338a1 /// rgya gar skad du// e ka dza ti sa man ta ka nA ma tan tra// bod skad du// ral gcig ma 'dus pa nag mo'i rgyud ces bya ba// dpal ya man
338a2 ta ka la phyag 'tshal lo// de nas dpal ya man ta kas// phyag na rdo rje la bka' stsal ba// phyag na rdo rje nyon cig/ lha mo e ka dza ti ni lta ba dang ldan pas bsgrub par bya'o// lta dang mi ldan rtse log che// gdug pa
338a3 che bas dgra la rbad// gus pa blang du mi btung pas// lta bab mi dmigs pa gsum dang ldan gus pas blang du btub pa'o// 'khon nag rang sar bzhag na gus pas blang du btub pa'o// dgra la sbod tsam na che
338a4 ge mo sod cig/ ces brjod pa las// rtsad nas chod cig ma byas na gus pas blang du btub pa'o// de gsum dang ldan nas gus pas blang bar bya'o// de la mi dmigs pa gsum ni// bdag kyang mi dmigs
338a5 pas stong pa nyid du bsgoms te// oM badzra shu dz+nya ta hU~M// zhes brjod pas/ gus pa'i bza' nor yang mi dmigs te// oM badzra swA hA b+ha bi shud d+honya haM// zhes brjod pas// dgra dang 'khon yang mi dmigs pa stong pa
338a6 nyid de// oM badzra sarba shud d+ho hU~M// zhes brjod pas thams cad mi dmigs hU~M// zhes brjod pas thams cad mi dmigs so// de bzhin du ma mo yang mi dmigs pa chos nyid du bsgom mo// zhes gsungs
338b1 so// le'u dang po'o//// de nas 'khon nag rang sar bzhag pa ni// 'khon 'gras zhes bya ba yod ma myong// 'khon 'gras yod mi srid// thams cad chos nyid rol pa yin// gal te yod na yang dam nyams kho rang
338b2 la sdig/ bdag dang ma mo 'di nyid yang gdod nas yod ma myong snyam du bsams la rang sar bzhag go// de'i sngags ni/ oM i ho shud d+he shud d+he baM ho shud d+he shud+he raM ho shud d+he yaMho shud+he shud+he shud d+he shud d+he e baM raM
338b3 bi yaM phaM a a a swA hA// zhes bzlas nas kho rang la gos par bsams// bdag dang ma mo la ma gos par bsam mo// zhes gsungs so// le'u gnyis pa'o//// de nas dgra bos rgyal dang gus pas byas
338b4 pa'i yo byad thams cad spungs la// gong gi i ho'i sngags de lan bdun btab la bdud rtsi gtor la// cha gcig dkon mchog la dbul// cha gcig lha dang mkha' 'gro dam can chos skyongs tshogs la
338b5 dbul// cha gcig 'gro ba la bsngo// cha gcig 'gro cher byas la rnal 'byor pa sbyad na ci yang nyes pa dang skyon mi 'ong ngo// zhes dpal chen po ya man ta kas bka' stsal nas// phyag na rdo rje yi rang ngo// le'u
338b6 gsum pa'o// de nas yang dpal ma man ta kas// phyag na rdo rje la bka' stsal pa// spyir dregs pa bsgrub pa la pho dang mo gnyis yin te// thabs shes rab kyi tshul lo// pho rang bzhin chad la btsan// chags pa
339a1 chung mo'i rang bzhin chags pa che// za la dga'// 'khu ldog che ba yin// de bas na ma mo tsam bsgrub pa'i dus su// mi dmigs pas zin pa dang 'khor nag rang sar bzhag pa ni shin tu gnad che
339a2 ste// thams cad la kun tu rgyug cing gnad du 'gro ba'o// pho bsgrub kun la yang phan par 'gyur pa yin no// zhes gsungs so// le'u bzhi pa'o//// de nas yang bka' stsal pa// gus pas len pa'i dus
339a3 su/ gong ltar shes kyang// 'di ltar bya ba gnad yin te// dgra'i srog dbugs bsdu zhes bya ba// kho'i gos byung ba thams cad dgra'i pags par bsgom// kho'i zas byung ba thams cad dgra'i sha'i rang bzhin
