69a4 rgya gar skad du// kA li tan tra tsa ti nA ma// bod skad du// nag mo re ma ti'i rgyud ces bya ba// dpal phyag na rdo rje la phyag 'tshal lo// 'di skad bdag gis thos pa'i dus gcig na// bcom
69a5 ldan 'das phyag na rdo rje dur khrod chen po bsil ba'i tshal 'jigs su rung zhing skyi g.ya' chen po ru bzhugs te// de'i tshe 'khor lha dang// klu dang// gnod spyin dang// srin po dang// 'byung po la dbang byed pa'i
69a6 ma mo drug dang// ye shes kyi ma mo bcu bzhi dang// sman mo lnga bcu rtsa brgyad pa la sogs pa dpag tu med pa dang thabs gcig tu bzhugs so// de'i tshe gnod spyin ma ru rtse zhes bya ba// rang nyid stan las langs
69b1 te// dpal phyag na rdo rje la phyag btsal te// skor ba lan gsum byasas nas 'di skad ces gsol to// kye 'phags pa phyag na rdo rje sangs rgyas kyi bstan pa mar 'grib kyi dus na khyi myom dang bong myong 'byung pa'i
69b2 dus// dge slong tshul khrims 'chal pa'i tshe// gos ngan re ba gon pa'i tshe// bstan pa 'jig pa'i dgra byung na// nag mo chen mo ji ltar bsgrub// gsad dang las sbyor gang gis bya// spogs pa'i cho ga ji ltar
69b3 bya// de skad zhus pas// 'phags pa chen pos bka' stsal pa// nyon cig gnod spyin ma ru rtse// sangs rgyas bstan pa mar 'grib dus// khyi smyos bong smyon byung ba'i tshe// dge slong tshul khrims 'chal pa'i tshe// de
69b4 tshe na nag mo chen mo bsrung// nyon cig gnod spyin ma ru rtse// 'di yi skye rgyud bstan par bya// ri rab chen po'i khongs seng du// gnod spyin gang pa bzang po dang// srid pa rgyan gyi rgyal mo gnyis// 'dus dang
69b5 sbyor ba'i man ngag las// ming po nag po chen po dang// dkar mo ging dang re ma ti// ming sring gsum du yang dag byung// da lta sangs rgyas bstan pa bsrung// de ltar khyod kyis shes par gyis// nag mo re ma
69b6 ti'i rgyud las// gleng gzhi'i le'u ste dang po'o//// de nas yang dag bshad bya ba/ gnod sbyin nag po sgrub pa'i gnas// lha khang khang steng dur khrod du// nag mo 'khor bcas bsgrub par bya// de yi
70a1 rim pa 'di lta ste// dur khrod sa la stegs bu bya// de steng 'brub khung gru gsum brtsig/ ro sol dug dang khrag rnams byug/ rtsang phran mtho gang bcu gnyis gzugs// mchog phur gsum yang nang du
70a2 gzugs// byang shar zur la smyug ma ni// tshigs gsum rgyan dang ldan pa gzugs// lho ru nag mo'i sku gzugs dgram// mahA kA la rten du ni// mda' dang mthing nag dar yang gzugs/ dur khrod gu'u'i nang du
70a3 gzhug/ga 'u'i nang du gzhug pa'i rdzas// gug la dmigs pa'i rten dang ni// bud med nal bu lug nag gi/ snying gsum de ru gzhug par bya// steng du phur bu sor brgyad gzugs// dmigs pa'i mgul
70a4 nas thag pas drangs// dpal ldan nag mo'i phyag tu gtad// thun gyi rdzas rnams bstan pa ni// btsan dug spyang dug bong dug gsum// yungs kar yungs nag ske tshe gsum// snying sna sha sna khrag sna gsum// dur
70a5 khrod rde'u dkar nag dang// 'bru nag la sogs bsag byas la// ro ras sgye 'ur blugs par bya// bdag nyid nag mo chen mor bskyed// dgra bo rnam shes dgug gzhug bya// bod rbad gsad gsum spyir dril
70a6 la// sngags 'di nyid kyis brlag par bsam// ma ma trag rag sha snying kha rag sha snying kha rag dgra bo'i tsit+ta la rbad rbad// mugs myags dgra bo mA ra ya sod sod// bar bar dag tu 'dis kyang gsad// oM mahA
