356b1 rgya gar skad du/ shrI de wi ma hA ka li tsit+ta gu h+ye tan+ta/ bod skad du/ dpal lha mo nag mo'i thugs kyi srog bsgrub gsang ba'i rgyud// bcom ldan 'das rdo rje he ru ka la phyag 'tshal lo// 'di skad
356b2 bdag gis thos pa'i dus gcig na// bcom ldan 'das dpal rdo rje 'dzin pa chen po sras dnga'akhor du bcas pa rnams// btsun mo'i b+ha ga mkha' klong rnam par dag pa na bzhugs so// byang chub sems dpa'
356b3 sems dpa' chen po gsang ba'i bdag po lag na rdo rje dang// gzhan yang bdud kyi ma gshin rje'i sring mo dpal lha mo nag mo zhes bya ba// rang bzhin gyi dkyil 'khor mthong zhing 'das pa'i de bzhin gshegs
356b4 pa rnams kyi thad du dmas pa// da lta'i de bzhin gshegs pa shAkya thub pa'i bstan pa'i bsrung mar smon lam btab pa// dus phyi ma la sangs rgyas kyi sa la smin cing lung bstan pa'i smon lam can dang thabs cig
356b5 tu bzhugs so// gzhan yang rang bzhin gyi dkyil 'khor ma mthong ba ni// brgya byin dang// tshangs pa dang/ gshin rje dang/ srin po dang// sha za dang/ gnod sbyin dang/ ma mo nag mo dang// lto 'phye dang// grul
356b6 bum dang// dri za dang// mi 'am ci dang/ lha ma yin dang/ nam mkha' lding dang// ma mo dang/ mkha' 'gro dang/ mkha' 'gro ma dang/ mkha' 'gro ma'i bdag mo dpal nag mo la sogs pa rnams
357a1 dang thams cad cig tu bzhugs so// de'i tshe de'i dus na gsang ba'i bdag po lag na rdo rje stan las langs te/ rang bzhin gyi dkyil 'khor ma mthong ba rnams la 'di skad ces smras so// brgya
357a2 byin la sogs pa khyed rnams kyis/de bzhin gshegs pa sras dang bcas pa rnams la phyag 'tshal ba dang/ mchod pa 'bul ba dang// skyabs su 'gro ba dang/ rnam par dka' ba'i phyogs la dad par gyis shig
357a3 ces smras pa dang/brgya byin la sogs pa rnams kyis// phyogs bcu'i sangs rgyas rnams kyi mtshan nas brjod cing phyag btsal ba dang/ mchod pa 'bul ba dang/ skyabs su 'gro ba dang// dkar po phyogs la dad
357a4 pa mos par byas te/thal mo sbyar nas thams cad kyis mgrin gcig par byas te 'di skad du'o// na mo sangs rgyas kyi chos 'jig rten du ring du gnas shing rgyas par bya ba'i slad du/ bdag cag rnams kyis de
357a5 bzhin gshegs pa rnams la phyag btsal ba dang/mchod pa 'bul ba dang// skyabs su 'gro ba dang/ dad pa dang/ mos pa dang/ yid la byas pa'i byin gyis brlabs kyis// de bzhin gshegs pa sras dang
357a6 'khor du bcas pa rnams bdag cag gi mngon du snang bar gyur cig ces smon lam btab pa dang/de'i mod la de bzhin gshegs pa sras dang 'khor du bcas pa rnams mngon du snang bar gyur to// de nas brgya
357b1 byin la sogs pa rnams dga' ba dang spro ba skyes nas/lha'i me tog man+d+ha ra ba dang/ me tog sna tshogs pas mchod cing rgyan gyi char chen po mngon par phab bo// de nas gsang ba'i bdag po lag na rdo rjes 'di
