59a1 trag rag+sha baM la rA dza tan tra na ma/ bod skad du/ ma mo srog las kyi rgyal bu zhes bya ba'i rgyud kyi rgyal po/ dpal 'jigs byed chen po la phyag 'tshal lo// 'di skad bdag gis thos
59a2 pa'i dus gcig na/ bcom ldan 'das 'jigs byed chen po lha g.yung drung gi gnas na bzhugs te/ 'jig rten pa'i mkha' 'gro rnams kyis bskor ba'i tshe/ de wa ma hA ka las/ bcom ldan 'das la zhus pa/ kye
59a3 bcom ldan 'das kyis sangs rgyas kyi bstan pa gnyan par byed de/ dam pa'i chos ji ltar gnyan par bsrung zhing btsun par bgyi/ yang dag pa'i dge 'dun gyi ji ltar bsrung zhing bskyab par bgyi/ bcom ldan
59a4 'das dpal 'jig byed chen pos bka' stsal du gsol// ces gsol ba dang/ 'jigs byed chen pos bka' stsal pa/ nag po chen po khyod nyon cig/ khyod kyis sangs rgyas kyi bstan pa ji ltar gnas par bya ba
59a5 dang/ dam pa'i chos ji ltar bsrung bar byas pa legs kyis khyod nyon cig/ sangs rgyas kyi bstan pa bsrung zhing dam pa'i chis nyan par bya/ nag po chen po khyod nyid kyis sring mo srog gi bdag mo zhes bya ba/ nyi
59a6 ma byang shar gyi mtshams brag dang chu 'thab mar 'das pa nas/ mtsho ma le dings kyi nang na/ mthing shun sngon po'i brag phug nas/ ma mo yongs kyi nang shed nas/ nyin gyi dus ni gcig pur bzhugs shing 'gying
59b1 bar mdzad/ mtshan gyi las su ni brda dang phyag rgya mdzad/ mi ro rta ro gcal du bkram pa nang gnas pa/ bam chen gdan la brkyang bskum du bzhugs pa nas/ zhal nas rak+ta'i dpa' glong 'khyil ba/ ljags la
59b2 dmar chen khrag gi lce ris yod pa/ shangs la shwa na rak+tas bsgreng ba/ phyag g.yas kyi dang po na gser gyi rdo rje chung brdungs pa/ bar snang gi mkha' la ma mo'i 'khor dang bcas pa dam la sdud pa/ phyag g.yon gyi
59b3 dang po na skye 'gro brgya'i snying 'byin cing zhal du gsol ba/ sku la ral pa nag po 'phar ba/ bdud kyi lcam la gshin rje'i yum du gnas pa/ chibs su dre'u rta rkang gsum bcibs pa/ g.yu mthur sngon mo bsgreng ba/
59b4 bse sga dmar po bstod pa// sbrul nag gis gong thag phyi mig byas pa/ mchong gi blo can 'khyug pa/ stong khams ma lus par khyab par mdzad pa'i dbugs la mnga' mdzad pa// dpag tshad brgyad khri bzhi stong du
59b5 ang khrag gi dri bsnoms ma/ sku mdog mthing nag 'jigs tshul du bzhugs pa/ ral pa'i thor tshugs re re la gser dngul dang mu tig gi chun 'phyang yod pa/ de ni khyod kyi sring mo yin gyis/ sring mo dam tshig gi
59b6 dbang gis mtshal chen gyi thig dang// mi dbang smin pa'i 'bras bu'i gtor ma 'di long la/ khyod nyid bdag gi sring mo la/ sangs rgyas kyi bstan pa bsrung du gsol/ dam pa'i chos mi nub cing
60a1 dar bar mdzad du gsol// ces zhus shig/ de'i tshe khyod nyid la brda dang phyag rgya ston par byed kyis/ de la bsregs par ma byed cig ces bsgo'o// bcom ldan 'das kyis nag mo chen mo la
60a2 gnang ba byin cing/ gleng glang ba'i le'u ste dang po'o//// de nas de'i tshe ma hA ka la khyod kyis kyang byang shar gyi phyogs su kha bltas te sangs rgyas dang/ chos dang/ dge 'dun gsum la phyag 'tshal lo/
