341b4 rgya gar skad du/ ma ma tsit+ta gu h+ya tan tra/ bod skad du/ ma mo thugs gsang ba'i rgyud// thams cad mkhyen pa'i dpal bcom ldan 'das dpal he ru ka yab mngon rdzogs kyi rgyal po la phyag 'tshal
341b5 lo// sngon 'das pa'i dus ma byon pa'i sngon rol du/ ri rab kyi rtse lha g.yung drung gi gnas nas/ thig le chen po'i tshul du bzhengs su gsol nas/ yab mngon rdzogs kyi rgyal pos/ 'byung ba chen po lnga srid pa'i
341b6 rgyur bshig ste/skye 'gro thams cad de las 'char bar mkhyen to// yab mngon rdzogs kyi rgyal pos thig le chen po ye mnyam pa las// ye mnyam pa'i slad bzhin du// 'byung ba chen po lnga ye nas sangs rgyas par
342a1 bstan/'bras bu bde ba chen po byang chub sems su la bzla'o// che mchog he ru ka'i dgongs spyod kyi le'u ste dang pa'o//// 'di nas mar lta bas thag bcad pa'i phyir/ yang gter lta ba'i man ngag
342a2 bstan te/tsit+ta rin po che dkar dmar gyi gzhal yas khang byang chub sems kyi ga'u nas/ kun tu bzang mo mi 'gyur ba'i bdag nyid/ ye shes thams cad kyi 'byung gnas/ chos kyi dbyings kyi ngo bo bla na med pa'i
342a3 phyag rgyar gsal ba las/mkha' gsal nyi ma'i dkyil 'khor nas snang srid thams cad 'char bar mdzad de/ mkha' bzhi dbyings dang lnga'o// de'i las dbyings dang ye shes kyi ma mo thams cad bskyed
342a4 pa'o// tsit+ta rin po che dkar dmar gyi rtsa bzhi las// dang por dpal chen po nyid kyi thugs yeshes las bskyed pas/ ye shes kyi ma mo yang bag bzhi gnas so// mkha' bzhi dbyings dang lnga la 'byung ba'i rgyal mo
342a5 lnga gnas so// gnas yul bcu drug la ye shes kyi ma mo bcu drug gnas so// phyi rtsa gsum brgya drug cu la ma mo thams cad spro bsdu gsal ba bstan don dbyings dang ye shes las mi 'gal bas/ ye shes kyi ye
342a6 shes chen po bla na med pa'i phyag rgyar gsal ba'o// yang gter lta ba'i le'u ste gnyis pa'o//// 'di nas mar spyod pas la dor dor ba dang/ 'khor ba tshe gso zhing byang chub srog gzung ba'i phyir// stan 'gan gyi
342b1 las bstan te bsgral bas ma mo rnams kyi thugs dam skongs so// sbyor bas 'phags pa rnams kyi thugs dam skongs so// mnyam par gzhag pas d+ha ra ma ka ya'o// sbyor sgrol gyi gsang tshig stan 'gan gyi le'u ste
342b2 gsum pa'o//// 'di nas mar bsgrub pas phul du 'byung zhing phyi rabs kyi rnal 'byor pa rnams rtog pa chud mi gnas pa'i phyir/ gsang lung man ngag skos kyi le'u/ gser gyi skud pa la rin po che gtsar la brgyus
342b3 pa ltar bstan te/bka' dang mthun zhing thugs dang 'thad pa'i gnas btsal ba dang/ gzhung gzhan dang mthun par sa gzhi byin gyis brlabs pa dang/ sa glud gtang zhing sa bslang ba dang/ sa gzhi byin gyis
342b4 brlab cing sa'i lha mo brtan ma la sbran gtang ba dang/sa'i smon lam gdab pa kun gzhung gzhan dang mthun par bya'o// rnal 'byor pa sgrib pa sbyang ba'i phyir/ phyi'i mchod pa rgya cher 'bul ba dang/ spang skong klag
342b5 cing tsha tsha gdab pa dang/'bum lnga'i bshags pa la sogs pa bya'o// 'di lta bu'i las byed pa'i dus su/ phyi'i 'gra bgegs nang du mi gtang/ nang gi dngos grub phyi ru mi gtang ba'i phyir/ za lam gom pa sum
342b6 cu rtsa bdun mkha' 'gro ma'i tshugs sa ru mtho chen po bzhi dang bcu gcig la sogs pa brtsigs la/phyi mtshams bcad pa dang/ dur khrod kyis 'gying stabs te/ dpal chen po'i chas su zhugs la/ gu gul
343a1 gnyer ma dang/yungs kar rgyal po dang/ khro bo bcu'i mtshams bcod/ 'di nas mar lta ba log par lta zhing// bar du gcod pa'i dam srid dur khrod kyi thod pa mtshan ngan la mnan pa dang/ sid+d+hi
343a2 phra mo'i dngos grub la bar du gcod pa'i bgegs bzlog pa'i phyir sgo byang gdams pa dang/'tsho ba zas kyi yo byad dang/ dug 'joms sman gyi yo byad la sogs pa byin gyis brlab pa dang/ sa tsho tshon rtsi byin
343a3 gyis brlabs pa dang/g.yog gzungs ma byin gyis brlab pa dang/ dur khrod rdzas kyi chag chag gdab pa la sogs pa kun gzhung bzhin bya'o// dkyil 'khor 'khor lo rtsibs bzhi pa'i thig gdab/ dbus kyi lte
343a4 ba zlum po la zla gam kha sprod bri/de'i phyir mi thod pa'i 'phreng bas bskor/ de'i phyir rim du pad+ma 'dab ma bzhi bri/ de'i phyir rim du 'khor lo rtsibs bzhi pa bri/ de'i phyi rim mu khyud zlum po la thod pa'i 'phreng
343a5 bas bskor/de'i phyi rim dri med pad+ma bcu bzhis bskor/ de'i phyi rim thod pa'i 'phreng bas bskor/ de'i phyi rim gru chad bzhi la pad+ma 'dab ma bzhi bri/ de'i phyi rim zhing kyang bri/ de'i phyi rim bar khyams la/ gru
343a6 gsum mthing nag khro bo'i dkyil 'khor bri/lcags ri mtshon tshogs sgo khyud sbag tu bya/ de'i phyi rim me ri 'bar bas bskor/ dkyil 'khor bca' gzhi'i le'u ste bzhi pa'o//// 'di nas mar 'phrin las
343b1 gzhung bsrang ba'i phyir/skabs kyis las mde'u ta tho bar nas phyung ba ltar bstan te/ dang po dbang chen gyi dky-il 'khor bskyed cing dur khrod kyi gzhal yas khang dbub pa dang/ ting nge 'dzin rnam pa gsum gyi