357b2 skad ces smras so// brgya byin la sogs pa khyed rnams kyis sangs rgyas kyi bstan pa bsrung ba'i phyir/ dpal lha mo nag mo la zhu ba zhus shig/ ces smras pa dang/ brgya byin la sogs pa 'jig rten pa'i 'khor
357b3 rnams kyis// dpal lha mo nag mo la mchod pa dang bstod pa byas te 'di skad ces// khyod kyis sangs rgyas kyi bstan pa bsrung du gsol zhes smras pa dang/ dpal lha mo nag mos smras pa// bstan pa zhes ni
357b4 gang// bsrung ba zhes ni ji lta bu// ma bsrungs na ci skyon ces smras pa dang// brgya byin la sogs pas smras pa// bstan pa zhes bya ba ni mdo sde dang// 'dul ba dang// mngon pa ste/ rgyal ba'i bka' sder gyur pa
357b5 mtha' dag go/bsrung ba zhes bya ba ni 'jig rten na yun ring bar gnas pa la bya ste/ 'chad pa dang/ nyan pa dang/ bsgom pa dang/ 'dzin pa dang/ klog pa dang/ kun chub par byed pa dang// tshul bzhin du
357b6 yid la byed pa rnams la bar du gcod pa rnams bsgral zhing tshar bcad pa'o// 'chad pa la sogs pa bsrung zhing skyob pa dang/ 'khor dang longs spyod 'phel zhing rgyas par bya'o// ma bsrungs na ci ste mi
358a1 skyon// dkon mchog gsum gyi bka' mi mnyan// mi dang mi ma yin pa la sogs pas bar du gcod cing// de'i dbang gis sangs rgyas kyi bstan pa 'jig rten du yun ring du gnas par mi 'gyur
358a2 ro zhes smras pa dang// dpal lha mo nag mo rang gi stan las langs te/ bcom ldan 'das la lan brgya phrag stong du bskor ba byas te phyag 'tshal nas/ thal mo sbyar 'di skad ces// bcom ldan 'das bde bar
358a3 gshegs pa/bdag gis sangs rgyas kyi bstan pa bsrung ba dang/ dam pa'i chos mnyan par bya ba dang/ yang dag pa'i dge 'dun bsrung zhing bskyab bar bgyi ba'i slad du/ bcom ldan 'das kyis bdag la
358a4 dbang bskur du gsol/byin gyi brlab tu gsol zhes pa dang/ bcom ldan 'das kyis sgrol ba'i yum du byin gyis brlabs te/ drag po 'dul ba'i nus pa dang ldan par bya ba'i phyir/ zhing chen gyi g.yang gzhis
358a5 dbang bskur ro// bdud dang srin po las rgyal bar bya ba'i phyir/ g.yul du mtshon gyis bsad pa'i mgo 'phreng dang// thams cad bsgral zhing bsad kyang bag chags kyis mi gos pa'i phyir// re lde nag po'i go
358a6 tsog dang// sman mo thams cad zil gyis gnan pa'i phyir// snyan cha g.yas pa seng ge dang/ klu rgyal gdan la dbab pa'i phyir/ snyan chag g.yon la sbrul gyi gdengs ka da nga/ khams gsum gyi srog la dbang
358b1 bskur ba'i phyir// lag g.yas su ka ta ri rtse gsum dang/ nad sna stong gi rkyal ba dang/ snod bcud kyi 'jig rten la phan bar bya ba'i phyir// thod khrag dang/ srid gsum rnal 'byor dam tshig la gnas par bya
358b2 ba'i phyir// 'phrul gyi me long dang/ ma mo thams cad dam la gzud bar bya ba'i phyir/ g.yon gyi gser gyi rde'u rnams kyis dbang bskur ro// de'i tshe 'khor brgya byin la sogs pa rnams rab tu 'jigs shing skrag
358b3 par gyur to// bcom ldan 'das kyis kyang ming gi dbang bskur ba'i phyir// ar+ya re ma ti zhes btags so// sangs rgyas kyi bstan pa bsrung bar gnyer gtad do// dpal chen po'i spyan sngar lha mo re ma tis rang
