166b1 e ka dza ti cit+ta sa man tan+t+ra nA ma// bod skad du/ e ka dza ti yang snying 'dus pa'i rgyud ces bya ba/ dpal ya man ta ka rdo rje he ru ka la phyag 'tshal lo/ 'di skad bstan pa'i dus na/
166b2 dpal ya man ta ka rdo rje he ru ka'i 'khor na// ma mo e ka dza ti bka' snyan pa'i rang bzhin rnam pas drung du 'khod par gyur to/ de nas dpal phyag na rdo rjes/ dpal ya man ta ka rdo rje he ru ka la gsol pa/
166b3 bcom ldan 'jam dpal khro bo nyid/ sngags bsrungs e ka dza ti yi/ mtshan gyi don dang ngo bo nyid/ yang snying 'dus pa ji ltar lags/ ces gsol pas/ dpal ya man ta kas bka' stsal pa/ sngags bsrungs e
166b4 ka dza ti ni/ e ni chos dbyings rang bzhin te/ ka ni 'phrin las bdag mo yin/ dza ni 'gugs byed pho nya mo/ ti ni dpal gyi bka' nyan gzugs/ don gyi ngo bo skye med nyid/ ces gsungs so/ e ka dza ti don
166b5 bstan pa'i le'u ste dang po'o//// de nas gzhan yang bka' stsal ba/ yang snying 'dus pa 'di lta ste/ trag rag sha ma kha mun tra e ka dza ti snying kha rag ma b+h+yo/ zhes pa'o/ de ni srog gi yang snying ste/ thams
166b6 cad 'dus pas 'dus pa'o/ de ni bsgrub thag shin tu nye/ de ltar nye bar gyur kyang ni/ srog gi snying po med gyur na/ ma mo nye yang las tshan chung/ de phyir sngon du srog gi ni/ snying po sum cu rtsa gsum zlas/ de
167a1 bzlas shin tu tshan che ste/ srid pa gsum yang 'dul bar byed/ trag rag sha kha mun tra/ mu ru lu ru lu hU~M b+h+yo hU~M/ rag mo te ke ma dza dza kha la ma hi b+h+yo/ ru lu ru lu ma hing b+h+yo/ de ni srog gi snying po
167a2 nyid// ma mo gnas nas g.yo pa'o//// zhes gsungs so// e ka dza ti'i srog gi yang snying dang snying po bstan pa'i le'u ste gnyis pa'o/ de nas yang phyag na rdo rjes gsol pa/ ma mo'i srog gi snying po
167a3 rnams/ bzlas nas las rim ji ltar bgyi// zhes gsol pas/ ma mo sngags srungs dam can ma/ dang po srog gi snying po drang/ de nas yang snying bzlas bya zhing/ ma mo stong dang rtsa brgyad kyi// drag sngags
167a4 snying thun spu gri'i rgyud/ de yis 'phrin las bsgrub na myur/ shin tu zab pas rgyud 'di spa'o//// gzhan du nyungs thun dug thun dang/ phur thun mkhar bsgrub las ring pas/ de ltar dam can rnams kyis
167a5 bsgrub/ zhes gsungs so/ ma mo las mtha' gang du bsgrub pa'i le'u ste gsum pa'o//// de nas gzhan yang bka' stsal pa/ nyon cig gis gsang ba'i bdag po khyod/ ma mo e ka dza ti ni/ ma mo stong gi gtso mo
167a6 ste// khyad par re'u ma ti'i/ gco mo yin pas 'di bsgrubs na/ re'u ma ti bkra shis 'gyur/ srog bsgrub dpon g.yog mched bzhi dang/ sku gcig ma la sogs pa yi/ sgrub thabs gang dang sbrel yang rung/ bkra
167b1 shis las grub 'phrin las bsgrub// de bzhin 'khor gyi ma mo ni/ bal mo nag mo kun du ga ma/ mon mo nag mo rna cha can/ srin mo nag mo ro bshal mo/ gang ltar bsgrubs kyang tshan che ste/ las myur 'phrin las
167b2 'grub par gsungs/ zhes gsungs so/ ma mo la 'khor btags pa'i le'u ste bzhi pa'o//// de nas gzhan yang bshad pa ni/ ma mo sngags su bsrungs sgrub pa la// pho mchong btags na las tshan che/ de yang
167b3 sngags pa nang thug na'o/ spu gri rgyud nas bshad pa yi/ thun sbyor ging bstags na shin tu legs/ ma mo 'di yi yon tan ni/ dpag med nam mkha' lta ba dang/ ri rab sa gzhi lta bur bshad// de phyir rgyud 'di
167b4 gzung ba dang/ spa zhing sems la bcang bar bya/ zhes gsungs so/ las tshan skyed pa yon tan dang bcas pas rgyud 'di gzung zhing sba bar bya ba'i le'u ste lnga pa'o//// e ka dza ti ya snying 'dus pa'i rgyud
167b5 ces bya ba rdzogs so//// ba su ng+ha ras bdag rdo rje yang ba gter la b+ha sa ya'i dgon par gnang pa'o/ spu gri cha rkyen a+thi+-i////
167b6 rgya gar skad du/


CLOSE WINDOW