CLOSE WINDOW

Gpb049.004
བོད་ཡིག

rgya gar skad du// A r+ya de bi kA li tsakra tsit+ta tan tra// bod skad du/ 'phags ma e ka dza Ti la phyag 'tshal lo// 'di skad bdag gis thos pa'i dus gcig na// 'dod khams dbang du sdud cing dbang byed pa'i srid pa'i srid pa thams cad kyi mnga' bdag gnod sbyin thams cad kyi rje mo zhig rgya gar gyi yul me ri 'bar ba'i rtse nyin zhing rlung 'tshub pa// mtshan zhing ro'i rang bzhin du 'gyur ba zhig na bzhugs te// de'i tshe 'phags pa re ma ti 'khor sum brgya dag dang lhan cig tu bzhugs te// de yang gang zhe na// 'dod chags kyi chos can brgya nyi shu// zhe sdang gi chos can brgya nyi shu dang// gti mug gi chos can brgya nyi shu rnams so// de dag la sbyor ba'i bdag mo dang// gzhan mi 'jug ma dang// rmongs pa mo zhes pas so// de dag gi 'khor du gtogs pa gang zhe na// gnam nar stong pa'i ye nar mo dang// dug gtor ba'i phung byed ma dang// khrag nad 'bebs pa'i glog ma srin dang// de la sogs pa'i lam dang// khri sman dang// dre'u sna ma dang// skyin mthing ma dang// 'jug byed mo dang// srin mo dang// de la sogs pa dkar mo dang// ser mo dang// dmar mo dang// khrag mo dang// smug mo dang// sngon po dang// ljang khu la sogs pa bsam gyis mi khyab brjod kyis mi lang ba dag gis phyogs bcu kun nas yongs su bskor nas gnas te// phyogs dag nas 'di skad ces gsol to// srog rtsa gnad la dbab pa'i phyir// srog gi dbang thob dam can ma// srid gsum sgrol pa'i dbang thob ma// sgrol la brtson pa'i dbang stsol cig/ de skad ces gsol ba dang// srid pa'i gtso mo e ka dza tis 'di skad ces bka' stsal to// kye las kyi rnal 'byor nang gi gong// srid pa gsum po 'dul pa'i zhing// 'gro ba rigs drug bsnag pa'i las// srid pa gsum la dbang gyis shig/ces gsungs so// de nas gshog pa rdo rje rin chen gsum gyi phyag rgyas dbang du bsdus te dam la btags so// de nas gnod sbyin mo rnams kyis gsol pa// kye rdo rje khro mo ral pa gcig ma// 'jigs pa'i gzugs can ma// 'dod pa'i khams thams cad dbang byed pa'i nag mo re ma ti 'di sngon skye ba gang blangs// rgyu 'am las ji lta bu zhig las grub// 'dul pa'i dbang gang thob// da ltar zhal mthong pa legs so// zhes gsol pa dang// ral pa gcig mas 'di skad ces bka' stsal to// 'dod pa'i khams thams cad la dbang byed pa'i nag mo re ma ti 'di// sngon lha sum cu rtsa gsum gyi mdangs las sbrul lo// rgyu yang de yin no// las ni lha ma yin gyi g.yul bzlog go// 'dul pa'i dbang ni srid pa gsum na gnas pa thams cad 'dul pa'i dbang thob bo// de nas rim pa nas rim par sprul nas las thams cad byed do// da ltar las thams cad kyi sgo nas las mthun pas zhal mthong ba yin no// da nas yang gnod sbyin mo rnams kyis 'di skad ces gsol to// 'dod khams 'dul pa'i dbang thob pa'i nag mo re ma ti 'di// sngon las kyi dbang dang// zas kyi dbang dang// 'du byed kyi bstan pa ji ltar bsrungs ces gsol ba dang// bka' stsal pa// 'dod khams 'dul pa'i dbang thob pa 'di// las kyi dbang ni srid pa thams cad kyi srog gcod do// zas kyi dbang ni srid pa'i sha khrag la za'o// 'du byed kyi bstan pa ni/ sku'i bstan pa dang// gsung gi bstan pa dang// thugs kyi bstan pa rnams bsrungs so// de nas las thams cad byed pa'i nus mthu yod pa'i phyir ro// de nas snang srid thams cad la dbang byed pa ni gang zhe na// zhi ba'i dbang dang// rgyas pa'i dbang dang// dbang du bsdu ba dang/ drag pos gsad pa'i las rnams gang zhe na/ las kyi sgo nas thams cad 'grub par 'gyur ro// nag mo srog gi 'khor lo'i rgyud las// byung khung dang gleng gzhi'i le'u ste dang po'o//// de nas ma mo thams cad kyi sku dang// gsung dang// thugs kyi bdag mo e ka dza Ti gnod sbyin re ma ti la sogs pa 'dul pa'i ched du nag mo gsang ba sngags kyi sgrub thabs 'di ched du brjod do// dpal ldan nag mo dbyar dam can// ral gcig mi pham srid gsum mgon// lha ma yin gyu+i g.yul bzlog ma// dang po drag sngags stong du bzlas// tad ya thA// rag mo rag mo bruM bruM trag rag sha b+h+yo dza dza// them par bya pas bya ba min// bya ba bya zhing bya byed spang// dmigs pas dmigs par bya ba ste// dmigs par bya bas dmigs pa yang// bsgom pas bsgom par bya ba ste// sngon nas bsgom pas spyad par bya'o// de nas srog sngags bye ba gdon// ma ma trag rag sha ma'i rag mo dun b+h+yo// ma hA yo ki ma b+h+yo// tig nag mo dun b+h+yo// yul rnams spangs la yul la gzhug/ bzlas pa'i sngags kyang yul la 'jug/ yul bya byed dang bya ba yin// bya mi byed du gzhug par bya// dmigs bya rmi lam bzhin du brtags// de ni kun rdzob don dam mo// bskyed dang spyan drangs bzhugs su gsol/ de la phyag 'tshal mchod dbul dang// de dag gsang ba'i rim pa 'di'o// nag mo ting lam ma ma dun b+h+yo dzaHhU~M baM ho// nag mo ting laM dun b+h+yo// badzra yag mo sha ti sta sa ma ya s+t+wAM// badzra dun