358b4 gi snying po phul ba ni// trag rag ma'i dun b+h+yo 'o// ma hA yak+Sha tig+Na nag mo dun b+h+yo/ zhes bya ba bsnyen pa'i snying po dang/ gzhan yang ma ma trag tak+Sha re ma te/ snying ka rag tsit+ta tsa pa la a shug me b+h+yodza/ zhes bya ba rtsa
358b5 ba'i snying po'o// gzhan yang re ma ti la sha tsa pa sha tsa pa la dza dza/ dun dun rak+Sha rak+Sha mu tra ru lu ru lu b+h+yo/ zhes bya ba gsad ba'i snying po rnams phul lo// lha mo des sangs rgyas kyi bstan pa bsrung bar khas blangs
358b6 te 'di skad du/bcom ldan 'das bdag gis sangs rgyas kyi rin po che lta bu mngon pa la sogs pa'i sde snod gsum la/ gang zhig mos shing dad pa yi rang ba'i gang zag de la bzung zhing bskyab par
359a1 bgyi'o// gang zhig 'chad pa dang/ nyan pa dang/ kun chub par byed pa dang/ tshul bzhin du yid la byed pa de'i sbyor ba ngan pa bsal bar bgyi'o// gang bsgom pa dang/ bsgrub pa dang/ nyams su
359a2 len pa de dag gi ging dang pho nya dus rtag tu bgyi'o// de ltar bdag gis dam bcas pa ltar ma bgyis na/ bdag gis da lta nyid du bcom ldan 'das bslus pa lags so// de'i dbang gis rang gi srog gi snying po
359a3 me 'bar nas lus srog thal ba bzhin du tshig par gyur te/mnar med ba'i sems can dmyal ba chen por gyur cig/ ces smon lam btab cing mnas bor ro// de nas dpal ldan lha mo nag mo des dbang dang
359a4 byin rlabs thob cing dam tshig can du gyur ba'i tshe/brgya byin la sogs pa'i 'khor rnams kyis rang rang gi rgyan dang lag cha phul te/ 'di ltar brgya byin gyis rdo rje phul lo// dpal tshangs pas rma bya'i rgyal mtshan
359a5 dang/khyab 'jug gis nyi ma dang zla ba'i rgyal mtshan dang/ rnam thos kyi bus seng ge'i rgyal mtshan dang/ nam mkha'i lha bran gyis dril bu dang/ klu'i rgyal po rnams kyis sbrul gyis gdengs ka dang/ sa bdag pa
359a6 las stag gi rgyal mtshan dang/srin mo dang sha za mo rnams kyis thod pa'i 'phreng ba dang/ khrag dang/ zhag gi yo byad dang/ dpal nag mo chen mos mdung phul lo// de dag la sogs pa'i 'khor rnams kyis rang
359b1 rang gi rgyan dang/yo byad dang/ lag cha la sogs ba phul te/ dpal lha mo nag mo la bstod pa'i rgyal po rnams kyis kyang bstod do// lha mo nag mo de yang srid pa gsum na 'gran zla med pa'i mthu rtsal can du
359b2 gyur to// dpal lha mo nag mo'i tsit+ta gsang pa zhes bya ba'i rgyud las/ gleng gzhi'i le'u zhes bya ba ste dang po'o//// de nas gsang ba'i bdag pos/ bcom ldan 'das la 'di skad ces gsol to// bcom
359b3 ldan 'das bde bar gshegs pa/bde gshegs kyi bstan pa yun ring du gnas bar bgyi ba'i slad du/ dpal lha mo'i ting nge 'dzin dang/ spyan drangs shing mchod pa'i sngags dang/ de'i rten gzugs brnyan dang/
359b4 bod pa dang/ rbad pa dang/ gsad pa dang/ bsgrub pa dang/ rgyun gyi sngags rnams btub dang/ bsgrub pa'i dkyil 'khor dang/ las kyi dkyil 'khor dang/ bsgrub pa'i rdzas dang/ las kyi rdzas dang/ phur pa