343b2 bdag che mchog bsgom pa dang/rang bzhin gyi dkyil 'khor nas ting nge 'dzin gyi dkyil 'khor du spyan drang ba dang/ gnyis su med par bya ba'i phyir phyag bya ba dang/ dur khrod rdzas kyi dkyil 'khor du
343b3 gdan gding zhing bzhugs su gsol ba dang/sku gsung thugs kyi thugs dam bskang ba'i phyir bdud rtsi sman ye shes kyi mchod pa 'bul ba dang/ mi 'da' gnyis su med par bya ba'i phyir dam bca' ba dang/
343b4 bag chags sbyang pa'i phyir ye shes mkha' 'gro'i bshags pa bya ba dang/ dngos grub mi 'gyur bar bya ba'i phyir smon lam gdab pa dang/ bdag ma mo'i dbang du mi 'gyur bar/ ma mo bdag gi dbang du 'du ba'i
343b5 phyir/bdag dpal chen po sku che ba'i nga rgyal bskyed cing ma mo bdag gi dpang du bsdu ba dang/ sngags dang snying po brjod pa dang/ bsgrub pa'i dus su mtshang bru ba zhing bsgyer ba dang/ 'jug kun skabs kyi las
343b6 mde'u gyi bsdus pas/skabs kyi las mde'u gyi le'u ste lnga pa'o//// ma mo thams cad ni yang gab bzhi ru 'dus te/ de bzhi spyan drang ba'i sngags ni/ de yang srog gi yang snying 'dir 'dus so// rgyun ma chad par
344a1 bzlas so/trag rag sha mu tra kha mun tra rag mo dza dza te khuM kha la ma hi b+h+yo/ rgyun ma chad par bzlas pas ni/ rang dbang med par nam mkha' la sprin 'du ba bzhin du 'du zh-ing tshogs so// rbad pa'i
344a2 snying po ni/trag rag sha mu tra snying kha rag rbad chums thum ri li ri li b+h+yo/ ma ma rA dza ya ya thun b+h+yo/ srog gi snying po'i le'u ste drug pa'o//// de nas dkyil 'khor gyi dbus su dar mthing nag gi gur dbub/ snying
344a3 dmar por bya'o// dar gyi mthing gur gyi nang du/ dur khrod kyi rdzas thugs dam gyi rten ban d+ha mtshan ldan dgu la/ dbus kyi pad+ma 'dab ma bzhi la ban d+ha bzhi dgod do/ phyi pa lnga 'khor lo rtsibs bzhi dbus kyi
344a4 lte ba dang lnga la re re dgod do// ban d+ha de kun gyi nang du khrag sna stong rtsa brgyad rnyed na legs/ ma rnyed na gar 'byor 'byor dang/ khrag chen thigs gcig dang/ spyang khu'i khrag chen thigs gcig dang/ mtshal
344a5 chen thigs gcig dang/de rnams bsres la dbus kyi bzhi por blugs so// gser phye me long bzhi dang/ bud med mtshan ldan gyi nu zhe dang/ khyo ga'i byang chub sems su sbyar la bzhag/ zhing gi g.yang gzhi bla ri
344a6 ru gdags/zhing gi rgyal mtshan phyar la rkang gi gling bu 'bud/ thod pa'i cang te'u brdungs te sha chen gyi gtor ma 'bul/ dmar gyi arga sbreng ba ste/ dur khrod rgyan gyi le'u ste bdun pa'o//// de nas yum chen
344b1 mo spyan drang ngo zer yang/dang po che mchog he ru nyid spyan drangs te/ 'chi med rdo rje dkyil 'khor nas/ gu h+ya dpal chen che mchog spyan 'dren na// chos nyid dbyings kyi dkyil 'khor nas// ye shes rig pa nyid
344b2 la skyed pa'i lha// ye shes dbyings la bskyed pa'i khro rgyal gtso// gu ya dpal chen che mchog he ru ka/ rang bzhin dkyil 'khor chen po nas// btang snyoms chen po'i ngang las ma g.yos kyang// 'gro ba'i
344b3 log rtog bsal phyir gshegs su gsol// phyag rgya chen po bzhi'i tshul du byas la 'di skad ces brjod do// e h+ya he dza hUM baM ho/ ma hA che mchog shri he ru ka// sa ma ya mu tra ru lu ru lu hUM dza/ zhes brjod la/ de
344b4 nas yum chen mo spyan drang ngo// mkha' mnyam klong gi dkyil 'khor dang nas// kun tu bzang mo spyan 'dren na// gu h+ya rin chen gter 'char ma// kye ma cig kun bzang dbyings kyi chos bdag mo// bzhugs ni
344b5 nam mkha'i dkyil na bzhugs// mkhar bzhi dang ni dbyings dang lnga// yang gab dbang gi rgyal mo bzhi// mkha' gsal nyi ma'i dkyil 'khor nas// snang srid thams cad 'char bar mdzad/ mtha' yas sems
344b6 can thams cad dang/cir snang ci srid ma lus kun// chos kyi dbyings su ro gcig ste// bde chen yum gyi klong du rdzogs// thams cad dbyer med mnyam pa'i dbyings mi 'gyur ye shes klong du th-im// mtha'
345a1 dbus med par kun la khyab// bdag med phyogs cha kun dang bral// gzugs 'dzin mtshan ma'i yul las 'das// ye bdal mnyam nyid nam mkha'i sku// chos nyid zhi ba'i ngang las ma g.yos
345a2 kyang// 'gro ba'i log rtog bsal phyir gshegs su gsol// bde chen gsang ba'i dkyil 'khor nas// dbang gi rgyal mo spyan 'dren na// rang byung ye shes spros dang bral// yid kyi rnam shes gsal ba'i
345a3 dbyings// spros bral kun tu bzang mo'i mkha'// kun gzhi ma g.yos mnyam pa'i ngang/ gsal ba dag bas nam mkha' bzhin// chags pa'i skyon bral pad+ma bzhin// phyogs bral kun tu bzang mo'i klong// mkha'
345a4 klong gnyis med spros ba'i sras// yang gab dbang gi rgyal mo bzhin// bde chen gsang ba'i dbyings su skungs// dbyings las bskyed pa'i ma mo bzhi// dam la gnas pa'i sring mo bzhi// bdud rtsi sgrub pa'i rgyal
345a5 mo bzhi// phur bu bsgrub pa'i blon mo bzhi// ma mo kun gyi gtso mo bzhi// nad rnams gtong ba'i ma mo bzhi// ma mo thun gyi bdag mo bzhi// sems la skyes pa'i bu mo bzhi// yid la gzhung ba'i mdza' mo
