48b1 tsir mu ni sha tan tra nA ma/ bod skad du/ e ka tsa ti'i sngags rgyud nag mo zhes bya ba/ kun bzang lha'i rgyal po la phyag 'tshal lo// 'di skad bdag gis thos pa'i dus gcig na// kun
48b2 bzang lha yi rgyal po yis// na la gdong chen rtse mo ru// gzhan ldog nag mo'i srog rgyud drangs// e ka tsa ti'i dngos grub thob// bde mchog 'khor lo rlung sgrar bsgyur// drag po me yis bstan pa dgra lnga
48b3 bsreg/ bcu bdun yi ge 'thor byas rlung la bskyon// drag po'i las thun thams cad 'grub pa'i rgyu/ gso gsad las kyi bka' log gnas su sgrol// thams cad grub cing drag po'i las thun gces// sku
48b4 gsung thugs dang yon tan 'phrin las lnga// thams cad 'grub pa sku yi phyag rgya yin// de bzhin nyid las cho 'phrul rnam gsum 'byung// de bzhin nges pa'i rtogs bya'i phyir// phyag rgya chen po'i sku nyid
48b5 bsgrub// de phyir gnas dang sa gzhi brtag/ dmar po rgya skyegs kha dog 'dra// srin mo'i mdun so bzhin du zug/ dur khrod gsar snying yod pa'i gnas// gzhan yang gnas rnams mthun par bsgrub// nam
48b6 mkha' gru gsum zla kham 'dra// yang na nyams dga' nyid du gzung// de dang mthun pa'i gnas nyid du// bsgrub pa pos ni nan tan bya// lha dang spyod pa'i gnas la ni// bsdu byed sngags kyi rgyal po drag/ bzhin
49a1 mdog nag mo rag sha ni// me lha rlung zhon kha mun tra/ ma ni mi mngon dbyings ma yin// ru lu bzhi ni gnyis med dgyes pa'i sngags// sdud byed hUM gnyis bar ma b+h+yo/ rag mo zhes pa ming gi
49a2 sngags// ta ko zhes pa rnga yi rtsa// de ni bstod par dgyes pa'i sngags// yig 'bru bcu bdun bod pa'i sngags// bsnyen pa bsgrub pa'i rgyu yin no// smug mo'i tshul du bsgrub pa yin// phyir ni rnam gsum nges pa
49a3 med// nye ring spong bas gsum du grags// bsam pa'i dbang yang so sor snang// gang zhig las rnams bsgrub 'dod na// gsum gyi rang bzhin bal mo bsgrub// de yi rdzas dang mthun pa sogs// gtsor ni rnel
49a4 gri'i thod par bya// drag po sngags kyi yang dag bsgrub// bsgrub pa so so'i dus yin no// bal mo zhes bya ba// gsang ba phyag na rdo rje'i bstod// de bzhin bsgrub mchog de yis bstod// ces gsungs so// sngags
49a5 rgyud nag mo las/ gleng gzhi'i le'u ste dang po'o//// de nas bal mo e ka tsa ti'i sku mngon par 'byung ba 'di gsungs so// lta ba zab mo bdag nyid sku// spyod pa zab mo yang dag gnas// 'phrin las zab
49a6 mo mngon du 'byung// trag ces bya ba yi ge'i mchog/ rak+sha srog rgyud 'dren pa'i sngags// kha mun tra ni bod pa'i sngags// ru lu ru lu yab yum sngags// te keM yig 'bru nyi shu'i sngags// dbang du sdud pa yin zhes
49b1 grags// oM tsa red yaM gyi sngags gsum mo// bsgrub pa pos ni nye bar bsnyen// btsan ma ma tis dbang bskur bya// smin tra rag mos las la gzud// bcu bdun yi ges gsad par bya// dka' thub bsgrub pa'i
49b2 gnad la dbab// shi sa gsang sngags gnyis kyis bstan// ces gsungs so// de nas bal mo gsung gi tshul du bsgrub pa 'di gsungs so// gzhung dang mthun pa'i rdzas nyid du// rtse mo las kyi dkyil 'khor
49b3 bri// gru gsum sum brtsegs zla khams bskor// thal chen 'phreng ba de bzhin btang// sgo snam sgo khyud lcags ri med// ji ltar mdzes pas bri bar bya// dur khrod thod pa dbus su bzhag/ me bya'i mi 'bral me yi
49b4 zil// sbrul lam phag pa'i thod pa ru// dug sna tshang bar bsog par bya// gnam gyi ye nar me'i dam rdzas su// glang nag po'i snying/ skyes pa dar ma gri khar shi ba'i ban d+ha'i nang du/ yum mtshan dang ldan pa