359b5 gdab pa dang/mtshon gyis gtub cing sbyin sreg bya ba dang/ thun zor 'phang ba dang/ mnan pa bya ba dang/ ser ba dbab pa'i las rnams bstan du gsol// zhes gsol ba dang/ bcom ldan 'das kyis 'di
359b6 skad ces gsungs so/gsang ba'i bdag po lha mo'i ting nge 'dzin ni/ yaM ba ra raM/ ag ne dz+wa la raM/ zhes me rlung gi dbus su thod pa'i gzhal yas khang bskyed pa ni/ b+h+ruM bi sha bi shu d+d+he ka pa la hUM/ de'i nang du go
360a1 ra ti ga ra pa ta hUM/zhes pas lcags kyi dri'u rta bskyed do// de'i sga gong du yi ge ma'i 'phre 'dus las/ oM nag po dun ting laM dun ting b+h+yo/ zhes lha mo nag mo ni sku mdog mthing nag dbu skra g.yas
360a2 nas g.yon du 'khyil ba/zhal gdangs shing mche ba gtsigs pa/ spyan rtsa dmar la sdang mig tu blta ba/ zhing chen gyi g.yang gzhi dang/ stag gi sham bu dang/ sbrul gyi ska rag dang/ thod pa'i 'phreng ba can/
360a3 g.yas gnyis na ka ta ri dang nad stong gi rgyal bu bsnams pa/ g.yon na thod pa'i rag ta dang 'phrul gyi me long bsnams pa'o// nag mo tsit+ta gsang ba'i rgyud las/ ting nge 'dzin gsang ba'i le'u ste gnyis
360a4 pa'o//// de nas bcom ldan 'das kyis/ spyan drangs shing mchod pa'i sngags 'di gsungs so/ bdag nyid gdeng dang ldan pa yis// lcags kyu'i phyag rgya bcas nas su/ spyan drangs bzhugs su gsol ba dang/
360a5 mchod pa 'bul zhing gtor ma gtang// oM nag mo dun+ting laM ma ma dun b+h+yo/ dza hUM baM ho/ nag mo dun b+h+yo/ oM aM hUM/ sa ma yA e ha he/ dza a ra li hUM hring hring/ rak+Sha ma hi ku lang pad+ma sa ma yA tiSh+Sha lhan/ nag mo sa na
360a6 ta san+ta gu lu gu lu ha ha ha mahA maM sa/ma hA rak+ta/ mahA pany+tsa a mri ta kha kha khA hi khA h-i/ bun dza hi bi ba te sa ma ya swAhA/ zhes spyan drangs shing gnyis su med par bstim la/ gtor ma 'bul bar bya'o// nag mo tsit+ta
360b1 gsang ba'i rgyud las/spyan drangs shing bzhugs su gsol ba dang mchod pa 'bul ba'i le'u ste gsum pa'o//// de nas bcom ldan 'das kyis bsnyen pa'i rten gzugs brnyan 'di gsungs so// dmigs pa'i
360b2 rten gyi gzugs brnyan ni// 'dri mkhan gsang thub dam tshig can// dben pa'i gnas su song nas su// dur khrod ras la ma mo'i sku/ tshon gyis legs par bri bar bya// mthing nag zhal gcig phyag bzhi ma/ kha
360b3 bgrad mche gtsigs spyan rtsa dmar/zhing gi go zu stag rna can/ sbrul gyi ske rag thod 'phreng can// rtsa ba'i phyag ni g.yas g.yon na// ka ta ri dang thod khrag bsnams// g.yas g.yon gnyis kyi 'og ma na// lcags
360b4 kyi phur 'dril sbrul zhags 'phen// dri 'u'i stan la khros pa'i gzugs// dur khrod chen po'i dbus gnas par// bris nas dbang bskur mchod pa 'bul// bsnyen pa'i gsang sngags 'bum 'bum dbul// zhes
