CLOSE WINDOW

Gpb048.001
བོད་ཡིག

ma mo e ka dza ti spyang rgyal nag mo'i rgyud bzhugs so// ma mo e ka dza Ti spyang rgyal nag mo'i rgyud ces bya ba/ g.yu'i spyang sngon mo'i rgyud ces kyang bya/ ma tshang ba kha bskang ba'i rgyud ces kyang bya'o// dpal rang byung gi rgyal mo la phyag 'tshal lo// de nas dpal ldan lha mo rang byung gi rgyal mo de yang 'og min gyi gnas nas chos kyi dbyings kyi pho brang chen por bshegs te mi rtog pa'i don la rtog pa med par bzhugs so// mi 'phro ba'i don la spros pa med par bzhugs so// mi dmigs pa'i don la dmigs pa med par bzhugs so// mi skye ba'i don la skye ba med par bzhugs so// mi 'gag pa'i don la 'gag pa med par bzhugs so// mi 'phro ba'i don la spros pa med par bzhugs so// mi gnas pa'i don la gnas pa med par bzhugs so// mi 'gyur ba'i don la dus gsum du 'gyur ba med par bzhugs so// lhan ne/ lhag ge lhan ltam mer gnas te/ de'i tshe de'i dus na lha mo bde byed ma de yang nyid kyi sku gsung thugs dang dbyer me phyed par gnas so// de nas lha mo bde byed ma de yang mi dmigs pa'i dbyings las ma g.yos kyang/ dmigs pa'i tshul du nyid sku gsung thugs kyi sprul pa las byung ste/ nyid kyi mdun gyi tshod tsam ste don chos nyid kyi phyogs na gnas te/ 'khor lha mo'i tshogs dang/ sha za dang/ khrag 'thung dang/ nad gtong dang/ khram 'debs dang/ chags byed ma dang/ bde byed ma dang/ za byed ma dang/ gsod byed ma dang/ rmug byed ma dang/ 'phel byed ma la sogs pa mo'i 'khor mang po dang thabs cig tu bzhugs so// de'i tshe de'i dus na lha mo nag mo bde byed ma de yang byams pa dang/ dga' ba dang/ btang snyoms dang/ snying rjes 'gro ba'i don bya ba dang/ zhi ba dang/ rgyas pa dang/ dbang dang/ drag pos sems can gyi don bya ba dang/ lta ba dang/ spyod pa dang/ bsgom pa dang/ dbang dang/ dam tshig dang/ dkyil 'khor dang/ 'phrin las dang/ sngags dang/ phyag rgya dang/ ma nu'i don bya ba'i yid la dgongs nas 'khor rnams dang lhan cig tu dus gcig la me tog gi tshogs 'di lta ste/ u t+pal dang/ ut+pal chen po dang/ kun mu ta dang/ pad+ma dang/ pad+ma chen po dang/ khu byug lta bu dang/ 'di ltar lha las byung ba dang/ lha ma yin las byung ba dang/ mi las byung ba dang/ yid las byung ba dang/ sa las byung bas kyang gtor ro// kun tu gtor ro// rab tu gtor ro// gzhan yang bdug spos kyi tshogs tsan dan phye ma la sogs pa dang/ gzhan yang zas kyi rnam pa dang/ phyi dang nang dang/ gsang ba'i mchod pa dpag tu med pa rnams yid las byung ste/ thogs nas lan brgya stong du mar bskor zhing mchod de 'di skad du/ kye kye dpal ldan rang byung rgyal mo che// bzhengs shig chos kyi dbyings nas bzhengs// bskul lo 'gro ba'i don la bskul// gshegs shig 'phrin las bdag mor gshegs// bskul lo 'phrin las bdag mor bskul// mi dmigs dbyings nas ma g.yos kyang/ 'jigs tshul gzugs su bstan du gsol// mi rtog ngang las ma g.yos kyang// rtogs pa bsal phyir dbyings nas bzhengs// bdag ma yin par yid ches phyir// 'gro ba'i don la gsol 'debs na// gnas nas phan pa gdags phyir na// bstan pa'i don la dgongs te gshegs// zhes gsol pas/ dpal lha mo rang byung gi rgyal mo de yang mi rtogs pa'i don las ma g.yos kyang/ 'gro ba'i log rtog bsal zhing bsdu ba'i phyir/ skye ba'i cho 'phrul bskur bzhengs te sku mdog mthing nag zhal gcig phyag gnyis pa mche ba gtsigs pa/ ral pas sa gzhi khebs pa/ spyi bo'i gtsug na g.yu'i ral pa gyen du bsgreng ba/ zhabs gyad kyi dor stabs su bzhugs pa/ phyag g.yas na bam chen po'i tsit+ta srog pa rtsa dang bcas nas 'dzin pa/ g.yon na g.yu'i spyang mo khra thabs su bsnams pa/ sku gsung thugs kyi sprul pa gong dang mthun par bsam gyis mi khyab ste/ skad cig tsam dbyings rnam par dag pa'i ngang las bzhengs te/ dper na nam mkha' stong pa'i ngang las sprin 'dus pa bzhin du 'am/ chu la chu bur byung ba ltar bur byon to// de nas de'i tshe de'i dus na dpal lha mo chen mo rang byung gi rgyal mo de nyid kyi pho brang thugs las bskyed cing spros pa zhes bya ba'i ting nge 'dzin la zhugs te spros pa/ e yaM raM tsaM keM b+h+ruM rme s+pha ra na phaT ces pas/ nam mkha' kun tu bzang mor bskyed do// de'i steng du yaM pha ra na phaT ces pas/ rlung gi dkyil 'khor sra zhing mkhregs pa bskyed do// de'i steng du raM s+pha ra na phaT ces pas/ ra las rak+ti'i rgya mtsho zab cing gting ring ba bskyed do// de'i steng du baM las zhing chen gyi sa gzhi mtsho la dar chags pa ltar bskyed do// de'i steng las s+pha ra na phaT ces pas/ keng rus kyi ri rab dpag cing tshad las 'das bskyed do// de'i steng du bi sha bi shur d+he ban d+ha dz+nya na maN+Dal la e b+h+ruM zhes/ ban d+ha thod pa ye shes kyi gzhal yas khang shar sher dkar ltar dkar ba/ lho baiDUr+Ya ltar sngo ba/ nub byi ru ltar dmar ba/ byang in tra NI la ltar ljang ba/ 'og mthing nag gru gsum drag po/ de'i mtha' ma dbang gi zla gam dmar po/ de'i mtha' bzhi zlum po dkar/ de'i mtha' grur chad rnams bzhi ljang/ de'i mtha' rgyas pa grub bzhi ser mo/ de'i mtha' sgo bzhi rigs dang mthun pa/ de'i mtha' mu khyud nag mo me ri dang bcas pa ste gong dang 'dra bar bskyed do// de'i dbus su ma ru tra sti ra baM zhes pas/ bdud ma trang ka ru na dang/ sti ra pho mo'i snying po'o// de'i steng du nyid kyi thugs ka nas ma spros te/ ma su r+Ya maN+Dal zhes pas nyi ma'i dkyil 'khor bskyed do// de'i steng du trag rag taM kha ti ra baM zhes brjod do// nam mkha' stong pa la thogs babs pa ltar rang babs te gnas pa la 'jig rten gyi khams thams cad 'gul/ rab tu 'gul/ ldeg rab tu ldeg 'dar/ rab tu 'dar/ 'ur 'ur/ rab tu 'ur 'ur/ shig shig rab tu shig shig de'i tshe lha dang klu dang bdud dang/ mu stegs dang/ gshin rje la sogs pa thams cad kyis bran dang g.yog tu khas blangs so// dgra dang bgegs rnams ni rang dul du gnas so// sangs rgyas dang byang chub sems dpa' rnams ni dges te/ a a hi hi a la la zhes gsung zhing yi rang ngo// gleng gzhi'i skabs te dang po'o//// de'i tshe de'i dus na dpal lha mo bde byed mas// dgyes dgyes rab tu dgyes/ mgu/ rab tu mgu nas/ hi hi zhes dges pa'i sgra byung ste/ yang gong ltar 'khor rnams dang bcas te bskor ba mang po byed cing zhes phyi nang gi mchod pa dang me tog 'thor zhing 'di skad du/ kye kye dpal ldan rang byung rgyal mo ste// bdag gis bstod cing gsol ba las// thugs rjes byon pa rjes yi rang// kye ma rang byung rgyal mo nyid// bdag