49b5 pad+ma'i rak+ta gzhag go/ bar gyi glog ma sprin gyi dam rdzas su// sbal pa nag po'i snying dang/ 'ug pa'i mig 'bras gzhag go/ sa'i phung byed ma'i dam rdzas su/ phag rog po'i snying dang/ bud med kyi klad khrag
49b6 gzhag go/ du ni dun ting du la ya dza/ du du dza la ni ha na dza/ du ma ha ra te tsa b+h+yo/ sngon du dam tshig sngags 'di bsgrub// de yang rtags ni rnam gsum gdab// khrag dang dug dang thal chen po// mkhur ba g.yas
50a1 g.yon dang dpal 'bar gdab// rtse gcig bar gyis bsgrub par bya// dbang du drag po'i sngags 'di'o// e dar tsa sa ma ya dza dza/ e sa ma yA du ling dza dza dza/ ra ya pu ti du chings sa ma ya dza dza/
50a2 drag po'i sngags 'dis las la gzud/ tsa ra ma ra snying kha rag ti badzra du na b+h+yo/ thum ril li li rbad/ ces bzlas la gzud par bya'o// lha snga drag po'i sngags 'dis dbye bar bya'o// trag rag sha rag mo ni shaM shaM
50a3 yas la b+h+yo/ co ga la kha mun trag mu ru lu ru lu hUM b+h+yo hUM/ zhes bsgrubs nas ji lta ba bzhin du 'gyur te/ de yang 'dis dam la btags so// trag rag sha kha mun+ta/ rag mo ni rag mo ni snying la shad shad b+h+yo/ ru lu
50a4 ru lu hUM b+h+yo hUM/ zhes dam la btags de dbang du bsdu'o// de yang dam la gnas par bya ba'i phyir bstod do// e/ gsung mchog ye shes thugs kyi klong brtol bas// yag sha med dbal yab yum mkha' las
50a5 bskyed pa yi// gcer bu bong bu zhon pa'i ral gcig ma// gsungs gi sprul pas trag bdun stong khams khengs// gcer bu bong zhon ma la phyag 'tshal bstod// e/ snying dgu ye shes dgu dang rab ldan ma// rdo rje
50a6 'chang gi bka' nyan nyul le ma// aM/ thugs las g.yu yi spyang mo bdun ni shar ra ra// ltas ngan sna tshogs 'bebs mdzad ma la phyag 'tshal bstod// e/ rnal 'byor nyid dbyings klong nas 'char mdzad
50b1 ma// snang ba'i gsung mchog rtags kyi phyag brgyad bdun// zhing chen tsit+ta bdun ni shar ra ra// 'phrin las myur mdzad ma la phyag 'tshal bstod// ces bdag nyid mchod pa yang dbul bar mdzad do// sngags
50b2 rgyud nag mo'i gsung gi bsgrub pa'i le'u ste gnyis pa'o//// de nas thugs kyi bsgrub pa 'di gsungs so// trag rak+Sha kha mun tra mu ru lu ru lu hUM b+h+yo/ rag mo te keM dza dza kha la ma b+h+yo/ zhes ma ma trag rag
50b3 shaM kha mun tra srog tsam ril/ rag mo snying sha kha la rag mo ni trag dun b+h+yo/ rag mo ni snying rtsa long trag mo shad shad srog rtsa la dun b+h+yo/ zhes trag bdun gcod pa'i ye ge'i sngags// thugs las rgyud pa'i trag
50b4 bdun po// yang dag gter chen don rnams smra zhing ston// drag sngags kun gyis gtan la 'bebs// rbad ces bya ba thams cad las kyi sngags// hUM ni thams cad sdud pa'o// b+h+yo ni gnyis ka'i las la
50b5 'dzug/ ces sngags thams cad rnam par dbye ba'i sgra rgyun du gcod pa'o// sngags rgyud nag mo las/ thugs kyi bsgrub pa'i le'u ste gsum pa'o//// de nas yang bskang ba'i dam tshig gi le'u 'di gsungs
50b6 so// bskang ba chen po'i dam tshig ni// dngos grub 'dod pa'i rnal 'byor pas// gtsor ni dam tshig bsrung bar bya// rdzas ni mtshan ldan bam gyis bskang// rma bya'i rgyal mtshan ru dar dang// 'bru yi gtor mas
51a1 bskang bar bya// bya nag lug nag rten du bya// khyi dang bud med spang bar bya// 'dod chags bya la rdzas mi bstan// sngags la ming tshig sel mi gzhug/ thun rdzas mi gcad bsog par bya// bstod de
51a2 de bzhin mchod par bya// sha chen gtor ma de bzhin dbul// drag po'i sngags 'di dbul bar bya// oM trag rak+sha sa ma ya dun b+h+yo/ snying snying khrag bya// bya nag lug nag rten du bya// khyi dang bud med spang bar