360b5 gsungs so// nag mo tsit+ta gsang ba'i rgyud las// gzugs brnyan pa'i le'u ste bzhi pa'o//// de nas bcom ldan 'das dpal rdo rje 'dzin pa chen pos gsang sngags 'di dag byin gyis brlab cing btu ba mdzad
360b6 do// thog mar yi ge thams cad ni// ming med brjod med thams cad bral// sgra yi rnam pa gang la yod// dmigs med gdod nas rnam par dag/ don dam yi ge a zhes bya// sems can las dang smon lam
361a1 gyis// stobs las kun rdzob yi ge byung// a A/ i I/ u U/ r-i r-I/ l-i l-I/ e A+ai/ o A+au/ aM A/ ka kha ga g+ha nga/ tsa tsha dza dz+nya nya/ ta tha da d+ha na/ Ta Tha Da D+ha na/ pa pha ba b+ha ma/ ya ra la wa/ sha Sha
361a2 sa ha/k+Sha/ de las byung ba'i sngags rnams ni/ ma nor gsal ba 'di yin no// lnga pa'i lnga pa lan gnyis gzhag/ de 'og bzhi pa'i dang po la/ drug pa'i gnyis pas brgyan ldan zhing// dang po'i gsam pa de ru
361a3 sbyar// de 'og drug pa'i gnyis pa dang// dang po'i gsum pa sbyar nas su// de mthar bdun pa'i dang po bzhag/ drug pa'i gnyis pa gtsug gi rgyan// de 'og lnga pa'i lnga pa bzhag/ bzhi pa'i dang po dbyangs gsum
361a4 ldan// bdun pa yi ni gsum pa la// gnyis pa'i lnga las rgyan ldan zh-ing// dbyangs yig bcu gsum rgyan gyis mdzes// de la dang po'i lnga pa sbyin// de 'og dang po'i gnyis pa gzhag/ drug pa yin gnyis pa
361a5 dang// dang po yi ni gsum bar sbyor// gnyis pa'i dang po dbyangs gsum ldan// de mthar bzhi pa'i dang po gzhag/ de mthar gnyis pa'i dang po dang// lnga pa'i dang po so sor gzhag/ de 'og drug pa'i gsum pa
361a6 gzhag/de 'og dbyangs kyi ngo bo nyid// bdun pa yi ni dang po la// dbyangs kyi lnga pa brgyan ldan zhing// dang po'i gsum pa de la sbyin// lnga pa yi ni lnga pa la// dbyangs yig bcu gcig brgyan ldan zhing// lnga ba
361b1 yi ni bzhi pa la// 'og nas drug pa'i dang pos mdzes// dbyangs yig bcu gsum brgyan dang ldan// gnyis pa yin ni gsum pa la// dbyangs gnyis rgyan dang ldan pa ni// sngags kyi mtha' ru gzhag par
361b2 bya// 'di ni rtsa ba'i snying po ste/ rang dbang med par srog nas 'dren// des na rgyud 'di sbed pa'i thugs// tsit+ta gsang ba zhes bya'o// 'bum phrag gsum gyis 'grub par 'gyur// lnga pa'i lnga pa lan gnyis
361b3 brjod// drug pa yi ni gnyis pa dang/ dang po yi ni gsum pa dang/ lnga pa yi ni lnga pa gzhag/ dbyangs yig bcu gsum brgyan gyis mdzas// bdun pa yi ni bzhi pa dang// drug pa yi ni gnyis sbyar
361b4 gnyis// bdun pa'i bzhi po 'og ma la// dbyangs yig lnga pa'i rgyan gyis brgyan// lnga pa'i lnga dang bdun pa'i bzhi// che ge mo yi snying la ni// gnyis pa'i gsum pas lan gnyis bod// de la dbyangs yig rgyan
361b5 gyis brgyan// de 'og bzhi pa'i lnga pa la// dang po yi ni gsam par sbyar// lnga pa yi ni lnga pa la// dbyangs yig lnga pas 'og nas brgyan bdun pa yi ni bzhi pa la// drug pa'i gsum pa so sor gzhag/ b+h+yo b+h+yo zhes