ni rtag tu khyod la 'dud// bdag ni khyod la gus phyag 'tshal/ khyod la gus pas phyag 'tshal nas// bdag ma yin pa yid ches phyir// gong du gsungs pa'i don rnams la// ma tshang ba yi kha tshar rnams// bdag la legs par bstan du gsol// lta ba spyod pa bsgom pa dang// 'bras bu bya ba ji lta bu// bdag la bstan zhing bshad du gsol// zhes gsol ba gsan pas/ rang byung rgyal mos bka' stsal pa// nyon cig lha mo bde byed ma// nga ni mi dmigs mi rtogs pa'i// chos dbyings b+ha ga'i klong gnas tshe// 'gro ba'i don la gsol 'debs pa// lha mo bde byed rjes yi rang/ khyod kyi zhus pa'i don rnams kyis// ma tshang ba yi kha tshar rnams// legs par bshad kyis go bar nyon// nga ni rang byung rgyal mo ste// nga ni e ka dza ti yin// e zhes bya ba lta ba yin// e ni nam mkha' kun tu bzang// e ni sarba d+harma'i sgras// chos rnams thams cad nam mkha' yin// nam mkha' kun tu bzang mo yin// kun ni mang po thams cad yin// tu ni rigs cing 'dus pa yin// bzang mos spang blang med pa yin// a ni chos dbying nam mkha' yin// a ni dbu ma chen po yin// a ni skye ba med pa yin// e ni chos dbyings nam mkha' yin// skye ba med pa'i don rtogs pa// de ni yi ge a ru bstan// ka ni spyod pa'i 'phrin las yin/ sarba ku ru/ karma ka ra ka yi sgras// thams cad bya btsal 'phrin las yin// spyod pa bya byed 'bad rtsol rnams// gong ma'i skye med dang du spyod// skye med dmigs med a ru spyad// a ni skye ba med pa'i don// e ni 'gag med yum gyi dbyings/ skye med 'gag med chos dbyings las// ma g.yos rnams par byed spyod spyad// ti ni tiSh+Tha brtan pa ste// brten pa'i dgra ni tiSh+Tha yin// tiSh+Tha ma nor brtan pa yin// brtan pa sems nyid bsgom pa yin// sgom pa ting nge 'dzin pa yin// 'dzin pa mi stong stong pa yin// brtan pa 'dzin dang mi stong ba// de ni ting 'dzin ma yengs yin// sems nyid ma skyes mi 'gag la// 'dzin dang brtan dang ma yengs na// ti ni ting nge 'dzin pa ste// rang gi sems nyid tiSh+Tha yin// 'dzin ni 'bras bur bstan pa ste// lta ba dag par bstan pa ni// snang srid yod med bde sdug rnams// ye nas rnam dag chos kyi sku// de ltar rtogs pa lta ba'i don// de la gnas pa sgom pa yin// rtog dang gnas dang ma yengs na// lta sgom mtha' ru phyin pa yin// rtogs dang gnas dang ma yengs rnams// mngon du gyur pa 'bras bu yin// lhag par khyad par mngon gyur na// 'bras bu yin te dza ru bshad// ces gsungs te// gleng bslang zhu ba phul nas lta spyod zhus pa'i skabs te gnyis pa'o//// bde byed lha mos yang gsol pa// kye dpal ldan rang byung rgyal mo che// e ka dza Ti zhes bya ba'i// ngo bo dbye ba nges tshig dang// gnas dang 'khor dang 'dul ba'i zhing// de dag byed brag bshad du gsol// zhes gsol pas/ rang byung rgyal mos bka' stsal pa// nyon cig lha mo bde byed ma// e ka dza ti zhes bya yi// de yi ngo bo 'di ltar lags// chos kyi chos ni dag pa dang// rigs pa'i sems nyid stong pa ni// e ka dza ti'i ngo bo yin// chos nyid stong pa'i ngang nyid la// rig pa'i sems nyid gzhag pa ni// e ka dza ti'i ngo bo yin// don dam chos nyid rtogs pa dang// rtogs pa'i don la gnas pa dang// de las mngon du gyur pa ni// e ka dza Ti'i ngo bo yin// e ka dza ti'i dbye ba ni// ye shes e ka dza Ti dang// las kyi e ka dza ti dang// sprul pa'i e ka dza ti'o// sngags kyi e ka dza Ti'o// ye shes e ka dza ti ni// gong ma'i e ka dza Ti yi// ngo bo de las ma g.yos pa'o// sprul pa'i e ka dza Ti ni// gong ma'i de las ma g.yos ngang las sku sprul nas/ sprul pa'i sku ru tshul bstan nas// gsang sngags phyi nang bka' bsrungs zhing// dam tshig nyams pa'i srog kyang gcod// dam la gnas pa'i tshe yang 'dzin// bka' las 'gal ba'i snying yang 'byin// dam tshig can gyi grogs kyang byed// bsgrub pa po yi las byed cing// rnal 'byor yongs kyi sku 'tshol ba// sngags kyi e ka dza ti dang// las kyi e ka dza Ti'o// e ka dza Ti'i nges tshig ni// e ni lta bar bstan pa dang// ka ni spyod par bstan pa dang// Ti ni bsgom par bstan pa dang// dza ni 'bras bur bstan pa ni// e ka dza Ti'i nges tshig yin// don du lta spyod rnam pa bzhi// e ka dza Ti'i nges tshig yin// yang na nges tshig 'di ltar lags// e ka bya ba gcig la zer// dza ti bya ba ral pa ste// ral gcig ma zhes bya ba yin// don du spyi bo'i gtsug rum na// g.yu yi ral pa yod pa la// nges pa'i tshig tu bos pa yin// rang bzhin gcig tu nges pa med// gong ltar btags pa de ltar yin// e ka dza ti bya ba yin// e ni yum gyi b+ha ga yin// ka ni 'phrin las bdag mo yin// ti ni rig pa'i sems nyid yin// dza ni dpal chen gzungs ma yin// kun tu bzang mo bya ba ba'ang yin// rang byung rgyal mo bya ba'ang yin// sgeg ma chen mo bya ba yin// dpal gyi gzungs ma bya ba yin// sna tshogs rang bzhin tha dad med// ces gsungs so// ngo bo dang/ nges tshig dang/ dbye ba bstan pa'i skabs te gsum pa'o//// rang byung rgyal mos 'di skad gsungs/ e ka dza Ti'i gnas dang 'khor// gnas ni chos kyi dbyings la gnas// ye shes rig pa'i 'khor gyis bskor// gnas ni rig pa'i sems la gnas// rnam shes tshogs brgyad 'khor gyis bskor// 'dul ba'i zhing yang 'di lta ste// sems las byung ba thams cad dang// nam mkha' khyab pa thams cad la// e ka dza ti'i thugs kyis sprul// gzugs su snang ba thams cad kun// e ka dza Ti'i sku yis 'dul// sgra ru grags pa thams cad kun// e ka dza ti'i gsung gis 'dul// 'dul dang med 'dul gang yang med// thams cad sems su mngon shar bas// sems nyid nang du kun ka rdzogs// sems nyid dbyings su kun dga' gnas// sems kyi dbyings la kun gyis bskor// sems nyid rtogs na thams cad dul// sems nyid rnam par dag pa la// gnas dang 'khor dang 'dul ba'i zhing// bye brag grangs kyis bgrang du med// ces gsungs te/ gnas dang/ 'khor dang/ 'dul ba'i zhing bstan pa'i le'u ste bzhi pa'o//// bde byed lha mos yang gsol pa// e maho rang byung rgyal mo che// don dam chos nyid bdag mo lags// don dam yang dag nyid du ni// gnas dang 'khor rnams ma mchis kyang// kun rdzob bsgrub pa'i rnal 'byor pas// gnas ni gang dang gang du bsgrub// dus ni gang dang gang la gtad// dkyil 'khor maN+Dal ji ltar bri// bsgrub pa'i rdzas rnams ji ltar dgod// gzas pa'i ming rus ji ltar bri// bskyed dang spyan drangs ji ltar bgyi// mchod cing bstod pa ji ltar lags// rbod rbad gsad pa'i sngags ni gang// bskul zhing 'phrin las ji ltar bcol// pho sngags mo sngags gang dang gang// dbye ba'i thabs dang