51a3 bya// 'dod chags bya la rdzas mi bstan// sngags la ming tshig sel mi gzhug/ thun rdzas mi gcad bsog par bya// bstod de de bzhin mchod par bya// sha chen gtor ma de bzhin dbul// drag po'i sngags 'di
51a4 dbul bar bya// oM trag rak+sha sa ma ya dun b+h+yo/ snying snying khrag khrag sha la dun b+h+yo/ ma ti tin+t+ra dz+wa la raM/ 'bras bu sna tshogs gtor ma 'di// e ka tsa ti'i zhal du kha raM khA hi/ zhes de bzhin gshegs pas rdzas
51a5 rnams dbul bar bya// zhes gsungs so// sngags rgyud nag mo las/ thugs dam bskang ba'i le'u ste bzhi pa'o//// de nas e ka dza ti nag mo'i tshul du sku sngon du dbyung ba 'di gsungs so// dkyil 'khor
51a6 cha snyoms yid 'ong la// rtsa ba lnga yi lde gus byug/ dbu nag dmar po ser po brtsigs// dmar po zla kham mu khyud zlum// thod pa'i ra bas bskor ba yin// sgo snam sgo khyud de bzhin bri// dbus su k+sha dang trag
51b1 gnyis dgod// gdug byed ling ka phur bus gcal// yang na skyer ba'i shing dag la// rtsa ba zur gsum cha gang zhig/ nub byang zur la gzugs par bya/ rdzas rnams phud dang chang phud kyis// nyid la nyid
51b2 kyis dbang bskur ro// trag rag sha kha mun tra rag mo ni snying la b+h+yo dza dza/ btsan mo ma ti ba ta tsa mchod tra dza dza/ nag mo ni 'ub 'ub dbang bskur swAhA/ zhes yug sa mo'i rnel gri mo'i skra la sprogs shed byas te
51b3 rdzas kyis dbang bskur ro// bstod dang mchod dang de bzhin bya// gtor ma chen po nub tu bzhag/ me yi zas la gtor bas te// snying sna khrag sna sha sna tshogs// rnel gri mo yi thod par bsog/ mthing nag dar gyi
51b4 gung khang phub// dbus kyi gru gsum mthing nag la// dkar po gsum gyi skyed khar gzhag/ phur chen lcags phur skyer phur gsum// pho brang e yi gra la gzugs// ru dar nag po rtse lnga pa// rtse gsum pa ni mdung
51b5 la btags// rma bya'i rgyal mtshan de bzhin bzhag/ bya nag lug nag smug nag gsob// me tog sna tshogs snying sna tshang/ a ka ru dang du ru ka/ tsan dan dkar dmar gla rtsi dang// spos sna tshang ma bsog par
51b6 bya// tshil chen khu bas sbyar ba ni// spa ra ma ti'i mchod pa ste// dus bzhi la ni mchod par bya// snying po 'di yis gnad la bskul// oM ru ru rak+sha shri he ru ka/ be ta li shas mun tra mu le tra mu ru lu ru lu hUM b+h+yo hUM/
52a1 de nas dbang du bsdu ba zhes bya ba'i sngags 'di gsungs so// rag mo ti keM snying b+h+yo/ trag trag paM paM rbad phyed ni ra ma ki la ya phye/ las kyi ma mo la bstod do// sku mdog nag mo mi bzad ma// g.yu
52a2 'od 'bar ba'i lding khang nas// mun pa'i 'khor lo gzhal yas nas// sol ba'i bud med mgo dgu ma// snying yang dgu ste sbrul gyi gshog/ sol ba'i bya khyung chibs su chibs// kha nas sol ba'i mtshon nag
52a3 khol// mgo dgu ral pa gcig ma ste// rkang pa nyag phyed so sbrul rkang// lag pa skag phyed so sbrul lag/ drag po sngags kyi thun bdag mo// bal mo sdug pa'i rten grogs ma// dpal chen rngams pa'i pho nya
52a4 mo// rgyal ba rnams kyi tha tshig can// mthun pa'i bu mo spun gsum ma// ched ka drag tu sku bskyod na// mthun pa'i bud med 'bum phrag gcig/ kha nas khus 'debs dgra la 'debs// lag pa g.yas 'dor dgra
52a5 la dor// ma ru de ni dam bcas kyis// bstan pa 'jig pa'i dgra la ya// zhes bstod do// sngags rgyud nag mo las/ sngags bsgrub pa dang/ bal mo ngan sngags kyi bsgrub pa'i le'u ste lnga pa'o//// de nas