ting na ma ya ha'i// badzra yak+sha rag mo kha rag b+h+yo// sarba rag mo trag rag sha khA hi// snying rtsa 'dus 'dus sa ma ya khA hi// nri pa sha dza la mi ti khA hi// rtog pa med par bya ba ste// rtog pa med pas med mi bya// de la rtog pas med mi bya// de la rtog pa bskyed par bya// dngos po spang par bya ba ste// dngos po spangs nas dngos po brtag/ dngos po can gyis mchod par bya// sdom pa'i dngos po mi dmigs te// mi dmigs sdom pas bzhugs su gsol// bcos pa'i sgo gsum rab spangs te// spangs nas bsam pa sgo gsum brtag/sgo gsum dang pas phyag 'tshal lo// dngos po rtag par mi byed kyang// kun rdzob rdzas la mchod par dbul// de nas bdud rtsi lngar bab pas// sdom pa'i dbang du bzhugs su gsol// nag mo srog gi 'khor lo'i rgyud las// gsang sngags bsgrub pa'i le'u ste gnyis pa'o// de nas ma mo thams cad kyi sku dang/ gsung dang// thugs kyi bdag mo e ka dza Tis gnod sbyin gdug pa can gdul pa'i don du// nag mo srog gis gsad thig 'di ched du brjod do// dang po sngags pa gang yin pa zhig gis// gdug pa'i rdzas nyungs kar dang// yungs nag dang// ske tshe dang// til nag po dang// mi khrag skam po dang// bong bu nag po'i khrag dang// bya rgod kyi khrag dang// dur bya'i khrag dang// sbrul nag po'i khrag dang// bya sha zan sna tshogs kyi mchu sder dang// gcan gzan sna tshogs kyi mche sder dang// dom nag po'i klad pa dang// mtshe phye dang// pha bong gi drag pa dang// raM bu dang// dug thar nu dang// dug thang phrom dang// ra dug pa dang// re'u lcag pa dang// btsan dug dang sbyar dug dang// de la sogs pa'i rdzas thams cad rabs cad kyi thod pa dug dang khrag gis byugs te// der blugs la rang gi mal 'og tu dong gru gsum sum brtseg tu brus la// der rtswa dang dug shing gi dkyil du bcug la// kha g.yam pa nag pos gcad la// sngags pas lus la gos nag po gyon la mtshan ma btab nas sngon du bsnyen pa'i sngags bye ba dang dung phyur du mi tshig gis bar ma chod par bya ste// ha cang che bar yang mi bzlas// ha cang chung bar yang mi bzlas// shin tu bar ma chad par bzlas// de nas gsang ba'i mchod pa grwa zur ma chad par dbul lo// de nas dpal ldan lha mo dbang bskur te gsang pa'i dam tshig bsre// sbyor ba dngos su bya// de nas thun bug par bsgrubs te// dbugs phyir ma shor par bzlas// ma ma trag rag sha kha mu tra ma ru lu ru lu b+h+yo// trag rag sha kha mun tra// dur ma ti rag mo dza// ma mo hur thum lo tsa na snying kha la rag sha rbad// gtubs tsit+ta baM gal 'ub myis snying khrag ha pra ru ru thums// he thum du thum pra ma thum ne thum zhi ni thum i u a sa na ya thibs thibs// ling shar ya des sod// sa ma ya ti sta maM ma ru thibs thibs// tha pra bur kha baM yaM thu ru li li// thig nig cig med gnyis drug brgyad gcad gnam mthongs phye// lcags sgrog khrol mi rang sod// badzra ne phaT badzra te phaT// badzra rdzad te phaT// badzra e hi e hing nA ga le sum pa le sum pa le tsin yangakha sha baM kha sha baM ma dud b+h+yo// mi tshig gis bar ma chod par bsgrubs na// khol dang 'bar bar 'byung ngo// de ltar byung ba dang// dgra bo'i gdong dang// dur mchad dang// phas kyis 'ong ba'i gdong gsum 'dra ste// dgra bo'i klad pa ya// snying la ya// dbang po la ya// tsakra hri ma ma rbad// ma ma myos gug tsar ling// lang to rbad snying to rbad// tsa mo d+h+ri sti ni kha sha rbad// ces 'phang ngo// dur du gzhug na gza' phur bu la nam phyed tsam na dgra bo'i yul 'khor gyi lha la sogs pa la dbye bsal byas la// de nas thod pa gnan pa byas la// ma mo gzir non gyi sngags bzlas so// yang na mi mthun pa so sos sprad do// nag mo srog gi 'khor lo'i rgyud las// srog gi gsad tig gi le'u ste gsum pa'o//// de nas ma mo thams cad kyi sku dang// gsung dang// thugs kyi bdag mo ral pa gcig mas gnod dang sbyin re ma ti bar snyan cing bsgrub pa'i gnas// rdzas bskyed pa'i thabs 'di ched du brjod do// dang po sngags pa gang yin pas ri nag po 'am// khang rul lam// mi ro gsar rnying mang po yod pa 'am// chu gsum 'dus pa'i mdo 'am// ri gsum 'dus pa'i rtse 'am/ brag nag pho ngo brgyar 'dug pa 'am// shin tu dben par song la rdzas dang ya stag bsog par bya ste// ban d+ha lcang lo can gcig gi nang du sman phud dang// rak+ta dang// sman g+hi hang dang// ga pur rnams 'tshogs pa'i sman dang// lo ma'i sman dang// 'bras bu'i sman dang// bcud kyi sman dang// sha chen dang// tshal chen dang// rak+ta sbyar la bag phye la gtor ma byas la gzhag go// ban d+ha lcang lo can gcig gi nang du// trag rag sha ma ma kha sha dza la hri// zhes snying por khrag gis bris la kha spub la rtags ma byung bar du rtar bzung ngo// gru pa'i rtags byung ba dang ban d+ha kha yar bstan la 'dza' gad kyis bkang pa dngos grub tu byas la blang zhing lha mo la gsol lo// hU~M rag sha sa du hU~M// badzra