dbye sngags dang// brtag pa'i thabs ni gang rnams yin// phyi rtags nang rtags gsang rtags dang// rtags med dkrug cing gnad la bor// brdeg pa'i rim pa ji ltar lags// las grub mtha' brtul sby-in sreg dang// mnan zhing gzer ba'i 'phrin las dang// mtshan ma'i bar chod brtags pa dang// bskang ba'i thabs dang spogs pa'i thabs// rang byung rgyal mos bshad du gsol// zhes gsol pas// rang byung rgyal mos bka' stsal pa// nyon cig lha mo bde byed ma// e ka dza Ti bsgrub pa'i gnas// gnas ni dben la nyams dga' dang// bkra shis yo byad phun sum tshogs// ri gsum rtse dang chu gling dang// brag dmar dur khrod shing gcig drung// ngam phug grog phug phu rdugs dang// ri gsum dang ni mi khyim med// de lta bu ru bsgrub par bya// dus ni zla ba bzang po dang// brgyad dang bcu gsum bcu gcig dang// bco lnga bco brgyad nyi shu gnyis// nyi shu lnga dang gnam stong la'o// dkyil 'khor bri las rnam bzhi ste// dbus su gru gsum mthing nag drag/ de mtha' zla gam dmar po dbang// de mtha' zhi ba zlum po dkar// de mtha' rgyas pa gru bzhi ser// de mtha' sgo bzhi rigs dang sbyar// de mtha' lcags ri zlum po me// lho nub dpal gtor byang shar yang// shar lho ling ga byang nub dug/ byang shar tshe dang nyungs kar ro// gzhan yang ces shing dgos pa rnams// rnel gri mo yi ban d+ha la// sngags dang rdzas blugs dar gyis dril// byang gi dbang la bla rdo'i khar// dbus su sku rten 'khar ba la// ling ga btags la rme la bzhag/ ming rus bri ba 'di ltar bri// mgo la ming bris snying khar rus// 'doms su phaT bri tha ma dza// dang por chos nyid de bzhin nyid// gnyis pa kun snang gsum pa rgyu// de la sku bskyed he ru ka/ thugs las e yaM raM baM keM b+h+ruM// 'byung ba rim par brtsegs pa'i steng// bruM las ban d+ha'i gzhal yas khang// nang du gdan bting thugs las trag/ skur bskyed spyan drangs bzhugs gsol phyag/ mchod cing bstod las 'phrin las bcol// rbod cing rbad pa 'di rnams so// sum cu rtsa gnyis bod pas sngags// trag nas b+b+h+yo rbad rbad pa'i sngags// trag nas sod mchod so bzhi pa// rbod dang gsad pa'i sngags rnams so// bskul zhing 'phrin las bcol ba'i tshig ni// mi mngon mkha' dbyings bde chen bya ba dang// 'phrin las rnam bzhi bya bas bskul// pho sngags bstan pa ni/ pho sngags trig trig ces pa ni// yul la brdeg pa'i pho sngags dang// cing lding ta ri don la brdeg/ trig trig pho la ci lde mo// dbye ba'i sngags ni 'di ltar ro// e phaT dga' ba'i mchod ces pas// dbye ba'i sngags su shes par bya'o// brdeg pa'i sngags ni 'di ltar ro// gris su skud pa bcad cing brdeg/ spyi dang khyad par gang yin rnams// bye brag phyi la shes par bya// phyi rtags nang rtags gsang ba'i rtags// de la phyi rtags 'di rnams so// gru gsum dbus sam dkyil 'khor 'khar// 'bu drud 'dra dang byi ba'i rjes// rta glang rjes dang phag pas rlogs// ko kaM snying bus rtsol 'dra ba// de rnams byung na phyi rtags so// nang rtags bya nag 'ong ba dang// bud med nag mo byung ba dang// ling ga 'dar dang khrag thun lud// de ni nang rtags rdzogs pa'o// gsang ba'i rtags ni 'di rnams so// 'od dang sgra skad snyan po sgrogs// sku gzugs mngon du ston pa dang// tsit+ta sngon du 'ong ba dang// bla rtags mngon du 'ong ba ni// gsang ba'i rtags rnams rdzogs pa'o// dkrug cing gnad la bor ba ni// e trag rag sha mu tra b+h+yo/ ru lu ru lu nag mo ha ma ha ni b+h+yo/ ru lu ru lu nag mo tsit+ta ma la b+h+yo// ru lu ru lu nag mo mu ti mkha' 'gro ti ti b+h+yo/ ru lu ru lu nag mo ha ra ha ra hrur dug ti hed b+h+yo/ ru lu ru lu zhes dkrug par bya'o// des kyang grub par ma gyur na// gnad la 'di yis bor bar bya// ma mo'i sku gzugs byas nas kyang// rang gi rkang pa'i 'og tu gzhug/ ma ma trag rak+sha snying kha rag/ ma ma'i ling ling/ du ma ling ling/ du ma ra na ling ling/ hur ti hur tra/ ma kha le ma tang yaM yaM zhes brjod do// ma mo thams cad lhu 'dre ste// dug gtor nang du chud par bsam// de nas shi sa bsten bya zhing// gnad la rab tu bor bar bya// brdeg pa'i rim pa 'di ltar bya// rtags mtshan mngon du byung 'gyur nas// dgra bo dgug pa'i tshad ldan na// dang po phur bu nyungs kar dang// gri dang 'khar ba bla rdo dang// dug dang khrag dang rtsang gis brdeg/ de dag so so'i sngags dang bcas// rim pa bzhin du brdeg par bya'o// de nas sbyin sreg 'di ltar ro// byang shar mtshams su dug shing la// hoM thab khru gang rtsig bya ste// rkang gling nang nas me sbar te// snying gi nang du ming rus bcug/ gri dang phur bus gdab cing gtub// snying dang ling ga gtub bya zhing// ma mo drug cu rtsa brgyad kyi// sngags kyi sbyin sreg bya bar bshad// yang na sbyin sreg 'di ltar bya// ma mo'i 'phrin las gzhung bsrang ste// bskyed phyag spyan drangs bzhugs gsol bya// mchod cing bstod pa phul nas su// sbod rbad gsad pa'i sngags kyi bsreg/ gnan pa'i thabs kyang 'di ltar ro// sku rten 'khar ba sa tshon rab bsdus la// 'khar ba'i 'og tu ling ga gzhug/ sa g.yos 'phrin las rnam bzhis gnan// mtshan ma'i bar chod 'di rnams kyang// bsnyen dang bsgrub pa'i dus su spang// de yang gang dang gang zhe na/ khyi dang bud med mi bsnyen zhing// 'dod chags can la rdzas mi bstan// mi nag mi dang kha mi phrad// sngags la mi tshig spel mi gzhug/ spogs pa'i thabs ni 'di ltar bya// dang por gnas pa 'khar ba'i rje// maN+Dal bri zhing rdzas rnams dgod// 'phrin las gzhung bsrang bzlas brjod dbul// skabs su tshogs dang phud kyis bskang// rme bshags gdung zhing mchi ma dbyung// dmod gzugs dam brdar 'o 'dod bod// de ltar lan gsum bar du bya// de ltar byas nas gdon mi za// zhes gsungs so// 'phrin las rgyas par bstan pa'i le'u ste lnga pa'o//// bde byed lha mos yang gsol pa// e ma ho// dpal ldan rang byung rgyal mo che// 'phrin las rgyas pa'i bdag mo ni// nyid kyis 'phrin las btus pa gang// phyi rabs blo dman don ched du// rang byung rgyal mos bshad du gsol// rang byung rgyal mos bka' stsal pa// nyon cig lha mo bde byed ma// 'di dag don kun shin tu zab// nga yis bshad kyi go bar gyis// nyon cig lha mo bde byed ma// thugs kyi bsgrub pa 'di la ni// dkyil 'khor 'phrin las rnam bzhir bya// dbus su zhing gi snying khrag gis// rgyu yi snying po trag cig bri// dbus su skyer ba'i 'khar ba la// shes rab mtshal dang a mr-i ta// rgya bo khyi yi snying khrag dang// dbang bskur byas la ling ga gdags// yungs kar yungs nag bsngags la brdeg/ rnel gri mo yi ban d+ha la// sol ris byas la khrag sna gsum// dkar kor gsum gyi bskyed bu la// byang gis dbang la dar gyis dril// ma mo'i snying po gang yin bzlas// rag ta khol dang tsit+ta dang// don po de yi rjes ngan yong// dngos grub rnam gsum rang dbang bskur// de ltar mngon du gyur pa dang// e phaT ces ni dkrug par bya// de nas byang shar hoM khung du// ra dug ra lcags spyang tsher hoM// rnams kyi gling bus med sbar la// sbar nas ma mo drug cu rtsa brgyad kyi// sngags kyis sbyin sreg bya ba'o// tsit+ta byung bar gyur pa na// 'khar ba'i ming rus nang du gzhug/ gong nas 'phreng ba'i mdo 'dzin la// lcags phur mtshon gang ba cig gdags// byin gyis brlabs te snying la brdeg/ stong ngam khri yis 'debs pa dang// gling bus a 'dar byas pa la// 'jam dpal gyis ni gtub bya zhing// sngags kyi sbyin sreg bya ba'o// zhes bya ba'o// 'phrin las btus nas bstan pa'i le'u ste drug pa'o//// bde byed lha mos yang gsol pa// e ma ho rang byung rgyal mo che// 'phrin las don ni rab tu zab// de don yang dag bshad du gsol// zhes gsol pas/ rang byung rgyal mos bka' stsal pa// nyon cig lha mo bde byed ma// de don man ngag 'di ltar lags// 'di la thog mar bsod nams tshogs bsag rab tu bces// rdzas dang yod byad bsags shing sgrub tu shis pa la// gza' skar drag la gtad de phyi mtshams nang mtshams bcad// bdag nyid che mchog bsgoms te trag las ma mo bskyed// zhi ba rgyas pa dbang dang drag po'i nang// sku rten btsugs te spyan drangs mchod bstod bya// bla rdo stsal te byang phyogs zla gam la/ kha la thod bskyon nang du snying khrag blugs// sol ris bris la dam nyams bla rdo gzhug/ le brgan dmar pos dril la steng nas rgya yis gdab// dar la skar khung btod la drag sngags de ru bstim// ling ga brgyangs la sku rten dag la gdags/ khrag khol rlangs pa byung na grub pa'i rtags// rgya zhig tsit+ta byung na grub pa'i rtags// tsit+ta mngon du byung na dbang bskur dgongs pa bya// de nas phyug la gru gsum nang bcug ste// sngags pa byung blta phyogs bzhir mda' thun brdeg/ de steng phur pas brdeg cing mtshon gyi char pa dbab/ khrag thun phab la bla rdos brdung bar bya// ro rnams bsdus te byang shar hoM du bsreg/ rnam bzhi'i stabs kyi thal ba hoM du gnan// yang na ging gi bdag po dag la gtad// thun lam bsal zhing thun khrag dgra la brdeg/ sku rten sa tshon bcas pa dgra la rtse bstan gnan// dgra la rtags byung blangs te gtang rag gtang// gtsang mar sbas la rtag par de la mtshon// las la phyi nas sbyor yang 'khar ba de la bya// zhes gsungs so// 'phrin las mngon par bstan pa'i le'u ste bdun pa'o//// bde byed lha mos yang gsol ba// dpal ldan rang byung rgyal mo che// spyi ru sgrub thabs du ru bstan// phyi ltar bstan cing bshad pa dang// nang ltar bstan cing bshad pa dang// gsang bar bstan pa ji ltar lags// zhes gsol pas/ rang byung rgyal mos bka' stsal pa// nyon cig lha mo bde byed ma// sgrub thabs rnam pa drug tu bstan// sku ni 'khar ba les brten la bsgrub// gsung ni khrag la brten la bsgrub// thugs ni snying la brten la bsgrub// yon tan dug la brten la bsgrub// 'phrin las phur pa dag la brten la bsgrub// drag sngags yungs kar dag la brten la bsgrub// sku yi sgrub pa gong du bstan// de la bye brag shes par gyis// de nas nang ltar bstan pa ni// gsung gi bsgrub pa yang dag bshad// de dag nang ltar bstan pa ni// dbang thob gdeng ldan rnal 'byor gyis/ khrag thun mngon du bsgrub 'dod na// sa yi cho ga gzhung bzhin bya// bsgrub pa'i dkyil 'khor tshul bzhin bri// dkyil 'khor mthing nag gru gsum du// sgyed bu gsum khar thod khrag gzhag/ rgyas gdab sol ris le brgan gur// bya rgod sgro rtsa dag nas bsngags// sgo bzhi 'byed pa'i pho nya btang// sngon dmar gzungs thag lcags phur gtod// 'byung bzhi'i ma mor bsgom la gdab/ khrag thun mngon du bsgrub par bya'o// zhes gsungs so/ khrag thun gyi bsgrub pa'i le'u ste brgyad pa'o//// bde byed lha mos yang gsol pa// dpal ldan rang byung rgyal mo che/ khrag thun mngon du bshad du gsol// zhes gsol pas/ rang byung rgyal mos bka' stsal pa// lha mo bde byed tshur nyon cig/ de la drag po'i thun bsgrub ni// bsnol gri mo yi thod pa ru// pad+ma rak+ta bam snying khrag/ rgya bo khyi yi snying khrag dang// ra yi snying khrag blugs nas su// ya tha'i sngags dang yungs kar blugs// le brgan dar gyis kha bcad la// tshon sna lnga yis bcings la bzhag/ steng 'og thal chen rak+ta yis// g.yung drung rgya yis gdab par bya// don bdun ma b+h+yo'i thog mtha' can// rgyun du grangs pas las rnams byed// ma mo'i rtags rnams byung bar 'gyur// rgya zhig tsit+ta 'phar ba 'ong// gal te byung bar gyur pa na// las la gzud pa rbad pa'i sngags// brgyad pa ma hring thog mtha' can// gong dang spel te bzlas byas na// gong gi rtags rnams 'byung bar 'gyur// mtshan ma rtags la phebs pa dang// gsad pa'i drag sngags drag tu bzlas// rtsa dgu ma yi thog mtha' can// rtag tu bzlas pas las byed 'gyur// gdug pa'i mtshon gyi gris gtub cing// kI la ya yis brdeg par bya// ro cig oM ya'i thog mtha' can// rtsa brgyad trag tu bzlas la btags// drag po'i ma mo thams cad bskul// tsit+ta ling ga hoM la bsreg/ thun khrag lus sam khyim la gtong// ma mo bskul pa 'phang bar bya// zhes gsungs so// thun khrag mngon du bstan pa'i le'u ste dgu pa'o//// bde byed lha mos yang gsol pa// e ma rang byung rgyal mo che// snying thun mngon du bsgrub pa gang// bde byed lha mos bshad du gsol// zhes gsol pas/ rang byung rgyal mos bka' stsal pa// nyon cig lha mo bde byed ma// de la snying thun bsgrub 'dod na// mngon du bya ba rdzogs pa dang// dkyil 'khor mthing nag gru gsum du// dbus su ban d+ha kha sbyar la// phyi rol dug khrag dmar nag byug/ gri mor shi ba'i snying chen la// nang du snying phye sna tshogs blugs// rgyus chen dag gis btsem par bya// ming rus ling ga sngo dmar gdags// de yang snying gi nang du gzhug/ skud pa srog rtsa'i nang nas dbyung// lcags phur btod la gdug byed bsgom// thod pa'i steng du bu gu dbug/ gri lcags bu gur yungs kar sngags// mthing nag dar ras le brgan gur// rgya dang bcas te sngo dmar bcings// srog gi snying po sngon du bsgrub// rtags dang sbyar la las la sbyar// yungs kar yungs nag sngags la blugs// de nas phur bu dril bya zhing// snying la mgo gzhug med par brdeg/ de nas snying dang ling gar bcas// gtub cing sngags