70b1 kA la dgra bo'i srog rtsa la rbad rbad// snying rtsa la cib cib// dgra bo mA ra ya sod sod// badzra ya du che ge mo'i tsit+ta long hur hur// dgra bo mA ra ya sod sod/ ces ni brdeg gsad par bya// nyin dgu mtshan dgu
70b2 yang dang yang// nag mo lcam dral mchod par bya// gsur chen dud pa rgyun du gtang// rang gis ma nyes dpang yang gzugs// de nas yang dag bshad bya ba// rkang rjes sa la bsreg khang brtseg/ gdug pa'i me
70b3 ni bud byas la// nang du nag mo chen mo bsam// sha chen la sogs ming rus bsreg/ de nas yang dag bshad bya ba// de mo nag mo'i sgo nga ru// rkang rjes sa dag gzugs kyang gzhug/ sngon dmar skud pas bcing
70b4 par bya// lha khang them pa'i 'og tu sbas// rdo rje rgya gram kha yang gcad// de nas yang dag bshad bya ba// khrag sna dug sna sna tshogs dang// btsan dug la sogs sna tshogs kun// de mo nag mo'i sgong blugs// dgra
70b5 bo'i yum mkhar rnams la brdeg/brgyab pa tsam gyis brlag par bsam// 'di bsgrub pa yi rnal 'byor pas// de mo nag mo bsten par bya// nal bu dag la byams par bya// nag mo re ma ti'i rgyud
70b6 las// gsad pa las sbyor gyi le'u ste gnyis pa'o// de nas yang dag bshad bya ba// gsang ba'i drod tshad bstan par bya// rab ni dngos su khug pa dang// 'brub khung nang du srog chags shi// de nyid bsad dang
71a1 snying phyung dang// bya khras bya rnams bsad pa dang// thams thum rmi lam dag tu yang// ri dgas ded dang bsad pa dang// pho mo 'dres pa mang po yis// de nyid bsad pa 'byung ba dang// dmar
71a2 g.yos mang po byed pa'o// grogs mo mdang sring mo dang// btsun mo blun mo la sogs dang// bu mo gzhon nu mang po yis// rgyan dang gar sogs byed na bzang// rang gis dmag sna drangs nas ni// dgra bo'i
71a3 yul du dmag drang dang// yul dang mkhar rnams bshig pa dang// chu bo'i rdog po 'bebs pa dang// ba dan dkar nag phyar ba dang// de la sogs pa'i rtags rnams ni// bud med nag mo khros pa dang// rlung
71a4 nag tshul ma'i khyer ba dang// mo mtshan ston sogs log pa'o// dus kyis kha blangs chag pa yin// khas blangs bya zhing de mo bstab// bskang bshags drag tu bya'o// nag mo re ma ti'i rgyud las// gsang ba'i drod
71a5 tshad kyi le'u ste gsum pa'o//// de nas yang dag bshad bya ba// pra pring me byung ba dang// de nyid brlag par ma gyur na// spogs pa'i cho ga bya ba ni// nal bu'i rgyal mtshan dag las ni// srid pa spyi
71a6 blugs zhwa gon te// kha ru dgra bo'i ming rus brtsang// bsgrub khang dag gi rtse la phyar// kha ni dmigs pa'i phyogs su bstan// gru gsum e yi nang du ni// sho ma'i shing gi me bus la// ming rus sha khrag sna tshogs
71b1 bsreg/mo yis bcun pa 'di bzlas so// ma ma tig nag ma ma tig nag nag mo re ma ti tsit+ta la trag rag sha kha mu tra// rag sha dun dun dza dza hring hring// sngags tsho yang ni 'jug nas bzlog/ de ltar las
71b2 rnams rdzogs pa dang// 'bum phrag gsum na a rog khya// tshangs pa yin yag 'gyel 'gyur na// mi yi 'gro ba smos ci dgos// nag mo re ma ti'i rgyud las// ma grub na spogs pa'i le'u ste bzhi pa'o// de
71b3 nas gnod spyin ma ru rtse la sogs pa'i 'khor rnams rab tu dgyes te mi snang bar gyur to// nag mo re ma ti'i rgyud las// rjes su yi rangs pa'i le'u ste lnga pa'o//// man ngag gi rgyud rdzogs
so/

CLOSE WINDOW