134a4 /// rgya gar skad du/ gu h+ya ga pi tan+t+ra nA ma/ bod skad du/ gsang ba'i gter gyi rgyud ces bya ba/ kun tu bzang mo la phyag 'tshal lo// 'di skad bdag gis thos
134a5 pa'i dus gcig na/ kun tu bzang mo gsang ba'i yum// skye 'gag med pa'i bdag nyid can// thog ma med pa'i dus mtha' nas// 'gro 'ong med par rang bzhin bzhugs/ 'pho 'gyur med pa'i gnas mchog
134a6 ni// yang dog med pa'i 'od gsal ba// phyi nang med pa'i 'od gsal ba// shes rab snying rje nyi zlar bcas// dag pa'i don ldan dkar po'i tshogs// snying rje'i 'od las sprul pa mo// lnga gnyis gsum du rang
134b1 bzhin gnas// bya rtsal med pa'i sbyod pa can// chos nyid mi 'gyur nag mo'i tshogs// shes rab rtsal las shar ba mo// lnga gnyis brgyad du ldan pa ste// ye shes sprul pa'i spyod pa can// shugs 'gro 'bar ba
134b2 ser mo'i tshogs// brtson 'grus mthar phyin khyab pa mo// bcu tshan lnga dang drug tu ldan// rdzu 'phrul spyod pa mthar byin ma// yon tan gter ldan sbrul pa mo// mngon spyod ngang las shar ba mo// bzhi gnyis ldan
134b3 pa'i khyab pa mo// brtul zhugs ldan pa'i mdzad pa can// de nas yul 'phra men rgya mtshos/ gser gyi nyi ma'i gdan las bzhengs te/ yum chen mo la gus pa'i phyag sbrul bzhin byas nas// mig mi ldog par
134b4 gzigs te// gser gyi 'khor lo bsgyur cing gsang sngags bsgrags pa'i don du/ yum chen mo la 'di skad ces gsol to// kun tu bzang mo bde ba'i yum// gnas pa'i don 'di ji ltar lags// gter gyi
134b5 rang bzhin gang lags pa// yum chen nyid kyis bshad du gsol/ de nas yum chen mos nyi zla'i gdan la bzhengs nas/ spyan gsum 'thur du gzigs nas/ ljags pad+ma dril nas gsungs pa/ srid pa gsum
134b6 gyi mnga' bdag mo// sangs rgyas khros pa'i rgyal mo khyod/ 'gro ba chags pas zhen pa la// thugs rje chen pos zhu ba legs/ khyod kyi 'dod pa 'di ltar bskor// gsang ba rtsa dang thig le ste/ gter ni rig pa'i
135a1 ye shes so// 'phra men rgya mtshos yang gsol pa// rtsa dang thig le ji ltar lags// rig pa'i ye shes ji ltar lags// kun tu bzang mos bshad du gsol// yum chen nyid kyis yang gsungs
135a2 pa// gsang ba don gyi rtsa thig ni/ rnam pa gsum du shes par bya/ rtsa la srid pa'i gnas lugs dang// thig le sprul pa'i 'char tshul dang// rtogs par byed pa yan lag go/ rig pa'i ye shes gnyis su bshad/
135a3 dam srid gnas la dbab pa dang/ thig le mya ngan zla ba'o/ gsang ba gter gyi rgyud las/ gleng gzhi dang gleng bslang ba'i le'u ste dang po'o// de la gnas chen brgyad du bshad/ dang po dngos po bstan pa
135a4 dang// gnyis pa las su bstan pa dang/ gsum pa byed pa'i gnas su ste// bzhi pa spyin pa'i sa yin te// lnga pa byung khyung yin pa ste// drug pa lhag pa'i gnas bzhi ste// bdun pa gnas gzhi yinapa ste// brgyad pa
135a5 bod pa yin pa'o// tshal chen po na brgyad du gnas/ lta na stug dang rnam par rgyal/ lha'i mdun sa bya ba dang// shing rta sna tshogs bya ba dang/ sa gzhi bzang po bya ba dang/ dga' ba'i tshal dang rtsub 'gyur
135a6 tshul// 'dres pa'i tshal zhes bya ba'o// thig le don ni 'di lta ste// thig le gnas ni 'di bzhi ste// phra ma u li hi dang ldan// oM dang ldan hU~M dang ldan// swa dang ldan pa'i sgra'i don bshad pa// bde ba chen po
135b1 'khor lo ni// yi ge haM gyi don bshad pa// brgya rtsa 'dus pa'i tshangs nang na// thig le yi ge ha gnas pa// chos nyid 'dus pa'i thig le ste/ kun tu bzang mo zhes su bshad// yi ge haM gyi rtse mo nas// dwangs ma lnga
135b2 yi thig le yi/ tshon drug dril ba lta bu ste// de ni nam mkha'i lnga'i ngo bo ste// sa me ki dang dam ku dang// sa ni rtsa yi dngas ma ste// rnam snang gsal zhes grags pa'o// me ni drod kyi dwangs ma ste// 'od gsal ma
135b3 zhes grags pa'o// ki ni khrag gi dngas ma ste// gnyen gsal ma zhes grags pa'o// dam ni dbugs kyi dngas ma ste// g.yang gsal g.yon zhes grags pa'o// ku ni bkrag gi dwangs ma ste// bkrag gsal ma