bzlas gtor mar gzhug/ gtor ma bdud kyi nyi ma la// rlung la bskur na phur par 'gyur// zhes gsungs so// snying thun bstan pa'i le'u ste bcu pa'o//// bde byed lha mos yang gsol pa// dpal ldan rang byung rgyal mo che// snying thun sngon du bsgrub pa gang// rang byung rgyal mos bka' stsal pa// snying thun sgrub par 'dod pa yis// dkyil 'khor dag la lcags phur dgod// dbus su ban d+ha kha sbyar la// gri mo'i snying gshags snying phye blugs// gzas pa'i ling ga rkang pas gnan// brtags la srog rtsa'i nang nas drang// gru gsum rtse la phur pas spras// rgyus chen skud pas tsit+ta btsem// sngon dmar skud pas thod pa bcing// lcags kyi spu gu'i nang na mar// nyungs kar sngags la nang du blugs// tsit+ta sngon du 'byung bar 'gyur// tsit+ta 'byung bar gyur pa na// lcags kyi phur pas snying la brdeg/ de nas snying dang ling gar bcas// gtor mar btab cing zhal du blang// 'phrin las gzhung bsrang dgu 'dren btang// gtor ma rlung la phyar la btang// zhes gsungs so// snying thun sngon du bstan pa'i le'u ste bcu gcig pa'o//// bde byed lha mos yang gsol pa// dpal ldan rang byung rgyal mo che// snying thun gyi ni bdag mo ni// dug thun yon tan bshad du gsol// rang byung rgyal mos bka' stsal pa// de la yon tan dug thun ni// shin tu drag po'i mdze thod la// dug dang khrag dang tshil chen la// sna tshogs dug dang khrag tu sbyar// chang dang sbyar la nang du blug/ bsnol mo'i dor rtas kha yang bcad// dug sngags drag pos dug thun bsgrub/ khol lam rlangs byung spos pa na// dug thun mngon du grub pa yin// de nas gzugs dang ling ga rnams// dug gi rlangs pas ling ga 'dug/ de nas gzugs dang ming rus bcas// gru gsum bcug la dug gis brdeg/ dug gis myos shing shi bar bsam// zhes gsungs so// dug thun bstan pa'i le'u ste bcu gnyis pa'o//// bde byed lha mos yang gsol pa// dpal ldan rang byung rgyal mo che// dug thun mngon par bshad du gsol// rang byung rgyal mos bka' stsal pa// dug thun mngon du bsgrub 'dod na// dkyil 'khor gru gsum mchod rten dbyibs// dug dang thal chen sol bas byugs// thod 'phreng rdo rje rwa ba dang// mchod pa la sogs pa bris// dug gis shi ba'i thod pa ru// tsan dug spangs dug khyi dug dang// ra dug bong dug thal nur dang// bong nga nag po khyi lce ba// bse zho skyung chang sbrang rgod blugs// steng du rtsang dang mchog phur gyis// gzugs dang ming rus rgyang la gtub// trag las ma mo nag mo bskyed// spyan drangs bzhugs gsol mchod bstod bya/ kha nas dug gi na bunu 'thul// dug gi ral pas sa gzhi khebs// phyag na dug gi phor pa bsnams// sems can thams cad myos par byed// sku la dug gi spyang mo 'phro// dug gi ma mo pho nyar 'gyed// de ltar bsgom la dug bsngags bzlas/ khol dang lud dang sbos pa dang// dud 'thul 'od 'phro me 'bar na// dug thun mngon du grub pa yin// de nas gzugs dang ming rus rnams// gru gsum bcug la ming gis brdeg/ dug sngags gdug pa drag sngags bzlas/ dug gis myos shing shi bar bsam// lhag ma dgra yi phyogs su 'phang// 'jig rten khams ni thams cad du// dug gi na bun 'thibs par bsam// dug gis thams cad brlag par gyur// zhes gsol to// dug thun mngon par bsgrub pa'i skabs kyi le'u ste bcu gsum pa'o//// bde byed lha mos yang gsol pa// dpal ldan rang byung rgyal mo che// phur thun gdug byed bshad du gsol// rang byung rgyal mos bka' stsal pa// nyon cig lha mo bde byed ma// gdug byed phur thun 'di ltar sgrub// dkyil 'khor gru gsum mthing nag la// dbus su zur gsum mthur du brko/ kha khyer thod 'phreng me ris bskor// lcags kyi phur pa sor brgyad la// gdug byed nag mor bsgom par bya// ming rus gzugs dang ling ga yang// phur pa de la gdags par bya// gu gul dud pas lha dang dbral// phur pa dbang bskur zur gsum gzugs// bskyed cing spyan drangs gdug byed bsgom// drag po'i phur thun bsgrub par bya// rtags dang mtshan ma thon par bya// de nas phur pa dril bar bya// gdug byed phur pa ming rus brdeg/ de nas byang shar hoM du bsreg/ ces gsungs so// phur thun mdor bstan pa'i le'u ste bcu bzhi pa'o//// bde byed lha mos yang gsol pa// dpal ldan rang byung rgyal mo che// phur thun mngon du bstan du gsol// rang byung rgyal mos bka' stsal pa// gdug byed phur thun 'di ltar bsgrub// lcags sam drag po'i phur pa la// tshe dang ldan par byas nas kyang// spyi bor oM la mgrin pa A// bskyed par hUM la rtse mor phaT// sku gsung thugs su dbang bskur bya// ye shes lngar ldan dbang bskur la// gdug byed nag mor bskyed par bya'o// gzas pa'i gzugs dang ming rus dang// sol ba tshig phye dri ma dang// sha chen khrag chen zhing ras dang// go ro tsa na la sogs la// chag gang gzugs la dngang po dod// ras sam gro ga shing shun la// ming rus bris la mdun rgyab glan// tshon skud lngas bkyig phur pa la// btags la gu gul dud pas bdug/ de nas dkyil 'khor gru gsum la// gru gsum dbus su sor gsum bru/ kha khyer thod 'phreng me ris bskor// de na phur bu gzugs par bya// gdug byed nag mo nga nyid kyang// phur pa de la bskyed cing bstim// snying khrag srog pa rtsa yi khrag/ pad+ma rak+ta'i gtor ma dang// chang phud sman dang spyan gzigs kyang// gdug byed nag mo nyid la dbul// de la gdug byed phur thun bsgrub// grub rtags 'od dang du ba dang// me 'bar sgra dang dri zhim na// 'bar ba'i sngags bzlas gzugs la brdeg/ da ra hing gi ming la brdeg/ da ra lib kyi ru la brdeg/ de nas lus spyir ts+tshin d+has brdeg/ de nas gzugs dang ming rus de/ nA ga gnas pa'i sa ru sba// yang na byang shar hoM du bsreg/ de yis gzas pa phung bar 'gyur// zhes gsungs so// 'phrin las phur thun mngon par bsgrub pa'i le'u ste bco lnga pa'o//// bde byed lha mos yang gsol pa// dpal ldan rang byung rgyal mo che// thun rnams kun kyi bdag mo na// drag sngags bsgrub pa ji ltar lags// rang byung rgyal mos bshad du gsol// zhes zhus pas/ rang byung rgyal mos bka' stsal pa// drag sngags zhes su gsungs pa yang// pho sngags dang ni mo sngags so// mo bas mo ni rab tu trag/ pho bas pho ni rab tu trag/ de yang gang dang gang zhe na// dkrug dang ru zlog dus su drag/ de la drag sngags bsgrub pa 'di// yungs kar rgyal mo dang po bsgrub// nyungs kar rgyal po grub pa dang// lcags tsam gyi ni tshad du 'od// de nas yungs kar rgyal po de// ban d+ha srub gsum nad du blugs// nyungs kar sgrub pa'i snying por bzlas// mtshan ma drod la phebs pa dang// nyungs kar sgrol ba'i ging du