324a1 / ma ma karma sarba tan tar tsa ta nA ma// bod skad du// ma mo las thams cad kyi las rgyud lung zhes bya ba// yum chen mo mu kha le la phyag 'tshal lo// 'di skad bdag gi thos pa'i
324a2 dus gcig na// bcom ldan 'das de bzhin gshegs pa thams cad kyis sku dang// gsung dang// thugs rdo rje'i rang bzhin gyi b+ha ga la// zo mdog bde ba ca co la sogs med par snyoms par zhugs so// de'i
324a3 tshe dba' bo dang mkha' 'gro ma la sogs pa zhing gi rdul snyed dang// 'jig rten gyis gnod sbyin mo la sogs pa dang// srin mo rnams mdun du bdar nas bzhugs so// de nas lha'i dbang po stan las langs te
324a4 bskor ba dang phyag 'tshal nas// yum chen mo snang srid bde ba la 'god cing srid mo rnams dbang du 'dzad pa ni ngo mtsher na// las la grub pa'i ma mo rnams ji ltar bsgrub// las kyi dbye ba ji ltar bgyi// yum
324a5 gyis bdag bshad du gsol// zhes gsol pa dang// de yi tshe yum chen mos 'di skad ces gsungs so// ma mo nga'i bstan pa 'di la snyigs ma lnga'i dus te// bstan pa rang gi rang 'jigs pa dang// gos su re
324a6 ba gon pa dang// zas su lci bza ba dang// nye ba dgra ru ldang ba dang// dam chos rang dgar sbyod pa dang// ma nyes dam las gcod pa dang// gsang sngags sgor kun tu 'jug pa dang// man ngag zong du 'khyer
324b1 be dang// rgyal ba'i sku la ring thang 'debs pa dang// lam grog por gyur pa dang// rgyal khams sil bur song ba'i dus su// ma mo yang rang dam rang gis 'das nas man ngag gis grub pa'i dus 'byung
324b2 bas// de'i dus su ngas bstan pa dral pa la phan gdags shing// ma mo grub pa'i thams bstan cing bshad par bya yis// brgya byin la sogs legs par nyon la yid la zung zhig// de nas yang dag bshad bya
324b3 ba// dang po ma mo sgrub pa'i gnas// dur khyod dag gam mtsho gling dam// ngam grog phug la sogs pa yin// bar chod bgegs dang mi med par// las la grub pa'i rkyen dang ldan// gnas kyi mang ngag shes pa
324b4 yis// dang por dben pa'i gnas btsal te// gnas der ma mo'i rdzas btsal pa// mi sha ma yin gzhan gyi sha mi za// mi khrag ma yin gzhan gyis khrag mi btung// misnying ma yin gzhan gyis snying mi bza'// mi
324b5 gsur ma yin gzhan gyis gsur mi snom// mi g.yab ma yin gzhan gyis g.yab mi bya// mi gos ma yin gzhan gyis gos mi bgo// mi zhwa ma yin gzhan gyi zhwa mi bgo// zhes ma mo spyi'i dam rdzas so// ma hwa maM la
324b6 sogs sha sna stod// ma hwa ra k+ta la sogs khrag sna stong// ma hwa tsit+ta la sogs snying sna stong// rang bzhin shi ba'i lus la btsal// gos su zhing gi g.yang gzhi bgo// zhwa ru srid pa'i sbyi blugs bgo// bud pa rkang
325a1 gi gling bu bud// brdab pa thod pa'i cha lad brdab// rdung ba ltag spros rnge'u chung rdung// g.yab ba mi yi g.yab mo g.yob// dkyil 'khor rgyan ni zhing yin te// zhing gi bla re dar gyi phur sgrogs
325a2 can// zhing gi yol ba mdzes pa'i rgyan gyi brgyan// zhing gi rgyal mtshan dar gyi sham bu can// sbyo bo la sogs gnas rnams su// rmabya mdzes pa'i rgyan gyis brgyan/ mig la sogs pa'i gnas rnams su// nor bu
325a3 mdzes pa'i rgyan gyis brgyan// ma mo dges pa'i rdzas rnams ni// tsan dan dang ni gur kum dang// rtag tu dri dang ldan par bya// kha dog kyang ni legs par btsal// dper na rang gi kha zas kyang// bza' ba khyad
325a4 par ma 'phags tsam// ma mo'i dam rdzas de bzhin no// shing sdog sman mar me tog 'bras bur bcas// 'di yang ma mo'i dam rdzas te// mda' dang ral gri dar sna dang// mtshon thag rtsang skud legs par
325a5 btsal// de yang dkyil 'khor rdzas yin te// rus pa'i rdzas dag sbyin sreg rdzas// thun gyi rdzas dang mnan pa'i rdzas// thams cad dang por sngags pas btsal// rdzas rnams shin tu gsang ba ste// mi thos mi
325a6 mthong legs par sba// de dag spr-i yi rdzas rnams te// ma mo bye brag rdzas rnams ni// grub blin bzhi yi rdzas rnams ni// zangs chu dngul chu bya lug dkar// bar mtshams blin mo bcu gsum rdzas// khyi khu mig ma
325b1 bye ba dang// bya nag sgo nga bcu gsum ste// yar gyi bcu gsum rdzas kyis ming// mda' 'phang bcu gsum yin par 'dod// sngar gyi glud bu bcu gsum yin// kha blin bzhi yi rdzas dag ni// srog med pa yi
325b2 mdags bzhi ste// me long dang ni rma bya dang// chu dang mar me yin par 'dod// gzugs can gzugs kyi phung po bzhi// zangs mchu can dang stag glang can// g.yag glang can dang rtsi ber sogs// grub blon
325b3 bzhi la de lta bu'i// gzugs bzhi chu srin seng ge dang// hor dang bya khyung bag phye las// gzugs can srog gi bsdud pa bzhi// lug dkar mo la sogs pa yin// srog bcad pa yi 'bras bu gnyis// khyod dkar
325b4 rog pa'o// lnga gong nas ni 'bras bu mchog/ mtshams kyi blin po bcu gnyis la// shing a mra'i 'bras bu ste// mi 'bras sngon nas btsal te mchog// btsun mo chas zhugs bcu gnyis te// khyi dkar ra rogs bya
325b5 nag mo// bong bu 'bras bu'i chas su zhugs// yang bag phye las// btsun mo chas byas mthing grur nang du zhugs// bar mtshams blon mo bcu gsum la// sems can srog med bcu gsum ste// ngur pa 'phye ba bya
325b6 nag mo// rmad lcam khyi dang 'ug pa dang// se rigs su myu gu dang// ti bya bya dkar krung krug yin// btsun mo bcu gsum dar dkar chas// rgyal mo bzhi la srog ma bcad// khra bzhi mtshal dang li khri
326a1 dang// me lcags sro lo dmar po yin// sa yin rgyal mo rmig pa yin// chu yi rgyal mo nya rtsang pa// me rgyal srin bu me khyer yin// rlung gi rgyal mo wang pa ste// bag phye gzugs bya chas su gzhug/ sman
326a2 mo bcu gcig dag la yang// brgyad la khyod yod gsum la med// khyo skal 'bras bu 'di ltar ste// tsit+ta'i 'bras bu gnya' ba dang// lug rdur ba ru mkhas pas brtag/ chu 'bras bse yi 'bras bu ste// me 'bras
326a3 lcags phye yin par nges// srog med sems can bcu gcig ni// dbugadas kyi 'di dag kun gyi rdzas// srog chags gang rung bcu gcig la// mthing nag dar gyi brgyan pa ste// go le ma bzhi rdzas kyang
