176a5 rgya gar skad du/ samrathakhagarkasamatha/ bod skad du/ srog thig nag po'i rgyud ces bya ba/ rdo rje he ru ka la phyag 'tshal lo// 'di skabs bdag gis thos pa'i dus gcig na/ bcom ldan 'das he ru ka chos
176a6 kyi dbyings kyi rang bzhin la bzhengs te/ log 'dren can 'dul ba'i phyir/ byin gyi rlabs kyi sngags 'di gsungs so/ hU~M k+Shan trag rag sha kha mun tra badzra ru ni b+h+yo/ zhes gsungs pas/ 'jig rten pa'i dregs pa
176b1 can thams cad shing rtsa ba nas bcad pa bzhin du brgyal lo// de'i tshe de'i dus ri rab kyi byang shar na gnas pa'i srog gibadud mo e ka dza ti ma zhes bya ba bcom ldan 'das kyi spyan sngar ga la ba der 'ongs te/
176b2 mos pa'i tshul du gnas so// de'i ming po srog bdag rgyal ba sbyan gcig pa zhes bya ba yang/ mos shing spring de gnas so// srog thig nag po'i rgyud las gleng gzhi gleng bslang pa'i le'u ste dang po'o// de phyir
176b3 brgyal ba sangs te/ 'di skad ces gsol to// bcom ldan 'das bdag cag gi rig pa 'di bzhes su gsol/ trag rag sha kha mun tra/ mu ru lu ru lu hU~M b+h+yo hU~M/ rag mo te ke ma ma dza kha la ma hi b+h+yo/ ru lu ru lu ma
176b4 hring b+h+yo/ oM badzra ging rtsa ra ya mang sho b+h+yo/ zhes rang rtags srog gi snying po mdong gsol du phul nas/ sngags kyi bsrung mar dbang bskur ro// srog snying phul pa'i le'u+i ste gnyis pa'o//// de nas bcom ldan
176b5 'das kyis 'di skad ces bka' stsal to// khyed ming sring gi gnas ni gang yin/ ming ni ji skad yin/ dam rdzas ci la brten zhes gsungs pas/ 'di skad ces gsol to// bdag cag gi gnas ni mi mthun te/
176b6 ming po'i gnas ni ri rab kyi rtse/ dpag bsam gyi shing gi sked pa na/ dung khang gser gyi kha bad can na gnas so// sring mo ni ri rab kyi byang shar na gnas so// sring mo'i ming ni a ka dza ti ma zhes
177a1 bya'o// ming po'i ming ni srid pa srog gi bdag po zhes bya'o/ sring mo rten pa'i rdzas ni khyad par gyi gtor ma/ bya lug smug nag dza gad dang bdud rtsi'o/ ming po'i dam rdzas ni byang dkar mo'i snying
177a2 dang smyug ma tshigs lnga pa la dar gyi rgyal mtshan lnga gdags/ rtse la nam mkha' dkar po la bya rgod kyi spus brgyan/ rtse la srog snying btags te bzhag/ de'i drung du gsang ba'i ling ga bzhag dris dang lan gyi le'u
177a3 gsum pa'o//// yang bka' stsal ba/ khyod kyi dkyil 'khor ji ltar yin zhes pas/ yang 'di skad ces gsol to// dbus su gru gsum mthing nag grub gsum dbyibs/ sum brtsegs dag tu bri bar bya// zla
177a4 gam gsum ni dmar po bya// thod 'phreng gnag la gru chad ljang// sgo bzhi sgo khyams gnag la mi srid rdzas// zhes gsungs so/ dkyil 'khor le'u bzhi pa'o//// de nas yang dag bshad bya ba// drag po'i
177a5 rdzas su bya ba ni// byang phyogs grub gsum zla gam la// dam nyams dgra bo'i bla rdo ni// 'khar rkongs srin can gsum gzhag la// steng du mo'i bla rdo ni// rnol gri mo yi thod pa gzhag/ de nang khrags sna rnams
177a6 kyis dgang// le brgan rgyas bcing dar lam skar khung btod// thun gyi drag sngags de la bstim// bya pho dkar po'i thod pa ru/ brnag pa'i ming rus srog sngags brab// skyer pa'i 'go ling mkhar pa ste// ling ga
177b1 btags la dbus su gzugs// yungs kar yungs nag ske tshe la// sngags cing ling ga dag la brab// ces gsungs so// drag po rdzas kyi le'u ste lnga pa'o//// de nas yang dag bshad bya ba// yi ge bcu