135b4 zhes grags pa'o// thig le chen po g.yas phyogs nas// mkha' la rgyu ba'i thig le gsum/ ba ra wa// 'bebs byed ma// skyod byed ma// skul byed ma'o// thig le chen po'i g.yon phyogs nas// dbyings las shar
135b5 ba'i ma mo gsum// haM ri ka// tshor byed ma/ tshim byed ma len byed ma'o// thig le chen po'i steng phyogs na// mun dang gsang pa stud ma'o/ ma yi sgra yi don bshad pa// mgrim ma khrag gi 'khor lo'i
135b6 dkyil// dbus na thig le aM gnas pa// mtha' ma rnam pa brgyad pa'o// wa kri ti ya pa ni pu tsa// dkar mo mdangs mdzes ma// sngon mo klog ma srin/ dmar mo rdzu pa can// ser mo lding stabs can// stag sman
136a1 zor ba gdong/ nag mo gdong drug ma/ bam srin dred mo gdong/ 'brog srin chu srin bshad/ u yi sgra la don bshad pa// snying ka chos kyi 'khor lo'i dkyil// dbus na rig pa'i yi ge hU~M// phyi
136a2 skor thig le bcu dang brgyad// mum hU~M// 'phra men man ka'i thig 'dzin ma// nyi ma 'bum gyi gzi mdangs can/ hU~M hU~M hU~M hU~M/ rdo rje nyi ma khros pa'i dbang mo che/ yon tan rin chen khros pa'i dbang mo che// pad+ma khug
136a3 'thung khros pa'i dbang mo tshe// khams gsum 'tsho byed khros pa'i dbang mo che// muM muM muM muM// rgyan gyi rgyal mo dbyings phyug rgyal mo dang// bdag nyid chen mo gcig pu yum mchog mo// he he he he// dkar mo chen
136a4 mo yab la bzhad// sngon mo sgeg mo yin tan mdzod// dmar mo dbang sdud mdzes tshul can// ser mo las kyi rdzu 'phrul can/ sa ma ma ham/ ze byed ma/ rgyas 'debs ma/ tshe 'phel ma/ rmongs byed ma'o// li yi
136a5 sgra yi don bshad pa/ lte ba rlung gi 'khor lo'i dkyil// dbus na rlung skor thig le lnga bcu drug/ waM saM/ srid pa kun gyi dred 'beb ma/ srid pa kun gyi skyed byed ma/ e raM/ drag mo 'dza tim/ srin mo khrag 'dzag
136a6 ma/ yang raM/ bskyod ma stong gsum khyab pa mo/ gling bzhi kun tu rgyug 'gro ma'o/ hU~M pad+ma rdo rje thig 'dzin ma/ pad+ma'i dbyings phyug ma// 'dod pa khams kyi dbang phyug ma/ raM raM raM raM raM raM raM/ rdo rje kun grags ma/
136b1 dbang chen 'od ldan ma/ rdo rje 'dzin 'phreng ma/ rdo rje gsal 'phro ma/ rdo rje 'od chags ma/ rdo rje zlog byed ma/ rdo rje grag snyel ma// ma ti ga dz+wa/ gling bzhi lha'i srin/ khyung chen gshin rje'i sring/ g.yag thog klu'i
136b2 sring/ sder cag gnod sbyin sring/ pa ra ti ya ya har ting/ du n+ting/ shan+ting/ grub ting b+h+yo ta ga na/ dkar mo mig gcig ma/ nag mo ral gcig ma/ dmar mo mchu 'jib ma/ ser mo rkang bldag ma'o// b+h+yo b+h+yo
136b3 b+h+yo b+h+yo b+h+yo b+h+yo b+h+yo/ srin mo smug nag ma/ nu ra k+Sha si/ 'phra men rdo rje dkar ser ma// ro hu dri la lha chen dkar mo ste// 'jig srid dkar mo rdo rje be sha byi// gzhon nu dmar mo rdo rje ko ma ring// brgya byin dkar mo
136b4 rdo rje ba ni laM// dmar ser srin mo rdo rje si ka laM/ b+h+yo b+h+yo b+h+yo b+h+yo b+h+yo b+h+yo b+h+yo/ bdud rtsi dmar mo rdo rje a mri ta/ zla ba dkar mo rdo rje pu ta ri/ be con dmar ljang dan+t+ra ha/ srin mo dmar mo rdo rje raka sha si/ za ba ljang
136b5 nag rdo rje bag shi si/ ra tri badzra rdo rje dga' ba dmar/ rdo rje stobs chen ru tra ma ra tra// e ka tsa ti rdo rje cig sbyod ma// b+h+yo b+h+yo b+h+yo b+h+yo b+h+yo b+h+yo b+h+yo// ma nu to rdo rje 'dod pa dmar/ grub mo nor srung dkar mo sing+ng+ha ka klu
136b6 mo sngo skya rdo rje ba ya bya// gsod mo khra mo rdo rje ma hA ka la dmar// ag ne mi mo rdo rje dkar ser ma// phag mo nag mo rdo rje ba ru ni// rdo rje dmar smug rgan byed tsa mun ti/ b+h+yo b+h+yo b+h+yo b+h+yo b+h+yo b+h+yo b+h+yo// sna chen dkar mo
136'a1 rdo rje pu ta ra ma na// chu srin 'og dkar rdo rje ba du ni// sgo ba rdo rje dkar mo ma hA ka la ni// dmar ser rdo rje tsa ka la// sum pa dkar ljang rdo rje pu ni dmar// rdo rje ljang nag lam po ta ra ma/ srin
