings pa'i dkyil 'khor nas// ma mo khrag nad gtong zhing btsan yang rbod// rlung nag 'tshub mar 'khyil ba'i klong nad shed nas// srin mo dbugs 'phrog len cing btsan kha bsgyur// rgya mtsho gdan du bzhag pa'i dkyil shed nas// srin mo myos nad gtong zhing btsan yang bskul// dur khrod keng rus gtams pa'i dkyil 'khor nas// srin mo yams nad gtong zhig btsan yang bskul// me dpung gdan du btings pa'i dkyil 'khor nas// yams nad me ltar mched ting btsan kha bsgyur// bal nad chu ltar 'khrug pa dgra bo'i yul du b+h+yo// bal nad char ltor phog la dgra bo'i yul du b+h+yo// bal nad rlung ltar 'tshubs la dgra bo'i dbugs la b+h+yo// bab la nag sprin ltar gtibs la dgra bo'i klad la b+h+yo// sol ba'i thun yang bcas pa ste// blangs te lha mo'i skur gnas nas// tshig dang dbyangs kyis 'di skad brjod// mig rtsa gnam du bltas nas kyang// hU~M/ nga ni srid pa'i rgyal mo ste// las byed thams cad dam la 'dus// 'jig rten btsan rnams dam la 'dus// nga yi bka' las khyod ma 'da'// nga yi bka' las khyod 'das na// dman mo bzhin du zhabs kyis gnon// dam nyams bzhin du zas su za// 'gong po bzhin du rdul du rlog/nga yi bka' las ma 'das na// grogs po'i tshul gyis mdza' bar bya'o// bu'i tshul du gdung bar bya'o// de bas nga yi bka' nyon la// sems can las ngan sdig can 'di// thog ma med nas khyod kyis bskal// rnam shes phrogs la myur du sgrol// zhes brjod do// rdzas rnams dgra bo'i phyogs su gtor// mchod pa rnam gnyis bsregs nas kyang// dpal dang mo la gtor ma sbyin// mtshan ma rtags ni byung gyur na// gtang rag rab 'bring tha ma gsum// bam dang srog dang gtor mas gtang// de yang lta ba'i ting 'dzin gyis// bye brag rims bzhin shes par bya// dug ri nag po'i le'u las// ngan thabs bzhi yi sgrub thabs so// drag sngags bdun pa 'di dag ni// gang byed 'jug la gtor ma'i nang// ling ga smug nag bris pa la// dpral par rus pa snying khar ming// ma yis gzir pa bri par bya// rkang gnyis 'gugs pa'i sa bon te// lag pa gnyis la bcings pa'o// nyungs kar sme khrag gsum byugs pas// srid pa'i rgyal mo 'khor bcas kyis// nad dag mtshon gyi char phab 'phang// brgya rtsa brgyad kyi bar du ni// tshig du mi smra gzhan mi bsam// srid pa'i rgyal mo'i drag sngags kyis// sbyor ba ldan pas btab gyur na// lha yang rung ste rlag par 'gyur// dug ri nag po'i le'u las// drag sngags bdun pa'i sbyor pa'o// sna'i sbyor ba 'di dag ni// lha mo las kyi 'jug pa'o// sa yi maN+Dal khru do la// zlum po khrag gis bsgyur bar byug/ kham phor zur gsum nang du ni// snying khrag me long gang blugs te// chu dang ma 'dres dwa ngas ma'i khrag/rnam pa sna tshogs blugs par bya'o// snying sna stong ngam yang na brgya// nyi shu rtsa gcig par du blugs// sman sna stong ngam yang na ni// bdun gsum myos byed bsres te blugs// de 'gram dra phying gtsang ma'i steng// ra snying bsam pa'i dum bu ni// sha tru ma mo'i gzugs ming ni// g.yas g.yon lag sprad lag mthil du// pa dang ma bris sbrel la dril// yab yum gsal pa'i ting 'dzin gyis// srid pa'i dkyil nas drangs nas mchod// rbad dang bskul bas ling khar bstim// thim pa'i ma mos bzlas pa ni// nyungs kar gzugs brnyan dag la brdeg/ bstim pa'i sha tru ma la smras// nyungs kar ling ga dag la'o// dril te nyungs kar la bzlas te// sbyor dus yab kyis rbad par bya'o// de nas dril ti snying khar gzhug/ sngags bzlas tha dad snying za bsgom// gtor ma dbus su gzhag par bya'o// gtor ma sha trur gyur pa yis// bdud mo zas su sbyin par bya'o// dur khrod rnams sam chu gzhung bskyal// dug ri nag po'i le'u las// sna'i cho ga'o// shin tu dben pa'i gnas su ni// ma mo'i grub pa thob pa des// bsgrubs nas gsod pa byed dus su// dgra bo'i pho nya dpral ba'i thabs// snod nag nang du gzugs shog bcu// khyi yi sgo nas 'byung ba'i me// btang ste dud pas bdug par bya// gon pa'i 'bob dang smang kar brdab// bdag po bral ba'i zhabs mas kyang// btab cing gu gul tshil chen gyi// dud pas bdug cing sngags bzlas pas// snying zhugs mngan du smra ba dang// lha la spyod ngan byed par bsgom// bya rog 'ug pa'i dang ru la// lha dang mi yi gzugs bris te// btags la ba rlung 'thab tu gzhug/ dbye ba'i sngags ni stong du bzlas// sngags tshan kun yang brdeg par bya'o// gu gul dud pa tshil chen gyi// dud pas bdug cing phye bas ni// pho rog 'ug la zhon nas snying/zhugs te 'thab par ma mos byed// dmigs te bzlas na lus sems bde// dug ri nag po'i le'u las// nyi 'byed kyi cho ga'o// dur khrod gnas sam khang stong du// khrag gi maN+Dal gru ste gsum ste// mchod pa'i gtor ma tshul bzhin bsham// 'brub khung gru gsum lho phyogs rtse// bstan de gzhan gyi rjes su ni// yab yum gsal ba'i ting 'dzin gyis// snying nas drang ste dges par mchod// thim yab yum gyur pa dang// yab yum khyung gshog mgo la sdud// phur nag cig chod phur zor ni// lcags phur sor ni bcu gnyis la// mgo bo rgyu mdud brum gzhal yas// nang du rdo rje gzhon nu ni// yam yum bcas pa dmigs par bya// mgul pa man chad khro mo ni// ri tri lag g.yas nyungs kar gyi// zor 'phen g.yon nas phun pas 'phen// smad ni phur pa zur gsum pa// dmar la 'tsher pa'i ngos gsum du// sngags gsum so sor mtshan par bsgom// gnod spyin pho mo bos nas kyang// gru gsum sha tru'i ling ga la// stong gi bar du brdeg par dmigs// gtso mo gnod spyin 'khor bcas kyis// phur zor 'phen dmigs bye ba 'bum// drag sngags bdun