41b3 /// rgya gar skad du// tsit+ta thun kA lin ma tan tra// bod skad du// snying zor nag mo'i rgyud ces bya ba// dpal ldan rdo rje 'dzin pa la// sgo gsum kun nas phyag 'tshal
41b4 lo// 'di skad bdag gis thos pa'i dus gcig na// khro bdag phyag na rdo rje la// thams cad 'dus pa'i ma mos bskor// kun gyis bdag nyid khro mo'i rgyal// bal mo nag mo kun dug ma// de nyid gnad la bor
41b5 bas kyang// thams cad 'dus pa'i dngos grub thob// de nyid gnad la dbab pa'i phyir// dngos grub 'dod pa'i rnal 'byor pas// brtag dang sa gzhi gzung bar bya// brag dmar chol zangs 'dra ba 'am// srin
41b6 mo'i ril pa 'dra ba 'am// yang na mi ro gsar rnying sa// yang na nyams dga' nyid du bzung// nam mkha' gru gsum zla gam 'dra// de dang mthun pa'i gnas nyid du// sgrub pa pos ni za gzhi gzung// de nas
42a1 dkyil 'khor bsham par bya/zur bzhir brod pa bzhi gzhag ste// nang du trag yig khrag gis bris// thod pa bzhi la shes par bya// rnam shes tshang ba'i ling ga bzhi// so so bzhi la shes par
42a2 bya// trag dang nrel sbrel snying khar bri// tshad ni mda' gang gru bzhi'o// ri rab bzhin du brtsig par bya// dme khrag gsum gyis chag chag gdab// trag rag sha dz+wa la maN+Dal sa ma ya hU~M phaT// ces pa yis ni chag
42a3 chag// de nas thig gdab dkyil 'khor bri// trag rag sha sa ma ya tiSh+tha lhan// ces pa yis thig gdab po// dbus su gru gsum sum brtsegs dgod// zla gam dmar po mu khyud bskor// thod pa'i ra ba shes par
42a4 bya// gru chad ljang khu sgo rnams lcags// ji ltar mdzes par bri bar bya// zhes gsungs so// snying zog mo'i skabs dang po'o//// de nas rdzas bsag pa dang// yi ge sngags kyi grangs bstan pa 'di gsungs
42a5 so// snol gri'i thod pa mngal khrag dang// gtor ma snod dang mchod rdzas bsham// de nas bdag po bskyed par bya// bdag mo bskyed pa'i thugs ka nas// rgyu yi yi ge trag phyung ste// dbus kyi mthing nag gru
42a6 gsum la// zhing chen brdal la gsal bar bskyed// ma ma trag rag sha sa ma ya hU~M// zhes pa yis ni bskyed par bya// de nas bal mo kun dug ma// sku mdog mthing nag 'bar ba la// phyag g.yas zhe sdang tsit+ta
42b1 bsnams// g.yon na spyang mo dgu 'bum bsnams// dur khrod rgyan cha mang pos klubs// rngam pa'i tshul gyis mche ba gtsigs// de ltar bal mo bskyed par bya// de ni bsnyen pa'i dkyil 'khor ro// sgrub pa'i dus
42b2 su 'du ltar bya// gru gsum mthing nag btsig par bya// pad+ma'i rag tas kha byugs la// nang du sol chen gtang bar bya// phur rtsang rtsa gcig kha la bskor// de nas 'khar ba dkar po la// bal gamo nag mos
42b3 dbang bskur byed// gru gsum ling ga snying dang lte bar dgod// ces dbang bskur ba 'di gsungs so// trag rag sha tsit+ta myogs myogs thum ril rbad// e he dkar ldan myogs tsit+ta rbad thums
42b4 rbad// mugs thibs sa nges kha shar phyung// 'ubs 'ubs// sod sod// che ge mo mA ra ya// zhes brgya rtsa brgyad bzlas te// yi ge sum cu 'dis dbang bskur par bya'o// de nas 'phrin las mi 'gal ba'i sgo
42b5 nas spyan drang bar bya'o// hU~M// shar phyogs gru gsum shel gyi dkyil 'khor du// bal mo dkar gsal bye ba 'bum gyis bskor// zhi ba'i thugs kyis dgra bgegs 'dul mdzad cing// mthing nag gru gsum
42b6 'bar ba'i dkyil 'khor du// dam nyams bsnol ba'i gdan la bzhugs su gsol// rnal 'byor bdag la dngos grub stsol// hU~M// lho phyogs ser nag gru gsum 'bar ba'i dkyil 'khor nas// bal mo kun