136'a2 mo bum sna rdo rje 'jig rten 'joms// srid pa'i ma mo thams cad kun/ rnal 'byor sku yi khyon du rdzogs/ rtsa dang thig le nyid la gnas// gsang ba gter gyi rgyud las// rtsa'i 'khor lo la thig le'i bcud gnas
136'a3 par bstan pa'i le'u ste gnyis pa'o//// 'phra men rgya mtshos yang gsol pa// r+t+rogs pa'i thabs 'di ji ltar lags// yum chen nyid kyis bshad du gsol/ ces gsungs pa las// yum chen mos yang
136'a4 gsungs pa// rtogs pa'i thabs ni gsum du bshad// spyod pa klu'i khyad par dang// rig pa stan 'gan don du bshad// rtog pa don gyi lta ba'o// de la spyod pa rlung gi khyad par// 'di lta ste// bde ba chen por
136'a5 'khor lo ni// mi 'gyur ba chos nyid kyi rlung zhes bya ba yod de// rlung des bskyod pas dkar mo bcu gsum sprul pa'i cho 'phrul snang bar byed do// mgrin pa'i 'khor lo na/ rus spal ro ldan zhes pa'i rlung yod de/
136'a6 de rtsa khro mo brgyad kyi cho 'phrul snang bar byed do// chos kyi 'khor lo na don 'byed pa'i ye shes kyi rlung zhes bya ba yod de/ rlung des bskyod pa na mo bcA brgyad kyi cho 'phrul snang bar byed do// sbrul pa'i 'khor lo na
136'b1 khyab byed mdangs ldan rlung zhes bya ba yod de/ rlung des ser mo lnga bcu rtsa drug gi cho 'phrul snang bar byed do// bshad sgo nas skyod byed las kyi rlung zhes bya ba yod de/ rlung des thig le thabs kyi gzhung 'dul
136'b2 byed do// srog rtsa la 'phyo pa yan thubs kyi rlung zhes bya ba yod de/ rlung des 'phel sdud thams cad byed do// dang po zhi ba'i spyod pa ste/ gnyis pa dbang gi yin pa ste/ gsum pa mngon sbyod nyid du bshad/ bzhi pa
136'b3 rgyas pa chen po ste/ lnga pa lhun gyis grub pa'o// drug pa rdzu 'phrul nyid du bshad/ dang po don bzhi'i don gyi spyod pa'o/ gnyis pa nyon mongs pa'i yid rgyu'o// gsum pa yid kyi rnam par shes pa rgyu ba'o// bzhi pa sgo
136'b4 lnga'i rnam shes rgyu ba'o// lnga pa la 'du shes rgyu ba'o// drug pa la 'du byed rgyu ba'o// de la dang po byang chub sems kyi thig le g.yo/ gnyis pa la pad+ma rak+ta g.yo/ gsum pa la maM sa g.yo/ bzhi pa nas dri chen g.yo/
136'b5 lnga pa nas dri chu g.yo/ drug pa nas gzung 'dzin g.yo pa'i/ byang chub kyi sems kyi thig le zhe sdang 'byung ba'i sgo/ rak+ta 'dod chags 'byung ba'i sgo/ ma sa nga rgyal 'byung ba'i sgo/ dri chen gti mug 'byung ba'i sgo/
136'b6 gur kum phrag dog 'byung pa'i sgo/ dwangs ma lnga 'dus pas gzung 'dzin 'byung ba'i sgo/ zhe sdang rang sar grol ba'i chos nyid dag pa'i ye shes/ 'dod chags rang sar grol bas so sor rtog pa'i ye shes/ nga
137a1 rgyal rang sar grol bas mnyam pa nyid kyi ye shes/ gti mug rang sar grol bas me long lta bu'i ye shes/ phrag dog rang gnas su dag pa bya ba grub pa'i ye shes/ gzung 'dzin gnas su grol ba
137a2 chos dbyings kyi ye shes so/ zhe sdang gnas su bsgral bas thabs dang mthun pa'i spyod pa/ 'dod chags rang sar bsgral bas shes rab dang mthun pa'i sbyod pa/ nga rgyal zhi bas bsgral bas gzung du 'brel
137a3 pa'i spyod pa/ gti mug rig par bsgral bas phyogs gcig pa'i spyod pa/ phrag dog phun sum tshogs par bsgral bas 'thun 'jug thabs kyi spyod pa/ gzung 'dzin yul las bsgral bas mdzad pa gar thabs
137a4 kyi spyod pa'o/ 'ga' na sbyor ba'i spyod pa rtogs thabs ldan pa yis/ 'ga' ni spyod pa/ 'di lta ste/ bud med mo gsham 'dra ba la/ klad pa gA+o ro tsa na yod/ a 'bras smin pa'i 'bras bu la/ sbyor te zos na dngos
137a5 grub thob/ bud med pad+ma mdzes pa la/ rak+ta'i snying po ma nyam dang/ mu la ta dang pi ta'i khrag/ sbyar te zos na dngos grub thob/ bud med dung can lha mdzes las/ byung ba'i dri chen maM sa dang/ gdug can gyi