52a6 yang gsung gi bsgrub pas bka' nyan zhes bya ba 'di gsungs so// rdo rje sngags bsrung nag mo ni// e dang 'thun pa rtsa la chags// i ni bde chen grub pa'i gnas// snel gri mo yi snying srog rtsa// rme sha gsum la
52b1 rkan phab pas// da lta rme sha gsum la dga'// 'bras bus khrag dang bcas pa brten// de bzhin mthing nag sa gru gsum// trag bdun bar du gru gsum bskor// rang gi srin lag g.yon khrag byug/ mtshan ldan
52b2 dum bu drug pa la// de bzhin khrag gis trag cig bri// phyi ni sol chen dug gis byug/ ling ga ji ltar 'dod pa'i dbyibs// trag po dgu pa 'di yis bskor// nyoM nyoM hUM/ de ni thod pa'i nang du gzhag/ dgu las
52b3 gyur ba'i bcu bdun sngags// khar ni khrag blug lha dang dbye// bsnyen pa srog snying 'di yis bya// trag rag sha mu tra kha kha'i la mi tri hrir b+h+yo/ ru lu ru lu trag mo ni snying b+h+yo/ zhes dbang du bsdus te gnad la dbab
52b4 pa 'dis bya'o// oM tsa ra yaM snying kha ra sgri badzra ma dun b+h+yo/ oM me dang ra lig snying kha rag rbad/ oM me da ra hring thum ril rbad/ ces gnad la 'dis bskul lo// hUM/ mi mngon mkha' dbyings bde chen nas// sgyu
52b5 ma'i tshul gyis skur bstan pa// yag sha me dpal nyid kyi sku// dbu gsum phyug drug zhabs bzhir bgrad// spyi gtsug mkha' lding rgyal po khyung gis brgyan pa ni// klu rgyal gdug pa dbang du sdud pa'i rtags// sku
52b6 stod sbrul nag g.yang gzhis brgyan pa ni// gnyis med yum dang 'khril te bzhugs pa'i rtags// sku smad stag gi sham thabs brgyan pa ni// dpa' brtul las kyi sham thabs 'dul ba'i rtags// sku
53a1 gsung thugs dang rab tu ldan pa'i phyir// thod pa skam rlon tshogs kyi dbu la rab tu brgyan// gza' chen brgyad kyi skur rags can// zhabs bzhi brkyang bskum tshul gyis klu bdud dregs pa
53a2 gnon// ru sbal bsnol ba'i gdan la bzhugs// phyag drug dang po gnyis ni zil gnon phyag rgya mdzad// g.yas gnyis bar ma sbrul zhags bsnams// g.yon gyi bar ma klu bdud 'dzin// g.yas kyi mtha' ma
53a3 ltas ngan rgyal mo 'dzin// g.yon gyi tha ma lcags kyi thog ser bsnams// dam tshig drag po'i 'phrin las grub par mdzod// yak+Sha me dpal nyid kyi sku// lha mchog khyed kyi ma nyes mgon mdzod cig/ yab yum
53a4 gnyis las sprul pa'i lcam mo khyod// phyag na rdo rje'i sprul pa mo// sngags bsrung nag mo ral gcig ma// sku mdog nag mo tse re re// g.yu yi ral pa shar ra ra// dpral ba'i dbyes na khro gnyer spyan gcig
53a5 ma// dung gi mche gtsigs thabs se thabs// gser gyi rna cha khra la la// chibs su dre'u chen bong nag bcibs// tshems khrab nag po sku la gsol// mthing gi go cod dbul la gsol// g.yas na g.yu yi spyang mo
53a6 bsnams// g.yon na snang srid 'phrul gyi me long bsnams// dam tshig can gyi dgra lha mo// rnal 'byor yongs kyi bsgrub sde mo// sngags kyi bsrungs mar dbang bskur gyis// rdzu 'phrul mthu dang dngos grub
53b1 stsol// zhes bstod de dbang bskur bar bya'o// sngags rgyud nag mo las/ e ka tsa ti nag mo'i tshul du sku dbyung ba'i le'u ste drug pa'o//// de nas bkug pa'i sngags kyis gsad pa 'di gsungs so// trig
53b2 trig ser ser ku lu ku lu/ mo ku mo ku/ tsa ha tsa ha/ mu tra dz+wa la khA hi/ tsag badzra yag sha kro d+ha kha kha khA hi/ smi ra ta na hUM phaT/ tsag rag lding mu ru myogs/ lding ldang bu phyag phyug mi ha he/ bshu bshal mu hUM ra sa ne/
53b3 tsag tsag tseg tseg/ mu staM sti he he le he la le/ bu ru ti sh+ta/ myog myog/ thum thum/ dkar ldan mi he haM/ ku me lu tse/ ma ma rlag da dza/ ma ma rak+Sha dza/ snying hur hur/ rag mo khrag la dun b+h+yo dza/ rtsing ldang mu kha