43a1 dug rngam chen gtum pa'i sku// ser mo g.yang gzhi gsol ba'i ral pa can// ser nag bal mo 'bum gyi tshogs kyis bskor// rgyas pa'i 'phrin las mthar phyin 'gro don mdzad// mthing nag gru
43a2 gsum 'bar ba'i dkyil 'khor du// dgra bgegs bsnal ba'i gdan la bzhugs su gsol// rnal 'byor bdag la dngos grub rtsol/ hUM/ nub phyogs dmar gru gsum dkyil 'khor nas// dmar mo mi bzad
43a3 'bar ba'i ral pa can// bal mo dmar mo bye bar bcas// dbang dang byin rlabs shin tu rdzogs mdzad ma// mthing nag gru gsum 'bar ba'i dkyil 'khor 'dir// dgra bgegs bsnol pa'i gdan la
43a4 bzhugs su gsol// rnal 'byor bdag la dngos grub stsol/ hU~M// byang phyogs ljang nag gru gsum 'bar ba'i dkyil 'khor nas// bal mo ljang nag khro gnyer ral pa can// bal mo nag mo 'bum phyis
43a5 bskor// drag po'i 'phrin las don la brtson 'grus che// mthing nag gru gsum 'bar ba'i dkyil 'khor 'dir// dgra bgegs bsnol ba'i gdan la bzhugs su gsol// rnal 'byor bdag la dngos grub
43a6 stsol// trag raM trag ni su// trag khaM trag yaM// sa ma ya trag staM// zhes bzhugs su gsol// bstod pa bya'o// hU~M// mthing nag gru gsum 'bar ba'i dkyil 'khor nas// khro mo za byed 'jigs pa'i sku byung
43b1 ba// bal mo kun dug rngam chen ha la'i sku// mthing nag mi srun 'jigs pa'i 'od zer 'phro// ral pa sbrin dmar nam mkha' yongs su khebs// za byed dbu yis dug lnga zhe la gnon// snyan nas 'brug sgrogs
43b2 shangs nas bu yug ser cen 'bebs// spyan nas me 'bar bdud bzhi thal bar sreg shangs nas hU~M gi spyug pas 'jig rten 'gengs// zhal nas khrag rims 'jig rten yams nad gtong// gdug pa'i mche
43b3 bas za byed stong khams sgrol// phyag g.yas snying 'byin tsit+ta dgu brgya bsnams// g.yon na pho nya spyang mo dgu 'bum 'gyed// bal mo'i phu dung 'jig rten phung bar byed// 'khar ba brdabs pas srin
43b4 gsum dbang du sdud// seng ldeng phur bus skye shi rtsa nas gcod// sbrul nag stong gis thod dang yan lag brgyan// zhing chen g.yang gzhis ma stong las la 'jud// stag gi sham thabs srid gsum gnad la
43b5 bor// 'phrin las thal chen khrag dang zhag gi ris// zhabs kyis brkyang bskum dang nyams snying steng gzer// thams cad dbang sdud bal mo kun dug ma// stobs ldan nag mo'i sku la phyag 'tshal bstod// ces
43b6 yi ge sum cu pa 'di bsnyen pa 'bul lo// ma ma trag rag sha kha mun tra// sa ma ya bal dug kun dug// e ka dza Ti stib ta tsakra kro d+ha ma dza b+h+yo b+h+yo// snying zor nag mo'i rgyud las// bsnyen pa sngags kyi grangs dang
44a1 rdzas bstan pa'i skabs te gnyis pa'o//// de nas sgrub pa'i sngags bstan pa dang// rbad cing dbang bskur ba 'di gsungs so// de ltar bsnyen pa rdzogs pa dang// yi ge bcu bdun pa 'di gsungs
44a2 so// trag rag sha snying kha mun tra// trag rag mo bdun b+h+yo dza// 'di rbad do// trag rag sha snying bam ril// snying kha rak+ti sta rbad// tsag le mu ru baM// tsag le me// srog thums rbad// srog baM ril// zhes bskul
44a3 bar bya'o// hU~M// dug lnga dbang sdud dkyil 'khor nas// bal mo nag mo kun dug ma// sku ni lhing nag dug rtsub ma// dbu ni zhe sdang thor tshugs can// zhes sdang 'bar bas rdul du lhogs// lding nag dug gis
44a4 myos te bsad// phyag g.yas zhe sdang tsit+ta bsnams// dgra snying dmar po tshal bar 'gems// dgra snying dbyung ba'i dus la bab// g.yon na zhe sdang sbyang mo 'gyed// dgra bo'i gnas su myud du rgyug/ 'jigs byed