sa twa hU~M// tsit+ta tsit+ta nan// tra tha phaT nan// gnyis su med pa'o// ban d+ha gcig gi nang du ra khrag gang// mi khrag dang// rta khrag dang// phag khrag blugs la gzhag go/ de nas rdul tshon gyi dkyil 'khor bri bar bya ste// dkyil 'khor gru bzhi gru gsum khru gang du byas la// dbus gru gsum mthing nag zla gam dmar po gru chad ljang khur bya'o// de'i dbus su gnyen po rnam pa gsum gang yang rung ba cig dgod// ting nge 'dzin gyis kyang de ltar bsam// byang shar gyi zla gam la mi ro rta ro gcal bkram pa'i steng du re ma ti sku mdog mthing nag zhal gcig phyag bzhi pa// g.yas dang po na kha T+wAM kha rtse gsum bsnams pa// 'og ma na lcags kyi phur pa 'dril ba// g.yon dang po na 'phrul gyi me long phyis shing lta ba// g.yon gyi 'og ma na sbrul gyi zhags pa 'phen pa// chibs su dre'u rta rkang gsum la btsan dkyil du bzhugs pa// dbu skra ral pa'i thor tshugs gnam du 'greng ba// ral pa'i zar bu la gser dang mu tig gis brgyan pa// sku la zhing chen gyi g.yang gzhi dang stag lpags kyis kyang brgyan pa// sbrul nag gis yan lag brgyan pa// dar gyi cod pan phyogs su 'phur ba// gog sbrog gi mtshams na g.yu'i rdo rje rgya gram yod pa// mthing shun gyi gur phub pa'i nang na 'khor nag mo stong gi mtha' bskor nas bzhugs par dgod do// ting nge 'dzin gyis kyang de ltar bskyed do// shar lho'i zla gam la srid gsum rtsal 'byin khro mo ru ru stsal// du ra phag pa kha brgyad mig stong la zhon nas phyag na dar mdung nag po bsnams pa bskyed do// nub byang gi zla gam la ma mo lcags kyi bya khra sngon mo can// mdog sngon po tsa ra kham rog la zhon pa// phyag na sha glang rgya gram pa gcig bskyed do// de'i phyir rim du gru chad bzhi la dung gi spyang mo sum brgya drug cu bskyed do// gzhan yang nam mkha'i bu mo glog 'gyur nag mo la sogs pa'ang dgod pa dang bskyed par bya'o// de nas 'khor bdud phran sum brgya drug cu 'ang// mos pa'i sgo nas mngon sum par bskyed do// nag mo srog gi 'khor lo'i rgyud las// gnas dang/ rdzas dang// bskyed pa'i thabs kyi le'u ste bzhi pa'o//// de nas yang ma mo thams cad kyi sku dang// gsung dang// thugs kyi bdag mo// rdo rje khro mo ral gcig mas yi ge bkod pa'i 'phreng ba zhes bya ba 'di gsungs so// bsgrub pa'i yi ge drug cu rtsa bzhi las// ri dang u dang// ri dang// u u u u os brgyan pa'o// 'og ma la ri dang// u dang// ri dang// u i dang// oM o dang// u U dang// oM Is brgyan pa'o// 'og ma la// u i dang// u o dang// i ri li dang// ra u u u rnams kyis brgyan pa'o// 'og ma la// e u dang// u u dang// ri u dang// i u dang ri u dang// i u dang// i i u rnams kyis brgyan pa'o// 'og ma la i u dang// i u dang// i u o dang// i u i i dang de rnams kyis brgyan pa'o// 'og ma la ri u u i i i i dang// e i ri dang// o e o o o dang// i o rnams kyis brgyan pa'o// 'og ma la ri e ri e e rnams kyis brgyan pa'o// 'og ma la ri e dang// i i u e e// i i dang u o u os brgyan pa'o// de dag ni dbyangs kyi ye ge dgu bcu rtsa drug gis brgyan pa ste tshig la 'khyal pa'o// brdeg pa'i yi ge nyi shu rtsa drug pa la// ri ri es brgyan pa dang// o u i dang// u i i dang// o i i rnams kyis brgyan pa'o// de dag ni dbyangs kyi ye ge bcwa lngas brgyan pa'o// spyan drangs pa'i ye ge bcwa brgyad la// o i u o dang// u o o i dang// u os brgyan pa'o// bzhugs su gsol pa'i ye ge bcu la// ri o i od brgyan pa'o// phyag 'tshal pa'i ye ge brgad pa la// ri u i is brgyan pa'o// mchod pa dbul pa'i ye ge dang po la// ri o os brgyan pa'o// gnyis pa la o ri is brgyan pa'o// gsum pa la i u u is brgyan pa'o// bzhi pa la ri u i u i brgyun pa'o// lnga pa la ri i u is brgyan pa'o// nag mo srog gi 'khor lo'i rgyud las// yi ge btu pa'i le'u ste lnga pa'o//// de nas yang ma mo thams cad kyi sku dang// gsung dang// thugs kyi bdag mo khro mo ral gcig mas// phyogs bcu gdug pa can gdul pa'i don du// srog rtsa gnad la dbang pa'i 'khor lo'i 'di gsungs so// dang po sngags pas dur gyi chas kyis lus rnam pa brgyad du brgyan pa// dur khrod kyis ras la me'i 'khor lo rtsibs bzhi pa gcig bris la// de kho na bzhin du sngags dgod par bstan pa ste// sngags pas ting nge 'dzin gyi sbyor bas gzhan gyi kun gzhi rnam par shes pa med pa me long lta bu'i skye ba'i rgyu'i tshogs thams cad dang// dngos po phra mo'i ring bzhin du bsdus la// de nas sngags pas srog rtsa bsregs pa'i sngags kyi bar du gzhug par bya// sngags ni// ma ma hU~M ni rag mo traM sram raM raM kha sha b+h+yo dza// zhes pa ste// srog rtsa bsregs pa'i yi ge 'bru bcu bzhi pa dbus su bskor zhing las la sbyar ro// dang po u i ri ri o ya zhes pa ste// thig le lngas mtshan par shes par bya'o// de dag ni dngos po'i yi ge ste// don dam par rnam par shes pa'i yi ges bskor bar bya'o// ji ltar dngos po'i yi