180a2 rgya rgya rgya//// ! bod skad du// tsha ba yang gter gyi rgyud// dpal zangs tog rgyal po la phyag 'tshal lo/ sngon srid pa'i rgyal po ming tsam yang mi srid pa'i sngon rol du// cho 'phrul chen po 'byung ba'i
180a3 gzhi// nyi ma lho nub kyi mtshams na// dug mtsho mer ba'i nang na// bse dong khra bo ri rab dang mnyam pa gcig skyes so// de'i kha lcags 'khar 'od 'phro ba rang chas su grub pa gcig byung ngo// lcags mkhar 'od
180a4 'phro ba'i nang nas// dpal zangs tog rgyal bse'i ral pa can zhes bya ba// dbu rgya mdud 'khor lo lngas brgyan pa// dbus sum cu rtsa gsum gyi gnas sleb pa// nyi zla rked pa nas 'char ba// rna ba g.yas pa
180a5 nas gser gyi lcags kyu dang rna ba g.yon pa nas g.yu'i zhags pas brgyan pa// mig gnyis nas me'i tsha tsha bdun// 'bum 'dun 'phro ba/ kha nas gnas lcags kyi mche ba dgu brgyas gtams pa// sna nas sngo
180a6 dmar gyi 'ja' 'byung ba// phyag g.yas pa na gser gyi ral gri/ g.yon pa na bse'i mdung dmar// de la sogs te gdug pa'i mtshon cha sna tshogs phur bus 'phen pa/ snyan g.yas g.yon nas pho spre'u dang mo spre'u
180b1 'thabs pa/ sta zur g.yas nas pho seng sdong mo seng sdong 'thabs pa// de lta bu ni yab bo// yum gnod spyin bse gdong zangs mgrin mo mdog sngon dmar mgo mig gi gang pa sbrul nag gi ral pa can// lte ba
180b2 yan chad nu mas brgyan pa// kha rlangs sngon dmar du 'khrig cing// lag pa g.yas pa na mtshon gyi gru gu sngo dmar yod pa// g.yon nad kyi rkyal pa kha sbrul gyis bcigs pa thogs pa// 'khor chu srin dang nus sbal
180b3 kha 'thab stong gis bskor ba gcig gong rol nas chags nas yod do// de nas a ti yang ti rag sha ho// zhes sgra rang rgyud du grags pa las// dpal gnod spyin zangs tog gi rgyal po yum chags pa'i yid
180b4 g.yos pas/ thabs kyi sbyor ba byas pa las/ byang chub sems las bse'i grod pa sngon dmar du 'dug pa gcig skyes te// sad te phra yin phri skur skur zhes sgra rang rgyud du grags pa las// nam mkha' la
180b5 bse'i sprin sbyin chags// 'od zer gyi grod pa la phog pas// grod pa kha med rdol ba'i nang nas tshan 'gyur chen po bdun byung// des ri ni chag/ mtsho ni khol// mtsho de'i nang nas tsha 'gyur ba bse mo gshog pa
180b6 can bzhi// srog gshed ma bzhi// 'dre skye ma bzhi// srog zan ma'i lha mo bzhi// srog len ma bzhi// bse mo phung byed ma bzhi/ sring mo bya thul can 'byung po sna yon dang bcas pa byung nas// 'jig rten phung
181a1 bar byed pa las/ de nas dpal ro langs chen pos ltas shing gzigs pa las// gong du bstan pa de rnams nam mkha' nas sems can la gnod pa byed pa'i rdzu 'phrul ston de// bse 'brug ldir
181a2 ba ni sgrogs// bse glog khra bo ni 'gyu// thog char bzhin du 'bab// ser ba lug tsam babs pas// sems can thams cad phung par byas nas// bar du dug mtsho khol ma'i nang du bros nas 'gro ba de la thugs
181a3 rje chen po bskyed de// bdag nyid dpal chen po'i sku phyag rgya chen por bsgoms nas/ yungs kar 'bruM bu bdun gnam du gtor te// ma tshogs mkha' 'gro dbang phyug thams cad ra mda' bzlog nas/ thad kar
181a4 dug mtsho med ba de me dpung 'bar ba cig tu bsgoms pas/ dug mtsho khol bas// gdug byed ma rnams ma tshugs khar byung bas/ rdo rje lcags kyu'i phyag rgyas mdun du bkug ste// rdo rje khyung gshog gi phyag rgyas
181a5 zil gyis mnan/ bka' 'og tu bsdus te/ 'dar phri li li 'khor pa sal// der bde ba chen pos khyed rnams su zhig yin zhes dris pas// bdag cag ni bse mo gdug byad sum brgya drug cu'i gtso mo las grub
181a6 pa'i dregs pa can lags te// shin tu 'dul dka' ba lags na// ci bka' stsal zhes zer bas/ der shin tu yang dbang du 'dus nas/ lag tu rdo rje byin/ lce la bdud rtsi bzhag/ chos skyong ba'i srung mar dam
181b1 bcas nas/ der phung byed ma rnams kyis kyang// rang rang gi srog snying gi yang snying phul nas/ bstan pa bsrung par dam bca'/ smod por ro/ tsha ba yang gter gyi rgyud las lo rgyus dang gleng gzhi'i le'u ste dang
181b2 po'o// de la dang po gzhung dang mthun pa'i gnas brag dang chu 'thab pa 'am/ de'u mgul chad dam// brag dmar bzang po kha lho ru bltas pa btsal// bsnyen pa dang sa'i No ga gzhung bzhin byas nas/ gnas
181b3 bcas te/ stegs bu brtsigs chag chag rnams pa gsum gdab// de nas thig gdab pa dang// dbyi dkor bya/ tshon nu dur khrod gnas nas blang// gzhung bzhin du ni byin gyis brlabs// de la dbus su gru
181b4 gsum pa// mtha' ma zla gam gyis bskor la// de la phyi rol tu 'khor lo rtsibs brgyad// mu khyud zlum po gru chad glo 'bur dang bcas pa// sgo bzhi dang ldan par bris la// gru gsum la dpal gnod spyin zangs
