1a1 dpal lha mo spu gri so rgal gyi rgyud ces bya ba bzhugs so//
1b1 rgya gar skad du// shrI d+he bI ya ma ba na tra// bod skad du// dpal lha mo spu gri so rgal gyi rgyud ces bya ba// dpal 'jigs byed chen po la phyag 'tshal lo// 'di skad
1b2 bdag gis thos pa'i dus gcig na// nyi ma byang shar gyi mtshams na// thod pa dgu brtsegs kyi gzhal yas khang na// dpal lha mo bzhi ging dang bcas pa 'khor ma mo bcu gnyis
1b3 dang thabs cig tu bzhugs so// de'i tshe de'i dus na ma mo 'khor dang bcas pa des// gdug pa'i ngan sngags sgra dang bcas pa bzlas pas// 'jig rten gyi khams su nad kyi rnam pa
1b4 dang// mtshon dang// mu ge dang// mi bde ba sna tshogs su 'byung bas sems can thams cad 'jigs skrag nas sdug bsngal nyam thag pa la// dpal 'jigs byed chen mo de snying rje
2a1 chen po skyes nas// sems can rnams la byams pa'i sems kyis dgongs nas de nyid 'dul ba'i ting nge 'dzin la snyoms par zhugs so// de nas dpal chen po des
2a2 khros pa'i sgra hi hi zhes bsgrags pas// ma mo 'khor dang bcas pa bdun du byon nas ci bgyi zhes smras so// de nas dpal chen po dam tshig la bkod nas/ sangs rgyas kyi bstan pa
2a3 bsrungs cig ces bka' rtsal pas/ji ltar gsungs pa bzhin du bka' nyan no zhes dam tshig la gzhag go/ dam bcas so// dpal lha mo spu gri so rgal gyi rgyud las// sngon gleng
2a4 gzhi dang bcas pa'i le'u ste dang po'o//// de nas yang dag bshad bya ba// nag mo lcam dral 'khor bcas kyi// bod dang spad dang gsad pa'i sngags// gcig tu dril ba'i
2b1 drag sngags ni// bdag cag ming sring bshad kyis nyon// ma ma tra rag sha snying kha rag nag mo re ma ti// dgra bo che ge mo'i tsit+ta la rbad// mugs mugs dgra bo'i ma ra ya phaT phaT sod sod// oM mahA kA la dgra bo
2b2 che ge mo'i srog rtsa la rbad rbad// snying rtsa la cib cib// che ge mo ma ra yA sod sod// badzra sa d+hu che ge mo'i tsit+ta long har hur// dgra bo mA ra ya sod sod// srog gi snying po las sngags dang bcas la phul
2b3 lo// nag mo snying hu ra thums srog rbad rbad// kA la nag mo tsit+ta hur thums nyags rbad// sa du ya yaM dun dun trig rgyug yA// ma b+h+yo dun b+h+yo nag mo b+h+yo b+h+yo rbad rbad// nag mo spu gri'i rgyud las// gsang ba'i drag
2b4 sngags bstan pa'i le'u ste gnyis pa'o//// de nas yang dag bshad bya ba// lcam dram dam tshig bstan par bya/ skye nod ngangaganas lta ba ste/ gsang ba'i dam tshig chen po'o// spyir na sku gsung dam tshig
2b5 bsrungs/khyad par yi dam tshig ni/ nal bu dag la byams par bya// bong nag mi brdeg yugs sa spangs// nag mo chen po'i dam tshig ni// dkor la mi 'bag sdom pa bsrung// sngags bzlog mi bya dam tshig
2b6 go// ra gsung gtang zhing rta sha bsrungs// 'du byed mi smra dam rdzas brten// badzra ma d+hu'i dam tshig yin// rta bong sha bsrungs nyams la gzim// de ni bstan pa'i dam tshig yin// sngags dang ting 'dzin rtag tu
3a1 brten// phud dang gtor ma 'brel mi 'chad// slob dpon dang ni yi dam brten/ nag mo spu gri'i rgyud las// dam tshig bstan pa'i le'u ste gsum pa'o//// de nas yang dag bshad bya ba// nag
3a2 mo 'khor bcas bsgrubs nas ni// de nyid gsod par ma gyur na// 'khor los gsad pa'i sbyor ba bya// dur khrod ro ras dag la ni// lcam dral 'khor lo bri bar bya// pho 'khor rtsibs bzhi mu khyud
3a3 bcas// lte bar ya bris rtsibs la sngags/ mo 'khor pad+ma 'dab bzhi ste/ lte bar ma bris rtsibs sngags// g.yon bskor bris la gsad pa'o// sngo dmar dra bar bcug nas ni// ga 'u kha sbyar nang du gzhug/ nyin