ge rnams dbus su bskor cing gsad par bya'o// ji srid du shar phyogs kyi 'khor lo'i rtsibs la// srog rtsa skam pa'i 'khor lo zhes bya ba// gzhan gyi sgo lnga'i rnam par shes pa'i tshogs shes pa rang gi rig pa'i yi ge tri'i rang bzhin du bsdus te// sngags kyi bar du gzhug par bya'o// sngags ni// ma ma sha truM kha li rbud ru ma srog ni pril nan// zhes pa ste// srog rtsa bskam pa'i bcu bzhi bdun bskor du spel zhing las la sbyor te/ gnyis par u i u u o i i rnams so// thig le gcig dang ra gsum gyi brgyan pa'o// de dag ni dngos po'i yi ge ste don dam par shes bya'i yi ges bskor bar bya'o// ji ltar dngos po'i yi ge rnams dbus su bskor zhing gsad do// ji srid du lho phyogs kyi 'khor lo'i rtsibs la// srog rtsa bskor ba'i 'khor lo zhes bya ba// gzhan gyi rnam par shes pa'i tshogs// shes pa rang rig pa tsam du gnas pa yi ge ti'i rang bzhin du bsdus te// sngags kyi bar du gzhug par bya'o// sngags ni// ma ma kha sA li nyog nyog truM truM sti ra du du du// zhes pa ste srog bskol pa'i yi ge bskol pa'i yi ge bcu bzhi gsum bskor du spel zhing las la sbyar ro// gsum pa// e o o u i u u u// zhes pa ste// thig le gnyis dang ra gnyis kyis brgyan pa'o// de dag ni dngos po'i yi ge ste// don dam par ye shes kyi yi ges bskor pa'o// ji ltar dngos po'i yi ge rnams dbus su bskor zhing gsad do// ji srid du nub phyogs kyi 'khor lo'i rtsibs la// srog rtsa bzhum pa'i 'khor lo zhes bya ba// gzhan gyi rnam par shes pa'i tshogs shes nyon mongs pa can du gnas pa de yi ge de'i rang bzhin du bsdus te// sngags kyi bar du gzhug par bya'o// sngags ni// ma ma tsa truM mu ma khrum du na kha rag mugs te rbad rbad// ces pa ste// srog rtsa bzhum pa'i yi ge bcu bzhi sum bskor du spel zhing las la sbyor ro// bzhi par u u u u u i zhes pa ste// thig le gsum dang ra 'og ma gnyis gong ma gnyis kyis brgyan par shes par bya'o// de dag ni dngos po'i yi ge ste// don dam par ye shes kyi yi ges bskor par bya'o// ji srid du dngos po'i yi ge rnams dbus bskor zhing gsad do// ji ltar byang phyogs kyi 'khor lo'i rtsibs la// srog rtsa thal bar rlag pa'i 'khor lo zhes bya ba// gzhan gyi rnam par shes pa'i tshogs g.yang ba can du gnas pa de// yi ge su'i rang bzhin du bsdus kyi bar du gzhug par bya'o// sngags ni ma ma hU~M ni sruM ku ru sruM ba ni su ya shi thum// zhes pa ste// srog rtsa thal par rlag pa'i yi ge bcu bzhi nyis bskor du spel zhing las sbyar ro// lnga pa u i u u u i u i u zhes pa ste// thig le gsum dang ra gnyis kyis brgyan par shes par bya'o// de dag ni dngos po'i yi ge ste// don dam par ye shes kyi yi ges bskor bar bya'o// ji srid du dngos po'i yi ge rnams dbus su bskor zhing gsad do// de la 'khor lo'i rtsibs lnga la// rigs drug gi yi ges bskor nas gcig gsad na yang bya// gnyis gsad na yang bya// gsum gsad na yang bya// bzhi gsad na yang bya// lnga gsad na yang bya'o// rang rang gang yin pa gsad dam// man nan yang de kho na ltar bya'o// nag mo ral pa gcig pa'i don mngon sum par rtogs te 'khor lo bskor na gsad pa'i las 'grub par 'gyur ro// 'di la don du rang sems brtan par bya ba dang// rang sems rtogs par bya ba dang// gzhan gyi rang bzhin du gnas te rtogs par bya'o// de nas gnan pa'i thabs gang yin pa bstan te// rigs mthun par 'khor lo rnam pa lnga bsgom par bya'o// de ni 'khor lo'i sgrub thabs gang yin par bsdu par bya ste// bsam gtan gyi rim pa las rdzogs par bya'o// sngags phyin ka log gi 'khor lo bskor nas gsad pa'i las bya na btson dong du bcug pa'i tshul du sngags bzlas na las thams cad 'grub par 'gyur ro// ting nge 'dzin dbang du gyur pa rnams kyi 'khor lo med kyang 'grub par 'gyur ro// rdzogs pa'i yi ge snga phyi'i yum mnan par bya'o// grub pa'i tshe chu 'am// me 'am// rlung ngam// nam mkha' 'am// sa'i 'og tu sbas na 'chi bar 'gyur ro// nag mo srog gi 'khor lo'i rgyud las// srog rtsa 'khor lo'i le'u stai drug pa'o//// de nas yang ma mo thams cad kyi sku dang// gsung dang// thugs kyi bdag mo khro mo rdo rje ral gcig mas las mthar phyin par 'gyur pa'i phyir gsad pa las kyi sbyin sreg 'di gsungs so// dang por sngags pas sa gzhi la sogs pa bzang ngan 'dams las kyi tshogs rdzogs par byas nas khro mo nag mo'i tshogs kyis gsad pa'i sbyin sreg gi gzhal yas khang bskyed do// dngos su grub pa'i sa nag po la gru gsum sum brtseg tu sa brus la// logs par pa la 'dom phyed kyi bar du bya// phyogs su mtho do bar bya// de la nang du stag gi thod pa gsum dgod// phyi rim la kag ka'i mgo can dgod// steng du seng ge mgo can dgod// bar bar du mda' gzhu dang// mtshon cha gzhan dang// me ri dgod do// steng du ro shing la bri rag mo chum zhes bzlas la gru gsum du brtsigs// steng du gdol pa can gyi khyim nas me blangs la// me tshas bsdams la sa