53b4 ye kod kod/ mi ha he/ myi mya mya me tsa hUM/ tsing ldang lding/ khu tsug na/ tsa ha mu ka ye/ ting mu long tsa ka ye/ har mi ting/ prab prab prib prib/ tsing ldang tsing ldang hUM tsog na/ tsa ha mu ka ye swAhA/ mi li ka yang shi
53b5 byi myogs her re he rbad/ thod pa mtshan ldan dug rngams su/ dug sna snying sna khrag sna dang/ ba bla thal chen rnams dang sbyar// sku la gtor zhing bzlas pas dgug/ ces gsungs so// sngags rgyud nag mo
53b6 las/ thugs kyi bsgrub pa'i le'u ste bdun pa'o//// de nas 'di skad ces yon tan gyi bsgrub pa 'di gsungs so// maN+Dal cha bsnyams yid 'ong la// rtsa ba lnga yi lde gu bya'o// dbus su mthing nag gru gsum
54a1 bskor// logs la zur gsum shes par bya// dbu ma'i gru gsum rtse mo ru// ming dang rten dang mtshan rnams ni// ga gon gsum la shes par bya// gcig gi nang du thun rdzas blug/ gcig gi nang
54a2 du nyungs kar thal chen la// srog gi snying pos dbang bskur blug/ ling ga bcas pa ji bzhin ni// 'bru dgu'i sngags kyis g.yas nas bskor// gu gul dkar nag rdzas la bdug/ gsang sngags 'di yis brab
54a3 la gzhug/ rag mo ru ru ro ru tra trag rak+sha kha mun tra/ e ka dza ti snying kha rag/ rag mo te keM dza dza/ kha la ma re b+h+yo/ snying kha rag mo dza dza/ rten du skams brdungs ril bu bya// de bzhin longs spyod nor la byug/ cho
54a4 'phrul sku yang dngos su ston// gzhan gyi dbang du de mi 'gyur// ming dang mtshan ni bsreg par bya// bya nag lug nag thugs dam bskang// bsreg pa sngags rgod nyi shu pas// nyi shus btab la rtsa gcig
54a5 sreg/ 'bras bu sna tshogs sha khrag dang// me tog sna tshogs kar Ni ka yis mchod// bstod pa ni ma mo gdung ba'i klu zhes bya ste 'dis bstod do// mthing nag gru gsum 'bar ba'i klong dkyil nas// yon tan
54a6 rdzogs pa lhun gyis grub pa mo// sngags kyi bsrungs ma mthu mo can// gcer bu mgo dgu ral gcig ma// sku gsum rim gyis lhun grub mo// yon tan yi ni gter 'chang ma// me tog las byung gsang ba chos kyi
54b1 sku// 'dod chags longs spyod rdzogs pa'i sku// cir yang sprul pas dgos 'dod re ba skong// gsang ba'i dbyugs glu stong gsum di ri ri// dbyugs pa'i rkan sgras thog ser char pa 'bebs// mi mngon dbyings
54b2 nas gdug pa'i sku sprul pa// ye shes nga ros gdug pa'i dgra bgegs 'dul// zhe sdang 'dul mdzad nag mo ral gcig ma// dam tshig can gyi 'phrin las mdzod// rag mo ni rag mo ni/ du ni dun ting hang na du
54b3 ru ha na/ rbad bu rbad bu/ tshal pa tshal pa/ baM ril hUM phaT/ trag rag sha rbad/ rag sha rbad/ rag mo snying rbad/ tsit+ta rbad/ kha thun rbad/ tsit+ta ni sha ma ra ya rbad/ ces phal ba ra'i nang du brdzang la// chu mig lnga ru
54b4 gnan par bya'o// sngags rgyud nag mo las/ yon tan gyi bsgrub pa'i le'u ste brgyad pa'o//// de nas 'phrin las kyi bsgrub pa don bdun pa 'di gsungs so// rdo rje sngags bsrungs nag mo 'di// rig
54b5 pa'i gnas la chags pa ni// de yi bsgral bar grags pa ni// snying gshags ling ga dril ba gzhug/ dgu las byung ba'i skud pas btsems// sngags bsrungs nyid kyi zhal du gdags// bsgrub pa'i snying po 'di
54b6 yis bya// rag mo b+h+yo dza dza ma bdun b+h+yo/ trag rag sha/ kha mun tra mu tra mu ru lu b+h+yo/ rbad pa'i snying thun 'di yis bya// trag rag sha/ badzra tik+sha sa ma ya b+h+yo/ gsad pa drag po 'di yis bsgrub// e ka tsa ti snying kha