60a3 sangs rgyas dang/ chos dang/ dge 'dun gsum gyi byin gyis rlabs dang/ bdag bsam pa rnam par dag pa'i mthus// sring mo 'di nyid bdag gi ji ltar mngon par snang bar gyur cig/ ces brjod pa dang/ de
60a4 nyid du lha mo srog gi bdag mo sku mngon du snang bar gyur to// de nyid kyi ming po de ni shin tu dad par gyur nas/ sring mo la bskor ba lan gsum byas nas/ bus btsugs thal mo sbyar nas gtor ma de srin mo la
60a5 mngon du phul nas// sring mo sangs rgyas kyi bstan pa bsrung du gsol// dam pa'i chos bsrung zhing rgyas par mdzad du gsol/ 'phags pa'i dge 'dun la bskyab tu gsol/ sring mo zhal 'dzum pa mngon du mdzad
60a6 nas dus de nyid du ming po dang bcas nas/ bcom ldan 'das lha g.yung drung gi gnas na bzhugs pa'i thad du phyin te/ bskor ba lan gsum du byas nas/ bcom ldan 'das dpal chen po'i spyan sngar de nyid du
60b1 pus btsugs thal mo sbyar nas/ bde bar gshegs pa bdag gis sangs rgyas kyi bstan pa bsrung bar bgyi/ dam pa'i chos bsrung bar bgyi/ 'phags pa'i dge 'dun bdag gis bskyang bar bgyi yis/ bcom
60b2 ldan 'das kyis bdag la byin gyis brlab tu gsol/ dbang bskur du gsol/ ces zhus pa dang/ dus de nyid du bcom ldan 'das dpal chen pos nad sna tshogs stong gi rkyal ba lag tu byin nas ming gi dbang
60b3 bskur ba ni/ ma mo srog las kyi rkyal bu zhes bya bar dbang bskur ro// lha mo'i srog las kyi rgyal bus kyang/ bcom ldan 'das dang ming po'i spyan sngar sangs rgyas kyi bstan pa bsrung ba dang/ 'gro ba'i srog
60b4 las chad par gdab par khas blangs so// ma mo srog las kyi rkyal bu las sring mos gnad pa byin pa'i le'u ste gnyis pa'o//// de nas ma hA ka las/ bcom ldan 'das la zhus pa/ bcom ldan 'das bde
60b5 ba gshegs pa'i sring mo 'di/ ji lta bu'i gang zag cig gis bsgrub par bgyi/ bcom ldan 'das kyis bka' stsal pa/ snying rje dang ni brtul zhugs can// lha mo'i brda dang sngags kyi phyag rgya shes// dam tshig
60b6 sdom par rab gnas pa// bde gshegs mchod dang dam tshig ldan// 'jigs byed dpa' bo de yis bsgrub// ces gsungs so// bcom ldan 'das las yang zhus pa/ kye bcom ldan 'das 'jig byed chen po/
61a1 sring mo 'di bsgrub pa'i gnas ji lta bu zhig bgyi/ bka' stsal ba/ mi ro gsar rnying yod gnas sam/ chu gsum 'dus pa'i gnas dag dang// ri bo chen po sum rtseg gam/ brag ni nag po ngo brgya
61a2 yi// gnas su sring mo bsgrub par bya// phyi yi mchod pa ji ltar lags// bcom ldan 'das kyis bshad du gsol// mdo klag sku gdung gdab pa dang// mchod sbyin gnas su bsgrub pa dang// rgyal chen bzhi yi
61a3 gzugs brnyan ni// phyogs bzhi dag tu dgod par bya// bde gshegs gsang sngags phyogs bzhir bzlas// yid dge bkra shis gnas 'di ru// bsnyen pa'i cho ga rdzogs byas nas// bsgrub pa'i khro rgyal ting
61a4 'dzin gnas// lha mo'i gzugs brnyan mdun du dgod// khrag chen la sogs mchod pa lnga// bsnyen pa'i las su bsham par bya// bsgrub gnas rak+ta chen por gtor// khro bo'i ting 'dzin ldan pa de// zhe sdang