181b5 tog gi rgyal po yab yum dgod// zla gam la tsha 'gyur ma bzhi dgod// 'khor lo'i phyogs bzhi la srog gi gshed ma bzhi dgod// mtshams bzhir bal mo 'dre khyer ma bzhi dgod// glo 'bur zla gam bzhi la
181b6 srog zan ma'i lha mo bzhi dgod// mtshams bzhir srog len ma'i bdud mo bzhi dgod// sgo bzhir bse mo phung byed ma bzhi dgod/ srin mo thul can bya phur cig// 'byung po sna yon la ske tshe lcags che dug bsres
182a1 la brab// gtso bo yab yum la ban ng+ha dug dang khrag gis bkang ba'i nang du/ mda' 'ug pa ma sgro gsum pa khru gang ba gcig la yab kyi snying po bri// de'i rtsar rtsang gcig la yul gyi snying po bris la
182a2 dgod// gzhan kun gyi rtsang la ming bris la dgod// dar mthing nag gi gur phub// 'o ma dang khrag bsres pa'i ban ng+ha bzhi phyogs bzhir dgram// sha khrag gi gtor ma bdud rtsi dang bcas pa dgod/ lho nub
182a3 mtshams su 'brub khung gru gsum bca'/ nang sol bas bkang pa'i thog tu dgra po'i ling ga bcas pa'i phyi rol ltas ngan gyi bya sna tshogs pa'i mgo bos bskor ro// bud med kyi zhabs mas bkab la bzhag/ de
182a4 nas lha dang dbye ba'i las gzhan dang mthun par bya// tshes bcu dgu la dbu gzugs// nyi shu dgu la gdon// gtor ma yang nyi ma dmar thag chad pa la phyogs su gtang// bdag nyid dpal chen po'i skur
182a5 bsgoms la/ snying po nus tshad du bzla/ yungs kar dang lcags phye bsres pas ming kha brab// tha ma thon pa'i nub mo nam phyed nas dbus kyi mda' na mar rtsang kun ling ga la gdab po// tsha ba yang gter gyi rgyud
182a6 las/ las kyi rim pa bstan pa'i le'u ste gnyis pa'o//// de nas ro langs bde ba chen po yis/ dpal zangs tog gi rgyal po la sogs pa gdug pa can kun dbang du bsdus nas bka' dang dam la btag
182b1 te// bstan pa bsrung par gnyer phog// rang dam srog gi snying po phul pa 'di skad do// a ti yang ri rag sha ho/ de ma rag sha ma du b+h+yo// su tri ba ya raM/ ba ra tsi ta raM/ yi ge sho ri ra ma// ya ma ti tsa raM/ tsa ta kha
182b2 la mang/ ka ra ya ti ya maM// ma ru tsi ta ma// ma ru kha la maM/ ru sha tsi ta kha ta na ra ti kha// u ra pi ti kha na bi ru ti kha// shu la da ra dzi/ kang kaM da ra dzi/ tsa mun da ri dza/ pu ka da ri dza/ ge ra ma yu yaM/ mu ber tsa d
182b3 u yaM/ sad de pra ba yaM/ ar ta pra ba yaM/ pra hud dza had b+h+yo/ ma tu da ra b+h+yo/ ha la du nga b+h+yo/ ha ha ra ra du nga b+h+yo/ ma yaM gro nga dza ya sme ti phaT/ kha rug pa tsaM ma ti phaT/ gsad pa'i yang snying spyir bsdus te brab pa ni/
182b4 gri tsa ra ya du ya du ya/ sni ra sni ra/ kha rag du sha rag rbad/ kha dun b+h+yo kha la ma/ ha mI ra ya phaT/ che ge mo'i srog rtsa la gting cing sbring/ myur bar gsad pa'i sngags/ mi ri kun da ra/ khrag sma ra ya phaT/ dza snying
182b5 kha rag rag mo phur pa tshal b+h+yo/ kha tham ma ma hur b+h+yo/ mda' thug khol ma 'ur b+h+yo/ dbyi dug zhun ma 'ur b+h+yo/ lcags kyi ma mar 'ur b+h+yo/ srin mo bya thul hur b+h+yo/ 'byung po sna yon du b+h+yo/ srog chod dbugs
182b6 long thun la ya/ tsha ba yang gter gyi rgyud las snying po sngags kyi le'u ste gsum pa'o// de ni thugs dam bskul zhing 'phrin las bcol ba/ rta gas sung gtang zhing chang sna tshogs sbreng/ khrag sna tshogs pa
183a1 brlab cing/ brnag pa'i las bcol te/ phyogs phyogs de ni pha gi na/ nyi ma lho nub phyogs mtshams shed na// zhe sdang dug mtsho mer pa'i// bse gdong khra bo'i kha la ni// lcags mkhar gsong po'i
183a2 nang shed na// gnod spyin zangs tog rgyal po bzhugs// sku mdog dmar nag 'jigs pa'i sku// dbu la mdung rgya 'khor los brgyan// spyan la me yi phung po 'phro// rngam pa'i zhal ni bgrad pa las// mche ba
183a3 gnam lcags dgu brgyas gtams// gser gyi ral gri glog ltar 'khrug// 'od zer tsha tsha skar ltar 'khrug// bse yi mdung dmar chems chems// ba dan dmar po phyogs bcur 'phro// 'od zer mtshon cha char du
183a4 'bebs// 'jigs su rung ba'i cha byad can// sngon yang zhe sdang las las 'khrungs// da ltar drag po'i 'phrin las mdzod// khyed kyi 'phrin las rgyud bskul na// sngon gyi thugs dam bsnyel lam ci// thugs dam
183a5 gnyan po'i dus la bab// dmigs pa'i dam nyams che go mo// srog gi bar chad dus la bab// srog la hur 'dus dus la bab// bcol ba'i las la don ma chung// de yi yum chen gtum mo ni// bse gdong
183a6 zangs mgrin rdzu 'phrul can// sngon dmar lus la mig brgya pa// g.yas na sngon dmar zhags pa 'phen/ g.yon na nad kyi rkyal pa rdegs// dal dang rims kyi mnga' bdag mo// kha rlangs sdong dmar du bar