326a4 bzhi// sring mo bzhi la bam chen tshogs// ma bdud rag ta gsum gyi rdzas// gzhon bu ma bzhi mu stegs sogs// dge bsnyen bzhi ni 'di lta ste// gnam gyi dge bsnyen nam mkha' lding// sa yi byi ba sa yi
326a5 sbal// mi yi bdug pa yin par nges// cir mi 'ong gi sbun drug bzhi// klu dang btsan dang bdud dang yas// gnod sbyin las grub ma mo bzhi// shing 'bras shing tog sna tshogs te// chu 'bras chu sna tshogs pa
326a6 yin// sa yi 'bras bu dmigs pa yin// me 'bras sol ba sna tshogs so// mi bcos mi rung mi mo brgyad// tsit+ta dgu dag mi dbang dgu// gzugs can dgu dang gzugs med dgu// tsit+ta dgu ni 'di lta
326b1 ste// shing gi tsit+ta ga bur yin// chu yi tsit+ta ka ra yin// sa yi tsit+ta rgya sbos lags// rlung gi tsit+ta du ru ka// mi yi tsit+ta ga pur thal// nam mkha'i tsit+ta a ru ra// bar snang tsit+ta mi yi snying// brag gi tsit+ta brag sbos
326b2 pa// dur khrod tsit+ta ro bsregs thal// de ni srog med tsit+ta dgu// srog chags tsit+ta dgu dag ni// rmug rgya srol po tsat+ta dgu// mi dbang 'bras bu dgu dag ni// sa yi mi dbang ba bras ba bya// me yi mi dbang phye ma
326b3 leb// chu yi mi dbang nya tshan pa// nam mkha'i mi dbang ri bong yin// bar snang mi dbag wa yin te// brag gi mi dbang sha ba yin// shing gi mi dbang ri skegs yin// de dag mi dbang dgu yin no// ma mo stong
326b4 la rdzas brgya phrag// bdud du nges pa de dag la// de kun mu kha le las byung// tsit+ta dgu yi me tog las// ni dbang dgu yi dbu las byung// gzug brgyad sbyi bo dag las byung// srog ma bcad pa'i rag ta
326b5 dgu// pad+ma las byung shi ba med// ro dgu pad+ma'i cha la bzhag/ 'di dag sgo nga las byung ba// ka la yal sha'i dmod po ni// dper na lha mo re ma ti// gsang ba'i mi dbang kyi dbang dang// shi ka'i mtshal thig
326b6 shing la sogs// nag mo'i rdzas te de bzhin kun// de ltar gyur pa'i rdzas rnams dang// bod pa'i rdzas dang mchod pa'i rdzas// rten dang dam tshig bsre ba'i rdzas// bskang ba'i rdzas dang rung ba'i
327a1 rdzas// sbin sreg rdzas dang thun gyi rdzas// tha mar mnan pa'i rdzas yin te// rdzas 'di dang por shes bya ste// de nas tshul dang mthun par btsal// ma mo'i rdzas rnams 'tshogs gyur na// byis pa me
327a2 tog mthong ba ltar// de nyid du ni ma mo rgyug/ de bas dngos grub 'dod pa'i mis// dang por rdzas la nan tan bya// ma mo thams cad las rgyud lung las// ma mo'i dam rdzas bstan pa'i le'u ste dang pa'o// de ltar
327a3 rdzas rnams gsogs gyur nas// dang po ma mo sten pa tsam// yang kong gdon pa sogs pa yin// phyi bshags dang po legs par bya// de nas mtho gzusadags mthon rnams la// kha byang btags te gtor ma
327a4 sbyin// dam bca' las kyi bsgo ba bya// phyi mtshams bcad nas bar mtshams gcad// gnas kyi phyogs mtshams phur pas gdab// de yi cho ga gzhung bzhin bya// de nas gnas kyi them 'og tu// dam sri legs
327a5 par gnas par bya// maN+Dal grub bzhi dgra 'am bgegs// de dag legs par mnan par bya// mi bsad pa 'am g.yul nyes pas// de la maN+Dal legs par bya// dang por 'byung po thams cad pa'i// gtor ma
327a6 rgya cher sbyin par bya// de nas yo byad cha gsum bgo// cha gcig mchod dang gtor ma bya// cha gcig tshogs dang yo byad bya// cha gcig za tshogs dus su 'bul// sa yi lha mo'i cho ga bya// dur khrod chag chag rnams
327b1 kyis gdab// lha srin kun la 'go ma yengs// zhi ba'i tshi gis smra bar bya// de nas thigs gdab sa tshon bri// kri ya'i rgyud dang yo ga'i rgyud// dkyil 'khor bri ba ji lta bar// shes pa rnal 'byor ma mo
327b2 ru// mkhas pa rnams kyis shes par bya// de ltar dkyil 'khor bris nas kyang// rang rang yig 'bru dgod par bya// de nas rdzas rnams dgod par bya// ste nas zhing gi bla ri ste// phyogs nas zhing gi yol ba
327b3 'o// mtshams nas zhing gi rgyal mtshan no// zhing gi lhu sdum la sogs pa// rol mo sna tshogs tshu gyis brgyan// yang na dar gyi yol dang gdugs// zur du mda' dang phur pa dang// gri dang tshon skud dra ba
327b4 ris// mda' phur ral gri khro bo ste// skud pa rdo rjer byin gyis brlams// tha mar rtsang gi srin mo 'gros// b+h+yo las srin mo re re bsam// de nas dpal gyi gtor ma yang// chos 'byung dbyibs dang yo byad
327b5 bsogs// mdzes sdug rgyan gyis brgyan par bshams// ma mo'i gtor ma'i mtheb kyu'i grangs// gcig dang gsum la sogs pa yin// snod kyi nad dgram da yi nang// khrag gis bkang ba de yi nang// mthun
327b6 pa'i rdzas kyis gang bar bya// mtheb kyus thod pa'i rang bzhin te// khrag gi rag ta'i rgya mtshor bsam// snying dbus glo ba shar mcher nub// mkha' ma lho dang byang du bzhag// 'bras bu dbus la
328a1 mig ni shar// rna ba nub la sna ni lho// lce ni byang du dgod pa ste// rang rang mthun pa'i dam rdzas te// rang bzhin shi ba'i dam rdzas rnams// rjes yi rang zhing dam tshig rdzas// gzhan yang mchod
328a2 pa'i tshogs rnams bshams// rus pa'i rdzas la sogs pa kun// gnas der re zhig bzhag par bya// ma mo las thams cad kyi las rgyud lung las// dkyil 'khor bri zhing rdzas dgod pa'i rim pa ste le'u ste
328a3 gnyis pa'o// de nas yang dag bshad bya ba// rang kha chas zhugs rtags gdab ste// g.yeng ba'i bar chod kun sbangs te// bde ba'i stan la legs 'dug la// de bzhin nyid kyi ting 'dzin rdzogs// ting 'dzin
328a4 gsung bsgoms rjes thob la// phyogs bcu'i khro bo'i sku yi mtshams// mtshon cha 'chol ba gsung gi mtshams// rdo rje me mtshams thugs kyi mtshams// mtshams su mkhas pas legs par bcad// mtshams kyi rgya
328a5 dang 'phangs kyi tshad// rgya ni lcags ri 'og ni rlung// steg ni 'jig rten 'og min mtshams// de nas dbang chen dkyil 'khor kyang// chags sdang lnga yi dkyil 'khor 'khrug/ de star keng rus ri rab brjid// ri