pas de rjes su// gtor mas mchod de 'phang bar bya// phur nag cig chod 'id lta bu// the tsom med par 'jug byas na// lha brin sde brgyad sgrol bar nus/ du ri nag po'i le'u las/khur nag cig chod kyi sgrub thabs so// dbang phyug chen po'i ling ga 'am// lha khang shig gcig drung du bsgrub// ra rog g.yang gzhi brkyang nas kyang// nang khrol rnam lnga'i gtor ma'i steng// ra mgo gdengs par ra snying gzhug/ mchod yon gong ma bzhin du bsham// yab nyid rdo rje gzhon nur gsal// srog gi bdag mo'i snying nas drang// rag sha las ni mngon du ste// gtor ma byin la brdegs pa ni// snying nas yon gong ma bzhin du bsham// yab nyid rdo rje gzhon nur gsal// srog gi bdag mo'i snying nas drang// rag sha las ni mngon du ste// gtor ma byin la brdegs pa ni// snying nas ling kar bcas pa la// nyungs kar mda' la khrag gis sgron// dug gi mde'u gcug nas kyang// mtshon mda' nad sgro mde'u ni// srid pa'i ma tshogs 'phen dmigs te// snying thun sngags ni khri ru bzlas// snying nas ling ga gtor bcas pa// ma la mchod de der rjes su// dgra yi dur du thun dmigs gnan// ra mgo lam ni rgya gram mam// re rul 'dre can nang du ni// gnan pa'i man ngag gis kyang mnan// lnga yi skabs su shes par bya// de dag skabs su bsten glu bskul// hU~M/ srid pa gsum gyi rtse mo na// 'khor lo'i bdag mo dre zhon ma// lus po gcig la mgo bo dgu// mgo bo dgu la bco brgyad mig/bco brgyad mig ni skar chen 'dra// 'ja' tshon lus la nang rlags 'byung// 'jug ma sprin nag phyogs bcur g.yob// so ni ral gri spu gri gtams// skad ni mi snyan cho nga brdung// dre'u mgo ma la tshug rings sgra// lag na 'khor lo dmar po bskor// mtshan cig gnas nas gsod pa'i tshe// dgra bo kun la snying thun 'bebs// nam gyi gung la nag mo rgyug/ de yi bka' nyan pho nya ni// lcags kyi spyang mo sogs po gdong// mjug rings ma la lce 'bar ma// glog ma sprin gyis sna 'dren ma// dgra bo dam nyams snying la dza// ri rab gung gi yang rtse na// nag mo chen mo g.yag mgo ma// shun chen rlon pa'i gos gon ma// shun chen zhabs ma zha la la// mi ro rgyus pa'i g.yab 'dor ma// lcags kyi bya rog zhon cing rgyug/ dam las 'das na long la shog/ shin chen drung gcig rtsa na mo// nag mochen mo phag mgo ma// sdong nag shing shun phrul lu lu// lag na 'ug pa srin bya thogs// chibs su srin shing khu mo chibs// dus la bab bo sa ma ya// 'ja' tshon 'bar pa'i sgeg yul na// mdzes pa'i ma mo 'od gsal ma/ 'ja' tshon mdzes pa'i thul pa la// nyi ma zla ba'i rgyan gyis brgyan// rus sbal nag po chu srin mchu// stag gi sham thabs sku brgyan cing// stag gi sder mo phrul lu lu// khyed kyi thugs dam dus la bab// lcags ri 'bar ba'i rtse mo nas// lcags kyi bud med rnga mo gdong// lag na lcags kyi phur pa 'dril// lcags kyi 'brong chen 'gying ba chibs// 'khor ni mon pa brgya yis bskor// sdang bar byed pa'i dbugs la rngubs// dus la bab bo rtags phyung zhig/ brag phug dgon pa'i gting rum nas// nag mo chen mo pha wang gzugs// srin lag rlon pa'i gnya' za skor// skad ni mi mthun 'bri skad ngur// lcags kyi grog mo g.yag tsam zhon// lag na sbal pa'i 'phreng ba bgrang// nag mo kun gyi lam mkhan ma// brag phug 'dre can kun gyi bdag/ khyod kyi thugs dam dus 'bab// gcan 'phreng mi ro'i dur khrod nas// ltag tshar gon pa'i g.yag zhu can// lag na lcags kyi spu gri thogs// rkang pa sbal sder sha ra ra// lus la mi lpags rlon pa gon// phang na khrag gi shu phru thogs// dur khrod rgyal mo nad gtong ma// khyod kyi thugs dam dus la bab// srin phrag rgal gyi tshang srin mo// lus la gzig dang chu srin gsol// stag gi rmog zhu ral pa can// lag na dug gi rkyal thogs ma// rgyu ni g.ya' ri'i rtse nas 'drim// gsod na pan de dam nyams gsod// khyod kyi thugs dam dus la bab// de yi pho nya mngag gzhug ni// nag mo mgo gsum mon gyi gdong// ral pa kham nag dred kyi mig/ byi ru'i mche ba 'dar cing rgyud// phyag na gser gyi zangs gri bsnams// lam chen rgya gram srang na rgugs// gang du rgyu ba'i srog la chod// dam nyams 'di yi srog chod cig// ces bya ba gsungs pa ni// dpal lha mo'i sngags kyis sgrub thabs so// 'dod pa khams kyi dbang phyug ma'i rgyud las// du ri nag po'i man ngag gi le'u ste bcu dgu pa'o/// nag mo srog gi gcod pa'o// gser gyi yang le'u bshad par bya// dben la gnyan pa'i gnas su ni// sa yi maN+Dal gru bzhi nyid// khrag gis zhen par byug par bya// rin chen gser dngul zangs lcags las// byas pa'i snod ni dbus su gzhag/ dom nag phag nad khyi nag gi// snying khrag sbyar pa'i gtor ma bsham// phyar ba nag po thod nag po// gon c-ing bcings te de nas ni// rta sogs lha mo'i gzugs bris g.yas// khyi nag sogs pa sha tru yi// gzugs bris g.yon du thogs nas ni// mkha' dkyil yag sha he ru ka// chu srin nag po'i mdog 'drar dmigs// srog gi dkyil nas drangs nas ni// bdud kyi dus dang gza' yi dus// de dus gzugs la lha mo bstim// lha mo rbad pas sha tru nyid// gzugs la bstim ste gtor ma'i steng// gan rkyal lha mos mnan par bya// nyungs kar drag sngags de la brdeg/ thun dgu brgya phrag gcig tu ste// bskul nas las byed las la dmigs// de dus drag tu bskul nas ni// zhe sdang g.yos pas bskul nas 'thab// sha tru drul du gtang dmigs te// srog pa g.yas g.yon brdab par bya'o// de la stong phrag gcig tu bzlas// drug 'bum lnga 'bum bzhi 'bum dang// sum 'bum nyis 'bum gsad byas lnga'i// dbang du byas te gsad par bya'o// gtor