bsgom// nyungs kar gri dang mtshon du bsgom// nyungs kar khro bo khro mor bsgom// nyungs kar mda' dang mdung du bsgom// de ltar bsgom pa'i nyungs kar de// dmigs pa'i ling ga nyid la brdeg/ de yis sgrol bar gdon mi za// gson po gsad dang yi dwags bskrad// rang lus bsrung dang thog ser dbab// lha klu gzir dang sad ser bcad// dmigs pa'i las rnams thams cad 'grub// 'di ni sngags kyi rgyal po ste// yang snying thugs kyi rgyal pos bya// brdeg na gang yin gsod pa ste// phung byed drag sngags gzer ba'i thabs// dkrug na srin po'i go bzlog ste// srid pa gsum yang 'khrug par 'gyur// pho yi bsad pa ru bzlog dang// dkrug dang gcun dang bsad pa'i las// rab tu bsgrims te bzlas par bya// zhes gsungs so// drag sngags nyungs kar la brten nas bsgrub pa'i le'u ste bcu drug pa'o//// bde byed lha mos yang gsol pa// dpal ldan rang byung rgyal mo che// de dag bsgrub pa'i drag sngags gang// rang byung rgyal mos bshad du gsol// zhes zhus pas/ rang byung rgyal mos bka' stsal pa// de dag bsgrub pa'i drag sngags rnams// mngon du bstan pa shes par bgyis// mdo tsam du yang 'di ltar bstan// trag trag ma du ya/ lnga pa sku bskyed pa'o/ trag trag kur lan tug tug oM AHhUM/ dgu pa ste dbang bskur ba'o// trag rag sha kha mun tra// e ha ri sa ma ya hUM dza// bcu bzhi pa ste snyan gsan dbab pa'o// de bzhin du dzaHhUM baM ho/ ma ma ma kha rag sha hUM hUM hUM hri hri/ bco brgyad pa spyan drang pa'o// ru ru ro ru tsa pa la na mo// ma ma ro sham na mo e ka dza Ti pa la ya mi sha b+h+yo na mo rtsa dgu pa la phyag 'tshal ba'o/ trag rag sha sa ma ya tiSh+Tha lhan// dgu pa bzhugs pa'o// e ka dza Ti li li ta li raM pa// ba ling ta raM pa khA hi/ bcu drug pa pu tsa dbul ba'o// trag rag kha mu tra mu ru lu ru lu hUM b+h+yo hUM/ rag mo te ke ma tsa tsa kha la ma hi b+h+yo/ ru lu ru lu ma hi b+h+yo/ so gnyis pa ste bod pa'o// trag rag sha kha mu tra snying kha rag srog rbad/ tsit+ta long rak+ta thun b+h+yo/ chum chum ri ri li li b+h+yo rbad b+h+yo// bcu gsum pa rbad pa'o// trag sha badzra kha/ chum thum ri li li b+h+yo rbad b+h+yo/ pra ti sa man tsa// sman pra ti sa man tsa/ ni kham mag khum khum mag mag sod// so gnyis pa gsad pa'i sngags// trig trig ser ser/ ku lu ku lu/ mo ku mo ku/ ha tsa ha tsa/ ma ta dza la kha he/ tseg ra ling/ mu ru myos/ lding ldang bu phyug phyug mi ha te bshal bshul/ mu hu sa ne tsa na tsig tsig mu tram tring/ he le he he/ bu ru tsis tsing/ myog myog thum kar ldan mi ha te/ ku mu ru ce ye phaT ni// don gcig yul la brdeg pa'i pho sngags/ tsi lang ka ye/ kod kod mi he he/ mya mya mya mi tse/ ku ha tse ne mu tra ye/ kar min tring tring/ phrab phrab phrib phrib/ tsing ling mi lo ka ya bi shi bi myogs ta ri/ zhe gnyis pa mo sngags nang gi rtsa la brdeg pa'o// e phaT ni gsum par dkrug pa'o// pra be sha phaT/ tsi bi shag te myog shu gu aM gu sha dza dza/ tsi ta gu la sma ra ma shag dza dza/ bcu drug pa srog kha khung kha dbye ba dang/ yid kyi rnam shes drang ba'o// tsit+ta ku la sma ra ma shag ti dza dza/ yig 'bru bcu pa kun gzhi'i rnam par shes pa drang ba'o// e ka dza ti sma ra ya kha ti dza dza/ bcu gcig pa nyon mongs pa'i yid rmugs su gzhug pa'o// baM rmugs rbad thibs/ ling shar nges sod// brgyad pa tsit+ta nang nas bcad pa'i sngags so// hUM ts+tshin d+ha ts+tshin d+ha ma ra ya na ga shag du pra be sha phaT/ phur pas brdeg cing bsad pa'o// snying bam ril// snying kha rag tshal pa rbad/ 'ur rbad phaT/ tsag le mu ru baM/ e te phaT/ ni tseg sod sod/ 'ud myogs thum ril a lo sha 'ud kha thum/ snying dum bu rbad/ dus srog khyer yag bam ril rbad/ snying thun bsgrub pa'o// trag rag sha kha mun tra mun tra/ e ka dza ti snying kha rag ma b+h+yo// bcu bdun pa ste ya snying nas bod pa'o// trag raka sha sa ma ya dgra bo'i snying ling rbud// bcu gcig pa rbad pa'o// ma ma snying kha rag snying rag ma ma rag sha ma ma rag sha rag mo snying la thun/ trag rag sha ya/ ma ma snying he keM ma ma ru lu ru lu b+h+yo/ khog sprugs drol cig snying kha rag sa ma ta dza dza/ snying tsa phyung zhig ma ma snying ma tsit+ta la ma thun/ snying khrag la ma thun/ shi ti ta ma snying la ya ma b+h+yo/ ma ma sha sha/ ma ma hreng hreng/ ma ma sa ma ya/ dgra bo N+ri mA ra ya sod sod/ ma tsit+ta dz+wa la raM/ snying tsa la rol thum ri li li/ ma las myur bar mdzod cig/ brgya rtsa gsum la khrag thun sgrub pa'o// oM badzra da ra lig oM badzra snying gong chod cig khal dza mun ta lo/ dun ting mA ra ya rbad/ oM badzra khrag ting snar ma rbad/ oM badzra tsa tu kri ta ya hUM badzra hUM badzra phaT// rbad tu rbad tu/ rbad pu rbad pu/ da ra ka ya/ stim pi shi stangs sa ma ya/ ro gcig pa khrag thun grub nas snying la brdeg pa'o// ma ma trag rag sha thum ri li li/ ba la dug kun dug e ka dza Ti tip+ta tsakra ma b+h+yo// rtsa bzhi pa dug thun bsgrub pa'o// oM A be sha kha se sha be be sha ru pe sha ma thun b+h+yo/ shog tham shog tham/ baM thaM baM thaM/ baM mugs baM mugs/ myos brgyal myos brgyal/ na ni staM pa nan/ bzhi bcu pa dug thun brdeg pa'i mnan pa'o// oM me da ra hing thum ril rbad/ oM me de ra lig snying kha rag rbad/ oM tsa ra ma snying kha rag ra sh+ti badzra thun b+h+yo/ sum cu pa phur thun gyi ming dang gzugs la brdeg pa'o// oM badzra kI li kI li la ya/ tsit+ta rbud khug ya/ phug myogs thum ril/ zhung zhung/ chum chum/ rbad na rbad na/ kI li kI li ya/ rag sha rag sha khum khum tri ta baM rbad/ bzhi bcu pa snying la phur pa rdeg pa'o// ma mo trag rag sha snying khra rag ma ma ling ling/ dum ling ling/ du ma ra na/ tri hUM tri/ hur hur/ che ge mo ma tang ya ya/ so drug pa dkrug pa'i sngags so// trag rag sha kha mu tra b+h+yo// ru lu ru lu nag mo ha ni b+h+yo// ru lu ru lu b+h+yo// nag mo tsit+ta ma la b+h+yo/ ru lu ru lu nag mo mu ti/ kha 'gro ti ti b+h+yo b+h+yo/ ru lu ru lu har hur hed/ b+h+yo ru lu ru lu/ bcu drug pa ste gcun pa'i sngags so// gzhan yang dgos pa sngags rnams kun bshad kyis mi lang la brjod kyis mi rdzogs// zhes gsungs so// thun dkrug gi sngags kyi rim pa bstan pa'i le'u ste bcu bdun pa'o//// bde byed lha mos yang gsol pa// dpal ldan rang byung rgyal mo che// 'khar ba la sogs thun rnams kyi// grub pa'i rtags ni gang dang gang// ma grub rtags ni ji ltar 'byung// rang byung rgyal mos bshad du gsol// rang byung