61a5 lcags kyu'i phyag rgya yis// srog bdag chen mo spyan yang drangs// gzugs brnyan nyid la bstim par bya// spyan drang ba'i snying po// nag mo ting laM ma ma dun ting b+h+yo/ dzaHhUM baM ho/ nag mo dun b+h+yo dun b+h+yo/ snying po
61a6 'di yis khro mo spyan drangs la bstim/ sku lha mo'i sku mdog mngon du gsal bar bya ste/ snying kar thal mo sbyar la phyag bya'o// nag mo rag mo dun ting na ma a hi/ zhes phyag 'tshal lo// snying po 'dis brtan par
61b1 bzhugs su gsol to// rag sha ma'i sku la pad+ma sa ma a ti lhan/ ces brjod la brtan par bzhugs su gsol/ de'i 'og tu ma mo la dam rdzas kyi mchod pa dbul ba'i snying po 'di brjod do// ma mo nag mo seng
61b2 hang seng ha ku lu ku lu/ ha ha maM sa khA hi/ rak+ta khA hi/ pany+tsa a mri ta khA hi/ zhes mchod pa phul la/ de nas bsnyen pa'i rim pa la 'jug par bya ste// bcom ldan 'das dpal 'jigs byed chen po sring mo'i 'dzab
61b3 kyi dgongs pa ji ltar lags// 'jigs byed chen pos bka' stsal pa// de la sring mo'i mdzab rgyud ni// ba su ta yi sum bsgril lam// yang na dur khrod skra la bya// gar sbyin zhing chen bam khrag gis// lha
61b4 mo'i thugs khar sbyar byas la// rnal 'byor srin lag la brtags te// rnal 'byor tsit+ta kha sbyar ba'i// rin chen gzhal yas khang nang du// nyi ma'i maN+Dal mthe bong tsam cig bsam// de'i tha mar b+h+yo yi 'bras
61b5 bus bskor bar bsam// gzungs thag srog rtsa'i rang bzhin la// gser gyi spu gu khong stong sum bsgril nas// yi ge 'phro 'dus sring mo nyer bsnyen nas// srog rtsa'i snying po brjod pa ni// trag rak+sha ma hi dun b+h+yo/
61b6 ma hA ag sha tig+na nag mo dun b+h+yo/ zhes brjod pas ma mo dun b+h+yo nyi bar 'gyur na/ grub rtags mod la 'byung ste// lha mo'i gzugs ni sngon du ston pa dang// rten gyi lcags bdun po me 'bar ba dang// 'od dang
62a1 du ba nges par 'byung ba dang/ de'i tshe bsnyen pa bsdu bar bya/ lha mo'i gzugs phyag rgya bzhis rgyas gdab/ snying po sngags ni bdag la bsdu/ bsrung ba'i bum pas bdag rang bsrung byas la/ byin
62a2 rlabs bdag nyid chen por brlabs/ ma mo srog las kyi rkyal bu las/ bsgrub pa'i mtshan nyid dang/ gnas kyi mtshan nyid dang/ sngon du bsnyen pa bya ba'i le'u ste gsum pa'o//// de nas yang bcom ldan
62a3 'das dpal 'jigs byed chen po la/ ma hA ka las gsol pa/ bsgrub pa'i dkyil 'khor ji ltar lags// 'jigs byed chen pos bka' stsal pa// dkyil 'khor gru bzhi lham par brtsigs// khrag sna gsum gyi
62a4 chag chag la// zhing chen gsar rnying thig 'dab ste// dkyil 'khor mdzes par byas nas ni// de yi dbus su gru gsum brtsig/ de yi steng du zla gam brtsig/ de yi steng du gru gsum mdzes// tshon gyi mtshan nyid ji
62a5 ltar lags// bcom ldan 'das kyis bka' stsal pa// gru gsum nag por mdzes par bri// dbus zlum dmar pos brgyan byas te// de dbus mthing nag bri bar bya// ma hA ka las yang gsol pa// de yi bsgrub
62a6 rdzas ji ltar lags// 'jigs byed chen pos bka' stsal pa// de stong ban d+ha lcang lo can// de yi nang du mdzes byas pa/ sman dang rak+ta'i gi'u wang dang// ga bur sha chen tshil chen dang// rak+ta sbyar la dam rdzas