55a1 rag srog baM ril b+h+yo/ e ka nag mo rag mo yak+sha b+h+yo/ bsad cing mnan la gcod thun nag po yin/ e ka dza ti ri lig snying kha rag badzra dun b+h+yo/ mi sha dgra bo la ma ra ya phaT/ g.yon du dug shing
55a2 me btang ste// tsit+ta phyung nas bsreg par bya// mchod dang bstod pa'i las bya'o// sbyin sreg snying thun 'di yis bya// nyi shu rtsa gcig ling ga bri// ril bu kham phor nang du bsog/ me bya'i sha tshil sbyin sreg
55a3 bya// khrag sna tshang bar mchod pa bya// ma ma trag rag sha ru tra ma ra ya b+h+yo/ ma ma snying kha rag ma tha ling rbud/ yag sha snying te keM rbad bu rbad bu/ da rang ya rbad/ dam la dam tshig 'di yis gdags// snying kha rag
55a4 dam dza dza sa ma ya/ snying la rak+sha dza dza/ de nas don 'grub par bya ba dang/ gdon mi za ba'i ched du thod zor 'phrin las kyi bsgrub pa 'di gsungs so// mtshan ldan dum bu bzhi pa ru// 'phrin las bzhi yi dkyil
55a5 'khor bri// rtsibs la dbang bri mdun la bzhi// lho ru rgyas pa byang du e// nang du yag sha yab yum bri// dbus su 'du byed nag mo bri// phyi ni sol chen lang gus byug/ de bzhin gru gsum e la gzhag/ nang du
55a6 mthun pa'i rdzas rnams bsags// sprul pa yab yum bu mo'i sngags// bsnyen pa'i snying po bya bar gsungs// bsgrub pa grub pa'i rtags dang sbyar// 'phrin las dus su 'di ltar bya// rnel dri mo yi thod pa
55b1 ru// khrag sna dug sna tshang bar bsog/ phyir ni de bzhin byug par bya// sngon dmar bal gyis kha bcad la// drag po'i las 'di bsgrub par bya// trag rag sha mu tra b+h+yo/ ru lu ru lu b+h+yo/ rag mo rag mo ha na nag mo
55b2 tsit+ta trag rag sha la b+h+yo/ trag mo ni har hur snying la yak+sha te keM sa ma ya dza dza pra be sha phaT/ ces gang la bya ba'i yul mkhar la phog par gdab bo// ser ba 'bebs par 'dod na'ang/ rkang gsum sgyed po
55b3 btsugs pa ste// 'phrin las kyi sngags bzlas la// thab lud pa'i thal ba dang// thod pa bsil btang ngo// rnir ra khug tsit+ta baM ril shag shig/ mi rkang gsum yang phyogs su 'phangs la btang ngo// gang yang
55b4 rung ste bsgral 'dod na// drag po'i gnas su 'phrin las bri// ming rus de bzhin sngags dang gzer// tshes bzhi zla ba ser ka la// nub nas shar du brdeg par bya'o// brab dang bdug dang brdeg par bya// ling
55b5 ga gcig bcas thod par bsreg/ bsregs pa'i sngags kyis gnad la dbab// tsit+ta rbad baM ril khug dar ya/ traka rak+sha/ khrag 'khrug ni baM ril snying shag shag baM ril rbad/ ces pas gsad par bya'o// thod
55b6 zor gyi le'u ste dgu pa'o//// dam rdzas tsit+ta sngon du dbyung ba 'di gsungs so// mtshan dang ldan pa'i snying nang du// snying sna tshang ba'i phye ma blug/ 'da' ba ris dbyugs par bya'o// dum bu gsum pa'i
56a1 nang du gzhug/ ling ga ji ltar 'dod pa'i dbyibs// 'brub khung dbus su gzhag par bya// thal chen gu gul dkar nag blug/ brab ba nyungs kar rgyal pos bya// rten ni ru dar lce lnga dang// rma
56a2 bya'i rgyal mtshan dar nag go/ sna tshogs snying dang khrag tu sbyar// de ni me long mdangs kyis bkang// bar chod ming ni bsag par bya// de yi dgos su grub par byed// sems can tsit+ta sngon du dbyung// drag po
56a3 'di yis bsgrub par bya// rag mo ni sa ma yA/ rag mo ni u ma rag mo har hUM ru lu ya/ yag sha trag mo is is ma ya 'ur 'ur sa ma yA/ snying tsit+ta kha long rbad/ ba la kha la yak+sha trag sa ma ya pra mo ku ting prag mo