137a6 bcud dang ni/ bud med ban glang can dag gi/ byung ba'i dri'i chu dag dang ni/ tir ta pa na la sogs dang// sbyar te zos na dngos grub thob// bud med ri mo can dag la// sbyar te thig le dkar dmar dang// ga
137b1 pur chu dang sbyar byas nas// dngos grub shin tu thob par 'gyur// bkra shis gtsang ma'i bud med la// sbyar ba'i thabs chen ldan byas te// mchog gi dngos grub thob par 'gyur// sbyor ba spyod pa'i thabs chen
137b2 'dis// skye med dbyings dang 'phrad par 'gyur// tan spyod pa'i don spyod pa// gang yang rung ba sgral ba'i zhing// rnal 'byor sdigs pa'i mdzub mo la// nyi ma'i dkyil 'khor steng dag tu// ha las ral gri 'bar
137b3 ba yis// tra ta phaT ha la hU~M gi sngags brjod pas// de dag myur du brlag par 'gyur// gang yang dmigs pa'i yul de la// gro ga'i gzugs de 'dzub gang la// srin lag khrag gis ming bris la// gru gsum
137b4 chag gang dbus su gzhug/ hU~M gis nyungs kar byin brlabs la// stun khung ma'i sngags kyis gdab// hU~M rak+Sha kha la ru pi tra ta phaT// lus kyang 'gas shing brlag par 'gyur// hU~M khung srin po gdengs pa
137b5 ru// dmigs pa'i ling ga sor bzhi la// dur khrod sol bas byugs byas te// trong nag po'i sngags bzlas shing// zi ra nag pos brab par bya// oM pu pa li ka tsa hur phaT// mgo po 'gas shing brlag par
137b6 'gyur// kro nga nag po'i rkyal pa ru// spu tra ra'i gzugs bcug ste// srong tsa ra'i thig pas gdags// me dpal dmar pos bral par bya// dza ra pu pi tsa ra tur phaT// khrag gi ri bo 'joms par byed// pa ta ru
138a1 tsa'i rkyang pa ru// tro ta'i ka ta'i pags pa la// ha la nag po'i ling gi bris// mu ngag 'bar ba'i zer gyis brab// tsa ti tsa ta pa ti mugs swA hA// zhe sdang sdong po 'joms par byed// e ta pa ri hU~M
138a2 khung du// pu ri pa tra'i gzugs bcug la// tri ra ha'i sngags kyis gdab/ rmugs sha ril bam// 'dod chags byang ri mar po gzhom// khrag gi rgya mtsho 'bar ba ru// ne tro ta'i snod nang du/ par pa ta'i gzugs
138a3 bcug ste/ a rdza ka yi dog pas bcing/ gnod spyin dmar po'i sngags kyis gdab/ pa paM kha 'dar bab/ khrag gi dog pa gcad par bya// lha rten nag po'i bum pa ru/ na ra ga'i gzugs bcugs la/ pany+tsa ta
138a4 yi thag pas bcing// a ka ta yi sngags kyis gdab/ ra rtsa ki ma du ka phaT/ dngul gyi bum pa bshig pa'o// pu ta ra rtsi baM ta pa ru phaT/ bum pa bam rim kha sbyar du/ kha sras dmar po'i khog pa ru/ du ra pa ta'i
138a5 gzugs bcug la/ bdud mo nag mo'i sngags kyis brab/ kha rag si ta nag mo thun/ rlung gi rkyang pa bcad pa'o/ rtog pa'i lta ba 'di lta ste/ phyi yi 'byung ba sgyu ma ste/ 'byung ba lnga po thams cad kun// snang spyod
138a6 nyin na rnam par dag/ phung po khams dang skye mched kun// rgyu ba'i 'khor lo lta bur gnas// nang gi dwangs ma'i thig le yang// grog tshang g.yengs pa lta bur snang// sten pa'i bag chags nyon mongs lnga// srin bu
138b1 me khyer lta bur snang// kun gzhi me long g.ya' dag 'dra// nyon mongs yod ni srin bu ste// sgo lnga 'od zer shar ba yis// dbang po'i yul la brten te 'tshar// yul lnga 'ja' tshon lta bu ste// snang ba ma 'gags
138b2 yul la gsal// rig pa phyi nang med par gsal/ skye med lha yi snang ba yang/ chu zla'i dkyil 'khor lta bur snang/ snang spyod nyid na rnam par dag/ rang rig rdo rje lta bu ste/ rgyu med rkyen gyis ma skyes pas/ dang po
138b3 skye ba'i rgyu med pas/ mtha' mas 'gag pa'i rkyen dang bral/ skye med rdo rje ngo bos stong/ stong nyid ma bcos dbyings kyi tshul/ dbyings nyid ma 'gag ye shes te/ yul dang bral bas rang rig sems/ gsang
138b4 sngags rlabs chen 'khrig pa yang/ sems kyi dkyil 'khor 'od po ces// 'od chen snang ba ngos bzung med/ brjod pa'i tha snyad kun dang bral// brjod bral stong pa'i mtha' mi gnas// nor bu rin chen 'bar pa
138b5 ltar/ rtog pa med par dgos dgu tshang/ tshogs na lhun grub don po ce/ ma bsgrub che ba'i don sor gnas/ mtha' dbus bral ba'i de bzhin nyid// nyams su myong ba'i mtha' mi gnas// mi gnas ye shes chen