183b1 'khril// sprul pa'i 'od zer bsam mi khyab/ 'jigs pa'i rkan sgra phyogs bcur sgrogs// gnod sbyin rgyal mo'i dus la bab// dmigs pa'i dgra bo'i tshe srog la// nad kyi rkyal pa brdab re ran// mtshon gyi gru
183b2 gu brkyang re re na// dus la bab po sa ma ya// bcol ba'i las la don ma chung// da ni tsha 'gyur ma bzhi bskul te// me dpung 'bar ba'i dkyil 'khor nas// bse yi mi mo khrag mig ma// dril bu snyan tshogs si
183b3 li li// chibs su bse yi 'brug la chibs// dung mo bdung shing phur 'dril ma// snang srid sreg pa'i mthu mo che// dam nyams dgra bo 'dul ba'i phyir// 'brug mo chibs te da tshur spyin// mdung phur dgra bo'i
183b4 snying la ya// mi shel dkar po'i gzhal yas nas// bse yi mi mo gdong rings ma// ral pa dmar nag sprin ltar gtibs// chibs su bse yi 'brug la chibs// rna cha gser gyi dril bus brgyan// lag na ral
183b5 gri phur 'debs ma// dam nyams dgra bo bsgral pa'i phyir// bse 'brug bcings te da tshur spyin// ral gri phur 'debs tsha la ya// tsha 'gyur nyi ma'i gzhal yas nas// bse yi ma mo dkar mig ma// bse yi
183b6 ral pa dug 'phrul ma// snyan nas g.yu yi dril bu 'khrul// dur mo chu gro phur 'debs ma/ g.yu 'brug bcibs te da tshur spyon// chu gri phur 'debs dgra la ya// tsha 'gyur nyi ma'i gzhal yas nas// lcags kyi
184a1 mi mo gdong ring ma// nyi ma'i mig la zangs sder can// lag nag nam lcags phur 'dril ma// snyan cha dung gi chun 'khor can// lcags 'brug bcibs te da tshur spyon// gnam lcags phur 'dril
184a2 dgra la ya/ tsha 'gyur me yi dus la bab// khrag 'thor chen mo'i dus la bab// mtshon gyis bskal pa gtang pa'i dus// bcol pa'i las la don ma chung/ zhes brnag pa'i las bcol lo/ da ni srog gi gshed
184a3 ma bzhi bskul te// ri rab chen po'i rtse// nas spog gi bshed// bskyod re re na// shar phyogs srin po'i yul rtse nas// srin po'i tshogs kyi rgyal po ni// bse mkhar dmar po'i nang nas bskyod// bse'i gyi nga chen
184a4 phur bu'i lha// bse yi ral pa gyen du brdzes// bse yi tshem khrag si li li// bse khrab 'bar ba'i go mi gnas// bse yi the thung sha ra ra// khong nas bse yi gzhu bdungs shing// bse mda' dmar po dgra la
184a5 'phen// bse yi dmar shor snying la brdeg// bse yi gyi ling chibs te byon// nyams pa'i srog las ma ya// gshin rje dregs pa'i yul rtse nas// lha 'dre'i rgyal po stag thabs ni// ral ba dmar smug gyen du
184a6 brdzes// lcags kyi cham khrab si li li// bse khrab 'bar ba'i go mi gnas// lcags kyi me thung sha ra ra// khong nas lcags kyi gzhug cig bdungs// kha nas lcags mda' sngon po 'phen// lcags kyi mda' zer
184b1 snying la thig/ khyung chen chibs te da tshur spyon// dgra bo'i snying la sa ma ya// ya bdun dregs pa'i yul rtse nas// bse mkhar rtse dgu'i khyad chen ni// bse yi sog po smin ring la// ral pa dmar por gyen du
184b2 brdzes// bse khrag dmar po si li li// tshe ma khrab 'bar ba'i go m-ig nas// khrag gi mde thung shar ra// khrag mda' mang po srog la thim// khong nas mda' yis gzhu gcig bdud// kha nas khrag gi zor gcig
184b3 'phen// se'i bya la chibs te spyon// dgra bo nyams pa'i srog la ya// gnod spyin dregs pa'i yul rtse nas// bse yi sog po gdong ring la// ral pa dmar po ha ra mig// zangs kyi so 'dar khrigs se
184b4 khrigs// gser gyi tshems khrab sil li li// tshem khrag 'bar ba'i go mig nas// dug gi mde thung sha ra ra// khong nas sbrul gyi gzhu gcig gdungs// kha nas dug gi mda' gcig 'phen// bse g.yag chibs
184b5 te da tshur sbyon// dgra bo nyams pa'i snying la dug mda' ya// zor gyi rgyal po bskyod tsa na// ri rab bsgyel ba'i dus la bab// rgya mtsho bskams pa'i dus la bab// bse yi spyan mo dur zhing gzugs// bse yi
184b6 byan lag lding zhing 'jums// bse yi sog po lag ring brgyad// chag gang tsam gyi gnam ma sleb// khru gang tsam gyi sa ma sleb// nyi zer zla zer 'od la rgyu// lag na srog gi zhags pa thogs// bse spre zang spre ta
185a1 ra ra// a ko du ni srog la ya/ zhes brnag pa'i las bcol lo// da ni ba yul phung pa'i 'dre skye ma bzhi bskul ba 'di skad do// drag gtum gdong gi 'dre skye ma// bse yi mon mo sbal mgo
185a2 can// dred thul nag mo gnya' ze skor// kha nas 'brum bu'i khrag 'thor ma// zhe sdang nag po'i mtha' sder ni// su dang 'phrad pa'i srog len ma// dgra bo'i bla la gnod ma chung// brag dpal dun gyi 'dre skye
185a3 ma// mon mo lus la 'ug pa'i mgo/ zhing lpags rlon pa'i thod thul can// spyugs glu len pa'i bla rku ma// ral gri gter ma'i dpal rtse ni// dam nyams dgra bo'i srog gcod mo// khyed kyi 'phrin las dus la