56a4 ku ting praM daM dza dza/ snying snying ni 'ur thed thed khrel N+ri sha ba kha la rag sha dza dza/ de nas bsgrub pa bya'o// 'dis gnad la phab pa dngos su dbyung ngo// trag trag rag sha nir b+h+yo b+h+yo/ rag sha ro la snying phyung/ ni snying
56a5 la dza dza/ he ni shag dza dza b+h+yo/ zhes bskul lo// hUM/ gsang sngags gnyan gyi bya lug smug mo'i snying sna bsogs/ gtsor ni spyang ku'i khrag gces so// me yi zil pa dang du blang// sha khrag sna tshogs ci 'byor
56a6 bshams// mthing nag dar gyi thod pas dril// bsrungs ma khyod ni mthu mo che// bal mo nag mo mi bzad ma// mthing nag cer bu dbu dgu ma// sku mdog nag mo tse re re// zhe sdang thor tshugs gcig tu
56b1 bcings// ral pa nag mo mun ltar gtibs// ral pa'i zar bus g.yas nas g.yon du 'khyil// sku la zhing lpags g.yang man bas// g.yu yi smin ma khyugs se khyugs// khrag gi mchi ma sha ra ra// dug gi mchi
56b2 ma tsa ra ra// bse yi sen mo zangs se zangs// g.yas na zhing gi tsit+ta dgu 'phreng bsnams// g.yon na g.yu yi spyang mo khro thabs bsnams/ bal mo gdug pa gsum ni thugs las pho nyar 'gyed// tsit+ta dmar
56b3 'don byed pa'i mnga' bdag mo// zhes bskul na/ ma dang sring ltar thugs dam la gnas par 'gyur ro// nyungs kar nyungs nag thal chen dang// bal mo nag mos snying mngon du dbyung ba'i le'u ste bcu
56b4 pa'o//// de nas yang gsad pa sngags kyi le'u 'di gsungs so// nyungs kar nyungs nag thal chen la// tsa ra rog po'i khrag gis byug/ ril bu nyi shu rtsa gcig bya// drag po 'di yis nyi shu rtsa gcig bcas
56b5 te brdeb// ling ga nyi shu rtsa gcig kyang// dug sbrul nag po'i ling ga bri// drag po dgu po 'di yis bskor// hUM rbad rgyab nya ma rab hoM dang ngan// drag po bcu bdun dgu ru bsdus// 'thor byed drag pa'i yi ge
56b6 ni// ltas kyi yi ge bcu bdun yin// sna la gang 'chi brtag pa'i phyir// ming rus yi ge bcu bdun ni// sna la gang 'gro 'brub khung nas// drag pos brab na de bzhin 'gyur// tha mar phyi yi sbyin sreg bya// dang po
57a1 yi ge aM bris te// gnyis pa yi ge oM yin no// gsum pa la ni oM las 'dzug/ bzhi pa hUM yin gcig pa'i sgra// lnga pa yi ge rbad yin te// ni zhes bya ba rab tu 'jug/ dar rgya yi ge drug pa'o// ba
57a2 ni bdun pa rbad la 'jug/ har bya yi ge brgyad par 'jug/ nya zhes bya ba ming yin te// dgu pa'i yi ge dang por 'gyur// ma hA li ni bcu pa ste// trag trag rbad ni bcu gcig pa// hUM naM sdud byed bcu gnyis
57a3 pa// har mo sngags ni spyod pa bcu gsum pa// ma ma ni ni snang ba'i yi ge ste// bcu bzhi par ni grags pa yin// da da has ni bcu drug 'gyur// nan zhes bya ba dkyus su 'gyur// bcu bdun mthor byed sngags
57a4 kyis brdeg/ bal mo nag mo'i sngags te// thams cad grub pa'i sngags yin te// bcu bdun yi ge sngags su brdeb// gang yin las kyi 'khor los ston// 'phrin las sbyin sregs sngags kyis bya// de yang dang
57a5 po gru gsum brtsigs// nang du sol chen gtang bar bya// kha khyer thal chen bskor bar bya// mu khyud zlum po zla khaM bam// thod pa'i ra ba shes par bya// dbus su k+sha dang trag gnyis bri// zla gam gsum la gru
57a6 gsum bri// dbus su khrag gis ma gsum bri// de'i tshe tsher ma'i shing bu la// mgo bo bsnol la de bzhin brtsigs// drag po'i sngags 'dis dbul bar bya// sna tshogs rdzas dang bcas pa bsreg/ ces drag pos
57b1 gsungs so/ oM hUM che ge mo zhig rbad/ oM tra rgya che ge rbad/ ma ma che ge mo rbad/ che ge mo har rgya ma hA ling trag trag/ rbad hUM ha ra ling trag rbad hUM/ che ge mo nan/ zhes bsregs nas/ yang de nyid du gyis bsreg