361b6 ni rbad par bya// de 'og dbyangs yig drug pa dang// drug pa yi ni gnyis par sbyar// dang po'i dang po de mthar gzhag/ lnga pa yi ni lnga pa la/ dbyangs yig bcu gcig rgyan gyis mdzes// de mthar bdun pa'i
362a1 dang po gzhag/de 'og lnga pa'i lnga pa dang/ drug pa gnyis pa so sor bzhag/ dang po gnyis pa lan gnyis dang/ bdun pa'i bzhi pa lan gnyis brjod// bzhi pa'i dang po so so gsum/ drug pa'i
362a2 gnyis pas dang po brgyan// tha ma la ni dbyangs gsum brgyan// gnyis pa yi ni gsum pa la// dbyangs yig gnyis pa'i rgyan gyis mdzes// lan gnyis dag tu brjod par bya// de rjes ming smos snying la
362a3 b+h+yo// 'di ni rbad pa'i snying po'o// 'bum phrag gsum gyis 'grub par 'gyur// drug pa yi ni gnyis ba la// dbyangs yig bcu gcig rgyan dang ldan// 'og tu lnga pa'i lnga pa gzhag/ bzhi pa'i dang po dbyangs
362a4 gsum brgyan// lnga pa yi ni dang po dang// gnyis pa yi ni dang po gsum// rims bzhin so sor gzhag pa ni// lan gnyis dag tu brjod par bya// de 'og lnga ba'i dang po dang// drug pa'i gsum pa so sor
362a5 bzhag/gnyis pa yi ni gsum pa la// dbyangs yig gsum pa'i rgyan gyis mdzes// lan gnyis dag tu brjod pa dang/ bzhi pa yi ni gsum pa la// dbyangs yig lnga pa'i rgyan ldan zhing// bzhi pa'i lnga pa de ru
362a6 sbyar// de gnyis lan gnyis brjod par bya// drug pa yi ni gnyis pa dang// dang po yi ni gsum par sbyar// de 'og bdun pa'i dang po gzhag/ de 'og lan gnyis brjod par bya// de 'og lnga pa'i lnga pa
362b1 la// dbyangs brgyan gyis ni 'og nas mdzes// bzhi pa yi ni dang po la// drug pa'i gnyis pas rgyan gyis brgyan// drug pa'i gnyis dang gsum pa la// dbyangs lnga'i rgyan gyis 'og nas spras// de dag lan gnyis
362b2 brjod par bya// lnga pa yi ni bzhi pa lnga// 'og nas drug pa'i dang por mdzes// dbyangs yig bcu gsum rgyan gyis brgyan// 'di ni snying po gsad sngags te// de rjes ming smos ral gri me// 'thor byed rlung gi sa
362b3 bon rjes// gsod byed yi ge phaT gnyis brjod// 'bum phrag gcig gis gsod par nges// bzhi pa'i dang po drug gnyis sgra// de ru dang po'i gsum pa sbyar// drug gnyis dang po'i gsum sbyar rjes// bdun
362b4 pa'i dang po gzhag par bya// de rjes lnga ba'i lnga pa bzhag/ de rjes dbyangs gnyis dbyangs gsum brgyan// bzhi gsum dbyangs yig lnga pa'i brgyan// de la bzhi pa'i lnga pa brgyan// lnga pa yi ni bzhi pa
362b5 lnga// dbyangs yig bcu gsum rgyan gyis mdzes// 'og nas drug pa'i dang pos brgyan// de 'og lnga ba'i lnga pa gzhag/ de 'og bdun pa'i bdun pa'o// de 'og drug pa'i dang po dang// dang po'i gsum pa sbyar ba'i
362b6 rjes// bdun pa'i dang po gzhag par bya// bzhi pa'i dang po dbyangs gsum brgyan// de la dang po'i gsum par sbyar// bdun pa yi ni gnyis pa la// bzhi pa yi ni lnga pas brgyan// bzhi pa'i lnga pa de nyid dang/
363a1 dang po yi ni gsum par sbyar// lnga pa yi ni lnga pa dang/ dbyangs yig bcu gsum rgyan gyis mdzes// bzhi gsum dbyangs yig lnga yis brgyan// de la bzhi pa'i lnga pa byin// lnga ba yi ni bzhi pa