345a6 bzhi// las la shis pa'i bran mo bzhi// bskyed ni chos kyi dbyings nas bskyed// bzhugs ni nam mkha'i dkyil na bzhugs// rgyu ni bar snang khams su rgyu// gnas ni rgya mtsho'i gling la bcas// dbang ni srid pa
345b1 gsum la mdzad// srid gsum 'jig rten spyod mdzad ma// bdag gi dam tshig dgongs nas kyang// spyan drangs mchod phyir gshegs su gsol// spyi ti kha la ma snying kha rag dzA dzA/ rag sha ma snying ka rag dzA dzA/
345b2 kha raM rag mo rag sha snying kha rag dzA dzA/ kha raM rag sha ma snying kha rag dzA dzA/ thod pa re re'i nang du bris te/ gong gi dkyil 'khor gyi dbus su dar gyi mthing gur phub pa'i nang du dgod/ 'di lta bu'i las byed pa'i
345b3 dus su/kha gser kha g.yu bsgrub pa po'i snyan char btags so// kha gser kha g.yu mur zhing/ bzlas pa'i snying po ni/ sa ma ya ho/ sa ma ya s+t+waM/ trag rag sha mu kha mun tra/ snying kha rag ma ma ni sod// snying ka rag
345b4 ma ma trag ta thun b+h+yo/gu h+ya g.yu gter gsang ba'i le'u ste brgyad pa'o//// 'di nas mar dam tshig gis gzhi gzung zhing/ sku gsung thugs kyi dam tshig las mi 'da' ba'i phyir dam bca' bar bstan te/ rnal
345b5 'byor gang zhig mnyam pa'i dkyil 'khor du// theg chen bla med 'bras bu gtsor bzhag ste/ bla med byang chub 'bras bu 'grub pa dang// gsang sngags gsang ba'i thi tshag tsam pa ru// mi 'da' mtha' dang yun du
345b6 bdag bsrung na// rdo rje dam can ma tshogs rgya mtsho rnams// so so'i thugs dam rjes su dgongs mdzod la// 'phrin las dus bzhin yun du ma bskyang bar// mi g.yel dam la rub pa'i 'phrin las mdzod// dam
346a1 tshig sa ma ya 'bum sde yang// dam tshig stong rtsa brgyad du 'dus// dam tshig stong rtsa brgyad kyang// dam tshig nyi shu rtsa brgyad du 'dus// de yang sku gsung thugs kyi dam tshig tu 'dus te/ sku
346a2 gsung thugs kyi dam nyams na/chad pa'i bdag mo byang chub sems la bskyed pa'i ma mo dkar mo dbu dgu yin te/ bka'i pho nya thod 'phreng can dang/ phyi'i tshangs pa chen po bsdongs te/ nad smyo 'dre dang 'bog
346a3 nad/yid phyi nang 'gag byed/ dbang po sdom byed/ yan lag sra byed/ rang gi sems kyi gnyen por sems kyi chad pa 'byung bas/ yang shi dang yang sos nad 'byung bas/ dam tshig dmyal ba'i le'u ste dgu
346a4 pa'o//// 'di nas mar 'phrin las kyi khyad pa dang sngags kyi che ba dbyung ba'i phyir// ma mo tsit+ta yang snying gi sgrub thabs bstan te/ dkyil 'khor 'dom gang gru bzhi dbangs su chag gang bar byas la/ dbus e gru
346a5 gsum la sor lnga bar byas la/gting tu brus te sbag tu bya'o// e'i logs gsum la zla gam gsum bris/ zur gsum la lcags gzhu dang lcags mda' bri// de yi phyi rim thod pa'i 'phreng bas bskor// de'i
346a6 phyir mi 'khor lo rtsibs brgyad bri// mu khyud zlum po la zhing skyong bri// gru chad la phyag rgya chen po bzhi bri// de'i phyir rim la me ri kha nang du bstan pa bri// de'i phyi rim la rdo rje ra ba bri// zur bzhi la rdo rje rgya gram
346b1 bzhi bri/ya tags la hom sol dang/ thal chen dang/ bud med bcu bdun lon pa'i rag ta dang// khyi dom bu'i snying dang// phag pa rog po'i snying dang// ra ser rgya'i snying dang/ baM gyi snying dang/ de rnams la
346b2 gtor ma bya'o// lug nag pos bskang ba byas la/ byang shar gyi mtshams su gdags so// shar du lta ba rdeng du gyur ba cig bzhag/ byang du 'phrin las phur bu la mkhas pa cig bzhag/ 'phrin las rgyun ma chad
346b3 par bskul lo// nub nas sngags dmyal dang sbrid bas bar ma chad par brdeg go/ lho nas ma mo la gdung zhing pho nyar dgye'o// ling ga bca' thabs ni/ srog mkhar gyi sa dang/ ngar rnabs dang/ tshub mi lo ma
346b4 dang/gnam gyi ras ma la gzugs byas la/ e gru gsum du gzhug go/ e'i lho zur du phur ba la gdags so// zla gam la ma mo'i snying po bri// 'khor lo la khro bo'i phur pa dgod/ yungs kar pad+ma rag tas
346b5 dbang bskur la/ling kha la brdeg pa'i sngags ni/ ka la ru pa snying kha rag khad kha tsit+ta/ tib ta tsakra hur bu hur bu/ trag rag sha mi tsi b+h+yo hUM phaT/ yungs kar gyi rgyal po yod na rab/ med na sil ma 'brum bu
346b6 bcu bcu la bsngags la brdeg go/zhag dgu la nyis 'bum brdeg go/ zhag drang dang grub tshad ni/ ming gzugs la rdeb pa'i yang snying ni/ oM d+ha rma rag sha rbad/ mu tra rbad/ baM ril dun b+h+yo/ mug trag rak+Sha ri ti
347a1 swAhA/ma mo gser gyi 'bru gcig pa'i bsgrub thabs/ che mchog nyid kyi dgongs spyod// yang snying sngags kyi le'u ste bcu pa'o//// 'di nas mar phyi rabs pa'i rnal 'byor pa rnams kyis bstan pa
347a2 gnyan po bsrung ba'i phyir thun gyi bsgrub thabs bstan pa/mtsho sman ye shes kyi rgyud las bskyed pa lags te/ rgya gar skad du/ ar+ya re ma ti zhes bya'o/ sang kri ta'i skad du/ rdo rje dpal mo ldan zhes bya'o// bod
347a3 skad du/mtsho sman gyi rgyal mo zhes bya'o// gsang ba'i mtshan gsol ba/ gnyan gyi yum cig klu rum bsil zhes bya'o// de'i thun ni grags so phur thun lags te/ bca' ba'i thabs ni dkyil 'khor 'khor lo