bon gzhug/ de nas sngags pas sngon du ma mo las kyi sbyor bas mdun du bskyed la// nam mkha'i khams khyab pa'i nag mo'i tshogs thams cad yi ge 'khor lo'i sbyor bas bkug nas bstim ste mnyes par byas nas// de nas gdug pa'i sngags brgya tshar tsam bzlas la// gro ga 'am// shog shog gam// ro shun la gang yin pa'i gzigs bris la// lnga bcu rtsa brgyad dam// brgya rtsa brgyad da// stong rtsa brgyad du bris la// rdo rje ro langs ma'i sngags 'dis dgra bo dgug par bya'o// bud med rnol grir shi ba 'am// rmas te log non du shi ba'i sha dang// khrag dang// rgyu ma bsdus la// snying la sogs pa bsdus la 'jig rten gyi khams thams cad nas sems can gyi sha dang// khrag dngang// rnam shes bsdus nas bstim ste me sbar la// oM de ba ri shin tu dza// ag ne ye dza hU~M baM ho// zhes brjod de spyan drangs la// oM de ba du dza ag ne ye rak+ta tsa ra sha truM rak+ta mA ra ya// zhes lan drug cu rtsa brgyad dbul lo// de nas snying khar bskyed pa'i nag mo 'khor dang bcas pa thams cad dbang bskur byin gyis brlabs la// de nas mchod pa dbul te// mthing gi mang sa kha la rak+ta man pa la ni sum pa ku ru b+h+yo// zhes mchod pa dbu la pa'i yi ge nyi shu rtsa gnyis pas sha khrag mchod par dbul lo// de la dang por o o i i dang i u u os brgyan pa'o// gsad pa'i yi ge rtsa sum cu rtsa bzhi la la// nri du ru b+h+yi b+h+yi shri lding rag ma trag sha sha truM maM sa ma ra thum// rag mo tsit+ta hri sti raM raM// ma mkhas sa raM// zhes ming ngam gzugs su byas la kun ra dug gi yam shing la me sbar la bsreg/ dus der 'phra men ma dang// gnod spyin nag mo dang// srin pa'i bu mo rnams la'ang las bcol lo// bsreg pa'i dus su 'ang khrag dang// dug dang// yungs nag dang// tshe phye la sogs pas brdeg go/ las ma grub na thub khung dag par bkrus la// nal phrug gi pags pas brdabs la// nri sha du ru dz+wa la ram// zhes shing dug can brtsigs la// seng ge'i sha dang dom gyi sha dang// stag gi sha la bsreg go/ de sngags la// raM sa kha ma maM raM raM sti hri ta tsi mo rag/ thum ra ma sa ma truM sha sha rag trag mo rag trag rag sha truM kha le srog sa rba ru pa dza// log gnod gyi sreg sngags sum cu rtsa bdun pa// dbyangs yig bcu gnyis dang brgyad kyis brgyan nas gnas so// de nas bsregs pa'i thal ba drag po'i gnas su mnan no// nag mo srog gi 'khor lo'i rgyud las// gsad pa'i srin sreg gi le'u ste bdun pa'o//// de nas yang ma mo nag mo thams cad kyi sku dang// gsung dang// thugs kyi bdag mo rdo rje khro mo ral pa gcig mas gang zag dbang po mngon sum du bstan pa'i phyir bris sku'i cho ga bshad pa zhes bya ba 'di gsungs so// dang por sngags pas gzugs phun tshogs par byas la zhing ras la mchur 'dom gsum de la zheng du 'dom gang mda' gang la lha mo nag mo nag mo dbu dgu pa phyag bco brgyad pa bris gzhug go/de la g.yas kyi zhal rnams ni dkar po nag po ser por bri'o// g.yon gyi zhal rnams ni mthing ka dang// dmar po dang// ser por gnas so// dbasu kyi zhal rnams ni nag po dang// mthing ka dang// dud kar gnas so// de la phyag g.yas rnams na ral gri dang// spu gri dang// tri shul dang// mchog chen po dang// rmas pa mo'i rgyu ma dang// sprin chen po dang// grod pa dang// gnye ma dang// ro ras rnams brir gzhug go/ g.yon gyi phyag rnams na ro dang// ne'u le'u rkyal bu dang// khraM baM dang// nad kyi phur bu dang// ban da rak+ta dang// khrag gi zhags pa dang// glang chen gyi ko rlon dang// rdo rje mchog dang// sti ra'i dbyug pa rnams so// zhabs brgyad bzhugs dang dor ba'i tshul du bskyed do// ras 'phang du khru gang la mchu phyed dang do pa la// lha mo dbu bzhi pa// phyag bzhi pa// zhabs gnyis pa 'drir gzhug go/ dbu bzhi la ser po dang// dmar po dang// dkar po dang// ljang khu'i kha dog ti brir gzhug go// g.yas kyi phyag gnyis na ral gri dang// khrag skams kyi lcags kyi thogs pa 'drir gshug go/ g.yon gyi phyag gnyis na// khrag gi dung chen dang// tri shul thogs pa 'drir gzhug go/ zhabs bgrad pa'i tshul du 'grir gzhug go/ ras khru gang ba la zheng du mtho gsum pa// lha mo zhal gcig phyag gnyis pa bong nag la zhon pa// zhal dmar po phyag g.yas na khaM baM// g.yon na rkyal pa bsnams pa 'drir gzhug go/ de nas gzugs kyi lha de la ye shes kyi lha spyan drangs la bstim mo// de nas spyan gyi phyag rgya rdo rje se gol gyis spyan phye nas zhal gyi phyag rgyas bdud rtsi gsol to// de nas dbang bskur byin gyis brlabs la// khro mo re ma tir mnga' gsol lo// de nas bstod pa'i las rdzogs par bya ste// grub nas// oM di bi mahA ka li e mang sa rak+ta ba su ta ma hA tsit+ta go ro tsa na kha kha khA hi khA hi// pra ti tsa khA hi// zhes gtor ma dbul lo// ma ma sha truM nri mang sa rak+ta bsu ta ma hA tsit+ta go ro tsa na kha kha kha khA hi khA hi// rak+ta ma ma rbad khA hi// zhes