57b2 par bya'o// brdeg na yang de nyid kyis brdeg par bya'o// las la yang de nyid kyis gzud par bya ba'i le'u ste bcu gcig pa'o//// de nas snying thun 'di gsungs so// ji bzhin mthun pa'i rdzas rnams
57b3 la// drag po 'di yis gzer bar bya// trag rag sha tsag le le mu ru myag/ ling ni sha khaM/ tsag le mu ru sod/ snying baM ril trag rag mo snying kha rag tiSh+ta rbad/ trad gral tsit+ta rbad ba ni/ dga' ba'i mchog chen
57b4 po'o// e phaT srog baM ma til tsit+ta ra nan rbad/ e phaT srog grol da ra na kungs rbad/ kha thum na shag tshal pa rbad/ e phaT tsit+ta la mug thims ma ya snis/ srog khyer rbad sod sod// a lo k+Shu srog khyer/ tsit+ta la
57b5 baM ril rbad/ ces bsgrub pa'i gnad la phebs par 'gyur// e ka tsa ti drag sngags kyi le'u ste bcu gnyis pa'o//// de nas thabs 'phrin las kyi rgyal po/ bal mo ltas ngan dbab pa 'di gsungs
57b6 so// bdag nyid chen pos rab brtags te// mtshan ngan dum bu drug pa ru// snying sna khrag sna tshang bar ba sog/ 'bru sna tshong ba'i ngar blud bya// ltas ngan sna tshogs gzugs brnyan bri// rta 'am khyi nag thod par
58a1 gzhug/ de bzhin phyogs su bskyal la gnan// de nas rme yi khrag rnams la// ljags kyi dung ma 'di yis brdeg/ tshes bzhi'i srog la phyogs su 'phang// trag rag sha kha mun trag e ka tsa ti snying kha
58a2 la rag sha ma b+h+yo/ rag mo her ma hed ting kha rag b+h+yo/ ma ma snying kha rag dun b+h+yo/ zhes bskul bar bya'o// 'dis phebs par 'gyur ro// trag rag+sha e ka dza ti ni ye kha te// khaM shaM shaM las la b+h+yo/ zhes pa'o// bya
58a3 rnams 'dis bskul lo// trag ma ra trag kha la dun b+h+yo/ nag mo dun ting ling shar ma b+h+yo/ zhes bskul bar bya'o// tshigs bcad 'dis bskul lo// hUM/ gru gsum mthing nag 'bar ba'i klong dkyil nas// yang
58a4 dag sku gcig 'byung ba ni// ma mo kun gyi gtso mo ste// ral gri rgya mtsho'i klong nas bskal pa'i me 'bar ma// dbu yi gtsug nas bya gcan mang po sprul// snyan cha g.yas nas dung gi seng chen mchong// g.yon na
58a5 stag smad 'bum gyis brgyan// zhal nas ltas ngan cho 'phrul sna tshogs 'gyed// g.yas nas gser gyi brag chen zangs se zangs// g.yon nas g.yu yi mtsho chen khyi li li// gser gyi nya sprul shigs se
58a6 shigs// sen mo mdzes ma bdun ni sha ra ra// mon skad mang po di ri ri// mon mo'i snyan cha mang po khra la la// ltas ngan wa spyang mang po 'du ru ru// g.yas na ru dar nag po 'phyar// g.yon nas khrag bskam
58b1 nyungs kar 'thor// ltas ngam 'ug srin mang po di ri ri// bdag nyid dam nyams dgra la ltas ngan phob// ces ltas ngan sna tshogs kyi rgyal mo bskul bya'o// de nas bal mo ngan sngags kyi bsgrub pa'i thabs 'phrin
58b2 las kyi rgyal po 'di gsungs so// gang yin pe ta li yis blangs te// sna tshogs dug gi khu bas bsku// ling ga tshad du byas nas ni// ras sam dar ram grog la// dgra bo dag gi ling ga la// drag po sngags kyis
58b3 bskor nas kyang// gu gul dkar nag gnyis la dgug/ lha dang drag po 'di las dbye// swa nam mud tud kha yug ti// ti kha yug te sde shig shig/ graM yal gram yal swAhA/ zhes lha dang dbye bar bya'o// ga gon
58b4 nag mo'i rjes su gzhug/ de bzhin gdug byed snying kar gzhug/ bdun nam bcu drug dag la bsrig/ thal ba ba ru'i nang du gnan// chu mig nag po'i nang du bskyal// zhes gsungs so// bal mo nag mo'i cho
58b5 'phrul drag po'i sngags kyi le'u ste bcu gsum pa'o//// e ka tsa ti'i sngags rgyud nag mo zhes bya ba rdzogs so////
58b6 rgya gar skad du/


CLOSE WINDOW