62b1 bzhag/ rtags byung dam rdzas ji ltar lags// rje'u rigs ban d+ha mtshan ldan pa// snying po de yis brgyan byas la// rtags ni ma byung bar du ni// de steng kha ni dbub la gzhag/ rtags rnams nges par byung ba
62b2 dang// dngos grub blang ba'i snod du gsungs// rten gyi bsgrub rdzas ji ltar lags// ban d+ha skam po mdzes nang du// ra khyi rta phag bzhi'i khrag blug la// de'i nang lcags phur bdud rtsi la// sbyang khrag gis byug
62b3 la// gnam du kha bstan lcags phur la// me 'bar dngos grub mchog tu bshad// 'od dang du ba 'bring du bstan// sgra dang rgyud rdo 'phen ba dang// tha ma yin par gsungs pa ste// brda dang phyag rgyas gdags de
62b4 blangs// gsad pa'i dkyil 'khor ji ltar lags// gru gsum mthing nag mdzes par bya// zabs su khru gang brko bya'o// rgya ru khru do nges gsungs so// dug shing dug shing rtsang byas te// kha la mdzes par
62b5 gzugs par bya// khrag chen gyis ni nang phyugs te// de yi dbus su sman mo yi// zhabs ma nges par bstan du gding// ling ga'i rgyu 'di ci la bgyi// bsrub ma'i lo ma chu sna dang// dri chen po yi gzugs brnyan
62b6 bya// gro ga 'am ras sam shing shun la// khrag chen pos ni mi rus bri// rus ni phral bri ming ni snying khar bri// mdzes par 'brub khung dbus su bzhag/ de la lha mo nyid rbad la// lcags kyu'i phyag rgyas bzung bas
63a1 dgug/ dug gi gtor mas lha dang phral// lcags kyu'i phyag rgyas gzugs la dbab// lcags phye zangs phyes gzir nan bya// de nas lha mo rbad sngags kyis// gzas pa de la rbad par bya// rag mo
63a2 rag mo ma ma dun ting her ma he/ zhes brjod pas/ gzas pa pos mngon sum du zos par bsam// de'o 'og tu bsgrub pa po bdag sha chen khar mur zhing/ bdag nyid chen por gyur cing/ lag pa g.yon pa'i
63a3 ral gris gzugs mnan la/ g.yas pas phur pa'i rtse mo khrag la byug cing/ lcags phur bdun gzugs mgo mjug tu gdab po// gdab pa'i gzer sngags 'di yin no// badzra ma hA ku ru rbad/ snying khrag tshal
63a4 pa rbad/ rngubs tsit+ta rbad/ myogs mugs rbad/ snying khrag kha la rbad/ tshal bu tsha se na se du rbad/ ces gdab bo// de'i 'og tu 'phrin las bcol zhing dgra bo gnyer gtad pa'i snying po 'di bzlas so// ma mo snying
63a5 khrag tshal bdun ting/ ha la ha la dun b+h+yo b+h+yo/ zhes brjod pas ni/ gzas pa po de gnyer du gtad do// ma mo srog las kyi rkyal bu las/ drag po'i las kyi le'u ste bzhi pa'o//// de nas bcom ldan 'das
63a6 la gsol ba/ kye bcom ldan 'das/ drag po thun gyi 'khor lo ji ltar lags// nag mo nyi ma'i 'khor lo ji ltar lags// 'jigs byed chen pos bka' stsal pa// nyi mas 'jigs pa 'ug pa'i gdong// dbyar
63b1 zla gsum gyi bkra shis pa'i// 'jigs byed nyi ma'i sgo nga blang// de la drag po'i phur bas brtol// nang du dgra bo'i ming rus gzhug/ khrag bskam nyungs nag rdzas dag la// nag mo nyi ma'i dmod mo
63b2 gdab// nag mo nyi ma'i dmod sngags 'di'o// ru tra la ru lu ru lu hUM b+h+yo/ snying kha rag snying kha rag/ ma nag mo ma nag mo dun b+h+yo/ nag mo dun ting ma las la b+h+yo/ re ma ti pa sha tsa pa dza dza dza/ dun ting dun rag