138b6 po la// ji ltar bsam pas dgos dgu 'char// rtog pa'i rtan tshigs tshad ma dag/ rang rig ye shes tshad ma'i mchog/ rang nyams rig pa gdeng gis rtogs// rtogs pas rang gi ngo bos stong// rang rig stong
139a1 pa'i 'bras bus len// bum pa'i nang gi mar me bzhin// rnam rtog ye shes ngo bor shar// shar ba nyid na nub pa med// snang ba'i dngos chos rnam pa kun// snang spyod nyid na rnams par
139a2 dag/ sems kyi 'du 'phro mang po kun// rgya mtsho chen po brlabs bzhin sna// rtsergyal kha nas kun gsal 'dra// rtse mo med pa'i mthar 'dzin bral// mthong rgyu med pa'i rtog pa can// ye shes lnga yi bdag nyid
139a3 can// nyon mongs lnga yi ngo bo nyid// rtogs pa bzang ngan khyad par las// ngan rtog can ni 'khor bar snang// bzang rtog ngo la ye shes te// sems la gnyis ka'i ngo bos stong// don gyi phyi ni kun rtags
139a4 so// rang gi mtshan nyid gzhan dbang ngo// sgra yi sbyi ni blo rtogs te// rang gi mtshan nyid rjod byed yin// chos nyid nam mkha' lta bu la/ nam mkha' lta bu'i tshig gis mtshon// de nyid chos sku'i pa'i
139a5 mchog/ sems kyi rol pa sna tshogs na// gdul bya'i ngo la cir snang yang// snang ba'i phyir ni gzugs med de// chos sku gzugs sku'i ngo bo yang/ gcig pa ma yin tha dad min/ nyi ma dang ni 'od zer bzhin/ ma
139a6 rtogs ngo la tshig sgo nas/ yod med rnam pa sna tshogs brjod/ don la tha snyad ngo bos stong/ don la bzhag thabs sna tshogs te/ dgag sgrub med par so mar bzhag/ de'i snying po 'di dang 'phrad/ ma dang mo'i tha
139b1 snyad bral/ lha mor snang ba rgyud kyi don/ rtsa dang thig le lung du grags/ rang rig snang ba man ngag ste/ dbang po rab 'bring tha ma la/ tha snyad gsum du grags pa'o// gsang ba gter gyi rgyud las/ rtog
139b2 pa'i thabs bstan pa'i le'u ste gsum pa'o// gter gyi don nyid gang lags pa// kun tu bzang mos bshad du gsol// yum mchog nyid kyi yang gsungs pa// gter don rig pa'i ye shes te/ bye brag gsum du
139b3 ngas bshad kyis/ nyin cig 'phra man yum mchog ma/ dregs pa gnad la dbab pa la/ ri rab phur pas gzir ba dang/ mtshon gyi char du dbab pa'o/ de nas bcas kyi rim pa ni/ khru brgyad pa yi dkyil 'khor
139b4 la/ ba su ta yi thig gdab ste/ tshon gyi rgyal po lnga yis brlab/ dbus su e kaM mthing nag la/ phyi rim pad+ma bcu gsum ldan/ de'i phyed pa'i pad+ma la/ 'dab ma bco brgyad dag tu bya/ de'i phyi rim pad+ma ni/ de'i
139b5 phyir rim pad+ma ni/ lnga bcu rtsa drug shes par bya/ sgo bzhi dus bzhi'i rgyal mo ste/ mu khyud thod pa brgyad po la/ rtsa 'dren brgyad pa de ni bkod/ shing bu mchog gi phur pa ni/ sor ni bco brgyad ldan par bya// dbu la
139b6 dkar mo bcu gsum bsam// rgya mdud bar ma dag la ni// nag mo bco brgyad de bzhin bsam// cung bzhogs brgyad po dag la ni// ser mo lnga bcu drug bsam mo// zur gsum dag la rtsa khro
140a1 brgyad// bsams nas dbus kyi khrod la'o// rtsang phur bcu gsum dag la yang// dar dkar bcu gsum dag gis brgyan// rtsang phur bco brgyad dag la yang// dar sna ru mtshon dag gis brgyan/
140a2 rtsang phur lnga bcu drug la yang// dar sel ru mtshon de bzhin no// sprul pa'i rtsa nga phur brgyad po la// dar dmar ru mtshon de bzhin no// de nas dbus su phur pa dgod// hU~M las mi 'gyur thugs mchog 'bar
140a3 ba'i skur bstan pa// mgo po rgya mdud chos sku'i gzhal yas khang// rked pa rgya mdud longs sku'i pho brang la// rtse mor zur gsum sprul sku dbang du 'byung// rked pa rgya mdud chu srin kha nas byung// snang srid ma mo
140a4 rnams kyi phung po brang ste// gru gsum e'i gdan la bzhugs su gsol// dkar mo bcu gsum dbyings kyi cho 'phrul can// dam srid bsgral phyir pad+ma'i gdan la bzhugs// nag mo bco brgyad thugs kyi cho