347a4 rtsibs bzhi pa'i dbus su mthing nag gru gsum mthing nag spag tu bya// dbus sor snga gru gsum gting du bru/ phyi rim sor lnga gru gsum 'phangs su stod/ gru gsum rtse mo lho ru bstan/ logs gsum la zla gam
347a5 bri/de'i phyi rim thod pa'i 'phreng bas bskor/ 'khor lo rtsibs bzhi la yang gab bzhi dgod/ mu khyud zlum por gru chad bzhin ldan par bri/ bar khyams gru gsum la khro bo'i phur ba dgod/ lcags ri sgo khyud me ri
347a6 'bar bas bskor/ma trang dkyil 'khor lho'i phyogs su mnan/ 'brub khung gru gsum mchan khung g.yas g.yon bya/ de'i tha ma rtsang dang phur bus bskor/ bsgrub rdzas rten du tsa ra dkar po gnya'
347b1 nag gzhag/bsnyen pa'i grangs ni nyi shu bzhi nas gnam stong yan chad do/ zhag gsum gong du lta bsnyen bya'o// mgo lpags zhag bzhi'i nub mo tsa ras bzlog pa bya'o// g.yang gzhir bshus la dug gtor phur/
347b2 gnam stong nub mo mnan pa'i las bya'o// thun sngags la dug kha la za mun lo dan ti rbad/ yu na rbad/ thibs rbad/ bam rbad/ du ra rmaM rbad/ che ge mo'i srog rtsa la rbad/ ces bzlas so// dkar mo dbu dgu ma
347b3 byang chub sems las bskyed pa lags te/rgya gar skad du/ ar+ya re ma ti zhes bya ba/ sang kri ta'i skad du/ rdo rje dpal mo ldan zhes bya'o// bod skad du/ mtsho sman gyi rgyal mo zhes bya'o// gsang ba'i skad du mtshan
347b4 gsol ba// gnyan gyi yum cig klu rum sil zhes bya'o// rgya gar skad du/ ar+ya dkar mo re ma ti zhes bya'o// sang kri ta'i skad du/ ma sar dbang phyug rdo rje khro mo man dza zhes bya'o// bod skad du/ dkar mo dbu
347b5 dgu ma zhes bya'o// gsang ba'i mtshan gsol ba/ rdo rje lcam cig pad+ma gsal zhes bya'o// de'i thun ni ma mo'i snying thun lags te/ bca' thabs ni dkyil 'khor mthing nag gru gsum sbag tu br-i/ dbus kyi gru
347b6 gsum rtse mo lho ru bstan/dbus kyi gru gsum re la 'brub khung re/ tha ma me rig 'bar bas bskor/ dbus kyi zla ga ma gsum la nyi ma dang zla ba bri/ mu khyud zlum po la thod pa'i 'phreng ba bri/ gru chad bzhi la phyag
348a1 rgya chen po bzhi dgod bar khyams gru gsum la khro bo'i phur ba dgod/mu ran lcags ri la ma mo'i mchod rdzas dgod/ sgol bse'i lha mo mched bzhi dgod/ de'i rdzas dang rten du dgod pa ni/
348a2 dbus kyi mthing nag gru gsum la skyes ba mi gri shi ba'i thod pa dgod/ de'i nang du baM gyi tsit+ta dang/ ra rgya mo'i tsit+ta dang/ khyi dom pa'i snying khrag dang/ phag pa rog po'i snying khrag bsres la dar mthing nag gis kha
348a3 bkab la bzhag/ling kha bca' ba'i thabs ni/ grog mkhar gyi sa dang/ tshub ma'i lo ma dang/ bung bu'i bdud rtsi dang/ ngar snabs dang/ khar rkong srin can dang/ 'di rnams gzugs byas/ lho phyogs kyi
348a4 'brub khung du ling kha phur pa la btags la yungs kar gyis rgyal po brdeg/lho nub mtshams su 'bru khung du khro bo'i phur ba gdab/ byang shar mtshams su dug shing skyer pa la hom cig byas la drag po'i sbyin sreg
348a5 bya'o// dbus kyi gru gsum la hUM phaT bri/ ma traM shar gyi phyogs su mnan// ma traM dkyil 'khor bri ba ni/ ma traM snying kar 'brub khung bya// phyi rim mu khyud zlum po la/ pad+ma 'dab ma brgyad du bri/ mgo bo lho yi phyogs
348a6 su bstan// bsgrub pa'i sngags ni 'di bzlas so// trag rag sha mu tra kha mun tra/ snying kha rag rbad ka tsit+ta rbad chums thums rbad ri li li b+h+yo/ dus tshod zla ba dmar gyi ngo// gza' dmag dpon la gtad par
348b1 bya'o// thun khrag dgra bo'i khyim la gtor ro// srid pa'i bu mo gsang ba'i do rje dri chu las bskyed pa lags te/ rgya gar skad du/ gu ya gsang chen ma zhes bya'o// sang kri ti'i skad du/ srid pa'i 'phrin blon chen mo
348b2 zhes bya'o// bod skad du/ srid pa'i bu mo zhes bya'o// gsang ba'i skad du mtshan gsol ba/ nam mkha'i mkha' 'gro dbyings rum sil zhes bya'o// de'i thun ni bal mo'i dug thun lags te/ dkyil 'khor gyi
348b3 bca' thabs ni/dkyil 'khor mthing nag gru gsum pa zur gsum lcags mda' lcags gzhu bri// logs gsum zla gam kha phyir bstan pa re bri/ de'i dbus su yi ge dza re bri/ de'i phyi rim gru chad kyi nang logs
348b4 su me ri kha nang du bstan pa bri/de'i phyi rim par khyams la khro bo'i phur pa dgod/ lcags ri la dbang phyug dgod/ sgo la bse'i lha mo bzhi dgod/ dbus su bse gzhong pa sbyar dgod/ nang du e raM brgya bri/ ya
348b5 stags la/dug po nga nag po dang/ glang po che'i mchim pa dang/ bya ngang pa zhes gsol ba dang/ khams dug sna tshogs la mngar gsum gyi chang gis bslang la// bsgrub pa'i snying po ni/ oM ka be sha tra ber sha be sha
348b6 sha ru be sha kha thun b+h+yo/ma traM nub kyi phyogs su mnan/ ma trang dkyil 'khor br-i ba ni// gsang ba'i gnas su 'brub khung bru// 'brub khung gsang ba'i gnas su bya// ras sam gro ga shing shun la// dgra bo'i
349a1 gzugs dang ming rus bris// 'brub khung nang du mnan pa bya// dug dang khrag tu bsres nas ni// gzugs la brgyab ste khyim la gtor// dur khrod kyi lha mo shri rtsam Ni tri ni/ go ru tsa na las bskyed