328a6 rab steng du ma mo yi// gzhal yas khang pabartsegs ma bsam// phyi nang rin chen sna lnga ste// nang du thod pa'i gzhal yas khang// 'og nas khrag gi rba klo nga 'khrug// steng na zhing gi bla ra 'phyo// bar na dar nag ru
328b1 mtshon 'phyar// de ltar rang rdzogs mchod par bya// bdag nyid che mchog skur gsal nas// dpal gyi mchod pa gzhung bzhin bya// de nas rang nyid gsal bya'i phyir// stong gi 'dzab kyang rang la 'bul// de nas
328b2 ma mo'i gnas rnams su// dar tshig snying po de bsams la// rang nyid che ba'i nga rgyal dang// sngon gyi dam tshig rjes dran nas// lag tu rnga dril thogs nas su// ma mo gnas nas sbyan drangs te// rang rang gnas
328b3 su legs 'ong ste// steng bu snying po la thim nas// rang rang sku dang rgyan du gsal// brda sgo dang ni brda phyag 'tshal// gdan gding la sogs de bzhin no// de nas dus tshigs gang yin pa'i// rab tu brtan par
328b4 bzhugs su gsol// sngar dam nyams pa bshags par bya// sman dang khrag sogs byin gyis brlabs// dang po sman mchog de nas khrag/ de nas chang dang gtor ma'o// rnam lnga mchod pa la sogs pa// dang po
328b5 nyid du bya ba yin// de nas de la bstod pa bya// de rdzes ma mo'i srog snying nas// drangs te mkhas pas bsnyen pa bya// skabs 'dir ma mo la dmigs pa'i// bzlas lugs yin bar shes par bya// nyin mo shi 'u
328b6 mis mi thos// mtshan mo srog tu mda' ltar drang/ man ngag med par srog snying 'dren// sa na ma mo 'khrug par nges// man ngag don ni 'di yin te// mtsho yi gnas pas srog yin te// lus la
329a1 srog tu 'dod pa yin// lus kyi snying po snying yin pas// srog snying bya ba snying la yod// srog gi snying po snying de la// yi ge'i rnam pa 'di lta bu// rtsa ru gnas pas srog de yin// drang ba snying gi rtsa
329a2 nas 'dren// ting 'dzin mda' ltar snying rtsa drang// snying rtsa drang bas snying yang 'ong// snying 'ongs lus sems dag kyang 'ong// ma mo 'ong bas bsnyen pa yin// srin la sogs pa thams cad kyi// srog sning la
329a3 sogs de bzhin no// de ltar thun bzhi sbyod ba yin// mtshan ma'i bar du bsnyen par bya// dang po srog snying ngo bo dang// gnas pa'i tshul lam tshad rnams shes// grangs mang zur yang ma chag na// gug 'greng tsheg
329a4 bar ma chad na// 'di ni ma mo'i snying rtsa ste// snying rtsa drangs pas nges par zhugs// bar ma chad par stong stong la// mtshan mo stong tshigs mchod pa dang// bstod pa de bzhin bya ba yin// nyin mo khri sogs mchod
329a5 pa bya// de yis dus su zab tshogs la// byin rlabs spyan drangs mchod sogs bya// tshogs la cha bzhir khyo byas la// dang por dpa' bo mar me mchod// bar mas skabs kyi nyams chags bshags// tha mar bar
329a6 chod dgra bgegs kyi// gzugs byas bsgral dang btab par bya// de nas mtshan ma byung bar du/ lo dang zla bar bsnyen par bya// ma mo las thams cad kyi las rgyud lung las// bsnyen pa bstan pa'i le'u ste
329b1 gsum pa'o// de nas bsnyen pa byas pa dang// de nas bsgrub pa brtsam bya ba// snyen pa'i maN+Dal de nyid la// bdag gi gzugs dang ma mo'i gzugs// gzugs kyi snying khar gsang mtshan nang// dam tshig sngags
329b2 kyi de nyid sbyang// lus dang grib ma'i tshul bzhin du// rtag tu gnas pa grub pa yin// de ltar bsgrub pa grub pa na// las la sbyar ba brtsams par bya// sgrub pa'i dus kyi ting 'dzin ni// kha nag lta bu'i ting 'dzin
329b3 te// ji ltar snang dang grags pa kun// thams cad ma mo'i rang bzhin te// ma mo rang sems snang ba na// sems dang ma mo tha dad med// ting 'dzin man ngag de ltar ro// bzlas lugs bdag dang ma mo
329b4 la// dmigs pa mkhas pas shes par bya// bsnyen pa ma grub sgrub mi brtsam// bsgrub pa ma lus las mi brtsam// las ma grub par las kyi ni// lhag ma la sogs 'bras bu med// ma mo las thams cad kyis
329b5 las rgyud lung las// grub pa bstan pa'i le'u ste bzhi pa'o// de nas las la sbyar ba yi// dkyil 'khor rdzas rnams dgos par bya// dgra bo 'grub sa 'brub khung ste// drag po'i dkyil 'khor gru gsum bya// kun
329b6 kyang nag por byas nas kyang// nang du tsher mas bkang byas la// tha ma pho nya rtsang gis bskor// de ni las kyi dkyil 'khor te// de nas dgra yi dri ma drug/ ru pa'i rgyu las ru ba bya// srub mo'i lo ma rkang gis
330a1 phrum// skyin dang shal shul rgyal mtshan dum// grogs mkhar sa dang khri tshe phug/ dgra yi gzugs bya rang kha yi// rdzas rnams gang yang mi btang ngo// dpral bar ming la snying khar rus// sbyi bor oM
330a2 la 'doms su phaT// snyig khar hUM nag sgril ma'i bar// ni dang dza yi 'brub khung du// gan rkyal bzhag la lha dang dbral// srog lha dgra lha mo lha sogs// srung ba'i lha dang legs par phral// ma nyes 'o dod drag
330a3 tu 'bod// de nas ling khar dgra bsam la// kha ti ra dang bse shing gi// me la gzugs de gzugs par bya// de nas 'brub khur nang du gzhug// 'byung po kun tshim gtor ma btang// bden pa'i dam yang
330a4 legs par bdar// las kyi rdzas rnams dgos legs bya// sngon du bya ba'i las rnams ni// bsnyen rdzas skabs dang thun mong bya// ting 'dzin gsum dang mchod bstod par// gong ma bzhin du shes par
330a5 bya// thun bzhi'i sbyor ba ma chad na// las la sbyor ba'i rim pa ste// sngags kyang dgra bo dgug la sogs// gsad pa'i sngags dang bye brag las// tshig kyang bsad pa'i tshig yin// dgra bsad pa yi las yin
330a6 phyir// las la sbyor bar grags pa yin// ting 'dzin ma mo'i thugs kha nas// 'od zer nag mo lcags kyu 'dra// 'phros pas gza' ba'i lha dang dbral// lus la nad gzhi sna tshogs langs// bkrag dang gzi
330b1 mdangs nyams pa de// dkar nag dkyil gyi mtshams dag nas// mi yi sa bon nri bkug nas// 'brub khung ling ga la bstims nas// lcagadas kyu lta bu'i ting 'dzin yin// stong gi 'od zer khong pa nas// dgra
330b2 la sogs pa'i bzlas pa yin// mtshan ma byung nas ru pa ste// thun dbab ral gris gtubs pa ste// pho g.yas mo ni g.yon nas gtub// shin tu khros sems ting 'dzin bsar// de nas bsreg dang bsteb pa