185a4 bab// dgra bo'i lnga phung gzhom du gsol// da ni srog zan ma'i lha mo bzhi bskul te// de yang dam rdzas dug dang/ sbrang rtsi dang// khyi'i snying khrag dang/ ri bong ril ma slang nga la brngos pa dang// thal chen yungs
185a5 kar rnams zhib mor btags te bsres la// bdag nyid dbang chen rgyal par bsgom// phur bu yang bse yi mdung dmar du bsgoms la thugs dam bskul// bse mo bzhi yi sngags 'bum tshar gcig bzlas la
185a6 gang la bya ba'i lus la phog na gdon mi zo'o// yang na khang pa la brdeg go// bskul ba ni// phyogs phyogs de ni pha gi na// bse rlung 'khrugs pa'i yul khams na// gza' brgyad shar ba zangs kyi gza'// bse
185b1 yi sgung mkhar gru bzhi la// zangs dang byu ru'i ka gdung 'khrol// bse sgo khra bo thabs se thabs// bse yi rngam khri 'bar ba ru// srin po pho mo'i gdan stengs su// cig dang 'dra'i mched de bzhugs// gcig ni
185b2 bse yi rna cha can// bse yi thul ba sku la gsol// gcig ni byu ru mdangs ral can// khrag gi ral chung sku la gsol// gcig ni rma bya'i thul pa can// zangs kyi rna cha khral la// bse ba gcig ni bse yi rnge'u
185b3 chung can/ dungagi ral pa sha ra ra/ mi lpags thul chung gnya' za gyon// kun kyang zhal gsum phyag drug ma/ bse yi phur pa brgya brgya 'phrol/ ral pa'i nas me 'bar ma// ral ba'i rtse la skar 'brul ma// khrag
185b4 mig lci ring so 'dar khrig/ bse yi rna cha khra la la// bse yi rnge chung 'di ri ri// bse yi phur bu si li li// zangs kyi mdung tshaugs chems// dar nag mdung tshogs pu ru ru// a bi tsi ra mthu po che// mthu che ches
185b5 nas so sor bzhag/ gcig ni ba yul gting na bzhugs// gcig ni tsha ba'i rong na bzhugs// gcig ni mang yul bse na bzhugs// gcig ni snye nam 'gram na bzhugs// de la gsang pa'i mtshan btags
185b6 pa// gcig ni ya byin chen mos bya// gcig ni de byin chen mos bya// gcig ni ci byin chen mos bya// gcig ni bag byin chen mos bya// ya byin 'khrul mo che// kun la dbang mdzad ma// thugs kyi sprul pa
186a1 yis// dgra bgegs rdul du rlog/ ma thogs myur du spyon// shu lan da ra da tshur spyon// bse byin ni rdzu 'phrul can// 'phur byed ni rlung bas mgyogs// lta rnams ni dbang du sdud// bdud kyi ni
186a2 gong zhags 'phen// ma thogs ni myur du spyon// kang kang ri dus la bab// rtsi byin ni dbang mo che// sku mdog ni 'ja' tshon 'dra// nyi zla ni chibs su chibs// phyag na ni lcags kyur bsnams// yag sha ni snying
186a3 'dren ma// ma thogs ni da tshur spyon// tsa mun da ra'i dus la bab// phag byin ni mthu mo che// sku mdog ni dmar nag la// zhal gsum ni rngams la 'jigs// sbyan gsum ni sdang mi 'gyur// ljags 'dril ni
186a4 tshems bar nas// khro bo'i sku gzugs ston// byu ru'i phur bus brgyan// dgra bgegs kyi gnyen po che// ma thogs ni myur du spyon// dkar nag gi mtshams su ya// bu ka da ra'i dus la bab// ces brnag pa'i
186a5 las bcol lo// da ni srog len ma'i bdud mo bskul te/ bdud yul te la pa'i mun nag nas// nag po phe len bu mo yin/ lcags kyi mi mo spyi rings ma// mig gi zer la nyi zla rgyu// mthing nag ral pa sha ra
186a6 ra// gser gyi so 'dar khrigs se khrigs// gser gyi rna cha wangs se wangs// thig nag ber chen spu ru ru// dbang gi bse khrab si li li// phyag na bse yi phur bu 'dril// g.yon na gser gyi sor
186b1 ba thogs// bdud rta zhags pa nag po rgyan// bdud bya nag po ling zhing 'dzum// 'chi bdag bdud mo stong gis bskor// srog zanam chen mo'i dus la bab// dam nyams 'di yi sog la ya// gza' yul rdul
186b2 brag steng shed na// gza' chen yag pa'i bu mo ni// bse yi mon mo spyi rings ma// mig nas bse yi nyi zla 'char// bse yi so 'dar khrigs se khrigs// smug nag ral pa sha ra ra// bse yi rna cha wangs se
186b3 wangs// smug nag ber chen spu ru ru// dbang gi bse khrab si li li// g.yas na bse yi lcags kyu thogs// g.yo+in na dra ba dgu bsgril du/ sems can kun gyi srog sdud ma// gzang rta zhur po zhags pas
186b4 brgyan// gza' bdud nag po stong gi bskor// ke'u kang kar ma srog la tshums// srog len ma'i dus la bab// dgra bo 'di yi srog long zhig/ btsam yul zla 'on rlung stegs nas// skyes bu long btsan bu mo
186b5 ni// zangs ma'i mon mo spyi ring ma// mig nas zangs kyi nyid zla rgyu// zangs kyi so 'dar khrigs se khrigs// zangs kyi rna cha khra la la// dmar nag ral pa shar ra// le brgan per chen sbu ru ru// dbang gi bse
186b6 khrab si li li// g.yas na zangs kyi lcags kyu 'phro// g.yon na zangs kyi mdung dmar 'debs// btsan rta dmar po zhags pas brgyan// 'chi bdag chen po stong gis bskor// dge bsnyen dkar dmar srog la