349a2 pa lags te/rgya gar skad du/ nag mo pa te li zhes bya'o// sang kri ta'i skad du/ ging kar rdo rje gtum sgrol ma zhes bya'o// bod skad du/ rdo rje za rlung zhon mi zhes bya'o// gsang ba'i mtshan gsol ba/ sgrol ma rdo
349a3 rje mkha' 'gro mchog ces bya'o// de'i thun ni ma mo'i tshil than lags te/ de'i bca' thabs ni/ dkyil 'khor mthing nag gru gsum sbag gnam sgo can/ de'i phyi rim thod pa'i 'breng bas bskor/ tha ma me ri
349a4 'bar bas bskor// de'i dbus su bud med kyi ban d+ha cig gzhag/ de'i nang du tshil chen phul gang blugs la/ dur khrod ras la sdong bu byas la me btang ste khyo ga'i ban d+ha gcig gis kha dgab bo// bdag nyid
349a5 che mchog gsal bar sgom// ngos g.yon du lha mo tsa mun tri sgom/ phyag g.yon pas thod pa'i steng nas mnan te/ g.yas pas 'phreng ba bgrang zhing bsgrub pa'i snying po 'di bzlas so// tsa mun tra pa ra ta ya tis sta
349a6 dz+wa la ni hUM phaT swAhA/nyi shu dgu la gzugs nas gnam stong la gdon no// de grub pa dang thod pa kha bkab pa de ru bzhar/ khyi dkar po'i 'o ma dang/ sbrul gyi pags pa'i tshil bu dang/ sog po'i snying khrag dang/
349b1 ra rog pa'i snying khrag dang/ g.yag bya la'i spu dang/ rta ngang pa'i rna spu dang de rnams bsres te/ bya ngang ba'i snying khugs su blug la/ dus rtag tu lus la bcang bar bya'o// ma trang byang gi phyogs su mnan// ma trang
349b2 dkyil 'khor bri ba ni// mgo bo'i steng du 'brug khung bca'// 'brub khung mtha' ma rtsang gis bskor// gong du bsgrub pa'i rdzas rnams la// thun gyi snying po brjod byas la// tshil thun klad pa'i rgyas su
349b3 dbab// tsit+ta be'u chung sngags kyi le'u ste bcu gcig pa'o//// bdag nyid ye shes kyi dpal chen po che mchog he ru kar sgom la/ ma mo'i dbang du bdag mi btang bar/ ma mo bdag gi dbang du bsdu ba'i phyir/ khro
349b4 bo tsham ngam gyi dregs pa can dpal skong bar bya ste/hUM/ nga ni sangs rgyas kun gyi yab// nga ni bde gshegs kun gyi gtso// nga ni gshin rje kun gyi gshed// nga ni ma mo kun gyi yab// nga ni dur khrod snying sha
349b5 can// nga ni bdud kyi bdud chen po// hUM nga ni thams cad dbang du sdud pa'i rang bzhin te// che mchog shrI he ru ka// nga ni sbyor bdag chen po ste// yag sha shrI he ru ka/ nga ni sgrol bdag chen po ste// ra ga sha shrI he
349b6 ru ka/nga ni dam tshig bdag po ste// sa ma ya shri he ru ka/ nga ni thams cad sbas pa'i rang bzhin te// nga ni dpal chen he ru ka/ nga ni dus gsum sngon du byung// nga ni dus gsum ltar gnas pa// nga ni dus gsum
350a1 slad kyis 'byung// dus gsum 'di ni nga yi dbang// dpal 'bar che mchog sku ba skyod pa// mthing nag 'bar ba 'jigs pa'i sku// dbu dgu phyag kyang bco brgyad de// zhabs ni rdo rje 'bar ba
350a2 brgyad// dur khrod rgyan gyis lus brgyan cing// rdo rje gshog pa nam mkha' gdengs// thod sbrul 'bar bas lus brgyan cing// me dbung 'bar ba'i klong na bzhugs// zhal bgrad mche gtsigs spyan bzlog
350a3 nas// tsham ngam drag pos ma mo 'dul// khyed kyi srog snying nga la yod// khra rgod gzan la bcum pa bzhin// srog gi snying po dam la 'du// khyed kyi dam rdzas nga la yod// tsit+ta 'phreng ba nga la yod// mi dbang
350a4 'bras bu nga la yod// shi ka'i mtshal thig nga la yod// ras bal rlung gis bsdus pa bzhin// dam rdzas gsang ba'i dam la 'du// bka' ltar mi byed dam la mi gnas na// gzhob rgod rdog pas brdzis pa
350a5 bzhin// gso glags med par dmyal thag chod// nis tim ku ru ni/ kha so ba ti yaM/ sen yaM/ ru yam ni sod/ snying za ba tsit+ta la ma sha ro la khrag 'thung/ shal khyi khrid k+kaM sha ya/ ta bar la to/ tri hri hUM phaT/ dkra
350a6 he dkra he zhes brjod do// khro bo 'jigs byed gsang ba'i le'u ste bcu gnyis pa'o//// 'di nas mar la bra se na dbab par bya ste/ dkyil 'khor gong dang mthun/ dam rdzas ban d+ha bco brgyad med du mi rung
350b1 ngo// khrag sna stong rtsa brgyad med na yang/ bco brgyad med du mi rung ngo// sha sna stong rtsa brgyad dang sman sna stong rtsa brgyad med na yang/ brgya rtsa brgyad med du mi rung ngo// gsur chen gyi dud pa rgyun chad med par
350b2 btang ngo// gzungs ma mtshan ldan brgyad med na yang/ bzhi med du mi rung ngo// dgongs ldan cig med du mi rung ngo// las mkhan cig med du mi rung ngo// skyes bu ngar tsan mtshams gcod pa cig med du mi
350b3 rung ngo// dkyil 'khor gyi gru bzhir ban d+ha bzhi la/ khams brgya ma bzhi'i snying po bri'o// dkyil 'khor gyi mu bran la long pa rgyab sbrel mar bri'o// yang sbrul dang sum sprul du bcas par bstan// phur pa brgya rtsa
350b4 brgyad kyis dkyil 'khor bskor/mda' bzhi'i mtshams su ban d+ha bzhi dgod do/ de'i mtshams su gser phye me long bzhi dgod do// dkyil 'khor rgyan de kun gong ma dang 'thun no// shar phyogs kyi b+han d+ha ni
350b5 srid pa'i bu mo'i rten no// lho phyogs kyi ban d+ha ni mtsho sman gyi rten no// nub phyogs kyi ban d+ha ni dbu dgu ma'i rten no// byang phyogs kyi ban d+ha ni tsa mun tri'i rten no// bcu bzhi ni mkha' 'gro ma bcu bzhi'i rten