ma mo la mchod byas nas// drag sngags thun du de nyid bsgrub// bsgrub pa'i ma mo dur khrod dam// khang rmang rgyu ba'i srang du gnan// gzugs gnyis rkang gnyis bsnol mar bskor// chu dang g.yang dang re rul dang// lam chen rgya gram sku sbas na// chu dang g.yang grir 'chi ba dang// mi mangs dkyil du srog 'chad dang// skye bu 'khrug pa'i mtshon grir 'chi// gser gyi yang le'u las// nag mo srog gcod kyi sbyor pa'o// gser gyi yang le'u yang gsad pa'i mchog/ da ni gsad pa bshad par bya'o// yan lag med pa'i thod nang du// mi khyi ra yi khu ba dang// 'bab chu ser ba chu mig chu/ snying sna dug sna tshogs par blugs// yab yum rdzogs pa'i dkyil 'khor gyis// srog gi dkyil nas drangs nas su// zhag gnyis pa la sbyor ba ni// nad bdag nyid kyi sngags brjod pas// ma mo phyung nas ma mo la// thim pas ma tshogs thun du bsgrub// nyungs kar nyungs nag tsit+ta la// dgu khri dgu 'bum bzlas nas kyang// 'phang dang gsad pa'i las bya'o// de dus dbyangs kyis bskul ba ni/hU~M// nga ni srid pa'i rgyal mo ste// ma mo thams cad nga yi bran// gnod sbyin thams cad nga yi g.yog/ gshin rje nag po nga yi bu// nag po bkrag med pa yi bran// khams gsum sha rus nga yi zas// srid gsum khrag ni nga yi bskom// shin tu gdug sems ldan pa'i ma// khro tshul zhe sdang 'bar pa'i khro// lnga phung rtsad nas gcad pa'i phyir// phung po lnga la thun pho cig/ rnam shes brgyad la thun phob cig/ nga rgyal snyig la thun phob cig/'dod chags khrag la thun phob cig/ gti mug la thun phob cig/ klad pa'i rgyas su thun phob cig/ dpral pa'i dbyings su thun phob cig/ mig gi dkyil du thun phob cig/ snying gi dkyil du thun phob cig/nang khrol lnga la thun phob cig/ smra ba'i ngag la thun phob cig/ yul mkhar khyim la thun phob cig/ 'gro ba'i rkang la thun phob cig/ gong gi khye la thun phob cig/ chung ma'i rmad du thun phob cig/nor gyi dbyibs la thun phob cig/ tad+ya thA// oM shan+ti kha thum yag+sha shad shad b+h+yo/ oM Ni dza dza sha rbad snying la yam/ hU~M de pa tad tra mA ra ya phaT// mun tra tri snying la yam hU~M phaT// khrag rtsa 'dus rbad yam hU~M phaT// dbugs kyib kyib chod snying la yam hU~M phaT// srog bred chos snying la yam hU~M phaT// gsad pa mchog gi sbyor pa 'dis// lha chen nyid kyang bsad par 'gyur// 'dod pa khams kyi dbang phyug ma'i rgyud las// nag mo srog gcod gser gyi yang le'u ste nyi shu pa'o//// dur khrod shing rkang gcig pa ru// ci bsgrubs sbyor la phod pa des// gru gsum ngos rer gcal tshad ni// nyi shu nyid lte de phyed ldan// sol nag sol chen bsres bas byug/ bcu tshad ldan la gzugs byas te// nri shun mig rus bcas pa gzhug/ sbyor ba'i snod ni chen por ni// sha sna khrag sna 'tshogs par ni// gtor ma'i cha rkyen ldan par bya// lug nag bya nag sgo khyi yang// nag po gsum skyer snying btags pa// lha mo bdud mo bdud phrug gi// tsit+ta u pa dag yin no// gtor ma mchod yon sbyar ba ni// mchod pa'i rdzas su bsham par bya// yam yum rdzogs pa'i dkyil 'khor gyis// srid pa'i bdag mo sring nas drangs// mchod rdzas mchod de de nas ni// bdun gnyis nyin song nub mo la// sbyar ba'i snod nang sha khrag snying// 'tshogs pa shul med snod nang blugs// dug sna stong yang de ru blugs// shing lo ling kha phye ba gzhug/ bdag pos bdag mo bskul nas kyang// srod la ngan sngags brgyab pas ni// kha sna la sogs mtshon tshogs kyis// rdul du nyag dmigs nyungs kar dmigs// shul med snod du ling ga la'o// lug nag bstab par rab byas te// 'o dod bos nas las byed do// nam gung bya nag bstab bya ste// bdud mo'i ngan sngags rab bzlas pas// bdud mo'i 'phros pas brlag par bsam// 'o dod pos la las kyang byed// bdud phrug ngan sngags bzlas pas kyang// mtshon tshogs char phab brlag par dmigs// nam gung nam nangs bar du ni// khyi nag bstab bya 'o dod 'bod// khang pa 'tshegs pa'i tha ma la// ru ru shad shad sgra byung na// yid ni zing po byed mthar ni// du na shag pas brgyan pa dang// sems ni khro 'dod rjes su yang// tsa thun rag thun sgra byung ba// srod dang nam gung tho rangs te// rgyas pa dang po dbus ma dang// mthar ru byung bar gyur pa'i tshe// bcu bdun srog dang gung tha ma// shel dang mkha' lding ku ku ra// nag po gsum dang lha mo dang// bdud mo bdud phrug gtang rag gtang// dbugs bskang sha khrag gtor ma sbyin// rus pa gsum dang mi khrag sogs// khrag sna gsum dang rus ming bcas// de yi rjes su bsreg bya ba// 'dre tsher shing dang 'om bu la// ngan sngags gsum gyi phyi nub ni// nam cha gsum la bsregs nas kyang// gsum po nyid kyis bza' bar bya// shul med snad kyi gtor ma 'phang// nya gsum par du rtags med na// mchod pa'i gtor mas mchod rjes su// drag po'i gtor ma 'phang bar bya// brtags pa'i gtor ma mtshon re zhing// brgya re bzlas shing phyi pa ya// nya gsum dag la de bzhin no// de nas brtags rnams byung ba ni// gong ma bzhin du byas rjes su// zhag grangs nyi shu rtsa gcig tu// chung ma bdag po bu tsha rnams// smyos sam yang na 'chi bar 'gyur// go rims bzhin du lha mo dang// bdud dang bdud mos thebs pa ste// de bzhin gtang rag gtang bar bya'o// ngan sngags rnam gsum sbyor ba 'di// the tshom med par 'jug byas na// nam mkha' nyid kyang 'jig par 'gyur// bcu dgu nyi shu gnyis nub mo// dur khrod dam ni khang stong du// lha mo'i gzugs brnyan chen mo yi// ma yi thugs kar shing gnyis ni// rgyu ma'i thag pas