330b3 bya// bsreg pa'i thal ba cha gsum ste// cha gcig b+h+yos gdab gtor mar btab// cha gcig mnan pa'i rten du bzhags// cha gcig shi ba'i rten phyogs su// gtor la brang brdung 'o dod 'bod// las la sbyar
330b4 ba'i du drug tu// za tshogs tha ma dgra ru bya// de ltar byas pa'i nam byed nas// sbyugs glu blang zhing gzu dpang gsol// brang brdung tsho nges chen pos brdab// lag mchog dpal gyi gtor ma bya// ma mo gang yang
330b5 bsre ba med// 'byung po kun tshim gtor ma sbyin// de la las bcos dpang yang gzugs// tshogs kyi 'khor lo chen po bskor// log la rang gi cho gas bsrung// las la sbyar ba yin par nges// ma mo
330b6 las thams cad kyi las rgyud lung las// las la sbyar pa'i le'u ste lnga pa'o// de nas las kyi lhags ma ni// thun ni 'di ltar bya ba ste// thun rdzas so sor dgram par bya// de la zhing gi dgra brtags sam// rgyus
331a1 chen dgrol ba bshams nas kyang// dang por khro bo byin dbab cing// gsur chen gtang zhing chas zhugs la// thun gyi ma mo bskul par bya// de nas thun gyi sngags bzlas te// ting 'dzin dug
331a2 gi na bun dang// mtshon gyi char pa nad kyi bskal// byung bar bsams pa na bun gyis// lta ba'i ting 'dzin yin par nges// de nas dur khrod 'chad pa 'am// byang ri mthon po'i khar 'dzegs la// ma mo bskul
331a3 ba thun dmigad bca'// de nas thun gyi lam bstan pa// bla nas phyogs dang 'bebs phyogs dang// thun gyi 'gro gzugs srin po dang// srin mo'i 'gros kyis bskor bar bya// rnga ma dang za 'phyong pa yi
331a4 tshul// brdeg tshul bskor ba lan gsum bya// de nas gyad kyi 'dug stangs dang// tha ma rten la brdeb par bya// thun gyi gzi byin bskyed pa ni// mchan gyi bu la 'phang ba'i tshe// bdun brgyud rtsa ba gcod sogs
331a5 yin// de nas brdeb pa'i gnas bstan pa// mchan gyi bu la khrag thun ya// de nas thun gnas nges bar 'chad// thun gyi mchan nyid shes par bya// khrag dang thos pas sna drangs te// drag po'i gtor mas gzhug
331a6 btul lo// de nas thun gyi dbye ba yang// gsad thun dang ni gso thun dang// bskang thun bzlog thun yin par nges// de re'i thun gyi rim pa yang// mkhas pas 'di ltar shes par bya// phur thun yungs thun
331b1 tshe thun dang// rdo thun chu thun zangs thun dang// mdung thun ra thun mda' thun dang// khrag thun thod bya thun dang// sgom thun kham thun snying thun dang// dug thun lug thun la sogs pa// brgya rtsa brgyad kyi thun
331b2 'phangs pa// ma hA de ba 'jig 'gyur nas// gling bzhi'i mi la smos ci dgos// thun gyi man ngag ma gol ba// dug gi na bun ti 'dzin yin// gol na rang la mtshon cha yin// ma mo las thams cad pa'i las
331b3 rgyud lung las// thun gyi le'u ste drug pa'o// de nas yang dag bshad bya ba// lhag ma nges par gdon mi za// bsreg pa'i cho ga yin par 'dod// bsreg pa'i dgra ni hom yin te// ma mo drag po las kyi
331b4 hom// dkyil 'khor rim pa 'di ltar bya// gru gsum pa rtsang dang bcas// zur du 'bar ba'i zhal gsum ste// logs kyi de bzhin shes par bya// zur gsum 'gugs byed lcags kyu gsum// logs gsum
331b5 'bigs byed tri shul gsum// shod rde byang dmar khram bam gdags// sngon dmar tshon gyi dra ba bgyi// de yi nang du gzas ba'i gzugs// ming byang btags pa sa la bya// snying khar gdan kyi 'brub khung
331b6 bya// gdug pa'i hom shing gzugs la bya// de la bsreg shing rtsang gis brgyan// de nas bde bar gshegs pa'i hom// phyi yi 'grub lung spangs nas ni// bsreg rdzas sbang ba'i sbyin sreg ni// kA la yag sha drag
332a1 po'i hom// 'phrin las rnam bzhi bcol ba yis// bya ba mi 'grub drag po 'byung// gzugs de thun dbab gtubs nas su// sngar rdzas drag shing bsreg byas na// gang yang phung bar the tshom
332a2 med// de yi ting 'dzin 'di ltar ste// dper na shing bsregs thal ba bzhin/ gzugs bsregs ni dang lus bsregs bsam// shing bsregs thal ba'i ting 'dzin yin// de tshe sreg pa'i sngags zlos pa/ drag
332a3 po'i me la dmigs la bzlas/gong ma drag po rdzas la dmigs te bzlas/ bzlas pa yin par shes par bya/ de nas drag po me yi rdzas// 'di ltar mkhas pas btsal bar bya// dug dang khrag dang ske tshe
332a4 dang// lan tshA nim pa la sogs te/ da du ra tsas dag lugs yin// yam shing dmar nag khrag dang dug/ dri chen dri chu mi rus phye// ske tshe lan tshA skra sen mo// zangs lcags 'khar ba ra gan phye// sha ba gla ba dgo
332a5 ba rnam/ri bong la sogs ri dAgs dang// bong bu rnga mo la sogs rtug// ji snyed rdzas kyi ro sreg sa'i maN+Dal du// rdzas dgod pa yi rim pa yang// me tog nag po dri mi zhim// ro ni kha ba'i me mar chen// mi
332a6 sogs sha ba'i lha bshos dang// khrag gi arga mchod yon sogs// mchod rdzas sngags pa'i g.yon du bzhag/ ming rus dri chen dri chu dang// bong bu rnga sogs rtug pa dang// tsher ma can gyi yam shing dang// tsha ba'i
332b1 dmar nag skra sen sogs// sngags pa rang gi g.yas su bzhag/ dgang gzur blugs gzar ma dun du bzhag// rdzas de bsreg pa'i ting 'dzin yang// yam shing la sogs 'bar bas spras// de ni bza' ba ru pa
332b2 ste// 'bar ba'i 'od la bsreg par bya// mar sogs 'ju ba'i rjas rnams ni// de dag bza' ba'i khrag tu bsam// de ni ma mo'i zhal du dbul// dri chen la sogs rdzas rnams ni// de ni bza' ba'i sha yin
332b3 te// ma mo'i phyag tu dbul bar bya// drag po hom gyi me de yang// sme sha can dang rdol pa po// mi sdong shan pa'i khyim nas blang// de ltar bsreg pa'i thabs shes na// rdzas bsregs nges par dgra bgegs
332b4 yin// 'di dag las kyi kha tshar las// sbyin sreg yin par gsungs pa ni// las kyi kha tshar ma shes par// las la sbyor ba wa dang 'dra// dper na mda' la mde'u med pas// bsgrub bya 'bigs par mi nus
332b5 so// las dang las kyi cho ga sogs// gcan gzan stag gi mche ba 'dra// dper na mda' la mde bcug bzhin// las med las kyi kha tshar yang// mgo bo med pa'i rnga ma 'dra// mgo med rnga ma 'gro ba med// de