bstab pa bya'o// grud grud ma ma tsan d+ha sarba du T+TaM kha la rak+ta thum bu gur tri ra tsa tri shi tri kha la rbad rtsa la rbad// ma ma du ru ka li nyog tra tri guM guM// tsan d+ha rak+ta kha rag thum// zhes las la btang ngo// ma ma trag rag sha rag mo hri ta hri ta ra la ra la ta// ya ta ma ma bud ta// stoM bud ta sto bud ta rag mo ma ma pa shang ku ru// dzA la pa shang ku ru// shri pa shang ku ru// thum bu pa shang kra ru/ mam ka ra ma/ shri krang ka re ya ma ma b+h+yo b+h+yo// ma ma trag sha kha la ting ting zhum zhum// shig ti shig ti// shri sha shri sha kha sha dun dun// ma ma ni bu rbad bu// kha 'dar kha 'dar// ma ma dzA la ya ka sum ku ru tsit+ta hri sti bruM bruM// shri rag mo ma la te su ma pa ku ru sdus sdus b+h+yo thum// in tra yag sha rtsa kha ma b+h+yo b+h+yo// zhes dbang du bsdu'o// nag mo srog gi 'khor lo'i rgyud las// bris sku'i cho ga mngon du bya ba'i le'u ste brgyad pa'o//// de nas yang ma mo thams cad kyi sku dang// gsung dang// thugs kyi bdag mo ral gcig mas dbang dang dam tshig bstan pa'i phyir gnyis su med pa'i ye shes sku thang ka bkod pa'i sbyin sreg 'di gsungs so// de la rdo rje nang sme byas na// thab khub zlum po sum rtsegs su brus la// shing zho can gyi me bus te// 'bras chan dang// 'bru chan gyi mchod pa dbul lo// de'i sngags la// oM de bi mahA kA li ye// ma ma pa shang ku ru dz+wa la raM// ma ma shri sha raM rbad yag mo sum ba nan// ma ma ri shi shan ting ku ru ye swAhA// ma hA gu ru ma mA shan ting ku ru swA hA// zhes brgya rtsar la bye bar dbul lo// ma hA gu ru ma nu pa la ya sa ma ya shan ting ku ru swAhA// zhes bskang bshags bya'o// de nas chu chen po la thal ba bskur ro// rdo rje nang sme byas na// hoM khung zlum po la tshon dkar pos byugs la// shing zho can gyi le ma// drang thugs dkar po phul te// rdo rje spun gyi gzugs byang bris te// de nas nyon mongs pa dug lnga dang dug gsum bsdus la// oM de bi ma hA kA li yi// pu tra pu tra// badzra pu tra kha rag pa sha baM// u tsa ta ya rbad// ma ma shan ting ku ru swAhA// zhes 'phul te// ma nu pa la ya// sa tu shan ting ku ru swAhA// zhes bsreg go/ nor 'dod na thab khung 'phang du khru bzhi pa// zur gru bzhi pa gcig brkos la// de nas skyer pa la sogs gser mdog can gyi shing la mes bus te// me tog ser po la sogs pas mchod do// oM de bu ma hA kA li ye rad na ma ma traM// ma ma spus ting ku ru// zhes bsreg go// klu srin dbang du bsdu bar 'dod pa thab khur zla gam sum brtsegs su brus te// tshon dmar pos byugs la// seng ldeng gi shing la sogs pas me bus te// me tog dmar po la sogs pas mchod do// oM de bi ma hA kA li ye// de ba ma hA nag ting ting ma ma pa shang ku ru swA hA// zhes bsreg go// dbye bar 'dod na thab khung gnyis la gru gsum zlum por brus la// tshon gyis byugs la// khro bo'i shing la me bus te me tog tsha bas mchod de// oM de bi ma hA kA li ye// ma ma sarba rag mo shri sha mA ra ya de ba nri shag shag dz+wa la raM// zhes bsreg go// gsad par 'dod na las mthar phyin par 'gyur te// kun 'dus pa'i mchod tu bshad do// nag mo srog gi 'khor lo'i rgyud las// las bskor pa'i le'u ste dgu pa'o// de nas yang ma mo thams cad kyi sku dang/ gsung dang// thugs kyi bdag mo rdo rje khro mo ral pa gcig mas gdug pa can 'dul zhing las gtang pa'i phyir gdug pa'i ngan sngags kyi thabs 'di gsungs so// dang por sngags pas gdug pa'i sngags bye bar mi tshig gis bar ma chod par bzlas te// de nas bar cis kyang ma chod pa sngags 'di bsgrub par bya ste// ma ma trag rag sha kha mun tra snying kha rag rag mo kha la ting gi b+h+yo// tad ya thA// ma ru pa// sarba ru pa de pi rag mo kha so snying dum bu dum// tsit+ta rag mo kha so kha b+h+yo// kha la rag sha sman sha sin du ya ma rag mo tsit+ta ma la khrag thum// rmugs shing lte yang rbad// kha la ma ma tsa tsa rag mo shi ni rbad ma ma ti sta shi shi shed shed// rag mo dbugs la rbad rbad tsa la nan// ma ma trag rag sha kha la ma ma ting gi dza// ma ma rag mo ro sha ma du ru du ru// b+h+yi b+h+yi shi lding kha rag ma trag rag sha nan// ma ma sha sta sarba lde yang ma mo b+h+yo b+h+yo ru lu ru lu// sdud dam dza dza kha rag ma ma tsang tsang ma ma shri krin rag mo har hur a dang yag mo baM baM// oM ma ma yag mo ka li rtsa kaM rbad rbad shad shad// snying la gzer tshal bu gzer// trig trig ma ma trag rag sha kha mun tra snying kha rag rtsa 'du// ma ma srog kha la rag sha rbad// oM ma ma trag rag/snying la snyer mdar srog la yaM yaM// rag sha du ru baM rtsa kha la rbad// du ma kha sha yag sha baM// oM rus snying mang sa kha raM// rag sha du ru mang sa kha raM// snying rtsa 'dus sti ra baM kha raM// ma ma dkyil raM raM// yang yang 'du 'du ma ma ni snying tsit+ta la thun thun// tsit+ta