bcings te gzugs// rus pa ming rus rgyus pas bcings// zhal du bcug ste de 'og tu// gtor ma mchod yon 'tshogs par bya// ra snying dum bu brgyar byas nas// yab yum rdzogs pa'i dkyil 'khor gyis// drangs te nyin mchod rbad bkug nas// mtshan ma med pas ma la mchod// snying ka'i me ni gru gsum pa// rab tu bcug ste bsreg par bya'o// 2rgya brgya rdzas bsreg skya rings la// gtor ma mchod yon phul nas kyang// rgya gram lam chen brus la gnan// sa truM byang du gzhug pa'i thabs// dben la gnyan pa'i gnas su ni// mkha' dkyil pad+ma he ru kas// srid pa'i dkyil nas drangs nas mchod// bskul te gzugs la bstim nas kyang// phyi nas gzhan du gzhug pa ni// dmar pos bstod bcings ser pos bskyed// nag po smad du bcing bar bya// 'bum phrag gsum du rims bzhin du// mtshon gyi gru gus bcings dmigs te// lha mo'i ting 'dzin gnas pa yis// 'bum phrag re la gnas rer bcing// de re gtor mas gtang rag gtang// 'dod pa khams kyi dbang phyug ma'i rgyud las// nag mo bzhin bzlog gi le'u ste nyi shu gcig pa'o//// shing rkang gcig gam mtsho 'gram mam// yang na ma mo'i gnas su ni// nag mo phung gsum bsgrub 'dod pas// khrag las byas pa'i maN+Dal ni// sor ni bzhi bcur rgyas par bya// de yi steng du snying rnams ni// sna tshogs 'tshogs par byas nas ni// na chung bcu drug thod par gzhag/ skyes pa nyi shu grir shi ba'i// thod pa'i nang du gzhag pa ni// mtshan dang ldan pa'i rang byung dang// glang nag snying ni dang po'i rdzas// lto 'phye nag po'i snying dang ni// 'ug pa'i mig 'bras bar ma'i rdzas// phag rog snying dang bud med ni// grir shi'i klud khrag ma mo'i rdzas// sbyor te gong gi thod par bsag/ kun gyi phud la gtor ma ni// cha rkyen ldan par rab tu bsham// gtsang ma grir shi'i sha khrag la// gtor ma'i gzhi ni de las byas// sbos chen dud pa rgyun mi gcad// shun chen slag pa gon nas kyang// srid pa'i spyi lugs zhwa gon te// 'phreng ba cen po de bzhin 'grang// nam mkha' stong ba'i dkyil 'khor na// bcom ldan dpal chen he ru ka/sku mdog mthing nag ral pa can// zhal gsum mthing nag dkar dmar ldan// dang po rdo rje bar ma na// ti ra'i dbyug to tha ma nyid// rtse gsum 'bar ba dbang bskur dang/// rdeg dag shin ti rdeg pa'i tshul// g.yon gsum dril bu ban+d+ha ni// dmar bkang thugs rje'i zhags bsnams pas// dges bskyed dam 'dogs las la 'dzud// ngo 'bur g.yas dang g.yon pa la// tsan dan sol ba rak+ta'i shing// dpral bar zhag dag thig les mtshan// lus sbyang phyir na sbyan drang bstim// badzra ke ri sa ma ya dza// brgya brjod dbang gi lha mo ni// dkar mo dug gi thor tshugs can// gnam lcags khyung go mgo bos ni// srid pa gsum po dbang du bsdu// khyug gshog nam mkhar brgyangs pas ni// bco lnga zla ba'i 'od zer bzhin// bdud rtsi bum pas dbang bskur bsgom// thugs nas gsum gyi dkyil nas drangs// mdun du 'ong bar bsam pa ni// gnam gyi ye 'dar thog babs bzhin// bar gyi glog ma sprin nyid ni// bya rgod gzan la bcums pa bzhin// sa yi phung byed 'ong ba ni// seng ge sha la rub pa bzhin// rtsa ba'i sngags ni 'bum du bzlas// zhag gsum gnam la thog rtsig 'bab// nam mkha' lding gis thugs dam bskang// zhag lnga nyid mtshan glog 'byung bas// zangs kyi gtsug phud nag mos bskang// zhag gsum sa la dug sbrul 'byung// dogs med shel ni nag mos bskang// dgu nas gzugs su ma byung na// gshog pa'i phyag rgya bcas nas kyang// khyung gsog gseb nas sbrul pa 'phro// dbang du bsdus pa'i rim pas ni// ye 'dar sol sdong bsgyel ba 'dra// glog sprin 'od ni yal pa bzhin// phud byed shing thog skams pa 'dra// bdud rtsis gsos pas gzugs bstan te// dbang bsdus snyoms par 'jug pa yi// rak+ta byang sems bsres pa yis// gnyis med dam bcA' g.yon par ma'i// ban dmar bskang ba de yis so// ye 'dar thog ser mig nad dang// sha g.ya' 'brum nag bal nad dang// rgyu gzer dam nyams bsgral ba dang// glog sprin dag gi bdag mos ni// dug nad smyo 'bogs 'bebs pa'i gsod// phung byed khrag gi bdag mos ni// khrag gzer mdze nad phol mig dang// blo bur ye 'drog dam nyams sgrol// so sor dam 'char gyur dang gzhug/de ltar gyur pa'i dus de ru// gtor ma de nyid cha gsum du// bgos te ma mo de la sbyin// bam ril sha yang bgos te sbyin// gnam gyi ye 'dar 'brug thog dang// nam mkha'i bya'i mdun du gtang// glog sprin 'tshub nag ser ba la// phung byed sa yi gting du sba// yang na mkha' dag sa dang ni// sa yi gting du sba bar bya// dam rdzas kun dang snying rnams kun// sun chen btings pa'i steng du ni// ga 'u'i nang du bsdus nas kyang// lcags kyi brtan gtun zhib du brdung// sman sna stong gis sbyar nas kyang// sems can mngal khrag la sogs sbu// sran ma bcu tshad tsam du ni// ri lu thod par bskams byas nas// kha sbyar snod ni ma mthong bar// gar 'gro nyid du bcang bar bya// yar ngo mar ngo'i bco lnga dang// brgyad gnyis mar gyi tshes bdun dang// mar gyi ngo yi bcu bzhi la// gtor ma sha sna khrag sna ni// 'tshogs byas ri lu rer bcug nas// dam bcas bzin du bskul bar bya// the tsom med par ci 'dod 'grub// gal te mngon du ma gyur na// gnyan zhing dben pa'i gnas phyin te// sa bdag zhi ba'i sbyin sreg sogs// mnyes par byas te bskrad phyir bsgo// dam med rnams ni dbye bsal byas// gnas kyi maN+Dal khrag byugs te// gong bzhin gtor ma mchod yon gzhag/ de yi lho phyogs cha nyid du// gru gsum khru gang zabs su ni/khru gang rtsang ni dmar pos bskor// kha khyer ser brgyan