332b6 ltar las dang kha tshar gnyis// bye brag mkhas pas shes par bya// las dang spyi dang bye brag de// kha tshar spyi dang bye brag yin// dper na sreg pa'i me la yang// zhi rgyas dbang drag mngon spyaud rdzogs// me yi bye
333a1 brag mkhas pas dbye// las dang las kyi tshar las// mkhas pa sbu gri'i so dang 'dra// de bas 'bad pa thams cad kyis// las gzhan legs par shes par bya// las kyi gzhung la ma rmongs
333a2 shing// sems can brtul zhugs dang ldan pa// dug gi sngong po yin par nges// las gzhung 'di la sgrub lugs gsum// dang po bka' yi sgrub pa ste// gnyis pa bka' brten bsgrub pa yin// gsum pa man
333a3 ngag sgrub pa'o// bsgrub pa de la dus gsum ste// rgyal ba nga yi sku bzhugs dus// nga yi bstan la gnod pa la// bsgrub pa'i las rnams bcol dgos te// ma mo mkha' 'gro la sogs pa// mdongs sol tshul du
333a4 las byed pa// de ni bka' yi sgrub pa yin// rgyal srid yod pa'i rgyal po bzhin// nga ni mya ngan 'das 'og tu// nga yi gsung gi byin brlabs dang// dge bcu dag la gnas pa dang// bka' bsgo las bcol byed
333a5 pa'i dus// bka' brten pa'i sgrub lugs yin// rgyal srid phar brten tshur brten bzhin// snyigs ma mi dge bcu yi dus// man ngag gi ni bsgrub pa ste// ma mo rang gi man ngag las// bka' yis 'dul bar mi
333a6 'gyur te// dper na rgyal khams sil bu bzhin// de ltar bsgrub pa'i man ngag sbangs// tho chor ma mo sgrub byed pa// rang yang phung la gzhan la 'ang gnod// de bas mi shes rmongs pas rmongs// ma mo
333b1 las thams cad pa'i las rgyud lung las// hom gyi le'u ste bdun pa'o// de nas nges bar gdon mi za// las rnams 'di ltar shes par bya// sbyin sreg byas pa'i thal ba dang// dgra yi dri ma drug po la// mnan
333b2 pa'i ling kha bya ba ste// mnan pa'i rten ni du yod pa// 'khrul 'khor grangs kyang de tsam bya// gnan pa'i gzhan ma ro ras sogs// de la dug sogs rdzas kyi sku// thebs pa'i dus su 'khrul 'khor
333b3 bca'// mnan pa'i 'brub khung bdun byas la// de la dgra yi gzugs brnyan bdun// bdun rgyudartsa ba yin par nges// yang na de yi gnas bdun gyi// gzugs brnyen mdun du mkhas pas bsam// zhal las
333b4 byung bar 'brub khung la// ling ga de bzhin shes par bya// phyi ru rdo rje rgya gram la// man ngag can gyis ling ga bri// sngon dmar thun gyi dkyil 'khor yin// de yang yan lag rdzogs par bri// snying khar ming la
333b5 dbral bar rus// spyi bo snying ka 'dom bar du// oM dang hUM nag phaT ser nri// dbus kyi 'brub khung tha ma ru// gtso bo'i sngags bris ma mo yi// gsang sngags rim par bris nas kayang// de la thun gyi sngags
333b6 rnams bri// de la sde brgyad gnyan dgu'i sngags// de rdzas mnan pa'i sngags kyang bri// gzugs kyi bla gnas rnams su// byang dang phur pa dza lcags kyu// mda' la sogs pa'i za byed bri// srog gi za byed bdun
334a1 yin te// mdzes la sogs pa za byed dgu// bla nas gnas pa mkhas pas bri// bla gnas man ngag ma shes par// thun 'debs phur 'debs gris gtub pa// de ni zhe sdang don med yin// bla
334a2 gnas rnam pa gnyis yin te// tshes gcig la sogs bla gnas ni// de ni mi 'gyur bla gnas yin// bya'i me'u chung gshang lcags gnas// byi ba la sogs lo bcu gnyis// dpyid zla ra ba la sagos pa'i// zla ba
334a3 zhag ni sum cu dang// dus tshod bcu gnyis la sogs pa'i// 'di ni 'gyur ba'i bla gnas so// rtsang dang gri dang dza la sogs// lha srin gang gi rab bri// tha mar dbang gi kha byang gdags// gtad dang khram
334a4 gnyis sbel mar bri// rang gis nyes na dpang mi gzugs// bar du dbye ba'i phra ma gzhug// bden tshig ma lus sog par bri// de nas mnan pa'i sa yang rung// 'byung po kun tshims gtor ma gtang// dar nag re
334a5 nag gur phur la// dang por za byed gang yin pa'i// rten las rang gi snying po bzlas// sku ru bzhengs la mchod bstod bya// za byed rnam pa bzhi yin te// srog gi za byed gshin rdze yin// zha gram za byed
334a6 pa bdag la// smyo 'bog za byed rgyal po yin// mdze nad za byed klu yin no// za byed gang yin mnyes byas la// de la mnan pa'i las bcol lo// bza' ba lha dang dbral byas la// mnan pa'i 'khrul 'khor
334b1 gzugs la bstim// de nag lha srin sde brgyad do// de nas 'khrul 'khor dri byas nas// sngon dmar skud pas rgya gram bri// skud pa'i sngags kyang bzlas shing bri// de nas la ca'i sbal bar gzhug// re ba nag pos
334b2 dral ba dang// de nas thod pa'i nang du gzhug/ thod pa rlung dang chu la sogs// mi tshor ba ru bsrung byas la// de nas sa de tshad du brko// de yi khung par thod pa gzhag/ sa de lha srin rten yin pas// de gzhag
334b3 rten la gtad pa'o// de ltar gtad dang khram bris pas// 'di ni gtad pa'i khram zhes bya// gtad cing khram du btab pa de// mi chor phyir na mnan pa bya// mnan pa re zhig bdun yin te// bsgom pa po la bdun
334b4 po de// las byang nang du shes par bya// de ltar byas pa'i ting 'dzin ni// mi bzung lcags bcug ting 'dzin yin// de ltar bzlas pa'i sngags rnams ni// lha srid la dmigs bzlas pa yin// thun ni spu gri lta bu
334b5 ste// lo ma yal ga gcod pa yin// mnan pa ste re lta bu ste// bdun rgyud rtsa ba gcod pa yin// srog gi mtha' sdug mnan pa yin// ser ba'i mtha' sdud rta ma yin// ma mo las thams cad kyi las rgyud lung
334b6 las// mnan pa'i le'u ste brgyad pa'o// de nas yang dag bshad bya ba// khar nag thun gyi sngags rnams ni// dkar nag sngo dang dmar mo ser// phying kha log ste gsang ba' thun// oM badzra gi bi hUM kar po ma hA
335a1 bar ga hUM phaT// nag po sa shis shi bla shi sa zad hUM phaT// sngon po// lo shi kha la rag+sha rbad na hUM// dmar po// du ra sa thim na dgra bo hUM// ser po'i sngags so// ma mo thams cad kyang rgyud lung