187a1 rgyug/ srog len ma'i dus la bab// dgra po 'di yi srog long zhig/ pho brang chu bo klu yul nas// chu srin rgyal po'i bu mo ni// g.yu yi mon mo spyi ring ma/ mi gnas g.yu yi nyi zla rgyu// g.yu yi so
187a2 'dar khrigs se khrigs/ mthing gi ral pa shar ra ra// g.yu yi rna cha wangs se wangs// chu dar ber chen spu ru ru// dbang gi g.yu khrab lam se lam// g.yas pa brgya ni lcags kyu 'debs// g.yon pa brgya ni
187a3 zhags pa sdog// g.yu rta sngon mo sbrul gyis brgyan// klu bdud dmar po stong gi bskor// chu srin bu mo srog la rgyug// srog len chen mo'i dus la bab// nyams pa 'di yi srog long zhig/ ces brnag pa'i las
187a4 bcol lo// tsha ba yang gter gyi rgyud las// brnag pa'i las bcol ba'i le'u ste bzhi pa'o//// de ni bse mo phung byed ma bzhi bskur te/ dmar nag 'ber ba'i dkyil 'khor nas/ rmu bdud mog se bu mo
187a5 ni// zangs kyi mi mong mdung rtse rkang// phur bu'i skra la zangs kyi so/ zangs kyi tsher khrag si li li// zangs kyi rna cha wangs se wangs// zangs kyi rnge chung ldi ri ri// zangs kyi mdung dmar chems se chems// zangs
187a6 kyi dri zhon sha ra ra// rmu bdud 'khor tshogs dus la bab// nyams pa'i dgra bo'i snyig la ya// mun nag 'bar ba'i dkyil 'khor nas// khu le nag rgya bu mo ni// bse yi mon mo mdung rtse rkang// bse yi rna
187b1 cha wangs se wangs// bse yi tshem khrag si li li// bse mdung ru mtshon spu ru ru// bse yi rnge chung ldi ri ri// bse yi dre rgod sha ra ra// lag dgu 'khor tshogs dus la bab// dam nyams 'di yi snying la
187b2 ya// ljang nag 'bar ba'i dkyil 'khor nas// gnod sbyin gong sngon bu mo ni// lcags kyi mon mo mdung rtse rkang// phur bu skra la lcags kyi so// lcags kyi rna cha wangs se wangs// khro chu'i tshems khrab si li
187b3 li// lcags mdung ru mtshon spu ru ru// lcags rnga brdung zhing dar nag g.yog// lcags kyi de'u rta shar ra// gnod spyin 'khor tshogs dus la bab// dam nyams 'di yi srog la sa ma ya// zhes brnag pa'i las
187b4 bcol lo// da ni srin mo bya thul can bskul ba 'di skad do/ srin mo bya thul dkar mo'i tshogs// srin mo bya thul dmar mo'i tshogs// srin mo bya thul ser mo'i tshogs// gzer thabs ma dang smyo byed ma// khams
187b5 gsum kun tu dbugs len ma// 'byung po re yi dbyug to ma// shar lho mtshams kyi dkar mo bdun// stod ni zhal gsum rngam la 'jigs// smad ni zur gsum spu gri'i so// mi lpags dgu yi gos gyon ma// mi
187b6 snying dgu la rtse zhing rol// dgra 'dul chen mo'i dus la bab// rgya gar yul gyi 'gron gcig ma// bal po yul gyi kha bkrags ma// srin mor rdzus kyi mgo 'phyangs ma// mon mor rdzus kyi rag sha mo// spum por
188a1 khams kyi mnga' bdag mo// ngang tshang can gyi phug stag mo// skra mtshams bar du mig sdug ma// zangs kyi dkar chen 'khrigs pa 'dra// ma bran mang po thun la non// sku la shing gos gro
188a2 bo gsol// g.yas nas gser gyi tho lum 'phen// g.yon na zangs gri phur chung bsnams// gser gyi stag mo yid 'gro chibs// stag mo chibs la myur du byon// khyed kyi thugs dam dus la bab// nyams pa'i bla
188a3 srog dbang du sdus// dus la bab po sa ma ya// de yi ming po srog zan ni// 'byung po chen po sna yon yon// ral pa kha ma nag ha ra mig// mche ba zangs kyi chu gris gtams// lag na zangs kyi dra
188a4 ba thogs// zas su glo snying nang khrol za// skom du mi khrag drin mo 'thung// lam chen rgya gram dag na sdod// su dang 'phrad pa'i snying du 'jug/ phung las sna tshogs byed du 'dud// rngam pas sa bdag klu la sngo// bya
188a5 ru mi rung sna tshogs byed// log 'dren zhes kyang de la bya// khyod kyi thugs dam dus la bab// nyams pa'i srog la sa ma ya// zhes bcol na mi 'grub mi srid// tsha ba yang gter gyi rgyud las// bskul ba'i le'i
188a6 ste lnga pa'o//// da ni man ngag sgrub thun gyi don bstan bzhi// de yang tshan 'gyur ma bzhi'i thun la gro ga 'am shog shog la// dgra bo'i ling ga bcas la// me cha tsang pa gcig dang re ba'i thum bu gcig tu
188b1 bcug/ sngon dam gyis gril// gong du sngags khri khri bzlas nas// tshes nyi shu dgu'i nub mo hoM khung gru gsum du// bra ba hoM khung bcas khru gang ba gcig bcas la thugs dam bskul// dmigs pas bkug nas me
188b2 spar te ling ga bsregs na gang la bya ba gdon mi za pa'i thun no// srog gi gshed bzhi'i thun ni// mda' 'ug pa ma bzhi sgro yis// sgro pa'i bar re rer// gshed bzhi'i sngags tshang ba re re khrag gsi bri/ rtsa