me rir 'bar// mon nam yal ka med par ni// thod pa skam po skya bo la// phyogs gsum phung gsum bris pa dbus// phung gsum gzugs ni legs byis la// gdug pa'i shing la brten nas kyang// zur gsum gnas su gzhag par bya// snying kar ming rus bris la gtad// mtshan ma rnam gsum gtab nas kyang// dpal gyi ting 'dzin gsal byas nas// sbyan drangs dbang gi lha mo des// dbang bskul rjes su phung gsum bod// zhing gi g.yab mos ling ga brdab// thod skam gzugs gsum dag la bstim// sha tru bkug ste lha dang dbye// nyi shu rtsa gcig dbye bar bya// gu gul dud pas rab tu bdug/ nyungs kar nyungs nas rdzas kyis ni// brgya rtsa brgyad kyi bar gyis ni// mo nor sha tru phung bya'i phyir// nag mo 'khor bcas las la gzung// ngan sngags lan gsum bzlas pas ni// phung gsum ma'i pa spu dang// bug pa'i nang nas ma mo'i tshogs// byung ste man tra la thim pas// dpal tu med pa'i tsho gsum gyis// sha tru sha za rus 'cha' zhing// snying 'byin nges par gsod par dmigs// gzungs re gzung zhing 'bum re bzlas// de ni stong phrag re thon nas// gzugs rnams so sor gzhag ste bskul// gtor ma re gtang yang bsags nas// de bzhin byas pa 'bum phrag gsum// de rjes stong tshig skabs nyid la// bsten dbyangs snyan pas bskur ba ni// g.yab mos bar snang nam mkha' dang// sa gzi gsum la g.yab par bya'o// nam mkha' g.yu yi dkyil 'khor nas// g.yu 'od 'bar ba'i lding khang na// mun pa 'khor lo'i g.yung drung nas// dpal chen rngam pa'i pho nya mo// rgyal ba rnams kyi tha tshigs can// gdug pa khol mo'i tshul du gnas// rnal 'byor kun gyi dgra lha mor// sol pa'i bud med mgo dgu ma// lag pa bsnyag byed sol sbrul lag/ gshog pa rdeb byed sol ba'i gshog/ rkang pa rdeb byed sol pa'i rkang// sol ba'i ral pa la bur gon// kha nas sol ba'i mtshon nag khol// dbu yi ral pa gsigs pa yis// sol ba'i mtshon cha char du 'bebs// sbyan gyi smin ma nyag re las// sol ba'i tsha tsha skar ltar 'khrug/ sbyan gyi rdzi ma 'byed 'dzums kyis// sol ba'i mchi ma char du 'bebs// phyag ma g.yon gyi mtshan ma ni// nad kyi rkyal pa rdebs shing sbyon// phyag ma g.yas kyi phyag mtshan na// bdud kyi khram bam brdegs shing spyon// sol pa'i ral pa mun par gtibs// chibs su sel ba'i khyung chen chibs// chu srin g.yang gzhi'i stod slag la// rus sbal nag po'i sham thabs can// sngon tshe dpal chen he ru kas// lag tu rdo rje byin tsam ni// rnal 'byor rdo rje ming po dang// gcig dang du mar dam bcas te// rang rtags srog gi snying po ma phul lam// da lta ming nas bos na mi 'byon nam// dam tshig gnyan la mi dgongs sam// sring cig rdo rje nye gnas so// sham sham nag mo sol ba'i lus// sol pa'i bya khyung chibs pa ni// bar snang thog ltar 'groms te sbyon// sol ba'i ral pa'i cod pan ni// nag mo sprin ltar gtibs las spyon// sol ba'i bud med nag mo ni// 'jig rten mun ltar gtibs la spyon// phyag mtshan nad kyi rkyal pas ni// sdang bar byed pa'i dam nyams la// nad kyi rkyal pa rdebs shing spyon// sngags pas gdungs nas bos pa'i tshe// gnam sa gnyis kyang kha zhabs bzlog/ri rab nyid kyang tshogs phor 'phen// rgya mtsho chu rnams khrogs la 'thung// ri rab 'phang pa'i dus la bab// gnam sa bzlog pa'i dus la bab// rgya mtsho btung ba'i dus la bab// gdug byed sol ba'i bud med nag mo khyod// khyod ni bud med gnam mo ste// khyod ni gnam gyi gnam gyi ye 'dar mo// dgra bo 'di la ye 'dar thob// dam nyams las ngan dgra bo 'di// sha dang rus pa chem chem nal// khrag dang cu ser chib chib gsol// brngam pa'i zhal nas blal za 'phyo// ci za mthong na blal sha 'phyo// mi sha mthong na dbyal za 'phyo// sol ba'i bud med mchil za 'khyud// mi khrag 'thung na 'chil za 'khyud/ sol pa'i bud med sos 'dar khrigs// mi rus mthong na so 'dar khrigs// sngags pas gdungs nas bos tsam na// 'jig rten khams kun g.yeng zhing 'phyar// rang la rang yang 'tshig cing 'ong// sangs rgyas kun kyang 'dar zhing sdang// he he dgra bo'i sha la hed// he he dgra bo'i khrag la hed// he he dgra bo'i rus la hed// de yi bka' nyan 'gyogs byed ni// mun pa'i bud med 'bum phrag gcig/ lag na mun pa'i g.yab mo 'debs// kha na mun pa'i tshub nag 'khyil// lag na g.yab 'dor lings si lings// kha na khus 'dabs ltongs se ltongs// lag na g.yab 'dor dgra la 'dor// kha nas khus 'debs dgra la 'debs// ma mo'i brda skad khyi li li// gsang pa'i spyugs pa phyu ru ru// las su gnyer zhing mthu ma chung// dus la bab bo gshegs su gsol// dam nyams dgra bo las ngan 'di// lo dang zla bar ma gzhag cig/zhag dang za mar lus sa re// he he du na tshal pa tshal pa// bar snang 'ja' tshon dkyil 'khor nas// srig gcig gdug byed lag brgya ma// dug gi ral pa'i cod pan la// dug gi mtshon cha'i rba rlangs 'phyo// dug sbrul nag po'i gshog pa la// dug gi du na me 'bar lams se lams// dug sbrul nag po'i rdug gu la// kha nas dug med rtse gsum bsnams// dam nyams dgra bo'i snying la gzer// sbrul nag stong gi g.yang gzhi la// chu srin dmar po'i sham thams can// sdig pa stong gi thor tshugs can// chibs su kang ka mgo dgu chibs// lag pa 'dzin byed chu srin lag// gdug byed chu srin lag pa yis// dgra bo 'dzin shes btong mi shes// zas su stong khams mi sha za// skom du stong khams mi khrag 'thung// las su dam nyams sgrol gying byed// khams gsum dbang sgyur dbang mo che// sngon tshe dpal chen he ru ka'i// spyan sngar khas blangs dam bcas bzhin// ji ltar tha