63b3 sha b+h+yo b+h+yo/ lha mo mngon du spyangs pa'i snying po 'das/ 'khor nag mo stong dang bcas par byon par bsams la/ las myur du bya ba'i phyir ma mo 'khrug tu gzhug go/ 'di nyid kyi snying po 'di'o// ma mo rag mo rag
63b4 mo snying la dza dza/ nag mo hur hur ma hA ma cho cho/ 'ur ka ka mi sha ma ra ya/ khA hi khA hi ha ha ha/ tra ta tra dza dza/ snying po 'di nyid kyis ma mo 'khrug tu gzhug pa'o// de'i nang 'og tu nyi mas 'jigs pa'i sgo nga'i nang
63b5 du/ ris sam grog la ming rus bris la bzhag/ yug sa mo'i zhags mas gril nas/ yungs nag la lha mo nyi ma'i snying pos gdab/ de la rtsa ba'i snying po dmod sngags 'di yin te/ ma ma rag mo sa ma yA dza dza/
63b6 rag mo thang mu le rbad rbad/ rtsa thang rtsa thang rbad rbad/ muM ni nan/ rag mo ni rag mo ni ra kha long rbad/ dug ni dug ni kha long rbad/ kyi kha long kyi kha long rbad rbad/ tsa ti tsa ti rbad rbad/ nir ti ni ti
64a1 rmugs/ thum thum ti subs/ tsi kha lo tsi kha lo rbad rbad/ mog mog rbad rbad/ che ge mo rbad/ ma ling rbad/ sa ma ya dza dza/ zhes brjod la zor 'phang ba'i las byas te/ bsgrub pa po bdag nyid tsa
64a2 ra'i gsob la zhon la/ gsob kyi skye la dgra du yod pa'i ming rus gdags/ bdag nyid re ba'i 'bod bu dang/ dar nag po'i thod dang/ zhing chen gyi gos zug gon la/ lag pa g.yon par ban d+ha lcang lo can
64a3 khrag gis bkang ba bzung la/ bsgrub pa po'i khar mi'i snying bcug la// yug sa mo'i skra la bskul tog byas la/ thun bcug la/ 'phen dkar dgra yid la dran par byas la/ de nas thun brdeg go/ khang pa la
64a4 brgyab na gnam brtol du 'gro/ nyi ma'i zer la brgyab ni nyi ma 'chi'o// zhing la brgyab na zhing mi skye'o// ma mo srog las kyi rkyal bu las/ nag mo nyi ma'i dmod mo'i le'u ste lnga pa'o//// nag po chen
64a5 pos yang zhus pa// bcom ldan 'das 'jigs byed chen po de nyid de// thun drug 'khor lo ji ltar bskor/ bcom ldan 'das kyis bka' stsal pa/ thun bsgrub 'khor lo 'brub khung bskor/ brdeg dus nya chen
64a6 lcang lo lnga'o// brdeg pa'i gnas ni ling ga snying// thun gyi dang po ji ltar lags// thun gyi dang por snying thun btang// de la ma mo'i snying zor ni// lug nag po'i snying nang du// nyungs nag dag la ma mo'i thun
64b1 sngags mang du bzlas la/ skyung kas bsgron pa'i mda' yis dgra bo'i gzugs la brdeg/ bdag nyid lha mo'i skur bsgom zhing/ phyar nag gon la srid pa'i re ma ti dang/ 'jig rten ma'i thugs dam gnad la
64b2 phab byas la/ gzugs de 'dom tsam du bzhag byas la/ ma mo rdo rje bzhad stangs kyis// 'cham zhing gzugs la brdeg par bya// ya mang thong ma mang du/ de skad brjod la snying la brdeg/ ma mo'i thod thun ji ltar
64b3 lags// ma mo'i thod thun bshad bya ba// rabs chad gsum gyi thod pa la// snying sna tshogs dang dug sna tshogs// ma mo nyid kyi rdzas su bsag/ gzas pa po yi rjen shun la// de la ling ga'i gzugs byas
64b4 te// bdag nyid bong bu ra zhon de// ma mo bdun byas bzhugs byas te// ma mo'i ting 'dzin gsal bar bskyed// zhing chen g.yang gzhi gsur chen btang// ma mo thugs dam snyan bskul la// dum bu dum bu tshal