188b3 gzugs la dgra po'i ling ga bcas// khog par dgra'i ming rus gzhug// rjes dang gos la skra shad kyis brgyan la// gru gsum gcig tu dug shing gi hoM khru gang pa gcig btsugs/ dang la nyams pa rgyab dang
188b4 dbral/ de nas pho nyas dgug// ling ga la bstim/ sngags nub re la stong rtsa brgyad tshar re bzlas te thugs dam bskul zhing snying khar brdeg/ de bzhin du bzhi char thon pa dang/ rtsa gzugs la hom sbar te
188b5 bsregs na mi 'grub mi srid do// tsha ba yang gter gyi rgyud las// drag po hoM gyi le'u ste drug pa'o//// bal mo 'dre skye ma bzhi'i thun ni/ lcags kyi phur pa sor bzhi la/ rang rang so so'i snying po 'bum
188b6 'bum ma nor bar bsngags nas// las la spyor ka bud med kyi sog pa bzhi la dgra bo'i ling ga bcas// e gru gsum bzhir re re bcug ste thugs dam bskul pho nyas bkug nas/ re mos bskul tshig dang
189a1 bcas pas snying khar re re gdab/ de nas ling kha zhib mor gtubs nas/ sa 'jim thal ba dang sbyar nas// gong gsum gyi rlung la phyar te btang na mi 'grub mi srid do// mtha' phung ste 'gro nges
189a2 so// srog zan ma'i lha mo bzhi'i thun gong du bstan par bas so// srog len ma bdud mo bzhi'i thun las// skyung ka'i snying dang// srin bya'i snying dang// 'ug pa'i snying dang/ sreg pa'i snying rnams grib ma la
189a3 bskams la// phye mar btags la/ khrag sna tshogs par sbyar nas// skyes bu dar ma'i thod pa sril po gcig tu ming byang dang bcas te bcug nas/ der dmar nags gri li sngon dmar gyi gtags te// tshes bcu
189a4 gsum pa btsugs nas bco lnga'i nam phyed tsam na// dgra bo'i khang pa nye na brdeg/ ring na yul phyogs su 'phang// sngags pas dar nag po thod du bcings la/ thod pa thogs la/ sngags g.yog gis thod pa
189a5 mda' nas bzung ste/ chau drang bskul tshig dang bcas te 'phangs nas thogs kyang zla ba gsum na rtags 'ong// tsha ba yang gter gyi rgyud las// rtags bstan pa'i le'u ste bdun pa'o// bse mo phung byed
189a6 bzhi'i thun la khrag sna tshogs pa dang dug sna tshogs pa zangs por sbyar nas ske tshe yungs nag gis brab cing snying po thon tshad du ston nas// zla ba nya kha mar la dri gsum gyi rtse mor song la/ sngags pa rang skra spyi bor
189b1 brdzes la gdong pa khrag gis byug/ chas gos dmar nag gis brgyan/ dbang gi ting nge 'dzin du zhugs la/ sngags g.yog gnyis ka la dar mdung re re bskul nas dgra'i phyogs su kha bltas te mdun du tshang bu
189b2 bzhag// thod pa'i gyo tshal lag tu thogs te brag gtor zhing thugs dam bskul/ snying po bzlas pa rnag pa bcol/ mdung tshoms dang sgeg 'gros bya// b+h+yo b+h+yo zhes pas gdab/ ma nyes ma yo ba'i dpang
189b3 gzugs// lo dus zla dus zhag dus gtab na mngon rtags myur du 'ong ba'i thun zor ro// tsha ba yang gtor gyi rgyud las/ zor gyi bca' bzhi'i le'u ste brgyad pa'o//// srin mo bya thul can log 'dren dang
189b4 bcas pa'i thun ni// tshes bcu drug nyi shur sgrub pa bstan khyad par gyi mchod pa phul nas rtol pho ril po cig gi thod pa la/ dgra bo'i ming rus khrag sna gsum gyis bri/ bud med kyi zhabs mas gtums dril la/
189b5 khar nag gis btags nas sngags bzla zhing/ shing sri sha'i lcag gis brab/ ra thug lug thug gi sgroms nas dbyung/ gu gul dang khyi lud kyi dud pas bdugs te/ tshe nyi shu dgu'i nub mo nam phyed tsam na lam rgya
189b6 gram du 'gal pa sna dgu dang/ bcas pa mnon pa'i las/ drag po byas na mi 'grub mi srid do// tsha ba yang gter gyi rgyud las/ man ngag thun sgrub kyi le'u ste dgu pa'o//// da ni sbrul ba mda' zor 'phang
190a1 ba'i man ngag bstan te/ lho smyug tshigs gsum pa gcig la/ bya rgod dang/ khra dang/ 'ug pa dang pha rog bzhis bsgron la/ sgro'i bar du badzra su ma re ti kaM phaT/ b+h+yo b+h+yo bya ba bzhi khrag gis bri/
190a2 mda' rangs pa khrag gis byug/ dug shing tsher ma can las byas pa'i mde'u zur gsum pa gcig gzhug/ sgro rtsar bug pa phug la ming rus gzhug/ sngags rdzas btsal/ ra sogs ma rab chad kyi sog pa la dgra
190a3 bo'i gzugs bcas te e la bzhag la/ zor mda' snying khar bzhag ste/ bdag dbang chen gyi ting nge 'dzin du zhugs la srid pa'i lha 'dre la dpang gzugs/ de nas dgra'i shes pa pho nyas ling ga la bstim/
190a4 bse mo snying zan ma'i ngan sngags bsnyen pa zhag gsum btsugs pa'i nam phyed tsam/ bdag gos dmar nag gis brgyan/ stag gi hor shug dang bse'i lag phrag bcug la/ dpral bar me long btags la// tshe
190a5 mkhan cig gis thod mda' nas bzung la tshe drangs la/ zor gyi srungs mar bse mo snying zan ma bzhi bskul te/ dam rdzas sbrang rtsi dang/ 'o ma dang/ mar khu dang/ rag ta rnams thogs la 'di skad do/ hU~M slob