tshigs gnyan bgos shing// ming po rdo rje bdag 'bod na// tha tshigs bka' bzhin mi byed dam// sring mo dam las ma 'da' zhig/ ming nas bos na mi snyan nam// sring cig rdo rje bde 'gro ma// dam tshig bsrungs na mi dga' 'am// spyan ma rdul cig g.yab 'debs so// sngags pas gdungs nas bod pa'i tshe// kang ka mgo dgu chibs pas ni// skar mda' lam du zhugs pa bzhin// dus la bab bo gshegs su gsol// sdig pa'i thor tshugs gsig cing spyon/ sbrul nag g.yang gzhi rdebs shing spyon// chu srin lag pas 'dzin cing spyon// dam nyams dgra bo len cing spyon// blo bur ye 'drog dus la bab// srog la hur thums dus la bab// dur bya mug ta heb heb// de yi bka' nyan 'gyogs byed ni// lcags kyi dmigs bu stong phrag gcig/ lcags kyi sder 'dzub shad de shad// lcags kyi so 'dar khrigs se khrigs// lcags kyi gshog pa phrugs se phrugs// myos byed dmigs bu'i pho nya ni/ myos shing de ni bla zhing spyon// dam nyams dgra bo las ngan 'di// klad pa'i dkyil du zho ltar dkrugs// srog rtsa dmar la rta ltar rgyugs// rgyus pa dkar la phur ltar thob// las su gnyer ro mthu ma chung// gser gyi sa gzhi rin chen gnas// che zhes sham sham khrag mdog ma// khrag gi bud med dmar mo la// khrag gi ral pa gting za can// kha na khrag gi rgya mtsho khol// mig nas khrag gi me 'bar mig/ lus la khrag gi la bu gon// rus sbal dmar po'i thur tshugs can// chibs su ke'u le gdong drug chibs// sngon tshe dpal chen he ru ka'i// ji ltar khas blangs dam bcas bzhin// ji ltar tha tshigs gnyan skongs ltar// ming po rdo rje bdag 'bod na// dam tshig tshul bzhin gshegs su gsol// ming nas bos na mi snyan nam// sring cig rdo rje chags pa'i mdzod// sngags pas gdungs nas bos tsam na// ke'u le rgyug tshul zhungs se zhungs// khrag gi ral pa'i cod pan la// khrag gi mtshon cha'i rba rlabs 'phyo// khrag gi ral pas stong khams khyab// dam nyams dgra la rbad tsam na// dam nyams kun gyi snying 'dren ma// gzer thabs drag po dgra la gtong// nad kyi rgyu ni khrag yin pas/ khrag gi char pa dbab du gsol// khros pa'i nga ro 'di skad zer// stong khams sha yis nga ma 'drangs// nga yis zas skal gang gis bya// stong khams khrag gis nga ma ngoms// nga yi 'thung skal gang gis bya// ma mo'i gsol skom gsol skal ni// dam nyams sha dang khrag la mdzod// dza dza du ru mug ta hed hed// de yi pho nya 'gyogs byed ni// khrag gi bya rgod stong phrag gcig/ khrag gi gshog pa me ltar 'bar// lcags kyi sder 'dzub shad de shad// dgra bo'i don snying ma lus brus// phung byed chen mo byed gsum gyis// srid pa gsum gyi b+h+yo bzlog mdzod// dam nyams bdun rgyud thal bar rlog/ ces bskul bsgrub pa thon pa dang// bod dang nye 'byed mi nor dang// ngan sngags 'bum gsum bzlas pa yi// nyungs kar nyungs nag ri lu gsum// sngags kyi thod par bcug pa ni// ma mo sha trur ming rus gcug/ gsod par dmigs te sbrel ba stong// khang rmang zhing dkyil thod pa sba'o// ma grub bar du bskyod pa ni// dus drug gtor ma spyin zhing bskul// nyin re dpal gyi skur gnas nas// phung sum nyi shu gcig tu bod// mtshan re'i las su bya ba yang// lag mthil g.yas dang g.yon pa la// he bri ma yang bri bar bya// khrag chen ming rus gro gar bri// ral gcig sngags ni brjod par bya// phung sum gnam gyi ye 'dar bdag/ g.yas pa g.yon pa phung gsum nyid// bkug ste gsod par dmigs nas kyang// thal mo drag ti dril nas kyang// yul phyogs char pa dril bas ni// lo tog dag la 'debs 'dod na// thod pa gral la mi 'dug la// snying po tsho lnga mi khrag dang// mngal khrag dag gis kyang// ri lu gsum ni rab bcug ste// snying khrag du rdzas nyungs kar la// ma mor bsgrubs te blugs nas kyang// chu mig btsan zan yul lha'i rten// de ru dgun ka rab sbas la// dbyar ka zla ba nams tshad 'dra// de la dus drug gtor sbyin sngags// bzlas shing bskul te ma mo dang// bcas te phyogs su ser 'debs dmigs// lo bdun lo tog med par 'gyur// de nas bdun bar bdun du bskul// skye ba gcig la'ang med par 'gyur// 'dod pa khams kyi dbang phyug ma'i rgyud las// nag mo phung gsum sha tru'i bla dang dbye ba'i le'u ste nyi shu rtsa gnyis pa'o// de nas tshangs pa dung gi thor tshugs can dang// lha'i dbang po brgya byin gyi blon po sum cu rtsa gnyis kyi mchog/ drag po la sogs pas shin tu rngam pa'i tshul gyis// lha gnod 'dul lha'i rgyal po la 'di skad ces smras so// gnod 'dul lha'i rgyal po khyod ni phyis 'byung ba'i dngos po thams cad shes pa yin na// phyi rabs kyi 'dzam bu gling gi mi rnams ni// bsod nams ma bsags shing// las ngan pa la skyes pas// khe lo dang ldan pas bsgrub pa la mi brtson pa// thos pa dang shes pa dang ldan pa'i mi rten pas// the tsom dang bcas pa yin pa dang// bsgrub pa'i sbyor ba la mi mkhas shing// nyon mongs pa du ma dang ldan pa yin pa// ma mo mngon sum du mi 'grub pa'i phyir// las la the tsom za ba dang// de'i dus su dam nyams pa'i srog la// bar chad du byed pa'i las la phan 'dogs pa'i thabs// ging la sogs pa'i bsgrub pa ci'i phyir mi zhu// de nas lha gnod 'dul rgyal po de rnams kyis bsam pa bzhin du bya ba'i phyir stan las langs te// bcom ldan 'das la bskor ba lan brgya stong du byas nas// rang gi lag pas rdo rje yang nas yang du gsor nas// bsnyems pa dang bcas pas rang gi 'khor la blta zhing// bcom ldan 'das yang mngon rdzogs kyi rgyal po la 'di skad ces gsol to// phyis 'byung 'dzam gling sems can rnams// nyams pa