64b5 pa tshal pa ha na ha na/ zhes brjod la/ yul mkhar khyim la thod mda' ya// mchan gyi bu la thod mda' ya// de ni ma mo'i mda'// mkha' lding thun nag ji ltar lags// de la ma mo'i thun bya ni// bya mo nag
64b6 mo'i skye mgul la/ snying rtsa'i phreng ba bskor byas la// mthing nag dar lce'u gshog mgo gdags// bud med dor rtas gtum pa yang// dar nag nyungs kar mang po la// thun sngags mang du brjod la
65a1 gtum// dgra'i ming byang lag dgags// bud med gu zun nag po gon pa la// gtor ma bskur la thun 'phang ngo// ma mo'i mda' thun ji ltar lags// de la ma mo'i mda' thun ni// 'ug pa pho
65a2 rog bsgron pa'i mda'// skyer pa zur gsum mde'u bya// 'ug pas bsgron pa dmar po bya// pho rog ma ni sngon por bya// sgro rtsar nyungs kar la// ma mo'i thun sngags bzlas la blug/ lhub tshal shing k+Shad ku bud phra
65a3 rta rgal zad nan/ a na bi ha son a su ru a pan brag gi chum/ zhes brjod la/ dgra bo'i ming byang der bcug la// zhing skras bsgul thod byas pa yi// nang bcu thun bdag mo bskul lo// thum thum rub rub sa
65a4 ma yA/ zhes grangs mang du bzlas la gzugs la brdeg/ sgong thun no// yang ni thun drug ji ltar lags// snying thun/ khrag thun/ dug thun/ nyungs thun/ phur thun/ rtsang thun no// rdo rje ri rab kyi gdung dang/
65a5 mtshon gyis gtubs dang tshe srog 'phrog/ de ltar byas la 'phang bar bya// rag mo ni sha ku ru thum rbad/ rag mo kha la tsa tsa dun b+h+yo/ ya ma dum bu dum bu ya ma rbad su/ ya ma rbad du/ snying kha rag ma b+h+yo/ badzra ang
65a6 ku sha dza/ tshal pa baM ril/ dum bu dum bu ni dgra bo ma ra ya phaT/ trag rag sha kha dun tra/ kha mun tra dur ma ti/ rig ma tsa duM lo na hUM b+h+yo/ snying khrag sha ma dza/ ta tsit+ta baM myos snying khrag 'thung/ ha
65b1 pra ru ru thuM/ duM thuM pra sa raM thaM/ shi ni thuM/ dgra bo ma ra ya phaT/ kha be sha kha be sha/ ru bu thun phob/ ru pa thun phob/ ma hA srog la mug mug/ thum thum 'du 'du 'du 'du/ cig cig/ dug khong du spyos shig/ ma snying khrag sha ma dza dza/
65b2 tsit+ta srog dung dung/ thung li snying rtsa la 'du 'du srog sring sring khyer la b+h+yo/ dgra bo sar myag thum ri li li rbad/ snying kha rag snying kha rag tsa tsa breng breng/ oM dz+wa la ni dz+wa la ti/ ma hA srog la tug tug/ khrag la dun/
65b3 snying la rbad/ ma hA srog la thun phob/ snying la gas ma ma hUM phaT/ gu ye thun phob/ shog shog thun phob/ sod sod thun phob/ b+h+yo ru lu b+h+yo ru lu rgyob/ sod ku ru nan/ nri sha ku ru nan/ dgra bo ma ra ya rbad/ sha ra
65b4 le nyu le le thum ril rbad/ rnam pa klad pa 'gas pa dang rnam shes bsreg pa dang/ ngag phrog yan lag bcing dang snying rtsa gcad pa'o// sha ni rtsa rtsa thum ril rbad/ thum ril thum ril rtsa ra a sha ru thum ril rbad/
65b5 kha thum kha thum rbad/ sho ro shig ro shog gro hUM phaT/ trag khang thum ril 'ub hu laM/ snying la shag snying khrag tshal pa rbad/ tsit+ta tsit+ta rak+ta ru lu ru lu hUM b+h+yo/ drag po'i sbyin sreg ji ltar lags// de la drag po'i