3a4 mtshan phye ba'i drag sngags kyis// gsad pa'i las la 'bad par bya// tsakra mA ra ya myags rbad sod la// drag sngags gdags pa bla ma'i zhal// 'khor lo nag po'i gsad las 'dis// tshangs pa yin yang 'chi
3a5 bar 'gyur// nag mo spu gri'i rgyud las// lcam dral 'khor lo gsad pa'i le'u ste bzhi pa'o// de nas yang dag bshad bya ba/ lcam dral kha thabs byung ba'i tshe// a ral gtad dang dug chus brgyag/ sngags bzlog
3a6 rdzas bzlog shis bstan// rabs chad thod pa pho mo la// lcam dral gzugs bris drag sngags dgod// 'og tu bcug la ting 'dzin mnan// de yang bla ma'i zhal las shes// nag mo spu gri'i rgyud las// ma grub
3b1 cing nang kha 'thabs na ar la gtad pa'i le'u ste lnga pa'o//// de nyid srog dar ba dang// bsod nams shin tu che ba na// lcam dral bsgrubs la klu la gtad// klu brgyad dkyil 'khor byas nas ni/ nA ga'i
3b2 'khor lo bris nas ni// ma mo'i 'khor lo'i bar du gzhug/ de yi par du ling ka btsang// dkar gsum dngar gsum klu sman mchod// thun dang ting 'dzin bla ma'i zhal// nA ga'i drag sngags 'di dag ni// las
3b3 byed ming sring sham bur gdags// nA ga nag po ru tra dum// nA ga gan ta phud// dgra bo ma ra yA// gzugs mo byi dur phur pa'i gdab// khri ru bzlas na the tshom med// 'khor lo la cha'i ga'ur gzhug/ byang ltas
3b4 chu mig nag por gtad// gos brdab brang brdung mchi ma dbyung// phyi mig mi lta khyim du 'ong// dam can lcam dral 'khor bcas rbad// zla ba gsum na mdzes zin 'gyur// nag mo lcam dral bsgrubs pas
3b5 na// las gzhug klu la gtad pa'i le'u ste drug pa'o// de nas yang dag bshad bya ba// nag mo lcam dral bsgrubs nas ni// lcam dral ser ba dbab pa ni// rabs chad nag po'i thod pa ru// dug sna khrag sna
3b6 'tshogs tshad bsag/de ni mdun du gzhag nas ni// dre 'o'i thod pas kha bcad la// tshangs bugs bskyed la rgya gram dbyung// der ni skyer phur nag mor bskyed// ro ras skyi'u'i nang du ni// yungs kar ser chung
4a1 phul gang la// gnam lcags khro chu'i ngar dang ni// grir shi khrag gis ngar btags la// mchu btsugs drag sngags 'di yis bsgrub// lcam dral sngags la gdags pa ni// ma mo rigs mo phom ya
4a2 dus ting nag mo yul che ge mor phrom ya phob// ka la nag dgra bo'i yul du bdud ser phrom ya phob// badzra sa d+hU ra kar phrom nyil pho ba ya// zhes ni zhag bdun thun la bsgrub// de nas thod par zhag bdun
4a3 'phang// de nas drag sngags 'di yis dbab// ma ma rag mo dun dun phob phob// e ma rag sha b+h+yo// b+h+yo thun thun// yul che ge phob phob// ma hA kA la dgra bo'i lo thog rnar mo la phroM phob ya// badzra sa d+hu sa ma ya
4a4 rdo rje 'bar ba phroM shra ser hri b+h+yo b+h+yo phob ya// de nas dgra yul mthong ba'i sar// lcam dral bskul la zor du 'phang// gnam lcags ser ba drag po yis// ri klungs thams cad khebs par dbab// nag mo spu
4a5 gri'i rgyud las// ser pa dbab pa'i le'u ste bdun pa'o//// de nas yang dag bshad bya ba// lcam dral ltas ngan dbab pa ni/ bag zan dag la gzugs brnyan ni// lcam dral 'khor bcas legs byas
4a6 la// mgo la ltas ngan sgro btsugs la// dgra phyogs kha bstan gzhag par bya// de nas drag sngags 'di yis bskul// tri thun ma thun phrom thun b+h+yo// byas la yungs kar gyis brab bar bya// zhag bdun bsgrubs la
4b1 phyogs su bskyal// nag mo spu gri'i rgyud las// ltas ngan dbab pa'i le'u ste brgyad pa'o// de nas yang dag bshad bya ba// rnal 'byor dam tshig nyams pa 'am// khros pa'i chad pa byung ba 'am// sngags pa nang