190a6 dpon ro langs bde ba dang// slo ma pad+ma 'byung gnas kyis// bka' la btags pa'i bka' nyan ma// dam la btags la dam can ma// lha mo bzhi yi dus la bab// hU~M dpal gyi lha mo mched bzhi de// gcig ni
190b1 bal yul gting na zhugs// sbrang rtsi'i mtsho la gnas bcas shing/ mthing gi ral pa shar ra// ral pa re la phur pa re// dbang gi bse khrab si li li// dbang gi rta pho phya la la// gser gyi rna cha wangs se
190b2 wangs// khyod ni bdud kyi bu mo yin// chibs su bdud rta nag po chibs/ na bza' ljang nag ber chen gsol// brda ni mi phrad lho bam mon// skad ni mi gcig bdud kyi skad// rag sha kha'i sgra sgrogs
190b3 ma// gzugs ni mi sdug lag brgya pa// g.yas pa brgya ni zhags pa 'phen// g.yon pa brgya ni phur bu 'dril// zhags pas zung la phur bus thob// khyod ni bdud 'dul chen mo yin// zor gyi srungs ma gshegs
190b4 su gsol// mda' zor 'phang pa'i dus la bab/ hU~M gcig ni tsha ba'i rong na bzhugs// mar khu'i mtsho la gnas bcas shing// mthing gi ral pa sha ra ra// ral pa re la phur pa re// dbang gi bes khrab si li
190b5 li// mthing nag cod pan pu ru ru// gser gyi rna cha wangs se wangs// khyod ni gza' yi bu mo yin/ chibs su gza' rta zhur po chibs// na bza' ber chen le brgan gsol// brda ni mi phrad lho bal
190b6 mon// gzugs ni mi sdug lag brgya mo// g.yas pa brgya ni zhags pa 'debs// g.yon pa brgya ni phur bu 'dril// skad ni mi gcig gnod spyin skad// yak+Sha ka'i sgra sgrogs ma// khyod ni gza' bdud chen mo
191a1 ste// zor gyi srungs mar gshegs su gsol// mda' zor 'phang pa'i dus la bab// gcig ni mang yul bse na bzhugs/ rag ta'i mtsho la gnas bcas shing/ khrag gi ral pa sha ra ra// ral pa
191a2 re phur pa re// dbang gi bse khrab si li li// gser gyi rna cha wangs se wangs// khyod ni btsan gyi bu mo yin// btsan rta dmar po chibs su chibs// na bza' ber chen dmar khrab gsol// brdo ni mi phrad lho
191a3 bal mon/ skad ni mi gcig btsan gyi skad// gzugs ni mi sdug lag brgya ma// g.yas pa brgya ni zhags pa 'degs// g.yon pa brgya ni phung ba 'dril// khyod ni btsan 'dul chen mo yin// zor gyi bsrung mar
191a4 gshegs su gsol// mda' zor 'phang pa'i dus la bab// gcig ni snye nam 'gram na bzhugs// 'o ma'i mtsho la gnas bcas shing// mthing gi ral pa sha ra ra// ral pa re la phur pa re// dbang gi bse khrab
191a5 sili li// gser gyi rna cha wangs se wangs// khyod ni klu 'dul chen mo ste// chibs su chu rta sngon po chibs// na bza' ber chen sngo bkra gsol// brda ni mi phrad lho bal mon// skad ni mi gcig klu yi skad// nA gA
191a6 klu'i sgra sgrogs ma// gzugs ni mi sdug lag brgya mo// g.yas pa brgya ni zhags pa 'debs// g.yon pa brgya ni phur bu 'dril// khyod ni klu 'dul chen po ste/ zor gyi srung mar gshegs su gsol// mda' zor
191b1 'phang pa'i dus la bab// bstan pa srung ba'i dus la bab// ces dam rdzas kyis mchaud cing bos nas// de nas langs te mda' thogs la 'di skad do// ming po rdo rje go gon na// sring mo dam tsan mtshan thogs
191b2 cig/ ming po rdo rje g.yul shom na// sring mo dam can dmag drongs cig/ dgra bo'i yul du dmag 'dren na// dgra lha rgyal mo dar la 'du// bdud kyi yul du zor 'phen na// dmag gi rgyal mos zor sna drongs/
191b3 da ni 'phang ba'i dus la bab// steng gi lha la zor mi 'phen// steng gi lha rnams dpang mdzod cig/ pho lha gnyan dang dgra lha gnyan// bar gyi lha yang dpang mdzod cig/ dur gyi mtshun rnams dpang mdzod
191b4 cig/ srung ma rnams la zor mi 'phen// zor 'phen sdang ba'i dgra la 'phen// zor 'phen gnod pa'i bgegs la 'phen// dmigs pa'i dgra bo 'di la 'phen// bse'i de ni rtel bu la// gser gyi de ni bshul
191b5 cig btang// lcags kyi mchog ma la// zangs kyi nan mas bsdams// 'brong rgod rgyus kyis sbrengs// dbang gi zor gzhur byas// lho ka mon yul nas// gser smyug ldem par bcad// lcags prag gser
191b6 shod nas// brag bya 'ur pa dang// rig pa'i pho rog bsad// mda' la sgro yis bskyon// 'brong bu'i spyin gyis gdams// dug shing tsher ma can// zur gsum ni rnon po bzhogs// mda' yi mde'u bcug// seg
192a1 mdar rgyud kyis dkros// bse yi skyes bu'i phyag tu gtad// mda' zor 'phang pa'i dus la bab// sdang ba'i dgra la mda' zor ya// dmigs pa'i dgra la mda' zor ya// kha la rag sha ma
192a2 b+h+yo// badzra nags khri dung b+h+yo// b+h+yo mda' gcig ka na bya rgod ma// kri ta mug ka'i dus la bab// rdzu 'phrul chen mo mthu mo che// nam mkha' yi ni mkha' la 'gro// snang srid thams cad gsal byed ma// sdang pa'i