140a5 'phrul can// dam srid gnad la dbab phyir bzhugs su gsol// yon tan gter rdzogs longs sbyod gter gyi lha// dam sri tshe srog 'bral phyir bzhugs su gsol// gar thabs rdzu 'phrul thabs kyis bsgyur
140a6 mdzad ma/ dam sring sha khrag dpral phyir bzhugs su gsol// de nas thugs kyi bsnyen pa bya// de nas skad cig dang po la// mi rtog pa yi ngang nyid las// 'og gzhi rlung la rak+ta ste// keng rus ri rab mi dpung
140b1 dbar// de steng sbrum las 'khor lo ni// gsum rim dbus su e su bcas// nyi ma zla ba'i gdan stengs su// dregs pa dmigs pa'i rten du bcas// gdan steng 'bum gyi khyad par las// badzra kro ng+ta shA ri b+ha
140b2 ga pad+ma brgya// mu kha li kro ng+hi shA ri ru lu ru lu hU~M b+h+yo// bdag nyid kun tu bzang mo'i sku// mthing nag nam mkha'i sgo zu can// phyag drug phyag rgya cha skye shing sgrol// de 'dra yum gyi thugs mchog nas// 'phra min rgya
140b3 mtsho nyid kyi sku// gser gyi nyi ma'i gdan steng nas// 'od zer sna lnga 'phro ba'i tshul// de'i thugs ka nas 'phros pas// yi ge mum las 'od 'phros pas// ma mo'i tshogs rnams rtsang la bstim// ye shes spyan
140b4 drangs gnyis med bstim// gtor ma bdud rtsi byin brlabs mchod/ bdud rtsi gter ldan nyon mongs bag chags sbyangs/ rnam lnga rgyan gyi mchod pa 'di 'bul na// ye shes mchod pa chen por bzhes su
140b5 gsol// rak+ta dmar smug bskal pa'i mi ltar 'bar// 'dod chags tshim byed mchod par bzhes su gsol/ kye pad+ma rigs kyi steng dag tu// che chung zhing gi gdan du bcas// srid pa sha chen spungs pa'i b+ha ling
140b6 ta// 'khor yug rtogs pa'i mchod pa chen por bzhes/ ma bdud gsur dang spos chen dri la sogs/ dbang po tshim byed mchod par bzhes su gsol// gling pu pi wang sgra snyan thod lnga'i sgra// lha'i rol mo gar gyi
141a1 mchod pa bzhes// de nas bsnyen pa'i 'phro 'du bya// b+ha ga pad+ma brgya bde klong du 'dus// oM ru lu ru lu hUM b+h+yo hUM// 'khor lo spro bzhi thugs las sbrul// zhag gsum bar du 'phro 'du bya/ de nas
141a2 las la sbyar ba byed// rten gyi ling ga bya ba ni/ rtsa shing dag la gzugs byas te/ su tra zla ba lon pa la/ ltas ngan sna tshogs spu yis brgyad/ hoM khung 'bar ba'i dkyil du bzhug de nas mngag pa'i pho nya ni/ hU~M
141a3 gsang ba'i yum cig mkha' la 'gro/ rnam par rtog bra kun bzang mo/ skye med ma mo'i dbyings phyug ma/ dbyings sku 'khrungs pa'i gsang pa'i yum/ rnam rtog 'jom mdzad 'phrin las gtso/ skyon gyis ma bsgribs
141a4 'od gsal ma/ gting dpag med pa'i thugs mnga' ma/ snang ba med pa'i sku mnga' ma/ brjod dang bral ba gsung mnga'am/ sems kyi dkyil 'khor nas bskul byas bas/ skad cig gcig la kun tu khyad/
141a5 gser gyi 'od zer 'phro 'du yis/ gang la bya ba'i sems las 'dren/ mkha' la rgyu zhing dbyings las shar/ ting 'dzin rtsal las bskur ba'i tshe/ zla zer zhags pas 'ching zhing bsnams// na za dkar mo sgeg
141a6 ma la// 'ja' tshon sna lnga'i mtha' chag can// lag na gser gyi dril zhags 'phen// gang la bya ba snying nas 'dren// rten la bstim las gzer mnan bya// de nas phur pa mnga' gsol te// hU~M ri rab chen po'i
141b1 phyag rgya ni// rdo rje sku gsung thugs dang ldan// srid pa'i ma mo khyon du rdzogs// de 'dra thabs kyi phyag rgya gzir// mug te tsak+k+ra bam gces gzir// de nas dkar mo'i rtsing phur gdab/ kha ti baM b+h+yo/ ru ti la b+h+yo/
141b2 pa ti la b+h+yo/ ha ra ma ka b+h+yo/ ka ra pu ti b+h+yo/ ma ka la he ma b+h+yo/ du ri ka ta ra b+h+yo/ ga ti pu tra b+h+yo/ ho ti sta ba la b+h+yo/ ga ti tu ra b+h+yo/ u ta ri ti b+h+yo/ me kha ru tsa b+h+yo/ ka ma ma le b+h+yo/ yan lag dang po mgo la thig le
141b3 rten bcu la gdab bo// ma mo thugs kyi pho nya ni// khyung gi khra chen lding ba las// lcags kyi ma mo khyung ma go zhon// mgo bo gsum la lag drug ma// g.yas pa rdo rje kha gdengs las// bar ma rdo rje srid gsum