335a2 las// spyaud lam khar nag thun gyi le'u ste dgu pa'o// da ni lta ba bshad bya ste// gnyis me lta bas thag bcad nas// spyod pa chen po la dor ro// 'khor dang mya ngan 'das pa'i chos// rtogs na de gnyis ga la
335a3 srid// rtog pa log pas gnyis snang ste// de la mi mos log rtog can// rang la mngan byed go ba'i sems// bsten bsrung skur 'debs gshags byed pa// de yi 'khor ba'i ngan 'gror ltung// thugs rje chen po
335a4 sa bsgral bar bya// de lta'i lta ba dang ldan na// lta ba de nyid sangs rgyas yin// shin tu gdug pa'i zhe sdang can// ji srid 'di ni gsang bar bya// 'di ni nga yis dgra yin zhes// rgya cher ma rtogs gol sems
335a5 can// zhe sdang sol pa'i sdong po 'dra// de ni 'khor ba'i sha yang sar ltung// gzhan yang phra mo'i lta ba ni// sbyod lam kun tu ma gol bar// bdag nyid che mchog gtso bor lta// g.yon rnams thams cad yum du
335a6 lta// mdun rnams thams cad ma mo'i tshogs// bka' lung nyan cing las byed lta// rtsi shing nags tshal la sogs kun// thams cad ma mo'i tshogs su lta// bza' dang bca' dang btud dang bgo// longs sbyod
335b1 tshogs su snang ba kun// thams cad ma mo'i zas su lta// snod kyi 'jig rten gzhal yas khang// bcud du gnas pa 'khor sogs lta// steng ni zhing gi g.yang gzhi gsol// 'og ni khrag gi rgya mtsho sogs// bar
335b2 ni keng rus rtsig par lta// spyod lam kun tu blta bar bya// ma mo thams cad kyi las rgyud lung las// spyaud pa'i le'u ste bcu pa'o// de nas rnal 'byor sbyod pa ni// longs spyaud mi khrag sha la rlom// khyad par tshil
335b3 chen sha dang rkang// bris sku g.yas g.yon kun tu yang// sbos kyi na bun 'thibs par bri// mdo long dre rta zhon pa kun// bud med tshul du lab chung bgo// sor tshigs 'phreng ba 'bral mi bya// na chung gzhon pa'i
335b4 gos legs bgo/tshil chen me mar bltam byas la// bris sku de yi tha ma ru// 'gro dang 'dug dang bskor dang 'bud// rkang gling bud cing cha lang brdab// gsang ba sngags kyi sko dang skang// mis mi mthong bar
335b5 drag tu bzlas// 'gro dang 'du 'dzi zas dag la// chags par mi bya thod pa'i rnga// brdung zhing mdo long spyugs glu blang// drag po dag la zhugs ba'i tshe// phyar ba gon la mchi ma btang// gdung ba'i smre sngags
335b6 gdon par bya// thun la zhing gi skra btags 'then// sha chen dag kyang za bar bya// skom na khrag kyang btung bar bya// de ltar byas nas 'grub par nges// gzhan yang sbyod pa 'di lta ste// ras chen dag ni blangs
336a1 nas kyang// rang la mos shing shis ba yi// ma mo bri sku 'dra 'bag sogs// byed pa sbyod pa yin par 'dod// gzhan yang khyad par zhing chen gyi// sha dang khrag dang tshil chen sogs// gtor ma rtag
336a2 tu gtang par bya// ma mo thams cad pa'i las rgyud lung las// sbyod pa bstan pa'i le'u ste bcu gcig pa'o// de nas sngags pa'i dam tshig ni// snying rdze dus dang ldan pa ru// chu bo chen pa'i gzhung bzhin du// lha
336a3 mi sbang zhing bla ma bkur// dam 'dres gsang ba'i 'tshang mi 'bru// 'og ma mi shes snying rdze bskyed// gsang sngags sgra dang ting nge 'dzin// spyaud lam kun tu rgyun mi gcad// bza' dang btung ba thams cad
336a4 la// lha la phud dbul nar pa bshags// dam rdzas ma 'tshoms lha mi bod// bud med tshogs la smad mi bya// rang gis nyes na dpang mi gzug// rnal 'byor rnal 'byor thams cad la// dus dang rtag tu smad mi
336a5 bya// dkon mchog spyi ched dang du blang// de ltar byas na myur du 'grub// nga rgyal mi bya g.yo sgyu sbang// snyan dang chags dang grags pa dang// khye dang bkur sti longs spyod yang// dam tshig don du thams cad
336a6 sbang// bsgral ba'i las rnams ma shes par// drag po'i las rnams thams cad sbang// sems can kun la snying rdze zhing// rdo rje spun la gdung sems bskyed// rgyu du brtag cig gtor ma gtang// lo gcig dang
336b1 la rgyu ba ni// tshes gcig lo gsar gnyan po yin// zla ba gcig la rgyu ba ni// nyi shu dgu la gtor ma gtang// zhag gcig dus ni bzhi yin te// nang nub nyid gung mtshan gur ste// dus der bya ba kun byas
336b2 te// 'grub par gyur pa the tshom med// ma mo las thams cad pa'i rgyud lung las// dam tshig bstan pa'i le'u ste bcu gnyis pa'o// de nas ma mo de dag ni// dbye ba 'di ltar shes par bya// kun tu bzang mo la
336b3 sogs pa'i// yang gsang ma mo drug pa yin// kun tu bzang po de nyid la// dbye ba'i rnam pa 'di ltar ste// kun tu bzang mo rgyal mo bzhi// de bzhin gtso mo nyid bzhi ste// kun tu bzang mo'i kha blon bzhi// de
336b4 bzhin grub blon ma bzhi'o// mtshams kyi blon mo bcu gnyis te// bar mtshams blon mo bcu gnyis yin// de yi sman mo bcu gnyis yin// go la ma gzhi sring mo bzhi// kun ru bzang mo'o ma mo bdun// sring mo
336b5 bdud te gzhon nu bzhi// bcos su mi rung ma mo brgyad// bcos nas grub pa'i ma mo gcig/ de ltar 'gyur ba'i ma mo rnams// kun tu bzang mo'i ma mo yin// dpag bsam shing gi bum pa la// ma mo 'di
336b6 rnams gnas pa yin// yang gsang ma mo lnga po la// gong bzhin rgyal mo bzhi la sogs// ma mo dbye ba 'di lte ste// ri rab kha khyer dang po na// rang rang gral gyi rim par gnas// yang gsang ma mo dbye
337a1 ba'o// ye shes ma mo bcu bzhi yang// re zhig mkhas pas 'di ltar dbye// dper na nyi zla thod 'phreng can// thod 'phreng can gyi kha blon bzhi// de bzhin gru blon ma bzhi dang// mtshams kyi blon mo
337a2 bcu gnyis dang// bar mtshams blon mo bcu gnyis yin// sman mo bcu gnyis go le bzhi// sring mo bzhi dang ma mo bdun// sring mo bdun te gzhon nu bzhi// jir mi yongs kyi sbun bzhi dang// bcis su mi rung
337a3 ma mo brgyad// bcos nas grub pa'i ma mo gcig/ 'di dag nyi zla thod 'phreng can// de yi ma mo dbye ba ste// 'phra med rgya mtsho la sogs pa'i// mkha' yi ma mo thams cad la// dbye ba rims bzhin shes
337a4 par bya// dpag bsam shing gi 'khor lo la// ri rab bang rim bar ma la// rang rang gral gyi rim par gnas// mkha' yi ma mo dbye ba'o// srid pa chags byed la sogs pa'i// sman mong dbye ba 'di lta