192a3 dgra bo 'di la ya// kri ta mu ka dgra la b+h+yo// mda' cog kha na mkha' 'gro ma// za byed 'bar ba'i tshogs chen mo// khams gsum ma lus sgrol byed ma// gsod byed chen mo hor pa mo/ hor mo chen mo'i dus la
192a4 bab// sha za chen mo'i dus la bab// mda'i yug cig 'ug pa ma// ltas ngan rgyal mo'i dus la bab// sku mdog ser la rngam pa'i mdog// za 'og thul pa sku la gsog// rkan sgra stong gsum rngam byed ma// hu lu
192a5 mu ka dgra la b+h+yo// ye shes spyan dang ldan pa yi// nam phyed dgra bo'i srog gcod ma// 'phra men chen mo dgra la ya// mda'i yud cig bya rog ma// yon tan brjid ldan mthu mo che// stong gsum thugs kyi kun
192a6 gsal ma/ brda skad sum brgya drug cu mkhan// tshe gsum dam byed dus la bab/ 'bras bu phyung shig bya rog ma/ kha kha mu kha dgra la b+h+yo// dmigs pa'i dgra bo che ge mo// dkar nag mtshams su mda' zor
192b1 ya// da ni 'phang pa'i dus la bab// bse yi skyes bu'i dus la bab// dgra bo'i snying la mda' zor ya// bse yi skyes bu gdug pa can// chibs su bse rta dmar po chibs// sku la bse khrab smug po
192b2 gsol// dbul bse yi rmog zhu gsol// phyag na bse yi mda' gzhu bsnams// khengs par khong la phog par rgyob// rnam shes brgyad la gzer chen thob// gzhu mo rgyud du sprugs pa'i tshe// nyams pa'i snying la
192b3 gzer chen thob// de yi yum chen gtum mo ni// nam mkha'i khams kyi dbang phyug ma// ri rab ngos la sku rten 'cha'// phyag gis stong khams kun tu nyul// tshe dang srog gi bdag mo ste// zhabs ni rgyal mtsho'i
192b4 gting du skyong// klu bran kun gyis dgyes sde mo// khyod kyi thugs dam dus la bab// b+h+yo zhe sdang rdo rje mthu mo che// 'phrul gyi me long spyan ma btul// stag gi hor shubs 'thebs ma zhan// bse yi gzhu sgra 'u ru
192b5 ru// lcags kyi mda' sgra sha ra ra// gzhu rkang rgyud du ma chad cig// mda' 'phangs slar la ma ldog cig mde'i rtse la me sbar bas// sgyu ma'i phung po gtan nas gzhig// sdang ba'i dgra la mda' zor ya// go bar
192b6 byed pa snying yin gyis// snying gi dkyil du mda' zol ya// 'gro byed rkang la mda' zor ya// nyug byed lag la mda' zor ya// srid pa'i ste ba zhung tu rgyob// chags pa'i gzhi mo drungs nam phyung// dpral pa'i skra
193a1 'tshams dkyil du 'khyil// tshe yi phung po gtan nas shig// steng gi khyo la mda' zol ya// 'og gi chung la mda' zol ya// mchan gyi bu la mda' zor ya// yul mkhar nor ma mda' zor
193a2 ya// khyad par dmigs pa'i dgra bo 'di la ya/ mde'i la me chen spar bas sgyu ma'i phung po gtan nas srog go// bse mo snying zan ma'i sngags btab ste kun gyis b+h+yo btab la// dgra bo'i yul phyogs su 'phang
193a3 ngo// slar la gnas tshe chog drag tu bya'o// de ltar byas kyang gdon mi za bar grub pa'i man ngag go// tsha ba yang gter gyi rgyud las// cho 'phrul zor 'phang pa'i le'u ste bcu pa'o//// spyad thabs kyi yon tan
193a4 dang skyon la brtag pa ni// 'di dag bshad par bya ba'i thabs kyang// dang po dam tshig nos pa las// ma nyams gzhung du spyod pa dang// rdo rje slob dpon bla ma dang// dbang rnams rim par mnos pa
193a5 yis// spyad na grub la bkol na nyan// ji ltar bsam pa bzhin du 'grub// rab tu dben ba'i gnas dag tu// gzhung dang mthun pa'i rdzags bsags la// 'du 'dzi g.yeng bar mi gtang bar// ma yengs
193a6 brtson pas bsgrubs pa yis// ji ltar bsam pa bzhin du 'grub// snod dang mi ldan gang zag ni// yon chog 'phangs te mi dbul bar// dpe rku 'og brus nas ni/ man ngag gting nas ma thob par// gzhan la
193b1 ngom zhing che 'byin pas// bsgrubs kyang 'grub par yongs mi 'gyur// man ngag gting nas ma thob par// dben pa'i gnas su mi sgrub par// mthun pa'i dam rdzas ma 'tshogs te// le lo g.yeng ba'i khar gtong
193b2 bas// bsgrubs kyang mi 'grub mya ngan snod// sems can rkyen dbang las dbang gis// pha rol phung bar gyur pa la// de ni nga yi mthu yin zhes// kun la ngoms shing gzhan la bsdigs// rang gi srog la bdud
193b3 'bod pa// des ni dkon mchog zhabs nas 'dren// rnal 'byor dbu smod nyams par 'gyur// sangs rgyas bstan pa gnyan po la/ dkon mchog dbu 'phangs bstod pa'i phyir// man ngag gting nas mi 'grub
193b4 par// 'jig rten 'di yi sgra 'dod pas// bsgrubs kyang mi 'grub dmyal ba'i rgyu// sngags pa gzhung dang mi ldan pa// kha lo bdud kyis bsgyur byas te// bsgrub pa'i 'bras bu mnar med pa'i// dmyal bar 'gro
193b5 ste snying re rje// tsha ba yang gter gyi rgyud las// spyad thabs dang// skyon dang// yon tan dang// rnal 'byor pa snod kyi rim pa bstan pa'i le'u ste bcu gcig pa'o//// thugs kyi brnag pa nyams kyi man ngag
193b6 bcud kyi nying khu// rdzogs so////


CLOSE WINDOW