363a2 la// 'og nas drug pa'i dang po sbyin// dbyangs yig bcu gsum rgyan gyis ldan pa'o/ 'di ni rgyun gyi snying po'o// rtag tu bzlas shing gtor ma sbyin// dpal lha mo nag mo tsit+ta gsang ba'i rgyud las// snying po btu
363a3 ba'i le'u ste lnga pa'o// de nas bcom ldan 'das kyis bsgrub pa'i dkyil 'khor 'di gsungs so// maN+Dal gru bzhi lham pa la// tshon rtsi ser pos rgyas pa'i tshul// de yi dkyil du gru gsum ni// drag po'i dkyil
363a4 'khor dbus su dgod// de yi dkyil du zlum po ni// mu khyud zhi ba'i tshul du dkar// de yi dkyil du gru gsum ni// nag po chos kyi dbyings kyi rtags// zla gam rnam gsum dbang gi tshul// de yi bsgrub rdzas
363a5 bshad bya ba// rje'u rigs ban+d+ha mtshan ldan ni// lcang lo can du bsags pa'i rdzas// bdud rtsi rag+ta gi'u wang dang// ga bur sha chen tshil chen dang// nal bu'i snying dang 'bras bu dang// dza gad phud kyis bkang
363a6 la gzhag/de dang 'dra ba'i ban+d+ha la// lha mo'i sngags kyis brgyan byas la// dkyil 'khor dbus su kha sprad gzhag/ rtags dang mtshan ma byung ba dang// dngos grub blang zhing dam tshig bsre// sha chen slos dang til
363b1 chen me// dug las byung ba'i me tog dang// bdud rtsi dri chab zhal zas tshogs// rak+ta'i gsang nan phud dang bcas// thod pa ltag sprod rnga chen sgra// ban+d+ha'i cha lang rkang gi dung// shun chen rgyal mtshan dar nag
363b2 gdugs// mi ro'i lag pa g.yab mor bcas// bsgrub pa'i rdzas su bsag cing dgod// nag mo tsit+ta gsang ba'i rgyud las// bsgrub pa'i dkyil 'khor bri zhing dam tshig gi rdzas dgod pa'i le'u ste drug
363b3 pa'o//// de nas bcom ldan 'das kyis las kyi dkyil 'khor bca' zhing// las kyi dus kyi rdzas bsag pa'i thabs 'di gsungs so// gru gsum sum brtsegs nang du bru/ chos bzang lta bu'i bar rim
363b4 gyis// nang du dur khrod sol bas byug/ zla gam rnam gsum dmar por bya// mu khyud dkar la gru bzhi ser// tha ma me ri'i 'phreng bar bcas// gru gsum bang rim dang po la// thod pa yi ni 'phreng ba
363b5 btang// gnyis pa ral gri gsum pa mda'// byin gyis brlabs te dgod par bya// nang du yugs sa'i zhabs mas gding// dri ma drug la dmigs pa'i gzugs// mtshan nyid thams cad yongs su rdzogs// tsha
363b6 ba gsum gyi khu bas byug/ming dang rus bcas nang du bzhug/ thod pa rab tu mtshan ngan par// ra dang khyi dang rta yi khrag/ phag gi khrag dang spyang dug blug/ lcags kyi phur ba sor brgyad bdun// rtse
364a1 mo gnam bstan nang du gzhug/me 'bar rtags byung phur pa gdab// rbad pa'i sngags kyis bsgrub pa bya// gzhan yang dam rdzas tshang ba yi// gtor ma zla gam gcig pa gzhag/ dug dang lan tshwa ske
364a2 che dang// chang dang man ngag d+ha ru ra// rims nad dag gis btab pa'i khrag/ khrag chen dag dang thod par sbyar// zla gam gcig la gzhug par bya// dpal lha mo nag mo tsit+ta gsang ba'i rgyud las/ drag po'i