rnam pa sna tshogs byed// las kyis mnar pa'i sems can rnams// dus der bsgral par mi nus pas// 'dzam gling mi la sman slad du// ging dang gshin rje la sogs pa'i// sbyor ba yab kyis bka' stsol cig/ de nas mngon rdzogs rgyal po yis// de rnams bsam pa mkhyen pa dang// 'jig rten mi la sman slad du las kyi sbyor ba bka' stsal pa// nyon cig gnod 'dul lha yi gtso// gang gi las rnams bsgrub 'dod pas// dben la gnyan pa'i gnas phyin te// dra phying gtsang ma'i steng dag tu// kham phor tshad ma bzhi yi nang// nas gro sran ma til rnams las// gtor mar rin chen sna bdun bdar// lung gi rje ngar sha snying blugs ngar glud nag po sor bcu gnyis// bdud gzugs khram dang bcas par bya// ming rus de yi snying kar gzhug/ dar nag gur chen steng nas dbub// sha tru'i pha mes sogs pa la// gzugs dang ming rus dug khrag gis// bris te khram la gdags par bya// zhal lnga phyag ni bcu drug pa'i// pad+ma dbang chen bsgoms nas kyang// mo dang 'khor gyi snying nas drang// stong rtsa brgya la bskul bar bya// bdud rnams kyi ni ya bdud de// sor bcu gnyis kyi gzugs la bstim// ma dang 'khor la gtor mas mchod// de rjes gdungs dbyangs snyan pas bskul// bdud rnams gtso bo ya bdun de// me ri dmar nag 'bar pa'i nang// nag mo me yi kha rlangs can// me 'brug dmar po zhon cing rgyug/ lag na gnas lcams srin mo'i rkang// shan pa khyod kyi dus la bab// chung ma nag mo khrag 'dzag ma// khrag gi ral pa sprin ltar rgyug/bdud kyi chung ma nag mo ni// nad gtong ma yi dus la bab// bdud ri nag po'i rtse nas kyang// nag po po ldon mig gcig po// ral pa gcig 'greng// lag na mi yi g.yang gzhi brdeb// bdud g.yag nag po zhon cing rgyug/de yi chung ma nag mo ni// nag mo chen mo klong dgu ma// mgo med brang ni nu mas gang// gse dang dung gi zho 'thor ma// stong khams khyab pa'i lag rings ma// dgra snying dbyung ba'i dus la bab// lha bdud bgegs chen gsus po che// lag na dar nag ru mtshon 'phyar// lcags kyi mdzo rgod zhon cing rgyug sbrin nag dud kha'i dkyil na gnas// khyod kyi thugs dam dus la 'bab// de yi chung ma nag mo ni// nag mo chen mo mgo gsum ma// phag skad 'tshor zhing/ ser drag 'bebs// lcags kyi ser drag 'bebs pa mo// dam nyams 'di la bdud phob cig/ bdud mkhar nag po sgo med na// ral pa spyi ching lcags kyi so// lag na mi snying rlon pa thogs// bdud rta nag po zhon nas ni// zhags pa nag po sha ra ra// bdud bya nag mo ldig nag 'dzums// bdud kyi nag po rdung zhing 'jab// dam nyams 'di zhes bya ba la// dus gcod bdud gcod dus la bab// btsun mo nag mo so gcig ma// khyed kyi pho nya'i las byed ni// mun bu sta thogs bcu gsum 'khol// mgo skye gcad pa'i dus la bab// khu le shod kyi lag dgu'o// bse mkhar smug po'i nang na gnas// byi ru mche ba 'dar zhing 'ong// bse khrab dmar po si li li// bse rmog smug po bzang rings gsol// bse mdung dmar po 'dems se 'dems// bse dar 'brug rings bu ru ru// bse yi lcags kyu khra la la// bse yi zhags pa shar ra ra// bse rta dmar po gzhug rings zhon// bse yi byan lag zhungs se zhungs// dmar po sbrul mgo mig gsum po// dam nyams dgra bo las ngan la// sbos nad btsan thabs dus la bab// de yi btsun mo mi srun mo// lag na khrag gi phor thogs shing// nag gtong ma ste smyos ba mo// dam nyams 'di la nad thong la// khyod kyi bdud dbab dus la bab// rgya mtsho chen po'i gting rul nas// klu bdud sbrul gyi rgyu ma can// lus la sbrul gyi gos gyon cing// sbrul dang sdig pa'i ral pa can// lag na nya phyis phor thogs shing// rus sbal zhon nas rgyug pa ste// gang la dmigs pa myur bar gyis// klu bdud de yi chung ma ni// nag mo sbas mig ral pas gtibs// sdom sdig dmar po'i dra ba can// klu glang sngon po zhon cing rgyug/ nya lcibs stong thul gnya' za kor// klu mo nya mgo'i 'khor gyis bskor// khyed kyi 'phrin las dus la bab// bdud po mi zan pho mo rnams// ma sdod myur du 'phrin las mdzod// gzhan rnams kyi ni bdud kyang yin// nga yi stongs dang grogs kyang yin// sems can kun gyi bdud du langs// ma bcol par yang srog gcod na// nga yi bcol ba'i las rnams ni// dam nyams 'di yi srog chod cig/ skabs su bdud kyi snying po nas// bzlas shing sa la lan bdun brdab// sum brgyas nyis 'khor khram la 'debs// de bzhin yang dang yang bskyar ba// rgyas pa dang po mtha' bar du// zhag gsum lon nas bskyar ba ni// bzlas pa'i nyung phyed gtor mar bcas/bdag po bral ba'i rkang dkris gtum// chu dang lung pa mgo rdum dang// brag chen re srul 'dre can dang// lam chen rgya gram dag tu gnan// snang srid de ltar gtor ma spyin// khru do bcal pa'i sa ru ni// ming rus bcas te gnan par bya// sog pa bdud gtor nyungs gtor phyed// dur chad khang pa'i rmang du sba// chu gri khas bug g.yang dang ni// grong gseb khrom gyi nang du 'chi'o// gshin rje nag po bsgrub bya ste// dur khrod mi ro'i gnas su ni// gru gsum nang du snod nang du// btsan dug lag kun nag po dang// ka la ku ta la sogs dang// rgyu ba gnas pa'i dug rnams dang// khrag sna snying snar sbyar te blugs// gshin rje'i 'khrul 'khor mdun gzhag ste// stong las mar me'u rtse hU~M chas// gshin rje'i rgyal po zhal gsum dang// phyag drug re ma tir ldan pa// dges shing rol pas 'byung ba yis// gshin rje'i rgyal po de nyid kyis// thun du bsgrub cing 'khrul 'khor bsgrub// thun ni ling 'am dgra la dbab// 'khrul 'khor ling ga'i snying bcug ste// dur khrod dam dgra'i khang rmang