44a5 chen po'i pho nya 'gyed// srog gi rtsa ba chod la shog/ snying gi rgyud ma chod la shog/ 'go ba'i lha lnga dbang du sdus// mngon sbyod drag pos dbang du sdud// zhal du khrag dmar chen po gsol// rag ta dmar mor
44a6 'thungs la shog/khrag 'thung chen po da tshur spyon// dmar 'byin chen po'i dus la bab// gdug pa'i mche bas stong khams sgrol// klad pa rgyas kyi sgo phye la// klad zan chen mo da tshur byaun// dbu za chen mo ral
44b1 pa can// klad bdag chen mo'i dus la bab// 'jigs pa'i rgyan cha mang pos brgyan// sbrul nag stong gis 'ching zhing sdom// mi lpags g.yang gzhi 'phyar zhing sdud// ma chen stong ni las la 'jud// 'phra men
44b2 mkha' 'gro dbang du sdud// 'phrin las mkha' 'gro pho nyar gtong// bdud dang srin po dbang du sdud// 'byung po pho nya dbang du sdud// phung byed nag mo'i dus la bab// zhe sdang zhabs kyis phyogs bcur
44b3 rgyug/srid pa gsum ga dbang du sdud// 'jig rten gsum du rims nad gtong// bud med nag mo 'bum gyis bskor// kun dug khrag skyug dus la bab// ces rbad do// snying zor nag mo'i rgyud las// sgrub
44b4 pa'i skabs te gsum pa'o//// de nas thugs dam bskang zhing grub ma grub kyi mtshan ma brtag ces byu ba 'di gsungs so// rma bya'i rgyal mtshan du dar dang// rnel grir sha ba'i snying chen dang/ sna tshogs sman
44b5 dang go ro tsa na'i mchog/sna tshogs dar dang me long dang// shing kun la sogs sman rnams dang// sna tshogs sha yi gtor mas bskang// grub pa'i rtags rnams bshad pa ni// bud med byung na dngos grub
44b6 'phel// khyo gar byung na dgra la myur// btsun mar byung na 'khor la gzan// bya nag byung na thugs dam bskang// khyi ru byung na dam tshig nyams// phyi bshags nang bshags khrus mchog bya// mo nyid bstod
45a1 gzugs nyi shu gcig/gtso mchog yin par nyams su blang// mon mor byung na mo nyid dngos// bsgrub mchog dam tshig gtsang pa yin// khyung mchog can gyis dbang bskur te/ dngos grub chen po
45a2 rtsol bar bskul/de nas dgra rtags bshad par bya/ g.yag tu byungan 'bring por 'ong/ ba la byung na de bas myur// ri dwags byung na de bas myur// dngos su byung na de bas myur// tsa ra ja rkun byed na
45a3 bzang// 'thabs te mtshon btab brgyab na bzang// kho rang brtson du bzung na rab// dmag dpung che bas grangs na bzang// ma grub rtags rnams bshad pa ni// btsan mo lta bur byung nang na// phar la phyag
45a4 'tshal shin tu ngan// lug dang rta ru byung na ngan// snying mi dga' la 'gro snying 'dod/ 'di ni rang la nyams su brtag/ seng seng byed la g.yal zhing sprid/ gong du smos pa'i rdzas kyis bskang/ bying zhing 'thibs na
45a5 grib mas phog/ltogs la gzhan gyi zas 'dod na// bya nag smug nag thugs dam bskang// de bas khyad par sgra rtags ni// snying tun dus su 'di ltar 'byung// sems can tsit+ta dngos su 'byung// ro ru byung na the
45a6 tshom med// dngos su byung na phur thun gdags// ro 'am snying la bsngags pa bzhin// thogs pa med par mtshon gyis gdab// thun snod 'brub khung gnyis su 'byung// thun snod dang bcas 'brub khung
45b1 gnan// tsit+ta byung na zhal du rngub// de la rtags mi 'gor gi chos// phur thun rtags rnams bstan pa ni// mkhar pa'i rtsa ru gzan zan rje// bu chung rjes su 'ong bar bshad// phur pas gdab cing sbyin sreg