337a5 ste// dper na srid pa chags byed kyi// sman mo'i rgyal mo bzhi dang ni// de bzhin sman mo kha blon bzhi// bcos na grub pa'i ma mo'i bar// de tsam ma mo'i rim par gnas// srid pa chags byed la sogs// rang
337a6 rang gram gyi rim par gnas// ma mo kun la de bzhin dbye// dpag bsam shing gi 'khor lo la// ri rab bang rim tha ma la// rol mtsho ri rab gling dang yangs// lcags ri rgya mtsho dur khrod sogs// sman mo'i
337b1 tshogs kyi dbye ba ste// dper na smug mo'i tshogs la yang// smug mo'i rgyal mo kha blon bzhi// smug mo'i grub blon mtshams blon mo// smug mo bar mtshams blon mo dang// smug mo'i dmar mo go le ma// smug mo'i
337b2 srid mo ma bdun dang// smug mo'i brgyad mi cig dang// smug mo'i tshogs kyi dbye ba ste// dkar mo la sogs de bzhin no// sngags pa gang zhig ma mo'i dbye mi shes// mu chor skong dang bskul dang las 'chol
337b3 dang// gnad las 'bod cing las byed mdos bcos ba// rang yang tshe thung 'jig rten bkra mi shis// de bas srog lus rdzas rnamasakyis// bla ma mnyes bya dbye ba'i man ngag brtsam// dper na rigs bzhi'i
337b4 dbye ba shes tsam gyis// rgyal rigs dbye ba zhib mi 'gyur// de bzhin rigs gsum ma mo shes tsam gyis// ma mo'i bye brag mi shes so// ma mo las thams cad pa'i las rgyud lung las// las kyi ma mo dbye ba
337b5 bstan pa'i le'u ste bcu gsum pa'o// de nas las kyi ma mo yi// gnas kyi dbye ba 'di lta ste// re zhig gnas ni rnam pa gsum// rang bzhin las las grub pa'i gnas// de ni ri rab gling yin te// btul nas
337b6 dam tshig dpog pa'i gnas dur khrod ro dang nag po gnas// skar ma 'od kyi bu mo dang// kun tu bzang mo'i mkha' dbyings dang// dbang phyug chen po'i gdan stengs dang// srin mo rgya yi gral sa dang// ma ru rtse
338a1 yi sgo 'gram yin// las byed zas byed tshol ba rnams// dur khrod la sogs gnas rnams yin// de dag rim pa rgyas par dbye// dpag bsam shing gi bum pa yin// dbus su kun tu bzang mo
338a2 yi// rgyal mo bzhi yi gnas yin te// de yi phyi rol bum pa la// phyogs bzhir nam mkha'i blon mo bzhi// mtshams su grub blon bzhi yi gnas// de yi phyi rol cha la ni// phyogs mtshams bcu gnyis cha la
338a3 ni// mtshams kyi blon mo bcu gnyis gnas// de yi phyi rol bum pa la// phyogs mtshams bcu gnyis chas la gnas// sman mo bcu gnyis gnas pa'o// go le ma ste g.yog mo bzhi// phyir byung nang 'jug kun la
338a4 dbang// de yi phyi rol bum pa yin// phyogs mtshams bcu gnis cha la ni// srid mo bzhi dag ma bdun gnas// de yi phyi rol cha dag la// phyogs mtshams bcu gnis cha la ni// srid bdun bzhon bu bzhi
338a5 yi gnas// de yi phyi rol bum pa'i chu// phyogs mtshams bcu gnyis cha la ni// spun bzhi ma mo brgyad kyi gnas// de ni dpag bsam bum pa'i cha// phyogs mtshams dag la lnga yi cha// phyogs mtshams lnga yi cha la
338a6 ni// go le bzhi dang ma gcig gnas// de ltar rim pa dgu po yang// de ni dpag bsam bum pa ste// nang du dar gyi gur dkar dgu// gsang ba rin chen sna lnga yin// khang pa brtseg ma sgo dgu can// kun tu
338b1 bzang mo'i gnas rnams so// ri rab kha khyer shar phyogs su// dbus su shar gyi ma mo yi// rgyal mo bzhi yi gnas yin no// shar phyogs de yi rim pa brgyad// chu la dbang pa'i rgyal mo yi// kha blon bzhi sogs
338b2 brgyad kyi gnas// phyi nas ri rab kha khyer te// nang du dar gyi gur dgu ste// gsang ba rin chen khang pa dgu// shar gyi ma mo'i gnas yin no// ri rab kha khyer dang po yi// lho yi dbus su lho phyogs su// rgyal mo
338b3 bzhi yi gnas yin te// 'di dag rang bzhin gnas kyi las// grub cing las rnams byed pa'i gnas// gling dang dur khrod la sogs pa'i// btul zhing dam tshig phog pa'iganas// ma ru rtsa yi sgo 'gram yin// de
338b4 ltar mkhas pas shes par bya// lho phyogs de yi phyi rol tu// chu yi rgyal mo kha blon dang// grub blon bzhi yi gnas yin no// de bzhin rim pa bdun gyi bar// lho phyogs rgyal mo'i gnas yin te// mdor na rin
338b5 chen khang bu dgu// rin chen mdzes ba'i sgo dgus spras// ri rab bang rim dang po'i nub// dbus su rgyal mo bzhi yi gnas// kha blon grub blon brgyad kyis gnas// de yi phyi rol mtshams blon gnas// ri rab
338b6 kha khyer byang phyogs kyi// rim pa drug la de bzhin gnas// phyi nas ri rab nub phyogs te// nang du dar gyi gur dgu yin// gsang ba rin chen khang bu dgu// me la dbang ba'i rgyal mo gnas// ri rab kha khyer byang
339a1 phyogs kyi// dbus kyi rlung la dbang ba yi// rgyal mo bzhi yi gnas yin te// de yi phyi rim la sogs brgyad// kha blon la sogs brgyad kyi gnas// khang bu dgu la sgo dgu ldan// dpag bsam shing
339a2 gi bum snying po// nam mkha' rigs kyi rgyal mo yi// rgyal mo bzhi yi gnas yin no// de yi rim pa brgyad la ni// kha blon la sogs sde brgyad gnas// nam mkha' stong la dbang sgyur ba'i// rgyal mo rnams kyi
339a3 gnas yin no// de ltar 'gyur ba'i gnas rnams ni// yang gsang ma mo drug gi gnas// de nas blon mo tshogs kyi gnas// mkhas pas 'di ltar shes par bya// dpag bsam 'khor lo 'bar ba'i dbus// ye
339a4 shes ma mo gtso mo yi// rgyal mo bzhi yi gnas yin te// de yi rim pa brgyad la brgyad// de yi gnas su mkhas pas brtag/ 'khor lo'i nub dang byang dang shar// lhor yang ma mo de bzhin gnas// kha khyer la ni
339a5 sde bzhi ste// skyed pa dang ni rtsa ba dang// ye shes ma mo sde lnga gnas// de ltar bang rim bar pa ni// blon mo rnams kyi gnas yin no// dpag bsam 'khor lo tha ma yi// dbus la sogs pa'i rim pa dang// ri
339a6 rab kha khyer tha ma yi// shar la sogs pa'i rim pa dang// dpag bsam shing gi rtsa ba dang// ri rab rtsa ba rgya mtsho'i gting// rol mtsho brag dang gling rnams dang// sa dang chu dang brag dang ri// dur khrod grog
339b1 ral khang ral sogs// lcags ri dang ni gling mtshams kun// sman mo rgyal mo kha blon dang// grub blon mtshams kyi blon mo sogs// de dag gnas su shes par bya// ri rab bang rim dang po yang// rin chen