rgyal mos bka' stsal pa// nyon cig lha mo bde byed ma/ spyir na gnyis shes par gyis// spyi dang khyad par gnyis su bstan// spyi yi rtags rnams bstan pa ni// bud med byung na dngos grub 'phel// khyo gar byung na dgra la myur// btsun par byung na 'khor la gzan// bya nag byung na thugs dam bskang/ khyi ru byung na dam tshig nyams// phyi bshags nang bshags gsang bshags bya/ khrus dang mdos dang bskang bshags bya// bstod gzungs nyi shu rtsa gcig pa// bdun par bdun par bdun gsum brjod// gtso mchog yin pas nyams su blang// mon mo byung na mo nyid dngos// grub yin pas dngos grub blang// ma grub rtags rnams bstan pa ni// btsun mo lta bur byung na ngan// jo mo lta bur byung na ngan// phar la phyag 'tshal shin tu ngan// lug dang rta ru byung na ngan// snying mi dga' zhing 'gro snying 'dod// 'di ni rang nyes nyams su brtag/ bskang ngo cho ga rgya cher bya// seng seng byed na gsal zhing sbrid// bya nag lug nag thugs dam bskang// ltogs la gzhan gyi zas 'dod na// phud dang gtor mas thugs dam bskang// bying zhing 'thib na sgrib pas phog/ bskang zhing bshags pa bya ba dang/ khrus dang tshangs pa'i cho ga bya// g.yel zhing mi 'khor rkyen yod pa'i// gsal zhing nyams dag bka' nyan yin// gzhal yang grub pa'i rtags rnams ni// 'a ma lta bur byung na bzang// sgyug mo lta bur byung na bzang// mdza' mo lta bur byung na bzang// sring mo lta bur byung na bzang// bran mo ltar bur byung na bzang// grogs bshes lta bur byung na bzang// bza' skom gter ba byung na bzang// bkur sti phyag 'tshal bskor ba byed// de rnams bzang ba'i rtags su bshad// gzhan yang rtags kyi rnam pa ni// mdze can pho mor 'ong ba dang// yugs sa mo ru 'ong ba dang// rnal 'byor pho mo long sprang dang// ngu zhing chos ngas 'debs pa dang/ kha sbub nyal zhing 'dug pa dang// b+ha ga zur sprel ston pa dang// 'jigs shing skyi g.ya' me 'bar dang/ khrag gi na bun 'thul ba dang// gnag rgod mi thub brdung ba dang// mtsho chen 'khyug cing rmi ba dang// 'di dag ngan pa'i rtags yin pas// phyi nang bskang bshags drag tu bya// 'o dod brang brdung che nges rdeb// phyag 'tshal mchod 'bul rmi zhing brdung// de rnams phyi yi rtags yin no/ khyad par rtags rnams bstan pa la/ khrag thun rtags rnams bstan pa la// rak+ta mngon du khol ba dang// me 'bar 'od 'phro sgra snyan sgrogs// dud pa 'thul dang rlungs pa 'byung// de tshe gsung gi dngos grub blang// gong gi rtags rnams byung ba'i tshe// de tshe sku yi dngos grub blang// de bas snying thun rtags rnams ni// tsit+ta mngon du 'ong ba dang// snying 'phar ba dang 'bar ba dang// tsit+ta 'phyar zhing ston pa dang// bla rtags dngos su 'ong ba dang// sku gzugs dngos su ston pa'o// de yi thugs kyi dngos grub blang// dug thun rtags rnams bstan pa ni// dug gi thun snod 'chag pa dang// 'phar dang 'gul dang ldeg pa dang/ khol dang rlangs byung sbos pa dang// me 'bar ba dang 'phro ba dang// dri zhim pa dang lud pa ni// dug thun grub pa'i rtags yin pas// de nas yon tan dngos grub blang// de ting dug thun drag pos brdeg/ phur thun rtags rnams bstan pa ni// gru gsum dbus kyi phur pa'i rtsar// gcan gzan rjes byung grub pa yin// gzhan yang rjes rnams gang byung ba// de yang phur thun grub pas rtags// phur pa 'gul dang ldeg pa dang// 'od 'phro ba dang me 'bar dang// de yang phur thun grub pa'i rtags// 'phrin las sid+d+hi blang bar bya// phur thun drag pos brdeg byas la// yungs thun rtags rnams bstan pa ni// nyungs kar 'phar zhing mchod pa dang// nyungs kar 'tshig cing sgra thon dang// nyungs kar btsos byin gyur pa dang// nyungs kar drag po grub pa'i rtags// drag sngags smod pa'i sid+d+hi blang// drag sngags nyungs thun rab tu brdeg/ trig ser gri la tsi lding ngar// tsi ling gri la trig ser ngar// dkrug dang ru bzlog dus su bzus// pho mo bsad pa phur bzlog dang// dkrug dang gcun pa'i man ngag gis// dmigs pa'i ling ga rab tu brab// dbang po phyi dang kun gzhi nang// yang dang yang du brdeg par bya// srid pa gsum yang sgrol bar byed// ces gsungs so// thun drug gi rtags bstan pa'i skabs kyi le'u ste bco brgyad pa'o//// bde byed lha mos yang gsol pa// dpal ldan rang byung rgyal mo che// rtags dang mtshan ma'i bdag po ni// de bas khyad par dgra rtags gang// rang byung rgyal mos bshad du gsol// zhes gsol pas/ rang byung rgyal mos bka' stsal pa// de la dgra rtags bstan pa ni// g.yag dang ra dang ba glang gsod// de yang dgra rtags 'bring po yin// ri dwags gsod dang gcan gzan gsod/ khyi ra byed dang sha rkyang gsod// rnyi byas bya byi gsod pa dang// rgya byas ri dgas gsod pa dang// go gon mtshon brdung mda' sgron na// dmag 'dran g.yul sprod 'thab pa dang// shing gcod me sbor brag gshog dang// de rnams byung na dgra rtags yin// de dgra 'bring po'i rtags rnams yin// gzhan po byed cing 'dug pa dang// lag nas mtshon cha shor ba dang// go cha gzhan la byin pa dang// bdag rang gcig pu 'dug pa dang// sa yi 'og tu nub pa dang// thur la bab cing rmi ba dang// g.yang du lhung dang gcig pur 'dug/ de ni the ma'i rtags su bstan// gzhan yang bzangs pa'i rtags rnams ni// dmag dpung che dang 'grogs na bzang// 'thabs te mtshon thob rgyal na bzang/ kha rong btsan chud na bzang// tsit+ta byin zhing rmi na bzang// mgo dang yan lag gcod na bzang// lus la tshon rtsis byug na bzang// thig gis 'debs kyin rmi na bzang// brtab pa byed cing rmi na bzang// mgo dang yan lag gcod na bzang// 'og tu bcug nas gsod pa dang// bla rtags mngon du 'ong ba dang// tsit+ta khyer zhing bstod pa dang// mgo bo gcod cing ston pa dang// gson bla mngon du 'ong ba ni// de ni rtags rnams rdzogs pa'o// zhes gsungs so// dgra rtags bstan pa'i skabs te le'u bcu dgu pa'o//// bde byed lha mos yang gsol pa// dpal ldan rang byung rgyal mo che// dgra bgegs rtags kyi rgyal mo nyid// thun drug sgrub pa byed pa'i tshe// 'phrin las rim pa ji ltar bgyi// rang byung rgyal mos bka' stsal pa// nyon cig lha mo bde byed ma// sngangs srungs nag mo bsgrub 'dod na// dang por tshogs bsags sgrib pa sbyang// de nas 'phrin las 'di ltar bya// de yang gnas ni dur khrod gling du bsgrub// dur khrod sa la dkyil 'khor ni// 'phrin las rnam bzhi rdzogs par bri// e ka dza Ti zhes bya ni// las byed gtso mo bsgrub 'dod na// 'phrin las rim pa 'di yis bya'o// de bzhin nyid la blo sbyangs te// mi rtogs