141b4 sgrol// g.yon pa dril zhags bud med 'ching bar ma 'khor lo bskal ba me/ tha ma lcags kyu 'du 'phro can/ bskul ni thugs kyi dkyil nas bskul// za ni skye 'gro yongs la zag/ nyul ni gling bzhi khyab par
141b5 nyul/ rbad ni dngos po cig la rbad/ nyi ma 'bum gyi 'od 'phro ma/ snying gi zhags pas skye 'gro sgrol/ stong gsum 'jig rten 'od kyis 'gengs/ dam nyams bkrag dang gzi mdangs phrogs/ ye shes bzhi'i snang
141b6 ba las/ bag chags gnas su sgrol mdzad ma/ yud tsam khros pa'i dregs pa 'joms/ yul las shar ba'i sprul pa mo// dpal chen yab la rtse zhing bzhad// thugs rje yul las shar ba mo// yud tsam gnas
142a1 nas gzi mdangs phrol// rig pa sems las sprul pa mo// rnam shes brgyad kyi bcud len ma// rtsa chen bzhi'i bcud 'brel zhing// sems can kun gyi dbugs 'phrog ma// dus bzhi srid pa'i
142a2 gnas nyul ma// dbang po sgo bzhi'i bcud len ma// nam zla du bzhi'i cha snyoms ma// srid gsum 'khrug pa'i dbang mo che// thugs dam gnad nas bskul ba yis// gang la bya ba'i gnad nas drong// de rnams
142a3 kun gyi pho nya ni// mgyogs ma sngags kyi gzer chen gdab// badzra kro ng+hi shwa ri b+ha ga pad+ma rgya hUM hUM b+h+yo// badzra shan+ting pad+ma ru ri b+h+yo/ oM mu tri ni b+h+yo/ oM shan+t+ri ni b+h+yo/ oM sha n+t+ri ni b+h+yo/ bag du n+t+ri ni b+h+yo/ ga mu n+t+ri ni n+t+ri b+h+yo/
142a4 oM su r+ya bi ti a to yi/ pad+ma bi ti a to ye// kha rag bi ta a to yi srong 'gro ba to a to ye/ badzra keM keM/ badzra ta kiM/ badzra ni la/ mu kha ta b+h+yo/ sa ru du na b+h+yo/ ri dung ma na b+h+yo/ dur ti ma na b+h+yo/ dam sri snying gi thig
142a5 le bco brgyad la gdab bo// de rnams kun gyi pho nya mo// srid pa kun gyi rtsad gcod ma// skye 'gro yongs kyi bdud len ma// srid pa gsum gyi skyed byed ma// khams gsum kun gyi drod 'phrog ma// srid pa srog rtsa
142a6 gcod byed ma/ dbang po kun gyi gnas nyul ma/ srid pa gsum gyi 'khor 'joms ma/ rgyu ba'i rtsa la nyul byed ma/ dpags bsam shing la spyod byed ma/ gzugs dpung gnad nas gshig re ran/ za 'gram mu
142b1 raM b+h+yo/ snying kha rag b+h+yo/ trag rak+Sha kha mun ma b+h+yo/ trag rak+Sha mu tra ban b+h+yo/ kha mun ma tra trag rak+Sha b+h+yo/ pra ban ka ra ti b+h+yo/ pra kri wang gu b+h+yo/ hU~M ka ri ka/ ba rod da ro/ ni la chu nir rta/ kha dog ka pa la tsa ba la pad+ma
142b2 rak+to/ di paM dngas saM/ e a ra li b+h+yo/ gu bi ru lu drag sha ma b+h+yo/ ma tig b+h+yo/ bi ting b+h+yo/ pu Sh+ti b+h+yo/ mu ting b+h+yo/ badzra shin+ti b+h+yo/ dun ting b+h+yo/ har taM b+h+yo/ grub ti b+h+yo/ te pang b+h+yo/ a par ng+ha la b+h+yo/ da la dun b+h+yo/
142b3 'di na ma ma as b+h+yo/ nyi shu rtsa brgyad sngags ni/ gong ma'i sngags kyis gdob par bya/ lte ba'i thig le lnga bcu drug/ drag mo sngags kyis gdab par bya/ gzugs dpung stub ste brgyud byas nas/ hoM lnga 'brel ba'i
142b4 sbyin sregs bya// thal ba rgya mtsho dbang la bskur/ de'i bka' ste pho nya ni/ lha mo'i lus la ste za ma/ seng ge mgo can rtsa thogs ma/ lhau mo'i lus la khrag 'phrog ma/ stag gi mgo can rtsa thogs ma/ lha mo'i lus
142b5 la sha za ma/ wa'i mgo can rtsa thogs ma/ lha mo'i lus la dbugs 'phrog ma/ spyang ki'i mgo can rtsa thogs ma/ byang shar stag sman zor ba gdong/ nub byang ba glang dred mo gdong/ lho nub 'brog srin chu srin
142b6 gdong/ shar lho ba glang dred mo gdong/ shan pa shos la jag pa sprul/ bla len ma yis bla mo zhig rtsa 'gro ma yis rtsa khros shig du ra kha ta phaT/ tro ta mu kha phaT/ phi mur wa tur phaT/ ti ri ra ta phaT/ ku ku ra ta
143a1 phaT/ ki ma mu ka phaT/ ti ti kha bdar phaT/ ko yi ka khaT/ shan pa brgyad kyi drag sngags kyis/ longs spyod 'khor lo'i thig le spyad/ sangs rgyas bstan pa bsrung pa'i thabs/ 'bru sna gsum dang