339b2 bzhi las phyogs bzhi grub// de la rin chen mdzes pas spras// bang rim gnyis pa de las zlog/ bang rim gsum pa de las 'gyur// de dag gsum las lcog lnga ste// gtso mo rnams kyi gnas yin no// dpag
339b3 bsam shing gi rtsa ba yang// bai DUr+Ya yi rang bzhin te// pad+ma ra gas mdzes par brgyan// de yi 'khor lo gser yin te// dung dang bai DUr+Ya yis mdzes// dpag bsam shing gi sked pa ni// pad+ma ra ga'i rang bzhin
339b4 te// bai DUr+Ya dang gser gyis mdzes// de yi 'khor lo dung yin te// dung dang iN+Da ni las mdzes// dpag bsam shing gi rtse mo ni// gser dang dmar dang dkar gyis spras// de yi 'khor lo pad+ma ra// rin chen
339b5 sna tshogs mdzes pas spras// de ltar dpag bsam shing de yang// lha srin bsod nams stobs las byung// kha cig bza' dang longs spyod de// kha cig gi ni gnas dang rten// dpal gyi khang pa gzhal yas
339b6 khang// rang bzhin gzhi bkra mdzes pa yod// dpag bsam shing gi rtse mo yi// stobs las rtsa ba'i dkyil 'khor la// myu gu mdzes pa sna tshogs byung// ma mo sman mo rol mo sa// dpag bsam shing gi sked pa
340a1 dang// rtsa ba gnyis kyi stobs las ni// sked pa'i 'khor lo me tog dag/ dbyibs dang kha dog sna tshogs byung// blon mo 'khor gyi rgyan dang mdzes// rtsa ba gyes pa rtse mo'i stobs// rtse mo 'khor lo
340a2 'bras bu dang// dgos 'dod rnam pa sna tshogs dang// kha dog dbyibs dang ro dang dri// sgra dang reg bya khyad par can// dpag tu med pa 'byung ba dang// dpag bsam shing zhes bya bar grags// de ltar dpag
340a3 bsam shing de yang// mdor na rgyal mo rnams kyi gnas// khang pa rnams kyi snying po'i// ma mo las rgyud lung las// las kyi gnas so sor bstan pa'i le'u ste bcu bzhi pa'o// de nas las kyi ma mo yi// nad dang
340a4 dal gyi rkyal pa ni// mkhas pas 'di ltar shes par bya// rgyal mos glang po'i rkyal pa ru// nad ni sna tshogs bkang nas gtong// gtso mos steng gi rkyal pa ru// mdze nad sna tshogs bkang nas gtong// blon mos
340a5 rta yi rkyal ba ru// 'brum bud 'brum bu gu leb dang// shu bas bkang nas phung bar byed// kha blon mo yis rkyal pa ru// 'bras skugs phol gyi nad kyis bkang// grub blon phar ba'i rkyal pa ru// rna gzer mgo
340a6 skrangs glo zad byed// mtshams kyi blon po smig pa'i rkyal// bal nad lhog pa dkar nag byad// bar mtshams blon mo bya yi rkyal// gsha' ya rgya nad rgyu gzer rmu// go les stag gi rkyal pa ru// skrangs 'thibs smyo
340b1 'bog chu ser nad// ma bdun rnga mo'i rkyal pa ru// lkugs rkegs 'dar bu rgyu skams lkugs// sring bzhi pags pa'i rkyal pa ru// 'khru skyugs klad gzer snying gzer nad// gzhogs phyed bskams dang lus
340b2 gdong g.yon// las byed lcags kyi rkyal pa ru// pho mtshan mo mtshan skra bas bkang// sman mo mi yi thod pa thogs// nad ni sna tshogs thod par blug/ re ma ti ste bdud mo ni// rkyal pa sngon dmar sna tshogs
340b3 su// nad dang rims dang dal gyis bkang// stong khams sngon dmar 'ja' yis bris// nag mo spun dgu'i dbye ba'o// ma mo las thams cad pa'i rgyud lung las// nad bstan pa'i le'u ste bco lnga pa'o//// de
340b4 nas las kyi ma mo yi/khram shing rde shod byang dmar rnams// 'di ltar mkhas pas shes par bya// rgyal mo khram shing byang dmar ni// pug gi shing las byas pa yin// ye shes ma mo rtsa yi shing// sman mo tsher ma
340b5 can gyi shing// rgyal mo khram ni rtseg ma ste// blon mo'i khram shing spel mar bya// sman mo'i khram ni zur gsum mo// rgyal mo byang bu dmar ser la// blon mo byang bu dmar ljang yin// sman mo byang bu dmar nag
340b6 go/rgyal mo'i shod rde dmu rde ste// blon mo'i shod rde srin rde gnag/ sman mo'i shod rde klu rde yin// rgyal mos rgyal rigs rgan mo rnams// khram la 'debs dang shod la 'debs// de bzhin byang bu'i dkyus su
341a1 'dzud// blon mo bram ze rje rigs dang// sked mgo na chung bar ma rnams/ khram la 'debs dang shod la 'debs// byang bu la 'dzud shes par bya// sman mo dmangs rigs byis pa chung/ khram la
341a2 'debs dang shod la 'debs// byang dmar dkyus la 'dzud bar nges// de lta'i khram la sogs pa yang// khram kha ma brts-is khram mi thebs// de nas khram pas khram kha brtsis// shod la ma btab shod
341a3 mi thebs// de bas mkhas pas shod kha gdab// byang bu ma bris byang mi thebs// de nas mkhas pas byang bu bris// 'di yang las kyi kha tshar te// kha tshar gzhan ni thun mong ste// brnag thun khram la sogs pa
341a4 'di// man ngag dam pa 'di la yod// de bas gsad par 'dod pa yis// man ngag 'di la nan tan bya// de yi nang nas khram kha gtso// 'di ni nad kyi khram kha ste// 'di mi shes pa'i sngags pa dag/ byang gri yu ba
341a5 bud pa 'dra// bsgrub thabs las 'di shes par bya// dgra gsad bya ba byed mi nus// da nas ma mo khram brtsi sogs// 'di la mkhas pas nan tan bya// re ma ti ni 'dod khams bdag/ de yi phyir na shing ris
341a6 gsum// ma mo khram shing byang dmar yin// snang srid bdag mo yin pa'i phyir// rdo ba gsum phyar shod rde yin// 'dod khams gtso mo yin pa'i phyir// rgyal rigs la sogs bzhi rnams dang// gtso mo la
341b1 sogs mi tshan gsum// 'di yis khram la 'di yis thams cad 'debs// shod la 'debs shing byang bur 'dri// srog dbugs kun gyi bdag po'i phyir// de nas man ngag ma btsal na// khram kha ma shes rang la
341b2 khram// sbyor ba nyes ba rang la ldog/ shod kham shes rang la shod// byang bu ma shes rang la rgyud// sbyor ba ma shes rang la ldog/ tshig tu 'don pa wa spre 'dra// don dang sbyor ba mkhas bas btsal// sbyor ba dag dang
341b3 don shes pa'i// bla ma de ni rdo rje 'dzin// de dang rtag tu 'bral mi bya// ma mo thams cad pa'i las rgyud lung las// ma mo khram la sogs pa bstan pa'i le'u ste bcu drug pa'o//// rdzogs so////


CLOSE WINDOW