350b6 no/tshal bu la ma mo stong rtsa brgyad kyi snying po bris la le'u tshel bskor ro// yum sbas la mtshams bcad do// yum rnams bdud rtsi'i chus bkrus la/ mda' bya rgod ma la mde'u rtsang la sna ma bcug la/ dar le
351a1 brgan gyi mgul chings byas la yum gyi la 'u'i dpung kha nas bzung la the tshom smra'o// khar gsang khar nyid sngon/ ma ru ni ngo ma shes/ sring du ni ngo ma shes/ grogs su ni ngo ma shes/ de skad the
351a2 tshom smras pa dang/mkha' 'gro bcu bzhis slar lan gsol pa/ srin la gnas bzung ste pra dbab bo// 'jig rten snga phyi'i gtam khyer nas 'ong ba ral gcig ma yin pas snying po nas drangs so// trag rag sha
351a3 mu tra ru lu ru lu bruM/shri ma dzu ti pa ta tsa kra rgyan bruM/ sngags mkhan gyi zhabs g.yon pa la btags la/ de ltar lung gi zin par byas na/ lha srin sde brgyad gang bkol yang bsgrub bo// bra se na'i le'u ste bcu gsum
351a4 pa'o//// 'di nas mar bskul tshig gis thugs dmar gyi rgyud bskul bar bstan te/ snang srid bdag mo sku bzhengs la// gling bzhi mun pa'i g.yung drung 'das pa'i pha rol nas/ 'bying byed chen mo'i ming shed
351a5 na// gser gyi khri la g.yu'i gdan bting ma// snang sr-id thams cad dbang sdud mdzad ma// skye 'gro tshe la legs nyes ltang 'dzin ma// thog gi bdag mo glog 'phreng ma// sring cig chen mo klu rgyal 'bum gyi rje/ sku
351a6 la na bza' ci gsol na// na bza' rma bya'i thul pa la// mtha' ma g.yu yi rdo rjes gtams// mu med gser gyi go cog can// spyan mig g.yon pa nyi ma 'khyil ba tsam// spyan mig g.yas pa zla ba 'khyil ba
351b1 tsam// bzhugs ni nyi ma lho na bzhugs// mtsho sman chen mo legs nyes ltang 'dzin ma// sku ni mi bskyod dbyings na bzhugs// phyag na 'phrul gyi me long bsnams// 'phrul gyi me long gzigs pa yis// 'khor
351b2 gyi pho nya bskul nas ni// stong gsum 'jig rten sems can la// tshe srog kun gyi ltang yang 'dzin// rnam par thar pa'i lam yang ston// sangs rgyas kun dang gshegs shul mthun// dbang phyug 'phra men rnams
351b3 kyi dgongs spyod can// 'jig rten 'dzam bu'i gling bzhi yi// sha khrag dbugs dang srog la dbang sgyur mnga' mdzad ma// 'dzam bu gling bzhi sems can tshe zad dus zad gtan la 'bebs// klu phran 'bum gyis
351b4 zhabs la bskor// tsi tsi dz+wa la'i bdag cig ma/ sangs rgyas rnams dang thugs dam gcig/ rgyal rigs rnams dang las thabs cig/ legs ldan nag po pho nyar 'gyed// klu yi sde dpon 'khor 'dus ma// ma
351b5 'phang g.yu mtsho'i nang sher na// che zhe chen mo klu ru ma sil// nya che yor mo'i thul pa la// nyi phran stong gi sug man brgyan// sbrul nag nyi khri bdud 'bum yang// g.yas nas bcus nas g.yon du 'dril// sbrul
351b6 nag 'dug ba'i thum pa can// 'phags mo sum khri lnga stong gzhi bas// mgo bo bsnol ba'i gdan la gshibs te bzhugs// phyag rgya chu srin rgyal mtshan 'dzin// zhal nas mtsho chen rlangs pa 'thul chos nyid ma ru
352a1 ngo ma shes// chos nyid ma ru ngo ma shes na// dbyings dang ni ye shes ldan// pha ru ni ngo ma shes// pha ru ni ngo ma shes na// brtse ba'i ni gzhung dang ldan// grogs su ni ngo ma shes// grogs su ni ngo shes
352a2 na// grogs mchog ni gzhung dang ldan// ming po ni ngo ma shes// ming por ni ngo ma shes na// dpa' brjig ni mdzes pa dang ldan// rje ru ni ngo ma shes// rje ru ni ngo shes na// dbyings su ni 'bangs su mchi// de
352a3 nas yab mngon rdzogs rgyal pos srin la gnas bzung nas/g.yon gyi b+ha ga dbang du bsdus te yar drangs te/ ma ru ni da bsgrub kyi/ ma ltar ni dbang ma che// dbyings la ni ye shes sbyor// srid du ni da bsgrub
352a4 kyi// srid ltar ni brlab ma dam/ grogs su ni da bsgrub kyi// grogs ltar ni phrag ma dog/ mdza' mor ni da bsgrub kyi// yid la ni gzhungs par gyis// bran mor ni da bsgrub kyi// bran ltar ni snying
352a5 ma ring// las la ni gshin bar gyis// da ni dkyil 'khor gyi grwa bzhir zur dbang bskur la bzhag go/ de'i nub mo bshags byang bya'o// de'i phyi nub bar gcod kyi bgegs gdul ba'i phyir// 'phrin las phur
352a6 bu'i dkyil 'khor bzhengs su gsol lo// de'i phyi nub nam mkha' lding gcig gis bskang ngo// de'i phyi nub tsa ra gcig gis zlog go/ de'i phyi nub shel dkar smug gcig gis bskang ngo// dgung bzhi'i nang
352b1 par shel dkar mo gcig gis dkar mo dbu dgu ma'i thugs dam bskang ngo// de nas nag po shel mig gis mtsho sman dang klu rnams kyi thugs dam bskang ngo// de nas pra dbab ste/ yum rnams bdud rtsi'i chus
352b2 bkrus la// rgyan rag ta'i thig les btab la// srin lag la skud pa nag po gcig gdags/ gung mo la skud pa dkar po gcig gdags/ de nas pra dbab mtshams gcad do// de nas yungs kar la bsngags
352b3 la/spyi'i snying po'i steng du pra dbab pa'i snying po bzlas so// gong ma'i snying po la bru gdags so// trag rag sha mu tra ru lu ru lu rag mo dza dza kha na ma ti bruM dbang phob cig/ trag rag sha trag rak+Sha mu tra ru su ru lu bruM/