177b2 gsum gnad kyi tsakra ste// phyi nag gsang ba gsum du'o/ hU~M k+shan rag sha mu kha mun tra badzra ru ni b+h+yo/ phyi ltar gnad la dbab pa ni// ma mo'i gzugs la yi ge bcu gsum 'khor lo'i bskor// nang ltar gnad la
177b3 dbab pa ni// thod pa'i nang du yi ge bcu gsum bri// gsang ba'i gnad la dbab pa ni// bdag nyid dpal gyi thugs yi ge bcu gsum po// ma mo'i khong pa 'khrug pa'o/ de nas don yod bya ba 'di gsungs
177b4 so// trag rag sha kha mun tra/ snying kha rag srog rtsa rbad tsat+ti long/ rag ta thun b+h+yo chum thum ri li li rbad/ trag rag sha badzra kha chung thum ri li li rbad b+h+yo/ pra ti sa man ta/ smug pra ti sa man tse ni kham myag khum khum
177b5 myag myag chod chod// gsang par bya ba'i 'di gsungs so// trag rag sha mu tra e ka dza ti yang kha te khum mar ya sad ni sod ni shi mA ra ya rbad/ thun sngags 'di gsungs so// ma ma snying kha rag ma ma snying kha rag/ ma ma rag sha
177b6 ma ma rag sha// rag mo snying khrag la ma dun dun// trag rag sa ya snying la he kiM/ ma ma ru lu ru lu b+h+yo/ khog sbubs rol cing/ snying khrag la sa ma ya daM dza dza/ snying rtsa phyung shig/ ma ma snying tsit+ta
178a1 la thun/ shi ti s+tha snying la ya ma b+h+yo/ ma ma sha sha ma ma hring hring ma sa ma ya/ dgra bo ma de ra ya sod/ ma rtsi ta dz+wa la raM/ snying rtsa la rol cig/ thuM ri li li ma las myur du mdzod cig/ snying gong gcad pa'i/
178a2 oM badzra dar lig/ oM badzra snying gong chod cig/ kha la dza mun da lo dun ting da ya rbad/ khrag tig snar ma rbad/ badzra tsa du kri ra ti/ ta ya badzra hU~M/ rbad du rbad du/ rbad bu rbad bu/ da ra ka ya bstims/ pi stangs sa ma
178a3 ya/ zhes gsungs so// rang la mi zlog pa'i sngags/ ra tsa thums ya ti rbad/ nor phyugs bu smad bsrungs pa ni// shAkya thub khang kri nan/ slob dpon nye 'khor bsrungs pa ni// ra tsa ta ti phra ti ti man sad gzas pa'i bla
178a4 sems dgug pa ni// oM baM mra ta ha dgra bo phur bar bya ba ni// pa sum tri ha/ hU~M badzra ha na ha na ti ta tsa kra ma ra pra hU~M phaT/ ti ya ra hU~M phaT/ lus srog dbye ba/ oM baM shaM ka be shaM/ ru pa sha ga thum b+h+yo/ b+h+yo phroM na sod/
178a5 badzra ha na ha tib ta tsa kra mA ra ya hU~M phaT/ drag po sngags kyi le'u ste drug pa'o//// de nas yang dag bshad bya ba// spyin sreg bya ba'i las dag ni// dug shing dag dang gdug pa'i shing// hoM khung zur gsum nang
178a6 du bsreg/ ling ga gtubs pa'i dum bu dang// ma sa rag+ta bcas pa dbul// hU~M/ rab tu mi sgrungs shin tu gtum pa'i sku// zhal nas gdug pa'i me byung srid gsum sreg/ rkan sgra brdabs pas bdud bzhi brgyal
178b1 bar mdzad// dam nyams sha ru bcas pa rol cig kha ram khA hi// trag rag sha kha mun tra mu ram su yam pi ri shag bra be sha phaT// trag rag sha sa ma ya dun b+h+yo// snying snying khrag khrag sha la dun b+h+yo// ma ta ti sta dzA
178b2 la ram// ma ma e ka dza ti'i zhal du khA hi khA hi/ spyin sreg gi le'u ste bdun pa'o// de nas bskul te// hU~M/ mi mngon mkha' dbyangs pho brang nas// sngags kyi srungs ma mthu mo che/ e ka dza ti gsang ba'i yum
178b3 cig ma// sku mdog mthing nag 'bar pa la// g.yu yi ral pa thor tshugs gcig tu bcings// mdzes pa g.yu yi smin ma khyug se khyugs// khrag gi mchi ma sha ra ra/ bse yi sen mo zangs se zangs// dung gi mche