45b2 bya// bya rjes byung na ma mo nyid// sngags kyi dbang bskur las la rbad// sbyin sreg las kyi kha tshar de// ltas ngan zer ba de bzhin no// snying zor nag mo'i rgyud las// mtshan ma rtags kyi skabs te bzhi
45b3 pa'o//// de nas thabs 'phrin las kyi bsgrub pa// snying thun zor gyi le'u 'di gsungs so// shin tu ral pa'i thod pa la// ma dang trag gnyis dgod par bya// khrag dang snying sna'i phye ma bslugs// mthing
45b4 nag dar gyis gril bar bya'o// bud med mtshal chen sme yi khrag/ byang chub sems dang sbyar bar bya// de bzhin gru gsum bdun byas te// gcig tu med long gzhag par bya// gcig la skyer ba'i phur pa la// thun
45b5 gyis ma mor dbang bskur te// gcig tu dug shing sbyin sreg brtsig/ gcig tu thun gyi phor pa gzhag/ gcig tu sngags kyis dgug par bya// gcig tu lha dang phral te bsad// gcig tu drag po'i rdzas bcug
45b6 la// kha spud klu la gtad par bya// zhes drag sngags bdun pa 'di gsungs so// trag rag sha kha mun tra ma ru la ru lu hU~M b+h+yo b+h+yo// trag rag sha ti sna sam ya b+h+yo// e ka dza Ti snying kha rag sha bam ril b+h+yo// a kar
46a1 nag mo rag mo yag sha b+h+yo// trag rag sha snying ling rbud// trag rag sha raM rag ta thun b+h+yo// de nas ling ga bca' ba'i man ngag 'di gsungs so// 'khor lo bzhi bcas dbus su rlung de dbus rlung
46a2 la 'khor lo bri// sgrom su yaM gsang bar raM// lte bar khaM yin snying khar Ni// de bzhin 'khor lo trag bzhi dgod// bdun byang ming rus drag sngags bdun// g.yas nas 'khor bar nga yis bshad// de nas 'phrin
46a3 las ma mo bzi// ling kha dregs pa'i lus dgod// spyi bor dkar mo khyung thogs ma// snying khar nag mo mche ba can// lte bar ser mo g.yang gzhi can// gsang bar dmar ljang 'khrug mo bskyed// gong gi tshig
46a4 bshad brjod bya zhing// bdag la dbang bskur dngos grub stsol// zhes sngags 'dis bdag dang gnyis med bstim// oM rag sha re'u tri sa ma sa ti Sh+tha lhan// zhes gnyis su med par bstim mo// snying zor nag mo
46a5 rgyud las// drag sngags sna tshogs kyi skabs te lnga pa'o//// de nas phur thun nag po'i ngan sngags sgrol ging bsgrub pa 'di gsungs so// lcags sam seng ldeng phur ba la// gzi byin bskyed pa'i drag sngags
46a6 'di// trag rag sha kha mun tra mu ru lu ru lu hU~M b+h+yo hU~M// rag mo te kun tsa tsa kha la b+h+yo// ru lu ru lu ma ting b+h+yo// rnal ma rnal te gsod la rngam// gshol la mer mer// phris la chums chums thu byi thu lcags kyi
46b1 sgra// oM shri many+dzu ya ma rA dza e ka dza Ti dza// zhes bsgrub bo// dar mthing nag gi cod pan gdags// 'dis thugs dam gyi ma mo dbang bskur te// oM badzra kI li kI la ya sarba big+ha nan baM hU~M// trag trag gur lan
46b2 ser// tug tug/ ces rdzas kyis dbang bskur// de nas 'dis gdab par bya'o// tsit+ta rbad// khug ya phug/ myogs thub baM ril// zhung zhung chuM chuM// tra trag sha mugs thibs// subs khug sto// chog rni 'gyel kha
46b3 la sta rbad// ces bra ba'i slud bu la brten par bya'o// snying zor nag mo'i rgyud las// phur thun nag po'i ngan sngags sgrol ging gi skabs te drug pa'o// de nas las thams cad kyi mjug bsdu ba// ngan sngags
46b4 mnan pa 'di gsungs so// shin tu mtshan ngan thod pa la// dbus su ling ga phyogs bzhir trag/ raM yaM su khaM mtshams bzhir dgod// ming rus der bskor drag sngags bdun// tshangs par de bzlas rgyun srangs