sba// bsten dbyangs snyan pos bskul ba ni/hU~M khri bo'i rgyal po gshin rje gshed// yum chen nag po re ma ti// yab yum thabs dang shes rab las// dges shing rol pa'i byin brlabs la// 'od zer dmar nag sprin ltar gtibs// dmar nag me 'dra de dkyil na// khye chung sngon po mkha' la lding// ye shes thugs kyi sbrul pa ste// dgung la thog thog mi bzad la// gcer bu nag po ral pa can// ya mAn ta ka nyid lags te// khro chen de yis bkA stsal pa// de ltar yin te skal ba bzang// skal bzang nga yi dam tshig ni// lnga brgyad dus kyi tha ma la// sangs rgyas bstan pa mi gnas shing// zas ngan mna' la skam tsam na// de tshe nga yi dus la bab// pha ngag bu mi nyan pa'i dus// de tshe nga yi dus la bab// rnal 'byor dam tshig nyams pa'i tshe// de tshe yi nga dus la bab// gos ngan hrul po gon tsam na// nga yi dam tshig de ru 'byung// dog la chem chem za ba mo// sgeg mo ral gcig thod 'phreng can// dbu rgyan thod rlon dmar gyis brjid// ma mo nag mo 'khor dang bcas// khyed kyi thugs dam dus la bab// de yi bka' sdod pho nya ni// bdud kyang nag po snying zan te// mi snying rlon pa'i ral pa can// lag pa dmar po zangs sder can// sprugs pa 'bod cing lce rings po// hed hed dgra bo'i snying la hed// gshin rje rgyal pos bskul pa'i tshe// ya mA n+ta ka'i dus la bab// rten mgo dgu'i dus la bab// kong rtse brag zhon dus la bab// bye ba gung ri'i dus la bab// bsel glang mgo dgu'i dus la bab// ral pa tshar dgu'i dus la bab// dbyug sngon can gyi dus la bab// gnos spyin im pa'i dus la bab// za byed stag 'thab dus la bab// ces brjod pas bskul te// sgrub pa ni// re ma tis gshin rje'i 'khor rbad pa'i sbyor pa'o// 'dod pa khams kyi dbang phyug ma'i rgyud las// bdud ma'i 'khor snying 'phrog gi le'u ste nyi shu rtsa gsum pa'o//// rnal 'byor lung dang ldan pa yis// dur khrod mtshan du phyin nas kyang// gnam stong bco lnga nyi shu gnyis// dur khrod rtsa ru phyin nas kyang// de yi rgyud kyi rims nad dang// bdag po bral dang mtshan ngan gyi// thod pa blangs te de nang du// chang phud ma nyams nad ngan las// shi ba'i sha khrag dang sder dang// mig zlum sbyan rtsogs sha khrag btsal// sbrang rtsi la sogs mngar btsal pa'i// gtor ma khru gang khru gsum nyid// thal chen byugs pa'i nang bcug la// kha bcad steng du bdag 'dug ste// ling ga rtsa med byang shar gzhug/ tshigs gsum bdud pa'i sgros bskyon te// skyer med zur gsum gra ma'i gzhu// yak+sha gsal bas lha mo bod// lha mo dbu la rnam ldan bdag/ rkang g.yon srin mtheb khrag byung dang// sha khrag gong gi rdzas sbyar te// kha phye gtor nang ling ga gzhug/rtsa ba med dang khrag nad ni// ma tshogs stong gis nad thun phob// de yi 'bum du gdon par bya// glud nag shar phyogs bdud rgyal po// ma mo stobs kyis bkug thim pas// ling ga la yang mda' brdeg ste// 'bum du ldan pas brdeg par bya'o// ma mo'i gsod sngags thig ler 'bum// gtor mas mtshon gyi thun du bsgrub// ling ga dkar nag 'khril bas bcings// gtor mar bcug ste khang rmang sba'o// yang na de la brgyab par bya// glud nag skye zhing tshon skud bcing// rang gis mis ma mthong bar gzung// ma byung gzugs brnyan gtor ma sbyin// dus tshod gsum la stong stong rbad// gal te des kyang ma byung na// de nyid gnan gzir byas la gzhag/ gal te des kyang ma grub na// nam mkha'i sprin sngon dkyil nas kyang// gshin rje gshed kyi sprul pa ni// sngon po lag nam thod dbyug thogs// bskal pa me yi klong na bzhugs// phyed tshal bkas pa bsgoms nas kyang// sdig pa'i sngags ni brgya rtsa brgyad// gal te las byed gyur pa na// gtang rag rang gi rdzas kyis gtang// ma mos ma grub 'di yis grub// ma mo ging nyid yin phyir ro// bdud la gtad dam yang na 'di// dur khrod yang na dben par ni/ sa yi maN+Dal gru bzhi par/ thig btab le tshe bzhi par ni// dbus dang phyogs bzhir le tshe lngar// kham pa'i slus ma lnga nang du// chang phud ma nyams snying khrag gsum// khyu ba shod na tsa ra yi// khrag gsum snying gsum sbyar te blugs// gos thod nag po gon bcings nas// dpal gyi mtshan ma rnam gsum gdab// nyungs kar nyung sa nag tsit+ta'i dum// yag gab med pa'i snod nang gzhug/ dpal gyi sngags bzlas g.yab nag dor// ma mo mngon du 'ong bar bsam// ma mos g.yab nag bor bzlas pas// bdud phrug mngon du 'ong bar bsam/rnam gsum lus rjes mgo ma gnyis// bdud phrug lcags spyang bdag 'gyur te// gtor ma lnga la gzugs// ngan sngags bzlas pas lcags sbyang lngas// lnga las lnga na 'phros pas zas// rdzas gsum bzlas te la ru 'phang// sum 'bum nges par thun pa dang// rang gi rkang srin khrag phyung la// stong rtsa brgyad kyis gzugs la 'phang// gcig ni zhing ngam khyim dbus sba// bzhi ni phyogs bzhir sba byas te// phyogs kyi chen po bzhi la gtad// shin tu 'di nyid ma grub ste// zla gsum rtags ni ma byung na// lo gnyis dag na 'byung bar 'gyur// gal te des kyang ma byung na// rgyal pa'i ma mo gser mig gzugs// ser mo spu gri rnon po thogs// 'khor ni ma mo khro bos bskor// gsod par sgra skad sngags pa yis// lcags sbyang shin tu 'dar bar sgom zlos pa rna bar mi thos shing// nyal na yid kyi brgya yis bdab// thams cad kun la bya min gsang mi bsgrags// 'dod pa khams kyi dbang mo'i rgyud las// yang tig bdud kyi le'u ste nyi shu rtsa bzhi pa'o//// dpal lha mo 'dod pa khams kyi dbang phyug ma'i rgyud las// sgrub thabs thams cad 'byung ba rdzogs so////

CLOSE WINDOW