178b4 ba thams se thams// g.yas kyi phyag na zhe sdang tsit+ta dgu brgya bsnams// g.yon gyi phyag na g.yu'i spyang mo dgu 'bum bsnams// ba spu lcags kyu rtse dgu yis// dgra bo 'dzin shes gtong mi shes// bcol pa'i
178b5 'phrin las dus la dbab// ces gsungs so// pho gnad la dbab pa 'di gsungs so// ste phyogs rnam dag 'phrul gyi gzhal yas nas// 'gro ba'i don phyir rgyud drug gnas su gshegs// gdul pa 'dul
178b6 mdzad 'phros pa'i tshul ston cing// thugs rje'i ngang nyid snang srid mtha' la gzigs// kun rdzob don du zhing lpags g.yang gzhi gsol// zhe sdang sbrul gyi chun po dbu la bcings/ ru dpon tshul du stag gi rgyal
179a1 mtshan bsnams// 'jigs pa'i tshul du ber smug dgu brtsegs gsol// rngam pa'i tshul du zhal gdangs ha har bzhad// khros pa'i tshul ston sdang mig phyogs bcur bgrad// za byed rngam pa'i
179a2 rtags su stag gi rgyal mtshan bsnams// zhi ba'i ngang las mi bzad khro tshul can// ag tshom kham nag bskal ba'i mi ltar 'bar// dbu skra kham nag gyen du 'khyil ba yi// nyi zla thod 'phreng can yang dbang du
179a3 sdud// zhabs gnyis brkyang bskum tshul du bzhugs pa ni// klu yi rgyal po'i khams kun dbang du sdud/ phyag mtshan zhing gi dbyug to 'phyar ba yis// log par lta ba'i dgra bgegs rdul du rlog/ ces gsungs
179a4 so// 'phrin las bskul ba'i le'u ste brgyad pa'o//// de nas dam tshig ched du brjod pa 'di gsungs so// khyi dang bud med brten mi bya// mchog tu srog gi dam tshig gces// khyad par dor na mchog tu
179a5 nyam// 'dod chags bya la rdzas mi bstan// rdzas kyis dus dang rtag tu mchod// srog gi snying po rgyun tu grangs// las la sbyor na mi dang 'phrad pa spang// mchog tu spyi yi dam tshig gces// zhes gsungs
179a6 so// srog thig nag po'i rgyud las// bsrungs pa dam tshig gi le'u ste dgu pa nas gtad pa yongs su mi nub pa 'di gsungs so// yag sha dam can khong snying dran pa 'di// ma 'ongs sngags pa dam med
179b1 la// gsang zhing mchog tu sba bar bya// gal te 'di dag bsgrags pa na// nyid kyi mtshang tshig bsgrags zer nas// chad pa sngon du gcod par byed// de phyir mi bstan sba bar bya/ zhes gsungs so// srog thig nag
179b2 po'i rgyud las// yongs su gtad pa'i le'u ste bcu pa'o//// srog thig nag po'i rgyud// gsang pa'i drag sngags srungs lcam dral gyi mtshang tshig/ gdug pa'i mtshon cha rdzogs so/ a+thi+-i//// de nas yang
179b3 gsungs pa gal te rang ngam 'khor la gnod cing 'khu ldog byed pa dang// rtags byung nas las byed du ma 'dod na// gcun sngags bstan te/ ma ma a ka dza ti ya/ trag rag sha sa ma ya// srog 'dus ma ma dgra
179b4 bo'i snying rbud/ srog drol da ra khug la ya phub tsit+ta rbad// srog thum ri li li ma b+h+yo dza// 'di med na mo dbang du mi 'dus pas// des na thugs la brnag par bya'o// zhes gsungs so// bskal pa dum bur phyung
179b5 pa'i le'u rdzogs so// a+thi+-i rgya rgya//// ma mo'i rtags ni bud btsas bzang mo phyag 'tshal ba bzang ngo// btsan mo'i rdzas mo 'am phar la phyag 'tshal ba byung na srog thig nas byung ba'i gcun sngags
179b6 bzlas// mon mor byung na ma nyid dngos// skyes par byung na dgra la myur// gsad pa'i dus na ri dgas gsad cing rmi na bzang// thun khrag khol ba dang// dgra'i tsit+ta dngos su 'ong// tsit+ta byung na zhal du rngub
180a1 bo// thun sngags byung na bcu drug pa'o// badzra dar la'i drug cu pa'o// srog thig nas dkar po gdags par gsungs te// nag po btags na dngos grub myur// zhes gu ru de btsan tras gsung ngo/


CLOSE WINDOW