4b2 'gras byung ba na// lcam dral mdos kyis bskang ba ni// bag zan dag la byas pa yi// nag mo mched du bzhi'i gzugs byas la// ma trang steng du legs par gzhag/ rgyan rnams kun gyis brgyan la gzhag/ ming
4b3 po gnyis kyi gzugs kyang bya// g.yas dang g.yon du gzhag par bya// brtan ma bcu gnyis gzugs kyang bsag/ phud dang rak+ta ba ling dang// tshogs dang mar me la sogs bsham// zhag gsum bsgrubs la
4b4 phyogs su bskyal// lcam dral drag sngags gdags pa ni// ma b+h+yo trag b+h+yo// yag b+h+yo// ru ting b+h+yo// ma hA kA la b+h+yo// dun b+h+yo// rag sha nag mo b+h+yo// sa d+hu b+h+yo nga tri// b+h+yo b+h+yo b+h+yo b+h+yo// ma ma ma ma// ru ting ha ra la
4b5 b+h+yo// bsgyur kha bla ma'i zhal las shes// bskang zhing mchod pa bzlo dang gsad// nag mo spu gri'i rgyud las// bskang mdos gtang pa'i le'u ste dgu pa'o//// de nas yang dag bshad bya ba// dam nyams dgra la
4b6 sel 'jugs na// khang sel zhing sel dur sel gsum// gcig bsgrubs pas ni kun dga' 'grub// khyim bya nag mo'i sgo nga 'am// yang na rnel gri'i thod pa ru// gang byed sa dang khrag sna dang// dug sna dang ni
5a1 'bru sna blug/mdun du gzhag la zhag gsum bsgrub// lcam dral sngags la 'di dag gdags// trag mo dum bu dum hri la yang rbad// nag po dur la rngam ya rbad// sa d+hU tri du mar pa// sig ti bur
5a2 la traM b+h+yo ya// khang pa rgya gram du khos cig rbad rbad khos// dur du bcug na skye brgyud 'chad// mkhar la brgyab na rgya gram 'gas// zhing la bcug na phung par 'gyur// lcam dral sbyor ba gsang bar bya// nag mo spu
5a3 gri'i rgyud las// dam nyams la sel gzhug pa'i le'u ste bcu pa'o//// de nas yang dag bshad bya ba// gsang ba'i bam zor bshad par bya// skyes pa dar ma'i ro dang ni// yang na bud med dar ma
5a4 yi// pags pa slud pur bshus nas ni// brgyangs nas g.yas su sha lang bskur// g.yon du thod pa khrag blugs bskur// kha ru dmigs pa'i ling ga gzhug/ zor sngags 'di dag bris nas ni// yan lag kun
5a5 la gdags par bya// khram byang dmar nag mang po gdags// dgra yi phyogs su kha bstan la// zor gyi gtor ma mang po bsham// lcam dral drag sngags gzhug la ni// bam zor drag po'i sngags 'di
5a6 gdags// trag rag sha ro kha bam mug b+h+yo b+h+yo// rag mo dgra la thum ya rbad// rgyud a ti nag mo dgra la b+h+yo// zag bdun bsgrubs pas rtags 'ong ste// 'gul dang brdeg dang 'phang ba yong// de ltar byung na
5b1 dgra la bskyal// zla ba gsum na phuphung bar 'gyur// nag mo spu gri'i rgyud las// bam zor drag po'i le'u bcu gcig pa'o// de nas yang dag bshad bya ba/ phyi bsgrub nang bsgrub las rnams kyang// gang ltar
5b2 bsgrubs kyang rtags 'byung ste// rab ni zla gcig 'bring zla gnyis/ tha ma zla ba gsum na 'grub// dam tshig nyams na kun mi 'grub/ de bas tshig bsrung ba gces// dam tshig bsgrub pa'i mkhar dang 'dra// dam
5b3 nyams shing sdong rul ba 'dra// bla ma'i zhal gyi gdams ngag ni// mnyes byas ting las gdam ngag 'byung// de ma mnyes na 'grub mi 'gyur// mi spel gsang las bsgrub pa yin// grub na yid bzhin nor bu
5b4 'dra// dgos 'dod thams cad 'byung ba yin// des na bla ma mnyes par bya// nag mo spu gri'i rgyud las// grub pa'i tshad bstan pa dam tshig bsrungs pa'i le'u ste bcu gnyis pa'o// de nas yang dag bshad bya
5b5 ba// nga yi rgyud 'di shin tu mthong ba dka' bas 'di dam sdoms shig/ nyams pa'i lag tu sho ra re'o// rgyud gtad pa'o// mche bzhi ging bcas pa'i rgyud spu gri nag po zhes bya ba mkhar 'gro ma'i gling nas bton
5b6 pa yin no// 'di su yang med pas// ma sbel cig/ rdzogs so//


CLOSE WINDOW