352b4 snying kha rag b+h+yo/ ru lu kha raM ra ga sha ni/ shu tri sta rbad/ thum ri li li shu ti sta rbad bruM dbang phob cig/ gzhung las byung ba'i ma mo'i snying po chod phyogs phyogs lhar 'phog la/ ma mo'i snying po 'dzab tu 'don du
352b5 gzhug go/de nas pra dbab pa'i mi pad+ma'i gdan steng bzhag la/ phyogs phyogs nas phyi dbang bskur ro// de nas dngos grub kyi cha rkyen lugs bzhin du bshams la/ bdud rtsi'i bdag mo yin pas bsnyen bsgrub
352b6 bdud rtsi'i 'dzab brgya rtsa brgyad tshang bar gdon no// de ni skad kyis 'jig rten sngangs par mdzad// las su skye shi rtsad gcod ma// gnam sa zlog pa'i phyag rgya sgyur// 'khor gyi pho nya bskul nas ni// dam la
353a1 rub pa'i 'phrin las mdzad// lag pa g.yon na bdud rtsi shing// ka ka li ste tshe shing 'dzin// lag pa g.yas na 'khor lo sgyur// 'dzam bu gling bzhi byo bzlog mdzad// srog dbugs bdag mo sku
353a2 skyod cig/ces bskul lo// da ni dkar mo dbu dgu'i thugs dam bskul te/ dpal chen thugs las sprul pa'i sras mo ste// dpal gyi bka' nyan sprul pa'i 'khor sdud ma// gnas ni ri mtsho bdun na
353a3 gnas// chibs su sprul ba mgo dgu chibs// dkar po dung gi g.yu rdog can// sku ni shel rdo gcag pa 'dra// nyi ma'i zer bas shin tu 'dzer// zla ba'i 'od bas dkar la gsal// sku yi 'od kyis stong khams
353a4 khyab// zhal nas 'jigs pa'i skar mda' 'phro// sku ni dkar mo chen mo la// srin pa'i gnam ni gos su gyon// grags pa'i sa ni stan du bting// khams gsum 'jig rten phang du khyer// nyi zla kun kyang khyur
353a5 mid byed// srid pa gsum ni sku la rdzogs// nyi ma'i dkyil mdangs spyan nas 'char// zla ba'i rma mdangs zhal nas 'char// lag na ri rab rtsa dgu gsor// shin tu mi zad gtum chen ma// dgu tshigs gzhu ru
353a6 gdung ba mo// skar chen mda' ru 'phel pa mo// dgra snying phur gyi 'dengs pa mo// che zhe ma sar dbang phyug ma// sha khrag dmar gyi dri bsnam ma// legs nyes kun gyi ltang 'dzin ma// dam tshig nyams pa'i rjes
353b1 gcod ma// thog dang ser ba zhal nas 'thor// sbrul nag stong gi zhags pa 'phen// zla ba tshes pa'i spyan zur gzigs// dgra bo dam nyams kun gyi gshed mar zhal 'ches ma// dkar mo'i rgyal mo gshegs su
353b2 gsol// g.yas na ging chen bco brgyad 'gyed// g.yon na ging lcam bcu gnyis 'gyed// ging gi rgyal mor gshegs su gsol// gnas ni shar gyi phyogs na gnas// rgyu ni bar snang khams su rgyu// bzhugs ni
353b3 nam mkha'i dkyil na bzhugs// las su dgra bo'i snyinga'abyin cing// zas su dgra bo'i tsit+ta za// skom du snying khrag dron mo 'thung// bcol ba'i 'phrin las grub par mdzod// da ni srid pa'i bu mo bskul
353b4 te// gangs dkar rtse la gnas pa mo// las su bcol na kun kyang bsgrub// nyin mo rdo rje dam tshig can// mkha' la dbang sgyur dbang mo che// nam mkha' dbang sgyur mthu mo che// dkyil 'khor dbang sgyur byin
353b5 mo che// dam tshig dbang sgyur rdzu 'phrul can// smug nag chen mo dbu lnga la// tsit+ta stong gis mnga' bdag mo// sku la na bza' ci gsol na// na bza' le brgan 'bar pa gsol// gtsos chen stong gi la dbus
353b6 klubs// las su bcol na kun kyang 'grub// phyag na 'dril ba'i mchog phur bsnams// dgra bgegs snying la gzer 'debs ma// zhal nas sgra sgrogs 'grug chen ldir// gnam la dbyar dgun mtshams khyad
354a1 'byed// de phyir srid pa'i bu mo bya'o// phyag na thog bsnams dgra snying sreg/ thugs ni dgra bo'i tsit+ta rlom// de phyir tsit+ta'i bdag mo sa bya'o// spyan ni stong khams khyab par gzigs// srid pa'i
354a2 'jig rten bya ra mdzod// de phyir srid pa'i bu mos bya'o// nam mkha' stong la dbang sgyur ma// dpyid zla gsum la rgyu ba'i dus// rlung dang tshub ma'i sna 'dren ma// rtsi shing kun dang ni gsing g.yo// de phyir srid
354a3 pa'i bu mos bya'o// dbyar zla gsum la rgyu ba'i tshe// thog dang ser ba'o gdong 'dren ma// chu bo kun gyi gzhung 'dren ma// chu phran kun gyi mdog 'byin ma// me tog kun gyi 'od len ma// sems can gzhon pa'i
354a4 mdangs 'phrog ma// de phyir mdangs bdag bu mos bya'o// ston zla gsum la rgyu ba'i dus// bzhugs ni ri rab zom la bzhugs// gser gyi skyogs g.yu'i pra zhing// can 'bras bu lo tog bcud
354a5 len ma// lo thog 'bras bu srid pas bskyed// de phyir srid pa'i bu mos bya'o// dgun zla gsum la rgyu ba'i dus// bzhugs ni sa yi 'og na bzhugs// lag na phyag rum mdung tsam thogs// thams cad sdoms
354a6 pa'i mnga' mdzad ma// de phyir srid pa'i bya ma'i bya'o// the'u rang has pos dbang sgyur ma// srid pa'i bu mo thugs dam can// dam tshig dus la bab kyis 'phrin las mdzod// da ni dur khrod kyi bdag mo shri tsa mun
354b1 tra bskul te/dur khrod lha mo shri tsa mun tra// sku mdog dmar ser chen mo la// sprul pa mthing nag chas kyis brgyan// yar ltas gnam gyi lha rgyal mam// mar ltas sa yi klu rgyal ma/ chibs su sprul ba rlung nag