rak+ta khA raM// ma ma sha truM snying la rag sha kha raM// rbad ya ma ma dum bu kha'i rus snying ya ma sha khug ya ma khA hi// ma ma tsan d+ha rag mo sha la rbad// pu ni kha'i hi// ma ma dum rag mo ko ta khA hi// ya ma rag ta khA hi ma b+h+yo// k+Sha k+Sha na shad truM tsa tru khA hi// ma ma hri sti kha rag yag sha du ru rtsa khA hi// yang rbad ma ma rbad// tse tse ma ma mang sa khA hi// oM de bi ma hA kA li ye// sarba sha truM mang sa khA hi// rak+ta khA hi// rag sha rtsa khaMM rbad rbad ma ma trag rag sha kha la sma sha tib tib// rag sha kun dza log/ ma ma dza thun rtsa khug/ dzaHhU~M baM mo ho// ma ma trag sha kha mun tra sti sta bab// sma sha ro bab/ tsi t+ta ba ba// ma ma trag rag sha kha mun tra// snying kha rag pa ban ta ro sha bab// shri ka pa lo ta ya hU~M bru// nag mo srog gi 'khor lo'i rgyud las// gsang ba sngags kyi le'u ste bcu pa'o//// de nas yang ma mo thams cad kyi sku dang// gsung dang// thugs kyi bdag mo rdo rje khro mo ral pa gcig mas// ma mo yongs su shes bar bya ba'i phyir// ming dgu dang mtshan brgya'i rnam grangs 'di gsungs so// de yang gang zhe na// nam mkha'i dbyings phyug ma dang// nam mkha'i dpal mo tsan dang// nam mkha'i sha ba ri dang// nam mkha'i nam gru ma dang// bar snang khams kyi gzi 'phreng ma dang// bar snang khams kyi dbang phyug ma dang// srid pa'i rgyal mo glog mo 'jigs byed ma dang// stong gsum bskor ba'i re ma ti dang// b+ha ga'i kham bsrung hri ti ma rnams so// yul gyi ming gang zhe na// mon mo spyi rings ma dang// dur khrod ral gcig ma dang// rgya mtsho'i g.yu'i ral gcig ma rnams so// dus kyi mkhan gang zhe na// rlung gi rgyal mo g.yo byed ma dang// chu'i rgyal mo srung byed ma dang// mo tog bcud kyi kha lo sgyur ma dang// khrag gi bdag mo byi chur ma rnams so// dus kyi ming gang zhe na// gnyan gyi lha mo nag gru ma dang// bdud gza' ro la smin kar ma dang// mi srun g.yag mgo ma dang// dz+wa sha ri gcig bu ma dang// kro d+hi shwa ri sum cu mtshan ldan ma dang// gsang ba'i b+ha ga hri ti ma dang// 'khrug byed dmag gi rgyal mo dang// nag mo mig rings ma dang// ral pa gcig pu dang// gling bzhi kun 'jam grag mo rgyal dang// gdug byed srog bdag mo dang// rigs kyi gsang bdag mo dang// legs nyes zhal mches ma dang// hU~M gi 'brug sgra can dang// zhal gyi sgra skad can dang// khro mo'i cha lugs can ma dang// las byed grub pa mo dang// gzhon nu mdzes ldan ma dang// gza' skam mnga' bdag mo dang// ban d+ha ral gcig ma dang// mkha' lding rdo rje rlung dang// ris bkra stag mdog ma dang// dmar mo g.yu mgo ma dang// nag mo ral gcig ma dang// mig 'dra bya rog ma dang// srag rna sha ba ri dang// snying 'byin kang ka ma dang// bskyings ma khrag mdog ma rnams so// yon tan gyi ming gang zhe na// gling bzhi kha 'bar ma dang/ khams gsum bskong bdag mo dang// legs nyes ltang 'dzin ma dang// dam tshig rjes gcod ma dang// srid pa'i gtso mo dang/ sha za rus 'cha' ma dang// ro langs khrag 'thor ma dang// bu yug thog bdag mo dang// snying 'byin kang ka'i mchu rnams so// gang zhe na// srin mo shaM shaM mo dang// srin gyi ma mo dza dza ma dang// re rad gon pa mo dang dre'u'i mnga' bdag mo dang/ srog chags khram la 'debs byed ma dang// dbugs yod 'ching byed ma dang/ mnga' bdag ma mo'i rje dang/ 'ching byed lcags kyu can dang/ lo tog 'jom byed ma dang// bdud kyi zhags thogs ma dang// bya nga'i me long ba bdag dang// re ba skong ba'i sbyor ba mkhan dang// srin po 'khor pa'i mche ba can dang// mu stegs 'dul pa'i zhing gon ma dang// zil gyis gnon pa'i dred lpags can dang// smug nag srin mo'i cha lugs can dang// dkar mo lha'i cha lugs can dang// bdud rtsi za ba'i rtog byed ma dang// rta khrag za ba'i mig dmar mo dang// stong gsum sreg pa'i chu ser can dang// mi la 'gying pa'i zhal dmar mo dang// ngan song dog sprugs byed pa'i thugs mig ma dang/stong gsum 'gegs pa'i ral pa dang// sa bud 'debs pa'i mchu ma dang// drod tshad 'dzin pa'i dbugs klu mkhan dang// ting 'dzin rtogs pa'i mgur chu can// mi brjod ne sreg do shal can dang// log rtog 'jom pa'i g.yang gzhi can dang// 'gying bag ston pa'i dred lpags can dang// ma mo 'khor ba'i thod pa nag po can dang// zon cag yod pa'i gong sgrog can dang// chags pa sgol pa'i khram can dang// nyams pa 'tshil pa'i gsal shing can dang// bstan ma 'khor ba'i sha thul can dang// sbrul gyi lcags sgrog klu'i gshed dang// rgya mtsho rnyog pa'i chu glang can dang// dkar mo nam mkha'i glog ma srin dang// ser mo bar snang glog ma srin dang// dmar mo 'dod chags khrag mtsho ma dang// ljang sngon mi lpags rlon gon ma dang// srid pa 'joms pa'i khram thogs ma dang// gling bzhi khyab pa'i gshog pa can// klu mo khog 'joms sbrul mgo ma dang// rta dud byed