65b6 sbyin sreg ni// ma trang chen po'i gzugs byas la// snying khar zur gsum ngos re la// mtho do yod par 'dod pa'o// ral gri 'khor lo rtse gsum ni// tshon rtsi dkar po thal chan bri// mtshon phur mda' dang rtsang
66a1 gis bskor// skud pa nag pos mtha' ma bskor// hom khung nang du rdo sol gyis// phye ma mtshal rdog bskam po bzhag/ zur gsum ban d+ha re re bzhag/ spyan drangs sngags 'di brjod par bya// sarba
66a2 a pa ka ka/ khan khan 'dzin b+ha tang ting/ a gats+tsha a gats+tsha kang swAhA/ khrag snod bad d+ha dmar po bya/ bzed pa'i snod yang de bzhin no// mchod pa lnga yong dmar po bya// phud du yang ni dgod par bya// khyi
66a3 nag thod pa khrag gis kyang// gang la bya ba'i ming rus bri// de ltar de bzhin du bsreg go/ sarba duSh+ta b+ha ni swAhA/ lan bdun thab khung du bor// rta phag khyi yi khrag gsum la// lan bdun bzlas la sbyin sreg
66a4 bya// me la dpod pa'i sngags la// sarba sha tang ma ya u tsu ta la ya bya// ta bag sha a hUM phaT/ 'di nyid dag tu gnan byas la// ma mo srog las kyi rgyal bu las/ thun drug 'khor lo'i le'u ste drug
66a5 pa'o//// ma hA ka las gsol ba/ kye bcom ldan 'das khrag 'thung rgyal po thog ser ji ltar dpag bcom ldan 'das kyis bka' stsal pa/ thog ser dbab pa ni// lha mo nyid kyi dam rdzas su// mu ta'i snying
66a6 dang thal mor bcas// g+hi wang rak+tar bcas pa yi// gtor ma yul ba'i sa ru sba// 'bebs dang las la sbyor ba'i tshe// nal bu'i bags pa'i rgyal mtshan bya// ma mo nyid kyi gzugs bris la// phyogs bzhir
66b1 brlab cing rtsa sngags bzlas// dar nag g.yab mos phyogs bzhir g.yab// rig gsum kha las gtor ma gtang// sme khrag gsum gyis mkha' la gtor// bco lnga'i dbus su gtor byas nas// ri gsum pa la
66b2 ser pa dmar thab bya// lha mos drag shul thog ser 'bebs// lha mo bu la dngos grub ster// de'i tshe bu yis dngos grub blang// ma mo srog las kyi rkyal bu las/ lha mo'i thog ser 'bebs pa'i le'u ste bdun
66b3 pa'o//// 'di ru nad rnams ji ltar dbab// lha mo chen mos bka' stsal pa// dri mo ra yi rkyal bu ru// rims nad dgu yis shi ba'i rus pa dang// khrag sna dgu dang thal chen dbus su bcas// gtor ma
66b4 bam chen snying dang bcas pa dang// kha la rma bya'i rgyal mtshan gzugs// phud mdzo rog po'i gsob la gdal// dmigs pa'i phyogs su bskyal byas nas// lha mos rims nad sna tshogs 'bebs// ma mo srog
66b5 las kyi rkyal bu las// rims nad dbab pa'i le'u ste brgyad pa'o//// ma mo'i srog las kyi rgyal bu'i rgyud kyi rgyal po chen po rdzogs so//// bcom ldan mgon po rgyal mtshan las kyi lha// thugs kyi
66b6 ye shes tshogs la mnga' brnyes khyod// rdo rje mkha' la 'gro ba'i rnal 'byor ma'i// gsang ba'i phyag rgya dam pa bshad du gsol// zhes gsol ba dang/ dpal phyag na rdo rje bka' stsal pa/ rnal 'byor chen po
67a1 gsang ba yis// dam tshig phyag rgya bca' ba ni// sor mo rnams ni nang du bsnol// g.yas pa mthe bong mdzub mo yis// srin lag mthe'u rtse sprad gnan// gung mo gnyis la rtse sprad la// ma mo spyi yi
phyag rgya ste/

CLOSE WINDOW