46b5 mnan/khyi nag bya nag lpags pas brtan// phrin las mo bod par bya/ zhes gsungs so// snying zer nag mo'i rgyud las ngan sngags// mnan pa'i skabs te bdun pa'o//// de nas tsit+ta yang snying ro langs
46b6 sgrol pa dngos grub kyi khyad par gyi skabs 'di gsungs so// sa stegs gru bzhi ri rab brtsig/ de nas bdag nyid lha mchog tu// rdzogs pa'i tshul du skur bskyed do/ dur khrod gnas nas ro btsal// shi nas zhag
47a1 bdun lon pa'i tshe// bud med mdzes pa'i ro btsal lo// dar zhing 'phel ba'i ro la bsgrub// de nas ro nyid bkru bar bya// rten dang bral ba sngon du bya// bdud rtsi lnga yi rdzis rnams la// gur kum
47a2 sman dang dri chen spos// sna tshogs dri yi chu yis bkru// de la dkyil 'khor sdu bar bya// snying khar gru gsum gru bzhi ni// shing tsha ldog ros dag gis bris// dbus kyi pho brang e la ni// shes rab mtshal gyis trag
47a3 bri'o// gro ga shing shun dag la ni// dngos grub ci 'dod dmar byang bri// de bzhin trag gi dbus su gdags// lte bar las kyi dkyil 'khor bri// 'khor lor bzhi bris trag bzhi dang// raM yaM suM khaM tsa kar
47a4 bri// 'brub khung dkyil 'khor gsang gnas nyid// nags tshal spu gri gtam par bsam// snying khar ro bdag mon mo ste// lte bar srid pa'i rgyal mo bsam// kha ma bal mo nag mo bskyed// rgyab tu gnod sbyin
47a5 'gram ring yab yum gnyis// rang dang tsa las bskyed par bya// gzhan dang lus dang rnam shes la// mon mo 'bum gyis bskor ba yin// thams cad ma yis sa bon dgod// de nas dkyil 'khor dar gyi gur
47a6 khang dbub// bcu gsum par du bsgrub pa bya// so so'i sngags kyis bar bar gcad// tsa re yams kyis so sor gsum sngags brjod// ra'u re'u gyis dang por mchod// gnyis pa 'bod yig rtags dang
47b1 sbyar// gsum pa bsad yig rtags dang dus// ji ltar 'dod pa bya bar bshad// de nas 'dzum bag mdangs skye zhing// me stag 'od dang 'ja' tshon 'byung// kha smra ba ni thun mong ste// so so'i rtags rnams
47b2 bshad par bya// de nas ro nyid bsgral bar bya// dang po mchan khung g.yas pa nas// tsit+ta rin chen dbyung bar bya// so so'i dkyil 'khor ma subs par// shun chen bshus la nang nas mnyes// de ni dngos grub
47b3 dkyil 'khor te// rang gi snying dang 'dra ba ru// sha khrag dngos grub blang bar bya// bya dang khyi la bstan mi bya// dbang po lnga ni gtor ma'i rdzas// klad pa rkang dang tshil bu rnams// ma 'dres til mar sbyin sreg
47b4 bya// sha ni brdugs bskams phye mar bya// dus drug pa la mchod pa bya// ling ga snying nang bcug gyur na// nams kyang bdun nam dgu nyid na// gang yang rung ste sgrol par 'gyur// zhes gsungs so// snying zor
47b5 nag mo'i rgyud las// ro langs sgrol byed yang snying gsang ba'i skabs te brgyad pa'o//// de nas ser ba dang// ltas ngan dbab pa 'di gsungs so// de nyid gsang ba'i thod pa la// lte bar dkyil 'khor
47b6 bskyed par bya// sgrub dang rbad bsad de nyid de// ltas ngan ser ba dbab pa'i sngags// so sor phye ste bstan par bya// she'u re'u she'u re'u// tra ma ru sha sha dza dza// ma ling ling b+h+yo b+h+yo// tri byi ri shig shag/ rag sha
48a1 kye gong// i rab ri// badzra ba sha la// to ri ta sha 'dus 'dus b+h+yo// zhes gsungs so// snying zor nag mo'i rgyud las// ser ba dang ltas ngan dbab pa'i skabs te dgu pa'o//// snying zor
48a2 nag mo'i rgyud sngags// bu dang rgyal po ma gtogs pa// gzhan la sbyin re na ra skan// mnga' bdag sras kyi btsas su zhog/ so phag shi thabs kha tha ma// khathams////


CLOSE WINDOW