364a3 dkyil 'khor dang rdzas bsag pa'i le'u ste bdun pa'o//// de nas bcom ldan 'das kyis phur pa btab la mtshon gyis gtub pa dang// sbyin sreg bya ba dang/ thun zor 'phang ba dang/ mnan pa'i las 'di
364a4 gsungs so// gong ltar las kyi dkyil 'khor rdzas rnams la// rbad pa'i sngags kyis bsgrub cing bskul// me 'bar rtags mthong phur pa gdab// oM badzra ka ru rbad// snying tshal pa rbad/ gtubs tsit+ta rbad/
364a5 myogs rmugs rbad// snying khrag kha la rbad// tshal bu sen se du rbad// hur thuM srog la rbad ya/ de nas mtshon gyis gtubs bar bya// las kyi dkyil 'khor dbus nyid du// dug shing gdug pa'i shing bu la/
364a6 rigs ngan khyim nas blangs ba'i mes// spar la ling kha bsreg pa ni// dur khrod shing la yam shing ni// zur gsum lus la khrag chen pos/ ming rus bris pa re re dang// ling ga dum ku re re dang// dug
364b1 dang ske tshe la sogs rdzas// sbrags shing bsreg pa'i las byas na// myur du rims kyis thebs par 'gyur// ma ma sarba sha truM ma ra ya/ a mu khaM da ha da ha/ pa tsa pa tsa/ b+hiSh+ma ku ru ku ru/ hUM hUM phaT phaT/ brgya rtsa
364b2 brgyad kyis grub par 'gyur// de nas sreg pa'i thal ba dang// ming byang lhan cig zhabs mar dril// dur khrod dbus su mnan cing gtad// mtshan ngan b+ha n+d+ha'i khrag dug la// thun sngags bzlas shing zor du
364b3 'phang// rag mo thang mu le thang mu le rbad rbad// rtsa thang rtsa thang rbad rbad/ muM sni muM sni nan/ rag mo ni rag mo ni kha long rbad rbad/ dug sni dug sni kha long rbad rbad/ kyi kha long kyi kha long
364b4 rbad rbad/rtsa ti rtsa ti rbad rbad/ ni rti ni rti mug mug/ thum thum subs te subs te rbad rbad/ rtse kha long mu kha long rbad rbad/ thum thum rbad rbad/ rmog rmog rbad rbad/ che ge mo ling rbad/ sa ma yA dza/ zhes thun 'phangs te/ grangs ni
364b5 stong rtsa brgyad do// dpal lha mo nag mo'i tsit+ta gsang ba'i rgyud las// las drag po bsgrub pa'i le'u ste brgyad pa'o//// de nas bcom ldan 'das kyis ser ba dbab pa'i las 'di gsungs so// sha sna snying sna khrag
364b6 sna dang// nal bu'i snying dang lo zla ming// nal bu'i thod par bsngags shing bsgrub// ma ma b+h+yo ru lu ru lu sa ma yA s+t+waM/ dza ya du ma du ag shang ma yang trag rak+Sha phroM// gsum rdzogs pa dang las la sbyar// gtor ma
365a1 gtang zhing sngags kyis bsgyur// thun rdzas gsum du bgos nas su// gcig ni yul pa'i rten la gnan// gcig ni thab bya zer du 'phang// gcig ni phyis kyi rta dmar gzhug/ drag po rgyu ba'i dus
365a2 tshod la// shun chen gdab cing 'o dod bod// des ni las rnams chud mi za// zhes gsungs pa dang// 'khor thams cad rab tu dga' nas/ bcom ldan 'das kyis gsungs pa la mngon par bstod do// dpal
365a3 lho mo chen mo thugs gsang ba'i rgyud las/ser ba dbab pa'i le'u ste dgu pa'o//// dpal lha mo nag mo chen mo'i thugs gsang ba'i rgyud ces bya ba rdzogs so////


CLOSE WINDOW