354b2 chibs// na bza' gos su nag po gsol// zhal nas rdzi ba 'bud pa mo// g.yas na zangs kyi rgyu zhags thogs// g.yon na srog snying gcod pa'i phyag/ sdang ba dgra bo drang zhing khug/ rlung lha'i phyogs nas pho nya
354b3 'gyed// sprul pa sha zhon mang po 'gyed// mthing nag chen mo ral pa can// za byed rdo rje thog 'bebs shing// rlung dang ser bu chibs su chibs// sku la mi bzad 'bar bas brgyan// zas su sems can gson
354b4 po za// che zhe chen mo sku gcig mar// zas su sems can stong za ma// srid pa za byed skye shi rtsad ga cod ma// khams gsum 'jig rten stong bar sgrol mdzad ma// khams gsum za bar dam bcas srid par bas
354b5 gcod ma// bstan pa 'jig pa'i dgra bo nag po lags// las kyi thun cig dbab tu gsol// dug gi kha chus gdab tu gsol// sgrol byed chen mo'i dus la bab// bsgrub pa'i dus su mtshang zu zhing bskul
354b6 bas// bskul tshig le'u ste bcu bzhi pa'o//// dkyil 'khor gyi dbus su// dus gsum ye shes lnga ldan ka pa la'i nang du// dri chen dang/ khyi dkar po'i rus bu dang/ tsit+ta cha gcig gis// rnam par
355a1 snang mdzad kyi thugs dam bskang ngo// shar gyi phyogs ky-i 'khor lo la// sku gsung lhun grub rdo rje ka pa la'i nang du// rta sngon po'i 'bras bu cha gcig dang// byang chub sems cha gcig gis// rdo rje
355a2 sems dpa'i thugs dam bskang ngo/lho phyogs kyi 'khor lo la// yon tan tshogs rdzogs rdo rje ka pa la'i nang du// glang po che'i 'bras bu cha gcig dang// tsit+ta cha gcig gis// rin chen 'byung ldan gyi thugs dam
355a3 bskang ngo// nub phyogs kyi 'khor lo// mtshan med spros bral rdo rje ka pa la'i nang du/ rma bya'i 'bras bu cha gcig dang/ bud med kra ser la li rag ta cha gcig gis// snang ba mtha' yas kyi thugs dam bskang
355a4 ngo// byang phyogs kyi 'khor lo la// dug gsum gtan srugs rdo rje ka pa la'i nang du// shang shang gi 'bras bu cha gcig dang// dri chu dang// ci yang rung ba'i glo dang// mcher ba dang// tsit+ta cha gcig gis// don
355a5 yod grub pa'i thugs dam bskang ngo// de nas ma mo rnams kyi thugs dam bskang ba ni// mtsho sman ye shes sku las bskyed ba lags te// de'i thugs dam bskang ba ni/ ku kur nag po shel mig dang// lug chu
355a6 gam dang/rma bya'i mdongs kyis bskang ngo// dkar mo dbu dgu ma byang chub sems las bskyed pa lags te/ gtso bo nyid kyi thugs dam chos nyid kyi lta ba dang/ lung dang man ngag gi chos dang// shel dkar mo
355b1 smin dmar dang/ku kur dkar pos bskang ngo// srid pa'i bu mo gsang ba'i rdo rje'i dri chu las bskyed pa lags te/ de'i thugs dam bskang ba ni// ku ku ra gtsos ka shel mig dang/ lug smug chags kyi thugs
355b2 dam bskang ngo// tsa mun tra go ro tsa na las bskyed pa lags te/ de'i thugs dam bskang ba ni/ lug nag mo spyi dkar dang// bya nag mo gser mig dang/ sha chen gyi gtor ma dang/ tshil chen gyi me mar dang/
355b3 gsung chen gyi dud pas rgyun ma chad par gtang la bskang ngo// tsit+ta pe'u shing bskang tshad kyi le'u ste bco lnga pa'o//// gsang ba'i bsnyen pa rdzogs pa dang// dbang dang ldan pa'i slob dpon la// slob ma gus dang
355b4 ldan par la// lag tu rin chen gser thogs nas/ dbang nyid gser gyis blu bar bya'o// slob dpon phyag na rdo rje yis// rdo rje dril bu thogs nas kyang// 'phrin las rnam bzhi'i dbang bskur ro// slob dpon
355b5 'jam dpal gzhon nu yis// phyag na po ti bsnams nas kyang// gus dang dad ldan slob ma la// gnyan byed 'khor lo'i dbang bskur ro// ston pa kun tu bzang po yis// khri'u dang chags shing thogs nas
355b6 kyang// sde snod 'chad pa'i dbang bskur ro// ston pa mngon rdzogs rgyal po yis// lag tu ban d+ha thogs nas kyang// gsang sngags bsgrub pa'i dbang bskur te// rgyal thabs spyi blugs dbang bskur
356a1 ro// gdugs ltar spyi nas 'gebs pa'i slob dpon gyis// bsgrub pa'i dkyil 'khor mtha' nas bsdus// rdzas dang lag cha bkram pa rnams// dbus kyi ran d+ha bzhi ru bsdu// ma mo sum brgya drug
356a2 cu yang// yang gab dbang gi rgyal po bzhi ru bsdus// ban d+ha bzhi yis dbang bskur bas// yang gab bzhi yi dbang chen rdzogs// spyi ti kha la ma mu tra sa ma ya ti sta tsakra rgyan bruM/ rag sha mo rag sha ma shun ti sta
356a3 tsakra rgyan bruM/kha raM rag sha ma sa ma ya ti sta tsakra rgyan bruM/ dbang gi rgyal mo bzhis dbang bskur bas/ 'jig rten dang 'jig rten las 'das pa'i dbang rdzogs par gyur cig/ dbang gi tan tra'i le'u ste bcu drug
356a4 pa'o// da ni thun gyi grub rtags bstan te/ thod pa'i khrag dkar dmar du 'dres pas yab yum gnyis su med pa'i dngos grub pa yin no// khrag de sbos na sgrib pa yod pas bshags pa bya'o// thod pa 'gul zhing
356a5 'dreg na// pho nya rnams kyi dngos grub thob pa yin no// khol zhing rlangs pa byung na// khro bo zhe sdang gi dngos grub thob pa yin no// de las mdog nag por gyur na/ chos kyi dbyings kyi dngos grub thob pa yin
356a6 no// grub pa ltas kyi le'u ste bcu bdun pa'o// a+thi+-i//


CLOSE WINDOW