pa'i rta mgo can dang// dug gsum za ba'i mgo gsum ma dang// dkon mchog bstod pa'i dbu rgyan can dang// nang mo glog 'phreng kha la rtse dang// bal yul bgrod pa'i kun rje dang// dus gsum sbyor pa'i rtsa mun ti dang// nam mkha' la rol pa'i khrag mdog ma dang// srid pa 'joms pa'i spyi bdud ma dang// rta mgrin chung ma srid pa'i yum dang// rol pa'i las byed kha la dbang dang// ro langs nag mo 'khor lo'i rgyud dang// ro langs sangs rgyas dbang mo che rnams so// nag mo srog gi 'khor lo'i rgyud las// ming ngos 'dzin gyi le'u ste bcu gcig pa'o//// de nas yang ma mo thams cad kyi sku dang// gsung dang thugs kyi gsang bdag rdo rje khro mo ral gcig mas// srin mo dbang du ma 'dus na// gnad la bor ba'i le'u 'di ched du brjod do// de la dang por sngags pas lus kyi dkyil 'khor rdzogs par bkod la// dkyil 'khor gyi byang shar mtshams su gru gsum brus pa de'i steng du nag mo'i gzugs gzhag la// snying khar zhing rgyus sum sgril btags la// bdag gi spos bzung ba la// srog 'phrog pa'i sngags 'di khri 'bum du bzlas so// rag mo tsit+ta rag ta rtsa la breng breng// ti ti ma ra ya hU~M dza// zhes pas snying khar sdubs pas// bong bu dang bcas par sol dong bskyel ba ltar song bar bsam// de nas snying khar rdog pa gzhag la// rag tsit+ta rak+ta breng breng srog ya ma ki la ni ram// ma ma rak+ta ru ti ra dz+wa la ram// lus kyi dkyil 'khor nas ye shes ma byung bas// thod pas mkhar dang bcas par tshig par bsam// de nas yaM las rlung las rlung gi dkyil 'khor gyis gtor g.yengs// khaM las chu'i dkyil 'khor gyis bkrus bshal// de nas ma mo'i sa bon ma mo nag mo gcig bdag gi zhabs 'og na gnag ri li li gnas pa las// ma ra na badzra zhes brjod pas// ma de las 'phros ye shes kyi ma mo la dngos grub nod// 'jig rten gyi ma mo la sogs pa'i bcud bsdus nas// ma ma sang ha ra na hU~M// zhes brjod pas las kyi lha mo re ma ti sku mdog nag mo// dbu bdun pa// phyag bcu bzhi pa// zhabs bzhi pa// dbu ral pa dmar nag gis stong gsum bkab pa// gdug pa'i zhal kha dog sna tshogs su 'gyur ba// phyag na gdug pa'i phyag mtshan sna tshogs bsnams pa// zhabs phyogs thams cad du gtams pa// glang chen gyi ko rlon// stag gi sham thabs man bas pa// gdug pa can dang ngam shugs kyi sgrol nus pa cig byung bar bsam la// dbang du sdud pa'i lha dbang du bsdu bar bya ste// oM ha yi gr-i ba a be sha ya// a be sha ya// pra be sha yA// pra be sha ya// ban d+ha ya// ban d+ha ya// to sha ya// to sha ya// he sa ma ya pad+ma k+sha ti staM ya ka hU~M// zhes rdo rje khyung gshog gis zil gyis mnan nas dbang du bsdu'o// de nas gzugs la a mr-i ta gtor te// oM AHhU~M sarba pany+tsa a mr-i ta u tsa ta kha la ya hU~M// zhes bsre'o// rang gi che ba'i yon tan brjod la// srog gi snying po bzlas su gzhug/ rang yang bzlas la/ mgal me klad la bskor ba bzhin du bzlas pa bya'o/ de nas gzugs rdog pa'i 'og nas bslang nas// byang shar du zhing lpags la bzhugs su gsol lo// gdung zhing snyan pa'i sngags// ma ma pa shang ku ru dz+wa la dz+wa la swAhA sa ma ya sa ma ya// zhes blang ngo// a mr-i ta'i sgye'u sbal nag gi mgo dang// srog gi snying po dang// byang chub sems dang// pad+ma'i rak+ta dang// nal phrug gi snying rnams bdud rtsi dang sbyar la dar bu byas la rtar gzung ngo// sher shing gi phur bu khru do pa gcig la stod du lha mo dbu dgu 'am// bdun nam// gsum mam// gcig byas la// rked pa la zur bzhi pa rgya mdud dang// chu srin du bcas pa// smad zur gsum pa byas la// de la dmigs pa phab la// rang gar 'gro 'ang lag pa g.yas par khyer ro// nag mo srog gi 'khor lo'i rgyud las// mnan cing mi 'brul par bya ba'i le'u ste bcu gnyis pa'o// de nas yang ma mo thams cad kyi sku dang// gsung dang// thugs kyi bdag mo khro mo rdo rje ral pa gcig mas srid pa gsum na gnas pa'i gdug pa can rang dgar spyad du mi gzhug pa'i phyir// yongs su gtad pa'i le'u 'di gsungs so// nag mo srog gi 'khor lo'i rgyud// gsang ba'i gsod pa'i ngan sngags 'di// bzas gtad rab 'byams dpal la gtad// log bcos can dang som nyi can// zhabs su rdol dang gsang mtshan med// gang zag tha mar gyur pa la// gzha' gsang yun du bstan pa min// snod dang ldan pa'i skyes mchog ni// dam tshig gnyan po thub par bsrungs// yul dang bu smad 'khor du bcas// yod pa bla ma rnams la dbul// de dag ldan pa'i gang zag la// bsrung pa'i don du sbyin par bya'o// zhes gsungs so// 'dus tshogs so so'i gnas su byer// de nas thams cad ral gcig mas// dpal chen thugs kar legs 'dus te// gzhi ldan gcig tu yang dag 'dus// mtha' nas dbus thim rang bzhin med// 'phags pa lha mo nag mo'i srog gi 'khor lo'i rgyud rdzogs so//// rgya gar gyi mkhan po dza ni mi tras bsgyur// zhu chen gyi lots+tsha ba kab lha sras kyis kyang gtugs te gtan la phab pa'o/

CLOSE WINDOW