gdeng du gyur pa dang// kun tu snang la blo sbyangs te// thams cad 'od du gyur pa las// slar 'dus yi ge hUM du gyur// stan dang de la dbang chen gyis// sa bon yi ge 'di rnams spro// e yaM raM suM keM las ni// rim pa bzhin du bskyed bya ste// b+h+ruM las ban d+ha 'bar ba'i gzhal yas khang// dregs pa'i gdan steng hUM bsam ste// rdo rje 'phro 'du'i sbyor ba yis// bdag nyid che mchog he ru ka/ dbu dgu phyag kyang bco brgyad de/ khro mo yum dang bcas pa gcig/ rang sems dag pa'i ngo bor gsal// de ni rgyu yi ting 'dzin to// de las ma mo bskyed pa ni// gru gsum nyi ma'i gdan stengs su// bdag nyid che mchog thugs ka nas// yi ge trag las sngags 'di bskyed// trag trag ma du ya zhes pas// gru gsum trag dang 'khar ba las// nag mo khro gnyer ral pa can// ral pa'i zar pus sa gzhi khebs// sku dang ral pa'i gsebs nas kyang// g.yu yi spyang mo dgu 'bum 'phro// g.yas na mi snying dmar po bsnams// g.yon pa g.yu yi spyang mo 'gyed// zhabs gnyis gyad kyi dor stabs kyis// gzas pa khrag skyug gzir ba cig/ yid kyi rigs can gsal bar bskyed// bdag gi thugs las de 'dra gcig/ bskyed pa bstim par de la bya// trag trag ser ser dug/ snying po de brjod rak+ta dang// chang phud sbyar bas dbang yang bskur// bsgrub pa'i gnas nas spyan drangs la// ma mo de la bstim par bya// de nyid mngon du gsal bsgom la// gtor ma rabs chad ban d+ha re// ma mo de la dbul bar bya// e ka dza ti ti li ti li// raM ba raM ba khwa hi// bstan dang stobs su gyur pa dang// ma gcig ma yi yang snying ni// trag dang b+h+yo yi thog mtha' can// bcu bdun pa ni drang bar bya// ma mo'i rtags ni ci 'dod 'byung// bcu gcig trag rbad thog mtha' can// brgya yi 'jug tu re re gdags// de ni bsnyen pa thog mtha' ste// rtags dang de dang 'bral mi bya'o// bar bar bskyed dang spyan drang dang// brtan bzhugs phyag 'tshal mchod 'bul bstod// ces gsungs so// 'phrin las bstan pa'i le'u ste nyi shu pa'o//// bde byed lha mos yang gsol pa// dpal ldan rang byung rgyal mo che// dkyil 'khor 'phrin las bdag mo ni// nyid kyi dbang bskur ji ltar lags// rang byung rgyal mos bshad du gsol// de skad ces ni gsol pa dang// rang byung rgyal mos bka' stsal pa// dbang la rnam pa gsum yod de// phyi dang nang dang gsang ba'o// dngos grub 'dod pa'i rnal 'byor pas// e ka dza Ti sgrub 'dod pas// dang por bla ma brtags byas la// mnyes pa'i yon 'bul dbang rnams zhu// de yang dkyil 'khor bri ba dang// bum pa la sogs dbang rnams bsog/ bskyed dang spyan drangs mchod byas la// bzlas brjod 'phro 'du'i tshul bzhin bya// rtags rnams byung na slob ma gzhug/ de yang bya ba 'di dag go khrus dang drang ba sgo dbye dang// gsol gdab dam dpog gzhug pa dang// dbang rnams rim par bskur bar bya// dang po phyi dang gnyis pa nang// gsum pa gsang dbang bskur bar bya// phyi yi bum pas bskur ba dang// nang gi sngags dang bdud rtsi dang// gtor ma rak+ta phur pa dang// nyungs kar thun rdzas dbu rgyan dang// lan bu spu gri drag sngags dang// sku gzugs sbyor sgrol dbang rnams so// gzhan yang sku gsung thugs dang ni// yon tan 'phrin las dang ni// man ngag bstan pa la sogs pas// bsgrub dang bsgom dang rbad pa dang// gsad dang 'phang ba'i dbang rnams bskur// gsang ba'i dbang rnams bskur ba dang// gzungs ma mtshan ldan khrus dang rgyan// mkha' gsang byin brlabs sbyor ba bya// gsang dbang dam pa bskur bar bya// dbang rnams rdzogs pa'i rnal 'byor pas// e ka dza Ti bsgrub nas 'grub// e ka dza Ti bsnyen na nye// e ka dza Ti bkol na nyan// bsgrub pa'i tshe na ma bas nye// bsnyen pa'i tshe na bsring bas gdung// gsang ba'i tshe na bu bas nyan// bos pa'i tshe na glog bas mgyogs// bsad na tshangs pa'i tshe yang sdud// gsos na dbang po 'gags kyang 'tsho// tshe 'dir bsam dgu 'grub pa dang// nor dang 'byor ba 'phel bar 'gyur// zhes gsungs so// dbang bskur ba'i le'u ste nyi shu gcig pa'o//// bde byed lha mos yang gsol ba// dpal ldan rang byung rgyal mo nyid// rjes su 'jug pa'i rnal 'byor pas// bsrung ba'i dam tshig gang gang lags// rang byung rgyal mos bshad du gsol/ zhes gsol pas/ rang byung rgyal mos bka' stsal pa// nyon cig lha mo bde byed ma// bsrung ba'i dam tshig rnam pa gnyis// spyi dang khyad par dam tshig go/ spyi yi dam tshig 'di rnams bsrung// phyi nang gsang ba'i dam tshig kyang// rtag par rgyun du bsrung bar bya// sku gsung thugs kyi dam tshig kyang// thun mong spyi dang khyad par grangs// spyod pa rgyud dang 'gal mdo nyes// de dag rnams kyang bsrung bar bya// yi dam lha yi dkyil 'khor dang// bla ma slob dpon mched lcam yang// rtse gcig rgyun du bsgom par bya// gzhan yang 'di rnams bsrung bar bya// rtag tu ma mo bsgom par bya// rgyun du srog 'dzab drang bya zhing// mchod cing bstod la bskul zhing rbad// nyams pa dag dang kha m-i bsre// yugs sa dag dang zla mi gcig/ 'khon dang nyams pa dag la gzem// rdo rje spun dang 'khon mi bya// sngags pa nang dang 'thab mi bya// rtag par de dag bsrung par bya// de ni spyi yi dam tshig go khyad par 'di dag bsrung bar bya// sku yi dam tshig bsrung bar bya// skra yang mi bcad ral par bskyil// tsher ma can gyi 'khor ba bcad// rtags kyi phyag rgya lus la bcang// drag po'i las rnams bdud chas bya// gsung gi dam tshig 'di rnams bsrung// mchod pa'i khas blangs mi bcag par// mi nag mi dang kha mi bsre// bzlas pa rgyun du mi 'bral zhing// gar dga' ma mo mi bod cing// 'byung ba lnga la mi smod pa// dkon mchog spyi la bstod pa bya// bran la kha ngan mi bya zhing// sngags las mi tshig spel mi gzhug/ dbang ma thob pa'i mi rnams dang// tshig gi zur yang smra mi bya// thugs kyi dam tshig bsrung ba ni// rnam par mi rtogs chos nyid la// bsgom pa thun re mi 'bral zhing// yi dam lha yang mgo ru yod// dus gsum lha ru bsgom par bya// brda ngan ma yi bud med dang// chags pa'i lus sems g.yo mi bya// yid du 'ong ba'i mdza' mo dang// ma dang sring mo bu mo dang// mkhas pas bsgrub pa'i grogs su bkri// gzhan yang dam tshig 'di dag bsrung// dben nas hul po mi gshig cing// mchod pa gtor ma rgyun mi bcad// dam tshig mi bstan sha mi spang// rak+ta gtor ma ma la gtor// phud dang mthun rdzas nyams mi bya// zhes gsungs so// dam tshig bstan pa'i le'u ste nyer gnyis pa'o//// e ka dzA Ti'i rgyud phyi ma drag sngags kyi rgyud rdzogs so// za byed spyang rgyal nag mo'i rgyud rdzogs so/

CLOSE WINDOW