339a4 du bsam// skom drangs pa thams cad dgra'i khrag tu bsam// bdag yi dam ltar bsam// thugs nyi ma'i steng du dza bsam// de las 'od 'phros pas dgra bo'i tshe srog bkug la gos dang// btung ba
339a5 dang// zas la bstim// de'i sngags la yi dam gang rung du gsal bas// ni dza A yu pa dza dza// zhib tu bzlas so// yi dam lha la phul bas dges// bdag gis gsol bas tshe dang ldan// mkha' 'gro chos
339a6 skyongs bsrungs ma la phul bas mnyes par bsam// des dgra la kha bstan du 'gro ba yin te thabs kyi man ngag go// zhes gsungs so// le'u lnga pa'o// de nas yang bka' stsal pa// bstan pas srung bar 'dod
339b1 pas// brnag pa'i dgra bo shi na gtang rag gtang pa la/ dgra de tshan che stobs drag rjes drung pa drag la mang po yod na lhas mthong pa'i gtang rag byas la// yi dam lha dang mkha' 'gro chos skyongs la rang rang gi
339b2 gang ltar dgos pa'i mchod pa bya// dar phag tu phyar// kha tshags dam par bya// dgra de stobs chung ba cang zhan pa rjes med pa yod na gtang rag mis mthong bar byas la mngon du dar 'phyar ba la sogs pa
339b3 bya// zhes gsungs so// le'u drug pa'o// de nas yang bka' stsal pa// rnal 'byor bstan pa srung bar byed pa'i dus su// gra de la 'brel pa gang na yod pa dang// rtsad gang nas yod pa bris te btags la rang gi
339b4 bag zon che bar byas te// snyigs ma'i dus su gal che'o// gsungs so// le'u bdun pa'o//// yang bka' stsal pa// spyir rnal 'byor pas lha mo re ma ti bsgrub par 'dod na// dam sri brdung ba dang bskrad pa
339b5 la gtsor byed dgos// de ni las kyis myur ba yin no// yang dpal mgon dang 'brel na bkra shis so// zhes gsungs so// le'u brgyad pa'o//// de nas bka' stsal pa// phyir dam can dang chos skyong bsgrub
339b6 pa la// pho dang ma sbrel bar mo rkyang du bsgrub na// de nang zan byed pa'i khyi mo dang 'dra'o// mo dang ma sbrel bar pho rkyang du bsgrub na// rje bos ma 'chun pa'i 'khor po dang 'dra'o// de bas na thabs shes rab zur
340a1 du 'brel bas bsgrub par bya'o// zhes gsungs so// le'u dgu pa'o//// de nas dpal ya man ta kas// gsang bdag la bka' stsal pa nyon cig/ rgyud 'di ni 'dus pa nag mo gsang ba'i rgyud
340a2 ces bya ba// shin tu gsang ba'i rnal 'byor pa// bde ba dang ldan par bya ba'i thabs khyad par can yin te// kun la mi bstan par sems la bcang zhing gzung bar bya// yod ces grags pas mi ngom// blo la
340a3 blangs la ri 'am// rdza 'am// brag la sba'o// zhes dpal ya man ta kas gsungs pa dang// gsang ba'i bdag po yi rang nas// mngon par bstod par gyur to// le'u bcu pa'o//// ral gcig ma nag mo
340a4 'dus pa nag mo'i rgyud ces bya ba rdzogs so//// rgyud 'di slob dpon ru bu g+hu ya de ba tsan tras rdo rje gdan gyi byang ngos nas brag phug sgong nga rang 'khrungs kyi nang nas bton te// bod kyi ban de rdo rje yang dbang
340a5 gter la gtad pa'o// bdag 'dra sangs rgyas ye shes kyis// rgya gar mkhas pa'i zhal brgyud nas// gsang ba'i rgyud 'di zhus nas bsgyur// spel bar mi bya snying dang 'dra// las 'phro can la btsas su
340a6 sbas// dam can kun la phan thogs shog// shamah+yaH rgya rgya rgya// I ti////


CLOSE WINDOW