143a2 sa kham sa bsres la/ bu chung zla ba lon pa tsam cig la// lag la g.yas su mda' bya rgod ma cig bskur/ g.yon du lcags phur bskur/ brla g.yas pa la seng ldeng phur pa gzugs/ brla g.yon pa la skyer phur
143a3 gzugs/ lus po mi la mgo bo bya ru bya/ ltas ngan sna tshogs spu yis brgyan/ 'brub khung nang du shog shig la rta'i gzugs byas la/ skud pa dkar nag gis btags la/ gong ma'i gzugs kyi lag tu gtad la/
143a4 gser skye mas phyogs bzhir btang zhing skul lo// bdag dpal chen po'i ting nge 'dzin du zhugs la// gdog mo bzhi bskul la btab po// de nas gdong mo'i snying po drangs te// kyang kyeng kyang kyang kreng kring kring
143a5 grang ste grangs te// ma ru lu ru lu b+h+yo/ tsab tsab b+h+yo tsab tsab b+h+yo/ ma ru lu ru lu b+h+yo b+h+yo b+h+yo/ rta gzugs la dbab po// de nas rta'i snying kar lcags phur brdeg ste/ sngags 'dis bya'o// nyungs kar la bzlas shing
143a6 brabs so// ma dza rug snying thun khrag dza dza/ spul mi zhi gan de/ glog rtse phaT dza dza ba ba se se guM guM/ ru te ru te kha la rak+Sha/ snyi la rak+Sha snying la da rgyob ya/ da spu jo bo se brtsan gyi rgyal po/ 'tsher zhing gnas su
143b1 'tsher na/ jo bo brgyan gyi se brtsan po bzhes shig/ snying khrag gis khong pa la bam long la rtags phyung zhig/ jo bo'i chibs su dbul po bzhes shig/ ming sring gi las bcol gyis rta lcags kyi dud pas nub nas
143b2 shar du bod do/ rta'i ngo la rta'i phud bzhes shig/ ne le khugs shig/ bdud la bsngo yo/ ma bdud kyi rgyal mo rngaug chags kyi bdag mo snying nas 'dren pa'i bgegs su gshegs shig/ chibs kyi phud cig las
143b3 gsol zhing bzhes shig/ de nas sraug gi gdan la dbab ste/ tri tha mugs snying rtsa khrag/ srog chod dbugs long/ phaT dza dza gu ru ga ru/ sod lcos/ phaT dza dza/ rta sha kyi tsha/ rti rti snying kha gang/ rta snying mgo chod
143b4 phru pa nag po'i nang du/ gong gi ltas ngan gyi gzugs dang/ rta'i gzugs la seng ldeng me la bsregs la/ gong gi gsang sngags las shing nyungs kar gyis brab bo/ thal ba dgra'i rlung phyogs su 'phang ngo/ gsang
143b5 ba gter gyi rgyud las/ dregs pa can bsgral ba'i le'u ste bzhi pa'o//// 'phra men rgya mtshos yang gsol pa/ thig le mya ngan zla don du/ yang dag nyid du bshad du gsol/ yum chen nyid kyis don gsung
143b6 pa/ thig le mya ngan zla ba'i thabs/ rlung chen bskyod pas gzing chen g.yo/ gzing chen bskyod pas gter chen rnyed/ dang po 'phyo ba'i rlung gis las kyi rlung bskul bas/ khyab byed chen po gnad kyi thig le 'od du
144a1 'bar bas/ des rgyal ba chen po'i sa bon pas/ sa bcu gsum pa'o// spyi don 'byed pa rlung las 'pho pas/ 'byed pa'i thig le 'od du 'bar bas/ mngon spyod chen po'i sa bon te/ sa bcu bzhi
144a2 pa'o// rus sbal gyi rlung la phog pas/ thig le 'od du 'bar bas/ dbang chen po'i sa bon te/ sa bco lnga pa'o/ de mi 'gyur ba chos nyid kyi rlung phog pas de'i thig le 'od du 'bar/ zhi ba chen po'i sa bon te bcu
144a3 drug pa'o// 'od de'i rgyun chad pa nam mkha' la thon te/ pad+ma sdong po bzhi brtsegs pa/ tha ma la 'dab ma lnga bcu drug pa ser mo'i tshogs/ gong man bco brgyad la nag mo'i tshogs/ 'og na 'dab ma brgyad la
144a4 'dren ma'i tshogs/ dang po na bcu gsum la dkar mo'i tshogs/ pad+ma'i tshogs nyi zla kha sbyor gyi nang na gser gyi thig le la/ gser gyi seng ge brgyad 'jus pa'i li sa bcas pa'i khri la/ yum kun tu bzang mo rtsa
144a5 na dkyil du bzhugs nas/ 'gro ba yongs la longs spyod mngon du mdzad do// yum chen mo 'phra men rgya mtsho la/ srid pa bde la bkod pa'i gter 'chang la/ 'gro ba ma stongs bar du chos kyi 'khor lo bskor cing
144a6 gtad pa'o// de nas 'phra men rgya mtshos// khye'u ma dri chu bu pas na/ gnam sa gnyis kyi bar na gnas pa'i rig pa can/ srid pa bud med rigs rnams so sor 'byed/ 'di don 'gro ba yal bar ma gtang zhig
ces pa'o/

CLOSE WINDOW